المساعد الشخصي الرقمي

مشاهدة النسخة كاملة : كاميرة كانون


المزوحي
02-06-09 ||, 07:18 PM
السلام عليكم

من منكم عنده هالموديل

كانون 450D ؟


http://photocrati.com/wp-content/uploads/2009/03/canon-eos-450d-rebel-xsi.jpg

أو كانت عنده هالكاميرا
مجموعة إنسان
02-06-09 ||, 09:09 PM
خير شو تبي تعرف عنها !!

يمكن اقدر افيدك
المزوحي
02-06-09 ||, 09:13 PM
هلا

إذا تقدر تفيدني خبرني بكل شي عنها ... لووول

لا شو رايك بها .... ؟

هل يسوى الواحد يشتريها
مجموعة إنسان
02-06-09 ||, 09:21 PM
وايد حلوة

هذي تعتبر النسخه المجدده من كيمرتي 400d
وايد متطوره


اتوكل على الله
وايد حلوة وبتنفعك اذا انت هاوي تصوير وتفكر تستوي بروفشنل

بس اذا تبي كيمره حق تقزيره
يعني بس تبي كيمره حلوة وصغيره في انواع ثانية صغار بس وايد حلوين
المزوحي
02-06-09 ||, 09:57 PM
انا كانت عندي ديجيتال سوني 10 ميجا بكسل، والحينه عندي ديجيتال من كانون 12 ميجا بيكسل

واللي اطريها 450D شفتها اليوم عند بنت اختي ... بس هم ما يعرفون وايد للكاميرا، جربيتها في كذا صورة

بس احس يباله يشترون عدسات ثانيه ...

عشان جيه أسأل عنها
مجموعة إنسان
02-06-09 ||, 10:43 PM
وايد حلوة الكيمرا
بس اول شي خل تتعلم عليها
وتشوف شو نوع التصوير اللي بيستهويها
عقب خل تاخذ عدسات على نوع التصوير اللي تبيه
لا تخسر فلوسها على عدسات ما تستعملها عقب
المزوحي
02-06-09 ||, 10:44 PM
تسلم مجموعة انسان
بنت ناس و عرب
05-06-09 ||, 05:54 PM
اذا بتشتري افضل لك تشتري nikon d90 او اشتري nikon D5000وايد احسن من هالكميرا و فرق شاسع فالكوالتي و التصوير ..
المزوحي
05-06-09 ||, 09:49 PM
بنت ناس وعرب، تراني ماعرف في هالشغلات، لكن لو حطيت في بالي اشتري شي، اتم مده لين ما أسأل واسير روحي

بعد اشوف اختلاف الماركات + الاوبشن + الاسعار وخلاف اقرر شو ابغي

شرف دي جي شفت هنده هالموديل + عدسة سعرها 1500 درهم مسوين عرض
بنت ناس و عرب
06-06-09 ||, 02:46 PM
هيه لانها مويلا وايد جديم و يببون يبيعون الكميه اللي عندهم

و انت اذا تبا الشي الزين الواحد ياخذه من البدايه ..

و هالشي راجع لك .. سعرها بالامارات غالي النيكون دي ٩٠ بس من برع وايد ارخص لكن بظل اغلى عن الكانون ٤٥٠
المزوحي
15-06-09 ||, 11:13 PM
نيكون افضل عن كانون ،،، لكن يباله واحد يتفيج حق التصوير، مب واحد يشتريها ... واي كلام

صح التردد مب حلو .. لكن انا من النوع اللي وايد اتشاور ،وعقب آخذ اللي اباه ...
شتشووته
24-06-09 ||, 06:38 AM
^

نيكون احسن عن كانون ؟!!

والله ^^"
بنت ناس و عرب
24-06-09 ||, 12:18 PM
Yes .. Nikon number 1 in the market and Quality bases
ذنـيـنـي
24-06-09 ||, 02:43 PM
بصراحه عن تجربه
ما اشوف انه في فرق "كبيييييييير" في الكواليتي
بل انه ما يتلاحظ بالعين المجرده
و في النهاية نحن نبغي الكاميرات لمجرد التوثيق او "تفنن" على الخفيف
لذلك موديل الكاميرا ما يفرق

على فكره انا حولت للنيكون في شهر ٤ السنه الماضية
و رجعت للكانون مره ثانيه الشهر الي طاف

بصراحه ارتحت ويا النيكون
لكني مرتاح اكثر ويا الكانون و لذلك رجعتلها مره ثانيه

كل الكاميرات زينه بس اهم شي انك تعرف تستعملها و تحاول تكتشف اسرارها =)
المزوحي
24-06-09 ||, 03:04 PM
شتشووته + بنت ناس و عرب رايكم احترمه، هذا مثل ما الواحد يتردد بين سوني وماركة ثانيه ...

ذنيني ... يعني مثلا على كاميرة الفيديو كله نتجه للسوني .. ليش مانشوف JVC أو با ناسونيك

إذا نحن مب وايد بروفشنال مابقدر اتعنى اشتري نيكون ... لكن إن اشتريت كانون ... يمكن اكتشف الفرق

شكرا على الرد
المزوحي
18-07-09 ||, 11:41 PM
أصل الكاميرات نيكون قبل كانون، وكانون مب سيئة ، وانا سألت عن كانون 450D والحينه شي كانون 500D

حد عنده ؟؟

http://www.psuae.com/vb/uploaded/1137_1241373141.jpg


http://www.psuae.com/vb/uploaded/1137_1241373064.jpg

مرات أقول لو خذيتها لازم آخذ لها عدسات وانا ماعرف في التصوير وإن اكتفيت بها، ترى عندي الديجيتل
ذنـيـنـي
19-07-09 ||, 12:09 AM
المزوحي هالموقع وايد فنان و مضمون 100%
شباب سعوديين يديرون الموقع و اسعارهم ممتازه

وايدين من ربعنا جربوه و كانت خدمتهم جدا راقية


http://cam4sell.com/
المزوحي
19-07-09 ||, 10:41 AM
ذنيني شكرا على الموقع وباخذ فكره ...
المزوحي
24-07-09 ||, 09:03 PM
انا شفت 50D


http://www.usa.canon.com/app/images/EOS_2008/50D/profile/50D_586x225.jpg


EOS 50D Digital SLR ( Body Only ) AED 4.999

EOS 50D Digtial SLR 17.85mm IS Lens Kit AED 6.799

EOS 50D Digital SLR 18-200mm IS Lens Kit AED 7.299


sensor 15.1 MP (APS-C) CMOS
6.3 fps with upto 90 jpeg image burst
DIGC 4processor
3.0 LCD with Live View
RAW image editing software included
ذنـيـنـي
24-07-09 ||, 11:02 PM
غالية و ما تحتاج الاشياء الي فيها
d5000 من نيكون او 500D من كانون ممتازات
المزوحي
24-07-09 ||, 11:11 PM
ذنيني أصلا اللي أباها 500D من كانون بس يوم سألته عنها، راواني هاي ... بيقص عليّه يبى !
طير الغرام
25-07-09 ||, 12:57 AM
http://www.swalfdubai.com/vb/imgcache/5067.imgcache.gif

canon 500D
أعتقــد سعـرها فـ محلات الفـــلك بـ 3500 Dhs
والمحــلات الثانيه شـرى محلات الســلام أظــن على 4099 Dhs
والفـرق بينهــا وبيــن الكيمـرات اللي قبلهــا إنه فيهــا فيديــو

موفــــق إن شاءالله ^ـ^

http://www.swalfdubai.com/vb/imgcache/5068.imgcache.gif
المزوحي
25-07-09 ||, 01:47 PM
طير الغرام يعني من وين الواحد يشتريها أفضل ؟ وهل مضمونات اللي عند الفلك ؟


مــبالغين في الاسعــار
ذنـيـنـي
25-07-09 ||, 02:54 PM
المزوحي الله يخليك عاد و الضمان الي عندهم
لو اي شي يستوي عليها بيقولون سوء استخدام و الضمان ملغي

اطلبها من كام فور سيل
او من عند الحارثي, طير الغرام تعاملت معاه و اتوقع بتفيدك اكثر عن كيفية الطلب و التوصيل
ذنـيـنـي
25-07-09 ||, 02:56 PM
فرق السعر حاولي 700 درهم
مب شوي !

تقدر تاخذلك عدسة زوم وياها
المزوحي
25-07-09 ||, 03:16 PM
أيوه ذنيني نفس الموقع اللي طرشته لي من قبل ..

يعني أي حد من الامارات مب شي !
طير الغرام
25-07-09 ||, 03:37 PM
http://www.swalfdubai.com/vb/imgcache/5068.imgcache.gif

هــلا

الصــراحــه الفلك أنا ماجربت آخـذ من عندهـم كيمرات وعدسـات [ اللهــم فــلاتـر ]

وأما الحـارثـي فـ الصراحــه أســعارهـم ممتــازه وتعـــاملهــم ممتــاز :fa42:
والأغــراض توصلكـ بالكثيـر بعــد يوميــن أو ع الويكـ إينـد [ لنــه وايــد ايي الإمارات والتوصيــل لـ الإمــارات مجانــاً ]

والضمــان عنــدهم موجــود بس شـرى ماقال ذنينـــي أحســه مايفيــد كله بيقــولون سوء استخـدام [ إنتــه حافظ عليهـــا عــدل :fa51: ]
وعن سعــر الكام هــب متأكــده كــم عنــده
بس اتصلبــه واسألــه

هذا رقمه
الأخ سليمان 00966508999754
رقم المحل
009664128239
اسم المحل الحارثـي للإلكترونيات ..
هذا رقمه الاماراتي:-
0504156008
http://www.swalfdubai.com/vb/imgcache/5068.imgcache.gif
المزوحي
25-07-09 ||, 04:06 PM
ما تقصرين طير الغرام على التعاون وهذا من طيبج، ومن خلال تصفحي النت، شفت منتدى قطري

وهذا الرد :

اماكن انصح بها في الامارات


وكيل كانون - المتجر الوطني .. شارع الفهيدي .. 043536074 >>> نصاب - أسعاره غاليه

M K Trade - خلف بناية التوين تاورز على خور دبي .. 042225745 >>> أسعاره ممتازه

الفلك - ديره سيتي سنتر - دبي .. آخر طابق .. الرقم غير متوفر >>> أسعاره ممتازه جدا

محلات السلام - مركز وافي - 043245252 .. أنصح به فقط للترايبود والفلاتر والفلاشات (استوديو) والشنط >>> أسعاره مثل الوكيل لكن بضاعته كلها كواليتي



وان شاء الله اكون افدتك
المزوحي
29-07-09 ||, 03:26 PM
السلام عليكم

شو الفرق بين كانون D500 و الـ D50 !


:m_bye:
طير الغرام
01-08-09 ||, 11:44 PM
http://www.swalfdubai.com/vb/imgcache/5068.imgcache.gif

^

وعليكم الســلام

الصــراحه معلوماتيــه عن هـ الكيمرتيـن هب ذاكـ الزود
بس اللي أعرفه إنه الفرق الـ 500D فيها خاصية تصوير الفيديو
والـ 50D مافيهـا بس الكواليتي أحسن وأغلـى وأثجـل

أما عن الميجا بيكسل كلهم أظــن 15.1

إن شاءالله اللي عندهــم معلومــات أكثــر يفيــدونكـ ^ـ^

http://www.swalfdubai.com/vb/imgcache/5068.imgcache.gif
المزوحي
02-08-09 ||, 06:56 AM
مشكورة على الرد طير الغرام ...
طير الغرام
02-08-09 ||, 12:03 PM
http://www.swalfdubai.com/vb/imgcache/5068.imgcache.gif

^

العفـــوو بــروو
وفـ النهايــه كلهــن كيمــرات أوكي [ وبالنسبــه لي العدســات أهـم من نوع الكيمــره ]


http://www.swalfdubai.com/vb/imgcache/5068.imgcache.gif