المساعد الشخصي الرقمي

مشاهدة النسخة كاملة : فندق شاطيئ الراحة-بوظبي



عمة العيم
20-01-09 ||, 10:52 PM
السلام عليكم و رحمة الله وبركاته

مممم

:smile2:

شحالكم اوكيه؟

اوكيه...

:3:

انزين شسمونه .... بغيت اسأل عن هالفندق (شاطئ الراحه)

منو جرب هالمكان؟ ... و شو اسعارهم...؟؟؟ و كيف االمكان؟

ابا اشوف صور للمكان ...دورت في النت ماحصلت صور :3:

فـ ابا رايكم في المكان!

و بعد وين شي اماكن حلوه شرات فندق حصن حتا بعد و اماكن حلوه و رخيصه يعني اماكن رومنسيه تكون

:k_blush-anim-cl:

يكون مناسب لشخصين و هيك

و تسلمون

...


:k_blush-anim-cl:

مجموعة إنسان
20-01-09 ||, 11:34 PM
هههه

يا رومانسية انتي هههه




ولا يهمج
باجر الصبح ان شاء الله بعطيج الديتيل كله عن الفندق


زين
عندكم شنغريلا احسن من الراحه بوايد

ويكون عالبحر بعد

المزوحي
20-01-09 ||, 11:43 PM
نادي الضباط بوظبي


شوفي هالرابط

فندق شاطئ الراحه

http://www.m7shsh.com/vb/28425.html

مجموعة إنسان
21-01-09 ||, 12:21 AM
مب شي نادي الضباااط

العجيبة
21-01-09 ||, 01:11 AM
صح الشنغريللا احلى والمكان هناك أهدى من شاطئ الراحة

الحين مشكلته شاطئ الراحة كله بنااا وزحمة سياييـر حواليـه... بعكس الشنغريللا موجود في منطقة بين الجسرين ووايد هادي المكان ... وأحسـّه أرقى وأحلى ....


ههه ما جربتهم ترا ^_^

مجموعة إنسان
21-01-09 ||, 01:24 AM
انا جربت الأثنين

شنغريلا غييير
عجييييب

بس شاطئ الراحه المطعم الهندي اللي فيه عجيييب

صريح
21-01-09 ||, 08:07 AM
فندق الراحه رااقي + بعيد عن زحمه بوظبي للي يبا استرخااء تام و راحه ( 25 دقيقه من بن بطوطه مول على سرعه 160 لول )
و حذاله الراحه مول لتغير الجو

اسعار الفندق ما تعتبر رخيصه.. الغرف اللي مطله ع البحر معدل سعرهن 2000 درهم تقريبا

لوبي الفندق

http://www.booking.com/images/hotel/max300/952/952154.jpg


صور للغرف

http://www.booking.com/images/hotel/max300/952/952162.jpg


هذا Diplomatic Suite .. سعره تقريبا 4500

http://www.hotelclub.net/Common/ImageGallery/HotelImage.aspx?imgid=390388

http://www.hotelclub.net/Common/ImageGallery/HotelImage.aspx?imgid=390387


منظر للفندق من زاويه ثانيه

http://www.hotelclub.net/Common/ImageGallery/HotelImage.aspx?imgid=390385



بو جااسم
شكلك مطيح فالراحه مول ولا لوبي الفندق اعترف لووووول
:whistling:

عمة العيم
21-01-09 ||, 10:41 AM
هههه
مجموعة انسان... ضحكتني.... شسوي رومنسيه تراني خخخخخخخخخخخخخخخخخخ انتحر يعني؟

صريح... تسلم عالصور (^_^) واجد واجد تشكرات والله

المزوحي.... العجيبه.....تسلمون ماقصرتوا بعد (^_^)

...

يصير خير الحينه بختار

و شكلي مابسير مكان بعد خخخخ

منحوسه شسوي

...

المزوحي
21-01-09 ||, 11:46 AM
المهم خذتي فكره

عفاريتووو
21-01-09 ||, 12:37 PM
امم تبين مكان رومانسي
عندج فندق ماريمار في الفجيرة واييد حلووو
ما شفت الغرف بس المكان وايييد حلوو

و الاسعار على الف و شي

الاسطوري
21-01-09 ||, 04:07 PM
نحن نعيش في ازمة ولازم تكونين اقتصاديه، روحي كارفور خذي لج خيمه وسط مثلا ام 5 اشخاص مابتكون
غاليه بين 150 - 350 عشان تكون واسعه وروحوا خيموا على البحر في الصفوح مره في
الشهر ودوروا لكم بقعه ثانيه مثلا على درب باب الشمس خيموا
هناك بعد مره وباقي الشهر في البيت
لزوم التغيير
:a036:

شتشووته
21-01-09 ||, 07:01 PM
اممم فندق شنغريللا وااايد حلوو .. والكل يمدحه

وماريمار في الفجيره بعد حلووو

والاسعار بين الف وشي والفين درهم تقريبا ..

عمة العيم
21-01-09 ||, 10:34 PM
الاسطوري... فكرتك خطيره ههههههههههههههههههههههههه ضحكتني ... صدقك..

ترا يلست افكر قلت مول مب وقته امفلسين... بس قلت اقص على عمري و اجرب حظي بشوف شو بيستوي

بنتحمل ماعليه هههههههههههه خيمه اونه ههههههه لا و في الحوي احلا شي...

شتشوته .... عفاريتوو... يبالي اطالع هالفندق ماريمار اللي تقولون عنه شو سالفته

تسلمون والله

....

..
.

قصايد غلا
22-01-09 ||, 11:21 AM
شنغريلا يمدحونه وايد قوم عموه مطيحين فيه كل كمن اسبوع ساروا ==> بس يمكن السر في الخصم لأن الفندق مال أنسابهم :fa46:





لكن ميرامااااااار وااااااااااايد حبّيييييته أنا :fa41::fa41::fa41::fa41: يستاهل الواحد يسيره =)
وايد هادي و ألوانه هادية ==> رومانسي لووول




بس بعد أرتاح أكثر في ميريديان العقة
غالبه فيه الألوان الفاتحة وهالشي يخليني نشيطة

الـيـاه
22-01-09 ||, 07:36 PM
الراحه مكانه مول مب حلو! وجدام شارع بعد .. صدق مب حلو احس حشره لكن مادري ..

فدبي
هالفندق اللي فالصفوح واااااايد حلو .. *مدينة القصر*
وألا Arabian Court صدق مكان حلو حق كبلز واصلن هالفندق روحه روعه 3> هااادي وألا المها

همممم وين بعد فنادق حلوه! ماعرف اللي برع دبي بس هذا العقه اسمع كل حد يمدحه

مجموعة إنسان
22-01-09 ||, 10:01 PM
ترا انا فندقين ما احبهم
كمبنسكي مال مول الأمارات والراحه
بس الراحه يوم كنا ناجر الشاليهات احسن من الفندق

حرام اني ادفع 1300 درهم على غرفه تطل على شارع وللا على سيح البرشاا

الحلو في شانغريلا بوظبي مكانه زين ويطلع على بحر وفي نص بوظبي
يعني 15 دقيقه انا داخل المدينه

بس اذا واحد يبي ريلاكس يسير مكااان بعييييييييد عن الزحمه
باب الشمس حلو وبعيييييييييد عن الحشرة
ولا العقه بعد يقولون حلو

في الخور مافي فنادق؟

عمة العيم
23-01-09 ||, 10:26 AM
ترا ستايل شنغريلا و باب الشمس و المها و قوم مدينة جميرا نفس الشي مليت من هالستايل

دوووووم مطيحين في مدينة جميرا فـ مليت من هالجو..... ابا جو غبي شوي يعني... كريزي .... فان خخخ

يصير خير يا جماعه

تسلمون

...

قصايد غلا
23-01-09 ||, 03:37 PM
امبلا شي في الخور .. الأوشيانيك شي جي اسمه
مرة بس سرناه يوم ما كان شي حجز في العقة


مب هاك الزود

بس حق الرقاد ينفع لو ما لقيتوا حجز في مكان لوووول

ميامي 44
27-01-09 ||, 03:59 PM
الغالية "عمة العيم "


نصيحة مجربة :fa35: ،،


فندق القصر في جميرا ،،

في غاية الروعة من ناحية الديكور والهندسة المعمارية
والطراز العربي الأصيل الفخم ،،

>> يحسسج وكأنج في >> ألف ليلة وليلة :fa41: !!

للأسف أني ما أملك صور بعدستي لهذا المكان على الرغم من زيارته ،،


ولكن ،،




تقدرين تتعرفين على خدماتهم من خلال هذا الموقع :a074: //



http://ar.madinatjumeirah.com/stay.html
وربي يهنيج :thumbup1: !!

طير الحب
06-02-09 ||, 08:33 AM
حلووووووووو بفكر احجز فيه لمناسبة يايه....