المساعد الشخصي الرقمي

مشاهدة النسخة كاملة : الحياة البريّه // زواحف



بنت الدلع
04-02-09 ||, 09:19 PM
السلام عليكم ورحمة الله وبركاته


رحلتنا لليوم بتكون إلى مركز حيوانات شبه الجزيرة العربية


يالله لو سمحتوا اركبوا في الباص عشان نروح كلنا سوا
ومانبا أي تأخير


سوف نسلك شارع المطار وان شاء الله كلها ثلث ساعه وبنوصل للمكان المراد


طبعا وانتو في الطريج بتشوفون على يمينكم وشمالكم المناظر الطبيعيه الخلابه التي تتميز بها مدينة الشارقة :shutup:


على اليمين بنشوف مركز الاستكشاف والحديقه المشهوره منتزه الجزيره او التي تسمى بحديقة المطار


وعلى شمالكم بتشوفون المطار
وبعده بكم كيلو بنشوف مصنع الاسمنت


وها نحن وصلنا إلى تقاطع 9


تفظلوا بالنزول
بس لو سمحتوا طابور ثنين ثنين "تذكروا ايام المدارس"


وهذا هو المبنى جدامنا


http://oasis.bindubai.com/bin/uploaded/2211_01233766022.jpg


طبعا مكتوب على اللوحه (ممنوع التصوير) يعني صوروا بس بدون محد يشوفكم :birgits_giggle:
واذا شافوكم :h_qor9anah:


وقد أحذر من أنذر


طبعا اول شي بندخل قسم الزواحف


وهذيل انواع الثعابين الي بتصادفنا


http://oasis.bindubai.com/bin/uploaded/2211_11233766022.jpg


يا سبحان الله لونه نفس لون الرمل


--


النوع الثاني اسمه الأفعى الحريريه


"يتواجد هذا النوع من الأفاعي في المناطق الشماليه لشبه الجزيرة العربية مثل العراق والأردن
وفي عام 1932 وجدت عينه وحيدة في اليمن" !


http://oasis.bindubai.com/bin/uploaded/2211_21233766022.jpg


النوع الثالث يسمى بـ الصل العربي أو ( الكوبرا )


"تعد هذه الكوبرا أكبر الأفاعي السامة التي تعيش على اليابسة ويعتبر سمها من أقوى السموم حيث يؤثر على الجهاز العصبي ويمكن أن تقتل عضتها انساناً خلال ساعات معدودة"


(الحبيب خاش راسه ماقدرت اصور غير جسمه الرشيق)


http://oasis.bindubai.com/bin/uploaded/2211_01233766979.jpg


وهنا نرى انواع أخرى من الأفاعي


http://oasis.bindubai.com/bin/uploaded/2211_11233766979.jpg


http://oasis.bindubai.com/bin/uploaded/2211_21233766979.jpg


http://oasis.bindubai.com/bin/uploaded/2211_01233767215.jpg


وهذا النوع اسمه (حيّة الرمل)


http://oasis.bindubai.com/bin/uploaded/2211_11233767215.jpg


http://oasis.bindubai.com/bin/uploaded/2211_21233767215.jpg


في هذه الصوره لن تتمكنوا من رؤية رأس الافعى (لأنها مندسه تحت الرمل) ولكن شوفوا الدم الي على ذيلها
يمكن بتبدا بعملية الانسلاخ! :crosseyed:


http://oasis.bindubai.com/bin/uploaded/2211_01233767512.jpg


الشاطر يدوّر الأفعى ويقول وين منخشه؟


http://oasis.bindubai.com/bin/uploaded/2211_11233767512.jpg


والآن ننتقل إلى قسم السحالي


نشوف مع بعض هذي السحليه
ماعليكم من جسمها وغزوزها تراها رشيقه بس شوي كثرت على الغدى :tounge:


http://oasis.bindubai.com/bin/uploaded/2211_21233767512.jpg


هذا النوع اسمه الورل الصحراوي
وهو يعد من اكبر انواع السحالي في شبه الجزيرة العربية


http://oasis.bindubai.com/bin/uploaded/2211_01233767714.jpg


سحلية ذو الرأس الأزرق


http://oasis.bindubai.com/bin/uploaded/2211_11233767714.jpg


سحلية ذو الذيل المنتفخ :birgits_giggle:
قصدي نسيت شو اسمها


http://oasis.bindubai.com/bin/uploaded/2211_21233767714.jpg


اوووب !!


لو سمحتوا ممنوع التصوير !!


هيه بس نحن نصور بدون فلاش
لا مايصير
بنضطر ناخذ منكم الكاميرات >.<


ما قلتلكم وقد احذر من أنذر


ماخلوني اصور الفهود :fa44:


وبجي نكون وصلنا الى النهاية
وان شاء الله تكونون استمتعتوا في هذه الرحله واستفدتوا


نستقبل آرائكم ومقترحاتكم


شكرا


// بنت الدلع

العجيبة
04-02-09 ||, 09:30 PM
حلو ... اول مرة اسمع به هالمـركــز ....

جولة حلوة يا بنـت الدلع .... امتعتينـا وافديتنـا ....

شكرا لج ...،

مزايا
04-02-09 ||, 10:05 PM
مرحبــا

الصراحه هالمركز الوحيد اللي ما أمل منه
كل ما أدشه أحس بالاستمتاع فيه كأني أدشه أول مره

http://oasis.bindubai.com/bin/uploaded/2211_11233767512.jpg

تراها على اليســـار

100 % استمتعت بهالتقرير

غريبه إنهم ماخلوكم تصورون الفهود !! انا مريت على الكل و فكل مكان لازم اصور ، ضاربه القوانين بعرض الحائط

بس بالفعـل مكان في غاية الروعه ، و مفيد وايد لليهــال

مايهزك ريح
04-02-09 ||, 10:18 PM
Nice report
مشكورة بنت الدلع على هالموضوع المفيد .. ^_^

بنت الدلع
04-02-09 ||, 10:37 PM
العجيبة
للأسف شلوا الكيمره ولا كنت بحط لج باقي الاقسام
احلى شي قسم الطيوووووور 3>
الطيور يطيرون من فوووقكم وايوون عدااالكم والفلامينغوووو 3>
روووعه

العفو وان شاء الله تزورينه ^_*

بنت الدلع
05-02-09 ||, 04:27 PM
مزايا
هييه وايد حلو
انا اكثر شي استانس صوب الطيور
وايد احب المكان
جيه صخوور وشلال حلو المكان

سبحان الله لونها من لون الصخور
ترااا هيييه
انا يوم اسير عادي اصور وجي بس هالمره مادري ليش
يو بنتين وقالوا ممنوع التصوير وقالوا لازم ناخذ الكاميرات >.<
جان اقولها انزين بخليها عندي أأمن لول
قالت لا والله مايصير شافونا بالكاميرات من فوق

طير الحب
06-02-09 ||, 08:37 AM
يا حليلكم...وانا أقول كيف صورت أحيد ممنوع...عيالي يحبون هالمكان....خصوصا مكان الطيور

رمــش الغـــلا
06-02-09 ||, 11:26 AM
حلـــو المكآن

وتسلمين عالـريبورت المميز ^__^

.
.

خسآآرة .. شلوا عنج الكآم والا جآن شفنا بآقي المركز :)

"الماسة"
06-02-09 ||, 04:35 PM
يااااااااي وااااايد حلووو المكااان..

ياااريت لوو روحت مع بنااات اختي للاسف ماكاان عندي وقت..:k_puppyeyes:


عالعمووم استمتــــعت بالررررحله..:14:


(هههههههه..ذكرتيـــــني بالمدرسه اول شي يودونا المقصف نااخذ اكل اونه الرحله طوويله بنيووع..وعقب نركب الباااص)..:icecream:


يسلموووووووو..:fa35:

بنت الدلع
07-02-09 ||, 12:49 AM
مايهزك ريح
يعني انفع اكون ريبوتر في يوم من الايام؟ XD
العفووو ^_^


طير الحب
بالعاده نصور بس هم الا مناكر
يوم ظهرت قلتلهم ليش ممنوع التصوير؟!!
يعني الواحد يحب يصور عياله ولا الحيوانات
جان تقول والله شو نسوي هالشي يسبب لنا مشاكل مع الاهالي

مجموعة إنسان
07-02-09 ||, 11:20 PM
حسااافه ممنوع التصويييير

خاطري اروح هالمكان عسب اصور بس يقولون ممنوع



تغطية حلوة بنت الدلع

سؤال
في جامااات جدام الثعابين والفهود وهالسوالف؟

المزوحي
07-02-09 ||, 11:42 PM
شو هالرحله العجيبه بنت الدلع .. تصوير فنان ...

بنت الدلع
08-02-09 ||, 09:29 PM
رمش الغلا
هيييه غربلات ابليسهم
حطموني اوني كنت شاله عدسة الزوم وياي عشان اصور الطيور
خيرها في غيرها ان شاء الله
تسلمين عالمرور

الماسة
اذا مب سايره قبل يبالج تزورينه
المركز وايد حلو ومكيّف
تمشين جنج تاخذين جوله على شكل دائره
يوم توصليت قريب النهاية في كفتيريا صغيره
بعدين آخر شي تمرين على السبلان وانتي بكرامه
والذيابه والفهود والنمور
يعني حلو المركز ملموم

مجموعة انسان
هييه المشكله حتى لو خشيت الكاميرا عنهم ودشيت وماشافوك عند الاستقبال
شي كاميرات فوق لول

لا مافي جامات
عادي الفهود تتعافد علينا
يعني عادي الفهد ايي عدالي وامسكه وامسح على جسمه
فهودهم طيبه ماتعض


لول

اسولف تراني عن تصدق
جدام الحيوانات كلها في زجاج
انا بقولك بعض الحيوانات الموجوده
الثعابين، العقارب، الحمس، السمج (شي انواع يديده شرا السمكه العمياء ومن هالقلبيل) ارانب، قطاوه بريه، ثعالب
شي قسم الحيوانات الليليه
واايد حلو يوم تدخل جييه ظلللمه
وتشوف القطوه منخشه هناااك وحللللوه
وتشوف الخفاافيش
وشي بعد عقارب مسكرين عنها الليتات عشان تشوف لونها في الظلام
لون العقرب جيه ازرق فسفوري وفي عداله ليت اذا حبيت تفتحه وتشوف شكل العقرب
وفي بعد الله يسلمك ضفادع
واااايد كتاااكيييييت
وفييييه ... اعوذ بالله من الشيطان
ممم في حيوانات غريبه ماعرف اساميها شرات شي جيه كبييير وفيه اشواااااااااااااااااااااا اك
مب قنفذ، واااايد اكبر عنه شرات حجم الثعلب

اما عندك صوب الطيور فالمكان مفتوح
مافي زجاج
يطيرون فوقك وجيه
يعني عادي وانته طايف وحده ترشق عليك لول

وطبعا المركز كله مكيّف لا تمشي برع لا شمس ولا شي

هيك يعني يبالك زياره المكان وايد حلو
بتستمتع
ويمكن بس ياخذ منك ساعه
والدخول على 15 والاطفال الي تحت سن 12 بلاش

اي اسئله ثانيه؟ ^_^

ملاك الروووح
19-02-09 ||, 10:55 PM
يااااااااااااه

ذكرتيني بأيام المدرسه والله .. :fa43:


حبيت الريبورت وايد ..

أنا أحب الزوااااااااااحف وايد .. :fa56:

بس للأسف يوم رحنا مع المدرسه شلوا كيمراتنا وما خلونا نصورها

لكن طلعت حررررتي ف ماليزيا :biggrin:

:

الفهود وااااااااايد حلو شكلها ..

وأحلى شي يوم تلصق في الجامه ..

واتم تطالعج ,, صح انه زياغ :fa46: بس ناااااايس :fa47:

:

يبي لنا نرتب رحله حقنا نحن البنات ..

أنا بأجر الباص .. وكل وحده تشل كيمرتها وبنهربها ويانا :m_9afgah:

أنامل قلب
20-02-09 ||, 04:51 AM
عيبني التقرير ، حلو اسلوبج خفيف ^^

هممم انا ماسرت له هالمركز ، حتى ايام المدرسه على حظي ماطحت على هالأماكن لول ..
وعن الاهل فيعتبرون الشارجه كابوس بسبب عقدة الزحمه ،، بس ان شاء الله قريب :fa38: ..

,

سلمتي ، وربي يجزاكم الخير كله ~