الســياحــة فـــي الـــبلاد

[المزوحي]

السلام عليكم

واحة السياحة والسفر، بس بالنسبة للي ما بيسافرون، وين بإمكانهم يسيرون ؟؟؟

ممكن تخبرونا وين الواحد يودي اليهال .. وحتى الكبار لو حابين يسيرون إمارة ثانية ...

فندق معين - مكان الواحد ينبسط فيه ..

وبما إنه الصيف بدا ومعروفين بصيف دبي ومدهش اللطيف، اللي يشد الكبار قبل الصغار


http://www.gulf4cars.com/vb/attachment.php?attachmentid=37997&stc=1&d=1243448871

[رمــش الغـــلا]

يمدحون Thecove Rotana

Rak

http://www.thecove-uae.com/uploads/images/Copy%20of%20The_Cove_Rotana_-_Exterior_Image.jpg

[المزوحي]

هلا رمش الغلا .... هذا أول مره اسمع به ... شكرا لج على الاضافه

[فرفوش]

من أسبوع وديت ولد أخويه دريم لاند أم القيوين
فكرت بالواد وادي و أتلانتس بس شفت دريم لاند أحسن من ناحية كثرة الألعاب للأطفال + خالية من الزحمة
الصراحة واااايد أستانسنا هناك
أنصح الأطفال بس الحين الجو بيصير برد فما بيمديلكم

[مايهزك ريح]

فندق ياس ..

http://www.theyashotel.com/



جزر الصحراء ..

http://www.desertislands.com/en/Content/home.aspx

[المزوحي]

كشخه مايهزك ريح

بس في خاطري اعرف الاجانب ماعندهم دوامات، كله في المولات الصبح، هل طبيعتهم شغلهم وإلا اصحاب بزنس !

قهرررررررر

[مايهزك ريح]

لا يمكن سياح .. او في اجازه .. او شاردين مثل ربعنا .. ^_^!!

[شوق القلوب]

السلام عليكم..

يا سلام... روعه الفنادق... حلو الواحد يغير جو بين فتره و الثانيه

[المزوحي]

صح كلامج اختي شوق

في فندق يديد في الفجيرة ( نور ارجان روتانا )

http://www.rotana.com/facilities-30-3.htm

[مــهــابه]

خآطري آروح فندق يآس ><

[فرفوش]

افكر اسير منتجع راك بنيان تري - راس الخيمة

[الموز]

ومع هذا كله الفنادق كلها فل خلال ايام العيد

[غرور أنثى]

فندق المنزل وقمر الدين ، وااااايد حلوين.

[خيال الحب]

بعد بعد عطوناا امااااكن

ياييني زواار من خارج الامارات بعد 3 اسابيع وماعرف وين اوديهم @_@ خخخ وخاصه يبون يقعدون في بوظبي ودبي

[مايهزك ريح]

ادخل
www.booking.com (http://www.booking.com)
وشوف وايد فنادق ..

واذا على السياحه ..
عندك اسهل شي تتنقل بالمترو في دبي..
يوديك معظم الأماكن وما تحاتي بارك للموتر

[خيال الحب]

لا مابي فنادق يالحبيب

ابي اماااكن حلوه غير المولات@_@

احس بلادنا مافيها الا المولات خخخخ

شكلي بقعدهم في مزرعتنااا وبعبيلهم الحوض ماي خخخ وبنقعد نشوي وخلاص لوول

[مايهزك ريح]

عندك قرية التراث والغوص
ودهم برج خليفه -observation deck
راوهم النافوره مالت دبي مول ... الناس كانوا يسيرون لاس فيجاس فندق بيلاجيو بس عشان يشوفونها
عندك المارينا ووك و JBR و the walk
ودهم رحله كروز في الخور وايد شي بواخر تتعشى فيهن ويكشتونك مثال
Bateaux Dubai
http://www.jebelali-international.com/properties/BateauxDubai/TheBoat/TheStory.aspx

كشتهم بعد في النخله وايد فنادق ودهم atlantis فيها حديقه مائيه واكواريوم

وايد اماكن .. بس فكر اشويه وبتلقى ^ـ^!!

[المزوحي]

شي بعد الكروز مال هيئة الطرق اللي تاخذه من نقطة معينة، ممكن تاخذه من الفستفل ويوديك اتلانتس، او حديقة الخور، او اي مكان ثاني على حسب مب محددين في الجدول والاسعار

والله عنا اماكن، بس احيانا الواحد ينسى، وانا كنت ابغي جدول سياحي في دبي ^_^ حق عمري لأنه بظهر إجازة 5 ايام ، ابغي اغير جو

[خيال الحب]

مشكورين اخواني والله ما قصرتووو^__^

يزاكم الله خييير

[المزوحي]

حد منكم زار آيس لاند في راس الخيمة ؟

[مايهزك ريح]

Nop ................

[شوق القلوب]

يقولون حلوه... بس في لعبه... مب امنه.. يعني كمن واحد اتيرحوا منها !

[الموز]

كان في خاطري اسير حديقة جميرا البحر وقلت بشوف يوم ثاني، امس ربيعتي سارت، وشافت العجب

يعني الواحد لو في خاطره يجول في البلاد مايقدر

[بحر الموده]

وعليكم السلام
اخوى المزوحى شحالك عساك مرتاح
السنه كلنا مقيضين هنييييييييه .. انا اشوف مناطق الساحل الشرقى زينه
دبا خورفكان العقه شيص نحوه الفجيره كلباء ...

[المزوحي]

هلا بحر المودة .. انا الحمدلله بخير وسهاله

اللي ما سافر بإمكانه يتجول في البلاد مثل ماذكرت

الله يعطيك العافية

[فرفوش]

حلات بلادي في موسم البرد ـ وما أحلى أن نبيت في الصحراء بين الرمال الناعمة والجو البار وأمام الحطاب المشتعلة وتدور بيننا الجمال (يبالي أشتري خيمة)