المساعد الشخصي الرقمي

مشاهدة النسخة كاملة : سؤال للى يشترون من مواقع عالانترنت =)


وحي القلم
24-07-09 ||, 02:22 AM
السلام عليكم

بما أني ما جد اشتريت أون لاين قلت بسألكم أحسن :k_blush-anim-cl:

حصلت شي عيبني في موقع و أبغي أعرف شقايل أقدر أتأكد أنهم صدق بيوصلون لي اللى أباه؟

و عن طريقة الدفع.. سمعت أنه شي كرت ممكن أني آخذه و أدخل فيه المبلغ و أدفع به

صح هالكلام؟ ولا هالخدمه لمواقع معينة؟

و إذا عندكم أي شي مهم عن هالموضوع خبروني الله يخليكم :tongue:

.
.

مشكورين.. و سامحوني عالذكاء الزايد ما يخصني فالسالفه :fa46:
قصايد غلا
24-07-09 ||, 03:15 AM
السلاااااام عليـــــكم


بطاقة "جينز" من بنك الشارجة الاسلامي زينة حق مشاري النت =)


كل حد يمدحها .. ما جربتها بس بنات خالي و ربيعاتي يستخدمونها
وحي القلم
24-07-09 ||, 02:29 PM
عليكم السلام

مشكوره ^_^
أنامل قلب
25-07-09 ||, 02:16 AM
وعليكم السلام والرحمه ..

اممم عني مووول ماعرف لهالسوالف ، حتى لو بقعد ادور احس مادري ماتلقين شي بالساهل ،
وحتى لو لقيتي ، غير لمن تشوفين الشغله جدامج !

هو أحسبه أريح ، وبنفس الوقت زين للي مو دوم يرومون يظهرون وجي ،
فـ ان شاء الله يفيدونج أكثر اللي عندهم خبره ابـ هالخصوص =)

,

سمحيلي طماشه !
الياسمين
25-07-09 ||, 04:43 AM
عندج بنك بوظبي الوطني ، عندهم بطاقه اسمها سيرفر كارد مب لازم يكون عندج حساب عندهم ، متى ما بغيتي دخلي فلوس فيها و استخدميهاو تجدد سنويا
وسمعت انه بنك دبي الاسلامي الحين سوا بطاقه بس للنت
في ناس عادي يستخدمون الفيزا و الماستر كارد و عن نفسي جربتهم كلهم و الحمد الله مافي مشاكل

التسوق ع النت جدا ممتع بالنسبالي.. جربيه..
حلو لما يتصلون فيج و يقولولج طلبيتج وصلت :)
طفلة من هذا الزمان
26-07-09 ||, 12:27 AM
وعليكم الســلام و الرحمـــة ،،

النت مغامرة بس أكيد في مواقع ثقـه ،،

انا استخدم الفيزا كارد و الأمور طيبة الحمدلله ، مع اني سويت بطاقه النت مال بنك دبي الاسلامي بس انا مب فاهمه شو موضوعهاا بصرااحه // فهموني اني احطي فيها المبلغ اللي اباه و عقب ردوا قالولي لااا 10% من المبلغ اللي في الفيزا كارد الاصلية بينحط لج في هالكارد بس يوم جربتها مرة ما اشتغلت ففريتها و تميت ع الفيزا كارد

و على فكرة بنك دبي الاسلامي ما يعطونج هالبطاقه الا اذا عندج الفيزا مالهم لأنها اتي تبعها يعني ،،


في مواقع معرووفه و ثقة و شوفي اذا حد متعامل مع مواقع معينه و فيدينا وياج

تحيـــاتي لج ،،
وحي القلم
26-07-09 ||, 01:36 AM
الياسمين

مشكوره.. إن شا الله بجرب :cool:

.
.

طفله

انتو عطوني مواقع ظامنينهن :4: بعدني ماعرف :wink:

شكرا.. إذا عرفت شي بخبرج :tounge:
الزرعوني
27-07-09 ||, 02:37 AM
بشرحهم على خطوات

الخطوة الأولى: لازم يكون عندج فيزا كارد سواء من البنك اللي فيه حسابج او تاخذين الكروت من بنوك ثانية مثل ما قالوا الاخوان من بنك الشارقة الاسلامي او بنك ابوظبي الوطني

من الخطوة الأولى فيه نوعين :

النوع الاول : الفيزا كارد - (انا عندي من مصرف ابوظبي الاسلامي) بطاقة الفيزا هاي تشترين فيها اي شي سواء عن طريق السحب الآلي او تسوق او من الانترنت و الخ .. تسحب الفلوس بعد 55 يوم من اول سحبة ..

يعني .. تاريخ 1 من الشهر سحبت 500 و تاريخ 10 تسوقت و تاريخ 28 اشتريت من النت .. تاريخ 25 من الشهر اللي بعده بيحسب شو اشتريتي من تاريخ 1 و بيخصمه من حسابج ..

و الطريقة الثانية من الخطوة الأولى :

اللي قالوا عنه بنك ابوظبي التجاري او مصرف الشارقة الاسلامي .. مثل بطاقة المدفوعة ..

ما يكون فيها فلوس .. بس اول ما تفتحين الفيزا تسويلها ايداع بمبلغ و قدره و عقب تستخدمينه للنت فقط .. و يوم تخلص الفلوس .. اتسيرين البنك و تسوين ايداع ..

خلصنا من الخطوة الاولى ..



الخطوة الثانية : و اللي انا استخدمها

كثير منا سمع عن سرقات الفيزا كارد .. فطلعوا شي اسمه Paypal ... و هذا مثل فكرة البطاقة المدفوعة ..

يوم اشتري شي .. ياخذ من الـ Paypal و الـ Paypal ياخذ من الفيزا .. ليش كل هالتعقيد ؟ لان مافيها سرقة ^_^

و ثاني شي اللي يحاول يغشج .. تقدرين تشتكين عليه و بيردون البيزات بس على الـ Paypal ..


و كثير من المشتريات ما يطيعون الا عن طريق الـ Paypal


الخطوة الثالثه : الشحن

فيه عدة طرق للشحن و اللي استخدمه حاليا خدمة من ارامكس اسمها Shop and Ship

تفتحين حساب في ارامكس في الشارجة ولا دبي ولا بوظبي.. اي مكتب .. و بيعطونج صندوقين .. وحده في امريكا و الثانية في بريطانيا

تفتحين بـ 65 درهم .. مسوين عرض الحقي عليه ..

تدفعينها مرة وحده ..

و بعد 3 ايام بيعطونج عنوان بريدج اللي في امريكا ..

و بعدين اذا اشتريتي شي .. تحطين عنوانج اللي امريكا .. و بيطرشون الغرض لين هناك .. وعقب بيطرشونها لين الامارات


و يحسبون على اول نص كيلو 39 درهم .. و بعدين كل نص كيلو 30 درهم

يعني .. اشتريتي غرض و طلع وزنه كيلو نص

بتستوي الحسبة 39+30+30 = 99 درهم :)

و اي سؤال حاضرين :)
وحي القلم
27-07-09 ||, 03:49 AM
الزرعوني

مشكــوور اخويه :laugh:

ردك فادني.. ما كنت أعرف شي عن الخطوتين الثانيه و الثالثه :fa46:

.
.

بس عن الـ paypal.. يعني أسوي لي أكاونت في موقعهم؟
وحي القلم
27-07-09 ||, 03:52 AM
^شكلي بهوّن :birgits_giggle:.. كنت أتحراه أسهل عن جيه :k_harhar1:
ذنـيـنـي
27-07-09 ||, 10:19 AM
ةحي القلم اذا انتي بتشترين مره وحده
مب لازم تتفتحين اكاونت ارامكس
و مب لازم تسويلج paypal

استخدمي اي بطاقة فييزا كارد و لو ما عندج اياها استخدمي بطاقة اي حد و اطلبي و عقب تفاهمي وياه
و خليهم يوصلون الغرض لبيتج على طول من غير ارامكس

بس اذا تبغين تعتمدين اسلوب التسوق من الانترنت, في هالحالة يفضل انج تفتحين اكاونت ارامكس لأنج وااايد بتوفرين في سالفة الشحن
الزرعوني
27-07-09 ||, 05:06 PM
الباي بال موقع تشتركين فيه و تحطين رقم الفيزا كارد بس

و ما عليه رسوم


www.paypal.com
وحي القلم
27-07-09 ||, 06:52 PM
ذنيني

بسوي الطريقة اللى قال عنها الزرعوني

لانها أكيد بتنفع كل اللى فالبيت

مشكور اخويه ^_^

.
.

الزرعوني

إن شا الله بسجل.. شكرا ً :fa51:
وحي القلم
27-07-09 ||, 06:59 PM
أوه أنامل آسفه نسيتج :k_blush-anim-cl:

ثرنا كلنا في الهوا سوا :k_harhar1:

ما عليه خليني أتعلم .. و عقب بعلمج :cool:<< الله يعينج :wink:
شوق القلوب
28-07-09 ||, 12:40 PM
السلام عليكم...

وحي الوضوع اسهل مما تتوقعين .. جربي و خبريني
أنامل قلب
28-07-09 ||, 01:02 PM
ناطرين تجاربج وحي ^^"
وحي القلم
28-07-09 ||, 01:40 PM
شوق القلوب

عليكم السلام.. إن شا الله :biggrin:

.
.

أنامل

جانج تبين الصدق أنا ما عندي وقت أحين.. مأجله الموضوع لين عقب رمضان

فـ شكلج بتعيزين و انتي اترييني :k_harhar1:
أنامل قلب
28-07-09 ||, 01:51 PM
^ تراج بتعيزين معاي :k_harhar1: ،
عادي ناطرتج شو وراي أنا ، الحياة حلوه :biggrin: ..
وحي القلم
28-07-09 ||, 02:05 PM
:4:

إن شا الله :tounge:
الزرعوني
28-07-09 ||, 02:52 PM
اللي تبا مساعده حاضرين .. مستعد اكون وياكم خطوة خطوة ..

واشهر المواقع البيع


www.ebay.com
www.amazon.com
www.souq.com <<-- اماراتي
قصايد غلا
28-07-09 ||, 03:43 PM
ياهــي سااااااااالفة :k_puppyeyes:
وحي القلم
28-07-09 ||, 03:48 PM
الزرعوني

مشكور :smile:

.
.

قصايد

اشبلاج؟ :fa46:
قصايد غلا
28-07-09 ||, 06:28 PM
حسيت إن السالفة طويييييييلة
لاعت جبدي يابوج :4:
وحي القلم
29-07-09 ||, 12:14 AM
قصايد

يعني دار راسج :birgits_giggle:

ما عليه.. ترانا نتعلم :tounge:
قصايد غلا
29-07-09 ||, 12:50 AM
هيــــــه :birgits_giggle:

يوم بتجربين خبرينا :a108:
المزوحي
26-12-10 ||, 09:08 PM
دوم اقول بشتري عن طريق النت واتردد
سبيجة
29-12-10 ||, 08:51 AM
صباح الخير


انا من المدمنين على الشوبنج اون لاين ومن المواقع اللي أطلب منهم ومضمونين:

http://www.saksfifthavenue.com/Entry.jsp

طبعا ساكس موجود في برجمان سنتر ... بس اون لاين دايما يسوون خصومات حلوه وتحصلون اشياء وماركات ما تكون موجوده فالمحل ...وأخر الاشياء اللي طلبتها .. نعول من من جوتشي ..وكاندي ... وبردا ... مستحيل تتحصل فالمحل ولا بعد خذتها بالسيل واهني يقولون بعدها ما وصلت .. :a018: خذت بعد شنطه فلانتينو فوشيه ... الموقع مضمون والتوصيل يكون خلال 10- 12 يوم لأنه من امريكا....

http://www.net-a-porter.com/

من أحلى وأرقى المواقع اللي اشتري منها ..واحب وايد علبهم ... واحتفظ فيها دوم استخدمها... :mf_leia: واذا كنتوا بتاخذون هديه يسوولكم تغليف راقي وحلو مع كرت .... واااااااااااااااااااااااا يد اشياء طلبت منهم ..والحلو انه اييبون شنط Mui Mui اللي مب موجوده فالبلاد ... ويديده ..مرتين طلبت منهم هالماركه ... وطلبت اكثر عن هديه ... والأحلى انه يوصل خلال 4 أيام بس .. والموقع هذا بريطاني ...واشوي أغلى من المواقع الثانيه ...وعلى فكره في عندهم اكسسوارات واذهب والماس اشياء وايد حلوه ومتنوعه ...وحتى فساتينهم حلوه ..بس ولا مره خذت دايما اخذ شنط ونعول من عندهم ...

http://www.neimanmarcus.com/

هالموقع حلو وايد بس ما يوصلون البلاد ...بس الحلو فيهم انهم ممكن يوفرون أي شنطه شانيل ,,,, أي لون وأي موديل ..بس لازم تكلمونهم فالتيلفون أو الايميل ويكون عندكم رقم الموديل بالضبط... :k_smile2: وطبعا يفككم من الويتنج ليست اللي اهني .. والحلو كل موديلات شانيل متوفره :fa34: بس ياخذون 500 درهم للتوصيل للإمارات ..وبعد تتأخر الطلبيه لين من أسبوعين لين أكثر .. اذا ما كنتوا مستعيليين انصحكم فيه ...

http://www.gymboree.com/index.jsp?ASSORTMENT%3C%3East_id=1408474395917465&FOLDER%3C%3Efolder_id=2534374303003787&bmUID=1293598199706


موقع يبييع ثياب يهال حلوه وكواليتي ورخيصه جداً مقارنه بأسعار محلهم اللي فتح في مردف سيتي وموجود في امارات مول ... التوصيل يكون خلال 5 أيام ..


تعبت وانا اكتب ... لي عوده :mf_leia:
مايهزك ريح
29-12-10 ||, 03:20 PM
اختي سبيجه ..
انصحج بهذا بعد موجود في نيويورك ..

http://www.bergdorfgoodman.com/

وهذا بعد فنان ..

http://shop.nordstrom.com/

وهذا .. خواتي ادمان عليه ..

http://intl.ardenb.com/home.jsp


وهذا .. بعد فنان ..

http://www.barneys.com/