صعب

[وحي القلم]

لماذا يكون من الصعب أحيانا أن نصفح عن من أساء إلينا ؟!

هي.. عادت كما كانت

و كأن شيئا لم يكن

و أنا.. أتظاهر بأنني قد عدت كما كنت

و لكنني لم أنس ما حدث

فما قالته حينها آلمني كثيرا

.
.

هل أواصل ما أتظاهر به الآن

أم أبتعد؟

.
.

فما يدفعني لمواصلة ذلك

هو شعوري بأنها قد تكفر عن خطأها ذات يوم

و لكن ما يجعلني أتراجع

هو أنها لم تعتذر

بل جعلتني أشعر بأنني أنا المذنبة ..!

[مــهــابه]

خّـل قـلبج كبـير

و " العـفو عـند المقـدره " ~!* . .

[ريم العين]

يمكن هي انسانه من النوع اللي يحس بالغلط بس ماتحب تعتذر ..
لان في ناس ما يحبون يعتذرون موول
يحسون يوم يعتذرون يقللون من مستواهم مهما كان الشخص اللي يواجهونه

شوفي طبعها حاولي تعرفي طبعها من هالنوع ولا نوع ثاني لان الناس انواع

و يوم بتعرفين طبعا وهي من اي نوع بتشوفين انج تتجنبي اشيا بتعاملج وياها
وبنفس الوقت تتعلمي اشيا ما كنتي تعرفيها

خلج طبيعية وبعدي هالاحاسيس عنج ومع مرور الايام بتردين ولا جنه استوا شي
وبتحسين ان السالفة بسيطه مهما كان كبرها
ويمكن سبحان الله ايي يوم و ترد وتستسمح

هذا رايي والسموحه

[حلم الطفوله]

عزيزتي ... ما دمت ِ قد غفرت لها خطأها منذ البداية ... فقلبك من القلوب النقيه الصافيه النادرة

ولكن ...وعلى الرغم من الغفران ...تولد لديك ِ الحذر ...والحذر هنا أمر لا نقاش فيه

عامليها بحذر .... فلا الأيام ستنسيك ِ خطأها ، ولا الاعتذار سيصفح عن فعلتها

مممممممممم حتى أنا يا وحي ( صعب ) أشرحلج شو تسوين بهالموقف !!!

[أنامل قلب]

حبيبتي وحي ، يكفي حرصج واهتمامج الطيب باللي تحسين فيه ،
وما أدري إذا أهو شبيه باحساسي حيال احداهن ، ليس بكوني لم أسامحها ،
ولكن تواصلي بها يذكرني بشيء لا أحبه ، وأعني الأمور اللي تكون
حساسه جدا بالنسبة لنا ، وتختلف من الشخص للثاني ..

بالأول ، أتمنى تقرين اللي بفحوى هالرابط (http://www.islamweb.net/ver2/Fatwa/ShowFatwa.php?lang=A&Id=120468&Option=FatwaId)،
السؤال غريب بالنسبة لسبب طرحج للموضوع ،
بس الاجابه بتوصلج رسائل طيبه كثيره ..

,

اختي وحي ، حاولي تفكرين فيها من زوايا ثانيه ،
اهي احتمال مايكون عندها العلم بمدى سوء الاحساس اللي حصل بسبب ما بدر منها ،
فكري شلون إن غيرها قد يرتكبون أخطاء أكبر مما فعلته ، لكن صادف إن فعلها
مما ترك بنفسج أثر وصفتيه بالـ صعب !

فكري فيها لو كان الحال العكس ، كنتي مكانها وكانت مكانج ،
وقتها كيف كنت بتتمنين إنها تبادرج من فعل ، وهل لو صارحتيها بنية تطييب العلاقه بتتقبل !
اهني إنت أكيد أدرى بشخصيتها ، وبشخصيتج بالمثل ، كما بطبيعة العلاقة امبينكم ..

وبعدين السماحه وصفاء النفس شغله سهله لمن يتمكن المرء من فهمها ،
بس تذكري قول الرحمن : { وليعفوا وليصفحوا ألا تحبون أن يغفر الله لكم والله غفور رحيم } ..

جددي النية لربج ، وأكرر فكري فيها من أوجه ثانيه ،
وعرفي إن عفوج ماهو واجب عليج ، لكن احسان أحبه خالقي ..

وأكيد بينفعج قبل لا ينفعها ،
وربج بيعوضج وبيكرمج ابـ كل خير ،
وابـ احساس أجمل :redface: ..

,
,

طيب الله دربج ~ ..

[الهيثــم]

^^ ما يحتاي حد يكتب شي دام أنامل قلب ردت ، كفت ووفت ما شاء الله ..
دومها سبَاقة للخير

ذكرتيني بسالفة عمّي ، يخبرني الوالد فترة ، يقولي عمك يوم كان صغير من النوع إلي ما يعتذر
يقول أنا أحس إني أصغر عمري يوم أعتذر ، وبالعكس بالاعتذار يكبر شان الإنسان

بكتب لج ثلاث آيات ، وبعدها اختاري انتي إذا بتصفحين عنها أو لا ..

قال تعالى: [ وإذا خاطبهم الجاهلون قالوا سلاما ]

قال تعالى: [ ولا تستوي الحسنة ولا السيئة ، ادفع بالتي هي أحسن فإذا الذي بينك وبينه عداوة كأنه ولي حميم ، وما يلقاها إلا الذين صبروا ، وما يلقاها إلا ذو حظ عظيم ]

قال تعالى: [ والكاظمين الغيظ والعافين عن الناس والله يحب المحسنين ]

واعذريني على هذا الرد المختصر ..

[الا انا]

.^^


حاااسه فيج !!


لاني انا نفسج بالظبط ..!!



ارد شرات قبل واسوي عمري عادي ..!


لكني ما انسى ابدااا الي صااار ..!!


...


بهالحاله انا اقولج ..@


شوفي انتي بداخلج شو تبين .. شو تحسين ..!!
خلج عاادي مع الكل ...!! بس بحدود ..


حاسبي .. حاسبي .. حاسبي .<< بكل خطوه حاسبي ..!!


الحين ما تعرفين الزين من الشين ..!!
صعب التعامل مع الناس << خاصه هالفئه .!!


الحين ما نعرف نفرق بين الناس .. .<< لانه ساعات يكون الظاهر شي والي بداخلهم شي 2 ..!!
حاسبي من الكل ..
ولا تعطين اي احد فرصه انه يهينج .. وبعدين يرد لج عادي ولا كانه شي صار . حسسيهم العكس @
لانه شي ناس ما تنعطى ويه .. وابعدي عن هالاشكال ابرك لج


..


الله يحفظج ..!!

[خنفروش]

سبحان الله يالوحي .. انا عندي حساسيه من كلمة صعب .. و ما اقدر ... و خلاص تعبت ... و مافي فايده ... احسها تعجيزيه (( او على قولة بوالاوهام - اتكسر المياديف ))

هالموضع احس له فرعين .. فرع الاساس (( القاعده - ولا تقولين مدام ببتكلم عن القاعده وين اسامه بن لادن الحين ))

و فرع الموضوع ... الموقف


القاعدة .. أن التغيير ممكن - بعدة أمور - منها

الدعاء - جاء في الاثر (( ان الدعاء و القضاء يصطرعان فيغلب الدعاء )) او كما جاء

العمل - (( وقل ربي زدني علما )) و من ترك شيئا لله عوضه الله خيرا منه (( الإنسان يسأل نفسه - إذا كان الإنسان سمي إنسانا لأنه ينسى - لماذا لا أنسى (( الجواب الأولي - الشيطان الرجيم الذي نصب عرشه على الماء و ارسل اعوانه للإفساد بين بني آدم - و من المفضلين عنده من فرق بين اثنين ))


الموضوع الموقف .. طبعا ً كل بحسبه ..

بس من أفضل الأشياء .. في رأيي الخنفروشي وبس .. حتى تصفى النفوس .. اعادة فتح الموضوع .. و هذه المره من زاوية المشاهد .. انتقدي رد فعلك قبل فعلها .. انتقدي سلبيتك قبل خطئها ... و اريها كيف تلاعب الشيطان بأعز الصديقات .. و كيف فعلت النفس الاماره بالسوء عندما عاندت و منعها الغرور من الاقرار بأننا بشر ضعاف يؤثر فينا الكلام و تجرحنا النظرات و لكن الله ينعم علينا ببيت في ربض الجنه لمن ترك المراء ولو كان محقا .. دعيها تتحدث اكثر منك .. و ان شاء الله تهدأ النفوس


اتمنى اني قلت شي مفيد

[وحي القلم]

مهابه

تراني أحاول أنسى اللى قالته.. و بشوف شو بيستوي

مشكوره ^_^

.
.

ريم العين

صح كلامج كل شي جايز

بس اللى امخلني أتردد

هو أني مب متأكده هي حست أنها غلطت ولا لا؟!!

لانه إذا حست لكنها ما اعتذرت أهون من أنها تكون مب حاسه

إذا ما حست يعني يمكن ترد تعيد نفس الغلط مره ثانيه.. صح ولا لا؟

متشكره يا ريم :tongue:

.
.

حلم الطفوله

شكرا ً.. يكفي أنج رديتي عليّه :fa41:

[وحي القلم]

أنامل قلب

مشكوره ^_^

مادري ليش الغلط يظايج أكثر إذا كان من ناس تعتبرينهم قراب منج و فاهمينج ..!

.
.

خطاب

أكيد اللى يكابر و هو يدري أنه غلطان يخسر احترام غيره

شكرا عالآيات.. ما ين على بالي قبل :pickaxe_rune:

[وحي القلم]

إلا أنا

اممم هو مب مستحيل أنج تنسين

لانه كلنا نغلط.. ها مب عيب

لازم نسامح و نعطيهم فرصه عشان يصححون اللى سووه

بس ماعرف هالمره ليش ما قدرت أني أكون جيه :frown:

.
.

خنفروش


انتقدي رد فعلك قبل فعلها .. انتقدي سلبيتك قبل خطئها ... و اريها كيف تلاعب الشيطان بأعز الصديقات

تقصد أني أفتح هالموضوع وياها؟؟

هو صح أنه هذا أحسن حل

بس أحس ((و قولولي إذا كلامي غلط :tounge:))

أحس ما ينفع أني أسير أفتح الموضوع وياها بدون ما أكون متأكدة أنها من النوع اللى يتقبل الانتقاد

لانه شي ناس ما يتحملون الانتقاد

و في الفتره الأخيره لاحظت أنها من هالنوع.. تحسس من أقل كلمة تنقال عنها :confused:

[خنفروش]

و عشان جييه انا قلت لج (( كل بحسبه )) يعني انتي اتقدرين الموقف و طرق الحل و الوصول الى تصفية الجو بحكم قربج منه ..


و يمكن حل مثل انج (( اطنشين - تتجاهلين )) شعورج .. و تحملين نفسج على نسيان الي فات و فتح صفحه يديده .. لان الوقوف عند موقف انتهى راح يخليج تمشين في مكانج .. و راح يتكرر عليج الشعور بالضيج تلقائيا كلما مر موقف مشابهه .. اقول مثل هالحل يمكن ما يناسبج ..

و اظن في سؤال انتي لازم اتجاوبين نفسج عليه (( لين متى الوحي راح تطحن في نفسها عشان هالموضوع .. )) اظن الجواب التلقائي هو انج اكبر من الموقف و اكبر من اي صعب


بالاول و الاخير انتي صاحبة القرار و ما خاب من استشار

[وحي القلم]

لين متى الوحي راح تطحن في نفسها عشان هالموضوع

:fa46:

خلاص قررت أتجاهل دامني سكت عنها من البداية فـ لازم أكمل

شكرا ^_^

[أتمنى]

اممممم

اذا الصقتي كفينك ببعض يا وحي
و كان كفك الايمن فيه "غلاها"
و كفك الأيسر "خطاها"

و كان كفك الايمن ثقييل
راح يخف الكف الثاني داااااايم

و مجرد موقف بسيط او حمى تصيبها "بعيد الشر"
راح تنزلين كفك الايسر و تمسحيه بثوبك زييين
و تنسي :smile:

لما يكون للانسان قدر و معزه
مهما كان حجم الخطا ..
نسامح لما نحس اننا ممكن نفارقهم او نفقدهم
او حتى لما نشوفهم و في عيونهم تعب!
و نتمتم .. مافي شي يسوى


كل الحب :fa41:


؛

[المنصوري]

ما فيه أطيب عن الإنسان ( الفطـــري ) ..

[وحي القلم]

أتـــمــــنــــــــى :fa41:

صح كلامج :fa46:

اذا استوا بهم شي -لا قدر الله- بتحسين أنج انتي كنتي الغلطانه مب هم

لانج كنتي تقدرين تكونين أحسن وياهم

مشكوره لانج ذكرتيني :fa35:

.
.

المنصوري

مشكور اخويه =)