.. يمعتنا يا محلاهـــــــا ..

[مزن هتان]

خالاتي و البنات و الشباب بينزلون قبرص، ابوي مش طايع اسير
بعفن في الامارات

[المزوحي]

رمش الغلا، إن شاء الله تنبسطون

مزن هتان، في شي يسونه قبل مايكلمون الوالد ( آياتخفيفه تنقرا ) وسيري كلميه، بيوافق لووووول ..



أحب اتصفح المجلات الاجنبيه، ولو إني ماعرف وايد من المصطلحات، اي نوع من المجلات او الجرايد تحبون ؟؟

(هذا لو حد منكم يحب .... ) !

[عهد الوداع]

هلا المزوحي

انا عن نفسي احب انووع في المجلات اقرااا اي شي عاادي ...بالنسبه للجرايد بس اقرا الخليج ..


حد اهنه ...

[مــهــابه]

صبـآحـكم ورد


~ اليـوم مب يـوم لـو مـآقرينـآ فيه الجريده ، لآزم آنكون ع درايه باللي حولـنا


شخصيـاً آقرأ ، الخليج ، البيــان وسـابقـاً الآمارات اليوم

[رمــش الغـــلا]

^ ولي يومج أحب الامارات اليوم .. هـ الجريدة عندي غـير ^__^


شو تسوون ؟

احلى يوم فالاسبوع عندي .. احس انه عندي وقت اسوي شي لول =)
Day off from teaching كشخة رديت من الدوام 12 ونص =)

[أنامل قلب]

^ شلون لقيتي شغل التدريس رمش !
يعني بعد ما بديتي بالجد ..

أحس سوالف الصغارية حلوه ..

[رمــش الغـــلا]

الحمدلله مستـآنسة ..

اول اسبوع كنت اصيح >< وارجع البيت مضغوطة ما اشوف حد وما الحق اسوي شي

كنت اقول ما بكمل ..! وياليتني ما داومت ... وووو


بس الحين صح ضغط ويالله تخلصين معاهم وتفهمينهم وتلحقين اتسوين كل شي ..
بس فالنهـآية كفاية اشوفهم فاهمين ويجابون واولياء الامور مستـآنسين ها شي كبير بالنسبة لي ..^__^
الحمدلله التدريس في متعة كبيرة في التعامل مع اليهـآل وااااااااااايد أحبهم =)

[أنامل قلب]

حلو ..

[مــهــابه]

رمش :

آحسهـآ مسؤوليه ، يـعني لو كنـت فمكـآنج بـتم آصيح شقـآيل بفـهم 30 أو 40 طـآلب
وكيـف كلهم بيفـهمون ؟ وكيـف وكيـف ؟

يـعني بس بـتم آحـآتي وآوسوس ، مسؤوليـن عـنهم جدآم رب العـآلمين ..

عسب جيه مـآفكرت بمهنه التدريس رغـم اني آشوفهـآ سـآميه جداً

وفي شي ثـآني خلآني ابـتعد عـنهـآ ، رغم كل حد اتوقع اني بتخصص ريـآضيـآت وبكون معـلمه

كنـت وآيد وآيد العـوز المدرسـآت فقلـت الدنيـآ دوآره مآفيه آدخل هالمجال وآتلعوز ويسوون فيّه اللي كنت اسويه فيهم لوول ..

.

.

آريـد آنـآم وآريد آتـريـآ صلاه العـصر ، مـآعرف لو رقدت الحين مابنش ل جريب المغرب

[المزوحي]

شو امسيتوا ؟؟

[أنامل قلب]

^ أمسينا رقود ..

~

أقول س سؤال ، بـ شو تنصحوني من سيايير للي عنده خبره بهالسوالف .!

حاسه راسي صار ثقيل وانا أحاول ألقطلي كذا معلومه تفيدني ،
تراني مول فاشله بهالسوالف ..

مادري اذا يبالي اطرح موضوع استفسر ولا .؟!

[مايهزك ريح]

^
يعتمد انتي شو حاطه في بالج .. فوريل ولا صالون وكم البدجت .. ويعيبج ياباني ولا امريكي ولا الماني .. !

[أنامل قلب]

فورويل أكيد لا ، جربت كذا مره سقت النيسان بترول وصدق شكلي كان غلط ، ما يناسبنا نحن ،
بين الصالون والـ هذا شسمه اللي لا هو صالون ولاهو فورويل لول ^^"

ومثل ما سبق وقلت ماعرف بالسيايير ، يعني ليش البعض يفضل الامريكي مثلا وبعضهم العكس والخ فـ ماعرف =#
وعن الميزانية فـ مادري تكون بحدود الـ 150 ألف ، أقل ولا أكثر بس ماتكون فوق الـ 180 ..

+ يهمني الشكل وايد ، مو اني اهمل الشغلات الثانيه ، بس بعد مابي آخذ سياره ما ميز شكلها ^^"

أبيها لكل شي ، الطلعات العاديه ، الدوام ، درب طويل ، لأن مكان شغلي بعيد عن البيت ،
يعني لو ماتصرف بترول بشكل مبالغ فيه يكون أفضل ..

واسمحلنا عالاطاله ^^"

[المزوحي]

لو قلت لج لكزس، البعض بقولج لج منتشره وايد، وانا اقول كل السيارات منتشره، وطبعا اللي يحبون السيارات الامريكيه

بيقولون لج كاديلاك صالون .... واكيد القرار الاخير لج ..


اليوم مودي مب شي ، الله المستعان

[أنامل قلب]

^ ع قولتك ، كل شي عافانا الله صار منتشر ،
قبل كنا نشوف كذا سيارة بالبيت ، والحين كذا سياره للشخص ^^"

أحس خلاص راسي صار ثقيل من زود ما شفت ،
وكل مره احصلي كمن معلومه معقده بزياده ..

شكلي برسي ع سيكل ، عالأقل عارفه شو راكبه :k_special2: ،
إي صح ، أمس كنت قاعده أكلم الوالد ، يقولي خلاص خذيلج حمار لول ،
عالأقل بوصل بسرعه بزحمة دبي ..!

~

ربي يفرج عنك أخوي المزوحي ،
عندك هالأدعية [ ربي اشرح لي صدري ويسرلي أمري ] ،
[ ربنا آتنا من لدنك رحمة وهيء لنا من أمرنا رشدا ] ..

وأي دعاء ترتاح لـ ذكره ..

~

[مزن هتان]

قوة أنامل قلب
مبروك الليس و مبروك عـ الوظيفه

و عن السياره عندج مجلس السيارات بيفيدونج أكثر
انتي حطي استفسارج و من عقبج أنا "احتمال أخذ ليه سياره كمان"

[أنامل قلب]

^ خلاص تم ، بس خذي راحتج بالموضوع لو بغيتي تستفسرين معاي =]
وربي يبارك ابـ أيامج كلها ، وأمورج كلها ، وقلبج ~ ..

,

جاري طرح موضوع الاستفسار .!

[أنامل قلب]

امطرشيلي رصيد من رقم ماعرفه ، أكيد بالغلط ،
بس لمن ييت بدز نفس المبلغ للرقم طلعلي إن ما يستوي ،
جان أتذكر إن فوني ما يطرش رصيد .!

مادري شو الخلل اللي فيه ..

أحس جي كأني بايقه من أحد =$

~

[صريح]

امطرشيلي رصيد من رقم ماعرفه ، أكيد بالغلط ،
بس لمن ييت بدز نفس المبلغ للرقم طلعلي إن ما يستوي ،
جان أتذكر إن فوني ما يطرش رصيد .!

مادري شو الخلل اللي فيه ..

أحس جي كأني بايقه من أحد =$

~

يمكن الرقم اللي اطرشين الرصيد عليه فاتوره مش مدفوعة
فما بتقدرين تردين الرصيد
:14:

[مجموعة إنسان]

هههه
مسكينه انامل
الحين بيتصلون فيييج بيضربونج ههههه


انا اكثر من مره اشتري رصيد من المحطه وما اخذ البطاقه
ثاني يوم اروح اضاربهم ههههههه

[أنامل قلب]

أخوي صريح ، لا ماظن لأن هالخلل موجود من خذت الفون ،
كذا مره خواتي بغو يدزون لهم رصيد بس ما كان يصير ، يحتشرون عليه عقب ^^"

أخوي مجموعة ، لا احليلهم لا اتصلو ولا حتى دزو مسج ،
مو من زود اللي مطرشينه اصلا ( 10 دراهم ) ..

^^"

والله يعينهم عليك عيل اهل المحطه ،
بس ترى صدق تصير وايد ، مع ان المفروض ينبهونك ..

~ ..

[المزوحي]

مساء الخير

كيف الحال، الشوارع بعد غير يوم نظهر من الدوام بالخميس، زحمه ثانيه

وين اسير وين اسير مب اليوم طبعا باجر، اليوم يمعة الاهل ، مع إني احبذ يتيمعون بالجمعه

[أنامل قلب]

^ صدق ودنا نغير جو ، بس مشتهيه نظهر الصبح أو الظهر بدل المسا ..

~

[مزن هتان]

أنامل قلب
بخصوص الخدمه ليش ما يصير ادزين الرصيد
أكيد عندج الارقام بالعربي غيري للأنجليزي و حاولي ادزين مره ثانيه

[أنامل قلب]

^ هيه ، ليش له علاقه ..!
بجرب الحين =)

[أنامل قلب]

صار .!

ما شاء الله مزن ، وينج عني أمس ،
أكيد بيقولون تو الناس ههه ..

^___^

[المزوحي]

السلام عليكم اشحالكم

وين يسون احلى هوت تشوكليت ؟؟؟

[مزن هتان]

أنامل قلب
=)

المزوحي
أحيد تحفه هاك اليوم طرت لك واحد من الكوفيات اللي بجميره

[المزوحي]

مزن ايوه تقصد جيرارد :mf_turban:

[عهد الوداع]

مرحبااا

حد اهنه ..

هدوووووووووء

[رمــش الغـــلا]

انا هني ..

شوي وبظهر .. لول ^__^

شو هالتوقيع الغاوي عهودة .. ها بتودعين منو اعتررررررررررررررفي =)

[عهد الوداع]

ههههههههههه

عيوونج الغاااويه ...

وين بتروووحين ما صدقت اشووووفج ,,

[رمــش الغـــلا]

والله رادة من ملجة ربيعتي تعبانة خلاص لول ..
وباجر عندي اشغال اخلصهـآ ..

يلا قولي بتودعين منو لول ..


شو اخباركم ؟

شو مسوين ؟

ها عهودة شو البـر ؟

[عهد الوداع]

الله يوفقج ان شاء الله ..
اممممم بودع ........!!:k_harhar1:
البر ما يتفوووت صرااحه الجووو رووعه ,, ومرضت زيااده يووم رديت البيت ...
وانتي شوو يدييييدج .شوو التدريس ويااااج ..؟

[رمــش الغـــلا]

ادري لا تكملييييييين لول .. انا بكمل الفرآغ بروحي ^__^

اووو حلو والله اليوم في شارع الامارات عـ طول الشارع صوب عيمان والسيايير مصففة ماشالله .. ^__^

سلامتج يا حلوة ..

والله انا منيحة والتدريس الحمدلله ممشين الحال =)

[عهد الوداع]

الحمدلله ^^

شوو سالفة التجمعااات عند شارع الامارات ..اخواني دووم يحبون يتيلسوون هناااك ..^^
اكييييييييييييييييد الجوووو عجييييييب ...

[رمــش الغـــلا]

هيه ماشالله وايد اليوم شفت نااس يالسين ..~

^__^

يلا بترخص انا

تصبحـون عـ خير ^__^

[عهد الوداع]

الله يحفظج ,,
وانتي من اهله حبيبتي ...

[الصامت]

صباحكم خير جميع اشحالكم عساكم بخير

[المزوحي]

صباح النور والسرور .. بخير عساك بخير

ابغي اظهر اتريق في مكان - غير عن الاماكن اللي اسير لها - ماشي اقتراحات

إذا عندكم حطوا في صندوق الاقتراحات والشكاوي

[الصامت]

ههههههههه
حالتك صعبه اخوي شي اماكن وايد لو تبا
ولا اقولك تعال عندنا عازمنك انا على سوشي لووول:k_santa_1:

[أنامل قلب]

ملل ياربي ملل ..

بنجلط =#

[أنامل قلب]

/،

أعيش ابـ لحظتي مسرور ،
أحلق في سما الأفراح

وأضحك دون أي شعور ،
ودمعي فوق خدي ساح

لأني حافظ القرآن ،
وهمي عن سماي انزاح

كلام الله في قلبي ،
ونور ابـ دنيتي وضاح

أبي أرقى جنان الخلد ،
وتاج لوالدي ووشاح

أبي الفردوس ياربي ،
هناك هناك أنا أرتاح

ألا يالله وفقني ،
بدنيا كلها أفراح ..

/،

نشيـــده .!

[رمــش الغـــلا]

^ وايد تعيبني هـ النشيدة =)
دوم أسمعهـآ فالسيـآآرة ^__^

[أنامل قلب]

عقبال ما أسمع اللي ابيه بسيارتي لول

=]

[رمــش الغـــلا]

^__^ ان شاء الله ..~


====


اممم ممكن حد يفيدني بـ فقرة لليوم الوطني بليز أبـآا الفكرة اليوم ><
لو حد عنده اي فكرة ما يبخل بهـآ علي ..~

[أنامل قلب]

فقره لـ شو بالضبط .!

يعني إذاعه ولا بالحصه ..

[رمــش الغـــلا]

لا لا..

اممم حق احتفال اليوم الوطني فالمدرسة ..

المطلوب منا انجهز فقرة لـ Grade 2

عندي بنات وأولاد ..

ولو يكون شي بالانجليزي بعد حلوو =)

[أنامل قلب]

إي أدري بالمدرسه ،
بس قصدت يعني بالإذاعه المدرسيه ، يعني بالساحه ،
ولا شي خاص بج ، بروحج يعني بالحصه ..

ووو خلاص فهمت =]

~

امممم .!

مادري أحس كل الأشيا اللي تحضرني الحين تقليديه ،
لو خطرلي شي حسيته حلو ويناسب بدز لج خبر أكيد ،
يمكن لأن من زمان ما عشنا هالأمور وهالأجواء =)

وسمحيلنا عالقصور ..

[المزوحي]

هلا الصامت شكرا من ذوقك :thumbup1: أنا سرت مطعم mOre في دبي مول ... ما حبيت المكان، بغيت ايلس برع شمس،

كذا طاوله مكانهم ظله، بس أولردي الأجانب مب مقصرين وحاجزين المكان، دخلت داخل وخذت موقع يقولون فنان، بس من يلست

حشره، لأنه جريب المطبخ، وهم ينظفون الصحون، وايد ازعاج، وأنا يوم أسير أحب الراحه والهدوء، مثل مره سرت مطعم في مول

الامارات نفس الموضوع، غيرت مكاني، استويت جريب الكاشير، والصدعه، بس شويه أهون ... وفوق هذا كله واااااااااااايد اتأخروا

في الطلب، :alien: عقب شفت وحده مواطنه تهزبهم، قلت يستاهلون :fa56:

[الصامت]

ياحيك والله شمس نحن اهني هلكانين من البرد ياحضكم

[مزن هتان]

الله المستعان ~ "ربي يقدم الي فيه الخير"

على الملل اللي كان فيه طرت لي أم سيف موضوع
وترني ماعرف يعني بس اختبصت صج
شايله سويج النيسان و رايحه صوب الاستيشن

[أنامل قلب]

^ =]

~

امممم مافيني صبر !.

[أنامل قلب]

يعت .!

صدق يوعانه لدرجة فظيعه ،
بس مابي شي فيه شكر ..

[مجموعة إنسان]

اليوم عملية ابوي
ماي ابيض في عينه


دعواتكم

[شوق القلوب]

السلام عليكم...

ما يشوف شر بو عمار.. و ان شاء الله العمليه اتكون تمام...

طمنا عليه ...

[أنامل قلب]

ما يشوف شر باذن الله ،
ردلنا خبر أخوي ..

[مجموعة إنسان]

مشكورين اوي

ما ننحرم منكم

ان شاء الله بطمنكم

[مجموعة إنسان]

الحين امي اتصلت
توهم طالعين من المستشفى
الحمدلله سواها وقام بالسلامه


هذي اضن العين اليمين باقي العين الثانية بعد العيد بيسويها

[أنامل قلب]

ربي يديم العافيه على والديك أخوي ،
والحمدلله دوم ..

[المزوحي]

مايشوف شر الوالد


اش حالكم ؟؟؟ صدعونا بعرض الطيارات

[مزن هتان]

ما يشوف شر الوالد أخوي محمد



المزوحي صدقك اليوم حسيت انه الطياره بطيح ابـ بيتنا
من شدة الصوت يا ربي زياغ

[مزن هتان]

أريد انزل موضوعين "مسابقه بمناسبة اليوم الوطني"

أحد يشجعني و الا انسى الموضوع ؟!

[رمــش الغـــلا]

نزلي ^__^


===

مسـآكم ورد ..~

[مــهــابه]

م .ج :

تسـتآهل سلآمه الوآلد

مزن :

=)
تـوكلي ع الله ونـّزلي

.

.

آتـريـآ الآربعــا بفـآرغ الصبر ، بنسوي بـآربكيوو ، بهالجوو آحس بيكون ونااااسه =)

[أنامل قلب]

قاعده أحاول إني أظل واعيه ،
بس صدق صدق صدق دايخه ..

مشكلتي إني أنام الحين ، اطوف عالأغلب صلاة المغرب ،
وفوق هذا ، اسهر إليـ قريب الـ 2 أو 3 الفير ، وأقعد من النوم حدي تعبانه !.

نفس الاسطوانه دائما : بعد خمس دقايق ...!

~

[مزن هتان]

حاولي تمسكين نفسج اليوم و من باجر بيكون عادي
أنا أحلى وقت عندي بعد الغدا البيت هدوءءء يصير اقعد اتلفف
بالصالتين اللي فوق و على هـ الجو أحب اكون بمكان دافيء و مظلم
يعني عشان أحس صج إني خذت قسط من الراحه

الحمدلله رقادي وايد أعتدل =)
من انش 5:30 ما ارقد الا من بعد التسع و ان طولت 11:30

[المزوحي]

مساء الخير ،،

[رمــش الغـــلا]

مسـآء الورد =)

شو مسوين ؟

وشو عندكم فالويكند ؟

[مزن هتان]

مساكم نور

حنا مناح، شلونج رمش و شلون طلابج
نحن من يدخل البرد نسوي عقد مع البر انه كل ويك اند انطب فيه

[رمــش الغـــلا]

والله الحمدلله وطلابي عسـل ^_^

حلو انا بيي معاكم البر ..

نحن وايد مشغولين فالبيت هالفترة ماشي وقت انروح البر ..
ان شاء الله اجازة العيد الوطني بنعوض وبنسير ^__^

[عهد الوداع]

مرحبا

[المزوحي]

مرحبتين

يالله باجر عندي اجتماع الساعه 8 مافينا على التأخير الصبح

أونه شوووو خفت الزحمه ، يوم افتتحوا المترو - هــه

أي خفت أي بطيخ، الناس ماخذتنها كشته، واللي يسيرون فيه، نفسهم اللي كانوا يسيرون بالباص ...

والله علل ... اليوم شوووووو زحمه الصبح .. أرف

[عهد الوداع]

الله يعيييينك ع زحمة الصبح ...

[أنامل قلب]

تصبحون على خيـــر ..

[مزن هتان]

صباااااحو =)

[مزن هتان]

مسا الانوار، شلونج مزن ؟
انجنيت رسمي أنا


ذكرت حلقة يعتمد ماقدر أوصف مدى سعادتي عن موضوع اليوم
"الحنين للوطن" والله حلقة اثلج منها صدري كانت ردود أفعال المتصلين
و أصحاب الرسائل جداً مفرحه
اتصال الشيخه عفرا و الاخ المقيم بس كان يتكلم اماراتي "صيحني"
عبدالله اسماعيل & أيوب يوسف
كل واحد و له اسلوب اللي يجذب فـ ما بالكم ان اجتمعا "ابدعوا والله ابدعوا"

"استحيت أشارك"

[أنامل قلب]

^ ولا مره تابعت هالبرنامج ، مادري متى يذيعونه !.

وامبلا آنا مثلج ، مرات أنقهر من عمري جي أكون صدق حاااابه أشارك وعندي كلااااام ،
بس طبعا طاف ما يخصه ، اللهم جان بطرش مسجات ..

ادريبي وايد برتبك من القفطه وبخبص الدنيا ،
ما اتخيل اصلا صوتي يظهر بالاذاعه =$

[مزن هتان]

يذاع من 1 الين 3 من يوم الاحد الى الخميس
ما يتفوت البرنامج عبدالله اسماعيل ألف ما شاء الله عليه
إلقائه، أدائه، أسلوبه يشد الواحد للمتابعه معاه

[أنامل قلب]

وانا اقول ليش ما كنت اعرف اصادف البرنامج ،
تراهم بنفس الوقت تقريبا يذيعون برنامج البث المباشر بالشارجه ،
بس بجرب اسمعلهم باجر ..

[أنامل قلب]

في شي بالدوام وايد استغربت منه ،
ماعرف كيف جي صدق ماحب أشوف مثل هالأشيا ..

كنت أبي أنزل عنه موضوع ، بس متردده !.

مادري هل هذا الشيء عادي وموجود بوايد أماكن ..

[المزوحي]

انامل خذي راحتج ونزلي وحطي وشلي، عادي عندنا ...

توني ظهرت من الحمام خذت شاوووور دافي ... يااااي ،، ما احس فيّه رقاد مع إني مارقدت الظهر !

مايهزك ريح اليوم كنا نتكلم عن باريس فكرت اسير لها ، أونه غاليه، قلت لهم : شو اللي مب غالي الحين !!!

يعني من رخص لندن .. لووووووووول

[دمعة شوق]

:whistling:
نووم العواافي للجميع ,,

[أنامل قلب]

:frown: ..

[دمعة شوق]

^
ليش زعلانه يا اناامل .؟
خبريني من هاللي مزعلنج:k_icon28:

[أنامل قلب]

حبيبتي دموعه ، ياربي اشكثر بخاطري اشوفج الحين الحين !.

^____^

[دمعة شوق]

^
فدييت قلبج ،، يالله من تاخدين السياره تعالي صووبي
وبسهل عليج وبلاقيج فـ نص الدرب p:

شخباارج علومج مسسسيتج عزيزتي ^^

[أنامل قلب]

يبـــــاااالي صدق لقاء واحاتي فرررشــــش !.

أفا ، أكيد بمرج الدرب كله ، بس تراني ماعرف بالشوارع من الحين اقولج ^^"
وووو أخباري الحمدلله ، بديت اداوم ، وافكر بموضوع الدراسه بعد بس ماني متأكده من شي ،
مجرد أفكار ..

انتي شو مسويه ، أحس جي من زماااان مالتقيت بج بالواحات ،
عساج مرتاحه =]

[دمعة شوق]

خلاص ولا يهمج ،، انا بداليج وبخبرج ^^

ربي يوفقج فـ آلدوام وزين داومتي احس لو انا اقعد فـ آلبيت جي بـدون دراسـه وبدون شـي بموت من الملل
وفكري فـ موضوع الدراسه عدل وردي كملي دراستج ترا الدراسه حلوه وممتعه ولو انها كراف بـس حلو تدرسين وتتعلمين اشياء يديده ^^

انا الحمدالله بخير الحمدالله ملتهيين بـ آلدرآسـه ^^
تعالي انتي كنتي عند دموع قلم فـ آلجـآمـعـه صـح ,؟
شخباارها

[أنامل قلب]

امبلا الدراسه حلوه ، بس ماناسبنا اللي كنا فيه ،
فـ يصير خير باللي فيه الخير ..

الحمدلله ، عساج دوم طيبه ،،

ووووعن دموع قلم الدبه فامبلا كنت معاها ،
والحمدلله اهي بخير ، بس صارلي مده ما شفتها ،
بين المسجات والاتصالات ، ولو كنت مقصره فيها الصراحه ..

[دمعة شوق]

ربي يوفقج يـ آلغآلية ويكتب لج آللي فيـه خيـر آ ن شآءآلله :)

واذا كلمتيها ولا شي قوليها دمعووه تسلم علييييج واااااااااااااااايد

\\

ها شـو آلسوآقه ويـاآج ^^
رسيتي ع موتـر ولا بعدج ؟

[أنامل قلب]

تشلميييـــــن ووياج باذن الله ^____^

يوصل يوصل ، ووو عن السواقه فـ حلللــــــوه ،
تحسين جي وناسه :fa38: ..

احم ، لا بعدني ، بس الاكورد الكوبيه مرجحتنها ،
و يا بختها السياره اللي باخذها :14: ..



انتي مو ماخذه الليسن !.

[مزن هتان]

أريد أشرد عني أمي، إلا تطلع معاي
للأسف أبوي ما يناديها كل شوي ادزها عليه أقولها
يمكن يريدج بحاجه بس ماكو قاعدتلي عظم بالبلعوم

[المزوحي]

مساء الخير

...

مزن كيف تقولين هالرمسه عن الوالده ... لووووووول

بسير اتعشى

[دمعة شوق]

^
بالعااافيه يـ المزوحي

\

انامل
ربي يكتبلج اللي فيه الخير ان شااءالله
صح صح بخت السيااره اللي بتااخذينها p:

اممم انا هييه صاارلي فتره جي من سنه من مطلعتنه ^^"

[دمعة شوق]

شكل الواحاات رااقده من وقت اليوم p:

[المزوحي]

دمعة شوق الله يعافيج


شو مخططاتكم لنهاية السبوع

[رمــش الغـــلا]

اممممم امس سرت اخلص مشاويري اللي عندي ..

واليوم بسير دبي .. حاطين في بالنا انسير 2 ’Malls

وباجر ان شاء الله بسير الـ Spa الصبح وبنسير دبي العـصر =)



صبـآحكم ورد وجوري .. ^__^

[أنامل قلب]

اختي دمعه شوق ، ترى أسولف =]
وزين زين ما شاء الله ، ماظنيتج تسوقين ،
عبالي محد عنده الليسن غيري !.

,

ربي يرحمنا ..

[المزوحي]

هل رمش زين ماشاء الله

أنامل شو بلاج !!



السلام عليكم

اليوم سرت اتريق في lenotre مب ذاك الزود يمكن كيكاتهم بس !

الجو رهيب هالوقت

[أنامل قلب]

^ امبلا الجو صاير حلو ،
+ وعليكم السلام ورحمة الله وبركاته ..

أبي أظهر !.

[مزن هتان]

أنا بعد أريد أظهر بس أم سيف عدنا الدبه مشتاقتلها
هذا و هي يوميا عدنا

يمكن أدخل المطبخ

[المزوحي]

صباح الخير، قوموا نشوا ...

الجو حلو

[دمعة شوق]

^
مساء الخير
حتى الجوو حلوو الحيين برااد

شخبارركم كيف كان الويكند عندكم ^^

[دمعة شوق]

آنامل ^^
ربي يحفظج ويعل الوناسه ماتفارقج :)

[مزن هتان]

ويك اند جميل، أجواء البر حلوه "الحمدلله"
بس كان بيكون أحلى لو كنا فالعين :fa41:

[دمعة شوق]

حظظظظظظطكم ماشاءالله رحتواا البررر ^^
خلاص المره اليايه تعالوا العين

[مزن هتان]

اذا الله أحيانا بكره ان شاء الله فالعين ما فيه صبر لين الويك اند الجاي

[دمعة شوق]

^
قررربي صووبنا يا مززن ^^

[مزن هتان]

تسلمين حبوبه
معاي جيش راح نكون أنا و أختي و مرت أخوي

[دمعة شوق]

حياكم الله كلم ^^
يالله استاانسواا have fun :)

[دمعة شوق]

Good night all

mn almall bro7 ar8d ^^

[مــهــابه]

صبـآحكم جـوري ~ !

[المزوحي]

السلام عليكم

[دمعة شوق]

وعليكم السلام والرحمه يـ المزوحي
شحالك ^^

[مزن هتان]

صباح الخير


نسينا نذكركم بفضل صيام هالأيام "التسع"
من أول ذي الحجه الين بعد صلاة العيد

و الأكثار من التسبيح و الاستغفار و الثناء و الحمد

[مــهــابه]

^
مشكـووره مـزن ع الـتذكير =)

جـآن آلله رآد بنصوم عـّرفه

[المزوحي]

هلا دمعة شوق ربي يعافيج

..

مزن شكرا على التذكير، احس الناس انشغلوا باحتفال اليوم الوطني، ونحن باجر عندنا افطار جماعي في الدوام

..

الجو حلو، جيه يكفيني ماحب البروووده لووووول

[أنامل قلب]

^ امبلا البرد تعب ، كله ولا برد الصبح من نقعد من النوم ، تعذيب !.

~

انزين وبعد ، كيف حالكم جميعا .؟

[مزن هتان]

سبحان الله الجو يبعث راحه
البارحه الجو كان حلو وايد حلو على حدود ٧
أنا من الحين ريولي تناقع من البرد
ودي أخذ شال ثقيل حق الدوام "وايد برد"

[مزن هتان]

ممكن سؤال ؟
أبي أعرف حدود الامارات من الشرق الين الغرب
اظن تبدأ حدودنا من البطحاء و من الجهه الثانيه منطقه براس خيمه مادري الفجيره
أريد اسم المنطقه، مين يساعدني ؟

[أنامل قلب]

^ ما عندي فكره !.

~

امممم ، تصبحون على خير ،
ونوم العوافي ..!

[مايهزك ريح]

واخيرا اليوم آخر يوم دوام .. وبسير اجهز الشنطه .. وبيباي .. مسافرين ..باجر .. بارييييييييييس ..

اشوفكم على خير اخواني ^_^!!

تامرون على شي

[مزن هتان]

تروح و ترد بالسلامه اخوي مايد
و رحلة سعيده ان شاء الله

[مايهزك ريح]

thanks .. اختي مزن ^_^!!

[مــهــابه]

^
مـايهزك ريح :

هـل كيف تـسـآفر فـ / العيد ؟

تـروح وتـرجع بالسـلامه خّـيووو

[مايهزك ريح]

العيد اللي طاف ما تحركنا من البلاد ... وتمينا متمللين .. سلامات وحواطه .. !

هالمره قلنا بنغير ..اجازه طويله .. وكل حد يبا يطلع .. ^_^!!


الله يسلمج اختي مهابه

[المزوحي]

الله يسلمك مايهزك ريح وكل عام وانتوا بخير، نحن ظهرنا من الدوام من وقت، مانقدر نشتغل، نحس الاجازة بدت من اليوم

لاتنسى تصور لنا باريس ^_^

[مايهزك ريح]

فالك طيب .. بصور كل شي .. ^_^

وكل عام وانته بخير .. وعساكم من عواده

[المزوحي]

وانته من عايد العيد

[دمعة شوق]

مباركن عيدكم ^^
شخباركم

[رمــش الغـــلا]

مايهزك ريح .. ترد بالسلامة ان شاء الله ^__^


وعيدكم مباااااارك =)

[المزوحي]

السلام عليكم اش حالكم وشو اجواء العيد وياكم ؟؟؟

[أنامل قلب]

وعليكم السلام ورحمة الله وبركاته ..

الحمدلله ، العيد عدنا لمة أهل !.
وتونا رادين البيت ..

ومن صوبكم ؟

[أنامل قلب]

اممم وناسة لمن تنامون من تحطون راسكم ،
من فوائد الشغل !.

مع اني بديت أظبط رقادي من قبل الدوام ،
ولازلت أبي أعود عمري أنام جي عالـ 10 ونص ، 11 ..

كله ولا إني أقعد من النوم وانا حدي مدوخه ، تعذيب نفسي :fa55: ..

اختي تضحك عليه ، اونه كنت اقولها : اذا قمتي وشفتيني نايمه ،
قوميني وردي نامي ..! / اونه أبي أتلذذ باحساس النوم أكثر ههه ..




أحس بأوقات إني صدق مخرفه ..!
بس صدق حلو هالاحساس ، فيك نوم وطايح عالفراش ،
براد ولحاف وعشرين طعشر مخده ، وحذالك كتابين ثلاث ، والفون ،
كل شي حواليك وانت طايح بالنص دايخ ومكيف :thumbup1: ..



احم ، انزين يالله ، تصبحون على خير :k_devil2: ..

[المزوحي]

هلا أنامل ... نحن بنسير اليوم مع الاهل العين نبات في فندق تغيير جو في الاجازه :woot:

[أنامل قلب]

صباح الخير !
ولو إنها يايه متأخره ^^"

[المزوحي]

انامل صباح النور حطي لنا ريوق ...

[أنامل قلب]

اوه رادين مع بعض ،
ما شاء الله ، حلو انزين !.

مو نحن بنتعفن بالاجازه لول

لا لا اسولف ، اليوم باذن الله بظهر مع ربيعاتي ،
بس ان شاء الله محد يعترض ..!

وعن الريوق ، خلاص ماشي تريقنا وخلصنا ،
وحاليا قاعده أشرب كوفي =)

~

يالله تستانسون باذن الله ^_____^ ..

[المزوحي]

يالله يا انامل قلت الحين بتحطلينا شي من عندكم، على العموم بمر المحطه اتريق

[أنامل قلب]

^ انزين ييبولي معاكم :doh: ..

استغفر الله أحس مستوية صدق صدق مخرفه ،
المهم ، ربي يوفجك أخوي ، ويسهل عليك أمورك كلها =)

[أنامل قلب]

http://oasis.bindubai.com/bin/uploaded/7841_11259958642.jpg (http://oasis.bindubai.com/bin)


مادري بـ شنو حسستني الصورة ،
صدق صدق مادري شلون :ohboy: ..

كيف لمن تشوفون شي يحزن لكنه جميل بنفس الوقت !.
ماتدرون إذا كنتو حابين اللي شايفينه ولا العكس ..

[المزوحي]

صدق طمع، وأحس ابغي الاجازه ماتخلص، باااجر دوام ياناس والحمدلله على نعمة الدوام

بس مب شي مب شي

[مــهــابه]

^
مـنووه يبغـي يدآوم ؟

بـآجي شهر بالظبط وبيخلص الكـورس وبـآخذ آجازه شهر كـآآآمل عـقب ~ ! ..


انزيييين لازم يكون باجر دوام ؟ 10 آيام ماتسدنـا =P

[مايهزك ريح]

انا اليوم داومت .. كنت اعرف اني يوم برد من السفر بكون تعبان فخذت يوم زياده P:

وشو اخباركم .. وشو سويتوا في العيد ..

[مــهــابه]

^
حــظك ، آهم شي سـآفرت وغيرت جّو ، وحمست غيرك للسفر " اللي هي انا "



آحنـآ عندنـآ آكسترا كلاس يوم السبت ، معوضينـآ عن هالآجازه الطويـله ، مآدري ليش تفكيرهم غـّبي من نـآحيه الاجازات لول

[المزوحي]

الحمدلله على السلامه مايهزك ريح ... شو باريس ؟؟؟ ولقيت حد من العرب هناك ، ولو إني بقول لو أنا جان شردت عنهم

هههه ... المهم انبسطت في الرحله .. !

حد منكم سار القريه العالميه ؟؟؟؟؟؟؟؟

[أنامل قلب]

تصبحـــون على خير جميعا ،
ونوم العوافي مقدما ..


لا تهملون أذكار قبل النوم *

[دمعة شوق]

مايهزك ريح
الحمدالله ع سلامه ياخوي ^^

انامل
نووم العواافي يالغااليه ^^

[مــهــابه]

صبـآحكم مـطر


الجّـو جمييييل ~ !

مـآلي نفس آحضر كلآسـآت ، آبى آلعب بالنفــاف

[مزن هتان]

صباحووو


اليوم و أنا مويهه صوب الدوام أقول يا ليتني للحين ادرس
كنت بسحب على كلاساتي و على طول بحر جميرا :)

لو العصر نزل نفاف بجبرهم نسير الورقا "غايته"
الحمدلله مودي فالشتا غالبا يكون تمام


عدنا بنك الراجحي بدبي ؟

[مايهزك ريح]

الله يسلمكم من الشر اخواني ^_^

مروان ما شاء الله وايد عرب كانوا هناك ^_^

الجو كان فنان .. بررررررررد .. اقل درجه حراره وصلت 4 قبل لا انرد بيوم >_<

باريس حلوه بس زحممممممممممممممه .. وشوراعهم لوعة جبد .. وما فيهم مذهب .. وايد يلفلفون على الخلق !
وما عندهم احترام للطابور .. كل حد يدز بعمره ..
اذا سرت لا اتفكر اتسوق سياره .. يضيع الوقت في الزحمه لو ساير مشي ابرك لي !

[المزوحي]

باريس لوعة جبد، لانه الكل يبغي يزور باريس، يعني اللي عندهم فرصه بيزورون باريس بس مابيسيرون باجي فرنسا،

حتى لو ليله، الواحد يسوق في منطقه مفتوحه، عسب مايضيع الوقت مثل ماقلت ^_^

[مزن هتان]

صباح الناس الرايقه
صباح الجو الجميل
صباح البر و الدراجات :)
صباح نهاية اسبوع سعيد

متى تجي الساعه على ٢:٢٠

[المزوحي]

السلام عليكم

اليوم الخميس + الجو حلو

لكن ظهرت من الدوام، لأني تعبان، زكام + بلاعيم .. الخ

بسير ارتاح

[مايهزك ريح]

^
سلامات مروان ما اتشوف شر ..

[المزوحي]

الشر ما إييك

سرت رقدت وماحسيت بعمري ويوم قمت أحس بحراره .. الله المستعان

[دمعة شوق]

^
سلامات يالمزوحي وعليك بالزنجبيل

[المزوحي]

الله يسلمج دمعة شوق، وإن شاء الله بشرب زنجبيل، لأنه خذت عسل

[مزن هتان]

* -
جو دبي اليوم مَــّآ هو طبيعـي !!
نسمة هواه تداعب [ القلب ] ويفيـق <3 ;) ..!!

[مــهــابه]

^

و~ جّـو العـين مـب طبيعـي اليوم


~ وااايد حلـووو الجـو ، نفـآف ، وبرآد

مسـآع ظهرت ومـت من البرد ، بس اليوم " العين " ولآ آحلى

[دمعة شوق]

الجو يجنن ^^
شحالكم

[مــهــابه]

^
وآيد دمعوووه

يالله اخطفي عليّه بنطلع لوول

[دمعة شوق]

ههههه خلاص بلاقيج ف السكه لوول
عفدي وشردي بحووطج بتستانسين ^^

[دمعة شوق]

وين المزوحي ومايهزك ريح وانامل ومزووون
ماشفتهم اليووم >.<

[مزن هتان]

لا تغايضون مهابه و دمعة :(


أنا اليوم مع خوالي و خالاتي و عيالهم استانسنا كتير كتير
من الصبح يضحكون عليه أون مشرده البرد مترضفه من دخل علينا المغرب
أشوف كل واحد يدور حاجه لجل يتدفى

[دمعة شوق]

^^"

عسااج دوم مستانسه ياامزوون
وزين الدفاا والشرررده عن البررد
بس حلوو البرد

[قصايد غلا]

صباح الخيـــر .. حد هنه :k_special2: ؟

[دمعة شوق]

صبااحووو يااقصوووده

[قصايد غلا]

هلا والله حيا الله دمعة شوق .. شحالج ؟

[مزن هتان]

دمعه شوق
البرد حلو بس ريولي تتيبس عليه "عيوز"


مالحقت على أبوي نزلت تحت و إلا أشوف طالع
نششت أمي و أختي :) ماحب اقعد لحالي
و رحت أشوف الخدامات جان لفوا المحاشي و جهزوا المعجنات و إلا لسه

[دمعة شوق]

الجوو يشجع الواااحد يطلع ويفتح النفس بعد ^^

قصوووده الله يرحبج ع فضله بخير انتي شحاالج ,

مزووون شحالج

[مــهــابه]

^
آول مـآطلعـت ، ع طـوول آشوف حـآدث جدآمي ، قلت : خير اللهم اجعله خير


الله يحفظ شبـابنا واهلـنا ف هالجو ، الله يهديهم يـداعسوون مب جنه المطر صبيييب


بس اليوم الجّو ، جو أوروبـا ، البدع فيها زحمه مش طبيعيه ، روحت البوادي فاااااااااااضي مافيه حد " احلى شي "


العـرب كلهــا بّرع تستمتع بالجو



ْ مبرووك عليكم الرحمه

[المزوحي]

العرب تستمتع بالجو الحلو الماطر، وأنا لايث من الخميس في البيت، اظن فيّه حمى وانا مادري

الله يحفظهم ويبارك فيهم، ويشفيني :)

[مزن هتان]

السلام عليكم و رحمة الله و بركاته
صباحكم رحمة مع بداية اسبوع

ربي يحفظ الجميع في هالأيام ان شاء الله و يهدي شبابنا
مبروك عليكم الرحمه

[مــهــابه]

المزوحي :

آمييين يـآرب


مزن :

وعليج السلام والرحمه\\\اللهم امين


الجو فضييييع / ماكنت بداوم لكن عندي تسليم فاينل بروجكت ، روحت مشي بهالمطر وحاطه الدفتر فوق راسي

صدق صدق اليوم يبالنا دش محترم بعد الكلاساااات


ومبروووك عليكم الرحمه


ادعـووو ترا الدعاء مستجاب حزه المطر

[المزوحي]

وعليكم السلام

ماشاء الله المطر متواصل، ومبروك عليكم الرحمه، وانا تراني ماداومت، دقيت الموتر سلف، وحسيت بجسمي متكسر

قلت بسير خلاف العياده.. ومع هذا مارقدت طول الليل، إلا اسمع الويلات الفجر، الصراحه متفيجين

[مزن هتان]

أنا طلعت من الدوام :)

[المزوحي]

مزن تغارين لووووووول وإلا لأنه الجو حلو

[مزن هتان]

صادف عندي شغله و الجو حلو

[صريح]

:m_bye:

[أنامل قلب]

اختي عاطتني كتاب عساس اطبع لها نص لبحث تبيه ،
المهم ، الموضوع مادري شلون ، عن مثلث برمودا ، مادري كيف جي بسم الله :ohboy: ..

مادري إذا ينفع أقول عنه يخوف !.

[مزن هتان]

السلام عليكم و رحمة الله و بركاته "أصبحنا و أصبح الملك لله"

G.M all =)

[دمعة شوق]

السلام عليكم ،،

ويسعدلي مسااكم ^^

[المزوحي]

وعليكم السلام

حد هنيه

[مايهزك ريح]

هيه انا ^_^!!

شحالك مروان .. وشو اخبارك .. باجر الخميس اخيرا ..

[مــهــابه]

^
غييير يـوم نـآس مـآيكون عندهم دوآم بالخميس =P

ويبدأ الويك إند عندهم بالآربعـا ، شعـور جمييييييل =)


.


.


ترآني مـآ آغـآيض آنا بس آقول يعني لوول =P

[مايهزك ريح]

شو نسوي يوم لغولنا الإجازه مالت راس السنه الهجريه..
وبعد اظني بيلغون اجازه راس السنه الميلاديه لأنها بتصادف يوم الجمعه بعد >_<

يالله ما بنحسدج .. تتهنين بالإجازه

[مــهــابه]

^
آحنـآ بعد لـغـوهـآ عّنـآ

تدري آنا من آسبوعـين مآرجعت البيت عّسب جيه كنـت آتـريـآ هالويك إند بفـآرغ الصبر =)

ثـآنكس خيــوووو ..

[مزن هتان]

يقهرون !!
أنا بس كنت بدي بكره اجازه لأنو مابدي احضر الاجتماع مع السينير تبعنا

[رمــش الغـــلا]

انا عيل عاطييني اجازة وابا اداوم ><

شخباركم ؟
شو مسوين ؟

احس من دهرررر مب مسولفة فالواحات لول ..~ ^__^

[المزوحي]

مايهزك ريح هييييييه الخميس، افكر آخذ إجازة لو أسبوع :woot:


مهابه عن الحركات :bash:



رمش الغلا سولفي ماعندنا مانع :mf_turban:

[دمعة شوق]

شخباااركم ,, اففففففففف باجر دوام والف شغله وشغله ,,, احتااااج لرااحه

[المزوحي]

واخيرااااااااااااا الخميس

[مايهزك ريح]

هيه وانا بعدني في الدوام .. اففففففففففففففف

[قصايد غلا]

مسااء الخــيــر


الله يعيييييين اللي يداومون و يعين اللي يدرسون .. كلنا في الهوا سوا "معاناة و تعب و إرهاق و كل شي مب حلللووو عندنا" :d010:

[مزن هتان]

السلام عليكم و رحمة الله و بركاته
صباح الخير

[المزوحي]

مساء الخير مزن

...


شو اخباركم جماعه ووين غاطيييييين ؟؟

[مزن هتان]

السلام عليكم
أصبحنا و أصبح الملك لله و لا حول و لا قوة إلا بالله

ما شاء الله امطار رحمة "اللهم صيبا نافعا"
صوت المطر :fa41:

[أنامل قلب]

وعليكم السلام والرحمه ،
اممم المفروض أقول مساء النور !.

امممم كنت قاعده هالوقت ، بس مادري كيف وليش ماحسيت بالمطر ،
أدري إن مطر بس ما حسيت فيه هالمره ..ّ!

~

حالمه بـ شغلات غريبه ..

[المزوحي]

السلام عليكم
بلاج انامل كأنج تكلمين عمرج هههههههههه عسى ماشر ! :police:
...
الويك اند مر بسرررررعه، وعوقي الدوام، يعني الاحد أحس به يوم ثجيل، ولو إني بقول لو كان الدوام بالأثنين نفس الشي :wacko:

شو اليديد اللي سويتوه هالمره ؟؟؟ اكتشاف اختراع انتحار ... الخ لووووووووووول :m_9afgah:

المهم

عني أنا غير ظهرت البر، المشكله اللي عندنا مايرتقون، مخبل على مدحب على مينن ومخبل

صدق

خلااااااااص بهاجر، ولا تقولون لي حتى المكان اللي بسير له بلقى ناس من هالنوع !!!

كل مره احتج على شي

لأنه واااايد شغلات مب عايبتني ولو إني مابقدر اصلح الكون ... :3:

بس تدرون صدقوني صدقوني، لو اتدورون غيري، بتلقون ناس مثلي ......

زين

سرت ابن بطوطه من زمااااااااااان ماسرت :m_m7tar: بس مالقيت مواطنين فيه :wow: خخخخ

بيني وبينكم اخير، ما احب الصناعه الوطنيه :a033:

[أنامل قلب]

^ وعليكم السلام والرحمه ،
امبلا أكيد بكلم عمري ، ماكو أحد بالواحات ..

ويالله زين إنك تظهر وتستانس ..

[مجموعة إنسان]

مرحباااا

[أنامل قلب]

مرحبتين ..

~

يالله نوم العوافي ،
وتصبحون على خير ما تشتهون ..

[المزوحي]

السلام عليكم

السموحه أنامل ازعجناج البارحه


شو اخباركم جماعه

شفت من فتره نعال وانتوا بكرامه من a.testoni ماال أول .. صح ؟؟؟

http://www.ifc.com.hk/media/photos/shop_atestoni.jpg


لونه أحمر يلد النعام ، مخلينه من تشكيلة الكرسمس، أو إنه هم روحهم مرتبين علب الهدايا، وحاطينه من بينهم

http://uaesm.maktoob.com/up/uploads/f302e94251.jpg

[أنامل قلب]

^ لا أبد ، و ع شو الازعاج !.




ماعرف ابـ هالسوالف //
اوني كنت ببدي رايي ، ما يخصه ^^"

[المزوحي]

يعني قلت يمكن ... :m_afaker:


هممم كل ربعي عندهم البي بي إلا أنا، اقولهم متخلف :a116: بس ظهرت متميز :k_devil2:

مب مشكلة بناخذ الآي فون :unclesam:

[أنامل قلب]

^_^ ،،


عن البلاك بيري ، فيقولولي خذيه ،
بس مادري صدق ماحب هالفون !.

وكأن وباء وانتشر ، ع قولتك اللي ماعنده صار متميز ..

بعدني مرافجه الـ إي 66 ، عايبني الفون ومرتاحه فيه ولا أحتاج غيره ،
اللهم جان باخذلي فون للتسليه ، وهذا بيكون من العبط الزايد اللي يطب علي أحيانا ..

[المزوحي]

ههههههههههههه عبط

انا بس اتم اشوف اللي يكون مندمج في البلاك بيري

وسوالفهم عنه، ويبدلون يلده بعد ويضربونه مخفي

[خيال الحب]

السلام عليكم

شحالكم يا آل واحات بن دبي

عساكم الا بخــير :)

المزوحي ..

الغالي حلووه التستوني وهالاحمرر بسرعه يخلص @_@ هابينه عليه الشباب هب.. كم مره رحت عسب اخذ لي اسود واحمر يطلع مخلص للاسف

ومريحه باللبس الصراحه

[المزوحي]

مرحبا خيال الحب، اللي اقصده انا اللون الاحمر كامل، وشي كذلك نفس اللي في الصوره، بس طبعا هذا مب من الوكيل

يبيعون التقليد، وفي حد يقول ماشي فرق، بس انا احس فيه فرق .. اقصد نقدر نميز من بعيد اصلي وإلا مب أصلي

بقولك في وايد فروع، يرب مره ثانيه يمكن تحصل :vampire:

[خيال الحب]

انا قالولي الشباب بتحصل في دبي..

بس المشكله ماتفيج اروح دبي.. بالمارينا كل ماروح احصله مخلص للاسف الشديد

انا صارلي 5 سنوات على فارس .. والله عجيـــب

[خيال الحب]

مساء الخيرر

ياشباب ويا بنات وين تنصحون الواحد يسافر في هالايام؟ لمدة 6 ايام جذيه

[المزوحي]

مساء النور


هممم سفر .. مانعرف بلاد عربيه - اوربيه .. !!!!! اوربا ثلج وتركيا كذلك

شرق آسيا مثلا ...


..


شو رايكم بهذا القميص، لا تقولون لي وزار ملباري .. يبالنا واحد منه


http://uk.burberry.com/fcp/product/clothing-accessories/shirts/overdyed-check-military-shirt/10000008684?colour=new%20classic&lastcategoryurl=true

[مايهزك ريح]

^
اظني انه عندي واحد مثله وعلقو عليه مادري وين وديته !
الرضيعه اتقولي وزار بمبي .. !

[خيال الحب]

:whistling:قامو يغلطون على البربري:whistling:



:argue:كله ولا البربري:argue:


هو حلو تلبسه خارج الامارات:vampire: ..بس والله شكله حلووو

انا يعيبني الساده اكثر شي ..

وبخصوص السفر

خاطري اروح بانكوك:k_icon9: في جزر سايريلها اخواني ووايد يمدحونها .. فخاطري اروح هناك 5 ايام وارجع.. المشكله مب محصل خوي يسافر وياي:fa39:,,

شكلي بسافر بروحي:vampire:..

[المزوحي]

أفا مايهزك ريح ..

بس لو بدون مخابي أحلى !!

........


خيال الحب يمكن شكله جيه مب شي، بس يوم الواحد يكشخ، وينسق بيكون غير ..

وعن السفر بانكوك خفيفه، وممكن تسير ماليزيا بعد

[شتشووته]

.

عاد كله ولا البربري .. ماركة ريلي المفضله .. كل شي عنده بربري لبسه كباته وحتى عطره .. مايغيره ^^

حتى انا احبها ^^

مايهزك ريح .. ههههه يحليلها اختك :D

..

[شتشووته]

...

همممممممم اتصدقوون انا افكر اخذله من بربري بما اني بسير مول الامارات بعد كم من يوم

المشكله مب عارفه شووو ... انا افكر اخذ له سكارف وجاكيت وكاب .. شو رايكم ؟!

.

[المزوحي]

خذي لفه في المحل، وقرري عقب شو تاخذين له، لأنه يوم تدخلين الموقع شويه الكولكشن يختلف عن اللي عنا

[شتشووته]

همممم .. بشوف ان شاءالله .. عيل انا من الصبح يالسه احوط بالموقع خخخخ

[مــهــابه]

^
لوول

~ الآربعـــا :fa41:



متـى آييي 7 -1 ، آبــى آخلص ، خلآآآآآص :k_no:

[أنامل قلب]

^ صدق الله يكون بعونكم ..!

~

امممم مادري ، في شي ودي أسويه بس متردده ،
مو عارفه إن كان مثل هالفعل شي بيفيد ولا بيضر !.

[المزوحي]

السلام عليكم

[أنامل قلب]

وعليكم السلام ورحمة الله وبركاته ..

[المزوحي]

اهلا انامل اش حالج ؟


........




وين تفصلون كناديركم الصوف ؟؟ طبعا مب شرط الصوف الاصلي

لكن تفصلون عتد نفس الخياط اللي متعودين تفصلون عنده وإلا تغيرون ؟؟

[رمــش الغـــلا]

مرآحب ..

شحالكم ؟

شو مسوين ؟

[مــهــابه]

بـآبـآ يفصّل مـلآبس الشتـآ عـند فـآرس ، وآعتقد المشّير أو شي من هالقبيل اسمه

وبـعد محل لـون الجيسه مـآلهم بيضــا وشعـارها اخضر شـ آسم المحل ، اللهم آعلم !

يعـّيبني يوم يلبس كندوره سوده + غتره حمـرآ

آحسه آخويه مب ابويه ماشاء الله


رمش :

صـندليقتي

~كيفك ؟ شـو مسويه ؟
شو اليهـآل والصغـآريه


قبل شّويه رآده من تـّخرج ربيعـتي ، آريد آتخرج خلآآص لوول

ونـآسه ، كـآنت يـآيه آمهـآ وولدهـآ ، وآسولف ويا العيوز جّني آعـرفهــا من زمــاااااان

[أنامل قلب]

الحمدلله أخوي المزوحي ،
وانتو أخباركم ان شاء الله مرتاحين بالدوام ..!

~

يالله ، نوم العوافي ،
وأحلام بيضــــاء ..

[دمعة شوق]

اخيرا ..الخميس :sleepy:

:m_bye: شحالكم ..

[أنامل قلب]

امبلا وأخيرا =)

الحمدلله ،
جعلج ربي بخير وعافيه ..

[المزوحي]

هلا رمش اشحالكم انتوا ؟؟؟

مهابه، في وايد ألوان دارجه، بس الواحد يتنقى شي مناسب له ... وزين الوالد يكشخ ماشاء الله

مرحبا انامل، الدوام .. الحمدلله ، مقيمين الكل زفت

[أنامل قلب]

احليلكم ، قمت أشك إنك معانا بالدوام .. < فال الله ولا فالي / مو ناقصه فضايح :biggrin: ..


بهاليومين خلوني اشتغل ع شي تبع التقييم ، بس كان مختلف احسبه ،
يمكن ما يعتبر تقييم وانا مضيعه =# اللي هو يعني ..

على فكره الكل قام يشتكي ، حتى اختي عندهم نفس الموضوع ،
فلا تحطون ابـ بالكم وايد ، الأهم إن الموظف يكون مرتاح من نفسه واللي عليه ..

[مزن هتان]

حبينا نذكركم بصيام ٩ و ١٠ محرم اللي بيصادف بكره السبت و الأحد

[دمعة شوق]

^ يزاج الله خير يا مزن

[المزوحي]

السلام عليكم

بس يا انامل ظلم انا وغيري نتساوى، عيل انا بشتغل شويه وبس، والقهر إنه العام نفس الحركه، قالوا خلاص نوعدك السنه

اليايه نحط لك اعلى، وكله اخرطي



وين سرتوا نهاية السبوع

[مزن هتان]

السلام عليكم و رحمة الله و بركاته

أنا بالخميس ماطلعت كلش إلا اخر الليل يوم اللي فالبيت رقدوا رحنا أنا و أختي الجمعيه أخذ مقاضي غرفتنا
باليمعه تعديت عند خالاتي "مصلحه" رديت البيت قبل العصر و ٥ رديت لهم صلينا المغرب و طلعنا
هالاسبوع العزيمه كانت عليه تعشينا في اتلانتس
و اليوم اممم ألصبح طلعت افصل عباه و جبت نظارتي و عالمغرب رحت تفطرت عند خالاتي
طلعنا رحنا الجمعيه عقبه عند أختي العنود و رديت البيت صليت العشا و برقد
ماشي اكشن هالاسبوع
بس مستانسه الحمدلله :)

[المزوحي]

السلام عليكم

زين ماشاء الله مزن، شي :fa51:

أنا الصراحه اليوم مالي بارض على الدوام، بالرغم إنه الويك إنك كان حافل بالمغامرات :h_hadeyah:

حلوه كلمة حافل

المهم سرت الدوام الساعه 9 وخلصت الشغل، لكن عندنا في الدوام مايعترفون بشي اسمه خلصت إلا لين مايخلص الوقت

يعني تنتظر لين تختم

المهم هذا جو دوام ؟؟؟ بالذمه :k_icon28:

[مايهزك ريح]

شو السالفه .. متواعدين انا ومروان نداوم الساعه 9 .. غصب نشيت اليوم وما كان لي خاطر اداوم ..
ويوم وصلت عقبه ابساعه نقع كمبيوتري .. وتميت 3 ساعات فاضي والحين عدلوه ...

صدق ملل ..

[المزوحي]

اكيد مايهزك ريح .. والله قمت 6:30 وقلت عقب بنش رديت رقدت لين الساعه 7

قلت خلهم يولون، ومع هذا سرت .. ملل على قولتك !!!!!!!!!

[خيال الحب]

السلام عليكم

شو سالفتكم ع الدوام

لوول

داومو داومو

الدوام زين لوول

[أنامل قلب]

ملل !.

[المزوحي]

خيال الحب، غير يوم تكرف وحد يحبطك، قهررررررررر ، ولو زين بيخلونه شين !


انامل ، ليش ملل ؟



مساء الخير، شو امسيتوا ؟

[بنت الدلع]

سلامن علييييهم *وحده تبا تستعرب غصب هاها*

كيفكوووون صباايااا وشباااااب
مسّييييتكم كتيييير
"عن تتحرون توني راجعه من لبنان بس >.<"
الجامعه ماخلّت فينا عقل

في حد واعي ولا انا الوحيده الي اتالي *عيون ترمش ببرائه*

[خيال الحب]

بنت الدلع لا في حد واعي خخخخخ

شحالج وشخبارج


انامل ليش الملل

المزوحي

بن عمي بكل مكان هالشي .. تشتغل وتكرف وتسهر وحالتك حاله واخر شي يقولون لك والله شغله مب شي .. انت ما سويت شي وانت وانت..

اهم شي الواحد يرضي ربه ويرضي نفسه بالاخر

والحمدلله على كل حال ^_^

[شوق القلوب]

خيال...

صرصورك باي نعال ينكفخ ..؟؟؟!!

[بنت الدلع]

خيال الحب.. ماشالله صبااحي شكلك

بخير ربي يعافيك جيف حالك انت؟؟

[شتشووته]

لوووووووول .. اشحالكم يا حلوين ؟؟

انا اليوم ناويه اتم للصبح :( مع انه من الحينه فني ارقاد بس مضطره

[خيال الحب]

ام حمودي:1:

ههههههههههههه بنعال بن دبي:birgits_giggle:


بنت الدلع:k_harhar1:

ماورانا لا بروجكتات ولا شي:k_harhar1: خلينا نسهر:k_harhar1: لووول

ماتبين مساعده بالبروجكتات:k_harhar1:

[مــهــابه]

^
آنـت شكلك فـ آجازه ، وطـآيح تـقرض ف الآعضـاء =P

.


.


~ صبـآحكم جـوووري ونّرجس


شحـآلكم ؟


كـآنو يقـولون آن آلم الآسنان يخّبل ، لكن مـآصدقت لين جّربت
آحس مـآ آستوعب للي حـولي ، كل ماحد يرمسني آقول له : هــا ؟ شــو ؟

آمس ضـربوني آربع آبر =( ،


حسيت اني شجاعه ماخفت من الابره لوول ( مب جنهم بنجوني قبل لوول )

تـّوني مخلصـه دوآم بحط رآسي يلين الله آعـلم ، آحس اني متخدره