المساعد الشخصي الرقمي

مشاهدة النسخة كاملة : اي شخص سار امريكا يتفضل هني



ذنـيـنـي
23-02-09 ||, 12:01 AM
السلام عليكم و رحمة الله و بركاته

عندي وايد اسئلة عن امريكا و كندا و اتمنى انكم تساعدوني


لو سويت فيزا لأمريكا, هل اقدر ادخل فيها الى كندا
و لو سويت فيزا لكندا هل بقدر ادخل فيها الى أمريكا


نفكر نسير لوس انجلس و سان فرانسيسكو هالصيف
شو رايكم بالولايتين ؟
شو الاماكن الي تستحق الزيارة هناك ...

شوق القلوب
23-02-09 ||, 11:20 AM
السلام عليكم...

هلا ناصر...


انا سايره كندا.. وبصراحه مكان حلو و يستاهل العنوه..

سرنا مونتريال.. و تورونتو..

مونتريال استايلها اوروبي شوي.. و الغالبيه يرمسون فرنسي.. بس بصفه عامه هاديه و أجوائها حلوه..

هناك خذنالنا تور وصعدبنا فوق الليبال.. و سرنا صوب الملعب مالهم ( سوري ما اتذكر الاسامي لانه السفره كانت في 2000 )... والملاهي كانت وااايد حلوه..

و سرنا منطقه ممممم... ما اذكر اسمها :doh: المهم انها كانت منطقه تاريخيه و استوت فيها حروب و من هالسوالف... و اذكر شفنا هناك عرس live .. يعني يوم القسيس ييلس يقرالهم خرابيطهم و المعرس و العروس واقفين... هههههه اسميه ضحكنا هاك اليوم ... :hysterical:

..

وعقب سرنا تورونتو... شفنا فيها الCN Tower ... و هالملعب اللي يتغطى كااامل .. و ممم.. ومنها اتروم اتسير اماكن وايد .. مثل مزارع التفاح.. و الفراوله.. و السفاري.. و طبعاً.. نياجرا فولز... أحلى مكااان.. ومن هناك اتروم اتشوف نيويورك .. لانه في قسم فاصل بين أمريكا و كندا... و طبعاً عندهم ملاهي واايد حلوه..

..

هاللي اتذكرته من سفرتنا.. بس كانت سفره العمر :fa42:


..

سوري.. أدري ما فدتك وايد :whistling:

ذنـيـنـي
23-02-09 ||, 02:02 PM
يا سلام عليج يا شوق القلوب

بالعكس ردج وايد فادني "للسفرة الي عقب الياية لول"
هالسنه ناوين نسير ال ايه و سان فرانسيسكو اسبوع و اسبوع
و عقب ناوين نسير صوب سياتل و فانكوفر في كندا

يعني في كل مدينة اسبوع


بشوف العيوز يمكن تغير رايها و نسير صوب تورنتو

مايهزك ريح
23-02-09 ||, 02:07 PM
ويزه امريكا تمهد لك انك تاخذ ويزه كندا بسهوله .. ^_^
واذا تبا الويزه مالت امريكا قدم من الحين لأنها تاخذ وقت .. 6 اسابيع على الأكثر .. لأنه نحنا شباب يخافوون منا ..
وعلى الأقل .. اتكون يومين ..

اما كندا فالسفاره في بوظبي .. وتقريبا المطلوب نفس الشي .. (امريكا وكندا )

امريكا اذا عندك حد هناك تطلعلك الويزه بسرعه .. انا عطوني اياها نهار ثاني ^_^


لوس انجلوس وسان فرانسيسكو .. في ولاية وحده اللي هي كاليفورنيا .. بس سان فرانسيسكو شمال لوس انجلوس .. :4:
الرضيعه سايره المدينتين وتمدحهن كان عندها مؤتمر هناك والجاليه العربيه ما شاء الله منتشرين فيها وايد

انا يمكن اسير شهر 4 .. لسان فرانسيسكو .. ان شاء الله ..
وايد شي attraction في المدينتين على حسب انته شو يعيبك ..
والحين الجو فيهن اوكيه مب مثل متشيجن برد موت توصل ناقص 22 .. >_<


المهم اذا تبا اتسير كندا عندك فانكوفر .. >> هاي حلمي اني اسير لها ..
وبعد تورنتو ..ومونتريال يمدحونهن

وبعد ابا شلالات نياجارا من الجانب الكندي .. بحيرة انتاريو حق التصوير طبعا .. :inlove:

اذا في اسئله زياده >> Let me know

شمعة أمل
27-02-09 ||, 08:30 PM
كييييف تسير امريكا وماتسيير اورلاندوو :s كل الألعاااب هناك!! D: روووعه! ووايد عندهم تماسيح بعد وكله يطيح مطر هناك في الصيف والبرق والرعد هناااك شووو يخوف بس وناسه جنه فلم! شي مب طبيعي!

انا ماسرت كاليفورنيا فـ ماعرف :s
بس يقولون لاس فيغاس وايد حلوه.. اذا تحبون تشوفون عرووض وهييك! ونيوورك زحمه في الصيف ماتنطاق وواشينغتون مايمدحونها وخططططره وايد


شلالات نياقرا وناسه.. بس البسو هالرقطاس الى يعطونكم اياه.. لانه بتخيسوووون!

مايهزك ريح
28-02-09 ||, 03:07 PM
لاس فيغاس اذا بتسيرولها لا تيلسون اكثر من 3 ايام لأنه ما فيها غير شارع واحد كل شي فيه اللي هو لاس فيغاس بلفرد ..

وعندكم فنادق حلوه مثل مونت كارلو .. وسيزار بالاس .. والبيلاجيو ..وباريس ^_^

اورلاندو في الصيف ساعات تيهم اعاصير وحر مووووووووت .. ( من البلاوي اللي فيها ) خخخخخخخخخخخ

نيويورك في الصيف حر وزحمة .. فيها شارع الماركات الـ Fifth Ave و Madison وتمثال الحريه .. وحديقة سنترال بارك ..
Little Italy ..china town .. times square ..impire state

واشنطن عاديه كلها متاحف اذا تحبون المتاحف .. (متحف الفضاء - متحف التاريخ الطبيعي >> فيه الهوب دايموند - متحف تاريخ امريكا ) احلى المتاحف اللي دخلناهن ^_^
وبعد البيت الأبيض والكابيتول ..والمسله ..

ذنـيـنـي
28-02-09 ||, 03:14 PM
تسلم مايد ردودك وايد فادتني
تصدق ما كنت مستوعب انه لوس انجلس و سان فرانسيسكو جزء من كاليفورنيا
طلع ارنولد مب هين P=

قدمنا طلب الفيزا و موعدنا هالخميس بس أجلناه للشهر الياي لأنه اخويه راشد بيرد من لندن و بيقدم على الفيزا ويانا مره وحده


شمعة امل

ما عليج ناوين على ايست سايد بس مب الحين
يمكن السنه الياية

لأننا ما نبغي نظلم البلاد
امريكا يبالها رواءه و صبر

ولا تنسين انه صوب لوسانجلس شي ديزني لاند و هوليوود هناك و الينيفيرسال ستوديوز
و الكثير غيرها

يعني ان شاء الله الوضع بيكون فيه وايد Fun

مايهزك ريح
28-02-09 ||, 03:19 PM
^
ناصر ..مدينة سان دييغو بعد في نفس الولايه ^_^!!

ذنـيـنـي
28-02-09 ||, 03:26 PM
يوم اقول انه ارنولد قو محد يصدقني
p=

مايهزك ريح
28-02-09 ||, 03:33 PM
شفت عاد .. اذا بتسير كاليفورنيا .. لازم اتحوطها من الشمال لين الجنوب ..
استلم الموتر من المطار .. وشغل النافيجيشن ..
واتكشت واول فندق في اول Exit اوقف حط راسك وارقد..
آخر سفره ويا اخويه العام كنا جيه نسوي ..بهدلنا الرضيعه ويانا يحليلها ^_^

ذنـيـنـي
28-02-09 ||, 03:46 PM
الزين في هالسفرة انه محد غريب ويانا
بس انا و اخواني الثلاثة و الوالدة

لازم نأجر جمس يوكن او تاهو
او فورد اكسبدشن عسب نكون مرتاحين في الموتر و يكون عندنا مكان للأغراض

مجموعة إنسان
28-02-09 ||, 07:59 PM
يوم اقول انه ارنولد قو محد يصدقني
p=


ما عليييك بس تمثيل ولا هو ولا يسوي شي هههههههههه:k_smartass:

ذنـيـنـي
28-02-09 ||, 09:05 PM
مجموعوه
ارنولد حاكم ولاية كاليفورنيا
على قولة واحد من الشباب شيخ كاليفورنيا

مجموعة إنسان
28-02-09 ||, 09:35 PM
هيه ادريبه
بس تمثيل يا ريال
هههه



سير لاس فيغاس
يمدحون البوكر والبينغو هههه

مايهزك ريح
01-03-09 ||, 09:13 AM
اريح شي في الرحلات .. الفان .. لا اتفكر تأجر غيره واسألني ^_^

ذنـيـنـي
01-03-09 ||, 03:05 PM
جذه رايك يعني

المشكلة لو خذت فان بيلبسوني و بيرقدون
لول

مايهزك ريح
01-03-09 ||, 03:32 PM
صح هاي مشكله .. الموتر مريح في الرحلات الطويله عادي يرقدون ويخلونك اتسولف روحك خخخخ
انا كنت مأجر هالموتر يوم كانوا الأهل ويايه .. صراحه ما شي اريح منه ^_^

Toyota Sienna ونفس اللون بعد .. شي مكان وسيع للشنط والموتر مشاي ما شاء الله عليه ما تحس بالدرب

http://static.howstuffworks.com/gif/autoreview/400x266/2004-Toyota-Sienna-04812141990002.jpg

شوف الدبه كم اتشل .. يعني لا تحاتي الشنط

http://l.yimg.com/dv/ag/toyota_sienna_xle_awd_2009_other_7.jpg

واذا ما تحتاجون الكراسي اللي ورا تقدرون اتصكونهن وينزلن تحت ويستوي ميلس ورا خخخخخخ

مايهزك ريح
02-03-09 ||, 11:00 AM
ناصر هذا الفندق اللي نحنا حاجزين فيه للرحلة ^_^!!

وحاط لك معظم الـ Attraction اللي في سان فرانسيسكو

http://www.parc55hotel.com/local_attractions/local_attractions.cfm

ان شاء الله يوم بسير وبرد .. بحطلك كل المعلومات عنه واذا هو اوكيه او لأ ..

فرفوش
11-06-09 ||, 11:31 AM
مرحبااااااااا حبااااااااااااايبي اشحالكم علومكم كيف انتوا عساكم مرتاااااحين والكل هربان من الحر اوفففففففففف الولايتين ما عليهن كلام أصلا امريكا فيها كل شيء حلو وانت حلو خخخخخ وألي يفكر يزور أمريكا بكبره والله كبير هههه يباااااااااله اكثر من شهرين بللللللل (شهرين عاااااد) ويمكن اكثر أهم شيء يا حلووووو لازم مكان السكن يكووووون في موقع حلووووووو يا حلووووووووو ونصيحه من اخوك مجرب الله يرحمه خخخخخ ألي يزور أمريكا لازم اتكون عنده سيااااااره يعني الافضل تأجر واي استفسااااااار تراااااااني لبييييك شبييييييك عاصف بيييييين ايديك بس اهم شيء غاسل ايديك خخخخ والسموحه حبااااايبي

ماوحشتك
01-12-09 ||, 03:18 PM
هلا ...ذنيني ؟


بشررر رحت امريكااا؟؟؟

الصراحه فرحت يوم شفت موضوعك .. لانه محطين فالسته امريكاا وما كانت عالبال مول
وداشه النت اخذ فكره واشوف الاماكن و احاول ارتب ... ف ياليت تفيدونيييي >< ف اسرع وقت
مب متاكده السفره بتكون شهر 1 ولا بعد رمضان .....

ولا شو افظل شهر للسفر لامريكا 3 و 4 و 5 و6 ؟؟ ( احتمال اي شهر من هالاشهر اذا ما كملت دراسه)



بغيت اعرف شو كانت خطتك للسفره

المدن الي اخترتها :
الاماكن السياحيه الي فيها :

هل المدن متقاربه من بعضها ولا ؟

واي شي يخطر عبالك من نصايح و غيره

طبعاا ابغي اكثر مدن الي فيها اكتفتي واماكن تنسار ( و الشوبنققققق اهم شي بعد ) + والمدن تكون قريبه من بعظها
واذا تعرف الفرق من بينهم بنتقل عن طريق طياره ولا سياره ولا قطار الخ

باختصاررررر اهم وابرز المدن والاماكن يعنييي الي لازم تنسار .. والي ما يسر لها جنه ما راح امريكا لول

والسموحه

ذنـيـنـي
01-12-09 ||, 04:49 PM
لا والله ما رحت امريكا
تكنسلت السفره بسبب انفلونزا الخنازير (على اول ايامه)
و عيوزي قررت تسوي تغييرات جذرية على بيتنا اليديد و حطت فلوس السفر على فلوس البيت لول

نحن كنا بنسير ولاية كاليفورنيا
مدينة لوس انجلس و مدينة سان فرانسيسكو
و عقب بنسير فانكوفر في كندا

طبعا ولاية كاليفورنيا غنية عن التعريف و هي تعتبر من اشهر ولايات امريكا
و من اهم الاشياء فيها مدينة المشاهير, هوليوود

طبعا لوس انجلس ما يبالها كلام من ناحية الشوبينغ
الي تبغينه و الي ما تبغينه بتحصلينه هناك،، كل الخلق يتسوقون هناك بحكم انه مشاهير امريكا اغلبهم يسكنون في هالمنطقه
يعني عادي تتمشين فالسوق و تحصلين جيم كاري جدامج و شوي ولنه ويل سمث يالس في الكوفي خخخخخ

ما ابالغ, ربيعي سار هناك و يقول انه سار شارع هناك و شاف جون ترافولتا يتمشى و شاف براد بيت اليوم الي عقبه

لين الحين ما اعرف اذا بسير ولا لا, بس على الاغلب هالسنه ما بسير امريكا

ماوحشتك
03-12-09 ||, 05:08 PM
افاااااااا النحاسه لول

كنت متكله عليك لول بخذ رحلتكم اقصد خطتكم لوووووول
يبالي اتفيج لها عدل واسوي سيرج >< هههه احسها تخوف من كبرها ومن كثر المدن الي فيها لوول

وان شاء الله خير . لحينه مب اكيد

تسلم

ذنـيـنـي
04-12-09 ||, 10:58 AM
الوالدة عندي بعدها تبغي امريكا
و مب طايعة تتنازل عنها, على قولتها بتودوني امريكا يعني بتودوني
حتى يوم نسألها اي صوب تبغين تسيرين ... تقول ابغي الوست سايد لول


اذا سوينا بروغرام معيّن بحطلج اياه,, و اذا حصلتي شي و اكتشفتي شي يستاهل لا تنسينا p=

ماوحشتك
06-12-09 ||, 11:14 PM
ههههههههه يالله عيل ربتوا اموركم من احينه دامها ف خاطرها ومصره عليها .......
الصراحه يبالك ادش على هالموقع و تخلييييييه فالــ فيفرت مالك .....

منتدى العرب المسافرون :k_winner_third_h4h_

كنت مرتبه رحله لااسبانيااا والبرتغال منه ..
كل شي تباه موجود ومبالتفصيل وبالصور ....
بس للاسف مارحنا البرتغال كنسلنا ورحنا فرنسا


بتحصل مواضيع شكثرر الاعضاء ما يقصرون لول مواضيع بالهبل ......

الموهيييم

شوف موضوع هالعضوه عن اورلاندو
http://travel.maktoob.com/vb/travel40905/

وها نيويورك وكالفورنيا
http://travel.maktoob.com/vb/travel80727/
و دور ع مواضيعها الباقيه حلوه ومفصله
انا ما لحقت اخلص الا 1 والباجين عالسريع لانه ما فظيت........
والسموحه

ذنـيـنـي
27-12-11 ||, 10:25 PM
ولا تزال الوالدة مصرة تسير امريكا :fa34:
آخر شي قالته انه انا بتحمل كل تكاليف السفره بس ودوني هههههههه :fa56: فديتها والله :love2:


بنسير ١٥ يوم, على اجازة مدرسة اخويه, من ٢٢-٣ الى ماعرف متى (مب فايج احسب)

٩ ايام لوس آنجلس ٣ ايام سان فرانسيسكو و يومين لاس فيغاس

فكرت اخليها ٦ ايام شمال لوس انجلس - ٣ ايام سان فرانسيسكو - يومين لاس فيغاس - ٣ ايام جنوب لوس انجلس

طبعا بنكون وايد خفاف, انا و الوالده و اخويه, و ربيعت الوالدة و ولدها و بنتها و الحمدلله كلهم منضبطين جدا و مب مال تأخير
قررت اني أؤجر سوبربان او فورد اكسبدشن عشان تضم الشنط فالتنقلات بين المدن

مايهزك ريح
28-12-11 ||, 10:44 AM
يوم بتسير لاس فيغاس احجز تذكره في cirque du soleil ka ..
احلى عرض ممكن تدخله المسرح ينجل 360 درجه .. بتندم اذا ما دخلته

اقول طيران الإمارات مسوي خصومات لين 9-1 تحجز وتسافر لين شهر 6 والتذاكر مرخصينها احجز من الحين وسو الويزه .. عشان الويزه تاخذ وقت طويل بالنسبه لنا نحنا الشباب !

الاسطوري
28-12-11 ||, 03:04 PM
زين ماشاءالله ان اخيرا ترتبت السفره هاي

الجماعه كفوا ووفوا وعن نفسي رحت واشنطن مرتين واللي هي مايخصها في مخططك ابدا يعني مثل ماقال مايد حلوه للي يحب التصوير والتوثيق لانه واشنطن دي سي بالتحديد كلها متاحف ومناطق سياسيه وفيها برج التحرير والبيت الابيض خال، في 2004 رحنا لها عن طريق لندن يعني خذنا لفه في لندن يومين وعقب كملنا لواشنطن عن طريق الطيران الببريطاني

والمره الثانيه سنة 2008 كانت الرحلة دبي نيويورك دايركت بالـ A380 وكانت تجربه حلوه لاتنسى صح الدرب حوالي 12 ساعه في الروحه بس انا ابد مامليت لان الطياره فيها وايد اشياء تشغلك وعقب خذنا طيران يونايتد اكسبرس وكان يمشي الحال بس تعبنا لان طيرانا وطيرانهم مب متفاهمين وصار تاخير من الامريكية في الرده ونحن دفعنا الثمن واضطرينا نقضي تقريبا 24 ساعه زياده هناك لين الرحله الثانيه لان الحجوزات كان فول

باختصار اذا حاب تخليها تجربه مميزه وفي مجال في الميزانية حاول تحجز على هالطياره بزنس عشان تتجنب تعب الدرب الطويل، انا بعد في خاطري ازور الساحل الغربي وامر على بعض الولايات هناك وان شاءالله نستفيد من تجربتك هذه

مايهزك ريح
29-12-11 ||, 08:40 AM
اظم صوتي للأسطوري

ناصر احجز بزنس لأنه الدرب لين سان فرانسيسكو 16 ساعه ..انا وصلت مشلق والشوفير وصلنا الفندق ونهار ثاني اجرت موتر ..
مع اني متعود على الدروب الطويله بس هالرحله اتهلك يبالك بزنس ..

ذنـيـنـي
16-08-12 ||, 12:44 PM
اخيرا سرت امريكا

طبعا سرنا كاليفورنيا, اول شي سرنا اناهايم (الي فيها ديزني لاند) و عقب سرنا سان دييغو الي صدددددق عشقتها
و عقب يلسنا في لونغ بيج و عقب سرنا سان فرانسيسكو و رجعنا منها

السفره كانت نوعا ما اقتصادية و ما كلفتنا وايد, تقريبا ١٧ الف للشخص شاملة كل شي بما فيه المصروف الشخصي و المشتريات لمدة ١٥ يوم

أجرت ارمادا لأنها الوحيده الي شلت اغراضنا كلها, السوبربان كان لازم اني ارجعها نفس المكان الي استلمتها منه فما قدرت اني اخذها
و السكن في اناهايم و لوس انجلس و لونغ بيج كان في الماريوت, و في سان دييغو في الهيلتون الي صوب المينا

كانت تجربة جميلة جدا و ناوي اكررها مع الشباب في شهر ٣ الياي ان شاء الله, ناوي على rout 66 من شيكاغو الى لوس انجلس و بعدين بمر على سان دييغو و سان فرانسيسكو

خيال الحب
10-09-12 ||, 03:32 AM
:14: الحمدلله ع السلامه يالحبيب

انا كان عندي سفرة لهيوستن في شهر 12 بس كنسلتهااا .. الصراحه امريكااا هالبلد الوحيد الي مافكررر ازورها طول حياتي

خخخخخ

شوق القلوب
25-09-13 ||, 10:36 AM
انا ويني عن هالموضوع من زمان !!!

ذنـيـنـي
11-10-13 ||, 03:42 PM
مادريبج وين عنه من زمان

شوق القلوب
15-03-14 ||, 10:09 PM
حد جرب السفر الى بوسطن ؟