بعتمر [الأرشيف] - -:: واحات بن دبي ::-

مشاهدة النسخة كاملة : بعتمر

المزوحي

14-01-09 ||, 03:44 PM

السلام عليكم

انا بسير اعتمر بإذن الله عقب اسبوع، أول شي اسمحوا لي على كل شي ...

وثاني شي حبيت اعرف عن العمره، اقصد نصايحكم، تجاربكم .. الخ

عهد الوداع

14-01-09 ||, 03:54 PM

وعليكم السلام والرحمه

عمره مقبوله ان شاء الله ....

تروووح وترجع بالسلالامه ومسمووووح اخويه ....

المزوحي

14-01-09 ||, 05:25 PM

إن شاء الله والله يبلغكم

اماراتيه وافتخر

14-01-09 ||, 05:42 PM

بالسلامة ان شا ءالله و لا تنسى نصيبنا من الدعاء ....

المزوحي

14-01-09 ||, 08:00 PM

الله يسلمج ...

شوق القلوب

14-01-09 ||, 09:18 PM

السلام عليكم..

هذي اول سيره لك العمره ..؟؟

ان شاء الله اترد بالسلامه و ما تنسانا من صالح دعائك.. :)

مجموعة إنسان

14-01-09 ||, 09:40 PM

تروح وترجع بالسلاامه
كثر من الدعاااء

ويقولون سهل تشم الحجر الأسود
لان مافي نااس

ملاك الروووح

14-01-09 ||, 11:32 PM

ماشاءالله زيييييييييييييييين والله

أعرف ناس غير بيروحون العمره بعد :biggrin:

تروحون وتردون بالسلامه ..

والله يسهل عليكم ويتقبل منكم صالح الأعمال ..

:11:

:

نصيييييييييييييحه

روحوا المدينه .. لأنه الشعور هناك وايد غيييييييييييييييير :inlove: !

وبالنسبه حق تجربتي انا مع الحجر الاسود ما أنصح حد يجرب منه :14: لول

كان لي وايد تجارب سيئه هناك :biggrin:

:

بس ان شاءالله هالفتره ما يكون زحمه وايد ..

وما تتعبون وايد ..

وتقدرون تصلون وايد << ما يخصه بس قلت بنهيها بوايد بعد هع هع

:

لا تنسونا من صالح دعاؤكم :h_daleel:

وحي القلم

14-01-09 ||, 11:45 PM

المزوحي

هذا أحلى وقت للعمره.. الحرم يكون خالي لانهم ما يسمحون لحد من غير دول الخليج يعتمر في هالفتره

عشان جيه شرطتهم يستوون طيبين :a100:

هممم.. عن النصايح

إذا بتسير المدينه اسأل عن درجة الحراره فيها عشان تاخذون احتياطاتكم

لاني أحيد أنها كانت توصل 4 ما شا الله في هالوقت

و عن الحجر الأسود.. أتوقع بيكون سهل أنك توصل له لانه ما شي زحمه

ملاك الروووح

14-01-09 ||, 11:50 PM

خاااااااااااااااااااطري أرووووووووووووووووووووووح أنا بعد

:fa43::fa43::fa43:

رمــش الغـــلا

15-01-09 ||, 05:11 AM

تــسير وترد بـ السلآمة أخوي ..

وعمرة مقبولة بإذن اللهـ

.
.

لا تحرمنآ من دعوآآتك ^__^

مايهزك ريح

15-01-09 ||, 01:17 PM

تسير واترد بالسلامه يا المزوحي .. الله يبلغكم .. وعمرة مقبوله مقدما .. ^_^

بحر الموده

15-01-09 ||, 02:55 PM

تسير وترد بالسلامه اخوى المزوحى وعمره مقبوله ان شاء الله

مزن هتان

15-01-09 ||, 04:06 PM

عمره مقبوله بإذن الله تعالى

تروح و ترد بالسلامه

طير الغرام

15-01-09 ||, 04:17 PM

http://oasis.bindubai.com/bin/uploaded/1184_01231791297.gif
اتــروح واتــرد بالســلامه إن شاءالله
وربي يتقبــل منكـ صالـح الأعمــال والنيـّــات =)

http://oasis.bindubai.com/bin/uploaded/1184_11231791297.gif

المزوحي

15-01-09 ||, 07:25 PM

الله يتقبل إن شاء الله، ويبلغكم جريب ...

الله يسلمكم .. ويطيب خاطركم

عفاريتووو

16-01-09 ||, 12:57 PM

تروح و ترد بالسلامة ان شالله
و الله يتقبلها منكم ان شالله ..

بس نصيحة لما تسير الحرم لا تاخذ معاك كل بطايقك
ترى عادي يصرقون بووكك دون ما تحس
سووها فينا لول

المزوحي

16-01-09 ||, 08:08 PM

زين عفاريتووو .. بنتحمل، لكن محد منكم يعرف عن محلات الشماغ

صح الواحد ساير يعتمر ... لكن في مكان معين يبيعون شي مرتب ؟؟؟

وينكم شباب .. والبنات لو عندكم فمره للي تاخذ هدايا

الـيـاه

16-01-09 ||, 09:00 PM

عمره مقبوله ان شاء الله!!

شمعة أمل

17-01-09 ||, 11:52 PM

السلام عليكم

أنا اليوم رديت من العمره، الحرم زحمه ماشاءالله، بس اليوم خف وايد! فـ يمكن يوم انت تسيـر بيخف.

درجة الحراره هناك جي 25، بس اليوم كان شوي حر.. بس اذا ناوي تسيـر المدينة المنوره يقولون وايد برد هناك وصل 1 شي جي!

أشياء انا حسيـتها أساسيه:-
- نظاره شمسيـة.. وخذ وياك وحده سوده! لانه انا شليت وحده بنيه وبعد حسيت اني انعميـت>_<.. على صلاة الظهر ماتروم تشوف شي يوم ساير الحرم لانه الشمس تضرب على الرخام الأبيض!
- شي نفس ميداليـه، وياها 7 حبات كور صغار، يريّحك في الطواف والسعي .. كل ما تكمل لفه تنزل ولا ترفع كوره.. بعدين ماتتلخبط في العد.
- بما انه شكلك أول مره تعتـمر، شي كتب *مصوره* عن كيفية العمره.. من شو لازم تسوي قبل لاتطلع من البيت لـين طواف الوداع! فيييه كل شييي والصور وايد تساعد.. كتاب صغيروني كم من صفحه حبيته وايد!
- يوم اطوف والى في السعي.. تقدر يا تدعي من عندك ولا تقرى ادعيه.. تحصل ناس شالين كتب ويقرون ادعيه يوم يطوفون.. انا من نفسي يلست ادعي! بس أول مره اعتمرت قبل اربع سنين كنت اقرى الأدعيه
- شل سيادة وياك يوم تسير تصلي.. ماتعرف الناس الى هناك شو من جراثيـم وامراض شالين وياهم
- كل يوم اشرب كوب فيتامين سيي.. هالحبه البرتقاليه الى تحطها في الماي! عشان ماتمرض
- شل وياك شنطة نعال (تعرف هالشنط الى يعطونك يوم تشتري نعال ولا شنطه؟) عشان تحط نعالك فيه يوم تعتمر ولاتصلي.. عشان محد يسرقه!.. وشل وياك واحد الـstrap طويل عشان تقدر تحطه على جتفك وترتاح
- لـ صلاة الفجر يأذن مرتيـن، الفرق بينهم ساعه اظني.. عند الأذان الثاني تسيـر تصلي
-انا شي وااااااايد ريحني... لـصلاة الفجر كنت مالبس نعال عادي.. كنت ألبس هالنعال مال بيت الى جيه كله اسفنج بس على شكل بالارينا دب.. مريييح!
- أول ماتوصل سير سوبرماركت بن دواد في ابراج مكه.... واشتر منهم كرسي! عندهم نفس كرسي شكله دويره.. بس ترفع نصه ويستوي كرسي أرضي.. لانه الفرق بسيط بين صلاة المغرب والعشا فـ يفضل اتم في الحرم وتقرى قرآن. ولا بعد تقدر بس تيلس لانه بالمكريفون يلسون يحرمون ويحللون اشياء ويقولون شو يجوز ولا لايجوز.. . نحن وااااااااااايد تعبنا وتكسرنا من اليلسه لانه مارمنا نتساند على شي! نشينا اليوم الثاني وظهورنا تعورنا>_<
- على سالفة اليجوز والـ لايجوز.. يوم تبدى تلبي في الطياره لين ماتوصل الحرم.. في ناس يلبون كـ مجموعه بصوت عالي.. هذا لايجوز حسب الى سمعته يوم كنت يالسه في الحرم.. لازم تلبي بينك وبين نفسك

معلومات عامة:
- شي وايد طلابات.. خصوصاً هالخوال الى يلصقون فيك.. لاتعطيهم ولا حتى ريال.. اذا عطيت وحده ريال العايله الكريمه كلها بتعفد عليك وبدون ما انت تعطيهم بيزات هم من نفسهم بيشلون البيزات من ايدك!!
- شي وايد حراميه هناك، تحملو على اغراضكم

مممم شو بعد
هيه
نحن برنامجنا هالسنه كان حلو.. كنا نصلي الفجر نرد الفندق نتريق بعدين نرد نرقد لين الظهر.. كان وايد احسن وراحه عن آخر مره.. كنا نصلي نرقد انش نتريق نرقد انش نصلي وكاان تعبببببب
فـ أنا أقول الريوق بعد صلاة الفجر احسن شي
وهناك ماعندهم مطاعم عدله.. كنا كله ناكل من فندقنا ولا من الهيلتون.. بس مرتين طلبنا من برع.. مره مول ما كان حلوو.. بس ثاني مره طلبنا سندويجات من kudu هذا من المطاعم الناااادره الى نظيفه هناك
لاتفكرووون تاكلون من هالمطاعم الى على الشوراع.. الصراحه احس انه موول unhygenic ويمرّض :s

مممممممممم شو بعد
اذا تبون تشترون سيادات.. اذا تحبون السيادات المزخرفه احلى محل موجود في لوبي فندق الهيلتون ابراج مكه.. هو يبيع أغلى السيادات بس الكوالتي وايد احسن عن المحلات الثانيه.. لكن بس يبيع السيدات المزخرفه وزوالي..
والمحل الى يبيع كل انواع السيدات أشوف المتحف احسن واحد.. عنده كل شي!

صح صح
شي ستاربكس هناك في ابراج زمزم.. بس مب نفس هني
يعني شي قسم حق العوائل وقسم حق العزابيه او بالاحرى خاص بالرجااال
انا ماكنت ادري
وليش ماسير واطلب في قسم الريايل.. وانا اقول ليش كله ريايل ويالسين يطالعوني بنظرات غريبه:shutup:
فـ للعظه والعبره... قسم الريايل على اليمين والعائلات على اليسار.. وان شاء الله محد ينحط في هالموقف الغريب مثلي:fa39:

وعمره مقبوله مقدمـاً

خيال الروح

18-01-09 ||, 12:04 AM

ما شاء الله عليج شمعه امل كفيتي ووفيتي
انا الحين في المدينه والجو بااااااارد خاصه يوم انسير انصلي الفجر
وباجر ان شاء الله بنسير مكه نعتمر

والحمدلله هالوقت ما شي زحمه مثل كل سنه
حتى يوم رحنا الروضه نصلي كان المكان فااضي

وتقبل الله منا ومنكم صالح الاعمال ان شاء الله ,,

:

المزوحي

18-01-09 ||, 12:12 AM

شكرا الياه والله يبلغكم يارب ...

شمعة أمل

18-01-09 ||, 12:14 AM

^
هيه نحن قالولنا المدينه المنوره بااارده
عندنا في مكه موول مب برد.. بس أول يومين كان هوا قوووووي! خصوصاً على الفجر تحسين عمرج بتطيرين.. بس ماكان برد.. دبي أبرد بوايد

المزوحي

18-01-09 ||, 12:18 AM

عمره مقبوله شمعة أمل

مشكورة وااايد اختي شمعة أمل، ما تقصرين، أنا كنت أقرأ في النت دوم عن العمره و الاحرام يكون من الميقات وهو إنه نبتدي نلبي

ويوم نوصل نسير الطواف .... والسعي .. الخ

بس امس خالي يقول عنده كتيب صغير مصور مثل ما قلتي ... وزوجته تخبرني إنه يسرقون النعله وانتوا بكرامه

وإنه في ناس يلبسون دلاغات يعني كذا واحد فوق بعض أو من النعله اللي طريتيها !

نحن حاجزين في جراند زمزم مادري عنه والله ...

المزوحي

18-01-09 ||, 12:22 AM

الله يتقبل منكم خيال الروح، متى بتردون من هناك ؟

خيال الروح

18-01-09 ||, 12:30 AM

منا ومنكم ان شاء الله
عقب صلاته الجمعه بنرد البلاد ..

وبالنسبه لابراج زمزم ( الوقف ) يقولون حلو الفندق بس اللفتات هي المشكله
انه تبدل لفتات عشان تنزل ,,

وان شاء الله باجر بنشوف كيف ترتيب الفندق ..

:

شمعة أمل

18-01-09 ||, 12:44 AM

منا ومنكم صالح الأعمال
انا مول مانصحك تلبس دلاغ.. البارحه واحد منزلق وطايح عدال أبويه..
بس اذا مفكر تلبس دلاغ البس الى فيهم grip من تحت
الفندق الى انتو بتمون فيه ايدد واحد اظني.. وانا بعد سمعت انه لازم تغيرون لفتات عشان تنزلون تحت! ويقولون غرفهم صغار .. بس بعد وايد يمدحونه!
نحن تمينا في دار التوحيد .. الحلو فيه انه هادي.. بس الديكور في الحجر مول مب شي :s

ملاك الروووح

18-01-09 ||, 01:43 AM

^^

عيشتوووووووووووووووني الجو والله ..!

وذكرتوني بالذي مضى لول

ف خاااااااااااااااطري أسير :k_no: !!

ان شاءالله اذا الله قدرني .. وكتب لي عمر ..

بسير ع الشهر الياي .. :inlove:

صج صج صج صج محتايه أعتمر ..

خيال الحب

18-01-09 ||, 04:48 PM

الله يتقــبل منــك ان شاء الله وعمــرة مقــبولة ان شاء الله ..

:fa42:

نجمة دبي

18-01-09 ||, 05:10 PM

عمرة مقبوله ان شاء الله

تروح وترد بالسلامه :)

شتشووته

18-01-09 ||, 05:12 PM

تروح وترجع بالسلامه اخوويه .. وعمره مقبووله ان شاءالله ..

والله انا بخاطري اسير بعد :(

المزوحي

18-01-09 ||, 07:38 PM

خيال الحب + نجمة دبي + شتشووته آمين ويبلغكم

المزوحي

23-01-09 ||, 11:41 AM

بسير المطار بعد ساعتين ...

استودعكم الله الذي لاتضيع ودائعه

المزوحي

31-01-09 ||, 03:12 AM

السلام عليكم جميعا، انا رديت اليوم ...

شو اخباركم ؟؟

رمــش الغـــلا

31-01-09 ||, 01:03 PM

الحمدلله ع السلآمة

عمرة مقبولة :)

دمعة شوق

31-01-09 ||, 06:04 PM

عمره مقبوله ياخويه والله يتقبل منكم ،،
طمنا عليكم شو الاجواء كانت عندكم ؟!!
:)

المزوحي

31-01-09 ||, 10:04 PM

الله يبارك فيكم والله يتقبل ويبلغكم يارب ..

الأجواء، ماشي زحمه إلا في نهاية الاسبوع، والجو مب بارد، يعني مايل للحراره ..

بس نتمنى نزورها ونحج السنه يارب ... الله يشرفها مكه

طير الغرام

01-02-09 ||, 02:16 PM

http://oasis.bindubai.com/bin/uploaded/1184_01231791297.gif
عمــره مقبــوله إن شاءالله
وألف الحمدالله ع السلامــه =)

http://oasis.bindubai.com/bin/uploaded/1184_11231791297.gif

المزوحي

01-02-09 ||, 06:37 PM

شكرا طير الغرام ..

أنامل قلب

03-02-09 ||, 11:58 PM

الحمدلله ، وتقبل الله منكم كل خير ..

المزوحي

05-02-09 ||, 06:11 PM

شكرا سكون ...