مشاهدة النسخة كاملة : .. زينــة الحياة الدنيا ..
شوق القلوب
05-01-09 ||, 01:59 PM
الســـلام عليـــكم...
أول شي.. بجد بجد بجد.. اشتقتلكم وااااااااااايــــد.. :)
..
في هاليـومين ودعنا سنة.. و طلة علينا سنه يديده.. حامله وياها وااايد من المفاجآت اللي ما نتوقعها.. منها اللي بتسعدنا.. و منها اللي بتخيب أملنا.. بس المهم انه ربي يعطينا الصحه و العافيه .. و يزرع الطمأنينه و الرضا و القناعه في قلوبنا..
في هالسنوات اللي مرت.. اتغيرت حياتي وااايد.. اتغير تفكيري.. حسيت اني كبرت بتصرفاتي.. بقراراتي.. حتى بدمعاتي.. و خصه في الايام اللي طافت .. حسيت اني لبست نظاره يديده.. خلتني أشوف أشياء .. بطريقه يديده.. بشعور يديد.. بامتنان أكثر.. للحياه اللي عطانا اياها رب العالمين..
كان ودي أكتب .. و اسجل مشاعري و مخاوفي في كل فتره.. كون الواحات أجمل أرشيف لحياتنا .. لكن للاسف.. كنت وايد اتغاضى عن هالشي.. لكن هالمره ..مستحيل..!
كان الموضوع.. مثل الحلم.. واقع مب قادره اتخيله.. ولا استوعبه.. رغم الشهور الطويله.. رغم العلامات.. و سوالف الناس.. رغم النتايج.. و البشارات.. الا في ذاك اليوم..
يوم.. أصبحت فيه الشمس بألم.. ألم أجذبه كل ما احس فيه.. معقوووله..! يعني الموضوع جد..! و صار الوقت..!!
وما مضت الا ساعات..بين ذكر الله و مخاوف اللي حواليني.. و آلااااااااام.. ما اعرف شو مصدرها.. و هل عندي القدره أتحملها ..!! كانت المشاعر مختلطه.. ألم.. و تخدير.. و حشره في الغرفه..
و ما هدى الوضع.. الا و انا أسمع.. " صرخه ".. وشي صغير بدت الايادي تتلقاه.. يااااااااا الله ..! وصل .. أخيراً..
وصـــل نور عيــوني.. اللي خلاني أحلـــى " مـــامـــا " في الدنيا..
كنت أتأمل تفاصيل جسمه الصغيرونه.. صبوعه.. عيونه اللي ما اتركز الا علي.. سبحانك ربي.. معجزه..! معجزه ما يحس فيها الا من عاش هالتجربه..
في هاللحظه بس.. عرفت غلا يديد.. لأمـــي..
يالله .. هالكثر امهاتنا عانوا.. و اتعبوا.. وبرغم تقدينا لهم.. حسيت انا ما عطيناهم ولا ربع من حقهم..
استحمــلوا تعب الحمل.. 9 شهــور طويـــــــله.. عانوا من آلام.. ما يعلم بها غير رب العالمين أثناء الولاده.. و صبروا و اتحملوا السهر .. و الزعيج.. و الارهاق النفسي قبل الجسدي ..
يالله .. ما أغلاج يا الام..
و انا في المستشفى.. يتني النيرس.. ويلست اتسولف شوي.. و اتقولي يا حظج بوجود امج وياج هالايام.. انا امي اتوفت و كان الموضوع عادي.. يعني ما حسيت بحاجتها وايد.. بس في حزه الولاده.. ما بغيت في هاللحظه غير امـــــي.. احتجتلها وااااايد .. لاني حسيت فيها و بمعاناتها..
مسكينه.. غمضتني.. كانت تتكلم و عيونها كلها دموع.
حتى الابو.. ما انكر فضله.. وقفته و محاتاته.. و فرحه عيونه بشوفة عياله..
و سبحان الله .. برغم معاناة الام.. الا انه هم الاب أكبر.. ولو انه ما يبين عليهم..
وصيه ..!
هالله هالله في أمهاتكم.. ولو ضايقوكم.. ولا حسيتوا انهم مب متفاهمين وياهم.. ولو شو ما سواو فيكم.. يكفي.. يكفي انها اتعب.. عشانك
هالله هالله في أبهاتكم.. مهما أحبطوكم.. ظلموكم.. اتحكموا فيكم.. ترى أفضالهم مالها مثيل..
..
سبحان الله..
العيال نعمه.. نعمه حلوه من رب العالمين.. التعب و السهر.. يهوووووون .. بشوفه بسمه عيونهم.. غلاهم غيييير.. و حبهم غييير.. كم يسوى يوم اتشوف هالصغيروني ما يرتاح الا بين ايديني..
..
ربي يبارك في الجميـــع..
..
همممم.. و هذي أخباري.. :fa51:
و انتو..؟ شخباركم ؟
:14:
عفاريتووو
05-01-09 ||, 03:05 PM
عليكم السلام
مبرووووووووووك يا شووق مبروووووووووووووووووووووو وووووووك
الله يحفظه لكم و يتربى بعزكم ان شالله
فرحتيني بهالخبر واييييد ^_^
شو سميتووه ؟
خيال الحب
05-01-09 ||, 03:24 PM
ماشاء الله ^__^ خبررر حلوو على بداية السنه
يتربى في عزكم خيتوو :)
والحمدلله على السلامه ..
ومشكوره على النصائح الذهبيه :)
والله يجعل ايامكم كلها افراح بأفراح
ملاك الروووح
05-01-09 ||, 04:10 PM
^
حبييييييييييييييييييييييي يبتي شواقه
وعليكم السلام ورحمة الله وبركاته
والله جاستني غصه وانا أقرا موضوعج ..
يا ف وقته !!!!
:inlove:
:
حبيبتي مبروووووووووووووووووووووو وك ماياج ..
عساه يكون من مواليد السعاده ..وعساه يكون من الذريه الصالحه
يتربى ف عزكم وعز يدته ويده ان شاء الله ..
:
فعلاً لو شو ما سوينا بنظل مقصرين ف حقهم ..
:fa41:
وكل وحده تجرب احساس الأمومه .. تقول شرات هالرمسه :h_daleel:
لأنها تحس باللي حسته أمها ..!
الله يحفظهم لنا ..
ويعل عينّا ما تبجيهم ..
:
نبي نشوف صورة البيييييييييييييييييييييي بي :inlove:
مجموعة إنسان
05-01-09 ||, 04:11 PM
ما شاء الله ما شاء الله
والله أحلى خبر سمعته
صدق فرحني لدرجه كبيره يا شووق
ماعرف شو بقوول
مبروووك
والف مبرووك
يتربى بعزج وعز أبوه
وان شاء الله من الذرية الصالحه ان شاء الله
ويكون ذخر لكم
والله صدق ماعرف شبقوول!!
مــهــابه
05-01-09 ||, 04:37 PM
آلـف مبــروك ختـيه شـوق
تـستـآهلين كــل خيــر والله ..
ألف الـحمدالله عـ الســلامه ، يــتربـى فـي عـزج وعـز آبـوه إن شاء الله . . .
فـرحت لـج من الخـآطر واللـه
نـبـآ نشـوف البيبي ..
والله يحفـظ لـنـآ آمهـآتنـآ يــــارب
مزن هتان
05-01-09 ||, 05:09 PM
مبروك ما جاكم، يتربى بـ عز والديه ان شاء الله
الحمدلله عـ سلامتج أختي شوق القلوب
أقرا الموضوع و أنا :blush:، عن جد فرحت لج
ربي يخلي لنا امهاتنا و ابهاتنا و يخليكم لـ عيالكم
وحي القلم
05-01-09 ||, 06:29 PM
عليكم السلام
:fa41:
الحمدلله عالسلامه يا شوق
و مبروك عليكم الصغيروني يا أم ...؟ :laugh:
رمــش الغـــلا
05-01-09 ||, 07:32 PM
يآآآآآآآآآآآآآي
استآآآآنســت بـ الخبر وااااااااااااااااايد
مول ما توقعت اني اقرا شي جييييييييييييييييه ..
.
.
احلى خبر صدق اني اسمعه وصول مولود يديد واهم شي يكون بـ صحة وعآفية :)
خبريني عآد شو سميتوه ؟
ونبآ نشوفه :)
.
.
ويتربى فـ عزكم ان شاء الله .. انتي وابوه :)
شمعة أمل
05-01-09 ||, 07:56 PM
الحمدالله على السلاااااااااامه:biggrin::biggrin: تولهنا علييييج:fa35:
والف مبروك على الكتكوووت.. يتربى في عزكم ان شاء الله:heart:
خيال الروح
05-01-09 ||, 08:04 PM
الحمدلله على سلامتج
والف مبروك على ما ياكم // يتربى في عزكم ان شاء الله
العجيبة
05-01-09 ||, 09:42 PM
الله ... حلووووووووووووو ^_^
الحمدلله على سلامتــــــــــج ....
ومبــروك ما يــاج ، يتربى بعزج وعز أبوه ... وان شاء الله يكون من الذرية الصالحة يارب .....
فرحتيـنا بهالخبـر الحلـــو .... بس شو سميتوه ؟
تحفه
05-01-09 ||, 10:59 PM
آبيييييه شوووووووووق!!!!! الللللللف الحمدلللللله علسلاااااااااامه ... :inlove::inlove::inlove:
اوييييه وايد استاننننننننننننسسسسسسسسس سسسستتتتتتتتتتتت !!!!!!!.. احس اني بررررررققص لانج رديتييييييييييييييييييييي يي هيهيهيهيهيهيييييييي :a036:
كلامج وايد مؤثر مادري ليش بغيت اصيح :a050:
:heart: نووووووورت الواااحااااات :heart: انتي شمس في الواحات :biggrin:!!
يتربا في عزج ان شاء الله !!
اويه تدرين شوق ولدج عنده وايد خالات و عمام من الواحاااااات هيهيهييي مب سهل وراه قبايل :fa38:
وناسه :biggrin:
الف الحمددددلله علسلاااامه :heart: فدييييته
مزايا
05-01-09 ||, 11:24 PM
الحمدلله على الســلامه
ويتربى ف عزج :)
ويعله خير عليج
الـيـاه
05-01-09 ||, 11:45 PM
الله!!!!!!! الحمدالله على السلامه ماما شوق القلوب :heart: ونحنا نقول وينها البنت ..
صدق ان الأم ما تتعوّض 3>
انا صدق احس بحاجتها في مثل هالاشيا *يوم اكون مريضه ومحمومه* مابا ألا امي .. اتم اذكر يوم كنت ياهل وامرض
وترقدني على ريلها عقل اتم طول الليل راقده وهي يالسه :fa35: ياحبيبتي يا امي
الله يخليلج البيبي واهلج
ويتربى في عزج ويكون من الذريه الصالحه يارب ...
وايد فرحت لج :a070:
عافك الخاطر
05-01-09 ||, 11:49 PM
ماشاء الله ..استويتي ماما :) ..فرحتلج وايد وايد ..حسستيني بحلاوة الامومة صدق
الحمدلله ع السلامة و يتربى في عزج :)
.
.
أتمنى
06-01-09 ||, 12:43 AM
حرفك يبكي !
-
من كل قلبي
أتمنى يتربى في
عزكم بخير ... و حب ... و فرح ... و عافيه :fa41:
اشتقنالك والله
الف الحمدلله على سلامتكم
شوق القلوب
06-01-09 ||, 10:20 AM
عفاريتوووو
الله يبارك فييييج.. وانا استانست أكثر لانج اول من رد علي.. ^_^
سميناه حمووودي.." حمد "
..
الاسطوري
06-01-09 ||, 11:57 AM
مبروك ماياكم اختي ويتربى في عزكم ان شاء الله، لاتنسين نباه يكون أحد أفراد
أعضاء واحات بن دبي فلازم من الحين تشتركين
بـ نك نيم خاص به
:yes:
قريب بتقولين حموووود
زخوووووه
:icecream:
طير الغرام
06-01-09 ||, 12:57 PM
http://oasis.bindubai.com/bin/uploaded/1184_11201028869.gif
الله شعـــوور حلووو
:
ألف الحمدالله ع ســلامتــج
ويتربــى فـ عزج وعــز أبــوه إن شاءالله
:
ربي يحفظــه ويخليــه لكــم إن شاءالله =)
http://oasis.bindubai.com/bin/uploaded/1184_21201028869.gif
قصايد غلا
06-01-09 ||, 01:57 PM
شوّااااااقتنـــاااا الحنونة :fa41:
الحمدلله على سلامتج و سلامة حمّودي "تراه خطيب بنتي" :tounge: (اللي بتي في المستقبل)
والله دمعت عيني يوم كنت أقرا موضوعج لأن كلامج جداً مؤثــــــــــر والله صدقج .. الأم و الأبو مالهم مثيل لو قسوا علينا بتبقى قسوتهم لصالحنا :yes: الله لا يحرمنا من أمهاتنا و أبهاتنا ولا يحرمج من والديج وحمّودي ولا يحرمه منج و من باباته :a050::a054::a054:
يا حظ حمّودي لأنج ماماته :inlove: الله يحفظج له و يحفظه لج و يخلّيكم لبعض انتي و حمّودي و باباته و لا يحرمكم من بعض :fa35:
وااااااااااايد فرحت لج والله :a070:
اتريّينا بنزورج أنا و ملاك و مهابه و شمعة و الياه و تحفة و بنات الواحات ==> إشاعة يديدة :biggrin::vampire::a100:
ذنـيـنـي
06-01-09 ||, 02:52 PM
اووه اوووه
الشمس من وين طالعه اليوم
لا و وياها قمر منور بنورها
اول شي الحمدلله على سلامتج
و ثاني شي مبروك عليكم ما ياكم و الله يجعله من الذرية الصالحه
و ثالث شي الواحات "صدقـا ً" اشتاقت لشوق القلوب
ولا اتطولين الغيبات المره الياية الا لو عندج عذر مقنع و هالمره عذرج مقنع p=
عفاريتووو
06-01-09 ||, 07:00 PM
ماما شوق ،، عندي لج رسالة من هزايم
تقولج مبرووووووووووووك و الحمدالله ع سلامتج
و حتى ام هزايم تقووولج مبرووووووووووووووووووك ( تعرفج من ايام سودوكو :fa51:)
و فرحووووولج واييد واييييييييييد :fa35:
دمعة عين
06-01-09 ||, 07:14 PM
:
الحمـَدلله ع سـلآمتـَج الغـآليـَه
وآيـد وآيـَد وآآآيـَد فرحت لج =]
يتربى فـ عزج ان شـآءالله
ويخليـَه ذخر وسند لكم يـآرب ،
.
.
شتشووته
06-01-09 ||, 07:22 PM
ما شاءالله .. الف مبرووك حبوووبتي .. ويتربى بعزكم ان شاءالله
كلااامج وايد مؤثرر .. تسلميين والله عالهنصاائح ..
ربي يحفظج..
"الماسة"
07-01-09 ||, 03:58 AM
ماشاءالله..الحمدلله ع سلاامتج..
الله يحفظه ويترباااا ف عزكم ان شاءالله..
ويسلموووو ع النصاااائح..
شوق القلوب
11-01-09 ||, 05:25 PM
خيال الحب
الله يسلمك و يبارك فيـــــك.. و ان شاء الله تسمع الاخبار الطيبه دوووم..
^_^
...
ملاك الرووووح
آآآآميــــــــن يا رب.. تسلميلي ملووووكه الحلوه..
عن الصوره..
يقولج... في الزمنات القديمه.. كان في موضوع تحفه نزلته في واحه الاصدقاء.. اسمه " لين وين توصل كيمرتك ".. يعني حتى واحه التصوير ماكانت موجوده..
وماشاءالله .. كان الموضوع حلووو.. و اول موضوع فيه صور و هالسوالف.. وكل حد ينزل صور حلوه.. فحضرتي.. كنت امزهبه صور كتاكيت البيت .. و حاطتنهم ع السكنر.. عشان انزلهم.. جااااااااااااااااااااان.. تدخل علي الوالده.. و تعطيني هذاك الحلاف اني ما انزل صوره حد من صغاريتنا ع النت :boxed:
...
مجموعة انسان
^_^
وانا ما تتخيل اشكثر مستانسه بردك..
ما عليك.. السكوت ابلغ عن الكلام..
شعورك الحلو وصلني.. و ان شاءالله اتحس بهالشعور جريب..
بس انت شد حيلك.. :icecream:
...
مهابـــه
الله يبارك فييييييييييج.. و نفرح فيج بعد..
جني قريت أخبار حلوه ..
عسى الله يسعدج و يعطيج ما تتمني و أكثر.. :inlove:
...
شوق القلوب
11-01-09 ||, 05:33 PM
مزن هتان
الله يبارك فيــج و يسلمج من كل شر..
بس شوو هالــ :blush:..
أخبار حلوه جريب ..؟؟؟ :fa51:
...
وحـــي القلم
صديقتــــي
الله يسلمج يا الغاليه..
محدثتكم أم حمووودي.. ^_^
...
رمش الغلا
شفت عاد.. يبنالكم مولود واحاتي..:4:
حبيتي والله .. تسلملي هالفرحه من قلبج..
يبالي اسجل له اسم.. و انخلي عيالنا عقب يشاركون ويانا .. :birgits_giggle:
...
شمعة أمـــل
عســـوله الواحات.. الله يبارك فيج..
وانا والله اتولهت عليكم أكثر.. وااايد مفتقده الواحات ..
...
خيال الروح
الله يبارك فيج عزيزتي.. تسلميلي و الله
...
العجيــــبة
الله يسلمج و يبارج فيـــج.. و ان شاء الله تسمعين الاخبار الحلوه على طووول.. ^_^
...
شوق القلوب
11-01-09 ||, 05:42 PM
حبيــــــــــــــــبة قلبي.. تحوووفه
فديت هالوناسه اللي طالعه من قلبج... :a010:
الواحات امنوه فيـــج يا قلبي..
اووووه.. عن الخالات و العمام.. هههه لا اتوصين .. اهله و ناسه من كل الامارات..
وراه ظهر و سند..
امه واحاتيه أصل .. ما بيتحاتى.. :icecream:
يلا عقبال ما يوصلنا أول كتاكيتج.. :fa34:
..
مزايا
الله يسلمج.. تسلميلي والله ^_^
...
نوووودي
الله يسلمج من الشر.. و يحفظج لأهلج ان شاء الله ..
صدق انه الام ما تتعوض.. والله الحين لو امي شو ماقالتلي اسويلها.. بسويه حتى لو ميته و هلكانه من التعب..
عسى ربي يحفظ امهاتنا جميع.. وربي يقدرنا على برهم..
...
عافك الخاطر
وانا ونسني وجودج و ردج.. ربي يذوقج حلاوه هالشعور..
تسلميلي والله
...
شوق القلوب
11-01-09 ||, 05:47 PM
أتمنـــى
الله يسلمج من الشر.. سعيده جداً بطله حضورج..
و أعذريني.. اذا آذيت مشاعرج..
ما اقص عليج.. انت اول من خطر ع بالي لما نزلت الموضوع.. تمنيت ساعتها اقدر امسحه..!
ربي ان شاء الله يفرحج .. و اتحسين بحلاوه هالموقف..
و تفرحين ببناتج .. وهم يكبرون جدام عيونج..
تحفه
12-01-09 ||, 01:13 AM
نبيييي نشووووف صووووورته شووووووووووق
حبيــــــــــــــــبة قلبي.. تحوووفه
فديت هالوناسه اللي طالعه من قلبج... :a010:
الواحات امنوه فيـــج يا قلبي..
اووووه.. عن الخالات و العمام.. هههه لا اتوصين .. اهله و ناسه من كل الامارات..
وراه ظهر و سند..
امه واحاتيه أصل .. ما بيتحاتى.. :icecream:
اذا مانفرح فيج نفرح في منو؟؟
يلا عقبال ما يوصلنا أول كتاكيتج.. :fa34:
خل اول شي احصل نمر بن عدوان :h_mar7aba: لووول!
طفلة من هذا الزمان
17-04-09 ||, 12:26 AM
طبعا كالعادة ،، متأخرة بجــدارة عن الواحات وأخبــارهــا
بس صدقيني لو كنت أدري بهالخبر الحلوو جان شفتيني أول طــابور المهنئيــن ،، او المهنئــات
يتــربى البطــل في عزج و عز أبوه ياارب ،، ويحفظه و يخليه ذخر وسنــد لكــم يارب ..
وشكلنــا بنتضارب عليه .. كلنا نباه حق بناتنــا مع إن بنتي لها خطيب اوردي بس ما يمنع تعدد الاختيــارات بعد :4:
ألف مبرووك مرة ثانية ،،
والسموحة ع التأخير ....
دموع قلم
20-04-09 ||, 10:54 PM
ألف ألف ألف مبروووك أم حمد ..
عسى الرحمن يحفظه ويسعده ويبارك في حياته ويخليه لكم ياااارب ..
عيبني كلامج وااااايد ..
من متى قلت بتصل في الوالدة وانشغل!
سبحان الله.. مثل ما قلتي.. مهما كانت الوالدة ومهما سوت..
الولادة روحها ماقدر اجازيها ولا اوافيها حقها ..
يزاج الله خيييييـــر شواقي ..
واعذريني واااايد عالقصور
:)