المافيـا ومدراس الأمـــس

[الهيثــم]

http://oasis.bindubai.com/bin/uploaded/6283_01216295894.gif

بسم الله الرحمن الرحيم
السلام عليكم ورحمة الله وبركاته

شعـارنا / الجمع بين الجد واللعب ، بين المرح والتسلية ، بين الفائدة والتشويق
بيـن الدنيـا والآخــرة

مرت علينا أيام حلوة وأيام مرة وقت الدراسة ، أيام كرهنا فيها عيشتنا من المدرسة
نشة من الفجـر ، واركب البـاص وسير المدرسة واوقف في الطابور ، والله يعينه إلي اتأخر
وغير امتحانات التقويم ، بس بعد لنا ذكريات مستحيل ننساها ، وأيام نتمنى إنها تعود ونحن الآن في الجامعة
شلـة مشكلجيـة ، نلعوز الأساتذة ، ونسوي مقالب في المدرسة ، وملعوزين خلق الله في الباص

اسئلـة من خلالها نرجو معرفة حياتكم الدراسية السابقة وذكرياكم الحلوة والمرة
ضحكـونا ، وفرفشوونا بإجاباتكم على الاسئلــة

~

1- شو كان اسم المدرس او المدرسه في الصف الاول؟

2- منو المشاغبين إلي كانو امسويين جو في الصف ؟ وشو كانو يسوون ؟

3- شو كنت كاتب على طاولتك في المدرسه ؟

4- شو التصرفات إلي كنت تكرهها من بعض المدرسين ؟

5- من المواقف الطريفه إلي صارتلك في ايام الدراسه ؟

6- منو كان الضحيه إلي مختارينه عشان اييب حق ربعه من المقصف ؟ وشو البهدله الي واجهها ؟

7- اخســاس سويته في ربيعك / الفراش / المدرس / المدير ..!

8- كم مرة جازفت ونقعت شلق في المدرسه .

9- كم مره غسلك المدرس ( ضربك ) ؟

10- كم مره شردت من المدرسه ؟؟ وكم مره عفدت من فوق اليدار ؟ وكم مره زخوك ؟

11- منو أكثر استاذ كنتوا تلعوزونه .. !

12- في أي سنة من السنوات الدراسية خليتوا الأساااتذة يصيحووون دم بدال الدموع .. !

13- اذكر لنا أحد المواقف المحرجة بين الطلبة والمدرسين .. !

14- هل صـادفت موقف إنك انزخيت في الامتحان وانت مبرشـم أو متلبس في حالة غش ؟

{ اسئلة ازقررتيه شوي }

15- مدرس تعلمت منه الكثير لكن خارج نطاق المنهج ؟

16- موقف حسيت إنك ممكن تنظلم فيه من قبل الإدارة لكن المدرسين وقفوا معاك .. !

17- بعض الأفكار لتقوية العلاقة بين الطالب والمدرس بحدود احترام المدرس ووجود هيبته . . !

~

تقبلـوا تحيـاتنـا



فكـرة: سكــون

إعداد الاسئلـة: المحاق المشتعل ، خــّطاب


عصـابـة المافيـا

http://oasis.bindubai.com/bin/uploaded/6283_01216988871.gif
http://oasis.bindubai.com/bin/uploaded/6283_11216292541.gif

[مــهــابه]

- شو كان اسم المدرس او المدرسه في الصف الاول؟

~ مـدرسـتي أسمهـا عـايشه

2- منو المشاغبين إلي كانو امسويين جو في الصف ؟ وشو كانو يسوون ؟

ممم مـاحيدهم والله ، بس انا كنـت شطوره ، اطلع الأول يـعني مب مال حركات وشطانه :fa56:

3- شو كنت كاتب على طاولتك في المدرسه ؟

مممم أحيـد فـ الثـانويـه كان شعــار الشـله [ الحيـاه ملل ] :4:

بس كنـت اكتب أشعـار ، خــواطر ، يعني طاوله مراهقه:4:


4- شو التصرفات إلي كنت تكرهها من بعض المدرسين ؟


مممم يـوم يعـطونا امتــحان فـ أول يوم عـقب الويـك انـد ، ويوم يعـطونا واجبـات وايد ، عـاد نحن كانت مس الماث

ادبلـنا بـ واجبات شكثر

5- من المواقف الطريفه إلي صارتلك في ايام الدراسه ؟


وايـد

بس مـره احيـدهم ضيعـوني فـ المسيره :4:

6- منو كان الضحيه إلي مختارينه عشان اييب حق ربعه من المقصف ؟ وشو البهدله الي واجهها ؟

مممم احيدنـا كنـا نروح المقصف يوم تخلص الفرصه ، ونآكل فـ الحصه الرابعـه ، طبعـاً الأكل فـ الدرج :4:7

- اخســاس سويته في ربيعك / الفراش / المدرس / المدير ..!

وايـد ، خصـوصـاً أيــام الثــانويه ، مره حطيـنا دبابيس عـ كرسي الأبلـه :fa46:


8- كم مرة جازفت ونقعت شلق في المدرسه .

انـا ماقـد سويـتهـا ، بس صديقـاتي سوهـا وايد

9- كم مره غسلك المدرس ( ضربك ) ؟

يـمكن مـره وخبرت عـليهـا أبويه ، وخليـته يـرمس المديره وجان يهزبون المصريه :4:

10- كم مره شردت من المدرسه ؟؟ وكم مره عفدت من فوق اليدار ؟ وكم مره زخوك ؟

مب لـنا هالسـؤال اكيد :4:

11- منو أكثر استاذ كنتوا تلعوزونه .. !

مالـت الانجليزي ، كنـت احط راسي عـ الدرج كل يوم واسوي عمريه مريضه ، طوول السنه

والكيمـيـا بــعد


12- في أي سنة من السنوات الدراسية خليتوا الأساااتذة يصيحووون دم بدال الدموع .. !


فـ الثـانويه العــامه ، كرهـونا المعلمات والله

13- اذكر لنا أحد المواقف المحرجة بين الطلبة والمدرسين .. !

مـاحيـد

14- هل صـادفت موقف إنك انزخيت في الامتحان وانت مبرشـم أو متلبس في حالة غش ؟

أنـا كل مـا أبرشم لازم يسـتوي شي ، امـا يغيـرون مـكاني ، ولا يغـيرون الكلاس ولا يـتأجل الامتحان ، ولا اتينا مراقبه شديده :4:

{ اسئلة ازقررتيه شوي }

15- مدرس تعلمت منه الكثير لكن خارج نطاق المنهج ؟

مـحد ، بس يمكن معلمة الدين الله يذكرها بالخير ، ومعلمة العربي كانت وايد تشجعني ع الكتابه

16- موقف حسيت إنك ممكن تنظلم فيه من قبل الإدارة لكن المدرسين وقفوا معاك .. !


الحمدلله دخلـت وظهرت من المدرسه وانا ماعندي مشاكل مع الاداره

17- بعض الأفكار لتقوية العلاقة بين الطالب والمدرس بحدود احترام المدرس ووجود هيبته . . !

ان المدرسين مايـتعنترون عـ الطلاب والطلابات ، وانه الطلاب يكونون قد المسؤوليه ..

بس اهم شي المراعاه بين الطرفين والسلام




المــافيــآ طرح حلـــو


لاهنــتوا

[رمــش الغـــلا]

^

مهـــآبهـ .. ضحكتيني لوووول ..، عيل الأولى هآآ ..!*

/



1- شو كان اسم المدرس او المدرسه في الصف الاول؟

اسمهـا أبلة زينب .. وآآيد كانت طيبة وتحبني وآيد لاني هآدية .. ووالحين انا أدرب في المدرسة اللي أدرس فيهآ .. تقولي مابآ أشوفج أحس إني عيوووز ..[ لووول ] ..|<


2- منو المشاغبين إلي كانو امسويين جو في الصف ؟ وشو كانو يسوون ؟

امممم ..، فالابتدائي ما أذكـر ..، بس فالثانوية شلتنا كآنت الحشرة .. كنا 10 بنات مخبلين فالمسات صدق
وانا عآد كنت الأولى عالصف .. والحشرة .. فدوم ما كانوا يعقبونا عسب انه شطآر يعني لول ..!



3- شو كنت كاتب على طاولتك في المدرسه ؟

شخاابيط ورسومـآت واسمي واشعآر .. خرابيط بنات المدرسة
وأحيد مرة على آخر ايام الثانوية العامة .. كنا مسوين حركة انهـ كل وحدة كاتبة على أوراق بوست ات نوتس حق الثانية خرابيط وطبعا استعباط كله وملصقتنه ع درج الثانية ..
يعني كل درج مستوي لوحة من البوست ات نوتس .. لول
وجان اندش متأخرين عن الحصة وابلة الدين هزبتنا وشالة كل الاستكيرز وحاطتنهم في درج وحدة منا اونه ها تصرف بنات ثانوية عامة لووووول ..!
واذكر من زود ما كانت معصبة فرت كرسيها جدامنا ونحن نضحك .. هع ..|<

4- شو التصرفات إلي كنت تكرهها من بعض المدرسين ؟

أكره يوم اتيهم حالات انهم يطردونا من الصف ويودون اسامينا الادارة ..! اكره شعوري احس عمري في موقف موووول مب حلو .. لول

5- من المواقف الطريفه إلي صارتلك في ايام الدراسه ؟

وآآيد موقف ومن ضمن الاجابات ذكرت بعض المواقف ..!

6- منو كان الضحيه إلي مختارينه عشان اييب حق ربعه من المقصف ؟ وشو البهدله الي واجهها ؟

عآدي كلنا نسير المقصف ربااعه وذا انهزبنا كلنا ننهزب لوووول ..



7- اخســاس سويته في ربيعك / الفراش / المدرس / المدير ..!

أذكر مرة حطينا بصل فـ المكيف لوووول وتمت ريحة الكلاس فظيعة .. لول

8- كم مرة جازفت ونقعت شلق في المدرسه .

ولامرة لوووول .~

9- كم مره غسلك المدرس ( ضربك ) ؟

امممم .. اذكر مرة انضربت مظلومة .. وتميت أصيح ..
اونه مخبرين علينا أبلة الدين انه كنا نغني .. وانا حليلي ما كنت ويآهم بس انضربت ضرب ..!

10- كم مره شردت من المدرسه ؟؟ وكم مره عفدت من فوق اليدار ؟ وكم مره زخوك ؟

ولا مرة .. نحن بنآت ما نسوي هالسوالف ..~

11- منو أكثر استاذ كنتوا تلعوزونه .. !

أكثر أبلة الفيزيا أبلة زبيدة كل يوم أتأخر واخر شي يا حبيبتي ليش متاخر انتي بنت شطرة وكويسة بتعملي كده ليه لوووول .. وادخلني انا وربيعاتي اللي مستغليني لووول

12- في أي سنة من السنوات الدراسية خليتوا الأساااتذة يصيحووون دم بدال الدموع .. !

لا حليلنا ... ما نصيحهم .. بس مرة أبلة العربي وااايد كانت متغصصة منا وصدق كنا نحشر الكلاس بشكل فظييييييييييع ما نسكت .. واخر شي جان تصيح لول ..

13- اذكر لنا أحد المواقف المحرجة بين الطلبة والمدرسين .. !

اممممم ... الحين ما في شي عبآلي .~


14- هل صـادفت موقف إنك انزخيت في الامتحان وانت مبرشـم أو متلبس في حالة غش ؟

لا .. الحمدللهـ ..~


{ اسئلة ازقررتيه شوي }

15- مدرس تعلمت منه الكثير لكن خارج نطاق المنهج ؟

مدرستة العربي .. الله يذكرها بالخير صف اول ثانوي .. كنت أحبها وااااااايد



16- موقف حسيت إنك ممكن تنظلم فيه من قبل الإدارة لكن المدرسين وقفوا معاك .. !

الحمدلله ماشي موقف ..:)

17- بعض الأفكار لتقوية العلاقة بين الطالب والمدرس بحدود احترام المدرس ووجود هيبته . . !

لول ... لا تسألوني انا الحين جربت دور المدرسة .. ولي عودة ان شاء الله :)

[العجيبة]

السلاااااااام عليكم

بشارك وياكم :whistling:

1- شو كان اسم المدرس او المدرسه في الصف الاول؟


أبلة سعاااااااااااد


2- منو المشاغبين إلي كانو امسويين جو في الصف ؟ وشو كانو يسوون ؟
امم على حسب ... يعني ايام الابتدائية .. أنا المشاغبة ... بشكـل كبييييير مشااااغبة
ومن بين الاشياء اللي اسويها اني مستحيل أيلس هاديـة في الصف ، أحوط وألعب وأركض ، خخخ واذا قالوا منو بيكتب في السبورة انط اناااا اكتب بدون محد يعزمني ....:fa56: والمس ما تقول شي على اعتبار انه خطي بالنسبة لباقي البنات حلو وواضح وكبييـر ... ومستحيل أيلس بعد أبدا أبدا ، لاني كنت قزمـة ولازم اوقف وانا اكتب عالطاولة خخخ عشان أقدر اوصل للكتاب :woot:

أيااام الاعدادي اصطلبت شوي .. بس مب وايد .... وكانت شلة المشاغبات هن بنات الـ*** .. وكنت اوني دايما اترأس الصف ودايمـا يتضاربون ويا المسات وشكاوي عليهم ... ودايما اسحبهم للإدارة خخخخ

وفي الثانـوية ... ما كنت اهتم بالبنات المشاغبات وايد ... عقلنـا أونّه .... والمشاغبات ما يسوون شي بس يشردن من الحصص ويلبسن ملابس مب طبيعية ويحطن ميك اب وبعضهن ما يحترمن المسات ...،

3- شو كنت كاتب على طاولتك في المدرسه ؟
كنـت نظيـفة وااايـد ، اذكـر حتى اول اعدادي من كثر ما طاولتي نظيفة مستحيل حتى حد يلمسهـاااا
في ثاني ثانوي بس ... كتبت [M العجيبة ] عالطاولة وبالخط الكوفي .. أذكر حطيت الصورة في الواحات :k_icon9:
واكثر شي اكتب عالطاولة ايام الامتحانات اذا ابا افكـر :look:

4- شو التصرفات إلي كنت تكرهها من بعض المدرسين ؟
اممم ما كنت أحب اذا الأبلة تفتش عالواجب وانا مب حالتنه ...
وما أحب لما تدخل وتتفلسف من اول الحصة اتّم تسأل عن الدرس الماضي ويوصل الدور عندي وانا مب مذاكرة !
وما أحب اذا ذلتنـي ع أشيـاء تافهة .... اعادة امتحان كنت غايبة عنّه ، أو نشاط سويتلها اياه وما عجبهـا :pullhair:


5- من المواقف الطريفه إلي صارتلك في ايام الدراسه ؟
وايـــــــد وااييييـد ... ما أذكر شيء الحين ...


6- منو كان الضحيه إلي مختارينه عشان اييب حق ربعه من المقصف ؟ وشو البهدله الي واجهها ؟
محد ... كنت اعتمد على نفسي ....


7- اخســاس سويته في ربيعك / الفراش / المدرس / المدير ..!
مرة في ثالث ثانوي ، كنا داخلين بعد الفسحة ، وشفت حشرة مثل الجرادة ... مب جرادة ما اعرف شو اسمها ، بس طوويلة ولونها اخضر ، رحت مسكتها ، ويلست اركض ورا البنات اخوفهن ، عقب شوي يـت مس الفيزيا هههه قلت دورهـا بعد ، تميت واقفة عالبااااب وماسكة الحشرررة اخوفها وهي صدق خايفة ، وما رضت تدخل الا بعد ما طيرتها .. خخخ



8- كم مرة جازفت ونقعت شلق في المدرسه .
مرة وحدة ، كانت في المسرحية ، وبعد المديرة ما عيبها ... قلنا لها خلاص خلصنـا :4: اتحرطمي لين ما تتعبين

9- كم مره غسلك المدرس ( ضربك ) ؟
امممم ما اذكـر ... نادر جدا ، تقريبا في ثالث ابتدائي ... اللي تغلط في املاء الانجليزي يعني امها داعية عليها ذاك اليوم .... تتوقف وتنضرب وتنسخ واذا اتكرر يودون اسمها للادارة :sad: وانا غلطت مرتين ثلاث تقريبا وانضربت :vampire:


10- كم مره شردت من المدرسه ؟؟ وكم مره عفدت من فوق اليدار ؟ وكم مره زخوك ؟
ماحصلششش

11- منو أكثر استاذ كنتوا تلعوزونه .. !
اممم وايدييييييين


12- في أي سنة من السنوات الدراسية خليتوا الأساااتذة يصيحووون دم بدال الدموع .. !
مس الفيزياء ثالث ثانوي ، ردت بلادها بعد ما درستني - تقريبا انااا بروحي وحدة من الاسباب اللي خلتها تسوي جي
ايام الاعدادي كذا معلمة بعد طفرنااابهن وااايد ... بس ما اذكر التفاصيل عدل ..

13- اذكر لنا أحد المواقف المحرجة بين الطلبة والمدرسين .. !
اتوقع الطلبة ينحرجون من المدرسين اذا ما حلوا الواجبات او اذا كان الطالب مستواه عالي وفجأة نزل مرة وحدة ... ما له عذر في الغالب !!

14- هل صـادفت موقف إنك انزخيت في الامتحان وانت مبرشـم أو متلبس في حالة غش ؟
لا ، اذا غشيت تمر اموري بسلام ..
لكن في واحد من الامتحانات ما كنت اغش ، وبعد ما خلصت الامتحان سلمت وعلى طول فتحت الكتاب اتأكد من أشياء ، وخليته مفتوح في الدرج ....
مرّت المس واتحرتني مخلتنه من قبل ما اسلم الامتحان ، وتمّت تتحرطم وطااف ما رديت عليها :fa55:

{ اسئلة ازقررتيه شوي }

15- مدرس تعلمت منه الكثير لكن خارج نطاق المنهج ؟
امممم مس الكيمياء - ثالث ثانوي ... :fa42:

16- موقف حسيت إنك ممكن تنظلم فيه من قبل الإدارة لكن المدرسين وقفوا معاك .. !
مافييش

17- بعض الأفكار لتقوية العلاقة بين الطالب والمدرس بحدود احترام المدرس ووجود هيبته . . !
اممم اتوقع العلاقة تقوى اذا المدرس يعرف شو هي العملية التربوية التعليمية بالشكل الصح ، وعرف يطبقها صح مع كل الطلاب بمختلف تفكيرهم وعقلياتهم .... مب يشتغل لأنه يفكر في الراتب اللي يستلمه بس ...
شي طيّب لو يتنـازل الطلاب عن بعض عاداتهم المريضة والعقيمة اللي يايبينهـا من بيوتهم احترامـا للمكان اللي هم وللإنسان اللي يكرّس نفسه من أجل هالطالب ...

الاحترام هو اساس العلاقة القويـة .... كل واحد يعرف حدوده وبتمشي الامور طيبة ..،






وشكـرا على ذا الموضوع الحلو ....

مافيـاويــيـــن أصيليــن انتـو .. شادين حيلكم ما شاء الله :fa42:

[شوق البدو]

السلام عليكم
~
1- شو كان اسم المدرس او المدرسه في الصف الاول؟
ابلة مريم خالوتي كل يوم والثاني اذكرها باللي كانت اتسويه فينا


2- منو المشاغبين إلي كانو امسويين جو في الصف ؟ وشو كانو يسوون ؟

ممم فالابتدائيه والاعداية كنت بنت هاااااااااااديه تستاانس امايه مني لانه الكل يمدح فيني
بس فالثانويه طلعت شوي الخراشه وكنا نحن العلمي عددنا ينعد عالاصاابع اقل من 9 وثلاث منا مخرش وكم وحده بنات الابله هاادياات شطار كنا وايد نستعبط انا اكثر ثنتين استعبط عليهن ابلة العربي والانجلش


3- شو كنت كاتب على طاولتك في المدرسه ؟
ارسم ورد ما تمت ورده ما رسمتها وشوي شعار العين هههههه اياااااااام والله


4- شو التصرفات إلي كنت تكرهها من بعض المدرسين ؟
يوم يفرقوون امبينا


5- من المواقف الطريفه إلي صارتلك في ايام الدراسه ؟
هههههههه كنت اول اعدادي على ما اظن وكنت اخاااااف من ابلة التاااريخ امييييييه اخاف يعني اخاف
ما اذكر شو المناسبه قالتلي كل عام وانتي بخير من الربكه قلتلها الله يباارك فيج وجان تضحك علي وانا ما ادري بالساالفه عقب انتبهت على عمريي اخييييييييه فشششله :fa46:


6- منو كان الضحيه إلي مختارينه عشان اييب حق ربعه من المقصف ؟ وشو البهدله الي واجهها ؟
كلنا نسير مافي احد يطرش الثاني


7- اخســاس سويته في ربيعك / الفراش / المدرس / المدير ..!
كنا ثالث ثانوي وعندنا حصه فااضية فيتنا الوكيله بس نحن من سمعنا صووتها اندسينا تحت الدراايش وكم وحده وقفت عالباب بحيث تفتح الباب ما تقدر هاااك اليوووم عاقبونا ويابولنا ابلة الرياضياات


8- كم مرة جازفت ونقعت شلق في المدرسه .
ههههه ولا مره بس اذكر اخويه سواها كانو فحصة الكيميا يسون تجربة وجان يفر الشلق تحت الاستااذ
فصلوو الصف كله 3 ايااام وما يعرفوون منو مسوي هالشي وبعد ما تخرج من الكليييييييه قال لابويه ترا انا اللي منقع الشلق هاك اليوم


9- كم مره غسلك المدرس ( ضربك ) ؟
ما اذكر بس انضربت كذا مره ضربات خفيفه عشاان جيه ما اذكرها :fa51: هههههه


10- كم مره شردت من المدرسه ؟؟ وكم مره عفدت من فوق اليدار ؟ وكم مره زخوك ؟
مب سواالفنا سوالف الشبيبه هااي
قوول كم مره شردتي من الحصه بنقوول كتييير



11- منو أكثر استاذ كنتوا تلعوزونه .. !
العربي والانجلش
يااحبي لهن احب اغصص فيهن ابلة العربي يوم تخلص الدرس من وقت تعلمنا الطبخ هههه البنااات يطلبن هالشي فانا بما اني قصيره ايلس عالطاوله واجووف اللي ساير وياي وتهزبني اونه انتي ما راح تكونين ربت بيت كوويسه
وانا طاااف وشوي جان اجوف المزيونه وبنت عمي برع تخبلت الا اطلع ما طااعت اونه عقااب ليش ما تكتبين ويانا طريقة المحشي وتمييت امبوزه ما اكلمها خخخ



12- في أي سنة من السنوات الدراسية خليتوا الأساااتذة يصيحووون دم بدال الدموع .. !
ثالث اعدادي جان تطلع ابلة العلوم عنا واغمى عليها وهي طاايحه ما تحملتنا ياااقلبي عليها هههههههه


13- اذكر لنا أحد المواقف المحرجة بين الطلبة والمدرسين .. !
بعد فثالث اعداي جان تضااارب وحده من البنات ويا ابلة التاريخ لدرجة انه الابلة مدت ايدها بتضرب البنت والبنت مسكت الابله امييييه وانا كنت ياسه عداالهاا وكنت ما ارووم ارفع رااسي اخااف تيني سطعه :boxed:


14- هل صـادفت موقف إنك انزخيت في الامتحان وانت مبرشـم أو متلبس في حالة غش ؟
ايااام المدرسه ما كنا نبرشم بس شوي نلقط بعيونا بس اسالني عن الجامعه ما ادخل الامتحان الا وكراسي وياي استفيييد منه ههههههه :icecream:



{ اسئلة ازقررتيه شوي }
15- مدرس تعلمت منه الكثير لكن خارج نطاق المنهج ؟
ولا احدددددد


16- موقف حسيت إنك ممكن تنظلم فيه من قبل الإدارة لكن المدرسين وقفوا معاك .. !
لااا ما يخصني فالادااره ما اذكر انه سرت الادراه مسويه شي


17- بعض الأفكار لتقوية العلاقة بين الطالب والمدرس بحدود احترام المدرس ووجود هيبته . . !
ما بعرف بس المدرس يفرض نفسه في ابلات فاالتووه فعشان جيه مافي احترام وفي ابلاات غصبن عنا نحترمهن ~



ثااانكس عالموضوووع الواااو استاانست عليه وايد :fa41:

[أنامل قلب]

أنا بعد بشارك ^^"

على فكره ضحكتوني ،،
استمتعت صدق بالقراءه ^_^ ..

/

يزاكم الله خير أخواني ،،
وأيام المدرسه فعلا غيــــــــر !

[أنامل قلب]

1- شو كان اسم المدرس او المدرسه في الصف الاول؟


أبله أمينة الأساسية + أبلة عليا ^^


2- منو المشاغبين إلي كانو امسويين جو في الصف ؟ وشو كانو يسوون ؟


ما أذكر شخص ولا مجموعة عـ وجه التحديد لأن السؤال ما يحدد المرحلة الدراسية ..


3- شو كنت كاتب على طاولتك في المدرسه ؟


كنت أرسم + تعليقات وعبارات بسيطه ...!


4- شو التصرفات إلي كنت تكرهها من بعض المدرسين ؟


لمن يكون المدرس من صنف الـ (( أنا يايه أشرح الدرس وخلاص ! ))
بمعنى أصح اللي ما يتفاهمون مع الطلبة !!


بس بشكل عام ،، الحمدلله أبلواتي كلهن حبابــــااات ^___^ ..


5- من المواقف الطريفه إلي صارتلك في ايام الدراسه ؟


واااااااااايـــــــــــد ،، مثلا لمن طحت عـ ويهي بنص الساحه وبوقت الاستراحه وجدام الاداره !
مب إلا طحت عـ ويهي ،، طرت بالسما عقب تمددت عالأرض ،، جني الا قاعده انظف الساحه بمريول المدرسه
حتى التمو علي بنات نصهم ماعرفهم لول ^^"


+ في مواقف ما تنذكر ،، أخاف تفهمون السالفه غلط يعني^^"


6- منو كان الضحيه إلي مختارينه عشان اييب حق ربعه من المقصف ؟ وشو البهدله الي واجهها ؟


بعد يعتمد على حسب المرحلة ،، بس بشكل عام قليل جدا جدا ما أسير المقصف بروحي =#
حتى أذكر مره اضطريت بما إن ربيعاتي ارتبطو بشغله ،، فرحت أوني بشرتلي وباخذلهم معاي ..
تخيلو اوني استحي اتجدم شرات ما يسوون البنات وتميت جي واقفه أوسعلهم الدرب لول
ليمن دق جرس الحصه ورديت الصف وانا مو شاريه شي ،، وانهزبت يومها من رفيجتي


صدق ماعرف اشتري ،، حتى أذكر بالثنوية إما إن نسير قبل الاستراحه أو عقبها (( بين الحصص ))
أو إن أخلي وحده من رفيجاتي تشترلي + أحيانا اختي الأصغر :fa46: !


على فكرة مرات صدق يكون منظر المقصف شنيع :fa46: :fa46: :fa46: !"


7- اخســاس سويته في ربيعك / الفراش / المدرس / المدير ..!


الحمدلله الحمدلله الحمدلله علاقتنا مع المدرسات جدا طيبه ،،
والعاملات كذلك نسلم عليهم ويسئلون عنا ونسولف ^___________^..

يعني مووول ماعدنا هالسوالف لأن مهمن كان تظل الحدود موجوده ،،
إلا مع ربيعاتنا ،، خاصه لمن نستخف :birgits_giggle: ..


+ كنت بذكر شغله سويتها لـ دموع قلم لمن لعبنا (( تهادو تحابو ))
تخيلو عـ حظي ظهرلي اسمها وسويتلها شغلات لا تغتفر ههه ..


حتى كنت بحط عنها موضوع بالواحات ، اونه : دموع قلم تركض في ساحة المدرسه P=
بس غمضتني عقب ،، ربي لا يحرمني منها :12: ..


8- كم مرة جازفت ونقعت شلق في المدرسه ؟


ما يخصنا نحن بأبسط من هالسوالف ،، وانتو تقولولنا شلق :nerd: !
أصلا ما جربت أنقع شلق بحياتي كلها ،، يمكن مره وما فلحت بعد لول ..


مادري عاد اذا هذا شلق ،، بس واحد من الاهل قص علي (لمن كنا صغار)
وحمسني عشان أجربه ،، جي حجمه صغير ومدور ولونه أبيض // ينقط بالارض بقوه عشان ينقع !
تميت أقطه مره مرتين ثلاث ،، عشره ليمن نقع ومالقوني إلا وانا شارده :Oo: !


عبالي بتستوي حريجه :k_wheelchair: ..


9- كم مره غسلك المدرس ( ضربك ) ؟


محد غسلنا ولله الحمد :doh: ،، بس أذكر كمن مره انضربت بالمسطره :tounge: ..
آخر مره لمن كنت ثالث اعدادي ،، مجموعة منا لأن ناسين نحل الواجب والابلة اونه بتظربنا جي بغشمره =]
حتى أذكر وايد كنت معاها وانا الوحيده اللي تميت زايغه أسحب يديني عنها والكل يضحك ،، حتى الابله :a032: ..


10- كم مره شردت من المدرسه ؟؟ وكم مره عفدت من فوق اليدار ؟ وكم مره زخوك ؟


بيني وبينكم ،، مرتين لول // اتخيل :doh: ..
سؤال خاص بالشباب :m_m7tar: !


11- منو أكثر استاذ كنتوا تلعوزونه .. !


هممم !


12- في أي سنة من السنوات الدراسية خليتوا الأساااتذة يصيحووون دم بدال الدموع .. !


الحمدلله ما وصلنا لـ مرحلة تسريب الدماء :k_icon9: !
ووو عدنا أبلوات صاحو معانا مو بسبتنا !!!


يمكن في حالة شاذه بس الذاكره ما تسعفني الصراحه :osama: "


13- اذكر لنا أحد المواقف المحرجة بين الطلبة والمدرسين .. !


واااايـــــــــــــــــــ ـــــد ،، بس ما بقول ..!


14- هل صـادفت موقف إنك انزخيت في الامتحان وانت مبرشـم أو متلبس في حالة غش ؟


من غشنا فـ ليس منا !


إن نبرشم مستحيل ،، ما يخصنا اصلا لول ^^"
بس تمينا فترة جي نغشش بعض شفويا =#


عقب اصطلبنا ولله الحمد =]


{ اسئلة ازقررتيه شوي }


15- مدرس تعلمت منه الكثير لكن خارج نطاق المنهج ؟


وايديـــــــــــــن ،، أصلا كل الأبلوات تقريبا بس البعض منهن بشكل كبيـــــــــر ،،

حتى أذكر مره وحده من الأبلوات قالتلي شغله بهالخصوص خلتني صدق جي ^______^ ..


صدق صدق صدق فضل الأبلوات علي كبير والرب شاهد ،،
حفظهن الرحمن جميعا ،، وكتب لهن خير الدارين يارب ..


16- موقف حسيت إنك ممكن تنظلم فيه من قبل الإدارة لكن المدرسين وقفوا معاك .. !


ما شي ولله الحمد ،، ماعدنا ملف اجرامي :fa46: ..


17- بعض الأفكار لتقوية العلاقة بين الطالب والمدرس بحدود احترام المدرس ووجود هيبته .. !


الجواب بالسؤال نفسه ،، ياما نشوف أساتذة علاقتهم مع الطلبة ممتازه وتوصل لدرجة السوالف والمزح
+ التم العلاقه لخارج اطار المدرسه بالهاتف والرسائل لكن يظل لهم هيبه طيبه والاحترام متبادل ..


+ العكس أحيانا ،، نشوف الأستاذ شديد وعصبي ويالله يشرح الدرس ويظهر ،،
لكن ماتلاقي الطالب يحترمه ولا يعمل له حساب !


أو ان يكون الاستاذ لين لدرجة غير صحيحه وتسيء له بالنهايه !


هممم المسألة أبسط من طرح أفكار ،، لأن الموضوع يعتمد بالدرجة الأولى عـ شخص الأستاذ وتفكيره ،،
+ يذكر إنه كان بيوم من الأيام طالب على مقاعد الدراسه + يحرص ان يكون متفهم وما يمشي على وتيره وحده أبدا !


//