توجه قوي: العام الدراسي بعد العيد

[عهد الوداع]

السلام عليكم والرحمه
هنالك توجهاً قوياً لإقرار بداية العام الدراسي المقبل بعد نهاية إجازة عيد الفطر السعيد، وذلك بعد طرح الموضوع عبر سؤال صاحب السمو الشيخ محمد بن راشد آل مكتوم نائب رئيس الدولة رئيس مجلس الوزراء حاكم دبي، رعاه الله، عبر “الفيس بوك”.
وقال حميد القطامي وزير التربية والتعليم ل”الخليج” إن التربية تعد تقريراً الآن بناء على ردور الفعل الإيجابية لسؤال صاحب السمو نائب رئس الدولة من قبل الميدان التربوي، وذلك لاتخاذ القرار الذي يراه سموه مناسباً بهذا الشأن.
وكانت التربية قررت أن تكون بداية العام الدراسي ما بعد المقبل بعد عطلة عيد الفطر وليس العام الدراسي المقبل، إلا أن السؤال الذي طرحه سموه وردود الافعال التي جاءت عليه من قبل الميدان التربوي وأولياء الأمور يمكن أن تؤدي إلى اتخاذ قرار ببداية العام الدراسي المقبل بعد عيد الفطر.
http://www.alkhaleej.ae/portal/f7befeac-77e0-472e-ac40-fdad94603709.aspx

[الهيثــم]

نتمنى هالشي ، بس الجامعات والكليات وين محلهم من الإعراب .. !

[رمــش الغـــلا]

مـآدري بـالنسبة لي .. صح اني تخرجت وهـ الشي ما يأثر سواء أجلوه او لا ..

بس ماادري اللي فـ البيت عدنـآ .. ما يتمنون هـ الشي

لانه راح تطول اجازة الصيف هالسنة .. واجازة الربيع بيتأجل وقتهاا .. وبتطول السنة الدراسية لي شهر 6 أكيييد !!

ماعرف لازم يفكرون فـ القرار بشكل صح .. لانه هالشي معناته الدوامات راح تبدا مع بداية شهر 10 ... يعني اجازة صيف 4 شهور واايد ..! "من رايي الشخصي هذا "

[الهيثــم]

^ رمش ،، أنا هذا آخر كورس صيفي آخذه ، يعني إذا بدوا الدراسة بعد العيد ، بحصل إجازة محترمة . .
لكن إذا بدت في شهر 8 .. إجازتي تنعد ع الأصابع ، وببدأ كورس ثاني .. وبرايه ما تفرق عندي إذا بتتأخر السنة لأني جي ولا جي خريج السنة الياية إن شاء الله قبل الصيفي .. لول

" مب جني افكر فـ عمري "

بس بداية الدراسة في عز الصيف وفي شهر رمضان ، بتكون صعبة ومالها معنى ، لأن الامور بتكون ملخبطة
وجي ولا جي بيضييع أسبوع من الكورس ع الفاضي ويمكن أكثر في حالة المدارس ..

[طفلة من هذا الزمان]

عــادة ما يعاني أوليـاء الأمـور و الهيئات التدريسية والإدارية من دوام رمضــان ،، كــون الملاحظ في الميدان إن درجات الطلبة تكون متدنية خلال الشهر الفضيل واستيعابهم للدروس وأدائهم لواجباتهم اليومية غير مرضي ، بشكــل إيأثر على تحصيلهم الدراسي طول السنة

حتى من ناحية المعلم نفسه ، عطاءه أكيد بيختلف وقدرته على الوقوف 45 دقيقة والشرح و التكرار أحيانا في الحصة نفسها أو من صف لآخر يشكـل إجهــاد جسدي (مع إنه أجره عظيــــــم ) ، خصوصا للمعلمات كون المعظم ربـات بيــوت يعني الدوام ما ينتهي ....

أتمنــى فعــلا تأجيلــ الدوام لما بعد رمضــان ،، وبرااايه خل تطول الإجازة ..
على فكرة الهيئات التدريسية و الإدارية بعدهم ما أجــزوا ،، عكـــس الطلبة !!:smile2:


معلمة حاسده الطلبة :fa44:

[عافك الخاطر]

لو يطبقونه على الجامعات بعد زين لأني انا بعدني ما أجزت و اجازتي كلها على بعضها شهر بالضبط ..و بعد ما بتكون عندي اجازة ربيع السنة الياية .. يعني بيسوون فيني خير لو خلوها عقب العيد

[مــهــابه]

واحــنـــا ؟


جـان خـلوا الدوامات بــعد العـيد للمدارس ، لازم يخلـونها للجامعـات بــعد


عسب اخذ اجازه ممم جريـب الـ 4 أشهر =P


ويمّـددون الكـورس ويسـّوون اللي يســوونه ، اهم شي نأجـز فـ رمضـان واذا ماصــار


الله كـــريم


شو بــدنا نّــعمُــــل ؟

[حلم الطفوله]

حاسدين الفقير على موتة اليمعه !!!

طبعا كلنا يعرف إنه الدوام برمضان متعب على المعلم والطالب ...وكلنا متأكد إنه الأجر مضاعف وعلى نياتكم ترزقون

بس فكروا وياي وحسوا بمعاناة المعلم اشوي


صار لنا شهر كامل اندوام في المدرسه بدون شغله ولا مشغله !!! انش من الصبح ونرد 12 شو الحكمه ما أدري مع إنه الطلبه من خلصوا امتحاناتهم قالولنا بيباي :)

دوامنا بيكون ثاني يوم برمضان والطلاب بيداومون عقبنا بأسبوع ....تعرفون نحن شو نسوي بهالأسبوع!!

نداوم ونرتب غرفنا وصفوفنا ، نطلع الكتب من الكراتين ونوزعهم على لصفوف !! هالشيء وايد وايد متعب جان جربتوه

وخصوصا بهالحر صدق بنعطش !!!

الطلاب برمضان لا يكتبون واجبات ولا يذاكرون هذا شيء معروف ومحد ينكره ووالله انراعيهم وايد

بس نحن مطالبين بشرح وتحضير المفروض نخلصه وياهم !! ووالله العظيم نتأخر بالمناهج عقب رمضان لانه نعيد إلي شرحناه من أول ويديد وخصوصا إنه الغياب واضح بهالفتره

يعني هالشهر إلي بيعطونا إياه برمضان أفضل من جلوسنا طول شهر 6 بلا شغله ولا مشغله !!!


عطونا خير وبركه ... ما عطون إجازه كله بأجره ... والله يعطينا الصحه والقوة :)

[المنصوري]

والله كنت ناوي ارد واتناقش بس بعد رد حلم الطفولة احس اني بتفلع بكل جواتي بنات الواحات وخصه منها ومن طفله:a058:

رمضان كريم مقدماً


منــــ9ـــوري

..

[حلم الطفوله]

أفرغ ما في جعبتك يا أحلى منصوري ....

بنات الواحات ما يفلعن بجواتيهن الناس الأخيار شرواك :)

بس يمكن حلم وطفله ينطحنن طشونه وياك :)

[المنصوري]

تدرين من بعد كلامج ولو كنت انا وزير التربية ( اصلن ما بيكون فيه وزارة اذا كنت انا رئيسها :a036: ) كنت بعطيج انتي وطفلة اجازة في رمضان وشهر بعد وشهر قبل رمضان

رااااجع لكم شرات ما يقول راشد .. بس خل اخلص

[عهد الوداع]

مساكين حاسه بمعاناتكم ):

[أنامل قلب]

هو فعلا الدوام برمضان متعب للي يبذلون مثل مجهود المدرسين ،
أما للي دواماتهم عاديه ، فـ بالغالب يدلعون :icecream: ..

بالنسبة لي ، مع إني بالمثل أشتكي أحيانا ، لكنها شكوى عاديه تصير برمضان وغيره P=
بس بصراحه ، اعتبر الدوام برمضان أخير وأرحم لي أكيد ..!

,

باذن الله يتخذون الاجراء الأنسب خاصه للي فعلا لهم العذر ،
وكل عام وانتو بخير مقدما ..!

[العجيبة]

انا يعجبني اداوم في رمضان > وحدة داومهم يبدا في نص رمضان!

الكلاس اللي يكون 50 دقيقة يستوي 40 دقيقة

واللي ساعة وخمسين يستوي ساعة وثلث ....


وهيك ولا هيك انا ما بتأثر من هالقرار الا نفسيا ... لاني بشوف خلق الله يالسين ومستمتعين وانا اراكض من محاضرة لمحاضرة :/

[تحفه]

حاسدين الفقير على موتة اليمعه !!!
طبعا كلنا يعرف إنه الدوام برمضان متعب على المعلم والطالب ...وكلنا متأكد إنه الأجر مضاعف وعلى نياتكم ترزقون
بس فكروا وياي وحسوا بمعاناة المعلم اشوي
صار لنا شهر كامل اندوام في المدرسه بدون شغله ولا مشغله !!! انش من الصبح ونرد 12 شو الحكمه ما أدري مع إنه الطلبه من خلصوا امتحاناتهم قالولنا بيباي :)
دوامنا بيكون ثاني يوم برمضان والطلاب بيداومون عقبنا بأسبوع ....تعرفون نحن شو نسوي بهالأسبوع!!
نداوم ونرتب غرفنا وصفوفنا ، نطلع الكتب من الكراتين ونوزعهم على لصفوف !! هالشيء وايد وايد متعب جان جربتوه
وخصوصا بهالحر صدق بنعطش !!!
الطلاب برمضان لا يكتبون واجبات ولا يذاكرون هذا شيء معروف ومحد ينكره ووالله انراعيهم وايد
بس نحن مطالبين بشرح وتحضير المفروض نخلصه وياهم !! ووالله العظيم نتأخر بالمناهج عقب رمضان لانه نعيد إلي شرحناه من أول ويديد وخصوصا إنه الغياب واضح بهالفتره
يعني هالشهر إلي بيعطونا إياه برمضان أفضل من جلوسنا طول شهر 6 بلا شغله ولا مشغله !!!
عطونا خير وبركه ... ما عطون إجازه كله بأجره ... والله يعطينا الصحه والقوة :)


ليش ما تكتبين ردج في اكاونت الشيخ محمد في facebook هو يقرا الردود بنفسه على فكره يعني :k_smile2: و هالاكاونت سيريس وردج بيكون في الاعتباااار :thumbup1: ومسونه عشان يتواصل وي شعبه المواطنين قبل حتا الوافدين

[صريح]

بيصدر خلال ايام خبر تأجيل العام الدراسي لما بعد شهر رمضان
و بيكون تعويض هالشهر بدوام يوم السبت .. يعني الاجازه بتكون الجمعه بس

هاللي وصلني من مصادري الخاصة في الوزارة
:4:

والله اعلم

[رمــش الغـــلا]

^ اذا هـ القرار بينزل ..

انا اشوف يداومون فـ رمضان أرحم من انه يكون الويكند يوم واحد بس !!!

لول

[حلم الطفوله]

هلا يا أحلى أم خدود في الدنيا :)


ما قدرت أسجل عشان أكتب رد او أشارك ....حاولت وما قدرت اسجل :)

[المنصوري]

صبــــااااح الحـــــر والرطوبـــــــة ’’

أمـــس في حــديـــث جانبــــي مــع أحـــد أفـــراد عائلتــــي ( ما ادري شو صـــايـــر امـــس ، 17 مره رن تلفوني وكل المكالمات من الامارات ( هب يعني 17 بس للمبالغــــة :fa56:) واللي ويايه يقولون عندكم مناسبة معينــة في الإمارات ، الكل يتصل فيـــك .. قلت لهم لا هذه شي عادي واعتيـــادي:m_mar7ba: ) .. المهم كنـّـــا كــذلك ننـــاقـــش هالمــوضوع ولو كان على عجالـــه ، عــن نفــســي أرى بأنه مســتــوى الطـــالــب يكـــون في تــدنـــي لأســبـــاب معروفـــة ومعلومـــة ( واذا عــُــرف الســبب ـ بطـــل العــــجــــب ) عنــد الجميـــع ولــكــن الكل يتغافلهـــا ويتجنبهــــا ، الكـــل يتحـــرى بأنه شــهــر رمضــــان شهـــر ( النوم ) و ( الكـــســـل ) وما ننسى ( الأكـــل :argue: ) ، سهـــر وأفلااام ولا شــي جديــــد ، والتعــب أكيـــد راح يكون متواجــــد ، يعني الطالب يسهــر للساعه 2 ومرات 3 ومرات حتى للسحــور والأهــل طبعاً هم من يشجعونه على هالسهــر بحكم ( إحيـــاء ليالي رمضـــان ) على أنغـــام هيــفـــا وهــبـــي وعبيـــر أحمــــد وعبدالحســـيــن عبدالرضـــا ... إلــــخ ’’ الخلل هب في الشهــر الفضيـــــل ، الخلل في عقول الناااس أولاً وأخيـــراً ’’

بــس اللي يقـــول بإنــه الدوام تعــب والحــر يذبــــح ، عن نفســي عاشرت هالفتــرة وكنت اكتشف في بعض المرات بإنه مستوى الطالب يرتفع في رمضان خصــه إذا يلس للسحور وبدى يذاكر ( أحسن فترة للمذاكرة شرات ما اثبتها العلماء ) ولكــن لا حيـــاة لمــن تنـــادي ، اذكر اخويه كان يوعى للسحور وعيونه مغمضه والاكل في ثمـــه :fa48: ’’ ومرات تستوي ليه بس هب طول الشهر:redface:

في الســابق ، كان المسلمون يجاهدون في الشهر الكريم ، وشي ناس بترد وبتقول ولكن العلماء كانوا يتركون كل العلوم في هذا الشهر ويكرسون وقتهم للقرآن ولكـن عندنا العكس ، يعني لو القرار راح يكون عشان الواحد يستغل الوقت في شي مفيد أنا موافق على هالقرار ولكن القرار راح ( يزيد نسبــة مشاهدين الأفلام ) و ( يزيد عدد الأطباق المقدمة على الفطور والسحور ) .. وانتبهوا من الوزن الزااااايد :crazy:

يخبروني الشوّاب بإنه شهر رمضان قبل سنين يا لهم في نص الصيف وكان الجو جداً جداً جداً حاار ( وتقدرون تتخيلون الوضع بدون مكيفات ) وكانوا يشتغلون من غبشة الصبح لين غروب الشمس ويرجعون هلكانين ، رمضان هب سبب ولكن نحن نتخذه سبب ..

منــ9ــوري كان هنــاااا

P.S
حلم ,, شكرن شكرن شكرن على الكلمات وعندي حصانه من النطح بس ما عندي من العض :fa52:

[وحي القلم]

بيصدر خلال ايام خبر تأجيل العام الدراسي لما بعد شهر رمضان
و بيكون تعويض هالشهر بدوام يوم السبت .. يعني الاجازه بتكون الجمعه بس
هاللي وصلني من مصادري الخاصة في الوزارة
:4:
والله اعلم


يستهبلون؟!! :glare:

ان شا الله يأجلون دوام المدارس بس

لانه اللى فالمدارس الحكوميه صدق يهلكون

بس لا يأجلونه للجامعات :d014:

نحنى دوام رمضان ما يتعبنا و ما نبى نداوم السبت :a058:

[تحفه]

هلا يا أحلى أم خدود في الدنيا :)
ما قدرت أسجل عشان أكتب رد او أشارك ....حاولت وما قدرت اسجل :)


يا ستين تسعين مليون مرحبا يا حلوه انتيييي :heart:

حاولي مره ثانيه :14:


--

اليوم كنت اناقش السالفه وي ماما .. اونه ماخده من صريح خبر طازه عن دوام السبت جان تقولي هيه بس بعد رفضوا الفكره محد يبا لان ٣٠ يوم وايد و روحه دوام الفصل الاول قصير اقصر من الثاني ... قلت لها انزين ليش ما تخلون الدوام كامل شهر سته :tounge: مول محد بيشتكي

اليوم من كثر ما انا فاضيه ابا احل هالقضيه هيهيهي

الموهيم


انا احس سالفه شهر مب طايعه ادش في راسي خاصه وان الطلاب جبدهم لايعه ومابيودون شي اسمه كتاب ومذاكره .. ونحن اطورنا لازم ماناخذ الكميه في الاعتبار لازم انركز في الي بيدش في مخ الطلاب .... ليش ينشون الصبح عشان يرجعون الظهر يوم رقادهم و سيرتهم المدرسه ماله فايده ...


شي بالعقل يعني :tounge: لازم يوافقون على هالاقتراح شاؤو ام ابووو ( ماعرف كيف اكتب ) وا فضيحتاااه XD

[وحي القلم]

تحفه أنا سمعت من كمن وحده أنه دوام الكورس الثاني أصلا وايد طويل.. يخلصون المنهج من وقت بس لازم يداومون لين الامتحانات عشان الحضور ..!

ماظني بيأثر عالطلاب لو يأجلون إجازة نص السنه و يخلون الكورس الثاني يخلص في نفس التاريخ القبلي !!

[مناير]

السلام عليكم

إن شالله إجازة شهر رمضان

وأكيد إذا ظهّروا الحين القرار عندهم وقت ايعدّلون الكالندر ( calender ) للسنة الياية

عشان ايوازنون بين تيرم 1 وتيرم 2

والله هالسنة محد داوم شرات الناس قي ارمضان خاصة نحن اللي في مدارس خاصة

نص الوافدين يايين متأخرين من بلادهم عقب الدوام باسبوع او اسبوعين ونحن بعد ما قصّرنا

لا مذاكرة ولا شياته خبّلنا بالمدرسين الله يعينهم، لأنهم صدق أكثر ناس يتعبون ( صدق انها مهنة قاتلة ):tounge:

ع قولة ختيه ( اللي يبي ينتحر يشتغل فالتدريس ):Oo:

يا رب اجازة

وسلامتكم...

[مــهــابه]

وجـآن يأجلـون لـكم العــآم الدرآسي

آسـتآنسي أبــله حلــم ، وطفلــه من هذا الزمــآن

.

.




تاجيل الدراسة في المدارس الحكومية الى مابعد شهر رمضان المبارك
2009-07-01 17:13:51
المدارس الحكومية / تاجيل الدراسة

ابوظبي في الاول من يوليو / وام / تقرر تاجيل الدراسة في المدارس الحكومية للعام الدراسي 2009 / 2010 الى مابعد شهر رمضان المبارك.

// وام //.

[مناير]

الخبر طالع بس المدارس الحكومية بسسسسسسس:k_shock_1::k_shock_1:

لا بصيح ونحن المدارس الخاصة:fa43::d010::fa43:

( بنقل حكومي )

[الهيثــم]

يعنــي سووها فينـا ، راحت علينـا الإجازة ..

[طفلة من هذا الزمان]

سبقتينــــي يا مهـــــابة ،، :8:
واضيف عليه بتبدا الدوامــات 13- 9 - 2009


و انا يايــه طيراااان بنشر الخبر الأكيد و بدحض (خيبة :a033: ) كل الاشاعــات اللي شوي ترفع معنوياتنا و شوي تحبطنـــــــا :boxed: ،،

حتى يوم وصلني المسج من تلفزيون الشارجه ونشرته طبعا كالعادة ، وصلتني مسجات محبطه انها بتكون للطلاب فقط - على قولة مصدر في المجلس الوطني - الظاهر انهم بعدهم خبر خير :a052: ..


المهم ،،،
أخبــار الدار أكدت ،، و بعدني بتريـــا أخبار الإمارات عشان اصدق فعـــلا ...


ولاا للتعــويض ،، عندهم حرية يطولون الفصل الأول بس ما نداوم سبت ، الفصل الأول جدا قصير مقارنة بالفصل الثاني و يستوي الركيييض عشان نخلص بس ، و بعد نخلص و نحن ضمايرنا تتــآكل بداخلنــا و نتم نحــاتي بناتنا لين يوم الامتحانات عشان نطمن انا غطينا وياهم كل شي و ما بتيهم أسئلـــة ما يعرفـون يجاوبونهـا ..


المهم واايد رمست من الفرحـة طبعــــا ،،
و التخطــيط لعمرة رمضــان جــــــــــــــاري ،،، بدال الخصم اللي خصمووووه عني العام (ما نست :biggrin: )


المنصـــوري ،،
شكــرا على كرمكـ الحاتمــي و ان شاء الله تستوي وزيرنــا ،، هذا اذا تميتلهم في التربيــة ولحقت عليكـ يعني :biggrin:


دمتــم بــود ،، :1:

[مــهــابه]

منـــايــر ، خــطاب :

الـوزيـر القـطامي صّــرح فـ اخبــار الدار ، وقـال بـ أن المدارس الخاصه اللي اتـطبق المنهج الحكـومي بـتكون عـندهـا اجـازه

بالنسبـه للمدارس الخـاصه الثــانيه والجامعه راح يعــلنون الخبـر الأكيــد الاسبـوع اليــاي


تفــاؤلــو خيـــر شــرآتي :)



طفــله :

تسـتآهلــووون

[وحي القلم]

مبروك ^_*

[رمــش الغـــلا]

مبروك لعـيال المدارس الحكومية ..

محد فـ البيت بيستفيد من الاجازة لول ...

[حلم الطفوله]

الله يبارك فيكم جميعا

طفله عاد أنا من سمعت الخبر ....يالسه أحن على عمرة رمضان .... بشوفج هناك إن الله راد :)

[صريح]

مبروك لكل الطلاب و الهيئة التدريسية

قلتلكم مصادري موثوقه فالوزاره خخخخ
:k_harhar1:

[همس الوجود]

واحناا الي في كليات التقنيه العليا .. وين موضعنا من الاعراب ؟؟؟

[عافك الخاطر]

مبروك طفلة و حلم :) ، لازم تحتفلون

نتريا الخبر الاسبوع الياي ..

[جنون امرأة]

و الجامعات الخاصه ؟؟؟؟؟؟؟؟؟؟؟

مثل جامعة عيمان و جامعة الشارجه ؟؟ شو سالفتها

[ايه احبك]

هيه والله تهقون يا بنات بيعطونا اجازه بعد خاصة انه نحن في الكورس النهائي وكل ما ماده تاخذ 10 اسابيع اذا دوامنا بعد رمضان بيصير دوامنا للمواد 8 اسبايع وها بيحطنا بضغط :S وي الله يعينا

[مناير]

مبروك لكل الطلاب و الهيئة التدريسية
قلتلكم مصادري موثوقه فالوزاره خخخخ
:k_harhar1:



أخويه صريح

دام مصادرك موثوقه اتأكد من المدارس الخاصة الأجنبية هالنحيسه ولك البشارة :a108:

بس إن شالله خير إحساسي ايقول إجازة يارب

[المنصوري]

وشو تبون بعد :biggrin:

http://www.alittihad.ae/details.php?id=22215

منــــ9ــــوري

[تحفه]

حمدلله تخرجت D:

[مناير]

وشو تبون بعد :biggrin:

http://www.alittihad.ae/details.php?id=22215

منــــ9ــــوري


المنصوري شاق الحلج من الفرحة عهالخبر

نحن مدرستنا اصلا تبدا امتحاناتها الفاينل عقب ما تخلص المدارس نحن نبدا

والحصه عندنا مدتها ساعه كامله :pullhair: والبريك نص ساعة، لكن نحن عندنا 2 بريك ف بالتالي

ساعة بين 6 ساعات دراسة

بس ما اعتقد يطبقون علينا نظام زيادة الساعات ( الدوام ) إلا إذا يبون ايخبلو بنا :wacko:

الله يعينا من القوانين اليديدة..... لين ما نتخرج :k_smartass:

[مناير]

حمدلله تخرجت D:


ألف مبرووووووك :a070:

عقباااااااااالي

[همس الوجود]

يقولوووون دوامات الجامعات و كليات التقنيه ماتغيرت .. يعني على تاريخ 31\8

لا والله ليش يعني احناا مالناا رب .. :(

جيه عزالله تهنينا برمضان بنرد منهد حيلناا والصغاريه بيهدونا زياده بحشرتهم وهم فالبيت .. :(

مايصير والله لزمن يكون شي مسواوه بينا وبينهم .. << حاقده على عيال المدارس .. !!!!!!

[الرحيل]

الجامعات والكليات تابعه للتعليم العالي..اما المدراس تابعه ل وزارة التربية والتعلم..ف على مااظن انه ماتشملهم..مبروك لهم ويستاهلون