مشاهدة النسخة كاملة : ولد الشحوح اتخبل
ولد الشحوح
12-03-09 ||, 04:36 PM
السلام عليكم شباب وبنات
لحقووووو علي
لحقوووووووو علي ؟!
انا فخاااااطري موتر بس يكون كوبي
طبعا فبالي خيارات بس قلت بعد بشوف رايكم ميزانيتي 250 الف لا اكثر
فبالي الموستينج جي تي ... انا خاطري فالشلبي بس مشكلته ما ينزل الا جير عادي وانا ما ابا جير عادي مب شي للتمشي والحواطه وانا من النوع اللي ما يسرع وايد
bmw الفئة الثالثة كوبي
والبورش كايمان بس ما اعرف كم سعره
ابا حد يفيدني ويعطيني معلومات
وشكرا:5:
ذنـيـنـي
13-03-09 ||, 01:29 AM
الكايمن لا تفكر فيه
غالي و خدمات ما بعد الصيانه بتقص ظهرك قص
في خيار بس ما ادري لو مناسب ولا لا
ليش ما تاخذ جيب رانغلر
منها سيارة كشف و منها سيارة سبورت و منها سيارة فورويل للبر
مجرد اقتراح ...
لو تبغي سيارة سبورت مكشوفه عليك بالكورفت كشف
بنت الدلع
13-03-09 ||, 01:34 AM
BMW 330i
ولا عندك هوندا كوبي اليديده
مزن هتان
13-03-09 ||, 11:07 AM
الكامري رخيصه و حلوه سعرها ما يتعدى الـ 100
الباقي 150 خلهم حق مشروع المستقبل -الزواج-
امزح
أخوي عنده رنغلر و مكسيما كلش ما يسوق الجيب أحس
ماتنفع الا حق البر و صغيره و قير عادي بعد افففف تنخظ خظ
عندك BMW 630 i فنانه اخوي كان بياخذها بس غير
طلع غيرها، عاد سعرها ماعرف =)
احس الكوبي ما تنفع للـ شباب
عاشقة دبي
13-03-09 ||, 03:35 PM
انا ما عرف فالسيايير وايد
بس احب اللكزس مش الكروزر لا الي من السيايير الصغيره اليديده ...
إسهر معي ليله
13-03-09 ||, 05:42 PM
الموستنغ حلو .. بس ينمل الا اذا عندك غيره.. يعني مب مال سواقة كل يوم
البي ام 300 .. زينه لأنها بي ام.. بس بنوتيه اشوفها
الكايمن .. ما تدخل مزاجي.. يعني البورش اما 911 او لاء .. احس ما في فرق بينها وبين البوكسر
...........
اقتراح ذنيني اشوفه جيّد
انا خذت لي جيب رانغلر بس لأنه صغير وكشف وفورويل.. يعني فيه من كل سياره شي
والحمد لله مرتاااح وايد.. صغير ما اتلعوز فيه واكشفه يوم الجو غاوي وفي البر ما يقولي لاء
بس اللي عندي قير عادي لأنه الاتماتيك شوي تعبان .. لأنه اليديد مكينته اصغر.. في البر وناسه.. والزحمه تراك بتتعود عليه لأنه نظامه نظام الاتماتيك تحطه في 1 والموتر ما يتسكر. يمشي ع ريس المكينه
..........
الكامري ما انصحك فيها لأنها ما تسوى.. لو انك فكرت في هالسيايير ف الالتيما احسن لك بوايد وعليها عروض احين
.........
اني للـ 250 الف .. احين الاستيشن بهالسعر.. ف الله يعيينك.. بس المهم خذلك شي يسوى وانصحك بالفورويل لأنه هيبه..
بعطيك نصيحة واحد بطالي وهمّه وناسته
تاخذ رانغلر .. تستخدمه فتره.. نهاية الصيف تزوده وتزهبه حق الشتا.. وااايد بتستانس
وباقي المبلغ تاخذ فيه دراجة هارلي حق الحواطه فالليل P; .. وهاي خطتي انا لين الشتا الياي ان شالله
إسهر معي ليله
13-03-09 ||, 05:45 PM
بس انته خاطرك في كوبي..
فكر في ال911 .. حلوه تراها حق السمته,, ادخل موقع البورش و سولك وحده شوف كم تطلع عليك
ولد الشحوح
13-03-09 ||, 07:12 PM
ذنيني : ما ابا فورويل خاطري فكوبي انا باخذ فورويل مستعمل محصل نيسان فتك 2003 وعن الكورفيت حاطنها فبالي بس مب وايد متشجع لها اذا عندك غير هالمواتر خبرني
بنت الدلع : BMW 330i هالموتر من ضمن خياراتي اما الاكورد ما افكر فيها ابا شي مستواه اعلى شوي
مزن هتان : كاااااااامري! انا عندي الحين اكورد ان خذت كامري ما سويت شي وانا ابا كوبي
BMW 630 i كم سعره ؟
عاشقة دبي : مرورج كفاية ... وما ابا لكزس استوى سيكل عندنا
اسهر مهي ليلة : عيبتني الخطة هخهخخ انا كنت مخطط ع الموستينج وبحط عليه كت الينور موستيج 1967 بيطلع دلع بس قلت خلني اشوف كل الخيارات بخصوص 911 كم سعرها تقريبا ؟
إسهر معي ليله
14-03-09 ||, 02:16 AM
ال 911 تبدا من 280 الف .. تقدر تسميها سلق ..
ادخل هالموقع http://www.porschedubai.com/
اختار Build your Porsche .. ومن برع ترى ما يبالها الا شي واحد.. .رنغات التوربو :) وبتطلع سم
واذا بتخرخش اكثر انصحك بالـ كاريرا 4.. اعرض من ورى.. واثبت عالارض
ولد الشحوح
14-03-09 ||, 03:31 AM
وايد !!
ما ابا اغرق عمري فالديون وايد ... عاد البنوك تبا حد يمول هخهخهخ
والقلب ما يحن إلا لهدير المحرك الأمريكي
شكلي بثبت على الموستينج وبتريا موديل 2010
بس ممكن ينزلون شلبي توماتيك ؟ ... الظاهر بسحب لي واحد واللي فيها فيها جير عادي ولا غيره
لين نهاية 2009 يحلها الف حلال
مشكووووورين الغوالي
مجهودكم طيب معاي وان شاء الله من اظهر الموتر بحط لكم صوره هخ
ذنـيـنـي
14-03-09 ||, 02:54 PM
صدق انك خيماوي
تفكر بالموستنق و مب متشجع على الكورفت p=
الله يوفقك و اهم شي صلاة الاستخارة
المزوحي
14-03-09 ||, 03:44 PM
من اللسته اللي حاطنها، ليش ما تاخذ بي ام كوبيه او اودي A5 كوبيه
http://www.fourtitude.com/news/uploads/Audi_News/a5_002.jpg
ولد الشحوح
14-03-09 ||, 11:53 PM
المزوحي الغالي تشكر عالمعلومة بس ممكن اعرف السعر ؟
ذنيني الغالي الكوفيت حلو بس ما فيه سيتات ورااا
بعد الموستينج برص فيه حد هخ
بس الكورفيت بعدها فالبال
بفكر لين ما اطلع من الحجز ... فايج لا هخهخ دبل وكراف وانا افكر فالموتر
المزوحي
15-03-09 ||, 07:49 PM
على حسب الموقع هذا هو السعر
http://oasis.bindubai.com/bin/uploaded/3336_01237132068.jpg (http://oasis.bindubai.com/bin)
ولد الشحوح
17-03-09 ||, 04:40 AM
شكرا المزوحي
انا باخذ وقتي وبفكر فانتظار سيارات 2010
واستودعكم الله باجر بيبدا الحجز
45 يوم من الكراف هخ
فمان الكريم
المزوحي
17-03-09 ||, 03:24 PM
حياك اخويه ولد الشحوح