(((شميت ريحت سهج))) [الأرشيف] - -:: واحات بن دبي ::-

مشاهدة النسخة كاملة : (((شميت ريحت سهج)))

بو عمير

11-10-09 ||, 10:34 AM

السلام عليكم ورحمة الله وبركاته
مرحبا اخواني

بقول لكم سالفتي هي مهمه بس علشان تعرفون وتحطاطون

من شهر اروح ريحت سهج (ريحت سمج) عندي في الغرفه اتي وتروح أتساءل انا والحرمه شو السالفه ونستغرب
شو هالريحه ؟
من وين الريحه؟
نحن ما عندنا سمج في الثلاثه؟
كيف يت الريحه
المهم راحت ايام ويت ايام والريحه اتي وتروح لين زادت الريحه بشكل اوضح من قبل
المدام قالت لي: هاي الريحه تطلع من الثلاثه
المهم في اليوم الثاني وبعد صلاة الفجر قلت إلا أعرف من وين الريحه يت
رحت صوب الثلاجه وأول ما طاحت عيني شفت ((الساكت)) محترق. على طول بندت الثلاثه وسحبت الواير وأول ما سحبته طلع احد رووس الواير محترق وذايب وحار لدرجت اني حطيته على الثلاثجه شوي ذوب الثلاجه لا وحتى طاح من الواير
وقلت الحمد لله انه ما صار شوط وإلا احترقنا في البيت

فأنا كتبت هذا الموضوع حتى تعرفون إذا شميتو ريحت سهج في البيت فهذا يعني إن شي في الكهرباء محترق
وبس
والسلام عليكم ورحمة الله وبركاته
وإسمحولي على التنقيعات

الا انا

11-10-09 ||, 11:14 AM

وعليكم السلام ورحمه الله ..!

الحمدلله .. الله سلمكم ..!

الكهربااا خوفه ><

انا وايد اجازف بهالسوالف >< يعني عادي ايدي فيها ماي وامسك الكهربا ><"

هبله لوول ^_^

الحمدلله ع سلامتكم ..!

مشكور عالتنبيه .^^

مزن هتان

11-10-09 ||, 12:45 PM

الحمدلله ربي سلمكم
أنا عندي عقده ما تتصورون لأي درجه من الكهرباء

بارك الله فيكم كلش لا تقربون الكهرباء
يعني إذا واير متقطع ع خفيف و إلا أحيان واير يكون مقصوص ممم من دون رأس
لا تلمسوه كلش و إذا أياديكم مبلله

أكره حاجه اسمها كهرباء
أنا إذا أريد أركب مثلا شاحن المبايل ع ساكت لازم أول شيء افصل الكهربا
و غالبا اطلب من خواتي يركبوا لي
هاي روح و يا روح ما بعدج روح

و دمتم سالمين

بو عمير

12-10-09 ||, 07:23 PM

أشكركم على المرور والإضافه

تحفه

12-10-09 ||, 11:55 PM

حمدلله الله سلمكم وماستوابكم شي ...

طفلة من هذا الزمان

13-10-09 ||, 12:16 AM

صار لي هالموقف في المدرسة ،، دخلت صف و ريحته كاانت سهج ،،

المشكلة انه كان من صباح الله خير يعني منوو بيطبخ سمج هالوقت !! تميت مب مرتااحه لين ما عطيت البنات بريك 5 دقايق ,, طلعوا كلهم و انا طلعت وياهم

وحده من الطالبات وحليلها .. يت تبا تبند المكيف واستوالها التمااس ،، لولاها ما عرفنا ان وايرات المكيف بادية تحترق .."ترى البنت بخير لا تحاتون :tounge: "

بس درس تعلمته ،، ماكنت ادري ان ريحة الكهربا ريحة سهج .. بس في نفس الوقت استوت لي فوبيا :whistling:

تشكر ع المعلومة ياخوي ..

شوق القلوب

13-10-09 ||, 02:31 AM

السلام عليكم...

صدقت يا اخوي .. هالشي الواحد لازم ينتبلهم..

يت فتره كنت اشم هالريحه في غرفتي... مرات اتكون وايد قويه لدرجه انه اي حد يطوف من جدام الغرفه يشمها.. بس مرات تختفي.. و الاغرب انها ما كانت تطلع الا في الليل...!!!

اخر شي اكتشفته انه السبب من الليت..! يوم اشغل ليتات الغرفه تطلع الريحه .. كانت النقطه فيها شي.. و هي اللي اتسبب هالريحه الخايسه ..

دمعة شوق

14-10-09 ||, 12:53 PM

الحمدالله ع سلامتكم يااخويه ^^

الموز

14-10-09 ||, 06:19 PM

الله يعينكم

مــهــابه

14-10-09 ||, 08:13 PM

انـا من الـنوع اللي ما اهـتم فـ الكهربــا ، آرقد وتـلفوني فـ الجارج ويكون عـند رآسي

جـآرج اللاب تــوب شغــآل

><

الحمـدلله ع سـلآمتكم اخويه