بلاك بيري !!! [الأرشيف] - -:: واحات بن دبي ::-

الـيـاه

18-02-09 ||, 08:57 PM

حلوو!
بس لو انت من النوع اللي وايد ترمس فالموبايل .. بطاريته تفضي
يعني ممكن تخليه كـ موبايل ثاني

هممم كل الناس ياخذونه عسب سالفة البلاك بيري مسنجر .. يعني بين بلاك بيري مالك وبلاك بيري الشخص الثاني
احس يفيد اكثر لو نص ربعك عندهم بلاك بيري ...

هيه يفتح المنتديات افتح فيه الواحات

اقدر اخزن عليه كتب الكترونيه؟
ماعرف شو يعني كتب الكترونية لول

شمعة أمل

18-02-09 ||, 09:17 PM

مرحبا

نصيحة :
لاتاخذ الـblackberry bold .. ليش؟ لانه في كم من خلل بس مايخبرونك هالشي الى عقب ماتتبهدل والمشكله شركات الاتصالات مايرومون يسون شي لانه خلل فني

شو المشكله
في كل بلاك بيري البطاريه مب لين هناك.. بس انا احس البولد اخس شي
- البولد تليفون مزااااااااااجي وايد.. كل ما يجدم يتحسن.. بس في البدايه مأرف .. في البدايه مزاجي في المسجات العاديه.. بس بعدين يتحسن وبيكون مزاجي في الـ mms .. والارسال فيه كجره.. مزاجي متى ما يبا يقبض الارسال! انا تليفوني دوو مب متبهدله كثر ربيعتي الى اتصالات.. هيه وحليلها رايحه فيها لازم تشل تليفونين وياها
- الشي الوحيد الى مافيه مشاكل هو البلاكبيري مسنجر! في هالشي توب! اما باقي الاشياء مب لين هناك
- تقدر تدخل منتديات عربيه منه
- تقدر تنزل العاب
- ماعرف اذا تقدر تنزل كتب الكترونيه ولا لا.. بس اتوقع تقدر

نصيحتي
البلاكبيري حلوو.. لانه عملي وايد! خصوصا البلاك بيري مسنجر.. هذا اهم شي! والحلو يوم تكون ملان وانت طالع تقدر تدخل النت منه! ولا تجيك ايميلاتك.. الخ
وسالفة البلاك بيري مسنجر.. انه محد يقدر يخدعك.. خصوصا يوم تشتغل.. لانه يقولك يوم حد قرى المسج ولا لا.. فـ محد يقدر يقولك والله سوري يا خيال ماوصلني المسج انك بتغيب اليوم فـ انت مطرووود p;

بس البووولد عورلي راسي >_<

المزوحي

10-04-09 ||, 11:04 AM

شو عن بلاك بيري ستورم ؟

http://blogs.zdnet.com/gadgetreviews/images/vzw-blackberry-storm-left.jpg

صريح

10-04-09 ||, 02:39 PM

http://www.pocketberry.com/wp-content/uploads/2009/02/rim_blackberry_curve_8900_03.jpg

الـ curve وبس
:k_harhar1:

المزوحي

10-04-09 ||, 04:32 PM

صريح إذا عندك الكيرف خبرنا عنه ...

المزوحي

21-04-09 ||, 06:42 PM

ابغي آخذ بلاك بيري، آخر شي بشو تنصحونا ؟؟؟؟

رمــش الغـــلا

21-04-09 ||, 06:49 PM

أختي واخوي عندهم البلاك بيري البولد .. وحلو بس يقولون وايد يفضي الجرج ><!

ذنـيـنـي

21-04-09 ||, 07:08 PM

كان عندي بلاك بيري بولد و استعماله حلو
افضل من الكيرف في شي واحد بس !!
الفرق بينهم انه البولد يدعم شبكه ٣ جي و الكيرف ما يدعمها
و للعلم شبكة ٣ جي عندنا في الامارات اقل ما يقال عنها انها زباله و انتوا بكرامه

لذلك انصح بالكيرف و الحمدلله ٢ من الي اعرفهم خذوه و مرتاحين منه وايد
و انا بعد ناوي على واحد من عقب البولد

الستورم لا تفكر فيه لأنه بالمختصر زباله
مجرد تج سكرين و مافيه مواصفات
حتى اقل المواصفات و الي هي دعم الوايرلس نتوورك مب موجوده فيه

بولد او كيرف مع الافضلية للكيرف طبعا

انا اول ما خذت البولد كل حد قالي لا تاخذ كيرف ولا تاخذ كيرف و و و و و الين ما اقتنعت بان البولد افضل
لكن عقب اكتشفت بان البولد زين لكن الكيرف ما يقل عنه في شي و خاصة اني كنت استعمل شبكه ٢ جي

توكل على الله و خذ الكيرف =)

المزوحي

21-04-09 ||, 07:21 PM

رمش الغلا إذا يفضي يجوز احط رقمي الثاني مب الاساسي ...

ذنيني الكيرف موديلات له وإلا نوع واحد عندنا، وناخذه من اتصالات وإلا من اي محل ؟

رمــش الغـــلا

21-04-09 ||, 07:32 PM

^

بس شرآت ما قال ذنيني صح وايدين خذوا البولد ..

بس انا لو فكرت في يوم آخذ بلاك بيري ..

ما بتردد اني آخذ الكيرف =)

ذنـيـنـي

21-04-09 ||, 09:14 PM

شي موديلات قديمة

اليديد هو curve 8900
شرات الي صريح حاط صورته

بالنسبة لسؤالك عن مكان الشراء
بصراحه ما ادري‘ شي محلات تبيعه بدون ضمان و فرق السعر يوصل الى 800-900 درهم
الي من الاتصالات مع ضمان و بالنسبة لي شخصيا افضل اني ادفع زياده و احصل الضمان
بس انته اذا الضمان ما يهمك وايد شوف محل في السطوة اسمه الجسمي
يقولون انه اسعاره ممتازه بالنسبة للبلاك بيري

المزوحي

06-06-09 ||, 12:13 AM

الحمدلله إني ماخذت البلاك بيري، من كثر ما الكل عنده كرهته

صح إني مابحكم العالم انا، بس اشوفه بشكل مبالغ، حتى الواحد مايكون مميز

بنت ناس و عرب

06-06-09 ||, 02:55 PM

مع كل احترامي انا جربت الكرف الجديم اول ما نزل البلاك بيري .. الدقم ( buttons ) ماله موليه ما منها فايده مب عمليات للكتابه السريعه .. اشتريت ٣ اول واحد شاشته اختربت قلت مش مشكله ثاني واحد الكوره اختربت قلنا يالله علينا بال٣ اشتريت الثالث عكيفه يعلق وماكان فيه خاصيه مسجات التلفون بروحه و مسجات الباقيه فملف ثاني ..

وقفت سنه و ردت صرخه البلاك بيري مره ثانيه ..

خذت البولد من شركه دو في رايي انه تمام بس عيبه انه بطاريته تفظي لكن كالعاده نحن ماشاء الله من التلفون الواحد نشل ٣ تلفونات فما تفرق اذا البطاريه فظت و لا لا

المزوحي

06-06-09 ||, 05:25 PM

أكيد الواحد له حرية الاختيار وشو يبغي يقتني ! لكن عندنا واحد في الدوام صدعني، كل يوم يقولي ابغي اشتريه

خلاص سير خذه، نجيره

تويتي

10-06-09 ||, 03:58 AM

السلام عليكم قويتوا خخخ

وشحالكم ..؟

أممممم انا عندي بلاك بيري البولد بس الصراحه الحين فارنه في الدرج ماستعمله في البدايه ادمان وعقب تمل منه هههه وعندي مشكله في المسن اول فترة دخل عادي وعقب قام يشفر يعطيني سيرفر نت الاود عاش الانجليزي خخخ
ويوم اتصلت وتخبرت قالوا اونه المشكله في الايميل نفسه يتمصخرون ومن ذاك اليوم وانا عقاب له حطيته في الدرج هههه
بس احسن مافيه البلاك بيري مسنجر هو بشكل عام مفيد للي يدخلون النت ..

بس خلاص تعبت .. وشكراً :h_negab::k_devil2:

بنت ناس و عرب

10-06-09 ||, 05:31 AM

^ do an update for it

ألم ترى

17-06-09 ||, 01:14 AM

بسم الله الرحمن الرحيم ..

انا خذت البولد من يومين واشوفه تمام ! ..

لكن مشكلتي وياه هو انه مايشبك وياي بالنت وخاصه ف الواير لس ..

ما اعرف شو السبب والضاهر اني بسوي اشتراك احسن لي ..

مزن هتان

17-06-09 ||, 10:03 AM

بالبركه ألم ترى
أختي بتاخذه هاليومين و الا تبيني آخذه معاها :surrender:

أمي تسميه لامبرغيني :fa56:
وين بلاك بيري و ين لامبرغيني !!

مــهــابه

17-06-09 ||, 02:50 PM

^
آنـآ عـيبني ( البـولد ) بـعد ، قـبل مـآكنـت مقـتنعه بشي أسمه بـلآك بيري ، ويوم شفـته عيبـني ودخل فـي خـآطريه

لكـنه شويه دفش ، ومحـد شجعـني آخذه

بنت الدلع

17-06-09 ||, 06:06 PM

اتصالات مسويه اوفر
تاخذ بلاك بيري + الخدمه وتدفع 1800 واذا بدون خدمه على الفين وشي

دمعة شوق

07-07-09 ||, 04:00 AM

شو احسن اخذه من الاتصالات ولا من اكسيوم تليكوم ؟

وآذا من آتصـآلآت لازم اللي بآسمه البطاقه يروح ياخذه ولا كيف ؟

ربيعتيه كانت بتاخذه وقالولها لازم ابوج اللي باسمه البطاقه ايي وياخذ التلفون !

عفاريتووو

07-07-09 ||, 10:27 AM

لو خذتيه من اتصالات او من اكسيوم نفس السعر

امم لا مب لازم اللي باسمه البطاقة يروح بس لازم تاخذين وياج صورة جوازه

صريح

07-07-09 ||, 11:31 AM

عسب تشترون التلفون ( بدون الخدمه ) ما تحتاجون اي شي غير الفلوس

حضوور الشخص صاحب الرقم او تيبون صوره الجواز ولا الليسن عسب الاشتراك في الخدمه على رقم التلفون بس
مجرد اجراء عادي .. عسب مب كل واحد ايي و يطلب الخدمه حق اي رقم ما يكون له و يشرد ( اخسااس يعني لول )
:4:

و انا افضل تاخدونه من اتصالات ..

1 - لانه عليه ضمان من عندهم لو صار اي شي فالتلفون تودينه عندهم
2 - الكيبورد يكون معرب من المصنع

باقي الاماكن الكيبورد فالتلفون يسونه فالبلاد بالليزر و ما يكون بنفس الجوده من اتصالات

و نزل بلاك بيري يدييد BlackBerry Tour ( اصغر عن البوولد و اكبر عن الكيرف يعني بينهم ) بمواصفات احسن
بس بعده ما نزل فالبلاد

مايهزك ريح

07-07-09 ||, 02:34 PM

^
صريح .. ما عندك فكره متى tour بينزل في البلاد .. !

وبالنسبه للي يشتريه من إتصالات .. اقدر اطلع الـ sim كارد متى مابا .. يعني اذا فكرت اسافر وحبيت اشتري بطاقه من برا يتقبل ولا لأ !

صريح

07-07-09 ||, 04:08 PM

مايد

والله ما اعرف متى بينزل عدنا .. ناس تقول عقب العيد و ناس تقول في رمضان ولا قبله
بس هو من فتره قريبه نازل في امريكا .. فاتوقع يباله وقت لين ما ينزل عدنا

اذا خذته من اتصالات بيكون عليه Lock .. بس بطايق اتصالات يشتغلون ع التلفون

بس فكر فيها اذا جلعت بطاقة اتصالات و ركبت بطاقه من برع
ما بيكون ع التلفون خدمه البلاك بيري فبشو بتستفيد من التلفون في هاي الحاله

حول الخدمه من محليه لدوليه و استخدم التلفون برع و خذ تلفون ثاني حق بطاقه الدوله اللي بتسيرلها ( و هاللي الكل يسويه الحين )

و يوم ترد البلاد كنسل الخدمه الدوليه و ردها محليه

الدولية = 295 فالشهر
المحليه = 185 فالشهر

و الخدمه الدوليه ما تشتغل الا ع البطايق الفاتوره ..
اذا بطاقة مدفوعه لازم تحولها فاتوره عسب تقدرت تستخدم خدمه البلاك بيري الدوليه

:smile:

مايهزك ريح

08-07-09 ||, 03:58 PM

مرحبا صريح .. في امريكا عادي تاخذ بطاقه T mobile واتقولهم انك تبها حق البلاك بيري وتشتغل .. بس ما ادري عن الدول الباقيه !

ومشكور على الرد

حبوبه دبي

09-07-09 ||, 12:07 AM

احــم

El Curve

وبــس

:icecream:

رمــش الغـــلا

09-07-09 ||, 09:46 AM

^

وانا بعد هـ اللي أقولهـ

الـ Curve وبـس ..،

مزن هتان

21-07-09 ||, 03:20 PM

أختي و أخوي عدهم لامبرغيني بولد
و أمي خذت الكيرف

خلق الله كلها تخبلت !!

رمــش الغـــلا

21-07-09 ||, 06:54 PM

عيـل نحن كل البيت [ انا وخوآتي الثلاث ]..

أخوآني الاثنين

مرت أخوي =)

والعـآيلة كلهـآ طبعا الكزنز اللي كبرنا لول ..

صريح

22-07-09 ||, 08:05 AM

بعيدا عن الموضوع، و للفائدة العامه

كل اللي نزلو تحديت اتصالات المضرووب registration اللي خرب تلفونات الخلق

شركة بلاك بيري الام RIM .. نزلت بيان صحفي انه التحديت مب من الشركة و غير مصرح فيه
و التحديث عباره عن برنامج تجسس Spyware و نزلت Application يمسح التحديث المضروب

اللي نزل التحديث و ما مسحه يدخل على هاللنك من البلاك بيري و ينزله و روحه بيمسح تحديث اتصالات

http://www.blackberry.com/registrationappremover

::
:

و هذا لنك موقع البلاك بيري Registration App Remover for BlackBerry smartphones (http://na.blackberry.com/eng/ataglance/security/regappremover_confirm.jsp?agree=I+Agree%2C+please+ remove+the+Etisalat+update)

و هذا الخبر في BBC

UAE Blackberry update was spyware (http://news.bbc.co.uk/2/hi/technology/8161190.stm)

و نصيحه لا تسون اي update الا اذا كان من شركة بلاك بيري RIM
:smile:

قصايد غلا

22-07-09 ||, 12:27 PM

مرحباااا

صريح : يعني اللي كان من الاتصالات مب زيـــن ؟

الحمدلله تلفوني ما خرّف لكن زيغوني من كثر ما يطرون هالموضوع

صريح

22-07-09 ||, 01:03 PM

قصايد غلا

التحديث يخلي التلفون يرسل و يستقبل معلومات في back ground
يعني الشخص ما يحس بشي .. و هالشي اللي خلى البطاريات تفضي في نص ساعه

اتصالات فقط موزع معتمد من شركة بلاك بيري مالها صلاحيات تنزل اي تحديث غير معتمد من RIM
و مالها اي تحكم على البلاك بيري من خلال حظر او توقيف اي خدمه فيه لانه السيرفرات تتحكم فيها الشركة الام

اتصالات حاولت بجتهاد شخصي ( و انا اعتبره تخلف ) .. انته تضيف تحديث هيه مسوتنه للبلاك بيري الموجود فالبلاد
عسب تتحكم فالتلفونات .. و تقدر تمنع الاشياء اللي ما تبغيها و تحظر اي شي ع كيفها .. بس فشلت

قصايد غلا

22-07-09 ||, 10:22 PM

اهــااا .. يعني جذه الساااااالـــفـــة :h_daleel:

شكراً على المعلومات اخويه :) ...

تحفه

22-07-09 ||, 11:11 PM

نسير وناخذ ونشتري واخر شي نرجع ل ...

http://oasis.bindubai.com/bin/uploaded/3281_11248290543.png (http://oasis.bindubai.com/bin)

سوني اريكسون :heart:

رمــش الغـــلا

23-07-09 ||, 08:25 AM

تحفه

كيووت ..~

=====

حبيت المسن اليديد للبلاك بيري
وخاص في خاصية الصور والp.m
واختيار الناس اللي ابا اطرش لهم البرودكـآست
ووايد سوالف ثانية
حسيتبه مرتب اكثر عن البي بي مسن العـآدي =)

تحفه

23-07-09 ||, 07:16 PM

^من وين هذا انزله؟

وانتي الي كيوت حبيبتييي :*

رمــش الغـــلا

23-07-09 ||, 09:05 PM

بعطيج اللنك عالبي بي ..
من ويب سـآيت =)

مزن هتان

26-07-09 ||, 01:36 PM

http://www.youtube.com/watch?v=mUCDh8vZ4M0

هع عيبني

وحي القلم

26-07-09 ||, 08:15 PM

سمعت انه بلاك بيري تور ما فيه wi fi

شقايل بيكون يعني؟ ما يفتح المواقع؟

دهن العود

26-07-09 ||, 11:44 PM

~ِْ

المـزوحي/*

مسسـآكـ ورد اخـويه . ,
شـي طيب انكـ تسـآل وتستفـسر عـن شي مـآ تعرفه بعكـس
بعـض النـآس اللـي يبـدون رايـهم فـ اشيـآ مـآ يعرفـونهـآ ؟!

انـآ عـن نفـسي كـ مستخدمـة للبلآكـ بيـري كيـرف انصـحكـ فيـه
مثـل مـآ ذكـر وآحد مـن الاعضـآء الفـرق الوحيـد فـ البـولد انـه
يدعـم خدمـة الـ 3 جـي , انـآ اجـوف انـه مـآلها داعـي هالخدمـة
إذآ كنـت دآش مـن بالـوآير لـس .. اولريـدي بيكـون سـريع ! وبعـدين
مـع الاب ديت بيـن فترة وفتـرة وتنظـيف المـلفـآت مـآبيعـلق الفـون
فـ بالتـآالي النـت بيكـون سـريع عنـدكـ

الـشي الثـآني الـبولد بـطآريته تفـظي بسسـرعه بعكـس الكـيرف
خـوآآني عنـدهم بـولد وانـآ الوحيـدة كيـرف ,, كلـه يقولون يفظـي بسرعه
بعـكس الكـيرف .. احيـآنـآ اجرجهـ مرهـ فاليوميـن !! مـع اني 24 سـآعه فـ ايدي

وفيـه برنـآمج وآيـد حلـوه مثـل المؤذن , الـرآدآر , جوجـل مـآب يحـدد لكـ موقعكـ بالضبط
انـت ويـن وفـ اي بقعـة , وفيـه برآمج تخـص البيـري مثـل تغييـر آلـوآن الليـت , وتغيير
شـكل الانبـكس والرسـآيل وغيره وغيره الكثيـر .

السـموحه منكـ المـزوحـي
ان شـآء اللـه اكـون افدتكـ باللـي عندكـ
اذا عنـدكـ اي شـي اطرحهـ وانـآ فالخـدمهـ^^

دهـن العـود

~ِْ

المزوحي

27-07-09 ||, 04:42 PM

مساء النور اختي دهن العود / مشكورة على الإجابة وما قصرتي ..

وحي القلم

30-07-09 ||, 03:03 AM

سمعت انه بلاك بيري تور ما فيه wi fi
شقايل بيكون يعني؟ ما يفتح المواقع؟

ما قلتولي شقايل؟ :blush:

عشان أعرف إذا أترياه ولا أشوف لي غيره

المزوحي

30-07-09 ||, 11:11 PM

http://www.tunisia-share.com/t357991.html

العجيبة

30-07-09 ||, 11:28 PM

وحي القلم يعني كيف ما فيه wifi !! معقولة ؟ ما ينفع !!!

العجيبة

30-07-09 ||, 11:51 PM

http://www.tgdaily.com/content/view/42881/145/

لا طلع صدق خخ

وحي القلم

31-07-09 ||, 03:38 AM

المزوحي

مشكور =)

.

العجيبه

The software integration is very similar to the 8900, but there are subtle differences, as the two phones differ in their support of audio and video playback formats – the Tour supports far less standards than the 8900 and lacks, for example integration of Xvid, WMV3, WAV and MIDI. The battery life for standard talk and standby time are shorter (5 hours/14 days) than in the 8900.

شكلي بغير رايي عنه :shutup:

المزوحي

31-07-09 ||, 10:07 PM

http://www.fahad.com/2.0/wp-content/uploads/2009/07/trapster_abudhabi_sm.jpg

قامت CNET باختيار برنامج (Trapster) كأفضل تطبيق مروري مجاني لهاتف الآي فون، و كذلك مجلة (Wired) التي اختارت البرنامج كأفضل تطبيق يستفيد من معرفة الموقع الجغرافي.

برنامج (Trapster) هو برنامج مجاني يتيح لمستخدميه معرفة مواقع الرادارات المرورية و أجهزة التصوير المثبته على التقاطعات المرورية، كما يوفر للمستخدمين ميزة الإنذار المبكر بينما هم يقودون مركباتهم. يعتمد البرنامج و بشكل أساسي على تفاعل المستخدمين و مشاركاتهم في تحديد و ارسال مواقع الرادارات و الكاميرات كل في موقعه و ذلك من خلال هواتفهم النقالة المزودة بنظام الـ GPS. يمكن مشاهدة المواقع الرادارية و أجهزة التصوير من خلال موقع البرنامج و باستخدام خرائط جوجل كما هو واضح في الصوره أعلاه. و للإستفادة من خدمة البرنامج فكل ما عليك فعله هو انشاء حساب جديد (مجاني) و تنزيل البرنامج على هاتفك سواء كان هاتفك النقال آي فون أو بلاك بيري أو نوكيا (بعض الأنواع) أو أندرويد.

و من مميزات (Trapster) هو اعتماده على المستخدمين و تشجيعه على التفاعل و الإبلاغ عن أماكن الرادارات الجديدة بالإضافة إلى تقييم مدى دقة هذه المواقع.

و لكن ما مدى قانونية و شرعية هذا البرنامج؟ طبقاً لما ذكره موقع البرنامج فقد صرح (بيل جونسون) المدير التنفيذى للرابطة الوطنية لمنظمات الشرطة في الولايات المتحدة الأمريكية بقوله “إذا قام أحدهم بالتخفيف من سرعته في القيادة بسبب برنامج (Trapster) فهذا يحقق نفس الهدف الذي نسعى لتحقيقه و هو أن يلتزم السائقون بالسرعات المحددة”.

المزوحي

31-07-09 ||, 10:11 PM

http://www.swalif.net/swalifsite/wp-content/uploads/2009/07/blackberrycurve8520-t-mobilelg2-264x450.jpg

أصدرت RIM اليوم الهاتف الجديد BlackBerry Curve 8520 و الذي يأتي كإضافة جديدة الى الأجهزة الإقتصادية التي تقدمها الشركة, فالهاتف الذي لا يدعم الجيل الثالث و يكتفي بدعم شبكات EDGE يحمل كذلك شاشة عرض بدقة 320×240 بكسل, كاميرا رقمية بدقة 2 ميجا بكسل و يدعم الWiFi و بطاقات الذاكرةmicroSDHC بسعة تصل الى 32GB. الهاتف Curve 8520 يعتبر أول هواتف بلاك بيري التي تستخدم لوحة التوجيه البصرية بدلا من زر التوجيه الرئيسي و هو كذلك أول هواتف الشركة الذي سيتضمن دعم افتراضي و رسمي من الشركة للتزامن مع أنظمة الماك عبر اداة BlackBerry Desktop Software التي ستصدر في نسخة خاصة لأنظمة الماك.

http://www.swalif.net/swalifsite/wp-content/uploads/2009/07/blackberrycurve8520-jpg-215x449.jpg

المزوحي

31-07-09 ||, 10:13 PM

http://www.swalif.net/swalifsite/wp-content/2009/05/bb_onyx-499x296.jpg

هواتف BlackBerry لا تهدأ هذة الأيام, يبدو أن الشركة تعمل ليلا نهارا و الواقع أن ما تقدمه من هواتف تبدو فعليا محكمة الصنع, BlackBerry Onyx هو هاتف جديد غير معلن ينتظر أن ينضم الى سلسلة هواتف الشركة في سبتمبر المقبل, بالطبع الهاتف سيحمل اسم رسمي آخر عند صدوره و هو ما يتوقع أن يكون BlackBerry 9600. قائمة المواصفات جاءت كالآتي:

دعم لشبكات EDGE و بروتوكولات HSDPA للجيل الثالث
كاميرا رقمية بدقة 3.2 ميجا بكسل
GPS
Wi-Fi
لوحة مفاتيح QWERTY
لوحة توجيه بصرية (مماثلة لتلك التي ننتظر ظهورها في الهاتف Curve 8520)
شاشة بدقة 480×360
غلاف خارجي خلفي مصنوع من ألياف الكربون

دهن العود

01-08-09 ||, 11:27 PM

~ِْ

وحـي القلـم

عـزيزتـي .. الـوآي فـآي هـو الـوآير لـس
وبـكلآ النـوعين مـوجـود .. إذآ انـتي مشتـركة بـ خدمة النـت
شهريـآ النـت بيكـون شغـآل عنـدج , وإذآ لآ فـ تروميـن تشتغـلين
بـآلوآي فـآي ,, إذآ مـآكـآن مـوجود مـآبترومين تفتحيـن النـت ..

وبالنسبـه لبرنـآمج Trapster , وآآيـد حلـو .. ويحـدد لكـ مكـآنك بالضبـط
وآيـد حبيتــه صـرآحـه ^^

وأي حـد عنـده سـؤال حـآب يستفـسر عنـه , مـآعليه
غيـر ان يطـرحه

~ِْ

وحي القلم

02-08-09 ||, 01:05 AM

مشكوره دهن العود ^^

دهن العود

02-08-09 ||, 01:48 AM

~ِْ

العفـو حبيبتـي وحـي

انـي تـآيم غـلآيــه ^^

~ِْ

دمعة شوق

02-08-09 ||, 05:36 PM

اممم كيف انزل برامج للبلاك بيري كيرف ؟!

دهن العود

02-08-09 ||, 06:09 PM

~ِْ

دمعـة

تسيـرين عنـد اللنكـ .. وتحطين مينيو
عقـب جت لينكـ , او تسوين للنك كوبي بيست
وتحطينه صـوب البرآوز وبـس

عقب بيكتب لج ع البرناامج داونلود ولا كانسل ., فـ انتي
تختـآرين داونلود .

~ِْ

دمعة شوق

03-08-09 ||, 02:15 AM

دهن العود ،،

آعرف كيف آنزلهن ،، بس قصدي كيف اشغلهن ع البلاك بيري ؟!

دهن العود

03-08-09 ||, 03:16 AM

~ِْ

تسيـرين صـوب دآون لودز وتفتحيـن ع البـرنـآمج اللـي
نـزلتييه . .

~ِْ

المزوحي

03-08-09 ||, 07:15 PM

البارحة 2 من ربعي في الدوام خذوا بلاك بيري، الأول بولد والثاني كيرف .

عاشقة دبي

04-08-09 ||, 12:35 PM

اكرررره موبايل عندي بلاك بيري

وها رااي ^^

...

رمــش الغـــلا

04-08-09 ||, 12:42 PM

!!!!*

قلوب دبي

04-08-09 ||, 03:26 PM

الكيرف عندي من سنتين ..
من ايام الجديم و عقب غيرته عاليديد ..
و استخدامه زين وجيد ويمكن النت شوي ابطئ عن البولد بس بشكل عام يهمني حق ايميلات الدوام ..
احس انه زين و عملي و انا ما اداني البولد احس حجمه شويه كبير ..

الجهاز بشكل عام نفاع ..

مجموعة إنسان

04-08-09 ||, 04:19 PM

اكرررره موبايل عندي بلاك بيري
وها رااي ^^
...
اوااافقج وبشده وقوة وبعصبية بعد:a034:

رمــش الغـــلا

04-08-09 ||, 06:02 PM

كل حد ورآيه !!
والواحد ما يروم يحكم عـ الشي الا اذا استخدمه وجربه !!

===

عاشقة دبي

04-08-09 ||, 06:23 PM

اوااافقج وبشده وقوة وبعصبية بعد:a034:

يا حيييك والله في حد واقف في صفي ههههههه :glare:

ذنـيـنـي

05-08-09 ||, 12:39 AM

التيلفون في اول ايامه كان حلوو و صدددددق ادمااااااااان للأسف اغلب الشباب الي يستخدمونه يستخدمونه بدون عقل و انا اعترف اني مرات اكون من هالشباب، يعني 24 ساعه عيونهم فيه حتى يوم يسوقون لول,، صدق الحاله صعبه و جديا قمت افكر اني اكنسل الخدمه لولا انه عندي صديق عزيز خارج الدولة و احب اسولف وياه و البلاك بيري اسهل طريقة للتواصل معاه
وو
للأسف

ذنـيـنـي

05-08-09 ||, 01:15 AM

شو هذا الي كاتبنه آخر شي لوول،، ردي كاتبنه بالبلاك بيري فالدوام و ما يستوي اعدل على ردي >.<
فايده من فوايد البلاك بيري

قلوب دبي

05-08-09 ||, 03:18 AM

صبحك الله بالخير يالنعيمي ..

ناصر هههههه حاولت ادخلت من البلاك بيري ما طاع يدخلني عالنت ما ادري شبلاه قالي مرحبا يا قلوب .. مادري خرف جهازي ..

على فكره العيب اللي انا انتقده وبشده في البلاك بيري هو الاشاعات و تجتيل خلق الله .. والا النكت اللي هي اكثر من اللزوم اللي تطرش و السخيفه منها وخاصه المتعلقه بالدين ..

بالاضافه للاحاديث او الادعيه اللي فيها اخطاء .. الله المستعان ..

ذنـيـنـي

05-08-09 ||, 03:43 AM

صبحك الله بالانوار يالشامسي
تجتيل خلق الله اكثر شي يرفع ضغطي يا بو غنيم

ميحد حليله جتلوه اربع مرات
اصاله مرتين
مره وصلني مسج جتلوا شيخ ما ادري من وين طلعوه اسمه محمد بن منصور بن زايد و عمره ٢٥ سنه
قلتلهم بارك الله فيكم, عيل الشيخ منصور ميوزينه من يوم عمره ١١ سنه لول

و اكثثثر شي يقهرني هو يوم حد يرمس كل حد بالبرودكاست مسج
مرات يوصلني مسج على هالطيحه,, هابي بيرثداي توتو و سوسو و نونو و عظم الله الجرج توته و مبروك التخرج سوسه و نونو بنسير السينما تعالي ويانا, ها كله في مسج واحد لول,, لا يسير بالكم بعيد هاي وحده وياي في الدوام و للأسف انها مستغله البلاك بيري مالها في اشياء غبية جدا

و اخيس شي يوم تيلس ويا شباب عندهم بلاك بيري و يكون عندهم نقاش حامي على البلاك بيري >> ترى مجموعه انسان موووول ما يعاني مني يوم نطلع رباعه و اضطر اني اناقش حد على البلاك بيري لول

الله المستعان يا بو غنيم

بس انا لو ما كان عندي ربيعي و اخويه الي يدرسون في لندن جان ما خليته وياي
وايد اوفر

دهن العود

05-08-09 ||, 04:15 AM

~ِْ

هههههههههههههه
دنيني //*

دمعت مـن الضحكـ هههههههه
كـل حـد عنـده (بي بي) P: >> حرة على قلب نـآس ^^
لآزم يعـآآني مـن هالشـي يجتـلون فـ الخلق ع كييفهم
ودآآم عنــدكـ بنييـه عييـل تحمـل البـرودكـآست اللـي بيوصلكـ لوول
إذآ نحـن بينـآ البيـن نتكـلم ونقـول عـن الاشـآعـآت والنكـت اللـي تخص الـدين !!
قويــه صـرآآحه .. بـس مـآشي فـآيده شو بنسسـوي !

ولولآ ان الفـون مفيـد فـ وآيـد اشيـآ وخـآصه للمـسآفرين
مـآكنـآ خلينـآه ويـآنـآ جيـه واستخدمنـآه اكثـر عـن الفونـآت العـآديه

~ِْ

رمــش الغـــلا

05-08-09 ||, 12:35 PM

أانا قبل لا آخذه كنت انتقده وآيد .. بس من رايي الواحد ما ينتقد الشي الا عقب ما يجربه !

عقب ما جربته مش اني ادمنت عليه .. لا بالعكس فادني وايد واقدر واتواصل ويا الاهل اكثر عن قبل

قبل كانت حتى المسجات منقطعة بينا بس الحين لااا طول الوقت انكون in contact وياهم ..

لكن هذا مب معنااته اني اتمشى فالسوق والا يالسة ويا الخلق ومطنشة الكل واجابله !
لا

كل شي له وقته .. الا في حال عندي صدق شي مهم ما يتأجل هاييج الساعة هي برمس شوي وبحطه فالشنطة
مايحتااي اقبضه فايدي واتم اتمشى فيه !!

في شي صدق احس فاادني فيه .. يوم اكون في ورش عمل والا ميتنق ويا بنات يداد وجييه ..
كنت من النوع اللي ابا اتواصل وياهم بس صعب اعطيهم رقم فوني على طول !
لكن الحين لاا .. اعطيهم الpin مالي ..، ويتم التواصل بينا موجود =)

المزوحي

05-08-09 ||, 03:24 PM

2 من ربعي اللي في الدوام يوم خذوه من أيام .. واحد قال باخذه لأنه الكل عنده وربعه مطنشينه !

بس عني أنا لو قدري على البلاك بيري ما باخذه من الأساس، يعني غصب اشتريه عسب يتواصلون ويايه

والثاني ما أشوفه ماسكنه طول الوقت .. يمسكه يشوف في شي ( مسج .. الخ ) ويحطه

يعني يستاهل إني آخذ لي واحد