مشاهدة النسخة كاملة : خيــــمة الأصدقــاء ~ *
رمــش الغـــلا
10-09-09 ||, 03:59 AM
اوووه >< لا تذكريني بالمسج
كنت مسطلة حزتها رديت عليج ورقدت ..
يوم نشيت اشوف المسج ما وصلج .. استغربت وكنت مطرشة لربيعتي ونفس الشي طالع X عند اسمها
لول عقب اشوف قلت يمكن ماشي رصيد مع اني متأكدة انه فيه .. واخر شي طلع -165 مال خدمة البلاك بيري لول ><
فـ عسب جيه يعني .. بس استااانست لج بصرآآحة ^_^
اهم شي انج افتكيتي وارتحتي ..~ لول
مــهــابه
10-09-09 ||, 04:40 AM
^
خـلآص سـآمحتج =P
مزن هتان
10-09-09 ||, 10:03 AM
خبر عاجل !
مسكوا بلوشي فالمترو
يالس في آخر كرسي يكتب اسمه =)
أختي مشتطه اونه شمعنى بلوشي
صباح الخير، اليوم الخميس
الهيثــم
10-09-09 ||, 11:17 AM
^ عن يسمعكم الشرجاوي .. !
مزن هتان
10-09-09 ||, 11:33 AM
يا ربي ترى أنا بعد بلوشيه
ما فيها شي والله الواحد ما يضحك
و عادي يعني يجي واحد و يكتب عيمي و الا بدوي
الهيثــم
10-09-09 ||, 11:44 AM
شرجاوي ما عنده ون تو ..
العجيبة
10-09-09 ||, 11:50 AM
عادي خطاب
فيه وايد بلوووش كيووت هههه ما يزعلون من النكت
ربيعتي بلوشية وبروحها تنكت على عمرها خخخ
الهيثــم
10-09-09 ||, 11:56 AM
ههههههههههههه
وفد أعذر من أنذر ..
مزن هتان
10-09-09 ||, 11:58 AM
هيثم خلاص ترى بروح امسح الرد، أخاف من شرجاوي
من دون سبب x=
العجيبه : أكيد أنا من البلوش الكيوت
بتصفع
الهيثــم
10-09-09 ||, 12:12 PM
^ يعني قصدج شرجاوي من البلوش الي مب كيوت ؟
~ شكلي أبا اسوي مشاكل اليوم ~
مزن هتان
10-09-09 ||, 12:28 PM
يا الطيب خلك محضر خير
الا انا
10-09-09 ||, 12:36 PM
.^^
ماعليج
شرجاوي طيب وميخصه ولا يفتكر بنكته ..
وخاصه اذا كانت من بنت بريئه مسالمه هع شراتج ..
لاتمسحين الرد ولا شي ..^_^
غيرج يقول شغلات اكبر عن جي ومحد قالهم شي ..
..
انتي بس خلج عالموجه الصح
يا كيوت انتي :)
الهيثــم
10-09-09 ||, 02:31 PM
أفاا عليج مزن ، خوييج خطاب دومه محضر خير .. ولا شو رايج !!
مزن هتان
10-09-09 ||, 06:52 PM
إلا أنا : ترانا إلا نسولف و نتغشمر
خطاب : تراك قلت خويي، شيخ الشباب أنت :thumbup1:
رمــش الغـــلا
10-09-09 ||, 11:54 PM
احم اشوف نـآس يطرون البلوش شو السـآلفة !! لول ..
انا وصلتني نفس النكتة بس مكتوب "شحّي" لوووووووول =)
======
ما عليج مزن .. شرات ما شي نكن عالشحوح والعيم والبلوش والبدو والكللللل =)
مسـآآآكم ورد ^__^
قصايد غلا
11-09-09 ||, 12:05 AM
مساج عود و دهن عود و كل روايح رمضان الحلوة يا رمش :inlove:
أصلاً النكتة بايخة لووول مع إحترامي للي يطرشون نكت بس أنا مرات يستوي ويهي لوح
لو النكتة بايخة اهزب اللي مطرشنها لي :fa44: أحب أضحك بس بدون سخافات
مزن تراني ما أطريج والله :a014: .. بس أقصد إنه النكته مووول ما فيها شي يضحك سواء كان هندي ولا بلوشي و لا عربي ولا أي شي
يعني ما لها معنى ، شو يعني إذا شخص كتب اسمه :Oo: !!!
رمــش الغـــلا
11-09-09 ||, 12:07 AM
حيـآتي والله مسـآج ووووري وورد ..~
=====
هي والله احس ساعات النكت ماعرف كيف يعني ، لووول ..~
^__^
قصايد غلا
11-09-09 ||, 12:26 AM
رمووش::12:
المزوحي
11-09-09 ||, 12:48 AM
صباح الخير
همم يقولون إنه المترو وقف اليوم، خير شو اليديد في الموضوع، أكيد بيوقف عسب الناس تركب
بس لا
ولد اخويه سار بالمترو، ومره وحده وقف عليهم، وطلبوا النجده، بس عادي كملوا بسيرهم
تراني ما اخوفكم ... بس انا بسير هالاسبوع إن شاء الله
رمــش الغـــلا
11-09-09 ||, 01:04 AM
هي انا وصلني اليوم الخبر ان وقف ساعتين ..
http://www.gulfnews.com/nation/Traffic_and_Transport/10347785.html
هذا لنك الخبر من الـ Gulf News
http://www.gulfnews.com/images/09/09/10/10_trainlate_abbas2_5.jpg
Passengers stranded as Dubai Metro train breaks down at NHTS station
طير الغرام
11-09-09 ||, 02:13 AM
الســـــــــلام عليــــــــــــكم
>> هـااا اعتـرفــوا امنــو حــش فينـــي P=
رمــش الغـــلا
11-09-09 ||, 02:14 AM
^ولكم بـآك يا عسل ..~
اشتقنـآلج وآآيد ..
مزن هتان
11-09-09 ||, 02:15 AM
طييييير الغرام
اشتقناااالج وايد
طير الغرام
11-09-09 ||, 02:16 AM
رمـش الغـــلا
اشتــاقــت لــج العافيــــه سيـــس =)
طير الغرام
11-09-09 ||, 02:19 AM
مــزن هــتان
حبيبتــي والله :fa35:
تسلميــــن :14:
طير الغرام
11-09-09 ||, 02:26 AM
ع العمـــوم أنا حبيـــــت أسلـــم عليكــــــم
بــروح قيـــــام الليــــــــل الحينــــه ^ـ^
المزوحي
11-09-09 ||, 01:42 PM
رمش الغلا يعني الكلام صحيح !
هممم
جمعه مباركه
عهد الوداع
11-09-09 ||, 10:53 PM
السلااام عليكم
طير الغرام
12-09-09 ||, 12:32 AM
وعليكــــــم الســــــلام والرحمـــــــه ،،
المزوحي
12-09-09 ||, 12:47 AM
وعليكم السلام مرحبا
طير الغرام
12-09-09 ||, 12:50 AM
يا مرحبـــا بــكـ بــروو ^ـ^
المزوحي
12-09-09 ||, 12:56 AM
اش حالكم شو امسيتوا ؟؟؟
لا تنسون القيام بارك الله فيكم وادعوا لنا بالعافيه ^_^
يقولون لكم ضرابه في المترو، الصراحه مابغي اسب المهنده، لكن بسببهم صار هالشي
الكبينه اكتفت من الناس وهم يتدازون ، والموظف المواطن يقولهم بس وهم مايسمعون، فروه هناك وعقوا غترته
وعقاله ..
طير الغرام
12-09-09 ||, 12:59 AM
^
حشــى ،، مايســوا عليهـــم !!
أنا أمــس سـرت القيــام ،، وإن شاءالله اليـوم إذا الله راد بعــد بــروح ^ـ^
المزوحي
12-09-09 ||, 01:01 AM
الله يتقبل منا ومنكم صالح الاعمال، ويغفر لنا ويرحمنا ويرحم جميع المسلمين من الاحياء والاموات ..
طير الغرام
12-09-09 ||, 01:02 AM
آميـــــــن
ليــش جيــه الخيمـــه مستويـــه ،، مهجـــوره !!
المزوحي
12-09-09 ||, 01:06 AM
طير، يمكن مشغولين في العباده، ويمكن يخلصون اغراض العيد، ماندري عاد !
بس اهتموا منها، لأنه وايدين بيونا في العيد ^_^
وبخلي قوم رمش الغلا يسيرون ياخذون فواله
طير الغرام
12-09-09 ||, 01:09 AM
كــل شي جــايـز ^ـ^
الهيثــم
12-09-09 ||, 01:34 AM
السلام على من اتبع الهدى ..
طير الغرام
12-09-09 ||, 01:43 AM
^
وعليكـــم الســـلام [ وااايـد أقولهـا هـ الجملــه حـق خواتيه وبنات خالي D= ]
الهيثــم
12-09-09 ||, 01:55 AM
^__^
شحالكم ، شو جديدكم ؟؟
طير الغرام
12-09-09 ||, 01:58 AM
الحمدالله يســركـ الحــال ،، وجديدنــا اممم ما عندنــا يــديد P=
وشو عنكـــم ؟!
الهيثــم
12-09-09 ||, 02:00 AM
نحمد الله ونشكره ، ما نشكي باس
طير الغرام
12-09-09 ||, 02:03 AM
^
دوووم إن شاءالله ^ـ^
الهيثــم
12-09-09 ||, 02:04 AM
بتتسحرون ولا .. !
أنا احس بعمري فل ، ما با شي .. بس بشرب ماي وبرقد
طير الغرام
12-09-09 ||, 02:06 AM
شكلنـــا ولا !
الصـراحه سطلــت فيني ارقــاد ،، والمسيــد يبـدا القيام ع الساعه ٢ و ٤٥ دقيقـــه
الهيثــم
12-09-09 ||, 02:08 AM
يووه ،، نحن صلينا وخلصنا .. الحمدلله
عسى الله يتقبل منا ومنكم أجمعين ..
طير الغرام
12-09-09 ||, 02:10 AM
آميـــــــــن ^ـ^
رمــش الغـــلا
12-09-09 ||, 02:17 AM
لووول ها المزوحي تبـآني آخذ لكم فوآلة ههه ^__^
====
شحالكم ؟
وشو يومكم اليوم ؟؟
وتقبل الله من كل اللي صلوا القيـآم .. اذكرونـآ بالدعـآآء ^__^
طير الغرام
12-09-09 ||, 02:19 AM
بنعمـــه والحمدالله ،، وشو عنكـــم ؟!
الهيثــم
12-09-09 ||, 02:20 AM
اللهم اغفر لنا ولوالدينا ولمن أوصانا بالدعاء له ولجميع المسلمين والمسلمات ..
رمــش الغـــلا
12-09-09 ||, 02:21 AM
آميين ..
طير ..الحمدلله بخييييير ..
شو أخباارج وشو اخبار الجاامعة ؟
طير الغرام
12-09-09 ||, 02:25 AM
خــّـطاب
آميــــــــــن =)
:
رمــش الغـــــلا
أخبــاري زوينـــه ،، والجامعــه ماشي حالهــا
إذا بتسإليــن عن السكــن فـ أقولــج أرف والحمدالله ،، ومذلـــه والحمدالله :smile2: >> حالتي صعبـــه ههه
يلا أجوفكـــم عقـــب القيـــــام إذا حــدرت عقــب ،، وإذا حصلـــت حــد >> يقولون نغــزه :14:
الهيثــم
12-09-09 ||, 02:25 AM
ربي يتقبل منج إن شاء الله ، لا تنسينا طال عمرج ..
رمــش الغـــلا
12-09-09 ||, 02:26 AM
لا ما عليج انا موجودة اليوم ..
وتقبل الله حبيبتي .. [ ادعيلنـآ ] .. ^__^
وعن السكن ما عليج اول الدراسة جيه يلعوزونكم شوي وكل الامور بتترتب ان شاء الله ..
ما عليج بخطف يوم وبسويلج باي لوووووول ^__^
=======
قصايد غلا
12-09-09 ||, 02:42 AM
صباح الخير
شحالكم يا هل الميلس ؟
لا تقولون وين الأعضاااء .. كيف تبونهم يتمّون في الواحات و شي ناس تروغ الأعضاء منها :a058:
رمــش الغـــلا
12-09-09 ||, 02:44 AM
^ افا منو يروغج =)
نحن موجودين حبيبتي ..~
قصايد غلا
12-09-09 ||, 02:57 AM
انتي يا رمش و الطيبين اللي مثلج على العين و الراس
لكن شي ناس أعوذ بالله منهم ، مادري ليش الإدارة ساكتة عنهم :rock:
رمــش الغـــلا
12-09-09 ||, 02:57 AM
حبيبتي والله ^__^
===
اويه !! منو !! شو السالفة !! ><
قصايد غلا
12-09-09 ||, 03:05 AM
جد رزّوا ويههم مرة مع إني مووول ما رمستهم و تجاهلت السالفة و نسيتها
لكن من فترة قريبة شفت أسلوبهم بعده على ما هووو :Oo:
بس شكلهم ما بيرتاحون ليييييين تخلى الواحات و يتمّون بروحهم :3:
رمــش الغـــلا
12-09-09 ||, 03:06 AM
المهم ما علينـآ ^__^
رمضااااان المساااامح كرييييييم حبيبتي .. =)
======
شو اخباارج ؟
وشو الجاامعة ويـآآج ؟
قصايد غلا
12-09-09 ||, 03:26 AM
أصلاً ما يهمّوني .. و الواحات متى ما أباها بدخلها و يوم ماباها تراني أنساها
بس انتوا محد ينساكم :k_blush-anim-cl:
=================
أنا بخير يعلّج في خير :fa35:
انتي شخبارج ، عساج طيبة ؟
الجامعة لا تذكريني بهاااا ، يععععع ما أحب طاريها :tounge: ، بداوم يومين _3 و بنفتتتتتتتتتك منها لين عقب العيد :vertag:
دمعة شوق
12-09-09 ||, 03:26 AM
شخباركن صبايا ^^
دمعة شوق
12-09-09 ||, 03:27 AM
قصووده حظكم الثلاثاء مأجزين نحن كرااف للخميس :(
ماالت ع الجاامعه
رمــش الغـــلا
12-09-09 ||, 03:28 AM
قصودة ..
فديتج والله ^__^ لا تحرقين أعصـآبج..~
وفيج الخير والله ..
لوول .. الله يعينكم عالجامعة ><
وزيييييييييييييين وراااكم اجاااازة العيييد اهم شي انهاا عشر ايام عسب اطلع ويا خوآآتي عدددل ^__^
======
دمعة شوق ..
الحمدلله .. انتي شحالج حبيبتي ؟
دمعة شوق
12-09-09 ||, 03:30 AM
بخير يعلج الخير
انتي شحالج شخبارج
ملل ياختيه
صريح
12-09-09 ||, 03:35 AM
^
مبروك عليكم الرحمه اليووم
يخبروني هل فلي هزاع ..
انه نزلو الطرااريد و الجت سكيات اليوم هههه
:4:
::
:
اليوم متسحريين في باب الشمس ..
احلى سحور كاان
:14:
دمعة شوق
12-09-09 ||, 03:42 AM
^
يبارك في عمرك
هيييه لا تتخبر الجوو كان اليوم حلوو بس يخووف
بس الجووو يجنن بشكل عاام
يالله بالعاافيه ^^
دمعة شوق
12-09-09 ||, 03:43 AM
بس المطر كاان حولنا وحولينااا
تخيل اللي في الشعيبه والخاالديه ماايااهم مطررر
!!
فـ نعمـة الحمدالله
دمعة شوق
12-09-09 ||, 04:02 AM
تصبحون على خيـر
بتريا الصلاه وبررقد
سطلت
:wacko:
عهد الوداع
12-09-09 ||, 04:12 AM
وانتي من اهله شوق ..
صبااااح الخير ...^^
مزن هتان
12-09-09 ||, 11:36 AM
بس المطر كاان حولنا وحولينااا
تخيل اللي في الشعيبه والخاالديه ماايااهم مطررر
!!
فـ نعمـة الحمدالله
دام المنحوس فيها وين بييها مطر :fa44: "استغفر الله"
مبروك عليكم الرحمه يا دمعة
المزوحي
12-09-09 ||, 01:45 PM
السلام عليكم
هيه رمش ماعليج اماره، بس يبالج تهتمين من هالناحيه ...
قصايد غلا
12-09-09 ||, 03:38 PM
دمعة شوق : تبين الصدق جامعتنا أعتقد ما يبونا نغيب أبببببببدددد .. لكن البنات يحطّن الدكاترة تحت الأمر الواقع
و أنا يوم أشوفهم كلهم غابوا أغيب :14:
ههههههههه أمسات ضحّكنّي .. قالت الدكتورة : الخميس بيكون أول يوم للبرزنتيشنات ، لا تنسون
جان يرد الكلاس كله (70 بنت ) : لاااااااااا دكتوووورة ، محد بيّي من عقب الثلاثا ، نحن ناوين نغيب من الأحد لكن الدكاترة مب طايعين
والله ضحكت عليهن :hysterical:
================================
رمّوشة : لا فديتج ما يستاهلون حرق الأعصاب .. يقول المثل : وش على السحاب من نبيح الجلاب :a108:
هيييييييه هالإجازة بتطلع من عيونّا عقب .. على طووول بنمتحن لووول :vertag:
و ليش 10 أيام ؟؟؟
مب جنه أسبوع مادري 5 أيام ، بتأكد أحينه من موقع الجامعة
مــهــابه
12-09-09 ||, 04:39 PM
[ مرحبـآآآ
دمـعه :
الـعين ماينـزل فـيهـا مطـر إلا وآحنــا مب موجـودين فـيهــا =P
الآجواء كانـت تخّـوف مـرت آخـويه متصـله تـسمعنـآ صـوت المـطر لوول
قـصووودتي :
الآجازه مع الـويك إنـد تقـريبـاً 10 آيـآم
آنـآ آخر يـوم دآوم بيـكون يـوم الآربعــا وبـآخذها من هالخميس ان شاء الله يـلين بـعد الـعيـد
مثـل مايقـولون آجازه " شبه " محـترمه لوول
~ اليـوم مارقـّدت عـدل ، كـل شوّيـه حـد يـوعـيني وآنـآ تـآمه ع الشبريه لييين الساعه 4 عـنـآآآد =P
وآحس آنـي ثـجيله ، متـسحره من هـآرديز وليـتني ماتسـحرت
عهد الوداع
12-09-09 ||, 07:01 PM
مساء الخير
الهيثــم
12-09-09 ||, 10:30 PM
قصايد غلا ، أنا بعد أفكر لو نكنسل ، ونغيب يوم الأربعا والخميس ..
بس المشكلة يوم تكون طالب في جامعة الشارقة ، و 70% زلمااات ، كيييف بتقدر تغيب .. !
يعني إذا غبت يا فلان راحت عليك المحاضرة ، تأكد إنه الدكتور بيشرح ، لأن فادي وشادي ولؤي ومصطفى مداومين
رمــش الغـــلا
12-09-09 ||, 10:37 PM
لوووووووووووووووووووووووو ول ..!
الله يعينكم يوم زلمات ويااكم ههههههه
لا تفكرون اتغيبون
======
نحن على ايام الكلية اتفقنا مرة وغبنا 13 بنت فالكلاس وبس 3 بنات داوموا ..
اسميناا تهزأنا بس ما قدروا يسوون شي غير انهم اونه يهددونا بإنذار ..
بس وآيد سوينـآها عقب [ الله يخلي القرين كارد ] .. =)
========
مسـآآآكم ورد ..~
خـآطري أسير القيام >< بس بنت اختي الصغيرة بتم عندي وما اقدر أرووح =(
الهيثــم
12-09-09 ||, 10:38 PM
هيه والله صدق ، تعالي شوفي تخصصنا ..
يمكن 5 أو ست مواطنين ، والبقية وافدين ..
الهيثــم
12-09-09 ||, 10:39 PM
^^ طبعا اطري دفعتنا ، إلي تقريبا مساقاتنا تكون مع بعض نوعا ما ..
رمــش الغـــلا
12-09-09 ||, 10:46 PM
نحن .. لا وافدين ولا شي .. ^__^
الحين من نحن تخرجنـآ .. بدوا يدخلونهم عدنا فالتقنية .. وفي جامعة زآيد
بس بعد نسبتهم مب وآيد ينعدوون يعني ..!*
الهيثــم
12-09-09 ||, 10:48 PM
هيييهااع ، غير يوم تكون في مكان كلهم عيال البلاد .. راحة نفسية ..
حتى اخوانا الخليجين ما شاء الله ، والنعم فيهم ..
رمــش الغـــلا
12-09-09 ||, 10:54 PM
صح انزين .. أحلى وكلنا نكون ويـآ بعض ^__^
========
وين مافي حد فالخيمة ؟
وين المزوحي مختفي ؟
المزوحي
12-09-09 ||, 11:52 PM
هلا رمش انا هنيه، سرت اجرب المترو !
مــهــابه
13-09-09 ||, 12:00 AM
^
جّـربـته ؟
تـّوني يـايه من العـين مـووول ، زحمممممممه ، انهزبت لان الغشوه طاحت عني ، شســوي انزيييين لوول
طير الغرام
13-09-09 ||, 12:01 AM
مســـــا الخيـــــــر يا هــل الواحـــات
:
المــزوحي ماشاءالله جـربت المتــرو ،، كيـف كــان !
المزوحي
13-09-09 ||, 12:08 AM
اسكتوا .... سرت محطة الراشدية ووقفنا الموتر، خذنا بطاقة نول الحمراء، بس مكتوب عليها الذهبية ..
وعقب سرنا وين مكتوب ( الاتجاه نحو القطار ) وركبنا الدري ووصلنا فوق، عقب ماركبنا تمينا واقفين ماشي مكان
المهم وصلنا مطار دبي ( مبنى رقم 3 ) وعقب سرنا الستي، عقب الاتحاد، الرقه، خالد بن والوليد ونزلنا هناك
يعني مجابل برجمان بالضبط .. وتحوطنا شويه في برجمان وشربنا عصير وردينا ..
يبالنا تجربه ثانيه، القطار من محطة لثانيه يوصل تقريبا خلال 4 دقايق، بس شو المشكلة إنه يوم نركب المترو
إييون يتأكدون إنه أنا ركبت المكان الصحيح، يمكن واحد عنده تذكره عاديه وركب الكبينه الذهبيه، هذا ياخذ وقت
وثانيا يتم الباب دقيقه تقريبا لين مايسكر .. أنا اقول احتمال لأنه توه يديد ..
بس في شباب مافيهم مذهب يعلقووون وايد ويقطعون البنات، نزلوا البنات وركبوا 2 شباب مال كمال الاجسام
وتموا يعلقون ،، الصراحه كانوا بايخين . المهم ماعلينا
المترو حلو، بس مشكلة يوم تنزلون مكان معين لازم تمشون .. بالنسبة لبرجمان زين ، اما الاماكن الثانيه مثل الرقه
والاتحاد ، ماظن بيكون اوكي لو بغينا نسير الغرير مثلا ... لأنه نحن ماتعودنا نمشي في البلاد هنيه ..
طير الغرام
13-09-09 ||, 12:16 AM
زيـن زيــن ،، أهــم شي انكــم غيـرتــوا جــو :fa51:
بس لو شاليـن معاكـم دلتكـم هـب أحســن :14: رحلـه ساير راد وإلا ما يخلـون جــيه :10:
المزوحي
13-09-09 ||, 12:19 AM
غرامه على هالشغلات، وإلا جان شليت ، اقهوي الناس اللي ويايه ..!
مــهــابه
13-09-09 ||, 12:20 AM
^
لـوول
أهـم شي انـك جربــته
المزوحي
13-09-09 ||, 12:22 AM
هي مهابه، بس شو زحمه عند التذاكر، والله لو سرتي بتضحكين ...
مــهــابه
13-09-09 ||, 12:34 AM
^
~ عـآد آنـآ مـآ آحب الزحـمه
عهد الوداع
13-09-09 ||, 12:36 AM
انا في خاطري اجربه لووووول
عاااد متى !!
مــهــابه
13-09-09 ||, 12:40 AM
^
بنجربـه ربـآعه
شـ رآيج ؟!
بـنرووح بـه رحلـه " بنات الواحات " لوول
المزوحي
13-09-09 ||, 12:41 AM
مهابه + عهد الوداع، يالله تعالوا
اووه اقصد سيروا جربوه ليش لا
طير الغرام
13-09-09 ||, 12:44 AM
أنا عنــي الصـراحــه بعـدني هــب متحمــسه لـ المتــرو >> انـزين محــد عــزمج :whistling:
مــهــابه
13-09-09 ||, 12:47 AM
^
طيـر :
آنـتي تعـآلي ويـآنـآ بس ! ومـآعـليييج من شي
بـتتحمسين
المزوحي
13-09-09 ||, 12:51 AM
ههههههههه ، طير خلاص باجر بوديج، شو تبين بعد !
رمــش الغـــلا
13-09-09 ||, 12:53 AM
المزوحي .. حلو والله جربته ^__^
وشرآت ما قلت نحن مب متعودين نتمشى وايد فالشوارع فالبلاد شرات يوم نكون برع =)
عهد الودااع .. ومهابة
يلا بنسير مرة كلنا انجربه هههه ^^
طير الغرام
13-09-09 ||, 12:54 AM
بفكــــر :4:
رمــش الغـــلا
13-09-09 ||, 12:55 AM
طير ..
انتي بعد ويـآنا ..
انا شرآتج مب متحمسسة واايد
احس فالبلاد ماادري ما يناسبنا نحن البناات وايد ..!
طير الغرام
13-09-09 ||, 12:57 AM
^
اتعــرفيــن بعــد ليــش هــب متحمــسه لنــه هــب من زود سيراتنــا لـ دبي !
مــهــابه
13-09-09 ||, 12:57 AM
^
زيـن بـنجربه مـّره عـن خاطرنــا
هـوو اكييد لـو كان زحمـه " القياده العـليا " بـتّحرم تـودينـا
لكن يمدحووونها " الحنه " احيـآآآن
المزوحي
13-09-09 ||, 01:01 AM
طير، ناس يايين من كل بقعه ، فلو صار مره ويتوا ... يربوه
رمش الغلا هيه، يربته، والدور عليج ... في عوايل وفي بنات بروحهم ...
مهابه يالله شدي حيلج واقنعي هلج
رمــش الغـــلا
13-09-09 ||, 01:02 AM
انا مب متشجعه وآيد فمستحيل اسير أقولهم ..
يوم حزتها اتشجع ما اظن بيقولون لااء .. بس أكيد معـآآهم ^^ هههه
المزوحي
13-09-09 ||, 01:03 AM
رمش، محد عندكم في العايله متشجع، وبييرج ...؟....
طير الغرام
13-09-09 ||, 01:05 AM
حتـى احنــا ما أجـوف حـد متشجــع حاليــاً
يمكــن عشان ارمضــان ،، لنـه فـ ارمضـان سيراتنـا محصــوره فـ بوظبي والعيــن
وما ينــدرى ليـن عقــب العيــد فـ لكــل حــادثٍ حديــث ^ـ^
مــهــابه
13-09-09 ||, 01:06 AM
المـزوحي :
آنـآ غـآسله آيدي من اللي فـ البيت
إلا إذا روحت مع بـو عبدالله بس !
رمــش الغـــلا
13-09-09 ||, 01:06 AM
اسمع اخوي اليوم سايرين هو ولده ..~
بس اتريا اخويه اللي اكبر مني لو سار اكيد بيودينـآ نجربه ويـآه .. =)
مــهــابه
13-09-09 ||, 01:10 AM
تــصبحون عـلى خيــر
المزوحي
13-09-09 ||, 01:11 AM
طير إذا على سالفة الدلال، خلاص شلي وياج دلة اقهوه ( وتعالي مترو دبي )
مهابه زين خبري بوعبدالله
رمش الغلا - اخوج اكيد اول شي بسير روحه وعقب بيوديكم !
المزوحي
13-09-09 ||, 01:12 AM
وين شارده مهابه ؟؟؟؟ همم خلاص وانت من هله
طير الغرام
13-09-09 ||, 01:13 AM
مهــابه
وإنتـي من أهلــه + نــوم العــوافي
:
المزوحــي
اتحسسنـي إنيـه اعيـوز ويا ادلالي + ع فكــره أنا ما أشـرب اقهـوه P=
بييــب معايــه دلـة جاهي D=
رمــش الغـــلا
13-09-09 ||, 01:14 AM
المزوحي .. ما يندرآ والله .. بس اكيد بنجربه ان شاء الله في يوم ^__^
مهـآبة .. وانتي من اهله حبيبتي =)
المزوحي
13-09-09 ||, 01:17 AM
افا طير بعدج شباب، وخلاص هاتي كرك
( رمش الغلا ) إن شاء الله
طير الغرام
13-09-09 ||, 01:19 AM
^
أدري بــرو ،، وسوالـــف تــرا
إلا صــح إنــته باجـر ما وراكـ دوام ،، غريبــه سهــران
ولا ماخــذ إجازه !
المزوحي
13-09-09 ||, 01:24 AM
لا عندي دوام باجر ... بس مادري ليش هالأيام ما إيــيني رقاد، حتى لو اسير من وقت على الفراش !
ملينا من الدوام :(
طير الغرام
13-09-09 ||, 01:26 AM
أهــااا ،، ماعليكـ حالـه وبتعـدي إن شاءالله ^ـ^
عهد الوداع
13-09-09 ||, 01:32 AM
لا تنسوووني اباا اسير .. . ):
طير الغرام
13-09-09 ||, 01:38 AM
لا اتحــاتيـن بيظـهرون باص من الواحــات لين اهــناك لمــن يـرغب P=
وعقـب بنــوزع عليكــم الإستمــارات بس أهــم شي توقيــع ولي الأمــر ولا تـرا نستبعــد الإستمــاره من الحينــه أقوللكــم D=
أنامل قلب
13-09-09 ||, 03:11 AM
http://oasis.bindubai.com/bin/uploaded/7841_11252796995.jpg (http://oasis.bindubai.com/bin)
وناسه مو ؟!
{ أبي ألعب معاهم !
طير الغرام
13-09-09 ||, 03:15 AM
^
المشكلـه ما عزمـوج وإلا امـره مرخوصــه :whistling: >> سوالف سيس :9:
[ عيبتني الصوره + الزاويــه فيهــا ]
طير الغرام
13-09-09 ||, 03:21 AM
تصبحــون ع ألــــف خيــــر
أنامل قلب
13-09-09 ||, 03:23 AM
^ يالله ماعليه ، قريب ان شاء الله مع غيرهم P=
{ وانتي من أهل الخير طير ،
ربي يريح سرج ~ ..
عهد الوداع
13-09-09 ||, 03:26 AM
طير ..
^_^
انامل
شوقتيني للمطر .. انا لااااااااازم العب نفسهم في الشتااء ولا ما احس بلذة المطر ,,, ^^
أنامل قلب
13-09-09 ||, 03:39 AM
^ وردج شوقني له أكثر ..!
عهد الوداع
13-09-09 ||, 03:42 AM
وياا منوو سهرااانه ...^^
أنامل قلب
13-09-09 ||, 03:48 AM
ويا أنامل قلب =)
وانتي ؟
أكيد توج قاعده !
عهد الوداع
13-09-09 ||, 04:09 AM
لحااالي ... ^^
يعني قبل شووووي ...
المفتاح
13-09-09 ||, 10:14 AM
بسم الله الرحمن الرحيم
اللهم صل على محمد و اله الطاهرين
السلام عليكم ورحمة الله وبركاته
اهلا بالاخوة الكرام والاخوات الكريمات
كيف الحال مرتاحين ان شاءالله تعالى
تقبل الله اعمالكم وقيامكم امين يارب العالمين
الله الله الله بالليلة القدر لا تنسونا من صالح الدعاء
ضيفنا شهر رمضان بداء ينتهي
اسمتتعنا به والله --والله يوفقنا فى باقى ايامه وليالية امين يارب العالمين
والله الموفق
المفتاح
طير الغرام
13-09-09 ||, 12:47 PM
^
وعليــك الســـلام والرحمــه ،،
الحمدالله أجــواء ارمضـان تبعــث فـ النفس الراحــه
وآميــــــن ^ـ^
المزوحي
13-09-09 ||, 01:08 PM
السلام عليكم
مايهزك ريح
13-09-09 ||, 01:15 PM
وعليكم السلام ^_^
طير الغرام
13-09-09 ||, 01:16 PM
وعليكــــم الســـلام والرحمـــــه ،،
المزوحي
13-09-09 ||, 01:19 PM
اهلين اش حالكم ؟؟؟
همم انا اقول لو عطونا إجازه هالسبوع احسن، شو بيستوي عليهم :glare:
طير الغرام
13-09-09 ||, 01:22 PM
يســركـ الحـال ،، وشو عنكــم ؟!
:
وبخصوص الإجازه صــح أحســن ، وفـي ميزان حسناتهــم !
المزوحي
13-09-09 ||, 01:32 PM
الحمدلله ربي يعافيج
مايهزك ريح
13-09-09 ||, 01:35 PM
خله يعطونا الأسبوع الياي .. >_<
طير الغرام
13-09-09 ||, 01:35 PM
دووم إن شاءالله ^ـ^
مايهزك ريح
13-09-09 ||, 01:41 PM
ابا اسافر .. ياليت لو يعطونا 3 ايام .. اجازه احد اثنين ثلاثاء .. ما اظني اتم في البلاد !
المزوحي
13-09-09 ||, 01:41 PM
إذا العيد بالاحد بنداوم بالاربعاء، تقصد الاربعاء والخميس
المزوحي
13-09-09 ||, 01:46 PM
والله كنت بقولك بتسافر ؟؟؟
طير الغرام
13-09-09 ||, 01:47 PM
أتــرخـص أنــا ورايـه كـــلاس ^ـ^
المزوحي
13-09-09 ||, 02:08 PM
الله يحفظكم
مايهزك ريح يرب المترو من مول الامارات لين برجمان ... في البداية ^_^
المترو محطة برجمان _ خالد بن الوليد ) تنزلك عند دوم كافيه
مــهــابه
13-09-09 ||, 03:00 PM
مســـآكم وّرد =)
عهد الوداع
13-09-09 ||, 03:54 PM
مسااج جوري ...^^
اخبااركم ...
مــهــابه
13-09-09 ||, 03:59 PM
بخيـر
~ شحـآلج آنـتي ؟!
عسـآج بخييير
طير الغرام
13-09-09 ||, 04:01 PM
يســرج الحــال ،، وشو عنـكم ؟
طير الغرام
13-09-09 ||, 04:07 PM
أجــوفكــم ع خيــر عقــب إن شاءالله ^ـ^
عهد الوداع
13-09-09 ||, 04:18 PM
الحمدالله بخير ... ^^
شوو قاعدييين تسووون ,,,
المزوحي
13-09-09 ||, 04:58 PM
مساء النور مهابه
هلا عهد .. ماشي من شويه قمت من الرقاد، تعرفين نرقد متاخر ونش حق الدوام ..
بس اليوم مزاجي متعكر حييييييل والله، استوى موقف في الدوام، صدق الواحد صايم ومايبغي يجرح صيامه !
استغفر الله العظيم وأتوب إليه
مــهــابه
13-09-09 ||, 05:22 PM
^
الرقـآد مايخـترب غـير فـ رمضـآن خصـوصـاً وآنـت يـآي من آجازه
يعـني الحين آنـا متعوده فـ الويك إنـد آرقد الصبح ، طـول الآسبـوع آتـلعوز آروح الجامعه وآنـآ راقده " 5 ساعاات " بالكثير
~ لآتخـرب صيـآمك واتعوذ من بليس =)
المزوحي
13-09-09 ||, 05:59 PM
مهابه الاستغفار خلاني أهدا ... وإلا ماشفتي حالتي اليوم
مــهــابه
13-09-09 ||, 07:01 PM
^
زيــن =)
عهد الوداع
13-09-09 ||, 07:08 PM
مرحباا حد اهنه ,
مــهــابه
13-09-09 ||, 07:12 PM
آنــآ
اليـوم تـآمه فـ السكن ومتـملله ، زعـلانه من آخويه عـسب جيه ماطلـعت ويــاه =p
عهد الوداع
13-09-09 ||, 07:14 PM
افا تزعلييين من اخووج ليش ...
ما دري احس اليووم كئيب شوووي صج شعور بااايخ .
مــهــابه
13-09-09 ||, 07:29 PM
لآنـه هـزبني عـلى شي آنـا مب متعـمده آسويه
~ شفـتي شعبيه الكرتوون ؟
عهد الوداع
13-09-09 ||, 07:31 PM
هيه اكيييد على سالفة الغشوه ... ):
يالله ماا عليييه مهماا كاااان هااا اخووج ولازم ترمسينه ... ^^
لا ما شفتها بشووفهاا خلاف ان شاء الله ..عن شوو اليوووم ... (:
مــهــابه
13-09-09 ||, 07:36 PM
لآ
آنـآ آكلمه عـآدي ، لكن زعـلآنه طشـوونه =p
ولآ آنـآ
آنـآ آتخبرتج عـسب تـقولين شـو صـآر لوول
عهد الوداع
13-09-09 ||, 07:37 PM
هيه الحمدالله ...يوم انه طشوونه ...ادلعي عليه شويه ...
ههههههه شوفيهاا ويايه خلاف احسن ...^^
يعني اليووم ما بتظهرين مكااان ...مملل صح ...
مــهــابه
13-09-09 ||, 07:39 PM
لآ مـآبظهـر
الشـوآرع زحـمه بـليل ماتـقدرين تـخلصيـن شغـلج
~ آمس روحت ع الفـآضي ، تـدرين اني ماسويت شي للعـيد ؟!
أبـداً
عهد الوداع
13-09-09 ||, 07:47 PM
الله يعيينج والله كل مكااان زحمه ..حتى مالج خاطر تسيرين مكااان ..
وانتي ليش جي باارده ...
انا البارحه صج ارتفع ضغطي .. يبت عباااتي الله لايرااويييج كيف لاعب و مخبص فيهااا ...اخوويه غاامضتنه يقولي عاادي والله الحين بردج دبي عشاان ترجعينهاا له ...
خليته يولي شوو اسوووي بعد ..عندي وحدع ثاانيه بس خفييفه ..تراا هااذيج كنت مفصلتنهاا حق الاهل ووالعزااايم ...
انزييين عندج هالاسبووع حاولي تخلصييين اغراااضج ع السريييع لووول
طير الغرام
13-09-09 ||, 07:47 PM
مســـــا الخيــر
عهد الوداع
13-09-09 ||, 07:50 PM
طير
مساء الورد ..
اخباااارج ...قااعده برروحج في السكن ولا ....
طير الغرام
13-09-09 ||, 07:51 PM
هيــه بــروحي ،، وضايجــه !
المزوحي
13-09-09 ||, 08:09 PM
بلاج ضايجه طير ؟
مــهــابه
13-09-09 ||, 08:11 PM
^
لآتتضـآيجين وآنـآ آختج ، حـآولي تـسلين عـمرج بآي شي
عـهد :
كـل عيد جيـه لكن هالعـيد بـزيـآده ، 600 ألف شغله فوق راسي ، الجامعه والـعيد والـ ..
يـعني وااااااايد !
مب عـآرفه شو آسوي وشـو آخلي
المشكله اني بـرجع ع الويـك إنـد
آنـآ آهم شي عـندي العـبآه ، شكلـي بصـمم لـ عمريه وبوديـهـا لـ خياطي مابيقـول شي
شسـوي !
الحاجه أم الاختراع
المزوحي
13-09-09 ||, 08:13 PM
عاشت مهابه
...
بتخبركم ، عند رواتب الثانويه في بوظبي وفي دبي كم ؟؟؟
عهد الوداع
13-09-09 ||, 08:13 PM
طير
فديتج لا تضاايجيييين ...
مهابه
اوكيييه صح تفكيرج بس تراا الخياايييط ما يااخذوون شي للعيييد عندهم اكتفاااء اتصدقيين كذاا خيااط سرت ابا اضيج جلابيتي مب محصله واخر شي عقيتها في الكبت ..(:
عهد الوداع
13-09-09 ||, 08:14 PM
المزوحي
امم ما فهمت عليييك ..
المزوحي
13-09-09 ||, 08:16 PM
عهد رواتب اللي يشتغل بشهادة الثانويه ؟؟؟؟ كم يستلمون ؟
عهد الوداع
13-09-09 ||, 08:22 PM
اظني تراا على حسب المكان الي يشتغل فيه يختلف من مكان لمكان .. اذا الوزاره مثل يكون الراتب اوكيه او البنك ..
المزوحي
13-09-09 ||, 08:44 PM
منو بياخذها لي :icon_rr:
http://www.cartype.com/pics/6998/full/porsche_cayenne_gts_design_edition-3_1_10.jpg
مــهــابه
13-09-09 ||, 09:29 PM
عـهوده :
رّمسـته انــا ، قـال بيـخلصهـا حقـي بــ 4 آيـآم
المـزوحي :
لـوول
مــهــابه
13-09-09 ||, 09:37 PM
المـزوحي :
حّـسب المكـان والوظيفـه ، اربيعـتي فـ بوظبي تـشتغل بـ شهاده ثـانويه معـاشها 16 ألف يمكـن !
أو اكثـر المهم مب أقـل عـن 14 ألـف
ممم مثــل ماقـآلـت عـهد حّـسب المكـان
عهد الوداع
13-09-09 ||, 09:53 PM
مهابه
زين والله ... ^^
المزوحي
هااا حصلت حد يشتريها لك ههههههههههههه ...
أنامل قلب
13-09-09 ||, 10:20 PM
الواحات صايره مالها حس موليه !
نفس الردود ونفس المواضيع ونفس الروتين =$
/
أقول ، أحد تابع شي للدكتور طارق السويدان ؟!
محاضرات حلوه على فكره ، ما شاء الله ..
~
مــهــابه
13-09-09 ||, 10:56 PM
^
كنـت آتـآبـع لـه قـبل سـنه أو آكثـر
آسلـوووبه حلــووو
الحيـن آتـآبع محمد العـريفي عـلى قـناه قــطر
الهيثــم
13-09-09 ||, 10:58 PM
^ ما شاء الله على الشيخ محمد العريفي ، بصراحة هالإنسان فخر للامة الاسلامية
والله إني أحبه في لله ... إنسان ناجح بمعنى الكلمة ..
بصمته في الدين الإسلامي واضحة وعساها اتكون شفيعة له يوم القيامة
الله يجزاه عنا وعن أمة الإسلام خير الجزاء ..
مــهــابه
13-09-09 ||, 11:05 PM
^
عـنده آسـلوووب ماشاء الله عـليه
تـخيل خـطاب الآسبـوع الماضي آسمعه لـه
يـتصل به واحد عـمره 30 سـنه
يقـول يـا شيخ انــا في حيـاتي كلهـا ماقـد صليــت ولا قــد صمت
لـو أي واحد في مكان الشيخ شـو تتوقع بيـرد عـليه ؟!
عـيبني رّده ، الريـال يبـى يتـوب ويستغفـر
جـان يقـولـه في 5 آشيـا لـو آنـت مؤمن بـهن يعـني رب العـالمين بيغفر لك بأذن الله وعـددهن وفـعـلاً حسيـت انه ريـح الريــال
ورمسـه بطريقـه جداً حلـوه
عهد الوداع
14-09-09 ||, 12:06 AM
حد في الميلس ؟
طير الغرام
14-09-09 ||, 12:34 AM
المزوحي ،، مهــابه ،، عهد الوداع
تعـبـــت نفسيـــاً وحاولـــت أخلـي الوقــت يمــر بسرعــه
بس ....... الله كريــم .. !!
رمــش الغـــلا
14-09-09 ||, 12:37 AM
مرحبـآ حد هنييه ؟
طير الغرام
14-09-09 ||, 12:41 AM
مــراحــب ،، يقولــون أنا اهنيــه !
رمــش الغـــلا
14-09-09 ||, 12:44 AM
اهلن يا حلوة ..
شحالج ؟
وشو رمضـآن ..؟
شو الجـآمعة ؟ توني من شوي رادة من جامعتكم .. "كان عندي حفل تكريم فيهـآ " ..~
طير الغرام
14-09-09 ||, 12:46 AM
الحــال لا باس بـه ،، وارمضــان بعــد
وعيـل كنتــي صوبنــا أقول بلاه النــور ضـارب بـ ازياده من الدريشه P=
رمــش الغـــلا
14-09-09 ||, 12:55 AM
لول حبيبتي والله ..~
=====
شو مسوين ؟
طير الغرام
14-09-09 ||, 01:00 AM
والله ماشــي قاعــدين ،،
المزوحي
14-09-09 ||, 01:07 AM
عهد لا بعدني ماحصلت حد ياخذها لي،
مهابه هيه سمعت الريال يوم اتصل، حتى انا اقول في خاطري العريفي غير الصراحه، ابتسم ورد عليه بهدوء
بس في من المشايخ ، اللي يقول ليييييييييييش حرام بتدخل النار الله مابيغفر لك ... بسم الله
مرحبا طير شو انت الحين ؟؟؟؟
طير الغرام
14-09-09 ||, 01:10 AM
مــراحــب بــروو ،، لا بــاس والله !
المزوحي
14-09-09 ||, 01:17 AM
الحمدلله طير ...
بسير اشرب لي ماي !
يقولون إنه أنامل قلب متملله، وتشتكي من الروتين، توه الناس، يوم قبل اقول الواحات ملل .. ما اتوايب
طير الغرام
14-09-09 ||, 01:20 AM
[ ^ـ^ ]
طير الغرام
14-09-09 ||, 01:52 AM
بـــلاكـــم هجــرتــوا الخيمـــه ،، بتغــبر عقــب !
المزوحي
14-09-09 ||, 01:53 AM
طير الغرام، انا هنيه
طير الغرام
14-09-09 ||, 01:55 AM
محــد يسولــف ،، الأعضـاء اللي يحدرون ويشاركـون ويتفاعلــون ينعـدون ع الأصابــع !!
المزوحي
14-09-09 ||, 01:56 AM
صح كلامج ينعدون، يمكن مب الكل يحب يدخل الخيمه ويسولف ...
طير الغرام
14-09-09 ||, 02:01 AM
أنا ما أرمس عن الخيمــه بس ،، أرمــس عن الواحــات بشكــل عـام كيف كانــت وكيف صــارت
حتى الواحد يوم بينزل موضوع ،، قبل لا ينزله يعرف منو اللي بيرد عليــه !
المزوحي
14-09-09 ||, 02:03 AM
همممم شكلي بستقيل عن الواحات بعد مب بس دوامي، كل شي ممل في الحياه !
رمش الغلا ... يعتمد كيف الواحد يستقيل ، انا يعطوني وعود كاذبه .... والسنوات مرت وانا نفس المكان ..
مب من اول سنه اشتغلت قلت بطلع ...
طير الغرام
14-09-09 ||, 02:05 AM
في أشيــا اختيـاريـه فـ الحيــاه وفـي أشيــا أساسيــه الواحـد يحتاجهــا عشان يبنــي مستقبلــه بـ إيــده
رمــش الغـــلا
14-09-09 ||, 02:07 AM
هي انزين الوآحات مملة ..!
واغلب اللي يدشون يوميـا يدخلون بس مشاهدين !
يتعايزون يردون .. يعني قمت احس اني اكتب الرد والف يقرون بس وواحد والا اثنين يردون
ومعروفين اللي يردون !
ما بتحرطم وآيد .. بس صدق الواحات جيه مستوية ^__^
=====
المزوحي لو حصلت اوفر في مكان ثـآني لا اتم عندهم اتوكل على الله استقيل ^__^
المزوحي
14-09-09 ||, 02:08 AM
:ohboy:
المزوحي
14-09-09 ||, 02:09 AM
رمش الغلا .. خلاص انا بستقيل من دوامي ، وعينوني مدير الواحات
رمــش الغـــلا
14-09-09 ||, 02:14 AM
لول..
المزوحي خلاص ..
خلى بن دبي يصرف لك راتب هههه ..~
عهد الوداع
14-09-09 ||, 02:17 AM
المزوووحي
عاد شغلتك اليدييييده مريييحه ما بتحصل احسن منهاا
صباايااا حد اهني ..
رمــش الغـــلا
14-09-09 ||, 02:19 AM
انا هني ^__^
طير الغرام
14-09-09 ||, 02:20 AM
وأنا اهنــيه
عهد الوداع
14-09-09 ||, 02:22 AM
عسااني ما نحرم من هالطله الحلوووه ..
شوو قااعدين تسووون ..(؛
قصايد غلا
14-09-09 ||, 02:23 AM
أنا بعد هنه .. ضحّكتني سوالف طير الغرام
قلت في خاطري ما درى بج أبويه .. قال بشل ويايه دلة قهوة و جاهي و بسير بركب المترو ، أظني لو ما بيغرمونه على هالشي جان سوّاهاااااا =p
تصبحون على خيييييييررررررر ورايه أكبر بلوة من بلاوي الزماااااااااااان
و باجر بإذن الله ورايه 60 مليووون شغلة .. بسير أعلق لي نوت على باب حجرتي عشان ما أنسى:Oo:
رمــش الغـــلا
14-09-09 ||, 02:24 AM
قصايد الله يعينج حبيبتي .. وبالتوفيق ^__^
========
عهودة .. ماشي عالنت وعالمسن والايميل ^^
طير الغرام
14-09-09 ||, 02:28 AM
قصايـد غــلا
أنا اقتـرحت هالشي ع الأهــل ،، بس شكليـه بـرد أسحــب الاقتــراح :14:
وإنتي من أهله سيس + نوم العــوافي ^ـ^
:
عهد الوداع
ماشي أجلب فـ هالقنــوات
والقهــر كل المسلســلات ينعادن وفوق ها كله ما أتابع عـدل بس أجلب فـ القنوات ما أستقـر ع شي معيــن :smile2:
عهد الوداع
14-09-09 ||, 02:45 AM
قصاايد
الله يوفقج ان شاء الله ويسهل عليييج
رمش+ طير
انا نفسكم كنت اجلب في هالقنوااات والحييين قااعده ع الواااحه
يالله اشكثر متعاايزه افتح ايميلي .. يقولي ارحميني ومسحي من الرسايل شوووي ههههههههه
طير الغرام
14-09-09 ||, 02:49 AM
^
سويلــه أكبــر طـاف شــراتي P=
عهد الوداع
14-09-09 ||, 02:54 AM
هيه انزييين ما مسوتله ساالفه شوو اسووي ما عندي له وقت ...
حد سهراان ويااكم ولا برووحكم .. ^^
طير الغرام
14-09-09 ||, 02:58 AM
لا لا إنتي جيــه اتزيدين المواجع خليني قد نسيت
روحــي لـ الأســف !
عهد الوداع
14-09-09 ||, 03:05 AM
لا مب بروووحج نحن سهراانيييييييين ويااااج صح طييييييييير ...
اليوووم رحت القياام الحمدالله اخوويه هالمره خذني وياااه كل يوم احن عليييه ابا اسير ^^
حلييلهم المدرساات اليووم بدا دوااامهم والاسبووع الي بعده الطلاب الله يعيينهم والله .. صج خوووفه ..
طير الغرام
14-09-09 ||, 03:08 AM
يا حيكـــم والله ،، يوم بــرد البيــت إن شاءالله بروح مع قوم أمايه ويدتيــه ^ـ^
عهد الوداع
14-09-09 ||, 03:13 AM
ان شاء الله (:
متى بترقدين ...
طير الغرام
14-09-09 ||, 03:14 AM
مــادري ، ولا جنــه ورايــه دوام !!
مع إنيـه اليوم ما رقـدت إلا ساعه العصـر
عهد الوداع
14-09-09 ||, 03:17 AM
الساعه كم دوااامج .. الله يعيينكم والله على نشة الصبح ..وخصوووصا في رمضاان ..
عيل سيري ريحي عشاان تقومييين نشيطه ..^^
طير الغرام
14-09-09 ||, 03:20 AM
دوامي ١٠ ونص
وحـتى لو كان من وقت ولا لأ ،، النتجيـه وحــده لازم هـ الخمول والكســل !
رمــش الغـــلا
14-09-09 ||, 03:24 AM
يلا يلا سير ارقدي طيير لا تسهرين ^__^
طير الغرام
14-09-09 ||, 03:26 AM
سمعــوا منــو اللي ينصـــح P=
عهد الوداع
14-09-09 ||, 03:29 AM
هههههههههههههه ... هي ام السهر هااا
تحبووون ريحة الشلق ..انا واايد احب ريييحته ماعرف ليييش اذكرني بأيااام حلووه ...
طير الغرام
14-09-09 ||, 03:30 AM
عــادي ،، بس ذكرتيني بالماضي الجميــل !
رمــش الغـــلا
14-09-09 ||, 03:30 AM
طير ..
دبة هههههه
ماحبج ليش جيه تقولين لي ..~
انزين عـآدي ما وراي شي انا ..
بس أنتي وراج جامعة ^__^
عهودة ..
انا ابا شلق بس ماحب ريحته ههه
طير الغرام
14-09-09 ||, 03:34 AM
عــادي اتعــودت
والضيــج لاعــب دور !
وصح يوم الثلاثا عندي أوف إلا إذا باجر بيستوي شي بيغير فـ جدوليه ! يعني بعوض اليوم اللي عقبه ^ـ^
رمــش الغـــلا
14-09-09 ||, 03:36 AM
حبيبتي والله ^__^
خلاص ما نبا هالمود نبا يتغييير كله ولا طيييييييير =)
There is always a good Reason to Smile
ففكري اكيد في شي بيخليج تبتسمييين ..~
عهد الوداع
14-09-09 ||, 03:37 AM
طير ...
كم سنه باجيلج عن التخرج ..ولا هاي اخر سنه ؟
رمش
واااصل ... ^^
طير الغرام
14-09-09 ||, 03:39 AM
رمــش الغــلا
المشكلــه أنا أنصــح غيري يوم يكونون فـ الحالــه وأنا طل افـ ويهي !
:
عهد الوداع
هـ السنـه والسنـه اللي عقبهـا
المفروض هاي اتكون آخـر سنـه ،، بس أنا قسمت العـام ع سنتيـن !!
يلـه أيام وبتعــدي إن شاءالله ^ـ^
عهد الوداع
14-09-09 ||, 03:41 AM
ان شاء الله ..الحين الاياام بسرعه تركض ما بتحسين الا وانتي متخرجه .. ونفرح فيييج يارب ...
انا سطلت خلاص اشووفكم على خير
وتصبحوون على خير ,,,, صباااح الخير ..... ^^
رمــش الغـــلا
14-09-09 ||, 03:43 AM
وانتي من اهله عهودة ..
هـآ طير .. وراج دوام مب ناوية ترقدين ^__^
اهم شي نشوف ابتساامتج =) شرات ما تنصحين غيرج ..ئ
طير الغرام
14-09-09 ||, 03:43 AM
أفــااا يعني بتخونيــن فينــا وبترقديــن P=
وإنتي من أهله سيس ونوم العــوافي ^ـ^
رمــش الغـــلا
14-09-09 ||, 03:44 AM
^__^ طير .. شو اخبارج بعد ؟ يلا ما شي رقااد خلاص هههه
طير الغرام
14-09-09 ||, 03:45 AM
رمــش الغــلا
يقولــون ورايــه دوام
جريـب إن شاءالله ،، بس خـلي المـود والنفسيـه تعتــدل
طير الغرام
14-09-09 ||, 03:46 AM
هيه شكلـج ما تبيــن اتميـن روحــج ههههه
يله من رخصتكــم >> نذالـه P=
رمــش الغـــلا
14-09-09 ||, 03:48 AM
افااا ><
لا لا ادريبج ما بتخونين بتمين ويـآي لول ..~
طير الغرام
14-09-09 ||, 03:53 AM
^
أسميــني استانســت توني يوم جيكــت فونــي
ع كثـر ما كنـت ضايجـه وهو سبب من السببيــن اللي ضيجــوبي اليــوم
بنــت خالي اللي أنا وااايـد كلـوز معــاها [ حتى هيه كانت عضـوه اهنيـــه بس ما ظنتي لحقتي عليهـا ]
اليـوم ربـت وكنت أتمنى أكون معاهــا فـ هـ اليـوم !!
توني جيكـت الفــون جفت صــور البيـبي فديتـــه والله ،، يله متــى بيستــوي الويك إينــد ما أقـدر أصبـر !
زين ما صحـت وأنا أرمسهـا يــودت عمريــه P= أقوللهــا جان صبـرتي لين الويكـ إينــد ههههه
رمــش الغـــلا
14-09-09 ||, 03:55 AM
يحليييييييييييلهـآ والله .. مبروووووووك مـآ يـآهاا ..
يلا ان شاء الله بتسيرين وبتشوفينهـآ ^__^
تستااهلون سلامتهاا ..~
طير الغرام
14-09-09 ||, 03:58 AM
إن شاءالله ،، وربي يسلمـــج سيــس ^ـ^
وماشاءالله الحيــنه عندهـا 2 Boyz
رمــش الغـــلا
14-09-09 ||, 03:59 AM
مـآشالله يتربووون في عزهـآ ان شاء الله .. كتاكييت الله يحفظهم ^__^
=======
عقبالج لول ..~
طير الغرام
14-09-09 ||, 04:02 AM
[ ^_^ ]
طير الغرام
14-09-09 ||, 04:05 AM
يلــه أنا لازم أروح أرقــــد وسي يــو [ باجـر ولا اليــوم كله واحــد ] إن شاءالله ^ـ^
رمــش الغـــلا
14-09-09 ||, 04:08 AM
نوم العوآفي يا حلوة ^__^
وانا بعد بسير اصلي وأرقد =)
مــهــابه
14-09-09 ||, 12:27 PM
مســــا الخير
المزوحي
14-09-09 ||, 01:35 PM
مسا النور
اليوم سرت الدوام متأخر :wacko: والله انتبهت على الساعه 7:30 ودوامنا الساعه 8
قلت مافي داعي اداوم .. ورقدت ، انتبهت 8 ورديت رقدت لين 9 :pullhair: بعد فيّه رقاد
بس قمت وسرت الدوام اووووف منهم :a058:
مــهــابه
14-09-09 ||, 02:41 PM
^
آنـآ روحت الجامعه وآنـآ رآقده 4 سـآعـآت ، تـّونيه مخلصه دوآم وآحس آنـي يـوعـآنه رقـآآد
عهد الوداع
14-09-09 ||, 02:58 PM
السلام عليكم
اشحالكم ,,,,
أنامل قلب
14-09-09 ||, 06:14 PM
وعليكم السلام والرحمه / الحمدلله عايشين !
كاهو أذن ..!!
مــهــابه
14-09-09 ||, 06:32 PM
^
آحنـآ فـطرنـآ فـ المطبخ ، طبخنـآ متآخر اليـوم ، كـل وحده مآسـكه اللبن والـتمر
آشكـآلنا عـجيبه =p
آنـآ حزينه لآن رمضـآن قّـرب يخلص =(
المزوحي
14-09-09 ||, 06:36 PM
فطور العافيه ... !