البنــــات .. [الأرشيف] - -:: واحات بن دبي ::-

مشاهدة النسخة كاملة : البنــــات ..

المقاتل

19-12-08 ||, 02:22 AM

:woot: طبعــــا اليوم يايــب وياي موضوع ممكـــن يسبب حرب عالميـــه 3 .

اول شي " :2: " Every body .. ونرحـــب فيكم ويا هلا وسهلا ومرحـــبا ملاييــــن .. معكم مقـــدم الموضوع " بوسنيده " .. ومعنـــا ضيـــف الحلقـــه " اعضـــاء الواحات " :12: والمشـــاهدين الأعزاء من كل مكـــان .

أولا وليس اخيرا يايب وياي موضوع " ساخـن " أو " حار جدا " .. وعنوان الموضوع " البنــات " أنا أتوقع ان البنــات أول شي راح يحدرون عطــول كوني :woot: طرحــت عنوان غريب " البنـــات كل وحده بيشتت انتباههــا وبتيود نفسهــا وما بترمس ربيعتهـــا قبل ما تدافع عن بني جنسهــا :k_devil2: . وانا أعترف اني بكون مع فريق الشباب بطبيعــة الحـــال :vampire:. وبصـــدق فالنهايــه ما أعرف شو بتكون النتيـــجه شي لصالح شبابنـــا المساكين ام للبنــات :k_devil2: << هع هع .

الســـؤال يقول :

لو تلاحظــون ولو تركزون أن في أغلب الادارات أو المؤسســات .. يتواجد فيهــا العنصر النســائي أكثر وبكثيـــر من تواجد العنصر الشاب .. يا ترا شو هوه السبب ؟ هــل لأننـــا ما ننتـــج ؟ أم لأن نحن ما ننتــج كثر انتـــاج البنــات ؟ أم لأن البنـــات شطار أو متميـزين ؟ شو هوه السبب .. منو يعرف .. منو بيكتــب لنـــا الـ reasons .. منو بنورنـــا بأفكـــاره ؟؟

حقيقــــه :

أغلب الشباب متواجديـــن في الميالـــس .. يلعبون ورقـــه .. ونسبة البطاله للمواطنين بنسبة 49 % .. و الكثير منهم متواجدين فالسجون للـتعاطي بالمخدرات .

سؤال آخــر :

- هل لو حطوا الشباب بدل البنات في الهيئات الحكوميه وغيرهــا .. كان بيعتــدل الحـــال .. هل نسبة الزواج بترتفع ؟ هل نسبة المواليد بترتفع ؟

- ترا .. البنـــات شو يسوون في المصروف الي يحصلونه ؟؟ يعني بشكل عام ؟؟

والاسئلــــه لهـــا بقيه .. ونتمنـــــــى تواصلكم معــــانا .. وبنظري الموضوع يستـــاهل انكم اتشاركون ونتمنـــى ما تاخذون الموضوع بمحمـــل شخصي ولكـــن اتمنى انكم تاخذونه بجديّــه وبنقــــاش تصل حرارته لزوار الشبكة العنكبوتيه .. !!

أذكّـــر هذا السؤال مش للبنـــات فقـــط .. للشباب أيضــا.

هذا ولنـــا عوده ان شاء الله ،،

بوسنيده .

تحفه

19-12-08 ||, 03:58 AM

حاط دوبك ودوب البنات ليش! p; نحنا اطورنا بندش الفين وتسعه جريب ونته بعدك اتناقش سالفه بنات و اولاد p;

١- الاولاد عندهم وايد اهتمامات يتابعونها .. البنات ماعندهم غير البيت والشغل او الجامعه و الشوبنغ لول لكن الشباب فالمقابل عندهم هاوايات وسفرات وطلعات ويلسه الميالس و المغربيات كح كح لا لا اقصد هوش وبقر ووو وو مابنخلص

٢- اكيد بيعتدل الحال .. مايستوي الحكومه تستفيد من الذكور بس لانها بتخسر طاقات انتاجيه مهمه من النساء و المسئله مش عن ذكر و انثى .. السالفه سالفه ان الحكومه لازم تستوعب الطاقات البشريه كلها عشان تطور !

٣- البنات بيستثمرون بيزاتهم في الاشيا الي يحبونها شواء فلشوبنغ ولا اي شي ثاني .. هالزمن مافي شي مضمون .. ولازم البنت تضمن نفسها بنفسها .. محد يعرف الزمن شو يحمل لنا .. لازم البنت تشتغل تحسبا لضروف الزمن
زمان اول كلحد يداري عن الثاني .. بس هالزمن ثلاث ترباع الناس ماهمهم الا نفسهم!

المزوحي

19-12-08 ||, 10:04 AM

ثرهم الشباب باجين؟؟؟ وايدين توفوا بسبب الحوادث، الله يكفينا الشر ...

ولأنه البنات أكثر عندنا في البلاد فتحس إنه موجودين في اغلب الدواير، ومن غير الشباب اللي تطريهم

متورطين بالمخدرات ... الخ

عندنا شباب في الدوام الله يهداهم، كله يتسربون من العمل، أنا بنفسي ما أشوفهم إلا من شهر لشهر، يعني

في الشهر يداومون 10 أيام

فيوم تدخل عندنا تلاحظ العنصر النسائي غالب، والشباب يدورون برع، يعني ما كفته هالحركات أيام الدراسه !

اماراتيه وافتخر

19-12-08 ||, 07:26 PM

للاسف اخوي بو سنيده لازم يتغير عنوان الموضوع من البنات ... الى ... هيازة الشباب ..

بالفعل مثل ما قال المزوحي ترى الشباب محد يشوفهم يتسربون من الدولم ويروحون اماكن ثانية بس عشان يطوفون الوقت بس البنات اشوفهم من النوع اللي يتحملون المسؤولية انا ما اقول انه كل البنات جي او كل الشباب بس معظهم جي .. و بعدين الشباب عمرهم ما فكروا و الله انا زميلي خلص له 3 معاملات انا بخلص شراته ما يقول انا بخلص اكثر عنه للاسف ما في طموح و لا مسوؤلية و بعدين الاحصائيات اثبتت انه مقابل 8 حريم في بس ريال و احد:k_shock_1:

ملاك الروووح

19-12-08 ||, 11:47 PM

السلام عليكم ..

:

ماشاءالله اللي قبلي كفوا و وفوا ..

وشرات ما قال المزوحي .. نسبة الذكور عندنا في البلاد أقل من الاناث اصلا ..

وسبحان الله من يومين أسمع الشباب ويانا في الدوام يرمسون ويتحرطمون

اونه بيسوون انقلاب :boxed:

قلت لهم ليش ؟ شو مستوي ؟

اونه انتوا عددكم اكثر عنّا بواااااااايد ..

وفعلاً لاحظت عقب انه عددنا ضعفهم تقريباً حتى عند قوم خواتي في الدوام ..

معظم الموظفين .. من الجنس الناعم .. :14:

ف اتفاجأت بموضوعك اليوم لول ..

:

وبعدين أحس في الوظايف اللي تتطلب جهد بدني ... بتلاقي معظم الموظفين من الشباب ..

يعني مثلا ف دوبال ولا ادنوك ولا اي مكان ثاني شرات هالاماكن

بتحصل فئه بسيطه من البنات ..

لأنه الشغل هذا ما يناسب طبيعتنا :h_daleel: ..

عشان جيه معظم الوظايف المكتبيه تحصلها حق الحريم ..

:

بالنسبه للراتب ..

مادري ليش الكل حاط ف باله انه ما عندنا التزامات شرات باجي الشباب ..!

انا عن نفسي بقولك شو أسوي ف راتبي ..

1400 قسط موتر أبوي .. اللي خذنها هديه حقه ..

1000 أساهم في ايجار البيت ..

1500 قسط الاثاث ..

1000 حق الوالده ..

500 حق اختي اللي في الكليه ..

و أعطي اخواني احيانا ..

يوم نروح الجمعيه مستحيل اخلي ابوي يدفع ..

هذا غير فواتير تيلفون البيت والنت .. انا أدفعهم ..

اممم شو بعد .. :14:

الحالات الانسانيه اللي في فرنسا :biggrin: ..

واللي يتم لي من الراتب ..

أدفع فيه فاتورة تيلفوني اللي صكت الـ 3500 الحين :9:

وحق الشوبنغ ..

واتم على بساط الفقر لين اخر الشهر لووول :biggrin:

::

نحن عندنا ف مكان عملنا ..

واااااااايد شباب خطبوا زميلاتهم ..

:h_daleel:

يعني نسبة الزواج ارتفعت صج :biggrin:

او خطبوهم بس ما استوى نصيب للاسف :14:

لووول

ف أحس ف بيئة العمل المختلطه هاي .. نسبة الزواج تكون أكبر بين زملاء العمل ..

ونسبة الانحراف بتكون كبيره بعد :glare:

لوووول

:

لي عوده للموضوع

وايد أسئله انت حاط ..

يبي لها تعمق :14:

المقاتل

20-12-08 ||, 12:58 AM

هلا هلا والله بتحوووفة الواحات ( تحفه ) .. :k_santa_1: والله وبحســن نيّــه انا هب حاط دوبي فدوب البنـــات .. بس أمسات كنت اتناقش ويا الشباب .. وكل شخص أبدا رأيــه وبحراره عن موضوع الموظفـــات وكيف ان الموظفـــات ياخذون الكثير من المناصب وكيف انهم سبب في بطالة الشباب .. انا ما اقول ان هاي الآراء انا طرحتهـــا بالعكس هذا كلام الشباب .. وانا شفته مناسب فطرحته كونه موضوع جميل وحساس و حتى اني انا ممكن استفيد منه .. ولا شورايكم ؟؟ :b050: وصحيــح اننــا نحن بندش 2009 بس لاحظت ان الناس لازالت تتناقش في مثل هالمواضيع .

:shutup: وبصراحه كلامج فيه شيء من الصحــه .. واعتقـــد وبالمختصر المفيد انتي تطرقتي إلى ثلاث نقــاط جميله .. وهيه اهتمام الشباب و استفادة الحكومه من القدرات الموجوده عندها و أن البنــت تثبت وجودها كجزء من الجتمع وو انها ما تدري شو راح الزمــن يسوي فيهــا .

بعد بسم الله .. اول شي ترا الله الحـــافظ .. يعني جيه ولا جيه ان شاء الله ما بيصير في البنت سواء اشتغلت او ما اشتغلت إلا المكتوب .. هاي نقطه .. والأخرى ان نحن كمجتمع اماراتي ولله الحمــد لازلنــا متمسكين بعاداتنا وتقاليدنا ان البنت ما تعيش روحها مثل حياة الغرب ( ولا غلط لو علط صلحولي يمكن تغير واقع الحال ) يعني .. ان هناك عائله لابد وانها تشيلها ( يعني لها سنــد ) ما اعمم وأقــــول كل الفتيات اقول الاغلبيه العظمى .. وبصراحه توني فكرت بنقطــه أخرى وهيه المرأه الي شايله عايلتهــا بنفسها .. يعني تشتغـــل من اجل انها تعيـل عايلتهــا هاي حاله مستثنــاه يعني نقطــه لصالحكم انتوا ..

والنقطه الي ضدكـــم .. هل كل البنات ممكن يفيدون الدايره الي هم يشتغلون فيهـــا ؟ :birgits_giggle: مادري ليش احس ساعات انهن يغارن من بعض ويسوون مشاكـــل :a046: .. والي اييبون وياهم مشاكلهم في البيت الى الدوام .. :a0360: ولا الموظفه الفلانيه مزاجههــا الله اكبر .. ما بتخلص المعامله ..

بالنسبه للنقطتين الي ذكرتيهن فكلامج صحيح .. لي عـــوده :6:

ملاك الروووح

20-12-08 ||, 07:38 AM

مادري ليش احس ساعات انهن يغارن من بعض ويسوون مشكلات :a046: .. والي اييبون وياهم مشاكلهم في البيت الى الدوام .. :a0360: ولا الموظفه الفلانيه مزاجههــا الله اكبر .. ما بتخلص المعامله ..
\

^

في هاي معاااااااااااااااك حق ..

اي مكان فيه بنات تأكد انه فيه .. غيره وحسد وفتن ومشاكل .. ونفاق ..

لكن لاحظت انه حتى الشباب اللي عندنا في الدوام استغفر الله استووا اخس عن الحريم

ينقلون رمسه .. وفلان قال وفلانه سوت ..

ويزعلون ومادري شو !!

شو هالمنكر بعد !!

يعني في بنات بصراحه ما يخصهم ف حد ..

ولا يحبون يسوون مشاكل ولا يدورون عوار الراس

بس بعد الواحد مايسلم منهم ولا من رمستهم ..

الااااااااا يطلعون شي يرمسون عنه !!

الله يعينا بس ..

المقاتل

20-12-08 ||, 06:08 PM

ويا هلاااااا والله بـ المزوحي .. عاااش من شافكـ ياخي .. :shutup: ما بغيت تحدر عنـــدنا يا ريــــال .. اقرب اقرب .. :k_santa_1: بصراحه الشباب الحمـــــدالله ينشاااافون .. سر البداير وشوفهم ولا عوافي ولا شوفهم فالبر .. مكثرهم ماشاء الله .. الله يزيد ويبارك :1: نحن قلنــــا فئه من الشباب هم المدمنين بس مش كلهم .. القصــــد ان شي شبــــاب هب ماشي .. وبالنسبه لهاييـــل الي يداومون 10 تيام فالشهـــر هايييــــل لازم يحيلونهم للجنه الـتأديبيه عسب يستنعون ويردون يشتغلون .. او .. يطلعون قانون صارم بالنسبه للغيابات .. ( جذه صدقني بيتأدبون .. ) ترا شوف بقــولكـ .. الهيازه هالأيام منتشره .. مثل الوباء .. :k_busted_cop: أدبهم بيصطلبون .. والا شو مخربهم غير الدلـــع .. :fa52: امســـات والله ارمس حد من الشباب قالي تعرف منو " حمدان برتش " قتله هااه .. منو هاه .. قالي واحد .. من شفته اعوذ بالله .. هاه لو يعدمونه بيفكون العالم من شكله ..

القصد .. ( الحمـــدالله شبابنــــا موجودين .. ولا كيف يقولك 49 % نسبة بطالة الاماراتيين ؟؟ + لو يحطون قانون للشباب للـي ما يلتزم بدوامه يدخل تجنيـــد اجباري :fa42: بتشـــــــوف الدواير كلها شباب هههههه ) .

:surrender: دامك حدرت .. بسألكـ سؤال .. شو ميزة الشباب لو يشغلونهم ؟ يعني شو ممكن ينتجون ؟

وللجميع ليش ما ياخذون الناس الي عندها شهادات اعداديه ويطورونهم .. !!

:fa52: احس وايد في طاقات ما تستثمرها الحكومـــه .

وحي القلم

20-12-08 ||, 06:43 PM

السلام عليكم

كنت أبى أكون من المتابعين بس .. لكنه ردك هذا خلاني أحس أني لازم أشارك :fa56:

والأخرى ان نحن كمجتمع اماراتي ولله الحمــد لازلنــا متمسكين بعاداتنا وتقاليدنا ان البنت ما تعيش روحها مثل حياة الغرب ( ولا غلط لو علط صلحولي يمكن تغير واقع الحال ) يعني .. ان هناك عائله لابد وانها تشيلها ( يعني لها
سنــد ) ما اعمم وأقــــول كل الفتيات اقول الاغلبيه العظمى

أولا.. أنا مب من مؤيدين فكرة أنه الحريم يشتغلن و الرياييل ييلسون فالبيوت :fa46:

بس هذا مب معناته أني أعارظ شغل الحرمه

و الكلام اللى انته قلته كان ممكن أني أقول لك أنه صح قبل كمن سنه.. بس للأسف واقعنا تغير

بالنسبه للحرمه المعرسه إذا كان ريلها متكفل بالصرف كله.. فـ هاي تيلس في البيت أحسن

بس إذا الريال مب من النوع اللى يصرف.. أو أنه معاشه بسيط بتضطر الحرمه أنها تشتغل

عشان تسد حاجتها خصوصا ويا هالغلا>> و من اللى أسمعه بديت أحس أنه نسبة هالفئتين كبيره للأسف :sad:

ولا إذا كانت مب معرسه.. صح أنه عندها أهل يصرفون عليها.. بس لين متى؟؟

يعني لا قدر الله إذا استوا بامها و ابوها شي تراها بتعتمد على اخوانها

و يوم بيعرسون اخوانها و بتزيد مسؤولياتهم يمكن أنها تحس بانها عاله عليهم.. ولا يمكن ينسونها بعد

فـ ليش تخلي عمرها تحت رحمة فلان و علان و هي تقدر أنها تصرف على عمرها؟

عمة العيم

21-12-08 ||, 11:12 AM

انا احس لان البنات يتبرظون عدل يعني يسوون او يكملون الشغل على اكمل وجه و مايستهينون في ابسط الاشياء و يدققون كون طبيعة المرأه حساسه و ضميرها يأنبها لو ماسوت شي و تخاف و و و و ..... إلخ

ووووو المعاش كله في الشنطه و العبايات و الهدايا (للمب متزوجه)

أما للمتزوجه في وايد حريم محتاجين هالمعاش حق عيالهم و و و و....

و في حريم رياييلهم مايعطونهم مصروفهم يعني يبخلون عليهم فـ يضطرون يشتغلون عشان يصرفون على اعمارهم و الناس ماتشوف مظاهر التقشف و البخل عليها....

في وايد فئات.....و لا تنسى انه اصلا نسبة الإناث اكثر من الذكور.... هذا الشي يلعب دور بعد....

و انا اقول الحريم ييلسون في بيوتهم احسن و ابرك لكي تظل انثى رقيقه تحافظ على بيتها و عيالها.... اللي اعرفه ان الحريم في الشغل كل وقتهم يشغلونه في النميمه و الكلام الفاضي و الظرابات ههههه.... و الحسد و الحقد....يعني مايخلون حد في حاله.... (عشان جي اكره الحريم احم هخخخخخخ)

المزوحي

21-12-08 ||, 09:35 PM

هلا

هو ممكن يوظفون شباب لكن مل تلقى حد على الكرسي، تخيل بس !

مرات أقول خلاص بستوي مثل الشباب اللي يداوم 10 ويظهر 12 واليوم واحد منهم شفته الساعه 8 وعلى الساعه 12

قال بيباي ... في خاطري اعرف منو يختم له ؟؟؟

بزخ اي هندي وبعطيه 100 ربيه في الشهر بخليه يختم لي

وحي القلم

21-12-08 ||, 09:42 PM

اللي اعرفه ان الحريم في الشغل كل وقتهم يشغلونه في النميمه و الكلام الفاضي و الظرابات ههههه.... و الحسد و الحقد....يعني مايخلون حد في حاله.... (عشان جي اكره الحريم احم هخخخخخخ)

اندوكم انتو :fa56:.. عمة العيم خلج في فريقنا أحسن :tounge:

.
.

بس جانكم تبون الصدق.. كلام عمة العيم صح

لاني لاحظت "في مجال الدراسة" أنه المدرسين الرياييل وايد أطيب و أحسن عن الحريم.. فيهن نحاسه :10:

عشان جيه ماداني الحريم ايدرسنّي :fa46:

بنت الدلع

21-12-08 ||, 11:58 PM

موضوع ساخن الصراحه
ماقدرت اخطف بدون ما اوقع

الحرمه لو تزوجت وشافت ان ريلها يقدر يعيشها، تيلس في بيتها واااايد احسن لها
تهتم في جمالها، وأناقتها، وأنوثتها، ورقتها، وريلها، وبيتها، وعيالها، .. والخ
شلها على نشة الصبح وعوار الراس
وغصة الزحمه

وبعدين حلاته الريال يرد البيت ويشوف حرمته جدامه تستقبله
والبيت مبخر والغدى جاهز

مب ايي ويلقاها بعدها مب واصله
ويوم توصل تعبانه وهلكانه
وماتقدر تجابل عيالها وادّرسهم

يعني هذا لو الريّل مقتدر
اما لو هو مب مقتدر فشو تسوي يحليلها لازم تشتغل

=====

بالنسبه لأسئلتك
كوني بعدني طالبه ومادخلت بيئة العمل فما بقدر اتكلم من خلال الخبره
ولكن بتكلم من خلال الحريم الي اشوفهم حوالي

بنظري ان الحرمه تسوي شغلها وتخلصه وماتخلي اي صغيره الا وتصلحها
لان الإناث بشكل عام دقيقات في العمل مثل ماذكرت احد العضوات قبل
فتشوف ان اغلب الدوائر يفظلون الحريم لانهم احرص في الشغل من الرياييل

- كيف يعني نسبة الزواج بترتفع لو حطوا شباب !!
ترا الشباب اوريدي يشتغلون
صح منهم البطاليه
بس بعد من ظمن هالبطاليه في منهم عيال عز ومب محتاجين للشغل
بس ليش مايتزوجون ؟؟ لان البنات مصخنّها الا تبا عرس في مادري وين الا تبا فستان مادري بكم
الا تبا 5 ليالي ... والخ من المطالب الي ماتخلص

بس اذا اعتدل حال الشباب (الي حالهم تعبان) ورقّوهم وعطوهم معاشات تعيشهم اكيد بيعرسون لان مابيكون قاصرنهم شي

وشكرا على هالموضوع الجميل
اذا في عندي اي شي ان شاء الله بزوركم بعدين الحين الوقت اتأخر p=

بنت الدلع

صريح

22-12-08 ||, 09:30 AM

أنا بختصرها عليكم

و من خلال قربي للموارد البشرية و عندي فكره عن هذا القسم
السبب الرئيسي لتفضيل الادارات للعنصر النسائي

اهم شي الوساطه في كل شي و هالشي محد يختلف عليه

الغالبيه ممكن تقول انه اختيار البنت يكون عساس الشكل و الجمال ..
صح هالشي موجود بس بنسبه 10% و اقل

السبب الرئيسي لختيار العنصر النسائي هو الاستقرار بكل بساطه

البنت يوم تحصل وظيفه 95% اتم فالوظيفه و ما تغيرها "قنووعه"
و اللي تلقاها غيرت وظيفتها يكون هذا الخيار الاخيير بنسبه لها بسبب المشاكل او سبب قهري مثل ما يقولون ( طفح الكيل )
بعكس الشباب اللي ممكن يتنقز من وظيفه لوظيفه كل ما يحصل اوووفر احسن حتى لو كان الراتب 1000 اكثر

صعب على كل اداره توظف شخص يدي كل يوم و اتعلمه و ادربه ع الشغل من اول و يديد
و هذا اهم سبب انه الادارات تفضل الحريم ع الرياييل بكل بساطه

و
:m_mar7ba:

ذنـيـنـي

22-12-08 ||, 03:18 PM

^

لا تقولي انك كاتب ردك من الدوام ؟؟

ايه احبك

22-12-08 ||, 03:55 PM

موضوع جميل جدا جدا ...
صح كلام صريح نحن نميل للاستقرار اكثر
بس انا بقول من وجهة نظري لنقطة يمكن مب وايد واضحه واكيده
انه لو نظرنا الي اغلبية العاملات الي مب متزوجات يمتلكون القدره على العمل بكفاءه احسن باضعاف من الرجل العزابي او المتزوج عشان بتلاحظ الاغلبية عندهم وقت فراغ و تفرغ وصدقها تحفه البنات قله ما يطلعون يعني مب بشكل يومي للترفيه مثل الشباب بس من يعرسون مستواهم يقل وبشكل ملحوظ في احس انه صح لو الدوائر تفضل الحريم اكثر عن الرياييل بس احس بعد يفضلون الي مب معرسات على الي معرسات
بس قي طريقه انه نحل مشكلتكم يا ريايل بانه لو حبسنا الشباب عن العالم الخارجي الوصخ جان بتتحقق عدة انجازت XP
مثلا بنقضي على العونسه هيهي والطلاق وجرائم وتفكك الاسر والخاينات الزوجيه وبتم القضاء على البويات والزيزات والعياذ بالله
وبنخرج رياييل شرات اول قد المسئوليه في الدوائر والمؤسسات والقطاعات الشامله
--
عيب مجتمعنا هو رجاله لو يتغيرون كل شي بيرد للأفضل والاحسن
ما سبيت حد XP بس القيت الخطبة لووول

صريح

22-12-08 ||, 08:13 PM

ذنيني

كنت اكتب و انا يالس اتريق بعد لووول
:a033:

ذنـيـنـي

22-12-08 ||, 10:20 PM

صريح و ليش مانعين عنا المنتديات
ولا حلال على مال الاي تي و حرام علينا

انا عصبت خلاص بقدم استقالتي عشان الواحات p=

الاسطوري

24-12-08 ||, 04:20 PM

موضوع جميل .. بس مااتفق ويه صريح يعني احس مافي قاعده نقدر نعممها على الجميع يعني مب كل الحريم من النوع اللي يستقر ولا كل الرياييل من النوع اللي يتنقل على حسب الشخص والبيئة ونوعية الشغل .. الخ، مثلا احد الاقسام عندنا في الغالب يوظفون بنات مع انهم ذايقين الويل منهن يعني تلقاهن كل كم يوم وحده طالعه اجازه على اتفه الاسباب مره ضفرها يعورها مره عينها وارمه من السهر ومره مزاجها متعكر ومره يدة ام بنت خالة اخو ربيع عمها مريض او على فراش الموت فهي لازم تواسيهم وترقد في البيت غير عن اللي توه انخطبت واللي بتملج او اللي توها معرسه او اللي بتربي فتلاقي القسم فاضي يتناوبون على الغياب والاجازات عكس الشباب اللي ماتشغلهم مثل هالامور حتى لو حرارته تدق 45 يداوم << لا جيه وايد بالغت يعني اقصد الريال يمشي مايتدلع من البنات على كل شي والواقع اللي انا اعيشه هو اللي خلاني اشوف هالموضوع بالمنظور هذا

مــهــابه

25-12-08 ||, 10:13 AM

يقـولون أهـل مكـه أدرى بشعـابهـا ، وبحكم أني ماعـرف بيئـة الشغـل والدوام عـدل

مـنوه أكثر ومنـوه أقل

بس قبل أسـبوع وفـ غـلف نـيوز ..

كـانوا يـتكلمون أنـه " فـ القطاع الخاص يعـانون من قلة المواطنات "

وكانـوا يدورون حل لـهالمشكلـه ،

وكانوا حاطين نسبه وفعـلاً النسبه قليله جـداً . . .

شمعة أمل

25-12-08 ||, 10:15 PM

لتصحيـح المعلومـه
في الامارات نسبة الريـايل أكثر عن الحريـم، لكل حرمه أربع ريايل!
لكن اذا بنرمس عن المواطنيـن، وهالموضوع ماحدد.. فـ لكل ريال ثلاث حريم

وبمـا انه الريايـل أكثـر، فـ مافي سبب يمنعهم يكونون أكثر من الحريم في المكاتـب:)

الشي الى انا لاحظتـه
انه البنـت في هالمجـتمع تعاني وايد. أذا مب من ربيعاتها، من أهلها، إذا مب من أهلها، من المجتمع ككل! أحس انه صعب على البنت انه يمر عليها يوم كامل وماتسمع جملة" وكلاااام النـااااااااااس؟!؟!؟!؟!؟!"
البنت في هالمجتمع لازم تضحي بوايد أشيـاء عشـان تقدر توصل لـ مركز عالي في المجتـمع، اذا بنرمس عن الحريـم المتوفقات! بتحصل ناس يشتمنوها ويذمونها في البدايه، بس آخر شي يوم تنجح بتحصـل المدح و"المصـلحه".
مجتمعنا اناني بحد ما، كلحد يدور مصلحته، واذا البنت تبا تنجح، لازم تضحي!
واذا تشوفون برامج إعداد القاده، الأغلبية بنات!!

فـ عشان جي إذا الشركات يميلون على انهم يوظفون الحريم، فـ هذا هو السبب!
لانه البنت اظطرت تعاني وتضحي عشان توصل لمركزتها. والبنت طبيعتها تحاتي يا تسوي شغلها صح 100% يا ماتسويـه. والبنت بتسهـر على شغلها وبتداوم في الويك اند وبتعطي وقتها وبتنسى أهلها لـ شغلها، عكس الشاب الى عنده اهتمامات أخرى.

بس بعد هذا مب معناته انه الريايل مايضحون بشيء

تـ ق ــهـويــ ت ـك ولـهـ~

25-12-08 ||, 10:41 PM

السلام عليكم ورحمته الله وبركاته ..

احم احم ..^^

اولا ,,,تلسم بو سنيده ع المو ضوع ,,,

ثانيا ,, اناا الصرااحة انسانه عندي اعتقاد في باالي واناا ما اعتقد اغيره ,,

المهم .. ماهوو هذا الأعتقاد الذي أومن به..

هو ,,, انه الأسلام اعز المرأه واعطاها حقووقهاا قبل كل شي وقبل اي حد

وهااذيل الي قوولون حقوق المرأه وماادري شووه ..خراطين

هذيل ماايسموونهم مدافعين عن حقوق المرأه هاذيل يسمونهم هاادمين أنوثة المرأه

تعرفوون ليش ؟؟؟!!!.....

لأنه خلو المرأة مثل الرجل تتعب وتركض ادور شغل وتروح منيه ومناك وتهمل بيتها وعيالهاا ..

""لاحد ايي ويقوولي عاادي ترووم توفقك بين بيتهاا وعيالها وزوجها.. وشغلهاا""

بعدين نحن ياا النساء المسليمات الله عزنا واكرمناا وخلناا مثل الأميرات والملكات نيلس في بوتنا ونرعاا عيالنا وأزواجناا

انتم تعرفون انه نسااء الغرب يحسدوونا نحن يالمسليمات ع هاا الشي

تعرفون انهم يقوولون ياليتنا بدالهن هن يالسات في بوتهم مثل الملكات ونحن نركض لمساواة الرجل في الحقوق وفي الأخير نحن الخاسرات لأنه باتو ينضرون إلينا كالرجال ...ونسوووا انوثتناا التي ضااعت ونحن نبحث عن المسواه مع الرجل في ميادين العمل

في الاخير اقوول لاتنسوووا أنه الله جعل القوامه للرجال

ونحن يالحريم بس نيلس في البيت نطيع ربنا وزجنا ونربي عيالناا

وماعلينا من شي ثاني..والزوج الي هو الرجل .. هو عليه انه يصرف ع البيت ويحميناا ويؤمن مستقبلنا

اووه .. تعبت واناا اتكلم.. خخخ ..((عاد اونه :tounge: ))..ههه

تقبلوو مروري .. أختكم ..ﺧﻟﮱ معي (http://www.oasis.bindubai.com/bin/member.php?u=9546)

وشكرا...^^

تـ ق ــهـويــ ت ـك ولـهـ~

25-12-08 ||, 10:45 PM

ويعني بالعربي ...

يالحرمات لا تروحن تشتغلن .,,, ^^

خخخخخخخ

بس والله موو حلوو اتعب عمري وانكرف عاان شوه عشاان بس استلم أخر كل شهر كمن ألووف

ايلس في البيت وباباتي الله يطول عمره يصرف علي ..

ويوم بروح بيت ريلي هوو بيصرف علي ليش اناا اتعب عمري .. التعليم وتعلمته ليش اشتغل ..

ان حدتهاا الظرووف المرأة تروح تشتغل

وبث هااألي عندي .. ^^

تـ ق ــهـويــ ت ـك ولـهـ~

25-12-08 ||, 10:47 PM

وخلوو الشباب هم يشتغلون وينكرفون .ز ويتحملون المسؤليه

وانتن يالبنات يلسن في البيت .. وانشااء الله تعرسن

لأنه أغلب الشباب ماا يحبون حريمهم يشتغلوون .. ^^

ادري واايد هذربت بس شووه اسوي عيبني الموضووع ....خخخ^^

بدويه متحضره

26-12-08 ||, 09:52 AM

فديتني غير

08-01-09 ||, 03:01 AM

:10:ههههههههههههههههههههههه ههههههههه
ههههههههههههههههههههههههه ههههههههههه
ههههههههههههههههههههههههه ههههههههههههههههه

ترانيم الغلا

24-01-09 ||, 12:05 AM

الســـؤال يقول :

لو تلاحظــون ولو تركزون أن في أغلب الادارات أو المؤسســات .. يتواجد فيهــا العنصر النســائي أكثر وبكثيـــر من تواجد العنصر الشاب .. يا ترا شو هوه السبب ؟ هــل لأننـــا ما ننتـــج ؟ أم لأن نحن ما ننتــج كثر انتـــاج البنــات ؟ أم لأن البنـــات شطار أو متميـزين ؟ شو هوه السبب .. منو يعرف .. منو بيكتــب لنـــا الـ reasons .. منو بنورنـــا بأفكـــاره ؟؟

أناا معاااك في ظاهرة انتشار العنصر النسائي في الادارات والمؤسسات ..
السبب هو من رأييي مب لأن الشباب مايقدرون ينتجون .. بالعكس بعض الشباب يقدرون ينتجون أكثر من البنااات وبعضهم اذكياء ويقدرون يتفوقون فشغلهم .. أتوقع السبب ان ألحين أكثر شي يعتمدون عالشهادات وخاصه الدبلوم العالي والبكالريوس .. وايد شباب يدخلون الجامعه ولا الكليه أول سنة ويظهرون خلاص ملينا نبا نشتغل وهم عندهم شهادة ثناوية .. والاهل مايقدرون يمنعونهم لأنهم شباب .. مب مثل البنت ألي تدخل الكليه وتطلع منها بسهوولة .. وايد أهل يصروون أن بنتهم تكمل وتاخذ شهادة عشان تشتغل وترفع راسهم .. لكن القليل منهم هالايام يمنعون بنااتهم من الدراسة فالكليه ..
أغلـــب الدواائر والمؤسسات يطلبون الشهادات ,, ولكن القليل يطلبون شهادة الثنااوية عشان مايعطونهم معاش مرتفع ..

حقيقــــه :

أغلب الشباب متواجديـــن في الميالـــس .. يلعبون ورقـــه .. ونسبة البطاله للمواطنين بنسبة 49 % .. و الكثير منهم متواجدين فالسجون للـتعاطي بالمخدرات .

والحقيقة أيضا أنهم ناس فاضيه ومب عارفه كيف تبني مستقبلهم .. يدمرونه بييدهم وعقب يندمون !! مهما ننصحهم يقولون نحن ريياااييل ونعرف مصلحتنا !!
الله يهديهم ان شاءالله ..

سؤال آخــر :

- هل لو حطوا الشباب بدل البنات في الهيئات الحكوميه وغيرهــا .. كان بيعتــدل الحـــال .. هل نسبة الزواج بترتفع ؟ هل نسبة المواليد بترتفع ؟

والله على حسب مطلب الشاب .. شي شباب يبون يشتغلون عشان يلعبون بفلوسهم ويتمتعون فحياتهم بزياااده
لكن أوااافق إذا كانوا الشباب صدق نيتهم انهم ايمعون بيزاتهم ويتزوجون .. بس حراام بعد يمنعون البنت من الشغل لانها مابتشتغل إلا وهي محتاجه تصرف على عمرها وعلى أهلها .. البعض طبعا ..

- ترا .. البنـــات شو يسوون في المصروف الي يحصلونه ؟؟ يعني بشكل عام ؟؟
انااا بقول بشكل عام والواقع إلي أجوفه جداامي مب عن كل البنات طبعا
يقولون :
أول ما أشتغل لازم أشتري سياره .. وبعطي امي وأبوي مبلغ حق مصروف البيت كل شهر .. نص المعاش طااار حق المشاري والحوااطه .. ويمعتلها كمن بيزه فالبنك حق الايام السودا .. وبس ^_*

والاسئلــــه لهـــا بقيه .. ونتمنـــــــى تواصلكم معــــانا .. وبنظري الموضوع يستـــاهل انكم اتشاركون ونتمنـــى ما تاخذون الموضوع بمحمـــل شخصي ولكـــن اتمنى انكم تاخذونه بجديّــه وبنقــــاش تصل حرارته لزوار الشبكة العنكبوتيه .. !!

أتمنى أني ما أكون ضايجت حد من كلامي ..
وشكرا عالطرح المميز أخوي ..

أذكّـــر هذا السؤال مش للبنـــات فقـــط .. للشباب أيضــا.

هذا ولنـــا عوده ان شاء الله ،،

بوسنيده .

بإنتظار القادم