مشاهدة النسخة كاملة : النظارات الشمسية - Indoor
الاسطوري
16-07-09 ||, 03:04 AM
السلام عليكم ..
http://www.moheet.com/image/fileimages/2009/file258501/1_519_188_0.jpg
حبيت أفتح باب النقاش في ظاهرة مب يديدة ولكنها بدت تزيد وتكثر وتنتشر وتثير
التعليقات من الكثيرين وأكيد انتوا بعد لكم آراء
في هالموضوع
طبعا مثل ماتعرفون انتشرت في الآونة الأخيرة (او السنين الأخيرة) ظاهرة لبس النظارات الشمسية في
الأماكن غير المشمسة كجزء من الموضة وهالشي بدينا نلمسه في
الفترة الاخيرة عند الكبار قبل
الصغار
في ناس بحاجة إنهم يلبسون نظارات شمسية سواء بشكل مستمر أو مؤقت مثل اللي يسوون عمليات ليزك واللي
عندهم حساسية في العين أو غيره من الأمور الطبية واللي تتطلب وجود حماية للعين من
الأشعة والإضاة وهذا شي مانختلف عليه لن العذر موجود ولكن
هالفئة تداخلت معاها فئه ثانية مب عارفه
الهدف من اللي تسويه
:k_nono:
يعني مثلا تلقى الناس تمشي في المول اللي (ابدا) مافيه شمس وهم لابسين نظارات شمسية غامجة (جنها مال
عميان) لدرجة انهم عادي يتخرطفون وهم مايدرون لو كان في شي طايح على الأرض ماعرف هل
عشان النظارة ماركة ولازم كل حد يعرف انهم يملكونها أو
عشان يتلصصون النظر ومحد
يدري عنهم! يعني ممكن الواحد يتجاوز عن بعض المولات كونها مكشوفه وأشعة الشمس تدخل في بعض الأماكن ولكن
الأغرب أن تلقى هالناس في المطاعم يتغدون مثلا وهم لابسين هالنظارات! انزين ياعيال الناس
بيطيح شي في الاكل وبتاكلونه وانتوا ماتدرون بسبة
هالنظارة يعني شو الهدف
وقت الاكل انا مادري أو مثلا وقت مراجعة إحدى الدوائر أو الشركات تلقاهم بعد واقفين في الدور ولابسين هالنظارة
والعين يمين يسار أونه عاد محد يدري هم وين يتطالعون بصراحه شي غريب عجيب وماتوقع
حد من الاقوام السابقة سبقونا فيه ولمتى بتستمر هذي
الظاهرة الشاذه في مجتمعنا!
:h_daleel:
بس باقي ندخل السينما ونشوف هالناس بعدهم يالسين بنظاراتهم
الشمسية ويتطالعون الفلم
:k_harhar1:
أنا عيني ماتتحمل الاضاءه العالية لدرجة ان عيني تدمع على طول وماروم افتحها فألبس برع غصب عني مب حبا في
المظاهر وسويتها قبل اني اكون طالع درب العين او بوظبي فالليل وماتحمل اضاءة الشارع
او السيارات فألبس نظارة شمسيه عشان اريح عيني
شويه واكون روحي ما ألبس
عشان اراوي الناس بس ماتوقع اني اسويها واتمشى في اماكن عامة بنظارة شمسية بدون داعي بس الأهم في
الموضوع أن الناس مب مقصرين في هالفئة طايحين فيهم تقطيع وفي الويه بعد عشان
يراجعون أنفسهم ويشوفون هل فعلا له
داعي جيه يسوون؟
طبعا أول الصبح والناس رايحة الدوام تلقى (من هم يخافون على برستيجهم) يتمون لابسين النظارة الشمسية لين
يوصلون مكاتبهم عشان محد في الدرب يشوف العين الوارمة من كثر الرقاد يعني حليلهم
يغطون هالملامح أول الصبح ومادري شو تعليقكم على هالفئة هل
تتجاوزون عنها كون المسافة قصيرة ولا
بعد تدخل مع البقية؟
:k_icon9:
بإنتظار آرائكم
الاســـطـــوري
أخوكم
عافك الخاطر
16-07-09 ||, 03:50 AM
نسيت تذكر اللي يلبسونها في الجامعات وقت المحاظرة ..الدكاترة وايد ينزعجون من هاي القصة!
السالفة ان الناس فاهمة الغرض هذا غلط مثل وايد اشيا فاهمينها غلط.. يعني اسمها نظارة شمسية اشله تنلبس في مكان ما فيه شمس و لا اضاءة ساطعة.. اذا في عذر طبي ما بنقول شي، بس هاييل اللي يلبسونها فشخرة بس يبين من تصرفاتهم.
واكثر شي يقهرني يوم حد يكلمني و هو بعده لابس نظارته في مكان مغلق ما فيه شمس.. خاصة اني انا اهتم لسالفة العيون يوم اكلم حد...ويوم افقد ها الجزء من التواصل احس ان الطرف الثاني مب مهتم ..واتنرفز لول
فرفوش
16-07-09 ||, 04:17 AM
مرحبا بكم حبااااايبي وخاصه الاسطوري حبيب الكل وحبيبي - برأي كل واحد عنده سبب في لبس النظاره يعني يوم بتشوف واحد على صباح الله ووقت الدوام وتوه باديه ساعة العمل ويالس في مكتبه فهذا يعني انه بعده الحبيب لم يصحصح وما يبغي حد يشوفه وهو هالحاله وهناك من يلبس النظاره بس عشان يقدر يطالع بالناس ويبصبص ولان اعيونه زايغه ويتفحص عدل الناس وما يبغي حد يكشف نظراته وهناك من يلبسها لانه من النوع الي يخاف يكشف نفسه امام الغير او ان له عيب خلقي وهناك من يلبسها للفشخره واونه شوفوني خقااااااق خخخخخخ وهناك من يلبسها لانه ما يحب الليت ولا النور ومتعود بالظلمه هيهيهيه وهناك من يلبسها فقط من اجل الثقه بالنفس فالنظاره تشعره بستار الطمأنينه على ما يظنه هو فقط يعني حاله نفسيه وهناك من يلبسها تقليد يعني يتماشى مع الموضه ومع ربعه بس المشكله والداهيه مب ان يلبس النظاره ام لا المشكله ان بس لو تلاحظ كيف هذا يلبس نظاره اكبر من ويهه يعني لو لبس برقع والا نقاب مب احسن له هيهيهيهيه ام لو تقول عن البنات فعاصف تراه يأيد لبسهن النظاره مب مسااااكين يبون يفتكون من نظرات الشباب خخخخخخ بس تعال مب كل واحد شفناه لابس نظاره بنذمه او بنتمصخر عليه لا فهناك اعذار يعني لو تصدق اخوي كان يلبس نظاره شمسيه في الليل بس بسبب انه عامل عملية ليزك بعيونه وهناك من يتم لابس نظارته في الخارج ويوم يدخل مكان ينسى يشل نظارته على اساس بيطلع بسرعه والا يوك متهايز والسموحه حبيب البي كلام في خاطري وبدوه يزهر فألتلوه أزهر إزا بتريد وميرسي على موزوعك ألي بيجنن وأبلاتي إلك
المزوحي
16-07-09 ||, 07:56 AM
كأني البارحة كنت في المول واليوم انته ياي تتكلم عن هالشي، وأنا كنت اتمشى شفت شباب لابسين النظاره
وحسيت من حركة الراس إنهم ( يتلصصون النظر ) مثل ما قلت، بس انا اطنش هالنوعية من الناس، سواء من الشباب
أو حتى البنات ... أنا نظارتي اخليها في الموتر، نادر ما ألبسها حتى لو بنزل المحطة ..
شويه واشوف بنات لابسات نظارة، والابتسامه مافارقتهم، هل النظاره أثرت عليهم ، مادري.
في النهاية أقول شي راجع لهم، المهم أنا شو، وهوم يبون يكونون جيه.
عهد الوداع
16-07-09 ||, 02:03 PM
موضه يمكن ,,, ههههههه
طبعا من راااي انه لبس النظاره للاناااقه والكشخه مب عيب بس العيب انه يووم الشخص يلبسهااا جدااام خلق الله بدوون لزمه ليش ..!! ها الي يقهر ...يعني بس عشاان يتفاخر جدام الناااس والله انا عندي نظاره ماركه وجي .. معقوله ... كل شي جااايز !؟
وغالباااا الناااس الحين يهتمون بالمظاااهر ( يمكن ليش لا )..... بس كل شي وله حدووود ....
او يمكن عشااان ياخذوون راحتهم في التلصص على الي ساير وييااااي خخخخخ ... والله ما يندرى ..!!
... الصراحه امووت من الضحك عليهم .. استغفر الله ... !!
مزن هتان
16-07-09 ||, 02:41 PM
عهد الوداع
إذا الشباب يتلصصون، البنات ليش يلبسونها ؟!!
برد لكم إن شاء الله
رمــش الغـــلا
16-07-09 ||, 03:28 PM
^
هـ الموضوع عـ العوق ..
وينرفزني بـ شكل فظيييع ,,,!*
يعني الغرض من النظـآرة انهـآ تنلبس عن الشمس وحق العيون اللي تتحسس وهـ الأشيـآ ..
لكـن فـ المول وفالكلاسات فالجامعة وفالكلية ليش !!..
..!!
مرة استوالي موقف اني كنت ويا وحدة من الأهل فـ المول
ومن دخلـنا المول وما عقت النظارة .. قلتلها بليز اللي يمشي ويـآي يعق النظـآرة ..
لكنهـآ ، ما طاعت وتمت مصرة
قالت انـآ النظـآرة ما بعقهـا ..!
قلتلها عيل ما تمشين وياي .. وبالفعل سويتهـآ .. مشيت عنها واتمشيت ويااختي ..
لانه انا من طبعي اني ما احب البنات اللي جيه ، لانه احس انه شكلهم يكون وايد ملفت ..
فـ كيف وحدة تتمشى وياي وتكون بـ هالشكل ..!
[ فالنهـآية استخدام الشي في غير موضعه ] لول ..
الاسطوري
16-07-09 ||, 07:08 PM
هــــــــــلا ..
"عافك الخاطر"
لا مانسيت بس مادري عن هالموضه ما لحقت عليها أيامنا ماكانت موجوده بسمره صارت أن واحد لبس نظارة شبه
شمسيه عشان يغطي أثار جروح صوب عينه بسبب حادث بس ماصارت أن حد يلبس
في الكلاس جيه استهبال أظن هاي موضه يديده، وصدقج
تواصل العيون مهم في الحديث
بين الطرفين والنظارة تمنع هالشي ووتبين للطرف الثاني ان الطرف الاول مب مهتم نهائيا مثل الشخص اللي يرمس
وهو مكتف ايده ترا يحمل نفس الضمون الفكرة اللي ذكرتيها مثل مادرسنا قبل، شاكر
لج تواصلج واتمنى تحاولين تصلحين في هالمجتمع
من صوبج لو قدرتي
"عاصف"
أحس ردك مخربط وفيه وايد افكار يعني عطيت أمثله وتعليقات ونوعا ما ظلعت من الموضوع يعني انا مابى ارمس هني عن
نوع النظارة او حجمها او ماركتها انا ابى ارمس عن الظاهره بس عشان مانتشعب وندخل في مواضيع
مالها أول ولا تالي ومافهمت انت شو تقصد او شو موقفك بس مشكور على
المشاركة اللي اتوقع مضمونها انك ضد هالظاهرة
اللي مالها داعي ابدا
"المزوحي"
ممكن تذكر اسم المول اللي شفت فيه هالظاهره لأني اتوقع هو نفس المكان اللي انا لاحظت انتشار هالشي
فيه بزياده وبصراحه هم يظنون انهم كاشخين وكل الناس يوم بيشوفونهم بيقولون
واااااااااااو شوفوا هالزقرت مايدري حبيب الشعب ان
الناس يالسه تعلق عليه
وهالفئه يوم تسمع تعليق تعصب وتزعل كأن الناس تتبلى عليهم مايدرون انهم يتصرفون بشكل غير لائق وخاصه
لما الاجانب يشوفون المواطنين جيه يسوون ياخذ فكرة عن كل المواطنين انهم جيه
همج وغجر ويستخدمون الشي في غير محله
مثل ما ذكروا البعض
راجع للبقية
:yes:
الاســـطـــوري
أخوكم
المزوحي
16-07-09 ||, 11:02 PM
مرحبا الاسطوري، بخبرك عن المول، بس مادري لو الجماعه شافوا نفس الفئة في مول غير عن اللي شفته فيه
أنا شفتهم في الفستفل طال عمرك ... يعني الاشكال ما صادفتني في دبي مول أو الامارات مول
مادري عنهم ..!
أنا ما احب أمشي على الموضة ويوم أشوف هاذيل يسون جيه، أقول في خاطري الحين بيقولون بلاه هذا متخلف
وحي القلم
16-07-09 ||, 11:24 PM
نسيت تذكر اللي يلبسونها في الجامعات وقت المحاظرة ..الدكاترة وايد ينزعجون من هاي القصة!
أحيد مره سمعت وحده تقول انها اتسوي هالحركه عشان ترقد فالكلاس ..!
مادري شقايل يسوون جيه.. يدرون انهم امظايجين غيرهم و عادي عندهم ..!
مزن هتان
17-07-09 ||, 12:53 AM
و عليكم السلام
من طول الغيبات ياب الغنايم
مادري شلون يقهرون يلبسون النظاره وقت طويل ؟! نحن الطبيه و كل حين قطيناها
و الا موتي و أنا شوف وحده ابـ ممرات مباني الكلية "مسكره" لابسه نظاره !!
و اذا كنا بننزل مكان اقول حق خواتي اول بادي تقطون نظاراتكن، ماحب احس الخلق كلها
تشوفنا "شي غلط"، وين يبون ذولي نظاره بالمول
أحيد خالتي و بنت خالتي رايحيين وحده من المراكز، تقول خالتي دخلت محل
نظارات اريد أخذ نظاره و لمن ييت أجرب النظاره ناسيه اقط نظارتي بالاساس
و يوم تقول حق بنت خالتي ردت عليها اونه خالوه عبالي انج مستقصده "موضه".
اما سالفة أول الصبح لابد نعذرهم "كلش و لا البرستيج"
مزن
ذنـيـنـي
17-07-09 ||, 01:16 AM
انا فيني طبع
يوم اكون لابس نظاره شمسية ما اعرف اعقها الا لو يلست في مكان
يعني مثلا لو دشيت مول او سنتر الظهر, النظاره اتم على عيوني لين ما ادش مطعم او كوفي او حتى اول محل ادخله و عقب اشلها
حتى في الدوام, يوم اوصل اكون لابسنها و اتم على عيوني لين ما ادخل المكتب و عقب اشلها عن ويهي
مب انه حركه او اونه عاد كشخه و ما ادري شو, بس انا تعودت على هالشي
بس في ناس اونه عاد يتحرون اعمارهم كشخه, خاصة الي يلبسون نظارات شمسية فليل
شي ناس و هم على كرسي الحلاق بنظاراتهم الشمسية و سماعات التيلفون لول
مزن هتان
17-07-09 ||, 01:33 AM
ذكرت أيام التدريب العام "أحد الدواير اللي صارت شبه حكوميه الحين"
واحد من الموظفين كان يقعد بالمكتب يشتغل عـ الكمبيوتر "لابس النظاره" معتمه
"ترفق بعيونك يالطيب" و لا ما يلبسها الا قريب يخلص الدوام يوم الحريم يطلعون من المكاتب !!
الاسطوري
17-07-09 ||, 03:49 PM
هــــــــــلا ..
"عهد الوداع"
يمكن هالظاهرة السلبية حسب وجهة نظري مب منتشرة عندكم ولكن عندنا صارت واضحه والكل قام يلاحظ هالشي
والتعليقات عليهم قمت اسمعها من الجميع وماعرف لليوم هل هالفئه حاسه باللي تسويه
ولا يشوفونه شي عادي، شارك لج تواصلج ويانا في هالموضوع
وننتظر مشاركتج في النقاشات
اليايه
"مزن هتان"
عادي البنات بعد يتلصصون (يسترقون) النظر مافيها شي ترا
نحن في عصر المساواه، برد لردج
الثاني عقب
"رمش الغلا"
الناس للأسف وأقصد فئة المراهقين عندنا تحب التقليد الأعمى وتمشي ورا المظاهر والموضه حتى لو كان هالشي
مايتناسب ويه عاداتهم وتقاليدهم او حتى أحيانا ويه معتقداتهم، على كثر التعلبقات
تلقين هالناس مصرين على لبس النظارة بحجة انهم
يسوون شي مودرن وان
باقي الناس مال أول مايعرفون هالسوالف ومب متطورين مثلهم، بطرح لكم في الأيام اليايه مواضيع للحوار تخص
هالفئه اللي تبدي دنياها على آخرتها عشان برستيج وغيره من الامور اللي احس انها
تافهه والمفروض تكون آخر اهتمامات المرء ومشكوره على
المشاركه في النقاش
راجع للبقية
الاســـطـــوري
أخوكم
أنامل قلب
17-07-09 ||, 08:44 PM
وكيف بتميزون اللي لابسنها لحاجة ، من اللي لابسنها لغرض لا يليق ..!
الهيثــم
18-07-09 ||, 10:47 AM
والله هالظاهرة انتشرت بشكل كبير
ويانا وحده في الكلاس كانت معقدتني ، دوم تدخل ونظاارتها من بعد كيلو تلمع " ذهبيييية "
بس يا خي ، يمكن واحد حالته مثل حالتي ، ما تروم تظلمه يعني
أنا ألبس نظارة طبية ، والشمسية اتكون طبية بعد يعني فيها رقم ..
ومرات أكون في الموتر وأبا أنزل الشيشة .. ما اتفيج أبدل النظارات .. هل تتوقع يقولون عني خقاق بعد ! لول
ولا يبا يراوينه إنه عنده نظارة ، علما بأني مب راعي ماركات قوية .. يعني نظارتي عادية ..
خبررني يا خي ، ما فيني حد يصمني بعين بعد واندبغ على خشمي ..
المزوحي
18-07-09 ||, 12:00 PM
خــّطاب الواحد يقدر يميز الخقاق من غيره :ohboy:
يعني صار لي موقف من اسبوع، عقب ماسرت الدوام اختم، مريت المحطة آخذ لي ريوق، عقب ماتطلب اللي تباه
يحتاي تدفع أول وترد تاخذ اللي طلبته، وجدامي واحد لابس نظاره شمسيه :icon_rr:
ما اتحرك من مكانه بالرغم إنه طالب كوفي بس، لين ما فتح محفظته وتم يظهر الخرده وانا اتريا ورا ابغي ادفع :bash:
ي الاول والثاني والثالث والرابع وقفوا جدامي وهذاك بعده ميود بوك جوتشي، مادري الاسطوري يحتاي تنزل موضوع عن
الأبواك والنعله وانتوا بكرامه ... وتأخر ..
بعدين خــّطاب تقدر تميز اللي متعمد نازل بنظارته وإلا لا ...
يعني واحد تام بالنظارة ونزل بسرعه المحطه ياخذ له شي وطلع، والثاني نازل المحطة يتم يلف ويدور ربع ساعه
ويتلفت، وآخر شي يظهر لك بغرشة اورنامين سي :a018: هذا يبغي حد يشوفه ويلفت الانتباه ...
أمس بغيت اشتري ماي من المحطه، عقيت النظاره ونزلت، قلت ما فينا على الرمسه :hysterical:
عهد الوداع
18-07-09 ||, 03:21 PM
المزوحي اسميك ضحكتني والله حاله ههههههههه
لا تنسى الحين نحنا في زمن اسمه المظاهر .... ها الي قاعد يصير واشوووفه جداام عيني وخصوصا بين البنات ..الله المستعان ...
هيه بعد يبالكم تنقاشون سالفة سيتات السيارات ولبساات الماركه احس هالظاهره ردت تنتشر مره ثاانيه لوول ما ابغي اطلع برع الموضووع ... ما فينا الاسطورى يعصب علينا هيهيهيهيه
مزن هتان
18-07-09 ||, 05:56 PM
نفس الشي صار لي أخوي المزوحي =)
البارحه كنت طالعه و خايفه حد يشوفني من المنتدى، طول الوقت ما قطيت النظاره
مزن وايد لا تاخذين راحتج << الاسطوري يقولج
المزوحي
18-07-09 ||, 06:49 PM
الاسطوري موضوعك حمس الجماعه
تحفه
18-07-09 ||, 10:48 PM
انا البس نظاره يوم اعرف اني مابطول في المول .... بس يوم اسير شوبنغ مستحيل اسوي شوبنغ بنظاره
وعن البنات الي يلبسون نظاره .. انا ربيعاتي الي يلبسون نظاره في الكلاس يا يلبسوونها لانهم مالهم خلق الكلاس و يبون يرقدون ويسرحون ومايركزون في الدرس.. او لان الامتحانات جربت فيبون الاستاذ يتعود عليهم بنظاره عشان وقت الامتحان مايجكهم يطالعون في اوراق الي جدامهم او الي حذالهم لول
المزوحي
18-07-09 ||, 11:27 PM
تحفه، بس كيف لهم القدرة إنهم يشوفون الورقه بنظاره .. يعني الصراحة مابغي احسدهم !
الاسطوري
19-07-09 ||, 01:55 PM
هـــــــــلا ..
"المزوحي"
توقعت انك شفتهم في الفستفل لأنه اكثر مكان تنتشر فيه هالظاهرة حاليا ومابندخل في مواضيع
خارجه عن الموضوع بأن أغلب زوار المول من ديرة أو غيره بس يمكن
عذرهم بأن المول تدخله الشمس في
بعض الاماكن ولكن
شو عذرهم بالنسبة للاماكن اللي مافيها شمس! مابنرمس عن الماركات الناس أحرار في
هالنقطة ولكن برمس عن أمور أهم تخصنا كجيل الشباب في
هالمجتمع المنفتح، حاسب تنزل ترا الأعضاء
عارفينك وبيقطعونك
:glare:
"وحي القلم"
دام بيرقدون في الكلاس عيل الغاية تبرر الوسيلة لأن الاثنين
المفروض يكونون غلط وهم يرقعون
الغلط بغلط
"مزن"
الناس تحب تقلد بدون ماتشوف إذا هالشي يناسبهم ولا لأ وزين تسوين في خواتج هيه عشان محد من الواحات يحط
عليهم اما بالنسبة لخالتج فهي تصير احيانا ان الواحات مايكون منتبه او شي من هالقبيل بس
مره في السنه، في ناس صدق مايستحون يلبسون النظارة لإستخدام
غير نبيل ويتحرون أن محد بيلاحظ بس
مردوده فيه
^
حاسبي تلبسين النظارة في أمكان غلط ترا
أعضاء الواحات يراقبونج
:vampire:
"ذنيني"
دام فيك طبع عيل بو طبيع مايوز عن طبعه واكتشفنا انك شبه منهم ههههه فخلاص بنحطك في البلاك لست مع اني ما
لاحظت هالشي عليك قبل! أنا عاد عكسك من أدش مكان لازم أشل النظارة إما احطها على
الكاب او على العصامه او في مخباي اللي فوق او امسكها
في ايدي اذا ماتوفرت
هالاشياء الثلاثه لان ماينفع احطها في مخباي اللي تحت ويه السويجات وغيره ولكن ماحب اتم لابسنها لين اوصل المكان
اللي اباه احس حسب وجهة نظري انه شي غلط اما في المطاعم وقت الاكل والحلاق وغيره
فهاي مصاخه زايدة عن حدها والناس يالسه للأسف
(XXXX) في اعمارها
"أنامل قلب"
يمكن صعب التمييز من الوهله الأولى ولكن في الغالب اللي لابسنها لحاجه بيكون مضطر وياي لحاجه
يقضيها وخلاص أما اللي لابسنها فشخره بيكون ياي يستعرض في المقام
الأول ويتمشى في المقام الثاني ويشوف
غرضه (إن وجد)
في المقام الثالث يعني مابيروح يتغدى في مطعم مسكر ولابس نظارة شمسية أو مثلا داخل جمعية
أو محلات وهو لابس النظارة، بس الناس مابتيلس تقيم كل حد فممكن
ينظلم صاحب الحاجه بسبب هالفئة
والعكس صحيح
"خطاب"
يمكن في حالتك الشخص يكون معذور لان سالفة تغيير النظارات صعبه احيانا ولكن مب انك تنزل مطعم ولا كوفي شوب
وتم لابس النظارة الشمسية ساعة وتقول مالحقت اغيرها لأن الناس من طبعها ماتتلمس العذر
لحد فـــ عادي باجر انت وحرمتك تتمشون وتسمع شلة صغاريــــه
يقطعونك عشان النظارة الشمسية اذا كانت
ملبوسه في مكان غلط
:icecream:
"عهد الوداع"
لاتدخلينا في مواضيع يتحسسون منها الاعضاء مافينا باجر نتقطع عشان موضوع ولا رد كل واحد خله
يسوي اللي يباه ولكن ضمن الحدود يعني بدون مايتعدى على حرية
غيره، ان شاء الله بناقش مواضيع
تمسنا كشباب
"تحفه"
انزين انتي بحكم انج تلبسين النظارة في المول وتتمشين وتروحين وتردين ماتلاحظين بان مرات تكون في نظرات استغراب من
البعض؟ الناس احرار متى يلبسون نظاراتهم ولكن انا اشوف الواحد لما يستخدم الشي في موضعه
الصحيح يكون أجمل يعني بمعنى اصح تخيلي شخص لابس جاكيت
ويتمشى في عز الصيف في شوارعنا كيف
بتشوفين هالتصرف!
//
في النهاية تظل المسألة عبارة عن قناعات وكل حد يمشي على قناعاته ودام ان الشي مايتعارض ويه الدين فالناس
أحرار في تصرفاتهم يعني مب غصب كل الناس تمشي على درب واحد ولكن اللي
بيخالف وبيسلك درب خاص فيه لازم يتقبل ردود
فعل الرأي العام
:yes:
الاســـطـــوري
أخوكم
المزوحي
19-07-09 ||, 02:35 PM
حسيت بأنه ميركاتو نفس الشي
الهيثــم
19-07-09 ||, 03:00 PM
فـــ عادي باجر انت وحرمتك تتمشون
\ .. ~بو علي ،، الجماعة ما يعرفون إني معررس .. ~ .. /
تحفه
19-07-09 ||, 04:03 PM
المزوحي : لول يكون اكثر شي اختياري وتوصيل و فراغات XD بس طبعا مايستوي تجاوب قبل لا اتحل المساله لول ... في جامعتنا ما تنجح اذا ماتغش
الاسطوري : قتلك
انا البس نظاره يوم اعرف اني مابطول في المول .... بس يوم اسير شوبنغ مستحيل اسوي شوبنغ بنظاره
انا ما اتبحلق في الخلق عشان اعرف هم بشو يفكرون لول .. شو قالو لك وحده ففاضضيه XD
مجموعة إنسان
20-07-09 ||, 11:07 AM
انااا اقوول احسن شي الواحد يلبس
عشان ما يكسب ذنوب من اللي في المول
على الأقل بدل ما يشوف الناس ١٠٠%
خل يشوفهم ٥٠%
واذا واحد بصاااص شو بتسوي فيه!!
وحليله مايقدر ما يبحلق في الناس من اللي يلبسوونه
خله يلبس نظارة ويشوفهم بدون ما يعرفون
عن مال الآداب يمسكونه بعد..
انا عن نفسي في الكلية اول كلاسين ما افصخ النظارة
وخاصة نظارتي شوي كبيره
بس عشان الرقاد ما يطير من عيني
والبنت اذا لبست نظارة انا معاها
بس يمكن تكون فاهمة سالفة النقاب غلط!!
كل واحد عنده هدف في النظارة
وخله يحقق اهدافه..
العجيبة
20-07-09 ||, 12:03 PM
النظارة سلاح ذو حدين لوول
الموز
20-07-09 ||, 11:21 PM
اليوم شفت واحد لابس نظارته في المول، لكن ماظن يتخقق، لأنه ريال كبير في السن .
البنات في كل شي تقليد، مب بس النظارات + الشباب عنده كذا نظاره ، في البيت والسياره
وعلى عينه وعلى راسه ..
طير الحب
21-07-09 ||, 11:31 PM
أنا انسى أعقها الصراحة....بس في مول فور شور ما بتم احوط فيها
بو عمير
22-07-09 ||, 11:15 AM
سا عات أروح الدوام وعيوني متشقلبه ومنتفخه فأخلي النظاره أحيانا
وساعات أدخل أماكن مغلقه بس مالي بارظ اشيل النظاره وأحس الجيب متروس من بوك وتلفونات وما أريد اثقل على نفسي
أما الواحد يلبس النظاره في المولات مثلا هذا بس يحب يقلد ونحن العرب ما شاء الله علينا في التقليد وبعضهم يبط جبدك ويلبس النظاره على قفاه بالمجلوب
سبحان الله هذا شو إتقول عنه تضحك عليه ولاً تقرظه ولا تفتن عليه وما تنقهر منه
خلها على الله
شكرا على الموضوع
الرحيل
03-09-09 ||, 07:04 AM
عاد انت ماشفتهم بالاجازه ب لندن..نظارات شمسيه و الجو مطر
دمعة شوق
04-09-09 ||, 11:10 PM
فـ مابـآلك اللي يلبسونهآ وهم يـآكلـون
:k_special2:
آنا عن عمريه يوم ادخل مكان مسكر اعقها يوم القى مكان اقعد فيه ،،
مب عشان شي بس جي اكون مستعيله وادور مكان فـ اقعد واعقها ،،
ولا مرات يوم ماابا اسلم على حد اكوون لابستنها
:tounge:
بـس هاي سالفة المولات بالنظاره اممم ماتدخل العقل
يعني الواحد يبا يطالع على راحته مب شي مغطي على عيونه
عندنا ف الجامعه واايد منتشره هالحالة خاصة ويا البويااات طوول الوقت لابسات النظااره
ومايعقنها الا من رحم ربك ،، وفي البعض واكثر من مره اشوف كمن حد يلبسها وهو ياكل
ولاني اعرف هالنوعيات فـ هـي كـ ظااهره لا غير و كـ خقـه ولا ليش النظااره تنلبس يوم الاكل
ربك طااح شي في الاكل
:Oo:
بس في حالات خاصة للبس النظااره نفس ماتكرموا الاعضاء وقالوا في الكلاسات للرقاد واشياء ثانيه
وعشان الرقااد مايطير اووو العين يضرها الضوء او الرمد الله يكفيكم شره
تسـلم يـ آلآسـطـوري على الموضوع الحلو
:smile: