حــايــر ...و..ودك تشاور...؟

[جنون امرأة]

بلييييييييييييييييييز ابي احسن صالون قص شعر لليهال // سبشلي >> للبنوتات

[مايهزك ريح]

اللي اتذكره انه فيه صالون في الجمعيه اللي في الصفا .. يودون عنده اليهال يقصون شعرهم متخصص للصغاريه بس ما اعرف اسمه .. !

[جنون امرأة]

ثانكس .. ما تعرف مكان غيره ؟

[مايهزك ريح]

في مكان ثاني في مركز الشاطي في جميرا في الدور الثاني بس بعد ما اعرف اسمه .. عندهم خبره ويا اليهال ..

[تحفه]

جنون لازم لليهال؟ .. في صالون كيرف في برجمان.... دايما اشوفهم يقصون شعور بنوتات

[دمعة شوق]

مـرحبـآ ، شحـآلكم :)

محتآره عيدميلاد ربيعتيه عقـب آسبـوع ، ومش عآرفـه شـو آخذلهـآ s:
مآبا آلآشياء التقليدية اللي هن : سآعـة +شنطة + عطور / مآدري آبـآ شـي غـير بس له قيمته
:s

[شوق القلوب]

اخذيلها اكسسوارات ماركه... او شي من سوارفسكي

[المزوحي]

أمس الرضيعه ماخذه اكسسوار من عند كارولينا هيريرا

[مــهــابه]

^
صح شرآت مآ قآلت آم حمودي ~ ! ..


نصيحه آخذيلهآ شي بتستهلكه مب شي بـتخليه ف الكبت ومآبتستخدمه ..


آنا وصلتني هديه ف عيد ميلادي كآنت عباره عن بوكس ، فيهآ سكآرفآت + توبآت + سآعه +اكسسوآر آيد + و مـّج )


ممم هذآ الموجود ..


آو خذيلهآ سلسه مكتوب عليهآ " آيه الكرسي " ..


في محل تعيبني سوالف الاكسسورات مالهم ، هي ماتكون ماركه بس يكتبون لج عليهآ آسمج ومااادري كيف وحروف مزخرفه وجيه بالقولد والفيروز وجيه ، دخلت مره ف دبي مول ومره ف مردف ف الطابق الآرضي ..

[مايهزك ريح]

^
تقصدين boom and mellow ..خواتي مسوين عنده سلاسل .. ويا خيوط .. فنان المحل .. وموجود بعد في مول الإمارات ..

[مــهــابه]

^
والله مآعرف آسمه

بس هيييه موجود ف امرتس مول

وسويت عندهم انا بعد آسمي بالذهبي وشرآ الخيوط وجيه

آنا ما احفظ آلآسامي

[الموز]

بنات والله والله والله وين بحصل عباه جاهزه حق العيد، ياكرهي للعبي الجاهزه، لانه مايناسبني اي شي والحين متوهقه ، قولوا وين كنت

شو أسوي ؟

[المزوحي]

ابغي messenger bag ماركة ، وين بحصل شي فنان

[مــهــابه]

^
مآقدر آفيدك ..


آنآ آبغي آفكار ستآير ، آو موقع آو شي المهم احصل فيه ستآره تعيبني >< ، دوووخت وانا ادور وماحصلت شي زييين


حد يعرف مكآن ؟ أو موقع ؟ أو شكل جييه آقدر اسوي شرآته ؟

[مايهزك ريح]

مروان .. شفت البارحه وحده فنانه في The Walk بوتيك 1 .. بتلقاها في قسم ارماني .. بس ما شفت سعرها .. ومسوين عليها تخفيض مب متأكد هو كان 30 % ولا 50 % ..

لو ما كانت عندي وحده من قبل جان خذتها ^_^!!

[المزوحي]

لأني دورت كذا مكان ماحصلت
مع اني دخلت ارماني دبي مول من فتره بس يمكن ما انتبهت عدل
مشكور مايد !

[مايهزك ريح]

لا دبي مول كنت البارحه هناك ما شفت هالشنطه ..
بس يوم سرنا نتعشى في The walk دخلنا بوتيك 1 جان اشوفها .. !

[المزوحي]

امس زحمه المول

[مايهزك ريح]

انا سرت عقب صلاة العصر كان اوكيه .. بس واحنا طالعين ازدحم !

[طير الحب]

بنوتات عندي ملجة...وشريت جلابيه على شكل فستان بيكون لوك غريب ما عيبني اي فستان ثانيا الملجة كانت بوقت انا مشغوله ...وثالثا شوي متنانه عقب هالولادة فالي شريته كشخه مبينني سلق شوي...بس نا ابا محتارة بالتسريحه عادي اسوي ستيني

[شتشووته]

^
انا بعد عندي ملجه عقب اسبوعين .. بس حاطه ببالي شي بسيييط يعني ميك اب خفيف جدا وبفل شعري .. وفستان خفيف

امممم بس طير احس عالجلابيه الاحلى انج اتفلين شعرج واتخلينه طبيعي ..

[دمعة شوق]

عندي شنطة بيربري ، بس طبعن توصخت بالعباه :(
كيف اقدر انظفها بدون ما اوديها لهم ؟
لان حاليا مافي فرصة امر عليهم ، فهل من مساعد ؟

فكرت انظفها باليستون بس خفت يطير اللون!!

[المزوحي]

دمعة شوق احيد الرضيعه كانت بتاخذ بربري، بس الموظفة قالت ما انصحج تاخذينها، لأنه وايد مواطنات يشتكون من موضوع العباه، فخذت فندي

[قصايد غلا]

دمعة شوق : فيه قطعة مادري شو يسمونها
تشبه الجلد بس مب جلد و بسرعة تتوصخ .. الله يعينج لأنها ما تتنظف إذا هاي هي قطعة شنطتج

أنا ماخذة من Loewe + emilio pucci ==> الهنتين توصّخن و مقهورة عليهن
بس خذت سبراي من Furla .. ترشينه على الشنطة قبل لا تستخدمينها سواء جلد أو من هالقطعة اللي تتوصخ
خذي لج 1 عن يتوصخن شنطج =)

[مزن هتان]

مركز ابتسامة دبي لطب الاسنان
حد جربهم ؟

[شوق القلوب]

لا...

بس سيري نيكولا اند اسب... تجربتنا زينه وياهم

[المزوحي]

شوق اظنن عيادات الاسنان اللي في جميرا بشكل عام اوكي، مادري مجرد تخمين، اما نيكولا اند اسب كنت بسير عندهم يوم كنت بجلع ضرس العقل وسرت عند واحد غيره عيادته في حمرعين

وانتقل اظن

[دمعة شوق]

آلمزوحي هـذي المشكله وآلقهر آذا الشنطه حلوه ونحرم عمارنا منها بسبب آلعبـآآه ،

قصـآيد , حآولت آنظف آلشنطه بس بدون فآآيـده :( قلبي عورني عليها توها ماتهنيت فيهآآ ،
آن شآءالله بآخذه لان كـذا شنطه عندي آخاف اشلهن عشآن مايتوصـخن :(

مـزون ,, آحيد بويه يسير عندهم ويمدحهم

[المزوحي]

من متى وانا ابغي اغير دوامي
بغيت اسأل شو رايكم في اينوك ؟

[شوق القلوب]

شو اقتراحاتكم لهديه رجاليه ؟

[المزوحي]

المشكلة الهدية الرجالية معدوده

اما محفظة - عطر - ساعة - بزمة - قلم

طبعا إذا الواحد يلبس بزم على حسب او كابات ، اما إذا الواحد يحب القمصان، تي

شيرتات او شورتات ممكن على حسب ممكن نعال وانتي بكرامه بس على حسب

تقبل الطرف الثاني لو عادي عنده ونعلة تستوني حلوة




إذا تبين اتضيفين شي عندج مجموعة
http://www.crabtree-evelyn.com/eng/categories/bath-body/mens-grooming/mens-shaving-creams-soaps

أو

http://www.loccitane-me.com/men,44,1,4857,150449.htm


شو بعد

:fa56: سيري بلومنيج ديلز خذي فكره او هارفي نكلز

[شوق القلوب]

تسلم يا المزوحي.. اصلا اغراض الرياييل اتغصص بالواحد من كثر ما هي محدوده...! و حتى لو بشتري شي يسوى اصلا بيكون عنده مثله...

..

اللي بغيته لو عندكم شي حلو او واصلتنكم هديه حلوه... راووني اياها يمكن اتعيبني كهديه ...

[المزوحي]

صح يعني لو صار خذتي كل هالشغلات لو كررتي الهديه بس البراند بيتغير

[خليجيه]

السلام عليكم ورحمة الله وبركاته

شو احسن الاستوديوهات للتصوير الفني في دبي؟

شكرا مقدما

[الماتادور]

الزورق و سنيوريتا

وهم قراب من بعض في الطوار

[المقاتل]

شي فرع الزورق صوب معسكر الفلاح بعد يديد بس مادري لو فتحوه ولا بعده

[قصايد غلا]

الزورق اليديد اللي صوب الفلاح مفتوح =)

[خليجيه]

مشكورين

[ملاك الروووح]

صبايااااااا


أبغي ماسكرا زينه .. كرهت اللي عندي يتكتلون وايد ..


أدور على شي زين ويناسبني .. ممكن تفيدوني :9:

[دمعة شوق]

جربي جيرلان وااايد تعيبني عمليه وتتحكمين بالتكتل ع قولتج p: ، سوا في الكثافة او الطول ، وبعد لانكوم حلوه , أنا استخدم الثنتين ، واذا ماعيبنج استخدمي مالت ديور بعد حلوه ، وع فكرة كل ماحطيتي طبقه فوق طبقة كل ما زادت الكثافة ،
ف اذا ما بغيتي الماسكرا تتكل عليج اكتفي بطبقة وحدة بس .

[ملاك الروووح]

ثاااااااااانكس حبيبتي دمعة ..

باجر ان شاءالله بسير السوق وبشوفهم عيل ..

أنا أحب ميك أب لانكوم وديور وايد ..

معظم مكياجي من عندهم .. بس ولا مره خذت المتسكرا من هناك :9:

تسلمين فديتج

[دمعة شوق]

العفو فديتج ،، أنا قبل كنت كله استخدم ماسكرت ديور ،، بس الحينه غيرت للانكوم وجيرلان وحلوات عيبني،
وعن المكيب بشكل عام ،، من لانكوم أخذ الروجات ، والايشدوات أأخذ من ديور ، ما اخذ من براند معين ،
كله من كذا براند ، ف شي مـُتعب وبيطول الكلام لو رمسنا عن الميكب p:

[شوق القلوب]

انا حبيت الديور

[صريح]

و انا حبيت شانيل عندهم ليمتد ادشين حق الصيف بس
:surrender:

[دمعة شوق]

^
لوول
شو اللي حبيته من شانيل يا صريح

[ملاك الروووح]

ثااااانكس دمعه حبيبتي .. لين الحين ما حصلت فرصه اسير السوق .. بزي ويك :mf_leia:اففف

صريح شخبارك بعد .. تتكلم عن تجربه شخصيه مثلا ولا ؟ لووول :4:

[الا انا]

^

انتي ويييييييييييييييييييييين ^^

تقهرين .. وين مختفيه انتي ...؟

[مــهــابه]

آنا آحب مآسكرت لآنكوم ..

.


.

آنزيييين يقولكم هالآحد حفله تخرجي ان شاء الله..
ومهآبه للحين مش عآرفه شوو بتلبس؟


ممكن اقتراحاتكم ؟

[شوق القلوب]

يايه بقترح ..عقب جان افتكر انه اليوم الاحد !!!!

ان شاء الله حصلتي شي انيق يليق بهالمناسبه الجميله :)

[شوق القلوب]

صح ... و مبروووك التخرج ^ـ^

[مــهــابه]

لووول

من متى اترياااا حد يقترح عليّه لووول


يالله ماعليه شوق خيرها ف غيرها

وربي يبارك فيييچ

[قصايد غلا]

مرحباااااا

أنا أنا اقترحوا عليه أشيا حلوة حق حفلة تخرجي

بتكون بالخميس "تاريخ 9" .. أبا قميص جميل و نعال و انتوا بكرامة :icecream:

[مــهــابه]

مبروووك مقدما قصووودتي..


آنا فالحفللله الكل انصصصدم واستغرب وسآلني : غريييييييييبه لابسه فلاااات لووول

معودتنهم ع الچعب لووول


بخبرچ شو لبست آنا ، لقنز آسود +توب ذهبي سااده وفيه حزام اسود ع الخصر ..

نعال سااطحه وانتو بكرامه من vincci قلت لج اسم المحل عسب تعرفين الساطح مالهم شقا بسيط
كانت خطين اسود وبس



يوم كنت ادور ماحصلت اللي ابيغه وماكان لي بارض ادور واحوط وااايد فخذت مال تمشيه حال ..
ماقدر اقولچ روحي المكان الفلاني لاني روحت يوم اليمعه وحسييييت كل شي عادي ..

[قصايد غلا]

الله يبااارك في حياتج مهابتييييي :*

لوووول.. عيل أنا عكسج ، أكثر شي ألبس فلات في الفترة الأخيرة (كل نعولي الكعب كبروا عليه مادري كيف :crazy:) فـ الحين لازم أشتري نعول :fa56:

مهابتي انتي طولج مثل طول وحدة أعرفها الله يستر عليها، ليش لبستي كعب :fa45:

في حفلة التخرج ، حضرتها الجامعة متشرطة إنه ما نلبس كعب لكن أنا بلبس شي معقول مب أنه كعب عالي وايد ، ما فيني بعد أندبغ :tongue:

[رمــش الغـــلا]

مبرووووووووووووووك قصايد غلا ومهابة
تستاهلون حبايبي كل خير ^__^

[قصايد غلا]

الله يبارك فييج حبيبي رمووووش .. انتي ويييييييييين مختفية حتى من البي بي =@

[مــهــابه]

قصووده :
لووول

حاسبي عندنا وحده تخرطفت يحليهآ ..


رمش:

الله يبارك فيييچ حبيبتي

وعقبال مانبارك لج بالشسمه لوووول

هااانت =p

[قصايد غلا]

^ مهاااابتييييييي : أميييه الله لا يقول >.<
أنا أحاتي الأرضية لأنها باركيه فـ لازم النعال يكون فيه ربل من تحت، لأنه حتى لو فلات تراها الأرضية تزحلق

[الا انا]

^

مبروك صبااااياااا ^_^

:

رمش .. هيه مختفيه من البي بي .. << وينج ...لول .. احلى شي انه صورة < الآيس( الفيمتو) موجوده << حصلتيه ولا بعدج

[شوق القلوب]

ابا فستااااااااااااان :fa43:

تعبت وانا الف دبي مول....

..

ابا شي انيق.. بسيط... مب عاري..

[مايهزك ريح]

سيري عند دونا فيرا في جميرا ..
خواتي دايما يفصلون عندهم ..
اذا تبين رقمهم بسالج خواتي ..

[المزوحي]

الاهل يسيرون شاطي جميرا فساتين جاهزه

[شوق القلوب]

تسلموووولي... مايد و مروان..

هي مايد لو سمحت بغيت الرقم :)

[مــهــابه]

شوق :
لو حق تفصيل اخر كولكيشن ل الي صعب في فستااااااان وااااايد ناعم
مافيه حبة خرز ولا كرستال لووول ..

دخل اعماق خاااطري بس حلووو على وحده طويله وضعيفه انا للاسف ماحسيته ناسبني..

شوفي كاتولج عروس 2011اظن مال زهره الخليج منزلنه ..

[مايهزك ريح]

اختي شوق طرشت لج الرقم على الخاص ..

[قصايد غلا]

شواقة : شوفي كارولينا هريرا
و شوفي ساكس

لكن إذا تبين شي لعزيمة بسيطة أو يمعة حريم سيري MCC و شوفي BCBG + manoukian

[شوق القلوب]

مهابه

لا اتقوليلي الاخضر اللي عليه عقد ذهبي...

[شوق القلوب]

قصووووده... شو هو الMCC ?

[مايهزك ريح]

^

مردف ستي سنتر

[شوق القلوب]

oooh 9a7 !:4:

yeslamooo mayed

[قصايد غلا]

مساء الخير

شواقة حبيبتي شوفي هارفي .. أمسات ياية أنا
فيه أشياء ناعمة و حلوة
حتى مردف ستي سنتر

لازم بتحصلين شي بسيط و أنيق :wink:

[شوق القلوب]

شووووو سويتوا للعيد... ولا لسه بكير ..؟؟!

[الا انا]

.^

يلي تبى تسوي عبي ابد مب بكييير << ماشي وقت اصلا

><

انا سويت عند لباسه ووحده بس بخليها لين 3 ولا ثاني يوم العيد
لاني ماعرف كيف بتطلع ..>< بقلت احتياط بسوي بجمن مكان لين ما احصل مكان حلو
حق اول يوم بعدني ...

يالله يلي تاخذ شي ولا مفصله تخبرنا عشان نعرف ونستفيد ..

:

[قصايد غلا]

أنا أفكر الحينه في هالأيام إني أفك عمري من كمن شي

بحاول أدور شي حق أول يوم + النعول و انتوا بكرامة + العبي ==> هاييلا أهم الأشياء:k_smile2:


العبي تتعبني شوي .. صعب شي يدخل مزاجي :sad:

[مــهــابه]

^
انا ازززمة حيآاالتي العبي..

مششش عارفه وييبن افصلها ابي شي ناعم لكنه مميز ..

ول ثاني وثالث يوم بشووف شي خفيف ..

بآخذ قططع وبفرهن فالعين بسوي لي مخورتين ومغربيه خفيفه ..

حق اول يوم مشش عارفه وين ارووح ، افكررر اشوف وديمه العامري او فيرست مود بس مش احيينه ، بتريا لششهر ٧او ٨ بشووف شي جاهز ..


.


.

[شوق القلوب]

منووو وديمه العامري.. فيرست مود... خبريني عنهم مهااابه

[مــهــابه]

ةديمه :

هذي لي تفصل كنادير الدبدوبه ف عجيب غريب ..
شايفه تصاميمها عندها اشيا ..
عندها محل فالعين

وفيرست مود ، هي ام علي عندها جلابيااات واشيا نايس بعد ، ف دبي هي

[قصايد غلا]

مرحبا بنات

الحمدلله أخيراً البارحة سرت سويت لي 3 عبي هاديات و حلوات حق العيد و العزايم
عند دار الفيفاء

حبيت أخبركم عنه لأني أحيد حد من البنات ما فصلن شي للعيد :k_smile2:

[طير الحب]

والله بالنسبة للعبي انا لليوم نادر ما البس شيء ملون اذا دخل مزاجي وايد

احب الستايل الهادي الرزين

واحب القصات اكثر شيء...لقيت محل ببوظبي قصاته حلو للعبي الرسمية فصلت ثنتين قصات وبشوف

بس للعيد ما اعرف شوي بسوي بس افكر اشتري جاهز ومولات بوظبي حلوة وسرت دبي مول بعد حسيت فيه شغلات حلوة الشهر الياي بشتري لاني برمضان ما احب اتسوق




قصايد غلا مبروك عالتخرج حبي...شكلي كنت المحج فالجامعة ما ادري يمكن كنتي ويانا في ورشة عمل

[طير الحب]

وين دار الفيفا قصوده

وتعالوا حد سامع عن دار يوشا في دبي

[مزن هتان]

ام عبدالله دار يوشا بالكويت ماظن له فرع بدبي

[مــهــابه]

طير :

محلات بوظبي حلوووه
لكن انا اتعاااايز اروح ..

ماحبهاااا
ممله..


.


.


انا صايره البس عبي سود بعد ، عنديه ٢ ملونات بس، وحده سلفر وحده ذهبي وبسسس ..

[جنون امرأة]

بلييييييز ابا حل !!!

في حزام من : ال في

كنت باخذه طلع مب قياسي
كبيييير .. شو اسوي

!!!!!!!

ابااااه اباااه مافي مجال اروح اخذ شي ثاني

بليز

[قصايد غلا]

طير : الله يبارك فيج الغالية .. هيه أنا بعد شفتج لكن استحيت أييج
قلت لو عرفتني بتبتسم لي و بسير أسلم عليها =p
كنت وياج في دورة =D

اممممم في الشارجة في منطقة شرقان .. لكن الحرمة قايلة انها بتوقف تاخذ طلبات من تاريخ 25 أظني >.<

[قصايد غلا]

مرحباا صبايا

أحتاج مساعدتكم =(

ممكن تقترحون عليه قاعات حلوة حق حفلة لـ70 -100 شخص تقريبًا

+

بعد أحتاج أفكاركم و اقتراحاتكم للتوزيعات :fa45:

[مايهزك ريح]

التوزيعات شوفي هذا

http://www.wowcaterers.com/categories.php?category=Salads

والقاعه شي قاعه صغيره في فندق مينا السلام اسمها المجلس اعتقد ..
مري خذي فكره

http://www.jumeirah.com/en/Hotels-and-Resorts/Destinations/Dubai/Madinat-Jumeirah/meetings_events/Venues/Majlis-Al-Salam/?cm_sp=Meetings+&+Events-_-meetings,-_-events,

[قصايد غلا]

شكراااااااااً أخويه مايد ما قصرت
بتصل بهم =)

============

أحس مخي يعورني من كثر ما أفكر بتوزيعات التخرج و القاعة ='(

[المزوحي]

اعتقد المروج روتانا ..

[جنون امرأة]

بلييييييز ابا حل !!!

في حزام من : ال في


كنت باخذه طلع مب قياسي
كبيييير .. شو اسوي

!!!!!!!

ابااااه اباااه مافي مجال اروح اخذ شي ثاني

بليز


:pullhair:

[شوق القلوب]

اول مره اسمع عن دار الفيفا... بتصلبهم يبالنا سيره بس للعبي

..

دار يوشا انا سمعانه انه في دبي... يمكن في جميرا

[مايهزك ريح]

^
متراوللي هالأسم دار يوشا ..
اظني في شارع الضيافه مب متأكد !!!!

[الموز]

هلا بنات

انا كذلك مب عارفه وين افصل ،، بس انا احب الشغلات البسيطه ،، لأنه يوم افصل شي مبالغ فيه ما ألبس العباة غير صباحية العيد وعقب تتعلق في الكبت

اليوم سرت عند وحده مكانها في القوز مادريبكم سمعتوا عنها وإلا لا

إذا تبون انعتكم المكان والرقم على الخاص ،، بس بصراحة انا ما فصلت عندها ،، واسعارها تقريبا من 800 إلى 2000

[شوق القلوب]

و شو شفتي شغلها.. حلو ولا لا... ؟

[مــهــابه]

امس خوآتي سارن عند وحده ف مردف وماحصلوا شي عيبهم ..

والله العبااااه الروووحها قصصصصه ..

الله يرحم ايام العباه الاسلاميه الساااده

[الموز]

شوق القلوب انا اهتم بالفنشينق، وهي تفصل اكثر شي قطع ندى بس احس السعر مبالغ شويه

في من البنات يبون شي يديد ومابيهتمون في السعر .. فإذا حابة بطرش لج الرقم

[الموز]

مهابه صدقتي ،، عباه اسلاميه وسكارف ارتب شي

في مردف تقصدين جواهر ؟

[طير الحب]

مرحبا

مايد يربح هدية ....صح فالضيافة كلمتهم عالفيس بوك وخبروني انه عندهم فرع في دبي


قصايد جان سلمتي انا كنت اشوفج واقول هي ولا انا مشبهه....كنت بسلم بس صار لي كم موقف اشبه على وحده واسلم وتظهر مب هي :)

[مايهزك ريح]

يلا ابا هديتي .. :)

[شوق القلوب]

هلا الموز... طرشيلي الرقم

[طير الغرام]

مســا الخيـــر

في حــد يعــرف ويـن بحصــل سوار النوم بتكنولوجـيا التردد الطبيعي من
Philip Stein
الوالـد فـ خاطره وما أعرف من وين آخذله
حدرت موقعهـم بس ماجفـت البريسلت وماعرفتلـه !

[مــهــابه]

اخيرااااا فصلت عباه ف بوتيك اوش ف جميرا ..

حصصصلت الاستايل لي احبه ..

عندها اشيا لو دورتوا ، اسعارها بين 3000 -2800 للاشيا الناعمه وعندها فووق ..

و ع فكره المحل عنده عبي لاكثر من مصممه ..

كل وحده عارضه مجموعه

[شبيهة نفسي]

مرحبا صبايا
حبيت اعرف شو احلى محلات امارات مول يبيع ( درسات ) !
ومن محلات امارت مول لشنط حق البنات ( اعتقد اللي مجابل المحطه ) !! بس شو اسسسسمه ؟؟ وشو يبيع لانه حرمة اخوي قالت يبيع مقالم وماركة شنط
بليز ساعدوني
نيـــــــــــد هلب
بليـــــز

[مــهــابه]

مسـاكم ورد ••

بغيـت اتخبركم عن مطعم او مكان حلو نقدر نتسحر او نفطر فيه فـ دبي•• ؟

[الا انا]

^
اتلااانتس ^^

اختي من جمن يوم سمعتها تتشاور انها تروح ..

[مزن هتان]

صيامج بيروح ان رحتي اتلانتس أو جميرا بيتش و الا مينا السلام :crazy:
فطور البيت شحلاته ياختي

[الموز]

للحين ماسويت شي حق العيد غير إني استلمت العبي .. شو اسوي ؟؟

سرت المولات مافي شي يقنع

ابغي ( شنط ، نعول ، لبس ، اكسسورارات ) شي حلو

ذكروني بليز

[المزوحي]

اختي طير الغرام ماجربتي تسألين المحل اللي يبيع الساعه لو عندهم ؟؟؟

إذا بتشوفين عند بن هندي، او ريفولي او يتراوالي عندهم محل في دبي مول

[المزوحي]

مهابه يمكن يقصدون خيمة أساطير اللي في اتلانتس وإذا مب غلطان سعر البوفيه للشخص 165 درهم

[الموز]

ابغي عبي مرتبه ، ومب كل المحلات حلوة وبعض المحلات مبالغ سعرها في العباه ، وما احب العباه الاستريتش او اللي قطعتها فيها لمعه ، افضّل رقعة الصالونة

ابغي عبي للدوام .. شي راقي ومرتب في نفس الوقت .. ما احب موضوع الحزام او الورود .. الخ

[طير الغرام]

-{ المزوحي }-


ما أعـرف والله ماحصلـت !

انزيــن حـد يعـرف ويـن بحصـل هـ النـوع

Lifetrons Bracelet, with 18K Rose-Gold (LT9009)

Lifetrons Bracelet, with Rose-Gold (http://www.lifetrons.ch/EN/Products/HOTM/Products-LT9009E1.htm)


http://www.lifetrons.ch/images/Products/LT9009/LT9009.jpg


آخــر مره جفتهـا فـ الطياره تقريبـاً أقل عن شهـر بس كان آوت أوف ستوكـ
وبعـد ع الويكـ ولـد خالتيـه كان امسافر وقلتلـه يجوف ف الطيـاره وبـعد كان آوت اوف ستوكـ

[المزوحي]

طير الغرام إذا ماقدرتي تسيرين المحلات اللي خبرتج عنهم قبل ، لو تتصلين بهم احسن !

[طير الغرام]

^


احتمــال الأسـبوع اليــاي أروح دبي مـول وبجـوف إذا حصلت ولا بالمـره بدق وبسأل شرات ما اقترحــت عليــه

شكــراً :redface:

[مايهزك ريح]

مســا الخيـــر

في حــد يعــرف ويـن بحصــل سوار النوم بتكنولوجـيا التردد الطبيعي من
Philip Stein
الوالـد فـ خاطره وما أعرف من وين آخذله
حدرت موقعهـم بس ماجفـت البريسلت وماعرفتلـه !


يوم شفته على الطياره ذكرتج ..

http://www.emirateshighstreet.com/search/index/field/price_dollar/type/asc/keywords/Philip%2Bstein

موجود على السايت مال طيران الإمارات تقدرين تشترينه
ب ١١٠٠درهم كان على الطياره

[طير الغرام]

^

تسلـــم بروو
وخـلاص خذولـه النـوع اللي جفتـه فـ الطيــآره Lifetron Bracelet من كمـن شهــر

^_^

[الموز]

السلام عليكم بنات

انا عندي مشكلة واللي هي تتعلق بالنعول ( تكرمون ) من فترة احس بعمري ماقدر ألبس نعلة ، انا كنت البس اللي فيها كعب مب عالي بس يعطي منظر حلو للوحده، والمسطح يعطي شكل بايخ ، خاصة يوم امشي

ماخليت محل ماركات ولا محلات عادية وانا ادور على شي مريح ، دورت من 70 درهم لحد 2000 مول ما اقتنعت بشي ، وأحس الكعب يرقل

بشو تشورن عليّه

[شوق القلوب]

السلام عليكم..

هلا الموز... والله انا مثلج احب البس هانوعيه من الكعوب... بس ما تنفع وايد للمشاوير الطويله... اخر مره جرب هاللي كعبهم ايي عريض من ورا... نفس هالستايل

http://www.aldoshoes.com/ca-eng/women/sandals/sandals/88364529-calicott/54

بس من جدام واطي... ممم ما حصلت صوره اتوضح اكثر

[مزن هتان]

أنا كل نعلتي "لازم يكونوا حق كراف" و صرت احب الهييلز بس أخذ اللي
مال حريم كبار، ارتاح لنعلة "ديون" الاسبوع اللي فات خذت زي اللي باللنك بس أحمر جاي عالاورنج

http://www.dune.co.uk/gent-d-rose-corsage-mega-wedge-prodgentd24blackwhite/

تقريبا نفس استايل النعال اللي حطته ام حمد

[مــهــابه]

انا هالششوزات اللي ماقد لبسسستهم ف حياتي، احسسس اني لو لبستهم بتنكسر ريلي ماعرف ليش
اخاف البسسهم واحسهم كبار وااايد


اول شي سويته عقب مايبت بيشوو اني خذت شششش كثر جواتي چعب ، تعوييييض عن الفتره اللي طااافت

دايموند عنده اشيا كييوت رحتيله الموووز ؟!

[الموز]

شوق القلوب انا حتى لو النعال مب عالي وايد استويت ماقدر البسه، ماعرف هل الوزن له دور ؟؟؟ مرات احس النعال يرقل

http://www.bridefinds.com/files/2011/03/Jillian-strappy-high-heel-sandals.jpg

تشوفين هالنعال من هالنوعيه ألبس حتى من دون سير ، بس هالارتفاع مب عالي لكن ما اتحمله ( لازم اجبر عمري لو ماحصلت شي مناسب )

[الموز]

مزن هتان لا انا ماحب جيه وماقدر عليهم، بس انت دايما تاخذين نفس الفكره ؟؟

[الموز]

مهابه سرت له المحل ولفيت كل المحلات الرخيصه والغاليه ، يعني إنه طول الكعب زين احس ريلي تطلع من جدام، حتى لو آخذ قياسي ، اقولهم عطوني اصغر ، فالنعال يكون مب شي

[مــهــابه]

^
گم مقاس ريلچ؟

انا البس٣٦ واحيان ٣٧ لگن احصصصل عادي ؟

[مزن هتان]

صباح الخير اختي الموز

اييه كله اخذ نفس هالاستايل، ايام الكلية كنت البس نفس استايل اللي انتي حطيتي صورته
بس الحين ما يناسبني مشيتي تصير مادري شلون، و عمي يقول بينكسر الكعب من وزنج
فـ ما صرت اخذه


انزين جربي البلارينز بس اللي فيهم هييلز شوي

[شوق القلوب]

لالا... انا ما اقدر على الي حطته مزوووون... بستوي طوييييله !!

من فتره حصلت هالكعب الحلو الي تطرينه من ناين ويست... و مريح و فيه سير و مسكر من جدام.. بس اتوقع انه خلص لانه ماخذتنه اول الشتا...

[مزن هتان]

ام حمد طولي انا 167 و البس كعوب، صح اصير وايد طووووويله بس عادي !
=)

[مــهــابه]

^
مزن :
لو هذا طولي بمشي حافيه لووول


انا عندي عقده من القصر ، لگن احيان البس فلات ، اذا سررت البحر مثلا ، القريه وماشابه ذلگ

[مزن هتان]

مو وايد انزين :9:

[صريح]

بعض الناس بدون كعوب مشكله .. يااااو
:4:

[مايهزك ريح]

ههههه صريح .. ظحكتني ..

[الموز]

صريح في شباب يحبون نعلتهم تكون بكعب عشان هم قصار :h_negab:

[قصايد غلا]

^ على طاري النعول .. أصعب شي عندي يوم أسير أدور لي نعول >< .. عادي أتم يوم كامل أدور لي نعال واحد و آخر شي ما ألقى شي مريح ولا مناسب
فيه حد يشتري نعول و عقب يكبرن عليه :Oo: !!!


اللي مجربة نعلة مريحة و ديزايناتهم حلوة تخبرني بليز، مابا (vincci - aldo- ميلانو - سبرينغ - ديون) "نعلتهم ما توالمني"

النعلة الوحيدة اللي ناسبتني هي من كارولينا هريرا + كرت جايغر .. ملييت أبا شي حلو و يديد=(

[مايهزك ريح]

جربي تودز وبرادا و DVF .. خواتي يشترون منهن ..
ووايد مريحات ...

[المزوحي]

على طاري برادا مايهزك ريح من شويه كنت هناك فرع مول الامارات ، المحل كبير ، وعندهم تشكيلة للرياييل والحريم )

[قصايد غلا]

شكراااااااااً أخويه مايد .. بشوفهم إن شاء الله

[مايهزك ريح]

العفو اختي


مروان محل برادا شفته في مول الإمارات صدق فنان وايد اشيا عندهم ..

[المزوحي]

حد منكم شاف لو يبيعون اكواب ( فوم ) صغيره حق الاسبرسو

نفس حجم البلاستيك البنيات ( اللي باريس غاليري يقهوي العرب فيهم ) :m_9admah:

[مايهزك ريح]

ماجد شفتهن .. في مكان .. !!!!
دور في كارفور او الجمعيه

[عمة العيم]

فالجمعيه ترس... و بعد شي اكواب مع الغطا نفس الكوفي شوبات حق تيك اواي :glare:

[المزوحي]

حصلت في هايبر باندا صغار بدون غطاه حق الاسبرسو

[الموز]

السلام عليكم

بنات ماحصلت لبس حق العيد ، في شي مميز الواحد يشتريه ؟

[مايهزك ريح]

اذا تبين ماركات شي عند Carolina Harrera ... Moschino ... just cavalli & roberto cavalli ...kinzo..catherine malandrino
دبي مول طبعا ..
واذا ما حصلتي شي سيري وافي عند محل بوغاتي .. وايد عنده اشيا ..ووايد محلات في وافي عندهم اشيا حلوه

واذا مب ماركه
Mango ...H&M ...Zara
منزلين اشيا حلوه

الأهل شارين من هالمحلات كلهن ..كانو مسوين لي كعب داير :whistling:

[الموز]

مشكور مايهزك ريح

محلات الماركة مادخلتها غير بلومينج ديلز في دبي مول وماحصلت شي ..

بوجاتي امس دخلته في ستي مردف ماعيبني شي بس بشوف فرع وافي ..

كنت ناويه اسير اليوم عقب الدوام بس رديت البيت

والمحلات العادية دخلتها بس ماعرفت شو اخذ ، يمكن مانجو يايبين فساتين

برد اشوف مره ثانيه