التجهيزات لسفرة الصيف [الأرشيف]

المزوحي

07-02-09 ||, 01:05 PM

السلام عليكم ورحمة الله وبركاته
http://www.lifepr.de/attachment/15498/_Emirates-Boeing777-200LR.jpg

طبعا عرفتوا عن شو الموضوع دام إنه قريتوا العنوان ... لكن هالمره بطريقه ثانيه ومن وقت بعد ..
مثل كل سنه الناس ترتب للسفر، وحد تكون سفراته مفاجأة، أو من غير ترتيب سابق ... أو من خلال اجتماع الأهل
والأحاديث اللي تدور من بينهم، تلقى واحد من بينهم يقترح زيارة دولة معينه، وفي من الناس اللي كل سنه تسافر لنفس الدولة
يعني لازم تكون الدولة في اللسته ...

صح الصيف باجي عليه وايد ، وما بخفي عليكم إنه في ناس تسافر عطلة الربيع أو إجازة الإيستر اللي قاموا يعطون المدارس .. الخ
بس كأنه الصيف شي أساسي ...
----
وبالمناسبه حبيت تخبرونا عن خططكم الأوليه للسفر، حتى لو بيكون في تغيير ... بس كتبادل راي وتجهيزات ...
واللي مسافر قبل ممكن يرد يحط لنك موضوعه هنيه ...
وشو أهم شي تحبون تاخذونه وياكم، وإلا كل شي موجود في المكان اللي تسيرون له ..
أبغي منكم تفاعل عسب الكل يستفيد ... وبتكون فتره كافيه للرد على الموضوع لين هذاك الوقت
:m_bye:

ذنـيـنـي

07-02-09 ||, 03:24 PM

هالصيف سفرتنا بتكون غير غير غير عن كل سنه

هالمره ناوين نطلع كروز
بننزل في لندن و بنتم فيها يومين او ثلاثه
و عقب بنطلع في باخره و بنمر على الدول الاسكندنافية "السويد و النرويج و الدينمارك"
مدة الكروز ١٣ يوم و عقبها انا برجع البلاد او بتم في لندن يومين او ثلاث و اهلي بيسيرون سويسرا "لوزان"

بشكل مبدئي هاي خطتنا و اتمنى اني اضعف الين فتره ما قبل السفر p=
لول

المزوحي

07-02-09 ||, 03:27 PM

ذنيني أظن العام انته سافرت مع ربعك وانبسطت أكثر، لأنه سفر العوايل ماتريحك، ياخذون فتره لين مايجهزون ..

بإختصار الوقت يضيع ...

طبعا موضوع الكروز بيكون شي حلو ... بس نشوف التجربه اللي بتمر فيها، طبعا هذا لو ما حصل أي تغيير ...

بالنسبة لسويسرا ... ودي أزورها مره ثانيه الصراحه ..

وإن شاء الله بتضعف ذنيني ...

مايهزك ريح

07-02-09 ||, 09:07 PM

انا الحين بعدني مب مخطط للصيف لأنه ان شاء الله في سفره لسان فرانسيسكو .. على شهر ابريل
وعقب الرضيعه تبا تسحبني وياها لدريزدن - المانيا .. ومادري بعدين وين بنسير ..
اهم شي اني مفتك السنه من سالفة الويزه لأني مسوي حق الأهل كل الويز من وقت ( شنجن - والأمريكيه )
واحلى شي انه سويسرا انظمت شهر 12 للشنجن فما احتاج ويزه زياده ^_^
ذنيني .. خفف اشويه من الأكل .. وحاول تمشي ساعه كل يوم .. وما تحتاج اكثر من جيه ^_^
وسالفة الكروز كانت في بالي .. بس اني اطلع من كندا او امريكا !

المزوحي

07-02-09 ||, 10:57 PM

شي حلو مايهزك ريح تزور أمريكا ...

أنا أمس كنت أفكر في موضوع الويز، أقول لو الواحد يسويهم بفتره، بس الواحد ما يضمن عمره خلاص بيسير أو بيغير الوجه ..

المزوحي

08-02-09 ||, 04:28 PM

أنا ما أميل السفر للدول العربيه، بالذات مصر، ولد عمي يمدحها ويقول فنانه وأهلها كشخه ...

حد يقول هي حلوه حق السهرات، يعني في حياه في الشارع، وهذا ممكن يكون حتى عندنا في البلاد، بس يمكن

لأنه الواحد يغير جو فيكون غير ... بس إنه يهال يحبون مصر هذا شي غريب !

مجموعة إنسان

08-02-09 ||, 05:18 PM

المزوحي
مصر ما تنفع لعائلة

مصر حق شباب ما يبون يشوفون الشمس
سر وعربده لين الصبح
ههههه

انا اذا الله راااد رايح لبنان السنه

المزوحي

08-02-09 ||, 05:34 PM

مادري عيل ليش أنا ما حبيت لبنان ...

كل واحد له وجهة نظر، بس خلنا نشوف وين وجهتنا السنه ..

شكرا لك على المشاركة

عفاريتووو

08-02-09 ||, 07:37 PM

السنة هاي مو مبين ان في سفر بس ان شالله
لو سافرنا ان شالله بنروح المانيا صوب البلاك فورست يعني المناطق اللي حولين فرايبورغ
و من هناك بنسير المناطق الجريبة من سويسرا و فرنسا

كنا مقررين نسير كندا و امريكا بس شكلها اتاجلت للسنة الياية .. ان شالله ..

المزوحي

08-02-09 ||, 07:40 PM

الله يكتب لكم اللي فيه الخير ... بس عفاريتووو هالمنطقه زايرينها قبل وإلا بتكون أول مره ؟!

عفاريتووو

08-02-09 ||, 07:52 PM

امبلا زايرينها ثلاث مرات قبل
حلوة المنطقة واييد حلوة
من الاماكن اللي رحنالها في اوروبا هالمنطقة عيبتنا اكثر شي
الطبيعة فيها واييد حلوة غابات و بحيرة
و الحلو فيها ان جريبة من سويسرا ( زيورخ و باسل )
و جريبة من فرنسا بعد
و جرييبة من يورو بارك
يعني في واييد اماكن حوالليها ..

المزوحي

09-02-09 ||, 08:56 AM

وأظن يا عفاريتووو ألمانيا أحلى عن سويسرا وفرنسا .... يعني ماتملين منها بسرعه .. انا الصراحه ماسرت ألمانيا

وفي خاطري أزورها ..

مجموعة إنسان

09-02-09 ||, 09:06 AM

المزوحي
ما شاء الله الأهل كل ما يحصلون فرصه يروحون لبنان
يرتاحون هناك
مكان نظيف ويغيرون جو مال 5 ايام

عاد الحين ماسكين زام
كل فتره حد يروح

المزوحي

11-02-09 ||, 10:24 PM

المنطقة اللي طرتها عفاريتووو

black forest GERMANY

http://www.galenfrysinger.com/germany_black_forest.htm

ذنـيـنـي

11-02-09 ||, 11:39 PM

المزوحي هالمره ما بنسير ويا عوايل
بس بروحنا
يعني انا و اخواني الثلاثه و الوالده الله يطول عمرها
ها بالنسبة للكروز و عقب صوب سويسرا بيتلاقون ويا حد من بيت يدي "الله يعلم اي خال او خاله فيهم لول"
بس بالنسبة لرحلة السفينه بنكون بروحنا و بدون ازعاج الخلق

المزوحي

12-02-09 ||, 03:31 PM

بالنسبة لانترلكن ( سويسرا ) منطقه هاديه، بس ماتقدر تيلس فيها وايد

ذنـيـنـي

13-02-09 ||, 10:15 AM

كنسلوا الكروز اليوم
طلع وايد وايد مكلف لأن الغرف العادية خلصت و ما بقى غير الغرف الي وايد VIP لول

احتمال كبير يأجلون الكروز للسنه الي عقبها و يحجزون من اول سنة 2010
عشان نحصل الغرف الي نباها

بالغرف العادية بيطلع الشخص الواحد بـ ٢٥ الف تقريبا
بالغرف الي بقت الشخص الواحد بـ بخمسين الف تقريبا
يعني خمسين في ٥ ميتين و خمسين الف عشان نركب لنج و يودينا ١٣ يوم p=
يخسون والله لول

الخطة اليديده هي انهم ناوين يسيرون جنيف اسبوعين
و عقب صوب لوزان و زيورخ اسبوعين

طبعا بتغير رايها الف مره بس عادي بقولكم عن كل مره تتغير فيها الوجهة عشان ازيد من الافكار في الموضوع p=

المزوحي

13-02-09 ||, 11:43 AM

اشكرك اخويه ذنيني على التفاعل، صدق استانست من ردك يوم قلت

( بس عادي بقولكم عن كل مره تتغير فيها الوجهة عشان ازيد من الافكار في الموضوع )

لأنه لو تميت لين قبل ما تسافر بأيام، ما كنت بترد على الموضوع، مب مشكله لو تكتب شو اللي مفكرين فيه، وعقب

تتغير الخطط ...

تسلم ذنيني ... :a042:

ذنـيـنـي

13-02-09 ||, 03:07 PM

افا عليك يالمزوحي
اصلا انا احب اي شي عن السفر و استانس عليه

شمعة أمل

13-02-09 ||, 10:07 PM

ذنيني يوم تاخذون كروز تأكدوو انكم تاخذون واحد صح.. لانه في ناس نعرفهم سارو وآخر شي طلع انهم على كروز شياب وعيايز :s

من ناحية عايلتنا لين الحين مافتحو الموضوع.. بس أكيد لندن!

المزوحي

14-02-09 ||, 12:24 AM

شمعة أمل ( أكيد لندن ) في القايمه والبلاد الثانيه ماتعرفون وين !! بس المحطة الاصليه لندن ..

خبرينا عن لندن شو تحبين فيها ... !!

وإذا تعرفين عن محلات Primark هل فيها شي يستاهل ؟؟

شمعة أمل

16-02-09 ||, 12:18 PM

ممممم الصراحه ما جد سرت برايمارك:s .. بس الى اعرفهه انه محل كله يبيع اشياء رخيصه وبحسبة (سناء) الى في دبي

العجيبة

16-02-09 ||, 12:52 PM

أنا ابااااا اسيـــر السعوديـــة ... أرخص وأحلى بلاااااااد فالعاااالم لول

بحر الموده

16-02-09 ||, 02:36 PM

سلام عليكم ورحمة الله وبركاته
موضوع فى محله ويشوقنا فى شىء اسمه السفر
انا السنه بسير الفلبين ان شاء الله وتقريباً بيلس هناك 20يوم بكون فى مانيلا العاصمه فى حى مكاتى الراقى
وبزور جزيرة ليتى وتكلوبن وسمر وبورقاى وسنتانا .. ومنطقة باجيو وطبعاً بتكون ثانى رحله الى الفلبين
وبالحياه لين هاك اليوم وشكراً على الموضوع الحلووو
سلامت سا

المزوحي

16-02-09 ||, 09:21 PM

شمعة أمل ،،، يمكن لأنه محل كبير ويبيع وايد شغلات ... مـــادري كل شي جايز ..

العجيبة الله ايسر لكم ..

بحر الموده مرحبا ... الله يطول بعمرك و يبالك تقرير عن الفلبين ...

مزن هتان

17-02-09 ||, 08:12 PM

80 % هـ الصيف أقعد مع اخواني بالبيت =( شكلي يحزّن

ابوي و امي و خواتي راح ينزلون بانكوك امي و ابوي رايحيين قبل بس خواتي لأ

المزوحي

01-03-09 ||, 10:46 PM

مزن هتان ليش ما تكون رحله عائليه، اقنعيهم ...

مايهزك ريح

02-03-09 ||, 08:36 AM

نحنا لين الحين الجماعة متفقين يسيرون كلورادو - امريكا >_<
ويمكن يتمون شهر ونص ..
اذا في اي تغيير في الخطه بسويلكم update ^_^!!

المزوحي

04-03-09 ||, 07:42 PM

ربيعي يقول امريكا حلوه، بس شهر ونص مب وااايد وإلا وناسه، وشو عنك بيعطونك إجازة طويلة ؟

مايهزك ريح

05-03-09 ||, 08:36 AM

^
شهر ونص وزين اذا يمديهم ايخلصون مشاري >_<....
لأنه كلورادو وايد فيها اماكن ونحنا من زمااااااااااااان ما سرنا لها !
من ناحية الإجازه فأكيد بسير وياهم وبرد قبلهم لأنه ما بيعطوني اجازه هالكثر .. اصلا رصيدي ما يغطي ..
او يمكن ايسيرون قبلي وانا الحقهم ^_^

المزوحي

05-03-09 ||, 02:59 PM

احسن خلهم يسيرون وتردون ضربه، لأنه مابتقدر ترد وهم هناك ، عن تنقهر ..

وإن شاء الله تنبسط

المزوحي

05-04-09 ||, 02:56 PM

صدق تذاكر السفر رخصت ؟؟؟

وشو عن لندن ، هل السكن ارخص حاليا ؟

ذنـيـنـي

05-04-09 ||, 03:10 PM

اليوم سرت سويت مقابلة الفيزا في السفارة الامريكية
الحمدلله الامور كلها كانت متيسرة و الفيزا ان شاء الله بتطلع هذا الاسبوع

=======

اخر خطه رسينا عليها هي
10 ايام في لوس انجلس
10 ايام في سان فرانسيسكو و ما جاورها
10 ايام في كندا, فانكوفر

و الرجوع بيكون من سياتل

المزوحي

05-04-09 ||, 04:18 PM

رحلة موفقه ذنيني

الـيـاه

06-04-09 ||, 01:13 AM

لين الحين ماعرف بالضبط وين بسير فالصيف XD يوم بتأكد شو بيستوي بخبركم ان شاء الله ..

بس فنص هالشهر بسير 4 ايام جزيرة في تايلند اسمها Krabi حق ريلاكسيشن مساج وسبا وسباحه...الخ
قريت عن المكان طلع وايد حلووو فيه خصوصيه
كنت متردده الصراحه لانه كلهم اول مره يسيرونها بس عيبتني عقب

برجع وبدرس عدل عشان شهر 5 يوم اجازة الجامعه مال الامتحانات بسير لندن لوول بس سفرة الصيف للحين ماااعرفففف شي!!!!

مــهــابه

06-04-09 ||, 09:23 AM

هـالصـيف بـنسيـر " فينـا " ان شاء الله مـع أبـويه بـدون امـايه

بخلـص امتحـآنـآتي تـآريخ 13 وآبـويه بيطلع اجازه تـآريخ 1 - 7 وبـنسيـر 15 يـوم تقـريبـاً ..

احس مب شــي ، نسير 3 بنـآت وابـويه بس ..

مايهزك ريح

06-04-09 ||, 09:51 AM

انا ان شاء الله اخر الأسبوع ساير سان فرانسيسكو .. وبوافيكم بآخر الأخبار من هناك ^_^!!

والصيف كل شوي يغيرون رايهم !

المزوحي

06-04-09 ||, 02:56 PM

الياه نايس الصراحه ... وبما إنج خبيرة لندن شو رايج بمانشستر ( تشد سايرتلها ) ؟

مهابه ( انجوي يور تايم )

مايهزك ريح ... كيف بتخلي رصيد الاجازة حق رحلة الصيف :) المهم ( انجوي )

الـيـاه

06-04-09 ||, 04:24 PM

^المزوحي : سرتها من زماااااان .. اذكر اكثر شي ستانست فيه هو حديقة الملاهي تون تور تجنن
بس هي جي بلاد ريفيه يعني وكلها طلاب جامعات .. ووايد هاديه

لندن حلاتها انها حيّه وكل شي عدال بعض

ذنـيـنـي

06-04-09 ||, 04:32 PM

المزوحي لو عندك اي استفسار عن مانشستر لا تتردد
اخويه يدرس فيها و بيجاوبك على اي سؤال

المزوحي

06-04-09 ||, 06:47 PM

الياه، الناس ما تسير لها سياحه كثر لندن نفسها، بس اللي اعرفه إنه ربيعي يقول ربيع اخوه هناك يدرس

ذنيني تسلم ... لو انته عرفت اي شي عن طريجه لا تبخل علينا

الـيـاه

06-04-09 ||, 11:26 PM

^هيه ترى قلتلك كلها طلاب لانه جامعات زينه هناك نفس جامعة مانشستر .. وباقي الاشيا اللي فيها وايد جي
قوم مسارح وهالسوالف!! ما تعيبني وما احس وايدين يسيرولها سياحه

ذنـيـنـي

11-04-09 ||, 03:43 PM

الحمدلله طلعت فيـّز امريكا بسررررررعه ما تخيلتها
سوينا المقابلة يوم الاحد و سألونا كمن سؤال بدون غلاسه او ثقل دم
ثاني يوم اتصلوا فيني امبوست و قلتلهم انا في نفس مبناكم بس الطابق الي تحت هالتولي اياها هناك لول

و يوم الخميس حجزوا تذاكر على الفرنسية لأنهم حصلوا خصم حلو لفتره محدووووده و فرق السعر قراب الف و ثمانمية على التذكره الوحده

مايهزك ريح

11-04-09 ||, 04:01 PM

^
ذنيني .. اقولك .. ما تحتاج تاخذ موتر من المطار اذا انته بتي دايركت على طيران الإمارات لسان فرانسيسكو ..
الفندق اللي انا فيه parc 55 فيه تأجير سيارات وانتبه انه الباركنج يكلف تقريبا 50 دولار لليوم الواحد في سان فرانسيسكو ..
فلا تأجر موتر إلا اذا تحتاجه انا لين الحين ما خذت موتر لأني في نص البلاد وكل شي عدالي ..
يالس اتمشى في الأماكن القريبه لين الويكند عقب باخذ موتر لأنه صعب تحصل بارك !

واذا بتي دايركت لا تركب إلا البزنس على الأقل لأنه الدرب وااااااااايد طويل 16 ساعه ..
واذا تبا معلومات ازياده ..انا حاظر ^_^

ذنـيـنـي

11-04-09 ||, 10:46 PM

هلا مايد

لا نحن بني على الفرنسية
بننزل ترانزيت في مطار شارل ديغول

و بننزل في لوس انجلس و عقب تنقلاتنا بتكون بالسيارة لباقي الاماكن الين ما نوصل فانكوفر
فـ السيارة شر لابد منه

بنحاول ندور فنادق فيها باركات لأنه حرام ادفع 50 دولار على بارك عن كل يوم
يعني لو بيلس 10 ايام بدفع 500 دولار لول
جيمت نيكون دي 60 p=

بسألك مايد
روت ٦٦ وين مكانه rout 66 خاطري اشوف هالشارع الي يقولون انه كل سباقات

ذنـيـنـي

11-04-09 ||, 10:50 PM

خيبه طلع مب شارع واحد لول

روت ٦٦ هو الطريج الي بين شيكاغو و لوس انجلس

مايهزك ريح

11-04-09 ||, 11:49 PM

مرحبا ناصر .. صعب تلقى فندق والبارك فيه بلاش الا اذا بتسكن برا سان فرانسيسكو !

وتعال في كذا rout 66 في امريكا .. اي واحد هذا

مايهزك ريح

11-04-09 ||, 11:50 PM

بين شيكاغو .. ولوس انجيليس بالطياره تقريبا 5 ساعات وين هالشارع !

ذنـيـنـي

12-04-09 ||, 12:07 AM

http://www.historic66.com/
http://www.national66.com/
http://en.wikipedia.org/wiki/Historic_Route_66

المزوحي

13-04-09 ||, 03:39 PM

اليوم ربيعي كان يكلمني بخصوص سفرة الصيف، العام سافر ألمانيا ومر زيلامسي، دايما كان يسير شرق آسيا

قلت له يرب تسير ألمانيا مع إني مازرتها، أما سويسرا سرت لها مره وعيبتني، بيرد يسير ألمانيا ومخططه السنه سويسرا

مايهزك ريح

13-04-09 ||, 07:05 PM

^
سويسرا الحين انظمت للشنجن فما يحتاج ايسويلها ويزه روحها !

المزوحي

13-04-09 ||, 07:19 PM

زين عيل ...

http://www.yadl3.com/upload/uploads/bb4ae08897.jpg

الـيـاه

19-04-09 ||, 09:13 PM

اليوم رديت من الجزيره
بصراحه بصراحه يعني بصرحه لول ماتوقعت Krabi تكون روعـــــه جي :heart:! ليفوتكم نص عمركم ;)
لازم تسيرونها بس اتمون فيها 3 ايام بالكثير 4 لانها وايد هاديه وحق استرخاء وتنفع وايد لكبلز

اللي بيسير يسكن في هذا الريزورت لانه وايد وايد حلو اسمه Rayavadee Resort اغلى عن الباجين بس تشترون راحتكم

http://www.krabi-hotels.com/rayavadeeresort/rooms.htm

كوخنا الكتكوت :inlove:

http://oasis.bindubai.com/bin/uploaded/220_01240160265.jpg

http://oasis.bindubai.com/bin/uploaded/220_11240160265.jpg

http://oasis.bindubai.com/bin/uploaded/220_01240160753.jpg

هني يوم سرنا Fishing trips + Swimming :a042:

http://oasis.bindubai.com/bin/uploaded/220_21240160265.jpg

http://oasis.bindubai.com/bin/uploaded/220_01240160553.jpg

يوم الـ Scuba diving + Kayaking

http://oasis.bindubai.com/bin/uploaded/220_11240160553.jpg

واليوم الثالث تسيرون spa وتسوون يوجا + مساج + جاكوزي باث
وعلى كيفكم لو تبون تغيرون الجدول ;)

المزوحي

19-04-09 ||, 11:57 PM

الحمدلله ع السلامه ومشكورة على النقل اختي الياه ... :a042:

الـيـاه

20-04-09 ||, 12:02 AM

^الله يسلمك ، ولوووووّ ;)

ذنـيـنـي

27-04-09 ||, 04:10 PM

شكله موضوع امريكا بيتكنسل
يقولون انه مرض انفلوانزا الخنازير منتشر في امريكا لدرجه انهم اعلنوا حالة الطوارئ الرسميه في بلادهم

و المرض على حسب الي فهمته معدي و قاتل !!

المزوحي

27-04-09 ||, 04:54 PM

الله يبعد عنكم الشر ذنيني، مايسوى تسافرون .. ! شوفوا لكم بلاد ثانيه ...

مايهزك ريح

27-04-09 ||, 05:12 PM

ناصر شو رايك نتلاقى في ميونخ ^_^!!

انا ناوي على ألمانيا السنه شبعت من سويسرا ..
بس ابا اسوي رحله بحيث اني احوطها بكبرها من الشمال إلى الجنوب ..و ما اخلي في خاطري شي !

الله يسلم ولدنا بعده ما رد من امريكا >_<

ذنـيـنـي

27-04-09 ||, 05:31 PM

مايد

حاضرين p=
لو تفججت من سفرة الاهل صدقني بسوي العجب هههههه p=

مايهزك ريح

27-04-09 ||, 06:04 PM

يالس افكر انزل في هامبورج ..ومنها انزل لين ميونخ وعقب ارد دبي ..
وامر على برلين - دريزدن- ديسيلدورف- جارمش ..

المزوحي

27-04-09 ||, 07:39 PM

إذا مافي تغيير احتمال اسير ألمانيا + زيلامسي

مــهــابه

01-05-09 ||, 07:00 PM

كنسلـنـآ السفـره لـلنمسـآ والسبه هالخنـآزيـر مالـتهم :@

حلم الطفوله

01-05-09 ||, 07:33 PM

نفس حالتنا يا مهابه ..........:(

المزوحي

01-05-09 ||, 11:49 PM

تخيلوا السنه كيف الوضع بيكون ؟؟؟ مع حرارة الجو وزحمة الناس ... لازم تسافرون إمارة ثانية ..

وإلا تحجزون في أي فندق من فنادق دبي لمدة أسبوع وتسكرون الموبايلات عن الازعاج .

مــهــابه

02-05-09 ||, 03:04 AM

حلـم :

انـا كل سـنه اسوي لهم حفله فـ البيت عـسب ما اسـافر ويـوم قلـت هالسنه بسـافر ويـاهم كنسلـوا

من حوبـآت نـآس انا ادري :p

المـزوحي :

شخصيـاً عـآدي عـندي ، السفـره كـانت كـ تغيـر جـو مع الـوالد بس

ولـو ماسـآفـرت عـآدي ، يمدحونهـآ يلسـة البيــت

المزوحي

02-05-09 ||, 09:36 AM

مهابه، بس شوفي آلاف الناس اللي كانت تبغي تسافر .. وخاصة اللي يسافر سنويا مع العايله ..

مــهــابه

02-05-09 ||, 11:50 AM

^
للضــروره احكــام

مايهزك ريح

02-05-09 ||, 02:43 PM

قهرررررررررررررررر ..........

المزوحي

02-05-09 ||, 03:25 PM

مايهزك ريح، إن شاء الله مافي شر، اصبروا شهر وشوفوا شو الأمور ... !

وحي القلم

03-05-09 ||, 12:29 AM

يعني صدق حد كنسل :fa46:

أحس السالفه ما تستاهل :tounge:

عفاريتووو

03-05-09 ||, 12:39 PM

نحن حاجزين لزيورخ و و لازم ندفع هالاسبوع
ان شالله ان شالله ان شالله ما يكنسلون لول

مادري احس يعني للصيف بيكون انتهى الموضوع ( ان شالله ) ..

ذنـيـنـي

03-05-09 ||, 03:45 PM

نفس كلام عفاريتو

نحن دفعنا مال التذاكر لأنه خذنا التذاكر المخفضة و من شروطها انها ما تنرد
لو تم الحال على ما هو ما بنسافر
و لو تحسنت الامور ترى تذاكرنا موجوده

شوق القلوب

04-05-09 ||, 11:16 AM

السلام عليكم..

صح انه الموضوع يقهر.. بس صحة الواحد فوق كل شي..
مايسوى الواحد يخسر نفسه ولا حد من أهله بسبه و ناسه و رحله..

ان شاء الله كل شي لاحقين عليه..

عهد الوداع

04-05-09 ||, 10:50 PM

صدقتي يا شوق ...^_^

ذنـيـنـي

31-05-09 ||, 01:00 PM

انا احس انه الموضوع كله مفربك عشان يغطون على خساير امريكا و العالم من الازمه العالمية
و عشان ينعشون سوق الادوية الناس الحين نسوا الازمه العالمية و كل حد يرمس عن النفلوانزا الخنازير

مع العلم بان الدواء موجود لكنه يباع بسعر غالي جدا يوصل الى 400 درهم للعلبة الواحده

==========

نحن تذاكرنا على الفرنسية
يعني غصبا عنا بننزل فرنسا ترانزيت,, يمكن ما نكمل صوب كندا و نتم في فرنسا و منها بنتجه بسيارة الى سويسرا

كل هذا بيتحدد في تاريخ ١٥-٦

بنت الدلع

31-05-09 ||, 01:39 PM

من شوي شفت ترتيبات سفرة الصيف بس مافهمت شي لول

بس الملخص المفيد ان ان شاء الله بنطير تاريخ 25/6 طيران الامارات
بنسير المانيا + النمسا + سويسرا
حاجزين التذاكر من زمان ومخلصين امور الفيزا

ان شااااااااااااااااااء الله ماتتكنسل عشان الانفلونزاااا

المزوحي

31-05-09 ||, 03:05 PM

إن شاء الله خير، وهو مسوين ضجه بس

الـيـاه

31-05-09 ||, 04:43 PM

والله مادري ليش العالم زايغه ... يوم الجمعة وصلت لندن مافي شي والامور طيبه P:

المزوحي

02-06-09 ||, 02:52 PM

مرحبا الياه، بما إنج في لندن .. شو الشغلات اللي تسونها غير التسوق، وإذا كان تسوق وين يتسوقون غير عن الهارودز

والسلفرج ؟ ربيعي بيزور لندن + باريس

الـيـاه

02-06-09 ||, 08:25 PM

المزوحي : حاليا ً بس يايتنها اسبوع وبرجع لبلاد فـ ماسوينا شي غير شوبنج + مطاعم ومشي
البنات مول ما يملون منها :14: لول

وعن سؤالك :

في وايد شوارع حلوه حق شوبنج نفس Sloane street و bond street كل المحلات اللي فيه حلوه وراقيه :fa42:
و regent street صوبه كله ماركات .. وبعد covent جاردن الشوارع اللي حواليه كلها محلات

وفالـ knightsbridge بتحصل harrods *احلا ستور طبعا ً* :love: و harvey
وبعد في Oxford Street بتحصل ستورز اللي هو house of fraser و john lewis و selfridges ماتروم تدخل سلفردجز وماتخمه

و همممم :k_icon9: fortnum and mason في piccadilly
Liberty في regent street
fenwick في bond stree

ووايددد

.
.
.

المزوحي

02-06-09 ||, 08:26 PM

ما قصرتي اختي الياه على الرد، يعطيج العافيه ... حتى لو ما بتبطين هناك، بس المهم إنه عندج فكره من قبل ..

ذنـيـنـي

07-06-09 ||, 11:26 PM

اخر كلام

بنسير اوروبا نفس العام يوم سرت ويا ربعي
بس هالمره ويا الوالده و اخواني الـ ٣

بننزل في باريس و منها بنسير جنيف و ميلان و فينيسيا و زيلامسي و سالزبورغ و ميونيخ و فرانكفورت و بنرجع باريس مره ثانيه

المزوحي

07-06-09 ||, 11:29 PM

رحلة سعيده ذنيني ...

لمّــاح

17-06-09 ||, 03:56 PM

مــرحبا ... ماشاءالله وايدين بيسافرون السنه :icecream:

هممم بالنسبة لسفرة الصيف ..

عقب اسبوعين ان شاءالله بسير بانكوك ويا اربيعي، 3 ايام في جزر من الجزر و 4 ايام في بانكوك نفسها..

تقريبا في نهاية سبعة بداية ثمانيه، 3-4 ايام المالديف (يعني ويك اند و يوم او يومين زياده) ويا ربعي و يالسين نحجز الحين .. برد و عقب عندي خيارين يا اسير ويا اهلي يا ويا ربعي ..
اهلي لين الحين ماخططو بس احتمال لبنان ... لكن احتمال كبير اسير ويا ربعي، جنيف و ايبيزا (اسبانيا) :fa42:

المزوحي

17-06-09 ||, 04:05 PM

الجزر احلى عن بانكوك نفسها، وانا في خاطري اسير المالديف

همم لبنان ما حبيتها .... مادري ليش

لمّــاح

17-06-09 ||, 04:10 PM

ادري سايرلها من زمان، الجزيره احتمال تكون بوكت ... لكن بانكوك لأنه عندنا شغله هناك نبا نخلصها ف لازم نيلس فيها ..

حاولت احجز عال A380 بس ماحصلت و عقب ماحجزت حصلت فيها لول

المزوحي

17-06-09 ||, 04:13 PM

الله يوفقكم وتنبسطون هناك ....

لمّــاح

17-06-09 ||, 04:14 PM

و عن المالديف اتصل بشرف للسفريات اطلب واحد اسمه الوكا ... هذا دايما نتعامل وياه و يسويلنا باكجز حلوين للسفرات خصوصا للأماكن الصعبه مثل المالديف و افريقيا ....الخ

عندي شباب سارو تنزانيا عن طريقه، اسميهم استانسو و بيردون يسيرون في شهر 10، و يبوني اسير وياهم .. اذا رمت بحاول انزل صورهم يوم كانو هناك ....

:b050:

المزوحي

17-06-09 ||, 04:16 PM

في منهم يرتبون رحلات اوكي ... ما تقصر لمّــاح ....

شمعة أمل

17-06-09 ||, 11:41 PM

لندن - دبي- لندن - آييرلند - لندن - دبي p; وفي النص يمكن بارييس!

لماح
يوم سرنا بوكيت قبل خمس سنين تمينا في الـ بنيان ترييي هوتل.. كان حلو :)

لمّــاح

17-06-09 ||, 11:59 PM

لماح
يوم سرنا بوكيت قبل خمس سنين تمينا في الـ بنيان ترييي هوتل.. كان حلو :)

شمعة أمل .. بشوف صور الفندق و اذا اوكي بحجز، ابغي فعاليات لأنه بنكون شخصين بس فلازم انسويلنا جدول حلو..

أول ما اخلص الجدول بقولج شو بيكون .. :fa52:

شمعة أمل

18-06-09 ||, 12:12 AM

نايس بتستانسوون!
نحن بيكون صيفنا active in irealnd اظني بنتم في نفس فندق على شكل مزرعه!

لمّــاح

18-06-09 ||, 12:17 AM

هالنوع من الفنادق اذكر شي منها في كاردف في ويلز اذا ماخاب ضني، و آسكوت فيها بيوت بهالطريقة بعد لكن كلها مملوكه مب فنادق..

ذنـيـنـي

18-06-09 ||, 05:14 PM

اهلي كنسلوا السفر
و ساروا مصر امس اسبوع و بيردون و عقب بيسيرون لبنان

انا ما بسافر وياهم
قلتلهم يا اسير بلاد عدله و ولا ما بسير لول

الشباب ما عندهم اجازات فـ شكلي بسافر في العيد

المزوحي

19-06-09 ||, 09:26 PM

ذنيني ولو حتى شخص واحد تسير وياه أوربا - ؟

ذنـيـنـي

19-06-09 ||, 11:30 PM

في هالوقت ما بسافر لأني عانيت الين ما لغيت اجازتي

شكلي بسافر في العيد
بقضي اخر يومين من رمضان في باريس لول

رمــش الغـــلا

20-06-09 ||, 02:27 PM

نحن سفرنـآ عقب بـآجر ان شاء الله لـ تآيلاند ^__^

المزوحي

20-06-09 ||, 02:29 PM

رمش الغلا وين بتسكنون بإذن الله

رحلة موفقة وتردون بالسلامة :fa42: ( لاتنسون الصور )

رمــش الغـــلا

20-06-09 ||, 02:35 PM

مـآعرف وين بسكن ولا اعرف شي لول ..

أكيد من برد بعطيكم الصور والتفاصيل كلهـا

انا من 3 ايام بس خبروني عن السفرة ما كنت أدري ><

وامس عرفت عن وقت السفرة بالضبط

فكل شي استوا بسرعة بسرعة .. وان شاء الله التفاصيل كلها عقب ما أرد ^__^

المزوحي

20-06-09 ||, 02:43 PM

تخيلي بس ما تعرفين .. المهم .. أكيد انت آخر العنقود ... :)

المهم بنتريا تقرير الرحله

رمــش الغـــلا

20-06-09 ||, 02:45 PM

لا لا مب آخر العنقود ^__^

.. لأنه كنت مشغولة بـ حفلة التخرج فما كنت أشوفهم مول فالبيت !

والكل كان يدري الا اانا [ لوول ] ..

المهم اني عرفت واقدر الحق ازهب عمري قبل السفر :)

مزن هتان

20-06-09 ||, 04:29 PM

رمش الغلا أبوي بعد سفرته بعد بكره لـ تايلاند

ابوي بيقعد اسبوع و الا 10 ايام بيرجع
بيرد يسافر اهو و أمي و خواتي الزغار مصر بيقعدون 3 اسابيع

رمــش الغـــلا

20-06-09 ||, 04:58 PM

شرآتنــآ يعني ^__^

يمكن ويانا عـ نفس الرحلة =)

نحن طيارتنا الصبح ان شاء الله ...

المزوحي

20-06-09 ||, 11:24 PM

على فكره ربيعي تبهدل عسب ويزة لندن، قلت له لو انا ما بسير بلادهم، مذله ...

مايهزك ريح

21-06-09 ||, 12:41 PM

^
خله ياخذ خدمة الـ VIP احسن له عشان ما يتبهدل ..
ادفع زياده واتعزز .. بس لازم ياخذون بصماتك !

المزوحي

21-06-09 ||, 02:40 PM

هذا يعني متعمدين يسون جيه، عسب ياخذون هالخدمه، ادري بها الخدمه، بس ماداني يوم يسون جيه ..

ربيعي الثاني اليوم يخبرني إنه السفارة الفرنسية سوت لهم سالفة ليش بتسيرون، مع إنه ضارين

يعطون جوازاتهم اي مكتب سفريات ويظهرون الشنجن ... فأخوه بيسير بيظهرها من السفارة مادري القنصلية الالمانيه

عسب الاجراءات تخلص بسرعه لأنه سفرهم جرب خلاص ...

مايهزك ريح

22-06-09 ||, 09:56 AM

انا خذت الشنجن من الألمانيه ... 3 ايام بس ما يتأخرون !
و الفرنسيه وايد ياخذون وقت .. ويبون معلومات ازياده اعتقد !

المزوحي

22-06-09 ||, 01:27 PM

زين انا الحين في الدوام_ وربعي يتكلمون عن السفر _ ويوم قريت ردك _ انه الشنجن من الالمانيه 3 ايام
قال ربيعي عيل بسير

مايهزك ريح

22-06-09 ||, 01:32 PM

المكتب اللي يستلم الطلبات موجود عدال فندق كابيتول في شارع الظيافه ..
بس لازم ايكون مسوي تأمين صحي ..
له وللي بيسيرون وياه .. عن طريق مكتب السفريات انا دفعت 1900 حق 4 اشخاص !

بنت الدلع

22-06-09 ||, 02:04 PM

بعض التفاصيل ..

سفرتنا بتكون مدة 3 اسابيع تقريبا وحجزنا سيارة Mercedes Benz Vito
حقنا وحق الشنط
اول شي بنسير ميونخ وبنتم فيها يومين

بعدين بنسير سالزبورغ وبيكون في خيارين
1- نيلس في مزرعه وكله طبيعه حوالينا
المنطقه الي بنسيرلها بيكون فيها وايد avtivities
من horse riding , pony carriage ride و غيره

2- نيلس في resort
وبيكون في شوبينغ + طبيعه .. عندهم بحيره وايد حلوه هناك على قولت السكرتيره: with crystal clear water
وفي نفس المنطقه بيكون فيه ice cave

ومن بعدها اظن بنسير زيلامسي .. واخر شي بنروح زيورخ وبعدين بنرد ميونخ

ان شاء الله يوم الجمعه مسافرين =)

المزوحي

22-06-09 ||, 02:49 PM

ما يهزك ريح ... يوم قلت إنه لازم يكون تأمين صحي، حد اتصل به وقال نفس الرمسه، فهو كان يقولي التأمين ياخذ

في حدود 400 درهم .. مثل ما قلت انته 1900 عن 4 اشخاص

بلاهم السته ... ..

بنت الدلع رحلة موفقة ... تسيرون وتردون بالسلامة

...

في احتماليه نسير سويسرا ، فإن سرنا وين تنصحونا نسير ... من 3 سنوات زرتها وسرنا انترلكن روعه الصراحه

وطبعا مرينا جنيف ...

مايهزك ريح

23-06-09 ||, 08:24 AM

سويسرا بكبرها حلوه ..
المناطق اللي لازم اتسيرلها .. بازل + انترلاكن + لوسيرن + لوزان +مونترو + جنيف (عادة اتكون زحمه )
وانا سرت منطقه اسمها لوجانو .. فيها outlet كله حق المشاري وفيه كل الماركات .. اسمه foxtown
والأماكن الثانيه مثل sankt gallan و sankt moritz كلهن حلوات !

واذا تبا معلومات ازياده انا حاظر ..
بس انصحك انك اتسوق سياره وخذها جير اتوماتيك لأنه البلاد كلها صعدات وبتتعب من الجير العادي وحاول تحجزها من دبي لأنه هناك صعب اتحصلها بالراحه !
ولازم ايكون عندك GPS عشان تفتك من الخرايط "^_^

المزوحي

23-06-09 ||, 02:40 PM

مرحبا مايهزك ريح ربيعي سار عند النابودة للسفريات عندهم تأمين صحي، وأظن الاسعار تختلف حسب المدة .. :fa46:
سويسرا زرتها سرت جنيف وانترلكن خبال لكن ما اذكر لو سرت لوقانو وإلا لا ... لأنه سرت مع اختي وريلها وعيالها
بالنسبه لــ foxtown من ايام شفت الموقع وخبرت اختي وقالت والله ؟؟؟ الواحد حلو ياخذ معلومات قبل ما يسافر
عسب يعرف، وتحس كل ماركه بوتيك روحه مب مثل الاوت لت مالنا ( في دبي ) مب شي ...
بالنسبة لحجز الموتر مب احسن يورب كار ؟؟

تدري ربيعي العام مدحت له اوربا ، قال لاااا انا احب شرق آسيا .. لكن يوم سافر العام مع هله ألمانيا عيبته وبيكررون
الرحله بس هالمره بيمرون على لندن، وخلاف بيسيرون أما ألمانيا او سويسرا ..
و الــgps مايكون من اول في السياره ؟؟؟؟
الحلو في الايجار إنه ممكن نرد الموتر اي مكان وفي باركات المطار .... يعني ما يحتاي ناخذ تكسي، نحن نوصل عمارنا
وإذا في اي بسألك، ادري بك ما تقصر ... :m_atmasha:

عفاريتووو

24-06-09 ||, 11:18 AM

^ المزوحي اذا بتسيرون صوب جنيف لا تفوتون ايفيااان
مدينة هادية و حلوة
و annenecy بعد حلوة و جريبة من جنيف

ع فكرة الـ fox town موجود في اكثر من مكان في سويسرا
شي واحد عقب مونتركس بس شو اسم المنطقة ماذكر ..

مايهزك ريح

24-06-09 ||, 12:33 PM

اللي في زيورخ صغير وما ينفع - عدال المطار !

بس اظني اكبر واحد في لوجانو !
هذا هو .. اللي سرناله !

http://www.foxtown.ch/cometrovarci.php?lingua=en&centro=mendrisio

وفي لوجانو .. swiss miniature كل مباني سويسرا بس مصغره ^_^

http://www.swissminiatur.ch/index.asp?page=18&index=9

المزوحي

24-06-09 ||, 02:39 PM

عفاريتووو .. كنت افكر في ايفيان ... خالتي سارت لها العام .. يلسوا فيها هناك ...

..

مايهزك ريح يوم فتحت الموقع وشفت الصورة بس هذي -

مادري تحمست اسير

http://www.foxtown.ch/include/mendrisio/cometrovarci/Milano_Zurigo.jpg

مشكورين

مايهزك ريح

24-06-09 ||, 03:15 PM

موجود فوق بس يمكن انته ما انتبهت له ^_^

http://oasis.bindubai.com/bin/uploaded/558_01245842094.jpg (http://oasis.bindubai.com/bin)

المزوحي

24-06-09 ||, 05:12 PM

انتبهت للصوره بس اقصد انا بمجرد ماشفت الصوره وفيها اللوحات _ اتحمست :)

حلم الطفوله

27-06-09 ||, 01:03 AM

أبغي معلومات عن لبنان

فنادقها والسياحه فيها وأهم شيء أهم شيء أسواقها !!!

للخبراء فقط :)

المنصوري

27-06-09 ||, 01:08 AM

اممم صيــفـــي مميــز مــع مدهـــش :woot:

اممم ناوي اروح الامارات سياحة 4 ايام في آخر سبــعـــة ’,,
يوم في بنــي ياس ، ويوم في بدع زايــد ، وآخر يومين في بني ياس وبوظبي
يقولون بأنها حلوة .. او انها جنــــــــــــــــــــــة :inlove:

وطبعـــاً الشردادت يايه في أي اجازة :fa51:

..

وما اعرف حق ليش مسوين حشرة على سويسرا وخاصة جنيــــف :Oo:

وانتبهوا من الوحش في المانيـــااااااا .. يتحرش في كل اماراااااتي :fa46:

تحياتي

منـــ9ـــوري

مجموعة إنسان

27-06-09 ||, 01:30 AM

باجر بخبرج حلوووم

,,,

المزوحي

27-06-09 ||, 10:05 AM

اهلا اختي حلم الطفولة .. عن الفنادق ماعرف شي، لأني يوم انزل اسكن في فيلا في اليبل ( مش في بيروت بعد )

عندج الاسواق .. منطقة بحمدون ما يحتاي اقولج عندهم تقليد ماركات وسوق اكثر من عادي، وفوق هذا كله الاسعار غاليه

وفي بيروت الواحد يسير السوليدير عبارة عن مقاهي ومطاعم ومحلات ماركة ... ( باي ووك )

انصحج إن رحتي برمانه تسيرون مطعم منير .. يستاهل العنوه اكله لذيذ ...

وعندج مركز تسوق ABC سيري اللي في الاشرفيه ... وآخر مره سافرت عندهم مركز يديد بس ما يحضرني اسمه

http://www.lebanon-hotels.com/

حلم الطفوله

27-06-09 ||, 11:40 AM

مشكوووووور المزوحي ...........ويزاك الله خير ما قصرت

المزوحي

27-06-09 ||, 02:29 PM

حلم الطفولة ... رحلة موفقة

رمــش الغـــلا

27-06-09 ||, 04:53 PM

سرنـآ تايلاند ورديناا .. وبس كنا في بـآنكوك سكنا في Zenith

^__^

واللي بيسافرون تسيرون وتردون بـ السلامة =)

مجموعة إنسان

29-06-09 ||, 12:29 AM

أبغي معلومات عن لبنان
فنادقها والسياحه فيها وأهم شيء أهم شيء أسواقها !!!
للخبراء فقط :)

أمم . .

المعالم المميزه ف لينان . . اللي صدق تدل على حضارتها (مغارة جعيتا ،، وبيت الدين اللي يسوون فيه حفلاات الصيف ويمكن تلحقون على تركيب المسررح مالهم ،، ومغارة كفر حيم ،، وشي ممر جي مادري شو اسمه طويل وكله مطاعم وألعاب جديمه بس حلو المكاان وايد وفيه كم شلاال في زحله ،،وغابات الأرز اللي مازره البقعه ،، وقلعة موسى ،، وبقايا الثلج تكون بعدها موجوده عند أعلى قمة ف لبنان تسئلووهم شو اسمها لان مش حاظره عندي الحين وفيها هناك مطعم فظييع تشتغل فيه عاايله وحده بتحسوون أنكم عايشين ف الثمانينات وشي حول المطعم بحيرة كبيييره وفيها سمج للي يحبون الصيد والمااي باارد لدرجة أن صار تحدي على 1000 درهم للي يحط ايده لمدة 10 دقاايق وهو واثق أن محد بيقدر)

والمحلات . . ( إذا تبون نفس محلاتنا بس ببضاعة أرقى وأحلى فالسيتي مول ،، وABC الأشرفية اللي ف شارع الحمرا بتحصلون فيه أشيا رهييبه مثل شالات للشتا كلها شغل يدوي وتطير العقل تحير ا لوحده بين الألوان والشنط بعد أسعارها متوسطة واللي تاخذينها من المحل في هالفرع ما بتحصلين شراتها فالفرع الثاني ،، ومحلات السوليدير بعد شي لا يعلاآ عليه )

الفنادق . . سكننا لمدة 5 أيام في فندق الـradisson sass هالفندق 4 نجوم لكن رهييب بمعنى الكلمه مشكلته الوحيده الإطلاله بس يسكنون فيه فنانيين صادفنا كم واحد هناك والحلو أن يبعد 15 دقيقة مشي لين وسط بيروت (السوليدير ) واللي هو أرقى مكاان للتسوق والمشي والأكل . . والمطاعم كلها مميزه هناك والمحلات كلها معروفه وراقيه)

وكملنا الرحله في منتجع grand hills برمّانه واللي كان فوق الجبل وكان شي خياالي . . ديكورااته خياااااليه . . وكل غرفة فيه لها ديكور غير عن الثانيه ومستحيل غرفتين لهن نفس الديكور . . بس مشكلته النظافه شوي لان الطاقم كان اثيوبي ف شوي مسوين طااف ومتعايزين الله يسامحهم . . وإطلالة الغررف جدا مميزة إما على الحديقة وإما على المسبح وكله على بعضه يخبّل . . وتحسون إنكم ف عالم ثااني . .

المطاعم . اللي أذكر أسمه . . السلطان إبراهيم وهذا اول مطعم كلنا منه وكله أكلات بحرية وما عندهم ولا شي غير السمج بس رهيييب ومطعم مانويلا اللي كان على البحر وحلو أكلهم وخدمتهم حلووه . . ومطعم منير وفخر الدين كان جريب فندق برمانه ع الجبل بس يلستهم حلووه وتخبل لكن نمير أحلى عن فخر الدين بواايد . .

وأنصحكم تسيرون صووب منطقة شتوووورة . . وتااخذون لبن عيراان لأن اللي يظووقه لاازم يتذكرر طعمه دووم . . نفس نهر النيل اللي يشرب منه لازم يرجعله هيهيهيهيي واللبنه مالتهم تخبّل بعد . .

ومدينة الالعاب (الحبتور لااند ) ألعابها حلووه للكبار والصغاار والجو هنااك رهييب الهواا باارد . . بس أحيانا الشمس تكون قويه ف ما أنصحكم تسيروون إلا يوم الجو يكون شوي مغيم ولا تسيرون ع العصر . .

واطلعوا طلعة بالطراد . . رربشه ويلسه حلووه وبيخلون الصغااريه يسوقون . . ونااسه ومتعة . .