قالوا هوية وطنيه [الأرشيف] - -:: واحات بن دبي ::-

تحفه

03-01-09 ||, 03:05 AM

جدييييييم بنت الدلع! بس والله كلنا قلوبنا تقطعت يوم سمعنا و حمدلله يوم تلاحقوا عليهم ! جددتي جروحنا ..

في جزء كبيييير من شعب الامارات فقيير .. جزء وايد كبير!

الحين الدنيا غلت وصعبت على الشعب .. لازم الحكومه تغير من خططها تجاه المجتمع .. علاقل يسوون نفس اوروبا .. في دول اوروبيه تصرف الفين دولار لكل من يحمل الجنسيه .. وخاصه للناس الي مالهم غير دخل واحد ثابت!

في اوروبا "الي مافيها اسلام" .. عندهم برامج للي يكملون دراستهم عشان يشجعونهم علعلم (معنه عندهم خبراء الدنيا ).. وفي اوروبا يعطونهم دسكاونت للطلبه عدل عشان يساعدونهم معنويا في "كل الاماكن" + في اوروبا كل معاق له الحق انه يحصل على بيت يؤويه و معاش شهري ولو ماكان يشتغل! + الامهات يعطونهم نص سنه اجازه و يخلونها تاخذ برامج تثقيفيه

وفي الامارات البلاد الي صنفوها من اغلى دول العالم ١٠ ٪ من سكانها مواطنين اصليين ثلاث ترباعهم مديونين وفقارا!

الدنيا وايد صعبه .. عشان جي الواحد لازم يستغل كل فرصه نجاح .. ويدرس .. لان مافي شي احسن من الدراسه !

على اخر الليل عورتي قلبي

قصايد غلا

03-01-09 ||, 03:17 AM

بنت الدلع : الله يعيننا .. قلبي عوّرني والله

ما عليه بندخّل الأجانب بلادنا .. لكن ما بنبدّيهم على عيال البلاد

ما بنقدّر من الأجنبي و بنهين ولد البلاد بسبة أجنبي مب كفء "مب كل الأجانب شينين و مب كفو" لكن ==> شي وايد منهم هاييلا اللي جنهم بهايم عزكم الله بس نحن حاسبين لهم حساب في بلادنا

بنحترم الأجنبي اللي ياي يعمّر بلادنا و بنعطيه مقابل لجهده و تعبه بس ما بنخليه ملك و هو ما سوّا شي يفيدنا

رحمة الله على اللي راغ الأجانب و فر خرايطهم يوم قالوا بنهش هذا الشي و بنشل هالشي و بنسوي جذه و جذه "على أساس يايّين يعمرون" .. جان يقول لهم : انتوا يايّين تخربون البلاد مب تعمرونها و راغهم

الحمدلله نحن بخير و فيه أشيا زينة لكن شو أشين من إنه ولد البلاد يقول بظهر من بلادي ؟

قصايد غلا

03-01-09 ||, 03:42 AM

و سالفة الأم اللي تطرّش بنتها بــ ربية المدرسة دوم أتذكّرها لأني سمعتها يوم كانت ترمس في البث المباشر "الشارجة"

هالناس والله يخلّوني أعرف كيف و متى أصرف ، لأني أفكر يوم أي بشتري شي مبالغ فيه

أتم أقول لو أتصدق بجزء و أشتري بديل برتاح نفسيًّــا و برضي ربّي

يخلّوني أحاسب نفسي على كل فلس أصرفه و ما يخلّوني أصرف على أشيا تافهه و يذكروني إني بنسئل عن كل فلس

و من هالناس شي واااااااااااااااااااااااا يد بس محد يدري بهم لأنهم ما يرمسون ولا يسومون ويوههم

مرة كنت سايرة السوق ويا أميه و عمّوه في ليلة العيد

سايرين نيب كناديرنا و كنت زعلانة لأن أبويه ما اشترا لي ساعة و لأني ما لقيت أشيا يديدة و حلوة
لكن عندي بدل يديدة ما جد لبستهن

بس بعد أبا شي يديد

المهم

و أنا أمشي زقرتني عيوز و وياها بنوتة صغيرة عمرها تقريبا 8 سنين

قالت لي : أمايه .. تشوفين هالبنت
هاي بنت ولدي
أبوها متوفي من سنة و ربي شاهد عليه إني بس أبا أشتري لهن ثياب حق العيد هي و خواتها
بس أبا أشتري لهن جلابيات وما سدّني البيزات اللي عندي

وما حد يباها سومة الويه ....إلخ "و كانت وااااااااايد متلومة"

قلت لها : افااا عليج انتي أميه

و ناولتها اللي الله كاتبنه و مع إنه ما كان عندي غير هالمبلغ لكن حرقت لي قلبي يوم قالت بس أبا أشتري لهن جلابيات

و على فكرة هالجلابيات نحن نلبسهن في البيت يعني مب مال مناسبات

و يوم عطيتها البيزات يت بتحب ايديه و تمت تدعي لي.. والله يا إنه عيني انمزرت دموع

قلت أسميني بطرااااااااااااااااااااان ة و عرفت قدر النعمة اللي أنا فيها

==========

يعني بصراحة

وااااااااااااااااايد ناس تعبانين و ما حد يدري بهم
لأنهم ما يبون يسألون حد غير الله

دمعة عين

03-01-09 ||, 01:15 PM

:

:d010:

هذآ اليـَـوم ؟
بـآجر شـَـوه . . . !!

الله يعيـَـن ، والله يستـَـر ، !!

.

.

حلم الطفوله

03-01-09 ||, 01:29 PM

آخرتها صرنا عومه ماكوله ومذمومه يا بوراشد !!!

يوم أشوف البنايات والأبراج إلي تارسه بلادنا اتجيسني ضيجه !! تدرون ليش ...

لأني أتحسر على الكم الهائل ( الكووود ) من الأجانب والوافدين إلي ساكنين فيها بامتيازات ما تتوفر للمواطن

كيف يسكنون بظل هالايجارات الغاليه إلي تكسر الظهر واتهد الحيل !!! كيف

ويوم أسير ( بمبي ) أقول لو ردينا إلي عدنا لبلادهم وين بيعيشون !!! ما شاء الله عليهم ( سماسيم من كثرتهم )

بس والله البياعين لهنود بالمحلات أحسن !!! عالأقل بتكاسرينه شوي

لكن هاللبنانيين قوم تؤبريني وكرمالك ..... ما تشتهين تدخلين محلاتهم عشان ما يلزقون فيج شرات العنزروت

الله المستعان

وحي القلم

03-01-09 ||, 02:35 PM

^لا يغرونج يا حلم.. مب كلهم زينين ترا :fa52:

ما سمعتي عن اللى كانوا امسوين مظاهرات شو سووا عندنا في دبي؟؟

بس الله يحفظ بلادنا

.
.

أبغي أضيف أنه بلادنا ما تقدر المواطنين اللى عندهم شهادات الماجستير و الدكتوراه كثر ما تقدر الأجانب

المدرسين الأجانب اللى في جامعاتنا وايدين منهم ما يستاهلون أنهم يكونون في هالمكان

سمعت عن واحد كان مسجون في بلاده و يوم يا هني استوا دكتور فالجامعه.. ممكن تفهموني شقايل؟

في بلادينهم ما يحصلون شغل و يوم ايون عندنا نحطهم في أحسن المناصب

و شي من عيال البلاد يوم ياخذون الدكتوراه يقولولهم ما نقدر نوظفكم لانه شهادتكم عاليه ..!

بنت الدلع

03-01-09 ||, 02:46 PM

السلام عليكم والرحمه

تحفه
انا البارحه اول مره اسمعه بصراحه
وابدا ما استحملت الكلام الي يالس ينقال
معقوله وصلنا لهذي المرحله !!!!

وعلى ايام الشيخ زايد رحمة الله علي
يوم استخبر ان فيه مواطنين عايشين في الشقق
قال كيييف مواطن يعيش في شقه ؟!!!!!

والحين مواطنين اظني ساكنين في اكواخ حتى

والي يقهر يوم اييج الاجنبي يقول تراك انته يالمواطن مرتاح في بلدك
يعني تعليمك ببلاش
تتعالج ببلاش
حتى لو عندك ديون بتي الحكومه وبتساعدك
اما هناك في بلدنا لو كنا مديونين بييون وبيشلون بيوتنا على طول

وانته عندك البترول
والامارات غنيه

يا عمي غنيه حق اهلها وشعبها
انته ليش راز بويهك ويايب اهلك وعايش عندنا وتاكل من خيراتنا

شي جدا يعور القلب

========

قصايد غلا
يا الله !
كثير منهم نحن مانعلم بهم
كثييير منهم حالتهم جدا تعباااانه
ومب قادرين حتى يحصلون لقمة العيش

والله صدقج
احيان كثيره يوم ابا اخذ شي بأسعار باهظه اتم افكر
يعني الدنيا زايله وانا جيه يالسه اشتري واسوي ليش؟
وفي ناس محتاجين بس لجزء من هالمبلغ عشان يعيشون

خيال الحب

03-01-09 ||, 02:48 PM

البلاد بلاد ابوونااا والغرب حاربووناا>>>لازم نحرف لكم المثل شوي

لي رجعـــه.. مب بس رجعه الا رجعااااااااااااااات..

:bash:حسبي الله عليهم من انجليز:bash:

بنت الدلع

03-01-09 ||, 02:54 PM

:

:d010:

هذآ اليـَـوم ؟
بـآجر شـَـوه . . . !!

الله يعيـَـن ، والله يستـَـر ، !!

.

.

باجر بيسوونا تماثيل وبيحطونا في المتاحف

هذا كان شكل المواطن الإماراتي

دمعة عين

03-01-09 ||, 03:14 PM

:

باجر بيسوونا تماثيل وبيحطونا في المتاحف

هذا كان شكل المواطن الإماراتي

يسوونهـآآآ عيـآآل الحمـَـرآآآ
=#

.
.

بنت الدلع

03-01-09 ||, 03:44 PM

حلم الطفوله

تصدقين ان في سنه من السنوات
عايله روسيه
صار عيدميلاد البنت شو كانت المفاجأه لها ؟

تعرفين يوم يحطون الصور على الأبرااج؟

حطوا صورتها على برج في دبي
الدقيقه الوحده تكلف بـ 100 الف دولار
والابو طلب تنحط صورتها لمدة 3 دقايق

بتقولين لي عادي روسيين ومافيا وغسيل اموال
بس اقولج انهم مليااارديريييه وايون بلادنا حق التجاره
الي موقفله بوغاتي
والي يتاجر باللمبرغيني
تسغربين يوم تعرفين كثثثثثر المشااااريع الي عندهم في دبي
والمحلات وال وال وال .... الخ

حتى الهنود
لا يغروونج
اخس شعب هو الشعب الهندي
ناس حقوووودين

صح مش الكل
في الكثيييير منهم طيبيييين ومحترمييييين جدا ويقدرووونا
بس تعالي على الهنود المتعلمين المتثقفين

درستني ابله هنديه في الجامعه
1- شكلها هندييييييه
2- لبسهااا معروف انها هنديه

تصدقين انها ماجد قالت انا هنديه
شو تقول انا كنديه
ليش؟
لانها تربت في كندا
وعندها الجنسيه الكنديه
وشو كانت ويانا
ماعرف كيف اوصفلج معاملتها معانا
كانت جدا سيييئه
والكل كان يشتكي من سوء معاملتها وحقدها

ولا تسيرين بعيد
هالهنود الي في البنوك
كلهم مدراااااء
وروااتبهم مب اقل عن 40 الف
وطبعا سياره يعطونه
عياله يدرسون في مدارس خاصه وهم مايدفعون ولا شي
حق شو يكودون هذي البيزات؟
يسير ويبني في بلده
نشّاد عنا هو

وغير جي
اييبون ربعهم ولا اهلهم الهنود خبرتهم مييييح في المجااال
وعلى طول يعينونهم مسؤولين
انته متخيله الكلام هذا؟

وانا هالكلام مب يايبتنه من عندي

قصايد غلا

03-01-09 ||, 04:07 PM

آآآآه لا تذكروني بالهنود الخياس "سوري على هالكلمة" بس صدق هم خياس "مب الكل"

من أيّـــام سرت ماكدونالدز اللي في المطار

و قفت على الطرف لأنه وايد رياييل واقفين "هنود و أجانب" و أنا الوحيدة بنت ، يعني مستحيل أي و أوقف من بينهم

تميت واقفة قراب الـ10 دقايق و أشوفهم يزيدون و اللي ياخذ الأوردرز هندي و يشوفني واقفة ، أنا ماباه يبدّيني على اللي واقفين قبلي

تميت واقفة و أشوف اللي يوا عقبي ياخذون أكلهم و يروحون ، قلت : لالا أكيد ما شافني

أكلمه ما يرد عليه ، قال : اوقفي في الطابور و إذا ما تبين كيفج ما بخليج تطلبين ، قلت له : نعم :k_puppyeyes: ؟
اللي يوا قبلي مالي حق عليهم لكن اللي عقبي ما لك حق إنك تتجاهلني و تاخذ طلباتهم

أنا بنت و هاييلا كلللللللهم رياييل و الهنود عااااادي يكفخوني و يطوفون

جان أقول له انته أعمى ى ى ى ى ى ى ى ى ى ى ى :k_mad_argue: ، ما تشوفني واقفة من نص ساعة تقريبا ، ما تفهم شو يعني بنت وهاييلا كلهم رياييل؟

و الهندي الـلي ما أعرف شو أقول عنه:fa52: مب هامنّه و صاد عنّي

و مب بس أنا جي عاملني
لكن كان شيبة أظن انه إيراني واقف يبا يطلب بس ما يعرف الرمسة وحليله و يرمس هالهندي و الهندي متجاهلنه و مب مسوي له سالفة و كل ما رمسه صد عنه
قلت له : ليش مب مهتم له ؟ ، قال والله هذا ما يعرف يرمس
انزين خذ المنيو و راوه الصور
لو ما طلبت له أنا جان تم واقف ساعتين

لا شعوريًــا قلت له : انته غبي و مب محترم ، أنا مب هندية عشان جذه ما بتخليني أطلب :argue:
أقل شي لازم تسويه انك تحترم هالشيبة مثل أبوك

والله ما جد كلمت حد بهالأسلوب لكن هم صدق وقحيـــــــــــــــــــــ ـــن و يرفعون الضغط

شتشووته

03-01-09 ||, 04:57 PM

حسبي الله ونعم الوكييييييييييييييييييييي ييييل علييهم من انجليييز

والله لو برمس ما بسكت .. الله يغربلهم ان شاء الله

ولي رجعة ان شالله

مــهــابه

03-01-09 ||, 07:11 PM

لو بنرمس من اليوم لـ بـآجر ، هذا الواقـع

بنغير شي ؟

ماقول غـير حسبي الله ونعم الوكيل ..

مجموعة إنسان

03-01-09 ||, 08:32 PM

خيال الروح

03-01-09 ||, 09:13 PM

تعبنا من هالسالفه
لو رمسنا من اليوم لي باجر ما راح يتغير شي ...

:

شمعة أمل

04-01-09 ||, 01:05 AM

موضوعكم عجييب !!
انا من رأيي ان نحن اللي فتحنا لهم هذا الباب ونستحمل عواقبه !!
ما سوينا هالبنايات وهالمولات وهالسوالف الحلوة اللا عشانهم
بس سوري على هالكلمه
قبل ما نحاسب الناس خل نحاسب انفسنا
ترا نحن سبب في هالشي
كل واحد يحسب كم خدامه وكم عامل وكم دريول وكم وكم وكم في بيتنااا
!!
شفتوا ان نحن سبب!!!
وسوري بعد
ترا نحن المواطنين فينا هيازة وشايفين نفسنا
لا تقولون لا مافيني
لا فينا
ما نبي اللا نشتغل تحت مكيف وما نبي
ونتشرط واايد
وعن الناس اللي ما عندهم فلوس وما عندهم اكل
تخيلوا لو تااجر من هالتجار بس يدفع زكاة امواله !!
كم عايله تتستر
وكم عايله تدعيله
وكم وكم
خلوها على الله
خاطري اشوف بعد كم سنه منو بيسكن في هالبنايات ؟؟؟

المواطن.. من شي مايعيبه.. يسير يلوم غيره.. بدال ما *يصلح* هالشي.

من سنين وسنين وانتو تلومون غيركم.. وماستفتدوو.. عيل ليش اتمون تلومون غيركم؟؟

والموضوع هذا يرمس عن المواطنين الفقراء... فـ ليـش يالسين تقارونون المواطن الفقيـر بالاجنبي الغني؟! قارنوو المواطن الفقيـر بالاجنبي الفقيـر.. والاجنبي الغني بالمواطن الغني! طبعاً بيكون في فرق كبير بين مستوى مواطن فقيـر واجنبي غني!!! والانسان ليش يكون غني أصلن؟؟ لانه تعب عمره ودرس واشتغل ووصل للمكانه الى هو فيها!! هذا اذا عايلته مب غنيـه وبيزاته مب بيزات ميراث.

كونو عقلانيين شوي.. مب كل اجنبي غني! الاجانب الاغنياء في بلادنا نسبتهم صغيره مقارنة بالفقراء.. بس الفرق انه الفقراء راضيين لانه مهما كان عيشتهم هني أحسن عن بلادهم.
تعالو الجامعات في مدينة المعرفه وبس حسبووووو كم طالب بيغرق من ديونه.. وياليت لو ديونهم اشياء سخيفه نفس
سياره حلوه.. لاء ديونهم عشان دراستهم.. ومع هذا يشتغلون ويدرسون في نفس الوقت! لانه اهلهم مايرومون يصرفون عليهم!!

كل فقيـر حالته تقطع القلب.. سواء مواطن ولا اجنبي.. ومثل ما قال مجموعه.. لو هالتجار *حتى لو بس المواطنين* يدفعون زكاتهم.. بتحصلون كلحد عايش مرتاح!!

بنت الدلع

04-01-09 ||, 01:35 AM

^ اختي شمعة امل
احترم رايج
بس
نحن مانخص بس عن الاجنبي الغني
ولا نقارن
ولا نقول كيف هالمواطنين صاروا اغنياء

كل واحد درس وتعلم وبمجهوده وصل و التوفيق من الله
بس نحن نتكلم عن هالأجانب الي محتلينا

اوكي صح نحن بحاجه الى خبرات
طيّب يبتوا ناس استفدنا منهم علمونا
خلاص يا الوقت انهم يرجعون بلادهم
ليش تموا ويابوا عيالهم واهلهم كلهم؟
ليش الدوله سمحت لهم يعيشووون هنه ويحصلون كل هالامتيازات
هالامتيازات كلها ليش؟
عشان تغريهم وتيلسهم هنه

كم عدد المواطنين وكم عدد الاجانب؟
خلاص اكتفينا منهم
استفدنا منهم ولكن الحين مب يالسين نستفيد
الا يالسين نشوف قلة ادب في الشارع

عيل اتي وحده هنديه وتقول لمواطنه انتي " Rubish "
هالهنديه من تكون!

مجموعة إنسان

04-01-09 ||, 01:41 AM

بنت الدلع

انتي جذي ظلمتي جالية كاااااامله !!
يعني الحين كل الهنود جذي!!
طبعا لاا

يعني لو اماراتي سرق في لندن
ترضين يقولن شعب الإمارات حرامي !!

بنت الدلع
نحن حطينا انفسنا بحاجتهم
ولين الحين نحن بحاجتهم
كدريولية وعمال و و و و و
نحن بحاجتهم
مب كلهم
بس اكثرهم

بنت الدلع

04-01-09 ||, 01:42 AM

وحي القلم

على سالفة ان بلادنا ماتقدر
على كثر التنميات الي يالسه تصير على ان الدوله بعدها ماعندها كل الخدماات
واخص بكلامي ثنين درسوا في الخارج
بتخصص جدا صعب
والي هو هندسه طبيه
يعني يخترعون اجهزه ويطورونها بحيث انها تساعد المريض

يوم يو البلاد تعرفين في شو شغلوهم؟
يلسوهم في مكتب واي جهاز يخترب في المستشفى يابولهم عشان يصلحونه !!

يمكن الغلط من المواطنين الي درسوا شي بلادنا مب محتاجتنه
او هالشي بعده ماوصل عندنا
فآخر شي هم الي ينظلمون

هيه هيه عادي لا تستبعدين
عادي تشوفينه فراش في بلاده يا اهنه وشغلوه في احسن الوظايف
يتحرون كل اجنبي فاااااااهم ومثثثثثقف وبيفييييد مجتمعنا

====

خيال الحب
سمعنا الي في جعبتك

====

قصايد غلا
O.o
هذا لو متربي جان ما اتعامل بهالطريقه المتدنيه

بنت الدلع

04-01-09 ||, 01:45 AM

بنت الدلع

انتي جذي ظلمتي جالية كاااااامله !!

ليش ؟

مجموعة إنسان

04-01-09 ||, 01:50 AM

لان في مهنده محترميين
هذا تصرف شخصي من هندية !!
انتوا لا تاخذون كل شي بمحمل شخصي من شخص ما

تراا انتوا ما عندكم دريول؟
الحين هذا الدريول قال في يوم كلمة بنفس الأسلوب ,,,
وللا خدامتكم قالت جذي

هذي وحده في الشارع قالت جذي

لا تفكرون انا راضي بهذا الشي
لا والله مب رااضي
بس واقع نعيشه لازم نتأقلم معاه

نتحمل عواقب اللي بديناه !!

انتي ذكرتيني بالنقاش اللي دار في بيتنا يوم ضربوا بوش بالجوتي!!

مجموعة إنسان

04-01-09 ||, 02:00 AM

بنت الدلع

مره كنت قاعد في ستاند معرض
كانت مسابقه ونحن نوزع استمارات
المهم وانا قاعد يا وااحد شكله اجنبي لاتيني
شكله مستحيل تقولين مواطن
ويتكلم انجليزي
عااد بزور وقوه القط شو يقول
المهم شرحت له الموضوع وخلصت
عطيته الإستماره
قال i wont pen
يكلمنا على انه اجنبي مش مواطن
المهم انا عطيته قلم ازرق هذا بوخطين مال ربية
يوم شاف القلم قال cheap pen
جااان اعصب
قلت له
cheap pen 4 cheap person
سكت ما قال شي
كتب الإستماره وحطها على الطاولة
مسكته وقصيتها

هو راح
شوي يا واحد من ربعه ويسولف وجذي قال ترا الريال مواطن اسمه فلان الفلاني ( طلع من قبيله قوية في بوظبي)

تخيلي هذا تصرف شخصي من مواطن !!

بنت الدلع

04-01-09 ||, 02:18 AM

صح مش الكل
في الكثيييير منهم طيبيييين ومحترمييييين جدا ويقدرووونا

انا ما جمعت
ولا قلت كل الهنود جيه
صحيح هذا تصرف من وحده فقط
بس شو الي دفعها وقواها علينا؟
انته يوم بتسير اوروبا بتقوله في ويهه انته زباله ؟؟
وانته يالس في بلاده

ما انكر نحن بحاجه لهم
ما انكر انهم شالين عنا العبء ومساعدينا ومريحينا في وايد اشيا
بس شوف الجانب السلبي

طير الغرام

04-01-09 ||, 02:51 AM

http://oasis.bindubai.com/bin/uploaded/1184_11201028869.gif

شو هـ الحال !! :frown:
صرنا احنا الأقلية وهم الغالبيـه العظمى !!

http://oasis.bindubai.com/bin/uploaded/1184_21201028869.gif

شمعة أمل

04-01-09 ||, 11:56 AM

بنت الدلع
انزين، ليش ماذكرتي الايجابيات بوجود هالاجانب في بلادنا؟؟؟

ترومين تعيشين بدون خدامه ولا دريول ولا طباخ؟
ترومين تعيشين بدون مطاعم؟ بدون جابينغو ولا جوني روكتس؟؟ ترومين تعيشين بس على أكل بيت؟
ترومين تعيشين بدون سوبرماركتس؟
ترومين تعيشين بدون محلات الثياب الموجوده في البلاد؟ سواء عاديه ولا ماركات؟؟
ترومين تعيشين وطول حياتج بس في الامارات وماتسافرين برع؟؟ مثل ما انتي ماتبينهم يون الامارات اكيد هم بعد مايبونج تسيرين بلادهم

ترا مب بس الامارات الى تعاني من هالمشكـله! كل دول العالم عدا استراليا تعاني من هالمشكله! بس هم شو حلهم؟ يعطون الجواز.. السبب الوحيد الى نسبة المواطن جداً صغيره في بلادنا لانه نحن مانعطي الجواز والجنيسيه لاي حد! لكن لو الحين عطو الجواز والجنسيه للناس الى عايشين هني من اكثر من عشر سنين فـ عدد الاماراتيين بيزيد

كيف تبون الحكومه ترضي الشعب؟؟
يطردون هالنـاس؟؟ نحن اولريدي حالتنا الاقتصاديه سيئه.. لو الحين يطردونهم تخيلي شو بيستوي؟؟؟ دولتنا المتحضره بتكون متخلفه، كل شي بيرد لـ ورا! مابيكون شي تطور ولا حضاره
واذا يطردونهم.. بعد بتحرطمون.. الى تحتاج لـ بشكارتها لانه ماتروم على شغل البيت، الى تبا طباخ، المدرسين في المدارس والجامعات؟ منو بيعلم وبيثقف شعبنا لو هم يطلعون؟؟؟؟

يزيدون عدد السكان الاماراتي.. معناته لازم يعطون الجواز والجنسيه لكل من هب ودب.. بعد مابيعيبكم

طرد الاجانب من بلادنا شي مب عقلاني ابداً.. انتي فكري في السلبيات والايجابيات.. وبتعرفين انه بدونهم نحن ولاشي!! لانه كل الـ benefits نفس التعليم والمحلات والأكل والسينما بفضلهم.. وبدونهم كل هالاشياء بتختفي

وخلينا نرمس عن السلبيات
الفسـاد الى في البلاد، الى يبا يكون فاسد بيكون فاسد.. مايستوي نلوم هذا على حد .. الاماراتي الى يشرب محد ظربه على ايده وقاله سير اشرب.. هذا من نفسه قرر يسوي هالشي
الحوادث؟ شو اكثر جنسيتين يسببون الحوادث؟ الاماراتيين والهنود< اذا بنرمس عن اخطر الحوادث! الاماراتيين بسبب تهورهمم والهنود لانه من الاساس مايعرفون يسوقون
وقلة الأدب... على فكره.. مره ناقشنا هالشي في كلاس في الجامعه.. كل الى في الصف قالو *نحن مانعرف شو صح وشو غلط لانه محد طايع يشرحلنا!!! نحن مانعرف اذا عادي نلوي على بعض ولا لا.. نحن مانعرف اذا ثيابنا صح ولا غلط.. لانه محد يقولنا شي!! بس فجأه نقرى الجريده ونشوف الشعب الاماراتي معصبين.. بس نحن مانفهم ليش لانه محد يشرحلنا* < ليـش مايعرفون؟ لانه ماشي قوانين عن هالشي!! انتي لو تيلسين ويا هالاجانب وترمسينهم وتسمعين همومهم بتنصدميـن.. لانه بس تشوفون علامات استفهام على ويوهم!!

وعن الهنديه الى قالت للحرمه انها زباله، هالانسانه نفسها خايسه، مايصير نلومه على الشعب... هالفئات موجودات كل مكان في العالم حتى في الامارات!! بس لانه هالحرمه غلطت مب معناته الشعب الهندي كله غلط

مجموعة ناس
أوووووووول مره احصل حد اوفق رايه في كل شيييي.. صح لسانك:fa42:

قصايد غلا

04-01-09 ||, 01:24 PM

مجموعة + شمعة : نحن ما نقول خلونا نروغ كــــــــل المهندة و الانجليز و الفلبّن و .....إلخ ، لالا نحن قبل لا نكون الإماراتيين أهل الكرم و عيال زايد نحن أمّة محمّد نحن المسلمين اللي ديننا فيه الإتيكيت اللي ما عرفوه الغرب و فيه الأخلاق و عندنا مرجع يعلّمنا كيف نتعامل ويا الغير و فيه كل شي يخص ديننا و دنيانا و آخرتنا :k_smile2:

نحن نقول إنه لازم أي غريب يدخل البلاد لازم يحترمنا و إن غلط علينا لازم يتوقّف عند حدّه .. هذا كل شي

نحن مب شعب حقود و مب اغبيا نحن عشان نقول ما نباهم

لا نحن بحاية كل إنسان ياي يفيدنا و يستفيد لأنه ما فيه حد بيشتغل لنا بدون مقابل

في نفس الوقت نبغي حد يقدّر المواطن و يساويه بالغريب اللي عند نفس الخبرة و نفس المؤهلات ==> يعني نحن نطالب بشي مب بيدنا ، بيد اللي أكبر عنّا و بسسس هذا كل شي ، و عاش إتحاد إماراتنا :1:

شمعة أمل

04-01-09 ||, 01:55 PM

بس شو مفهوم الاحترام لدى المواطن؟؟؟

^

هالسؤال كل اجنبي بيسألج اياه
انا ادرس ماده عن الثقافات المختلفه وكيف هالاشياء تؤثر على نوعية البزنس.. وفي كل كلاس يكون شي نقاش حاد.. والنقاش يتحدى الخطوط الحمراء معظم الوقت.
في هالكلاس نحن بس بنتين مواطنات، الباقيين من دول مختلفه.
نرمس عن الاختلاف في الامارات، السعوديه، الهند، ايران، الباكستان، لبنان، امريكا، بريطانيـا < عادة نرمس عن هالدول وعاداتهم وثقافتهم
البنت 1 من شي يخص الامارات سيده هجوووووم!.. مول ماترمس بعقلانيـه، ماتسمع شو باقي الكلاس يقولون، سيده تهجم على غيرها وانه نحن الاماراتين فوق كل شي

اما انا، اتـريا، اسمع، أشوف شو غيري يقولون، أحاول أفهم وجهة نظرهم.. قبل لا الكلاس يخلص بـ عشر دقايق، البروفسر فجأه تسكت الكلاس كله وتصد عليه وتقولي.. يا شمعه انتي شو رايج؟!
ودايمـاً أرد عليـها بسؤال! واختار حد اجنبي يرد على سؤالي!

الى أحاول اوصله هني..
انه غلط تلومون الاجنبي.. وقصايد انتي تقولون خلهم يحترمونـا.. بس انتي شو معنى الاحترام عندج؟؟؟
معناه عندج غير عن معنى الاحترام عندي.. وغير عن معنى الاحترام عند حد ثاني..
اذا بنرمس عن الـ basics شي بنات عادي عندهم يلسون عدال ريايل لاصقين فيهم وشي بنات هالشي منقود عندهم.. اذا ريال مره يلس عدال وحده وكان عادي عنده وفجأه سار ويلس عدال وحده ثانيه وقامت وهزبته.. شو تتوقعين ردة فعله؟ بينصدم!

المهمممممممممم

الى احاول اقوله هو انه يوم تمرون في situations عصيبه، فكرو قبل لاتنفذون شي.. يعني بدال ماتسبون ولا تلومون ولا تعصبون.. خذو خطوه على ورا وفكروو
فهموو غيركم، شو صح شو غلط، محد يقدر يقرى شو في مخكم وشو مشاعركم واذا هم جرحوكم ولا لا

اذا تشوفون وحده في المول لابسه بكيني، بدال ماتسيرون وتفرون شنطتكم عليها سيرو عندها قولولها : لو سمحتي هالشي غلط والمفروض ماتسوين هالشي لانج في دوله مسلمه ويالسه تهينين شعب هالدوله

واذا كـ مواطنين اجتمعتو وسويتو هالشي خطوه خطوه، بتشوفون الفرق مع الوقت :)

الاسطوري

04-01-09 ||, 02:11 PM

بعدنا ماشفنا شي لأنه بمجرد ان الموازين تنجلب وتتراجع أهمية الدين الإسلامي في حياة
الناس تختل باقي الامور بطبيعة الحال وتظهر مثل هالمشاكل اللي
تقريبا ماتنحل وهاي اشياء بتستمر
إلى وقت الظهور

قصايد غلا

04-01-09 ||, 03:35 PM

نحن ما لمنا الأجنبي بالدرجة الأولى ، نحن نلوم اللي عطاهم مجال إنهم يغلطون علينا و يهينونّا

نحن عارفين حدودنا و مثل ما سبق و قلت نحن عندنا كتابنا اللي فيه الاتيكيت و الأدب اللي ما عرفوه غيرنا

نحن مب همج نسب و نضارب منه و الدرب ، نتكلم وياهم بهدوء و نتفاهم وياهم لكن شي منهم مثل البهايم "عزج الله" مهما رمّستييييهم ما يهتمّون لج و يحتقرونج أو يقلّون أدبهم عليج ، في هالحالة شو بتسوين لهم ؟
اللي ما يحترمونا يبونا نحطهم تيجان على روسنا ؟

لكن في نفس الوقت أنا أشوف إنه شي وايد أجانب محترمين لدرجة إنه ولد البلاد ما يحترمني مثل ما يحترمني الأجنبي =)

ما نذم كل الأجانب لأنه فيهم الزين و فيهم الشين
نحن نطلب من المسؤولين اللي بإمكانهم يخلون كل غريب يدخل بلادنا يعرف كيف يتعامل ويانا و يتفاهم ويانا
أقل شي إنهم قبل لا ايبون حد من برع لازم يقولون له هالأشيا محظورة في بلادنا

يعني ما بيستوي شي لو بلادنا علّمتهم شو نحن نبا منهم و كيف لازم يتصرّفون في بلادنا و شو التصرفات اللي تسيء لنا

الإحترام و الأدب يدخلون في كل شي سواء طريقة الكلام أو درجة الصوت "فيه فرق يوم أتم أزاعج بدون سبب و فيه فرق يوم أتكلم بهدوء إذا كان الكلام عادي" أو حتى طريقة اللبس أو الحركات و التصرّفات

و ما نبا ندافع عن المواطنين كلهم لأنه فعلاً عندنا مواطنيين لسانهم وصخ و منحطّييييين ألفاااااظهم بذييييئة و وقحين و هم السبب في إنه الغريب يستهين بنا ==> هاييلا اللي لازم يحترمون نفسهم عشان الغريب يحترمنا

و شي أجانب نفس الشي ، يعني مرة في المحطة أبويه قال للإنجليزي ممكن تخوز سيارتك من هالمكان عشان نطوف ؟
قام و هد لسانه و قال رمسة ما تنطرى بس جذه بدون سبب ، أبويه صخ عنه مب لأنه ما يروم يرد عليه
بس لأنه يشوفه تافه و قليل أدب ===> هالنوع من البشر ما نباه و نحن مب بحايته

يعني اللي يهمنا هو الأجنبي اللي يسوون له قدر و هو ما يسوى مثل اللي في مدارس الغد
ما تكلّمنا عن الأجنبي المحترم اللي يوم أكون يايه أحاسب في سبينس يبدّيني على نفسه و يسير بعيد و يبتسم لي =) ==> هالشي وايد يستوي لي و يخلّيني أحترمهم أكثر من المواطنين أحيانا

بنت الدلع

04-01-09 ||, 04:01 PM

انتو ليش مب فاهمين وجهة نظري ويالسين تتهجمون علي؟

انا متى جمعت ومتى قلت اطردوهم ؟!!!!

قلت ان نحن بحاجه لهم ومانقدر نستغنى عنهم
اقروا ردي عدل وافهموا شو اقول قبل لا تهاجموني

محد يقدر يستغنى عن خدامه ولا طباخ ولا اي شي من هالقبيل
بس شوفوا اعدااااادهم
نحن مب بحاجه للكل
مب بحاجه لـ 6 ملاييين عشان يخدمونا
نحن بروحنا 700 الف كم بيخدمون فينا !

وصح فيه وايد اجانب مب فاهمين عاداتنا وتقاليدنا واذا قلنالهم وفهمناهم يحترمون هالشي

عندي ربيعه ارجنتينيه وللي مايعرف الشعب الارجنتيني بقوله انهم وااااايد كووووول في كل شيييي
كل حيااتهم رقص وشرب والخ بس هم شعب جدااااا طيب ومحترم

عزمت ربيعتي الارجنتينيه على عرس عندنا
ومايت ولبست مفصخ
رفعت السماعه وكلمتني شو لازم البس في العرس ؟؟

قلتلها وفهمتها شو المفروض الي تلبس عندنا عشان محد يطالعها بنظره
ويوم يت شكلها واااايد كان محترم وستااايلش
وبالعكس كل حد رحب بها

وايد عندنا ربع انجلييز ونحبهم ونحترمهم
ونحن ماقصدنا هالفئه يا شمعة امل
نحن نبا المدرسين
نبا الأطباء
نبا المهندسين عشان يطورون بلادنا
مانبا نكون متخلفين

هذيل كلهم نحن بحاجه لهم
وانا ما اختلفت معاج في الراي

الواحد قبل لا يتكلم المفروض يفهم غيره ويستوعبه
هو ليش سوا جيه من الاساس

وهاي الهنديه الي قالت زباله
انا ماقلت كل الهنود جيييييه !!!

وااايد هنود نتعامل معاهم ومافي احسن عنهم
والاساتذه الي عندنا في الجامعه الهنود
وااااايد حبووبين ومحترمين
ويوم قلت عن المس الهنديه ماقلت ان ترى كل الهنود معاملتهم سيئه
فيه فئه زينه وفي فئه شينه
مثل ما المواطنين فيهم الزينين وفيهم الشينين
مانقدر نقول ترى السمجه الخايسه تخيس البحر كله !

قصايد غلا
اشكرج على رايج
نحن ديننا الاسلام وصانا نتعرف على باقي الشعوب قال تعالى: (وجعلناكم شعوب وقبائل لتتعارفوا ان اكرمكم عند الله اتقاكم)
هذي آيه صريحه من القرآن توصي ان نحن لازم نتعرف على غيرنا
نستفيد منهم
وناخذ منهم الاشيا الايجابيه الي بتفيدنا
ونحترمهم

بس قوليلي يا شمعة امل
شو الشي الايجابي انهم يفتحون مراقص في بلادنا؟

صح محد جبر حد ولا ضرب حد على ايده وقاله والله سير الديسكو
بس من الاساس ليش يسمحون لهذا الشي انه ينبني
مب هذي دوله اسلاميه؟ وهالشي ممكن يؤدي للفساد
اوكي صح بتقولين ترى محد مجبور يسير
ونحن عايشين حياتنا ولا علينا من المراقص وهالخرابيط الي تستوي في بلادنا
والي يبا يخترب ترى المجال مفتوحله
واهم شي التربيه
بس شي مثل هذا نحن بغنى عنه
صح ولا لا؟

بتيبون الاجانب والانجليز اوكي ييبوهم
على عينا وعلى راسنا
خله يعلمونا خله يفيدونا
منو كان يدرسنا في المدرسه غيرهم؟
منو اكثر الدكاتره الموجودين في بلادنا؟
نحن نبا نكتسب من خبراتهم
بس بتيبونهم عشان يقضون علينا هالشي الي مانرضاه

قوليلي اي دوله عدد سكانها الاصليين اقل من الوافدين؟

شوفي قطر، بحرين، السعوديه

صح في اجااانب ما اقول لا
بس هل الاجانب الي عندهم مثل الاجانب الي عندنا؟
بكثرتهم؟

======

الملخص
انا من موضوعي هذا كان غرضي اتكلم عن الي حاصل في بلادنا
عن الأقليه
وهذا مب بس شي يخصني
هالشي يخص كل مواطن عايش على ارض الامارات =)

بنت الدلع

04-01-09 ||, 04:03 PM

شتشووته

04-01-09 ||, 04:49 PM

ا.

ساسا امكر ناس هم هاذيلا الاجانب يعلهم السم .. سواء هنوود او انجليز ,, انا ماقوول كلهم لكن الاغلبيه

يقلكم تيتشرنااا يالس يقووولنا انتو اغنياا وتلعبوون ببيزاتكم قلنا ليش جي اتقول ..سكت جان يأشر ع بنت لابسه عدسات وقال "for god sick she have a new eyes" ... قالتله وحده يوم العدسات غاليه .. عطني بس 1000 وبيبلك عشر عدسات مب وحده.. ها اسخف استاذ شفته بحياتي واغباهم .. عبيط لا يفهم ولاشي .. بهييم عافانا الله .. والفاظه واايد وسخه

وكان عندنا استاذ لكنه رووح الحين لان ع قولته ما بيتم في بلده ماتتحرم ديانته .. لأن ع ايام الكرسمس ما عطوهم اجازه .. واللي ضحكني انه نحن عرفنا انه رد لكنه الحين يشتغل بشركة ادنوك !! .. وين بيرووح وهم اهنا معززين ,, اتعروفون شو يقولنا ؟.. يقوول انا يوم كنت ببلادي .. كنت انظف زجاج المحلات .. هاي هي شغلتي وشووفوني الحينه مدرس ببلادكم .. والله يتني غصه .. حسبي الله ونعم الوكييل

وكله صووب وهالمنده بصوووب .. تارسين البلاد ترس ..ومانعرف خيرهم من شرهم

انا مااقوول كلهم جيي لكن الاغلبيه .. وانا اشووف كثرة هالاجانب هوو السبب الاكبر في هالمشاكل الي اتصير فالبلاد

..
.

تحفه

04-01-09 ||, 06:11 PM

تدرين بنت الدلع قبل فتره قصيره كان مواطن يتريا موقف سياره و الي طالع من الموقف هندي وواحد ثاني هندي يبي باركنغ "ورا المواطن" .. قامو ثنينتهم وطاحوا فالمواطن ظرب وتكسير (بس عشان باركنغ)!!

وغيره .. مره كنت سايره امرتس تاورز عشان اتغدا .. وتميت ادوور ادوور .. ماشي باركنات!! وكل ما احصل موقف ايي حد بسسسسرعه ياخذه! يئست بغيت اطلع .. جان اشوف وحده مواطنه قلت لها وين الباركنغ مالج و قالت بعطيج الباركنغ ..

الموهيم

يوم بغيت ادش يا واحد اردني من الصوب الثاني يبي الباركنغ و بغا يدش معني انا كنت جدامه اشكره ببركن وحاطه اشاره!! وهو كان بيدش مكان سيارتها معنه هي ذيل سيارتها بعده في البارك !!!!! جان تنزل له الدريشه ورمسته عشان انا ادش *يحليلها كانت وايد طيبه* .... ونا نازله جان يقولي اسمحيلي اختي ماعرفت انج مواطنه !!!!!!!!

والله هني عرفت ان الاساتذه يوم يقولون انهم حاسدينا علي الي نحنا فيه صصصصصححححح!!

في بوظبي المواطن له كيان .. تحسين بالاحترام يوم تتعاملين وي الجاليات الثانيه .. وهني المواطن يتكفخ عسب باركنات!! شي وايد غريب يوم كزناتي في بوظبي يقولون لي تعالي عيشي في بوظبي شو ميلسنج في دبي ايلس ادافع عن دبي و اقنعهم ليش انا احب دبي ... يوم اتكلم عن دبي اكون متاكده من حبي حتى لريحه دبي .. لكن احينه في هالفتره بالذات قمت اتسال .. هل دبي تغليني و تحبني؟ خاصه بعد المواقف الي تمر علينا (مواقف غير سالفه مواقف السيارات طبعا ) ...

البلاد مفتوحه لكل من هب ودب .. وكلحد ايي عشان يستفيد .. هدف الحكومه يوصلون باسرع وقت للي وصلت له باجي الدول ناسين ان المواطن مب ملحق على عمره فالي قاعد يصير في هال ٣٠ سنه!

الموهيم

الحين خلاص التطور مانقدر نوقفه وبالعكس منو مايبي التطور؟ .. بس في الجهه المقابله في اشيا ثانيه ممكن تتعدل في حق المواطنين ..
دبي وايد تسوي مشاريع وتقريبا كل المواطنين خارج الصوره ..

انا لازم اقول وايد استانست يوم الشيخ خليفه طلع قرارات عن الجاليات الاجنبيه D:

و ماشاء الله بنت الدلع مادري كيف جلبتوا الموضوع من فقر المواطنين لين نسبه الاجانب في البلاد!!

بنت الدلع

04-01-09 ||, 07:15 PM

مهابه
خيال الروح
طير الغرام

والمناظر الي نشوفها كل يوم تتّعب اكثر

امسات كنت نازله مكان وانا اتمشى الاجانب يطالعوني جني غريبه في هالمكان
جني انا دخلت بيتهم بدون ما اسلم واحتليت على اشيائهم!

==

شتشوته
وبتيج حالات اكثر وبتنصدمين اكثر
عيل جد مره سمعتي عمليات سطوا من قبل المواطنين؟
ولا عمليات اغتيال من قبل المواطنين
كثرة الجرايم بسبة الجنسيات المختلفه الي عندنا
الجرايم شي لا بد منها

==

تحفه

I admire your way of thinking :heart:

واايد مواقف تستوي لنا صوب الباركنات
والله يوم تشوفينهم تقولين في خاطرج يا الله!
شو هذي التربيه

بس عاد هههـ يقومون يضربونه عشان باركنغ !
والله ان شر البلية ما يضحك

بوظبي غيييييير
بوظبي تشجع المواطن على انه ينتج
على انه يشتغل
على انه يدرس ويتعلم

الاجانب الي في بوظبي ماتشوفينهم مستقويين شرات الي هنه
هنه مسوين لهم راس

صحيح نحن مانقدر نرجع ورا ولا حتى نبا نرجع
نبا دولتنا تكون متطوره ومتحظره
بس في المقابل اوضاع المواطنين لازم تتطور بعد
مب نحن عايشين ومرتاحين وكل الي نباه نحصله
وغيرنا من عيال هالبلد مب قادرين يؤمنون الأشيا الاساسيه

الله المستعان

و ماشاء الله بنت الدلع مادري كيف جلبتوا الموضوع من فقر المواطنين لين نسبه الاجانب في البلاد!!

ترا يقولج الكلام يجر بعضه :icecream:

شمعة أمل

04-01-09 ||, 10:00 PM

ما نذم كل الأجانب لأنه فيهم الزين و فيهم الشين
نحن نطلب من المسؤولين اللي بإمكانهم يخلون كل غريب يدخل بلادنا يعرف كيف يتعامل ويانا و يتفاهم ويانا
أقل شي إنهم قبل لا ايبون حد من برع لازم يقولون له هالأشيا محظورة في بلادنا

يعني ما بيستوي شي لو بلادنا علّمتهم شو نحن نبا منهم و كيف لازم يتصرّفون في بلادنا و شو التصرفات اللي تسيء لنا

الإحترام و الأدب يدخلون في كل شي سواء طريقة الكلام أو درجة الصوت "فيه فرق يوم أتم أزاعج بدون سبب و فيه فرق يوم أتكلم بهدوء إذا كان الكلام عادي" أو حتى طريقة اللبس أو الحركات و التصرّفات

ردج هذا مثاااااااااااااااالي :thumbup1:

وحي القلم

05-01-09 ||, 12:55 AM

انا لازم اقول وايد استانست يوم الشيخ خليفه طلع قرارات عن الجاليات الاجنبيه D:

أي قرار؟؟ :k_icon9:

:tongue:

تحفه

05-01-09 ||, 01:31 AM

طلع قرارات يديده عن العماله الوافده ... نسب يديده لكل شركه و قوانين يديده انهم مايتمون اذا ماعندهم شغل وجي ..سمعت الخبر في البث المباشر ..وكانو يتكلمون عن قرارات ...

عاد اسمحيلي كنت ابي اقريج الخبر بس ليش موقع الجرايد تعبان حالها .. مايستوي اسوي سيرج للاعداد السابقه !

حاطين السايت زينه =/ اييي شييي صراحه

قصايد غلا

05-01-09 ||, 02:52 AM

ردج هذا مثاااااااااااااااالي :thumbup1:

شكراً شمعة :12:

همس الوجود

05-01-09 ||, 10:32 PM

سمعت عن هالسالفه :(

انزززززززين اناا شي واااااااااحد يقهرني ..

يعني المواطن لو ياااب لهم شهادة من برع بعد ماعيبهم واتعلثووو .. ويابوو الأجانب مكانه ليش هالتفرقه يعني الله ماخلق ال هايله اذكيه واحنا اغبيه .. اوكي سكتناا عن هالشي .. احينه يوم نقول لي هالوافدين والأجانب يدرسونا فالمدارس والجامعات .. قاااااالووو نبااكم تستوون شررررراتهم وتاخذوون شهاده محترمه اووووووووكيه ماقلنا شي يبنا الشهاده .. قووولوو شوو بعد بيتموون يفضلوون الأجنبي علينا !! يعني احين الي يدرسون فالبلاد ويدرسون برع ماقامت تفرق يوم ايون يتوظفوون الجواب انطبع على يبهتم .. :( ليش يعني

وعلى طاري المميزات الي يعطوونهم والله اناا اشوف لو يخفوون من هالمميزات ويوزعونهاا على المحتايين من المواطنين فالدوله يكون ابرك ..

تحفه

05-01-09 ||, 10:33 PM

تحفه

I admire your way of thinking :heart:

واايد مواقف تستوي لنا صوب الباركنات
والله يوم تشوفينهم تقولين في خاطرج يا الله!
شو هذي التربيه

بس عاد هههـ يقومون يضربونه عشان باركنغ !
والله ان شر البلية ما يضحك

بوظبي غيييييير
بوظبي تشجع المواطن على انه ينتج
على انه يشتغل
على انه يدرس ويتعلم

الاجانب الي في بوظبي ماتشوفينهم مستقويين شرات الي هنه
هنه مسوين لهم راس

صحيح نحن مانقدر نرجع ورا ولا حتى نبا نرجع
نبا دولتنا تكون متطوره ومتحظره
بس في المقابل اوضاع المواطنين لازم تتطور بعد
مب نحن عايشين ومرتاحين وكل الي نباه نحصله
وغيرنا من عيال هالبلد مب قادرين يؤمنون الأشيا الاساسيه

الله المستعان

ترا يقولج الكلام يجر بعضه :icecream:

تسلمين عاد بصدق عمري :blush:

بس على فكره دبي بعد فيها فرص كثيره تخلينا نحن المواطنين ننتج فيها .. بس يبيلها حد ذكي وسريع البديهه عشان يستغلها! في بوظبي يشملون الكل لان التركيز من ايام الشيخ زايد مصبوب في تنميه ثروه الانسان!

في بوظبي من ايام زمان قبل كل مايصير هالتطور كانت متركزه على المجتمع والاسر وهالشي نفتقده في دبي من استوت والاجوائنا كلها تجاريه :redface:
في دبي الي يستحق بيثبت نفسه .. في دبي محد بيترياك وبياخذ باييدك ويعلمك لان كلن يغني ورا ليلاه. . .

بس مثل ماكنت اقول في كل ردودي القبليه المواطنين وايد برع صوره كل المشاريع والتطور الي صاير.

نحصل الاجانب يعرفون اكثر عنا في بلادنا.. حد بيقول كيف؟ اقوله ان النظره المستقبليه كلها عباره عن كيف "نوصل للعالميه ونكون احسن ناس" .. فتحسون ان التسويق كله ماثر على اتجاه التطور (او العكس) ..

وهذا هو السبب المسؤول عن الفجوه الكبيره الي صايره. ثقافه و هويه المواطن بعيده كل البعد عن التطور السريع الي انمر فيه. عشان جي من الصبح اقول لازم تكون في برامج معده خصيصا لامراتيين .. برامج تشجيع .. براج تخليهم قادرين انهم يستوعبون ..

مايصير تقول حق امي مايعرف الكتابه والقراءه انشئ مقال للنشر في جريده اليوم صح ولالا؟ :wink: لازم تعلمه وتشجعه و تقويه من كل الجوانب

فالجامعه درسنا عن عالم نفساني اسمه ماسلو و كان الشعور بالامان من اكثر الاشياء الي اي انسان يطلبه في العيش ..
الشعور بالامان ما بنحس فيه الا يوم بنحس بان نحن قادرين نواجه التغيرات ونحن نحن اكثر كفاءه من هالاجانب الي يايبينهم يخاذون من بلادنا الخير وهذا كله يتطلب توعيه وتطوير

مايصير في هالدوله الي مصنفينها من بين اغنى الدول و اكثر الدول "غلائا" تعطي عشر تالاف ولا عشرين الف كمعاش للمواطن وتتوقع منه انه يعيش جنه ولاشي صاير! حتى ثلاثين الف بالكاد تسد حق عيشه يستهلونها عيال بلادنا هم وعيالهم ..

الموضوع هذا مطروح لان صرنا بعد ماسمعنا عن هالقصص الحزينه نسال عن اهميه وجودنا في بلادنا و عن قيمه الهويه الوطنيه في بلادنا بالنسبه للحكومه .. وكلنا نعرف ان الشيوخ والحكومه مب مقصرين .. بس المسؤولين الي لهم صوت ونفوذ ولازم يبذلون جهد اكبر في حق المواطنين .. واذا في حد بينلام فهم الي وي الشيوخ لانهم يشوفون مشاكل جدامهم تنطرح بس مايوصلونها ولا الشيوخ يبون الخير لكل حد و مايقصرون بالعكس من ايام اول كلنا نعرف انهم هم اهل الخير :wink:

شخصيا اقول من ايام اول كلحد يعرف ان بيت الشيخ سعيد هو بيت لكل اهل دبي ..

=)

وحي القلم

05-01-09 ||, 10:50 PM

^أها.. مشكوره و عن مواقع الجرايد حتى أنا ماداني أفتحهن P=

بنت الدلع

07-01-09 ||, 07:46 PM

تحفه
ماشالله عليج
وايد احس انج عقلانيه في كلامج

نحن خذنا في مادة الدراسات الاسلاميه عن أزمة الهوية الوطنيه
وكانت مناقشه جدا حاميه
النقاش كان على شكل مناظره
مجموعه تؤيد ومجموعه تعارض يعني تقول نحن ماعندنا ازمة هوية في بلادنا
والأقليات هي شيء تندرج تحت ازمة الهويه

(يعني على سبيل المثال في سوريا السوريين العرب هم الاكثريه اما الأكراد هم الأقليه)
وهالشي ينبطق على دولتنا/ اذا في اقليه بيكون في ازمة هوية

الشيوخ ابدا ابدا مب مقصرين
بس المشكله مثل ماقلتي في الي يشتغلون تحتهم
هم الي ماينقلون كل مشاكل الشعب لهم
وانا ما اختلفت معاج، دبي تشجع الواحد انه يستثمر واذا انتي عندج الفكره بياخذون فكرتج وبيطورونها
وبيتمون معاج لين ماتوصلين للشي الي كنتي تبينه
بس طبعا مب هني المشكله

===

همس الوجود
تعرفين اظن هالشي يعتمد على المكان الي تقدمين فيه
اعرف وحده ماشالله عليها وااااايد شاطره درست برع هندسة جينات
ويت هنه في البدايه شغلها كان عادي واقل من مستواها
يعني مب هالمكان الي المفروض تشتغل وتنتج فيه
بس بعدين قدمت مكان ثاني والحمدالله الحين شغلها وايد حلو ومقدرين شهادتها