صور تجسسيه لنيسان باترول 2010 فى الامارات

[بحر الموده]

السلام عليكم ورحمة الله وبركاته
كيف حالكم اخوانى اخواتى عساكم بخير ان شاء الله
احب ابارك واهنى كل لى يعشقون مدمر الصحراء القادم نيسان باترول 2010 بوصوله واختباره فى صحراء الامارات
نقول حق الفتك وداعاً يالفتاك والكل حبك ومحد بينساك حتى اليهال يقولون خذ فتك وخل المصخره فديناهم ...وهذا الجيل الجديد
يختلف عن كل الموديلات لى قبل .. صحيح الشكل مب لين هناك لكن بعد ماوضح عدل ونتظر فى الاسابيع القادمه الصور الكامله عن هذا المدمر الحبيب بو 5.6 VVL

http://img39.imageshack.us/img39/9126/img00116200906251659.jpg
http://img208.imageshack.us/img208/8650/img00117200906251700.jpg
http://img199.imageshack.us/img199/5530/img00118200906251700.jpg
مثل ماتشوفون السياره بعض الاماكن مغطايه كانت فى رحلة اختبار صحراء ليوا وبدع زايد والاختبارات كلها كانت توب
وان شاء الله نشوفه والله يرزقنا بواحد ويرزق كل لى يحبون النيسان ..
وفى الختام تقبلو منى فائق التحيه والتقدير والاحترام ..*_*
اخوكم بحر الموده

[الهيثــم]

ما عجبني شكله أبدا .. لكن محركه جبار الصراحة ..

بس بيمشي سوقه ..

مبروك عليك بوجاسم تغيير الفتك ..

[عهد الوداع]

سبايدى كاه بحور كبكون ماكب

الله على النيسان اليديد روعه سلمت يابحرنا وسلمت يمناك ياعاشق النيسان ماتنلام يقولون ماترقد الليل الا وتقصد فى النيسان ههههههه

شكله دينصورى وعيبنى خلاص بيباى الفتك وشكله ذكرنى بالاستيشن اليديد اول ماطاح كان كل الناس تقول عنه مب زين عيل النيسان طلع احسن عنه وقوى بيترتربه فى البر الموعد عوافى يكيكيكيكي

مشكور على الموضوع لى كنا نترياه منك ودومك راعى واجب وتحلى واحة السيارات يوم فيها موضوع عن النيسان لووول^_^

[الرحيل]

انا مابحكم عليه من هالصور..يوم اشوفه جدامي بقول حلو او لا..

ومشكور اخوي على الصور..

[قرموشة]

جنه كروزر من الواجهه الخلفيه
بينزل منه 8 سلندرر واول مره ينزلونه 8 سلندر اتوقع !

[مايهزك ريح]

اول شي الناس ما بيتقبلون شكله .. بس عقب بيتعودون عليه ..

مشكور بحر الموده على التغطيه ^_^!!

[الهيثــم]

ما شي مثل " الأمريكي " يومن تذكره
لي ما على وصفه ورد يا أخواني

محركه جبار ماهو بمصخرة
وتحق له الشارة على النيساني

ستاندر يمشي ومشيه مبهرة
الجنط عشرة يطرب الشفقاني

له في البودي هيكل جميل مخصره
ويغار منه وارد الألماني

[قصايد غلا]

شكله غريب .. و مثل ما يقول أخويه ما يهزك ريح "الناس أول بادي ما بيعيهم و خلاف بيتعودّون عليه و بيعيبهم "



شكررررااااً بحر المودة



خطاب الله يهديك وين ياااه الأمريكي هيكل جميل مخصررررة :fa44:

الأمريكي دومه ضخــــــــم :biggrin:

[الهيثــم]

http://www.gulf4cars.com/vb/attachment.php?attachmentid=15729&stc=1&d=1188078031

[مزن هتان]

ايدي تحكني ماقدر ما ارد

الحمدلله اخوي ماخذ سياره يديده و ماكملت معاه سنه
يعني مستحيل ياخذها عن اقعد اشوفها جدامي و اتحسر

خلني ارد على هيثم الحين
تقول "جميل مخصره" و لـ "النيسان "مصخره" !!
شـ فايدة الخصر و الموتر يخرع !! بـ غض النظر عن "أدائها، و صوتها" :inlove:

[الهيثــم]

^ مزن .. مع احترامي لمحبين النيسان ولج اولهم .. ما عرف كيف ترتاحون في هالموتر ..
والله اتعقد يوم ايلس في النيسان ، السيتاات مش طبيعية ، أحسها مب مفصلة حق البشر .. وإذا يلست ورا أحس السيت إلي جدامي لاصق فـ ريولي ،، مووترر ضييييييييج ..

غير الأمريكي ، اتحس السييت يشلك ويشل ربيعك وياك ^__^

[بحر الموده]

مع احترامى للكل انا مب حاط موضوع حق ضرابه ولا تحاولون تخربونه هذا موضوع حصرى للجميع
الامريكى ماله وجود فى هذا المكان لى يبغى ينزل موضوع خله ينزل واحة السيارات ماتقول لا ويسوى مقارنه ويتكلم عن عيوب السياره والراحه ومن حيث المواصفات الاكثر
ويبقى النيسان له عشاقه وانا اولهم:k_harhar1:
والامريكى له ناس تحبه
والسمووحه من الجميع