الحجيه وصلت (^_^)

[عمة العيم]

السلام عليكم ورحمة الله وبركاته

بارحة امس الفير وصلنا البلاد الحمد لله

بعد عناء و شقاء في مطار الحجاج ( العزبه شوي اعلى مستوى من هالمطار يعني المطار ذكرني في المقصب وين يذبحون البقر)

المهم طيارتنا اخرت المفروض تطير 7 طارت 12 الحمد لله احسن عن غيرنا لا حول ولا قوة الا بالله

و يوم سرنا اصلا من مطار دبي المفروض نطير الساعه 3 العصر ... طرنا 12 فليل ههههههه عاد انا ماقصرت مطارنا غاوي سرت سويت مسااااج.......منكير بدكير في الصالوووون........اتشريت من السوووووق......اتغدينااااا.... ...اتعشيناااااااااا..... رقدنااااااا.... الحمد لله على النعمه مطارنا ماشاء الله عليه ماعليه كلااااااام

ماحسينا بالوقت

لكن مطار الحجااااااااااااااج لا حول لا قوة الا بالله.........سجن.......تقول مكان للحيوانات مب الحجاج....يعني انا قلت فخاطري والله عيب عليكم جي تستقبلون الحجاج في هالمكان الخايس....عالاقل حطوا قطعة اسفنجه عالكراسي لااااااااااااااااااااااء مول الكراسي يابسه تيبسنا وياه لا اله الا الله

الحمد لله على كل حال وصلنا بالسلامه ( اللي يقهر في الموضوع عقب ما خسنا في العزبه اقصد مطا رالحجاج.....يوم زقرونا دشينا الطياره.....اللي في الطياره وايد مسوين اعمارهم خايفين علينا كل دقيقه نرجو ربط الاحزمه و اغلاق الهواتف النقاله.....و يالله الفلبينيه واقفه تأشر و الريال يرمس طيحوا من هالباب لو الطياره تكسرت......ادربحوا من هالممر لو الطياره انفجرت....) لا حووووووووول مليناااااااااااااااا مليون مره يعيدون الكلام تميت اقول بس بس طيروووا فكوني طيحوا الطياره برايكم المهم نتحرك مليت طلعت روحي ابا ارقد....


يلا مابتحرطم اكثر هخخخخخخخ

مسكين مجموعة انسان يتريا الصوغه (الكيمرا الحمرا و المسدس)

حليلي ماتهنيت في السوق انا زحمه الدنيا زحمه ...يوم بسير العمره بييب لكم هخخخخخخخخخخخ
كلما مشيت شوي يتني وحده ساعديني يا خاله الله يخليكي الله يخلييييييكي ساعديني .... و جان اول مره وحده تقطع قلبي...عطيتها ريال......جان اشوفها تركض صوب امها مادري منو مجموعة حريم شفت تضحك و تلعب مب جنها هي نفسها اللي قطعت قلبي شوي و بتصيح ساعديني يا خاله.........جان اقول انا براويكم......كلما تيني وحده اعطيها حلاوه هخخخخخخ يطالعون الحلاوه ماتعيبهم السالفه و يشردون....تبون بيزات هاه انا براويكم.... !

المهم الحمد لله على سلامتي

شحالكم بعد؟
(^_^)
...

هي صح كل عام وانتوا بخير عيدكم مبارك

:h_mar7aba:

.....

[مجموعة إنسان]

ههههههههههه


حجية لاااه!!

عااادي عاااادي
الكل تلعوز هنااااك مو بس انتوا

يلله حج مبروووور وسعي مشكوووور ان شاء الله
وعقبااال ما تسوين حملة حج وعمره

بس ابي المسدس والكيمراا !! ,, عيل شو الصغارية عندهم مسدس وكيمرا وانا الا ههههه

حمدالله على سلامتكم ,,

[عمة العيم]

اندوكم

اونه تباني اسوي حمله هخخخخخخخخخخخخخخخخخخخخخخخخ خخخخخخخخخخخخخخ

بسويلهم مطار شرات الاوادم مب حمله....اصلا شركة طيران السعوديه لازم يبندونها....يفتحون بدالها عزبه فيها حمير يركبون الناس فوق الحمير.....لنهم مب قد الطيارات


مب جني قطعتهم وايد


يستاهلون ترا مايستاهلون؟ يستاهلون ولا لا؟؟؟؟؟؟

لا يستاهلون انا اقول

تسلم مجموعه عقبالك و عقبال كل اللي ماحجوا السنه اليايه ان شاء الله

(^_^)
...

[وحي القلم]

عمة العيم

حج مبرور و سعي مشكور و ذنب مغفور :tongue:

الحمدلله على سلامتج من مطار الحجاج و من الطلاّبات :4:

زين أنها سارت عند امها و ما يابت لج جيش اليهال وياها عشان يسحبون بيزاتج + شنطتج + و انتي ابكبرج بعد :fa56:

[أنشودة المطر]

حج مبرور و سعي مشكور و ذنب مغفور ان شاالله يا عمة العيم

صدق ظحكتيني بوصفج للمطار :tongue:

يله ماعليه اعذريهم ترا هذا المطار ايونه الناس من كل العالم

أشكال و ألوان

و الحج ترا جهاد

و الحمدلله على السلامة


:a070:

[رمــش الغـــلا]

حج مبرور .. وسعي مشكور .. وذنب مغفور ان شاء الله أختي لجـ ولكل حجااج الواحااات ..^^

.
.

عاااااااااااااااااااد عيشتينا الجوو ويآآج .. فالـمطآر .. لول ..

والحمدلله ع سلاآمتج !

[الا انا]

اونه ..

صرتي حجيه ..

لووول


...


الحمدلله ع سلامتج

حج مبرور وسعي مشكور وذنب مغفور ان شاء الله ..

[عمة العيم]

تسلمون والله

هههه اسمحولي عالوصف المب شي يعني هو جي ماروم اوصفه بشي ثاني هههه قلت لكم الحقيقه و الواقع المرير هههه

هي اونه يا إلا انا استويت حجيه عاد تصدقين هخخخ

عقبالكم

...

[دمعة شوق]

حـج مبرور يـ آلحـجـيـه وسعي مشكوور ،،
والحمدالله على السلامـة ،،
ضحكتيني
^^
ربي يسعدج إن شاءالله

[محد يستاهل]

الحمدلله ع سلامتج

حج مبروور وسعي مشكور وذنب مغفور ..

[أنامل قلب]

تقبل الله طاعاتكم ،
والحمدلله عـ سلامتكم =]

,


دمتي بيضاء ، نقيه ~



همسة //
اسمحيلي عـ نقل الموضوع
لـ واحة الأصدقاء .