مشاهدة النسخة كاملة : جـــهاز جـــارمن
المزوحي
08-08-09 ||, 08:17 AM
السلام عليكم
افكر اركب جهاز جارمن Garmin في سيارتي، هل يسوى أركب وإلا ما بينفعني في البلاد هاك الزود ؟
وأظن شي في موبايل نوكيا جارمن، بس تنصحوني به وإلا لا
وشو آخر نوع نزل ؟
http://www.4x4offroads.com/image-files/garmin-nuvi-710-gps-review-700.jpg
ذنـيـنـي
08-08-09 ||, 06:14 PM
الجارمن شي جميييييل
جربته في السفر و نفعععععنيييييي وااااااايد
ماشي فرق في الاداء من بينهم
الفرق في المواصفات و حجم الشاشه و سوالف بلوتوث و ام بي ثري بلاير و هالسوالف
يوم بتاخذ تأكد من ان الجهاز يدعم الأوف رود
خاصية الاوف رود تحفظلك الدرب الي سقت فيه في البر و تردك لنقطه البداية عشان ما تضيع دربك لاسمح الله
الهيثــم
08-08-09 ||, 06:38 PM
أنا خذت جهاز جارمن قبل اسبوعين ، عجييييييييييييييييييييييي يييييييييييييب .. ممتااز يا خي ..
إلي خذته نوعه ، nuvii 715 .. بـ 1400 اعتقد ..
فيه بلوتوث ومستعرض الصورة وام بي ثري وخاصية الأوف رود إلي تكلم عنها ذنيني ومواصفات كثيرة .. وكل الأشياء المتعلقة بسوالف الخرائظ ..
المزوحي
08-08-09 ||, 09:38 PM
مرحبا ذنيني مب مشكلة عندي لو شي بلوتوث وام بي ثري، المهم يكون تمام ...
خطّاب .. عقب ماطرحت الموضوع، شفت DG Sharaf وشفت عندهم نفس الموديل اللي تقول عنه وسعره 1499 درهم
يعني 1500
بس حبيت أسأل لو في شي يديد وإلا هذا أيدد شي، وقال لي الموظف إنه بس حق دول الخليج، مب الشرق الأوسط
الزرعوني
08-08-09 ||, 10:37 PM
انا صارلي فترة ادورلي جارمن
بس قهر يا جماعه
N715 هني ينباع مثل ما قال اخونا خطاب بـ 1400
و من Ebay واصل عندي لين البيت بـ 870 درهم !!!! نص الجيمة
بس المشكلة بس خريطة امريكا و كندا
المزوحي
08-08-09 ||, 10:39 PM
الزرعوني .. نحن كل شي عندنا قاموا يبالغون فيه في السعر .. !
الهيثــم
09-08-09 ||, 01:07 AM
المزوحي ،، نظام الخرايط ما يكون للشرق الأوسط كامل .. يعني منطقة الخليج ، أو اوروبا ، أو أمريكا وكندا مثل حالة الزرعوني ..
انا يوم خذته قالي ها اليديد إلي نازل .. وخذته من ستي عيمان ، شي محل يبيعه
اسمه الفلك للإلكترونيات أعتقد .. أرخص عن شرف دي جي .. سألت عن كاميرا كانون عنده قالي أرخص بـ 50 تقريبا بعد ..
المزوحي
09-08-09 ||, 08:56 AM
خطّاب الفلك شي بعد في دبي، بس إذا هذا هو الأخير الواحد بياخذه، بس عقب كيف تسوي اب ديت حق المكان
اقصد وخاصة الامارات .!
الهيثــم
09-08-09 ||, 09:57 AM
هيه خذه عنهم دام جي السالفة ..
والضمان ترا نفسه ..
وبالنسبة للأبديت عزيزي ، تسويه من الموقع ، انا ما جربته ، لكن ربيعي عنده من قبل .. ويقول من موقعه تسويله أب ديت ..
المنصوري
09-08-09 ||, 10:01 AM
أحسن نافيقيشن TOM TOM بس المشكلة ما عندهم خرايط الشرق الأوسط ( الأفضل في اوروباااا )
الهيثــم
09-08-09 ||, 10:07 AM
المنصوري شي نافيجيشن حاطين دعايته من فترة في الجرايد والوسيط ... اسمه " أزل "
شو رااايك فيه ، يوم بغيت اشتري فكرت فيه ، بس عقب قلت ما فيني .. عن يطلع أي كلام ..
المنصوري
09-08-09 ||, 10:16 AM
امم والله يا اخويه خبرتي انا في هالسوالف جداً محدود
عندي في السيارة نافيقيشن ياي مع السيارة .. من اروح دبي يستوي به شرات صاحبنا :k_nono:
مشكلة دولتنا كل يوم تتغير ,, يوم شارع مسكر .. ويوم جسر يديد .. ( اتقول يسقون الأرض ماي وتظهر لنا شوارع وعماير :shutup: )
وعن الأبديت // تتوقع يكون ببلاش ؟!
اممم من فترة نسيبي كان مسوي حشرة على النافيقيشن
خذ له تلفون فيه نافيقيشن وآخر مره كنت ابها في الامارات قال ليه انه ما يحس باكتفاء ذاتي ومهما كان النافيقيشن اللي في التلفون يبقى جهاز النافيقيشن المنفصل أفضل بمليون مره .. وكان يمدح الجارمن
ونشدته عن التوم توم اللي قلت لك عنه .. وقال انه الأفضل بس شرات ما قلت لك اتوقع للحينه ما طرحوا به خرايط الشرق الأوسط لأنهم هب محتاجين لأرباح الشرق الأوسط ( مفجرين السوق في اوروبا " لحد يسمعنا ويقول عنـّــا ارهابية :ghostface:" )
شي ثاني .. حق ليش تبى النافيقيشن ؟!
ترى مرات نشتري اشياء هب محتاجينها :a058:
موفق
المنصوري
09-08-09 ||, 10:18 AM
شي ثاني بغيت اقوله ,, احس به يشوه شكل السيارة اذا كانت السيارة فخمة ( الا اذا كان عند نيسان ، استيشن ، جيب :laugh: )
المزوحي
09-08-09 ||, 04:01 PM
اليوم بالصدفه شفت GPS من MIO
بس ما عندي فكره عنه بالمره ، شفت C520 سعره 1489 درهم والثاني MOOV200 وسعره 845 درهم
أظن أول واحد حق الشرق الأوسط والثاني بس دول الخليج
الهيثــم
10-08-09 ||, 03:19 AM
المنصوري ، صدقك يا ريال ، يعني في الجارمن إلي عندي .. شارع دبي العابر غير شوي .. يعني عندي في النفجيشين بعض الأماكن دواوير ، وهم من فترة كنسلوا الدواوير ...
بس بالعكس يا خي وااايد مفيييد ...
يعني أحيد مرة كنا في بوظبي ، وأنا ميييح في بوظبي ما دل مكان .. النفقيشن وااايد واايد ساعدنا ، ومرة أحيد كنا داخلين أنا وولد خالي البر نقطع .. وضيعنا درب الردة ، وكنا قريب المغرب ، والبقعة هناك ما فيها ولا مخلوق ... أقرب شعبية يمكن تبعد 10 كيلو .. والحمدلله بفضل الله ثم النفقيشن قدرنا نحدد أماكنا ووصلنا اعمارنا للشارع ..
بالنسبة للشكل لا ما عليك أنا حطيته بطريقة حلوة عالطبلون ، ما لصقته في الجامة .. إلي ف الجامة يخرب المنظر ، يعطيك شعور يا ريال إنه قاعدة تيلفون مب نفقيشن ..
المزوحي // اليوم سرنا أنا وواحد من الشباب ، وخذنا نفقيشن جارمن شرا إلي عندي .. وشفت الميو إلي تطريه ، ما ينفع ما فيه مواصفات شرا الجارمن ... بس اللهم خريطة .. وبس
وفي نوع يديد من الجارمن نزل ، الشرق الاوسط كامل ، بس نسيت رقمه يا خي .. لكن مواصفاته أقل عن الي عندي 715 ... ما فضلته ..
المزوحي
10-08-09 ||, 07:50 AM
بس إذا فيه حق الشرق الأوسط، ومواصفات أقل، يمكن تقصد سوالف بلوتوث والام بي 3 .. الخ
إذا جيه مب كل حد يهتم في هالشغلات، بس لوم مثلا حد سافر سوريا أو لبنان بينفعه الجارمن .
الهيثــم
10-08-09 ||, 03:09 PM
هييه جي صح .. حتى سعره أرخص شوي ..
الهيثــم
17-08-09 ||, 01:07 AM
مروان ، كنت في بوظبي ثلاث أيام ، وأنا ما دل فيها شي ، بصراحة النافيجيشن وااااااااااااااااايد واااااااااايد نفعني
أصلا تنقلاتي في العاصمة كلها كانت اعتمادا على الله ثم هالنفقيشن ...
مايهزك ريح
17-08-09 ||, 11:24 AM
المزوحي ..
اللي عندي 770 شارنه العام وما عليه كلام طبعا بالنسبه لخارج الإمارات .. لأني نادرا ما استخدمه في البلاد .. !
بس ولد اختي ماخذ واحد من امريكا اعتقد 775 .. الحلو اللي فيه انه عند التقاطعات الكبيره اللي الواحد يضيع ما ايعرف اي درب ايسير فيهن ..بنزلك الشارع 3D عشان اتعرف اي مسار تقبظ .. انا في امريكا كنت اظيع في التقاطعات
اييك جسر خمس طوابق وكل شارع يوديك مدينه ثانيه .. اسميني شخطت فيهن هالشوارع .. بس بالنظام اليديد
"اللي طبعا ما يركب على اللي عندي" وايد احسن انك تاخذ ايدد واحد .. !
شوف الرابط عشان تفهمني ^_^!!
https://buy.garmin.com/shop/shop.do?cID=134&pID=14925
في البلاد ما بتستخدمه وايد لأنه في دبي مثل ما قال هيثم كل يوم يغيرون الشوراع .. !
المزوحي
17-08-09 ||, 02:48 PM
خطّاب زين سويت عيل يوم تنقلت في بوظبي على الجهاز
مايهزك ريح ، فهمت عليك ، من أيام اتكلم مع اخويه عنه قال الواحد ما يحتاجه في البلاد كثر برع، يعني لو تسافر
أوربا بينفعك أما هنيه تراك اتدل دبي ..
فرفوش
17-08-09 ||, 09:45 PM
مرحبااااا بكم حباااااايبي عساكم مرتااااحين وإليكم ملف جاهز للجارمن مع صوره ومواقع427 رادار في الإمارات بتحديد السرعه
افتح هذا الموقع
http://sites.google.com/site/gpsradardetector/download/poi.gpi?attredirects=0
بتحصل في الموقع مكتوب page not found ما عليكم منه لأن ألي نبغيه موجود فبتشوفون وصله ل poi.gpi
اضغط عليه ونزل الملف ثم أشبك جهاز الجارمن بالكمبيوتر بواسطة وصلة ال USB
ثم انسخ الملف poi.gpi
الى جهاز الملاحه جارمن في المجلد f?:\Garmin\poi
يوم بتشبك الجهاز بيظهر لك ديسك على الكمبيوتر اسمه في الغالب Garmin
افتح المجلد و "بتجد/أوسو"
داخله مجلد ثاني اسمه poi
انسخ الملف الذي نزلته من الموقع هناك
شكر خاص لكل من فلان وفلان وفلان والحقوق محفوظه
وللمزيد:
http://sites.google.com/site/gpsradardetector/
والله يحفظكم