فشخــرة ~ المافيا ~

[الهيثــم]

http://oasis.bindubai.com/bin/uploaded/6283_01216295894.gif

بسم الله الرحمن الرحيم

الحمدلله لله والصلاة والسلام على أشرف الأنبياء والمرسلين ، سيدنا محمد وعلى آله وأصحابه ومن اهتدى بهديه واستن بسنته إلى يوم الدين ، أما بعد:

أحبتي في لله

السلام عليكم ورحمة الله وبركاته

~

ها نحن كما عودنـاكم ، وها نحـن كما عهدتـونا
يسعدنا ويشرفنا لقياكم ، فـ أنتم أنسنـا وراحة قلوبنـا

باسمي وباسم المافيـا ، أقـدم لكم ظـاهـرة ، بل هي فاجعـة لكثير من الناس

احترت كثيرا ً حول ما نراه من بذخ وإسراف وتفريط في الأموال في امور عدة ونواحي شتى من مجالات حياتنا
ولكني في هذا المقام سأتطرق إلى موضوع واحـد وقد أصبح بمثابة المعركة لكثير من الشباب ، وسبب لقطع آمال كثير من الفتيات

إنها ما تعرف بـ " فشخـرة العرس " بمعنى واضح

أتعجب كثيرا ً من بعض حفلات الزواج التي نراها اليوم
أصبحت لـ ( الفشخرة ) والتباهي من الطرفين ، سواء أهل الزوج أو الزوجة

غير مبالين بقد ما يلحق الزوج من أضرار بسبب هذا الإفراط
سواء من قاعات للأفراح أو فستان العرس للزوجة أو تجهيزات القاعات من كوشة وغيرها ..

أتعجب كثيرا من المبالغ الضخمة الهائلة التي أسمعها فقط لـ إيجار الكوشة لـعدة ساعات
أو تفصيـل فستان الزفاف الذي سيلبس لساعات قليلة فقط .. لم هذا البذخ .. !
أين هؤلاء من قوله تعالى : إن الله لا يحب المسرفين

وأين هم من الصحابيات الجليلات اللاتي كن يتخذن حفظ القرآن مهرا ً ، ومنهن من تشترط لقبول الزواج أن يدخل الخاطب في الإسلام ولا تريد غير ذلك .. أين هم من قوله صلى الله عليه وسلم أقلهن مهرا ً اكثرهن بركة .. !

سبحان الله ، والله وحده أعلم بحال هذا الشاب بعد الزواج
حيث سمعت في إحدى الإذاعات إن نسب الطلاق إرتفعت بشكل كبير في الإمارات
وإن معظم حالات الطلاق كانت بعد أشهر قليلة من الزفاف وذلك لعدم قدرة الزوج على تحمل هذه الأعباء والديون المتراكمة التي في النهاية كانت سببه الزوجة وأهلها في كثير من الحالات ..

النعمة زواله فـ حافظوا عليها وأكرموها

~

أكتفي بهذا القدر من الطرح
وأترك لكم المجال أحبتي في لله لإبداء آرائكم ، والحلول في نظركم لـ هذه المشكلة
ولكم مني جزيل الشكر والتقدير والاحترام

~

عصابة المافيا
سيف المافيا


http://oasis.bindubai.com/bin/uploaded/6283_01216988871.gif


http://oasis.bindubai.com/bin/uploaded/6283_11216292541.gif (http://%5burl%5dhttp//oasis.bindubai.com/bin)

[عهد الوداع]

وعليكم السلام والرحمه ...
موضوع جميل اخوي خطاب واتفق وياك أن الأسراف في أوقات الإعراس نوع من التبذير المنتشر في وقتنا ....:h_daleel:
في وجهة نظـــــري ان السبب هو المظاهر الإجتماعيه طغـــــت ع الجميع و طبعااااا اصبح الكل يسعى ان تكون
ليلة ولده او بنتـــــــه من احلا الليال....:yes:
وهذا الشيء موجود بكل عايله او كل معرس او عروس .....:fa46:
الكل يدور عن التميــــــــز بغض النظر عن إذا كان هذا حرام ام حلال ....(يعني يقولووون والله هاي ليلة العمر صح ولا انا غلطانه )
المهم هو التميز بتلك الليالي.......:10:


الله يبعد عنا الاسراف والتبذير ......

[أنامل قلب]

لا من قال ،، هذي ليلة بالعمر // ما يصير ما نتفشخر :glare: !

بـ صراحه :

محد ينكر إن تكاليف العرس مهمن كانت بسيطه تظل مكلفه إلى حد ما ،،
ومن هذا الباب ،، كثر من الناس قامو يعتقدون بإن هذي الفشخره الزايده
هي مصاريف طبيعية لكل عرس !!!!

وبعدين مثل ما قلنا ،، إذا كانت هذي الليلة من العمر بتكون بهذا الإطار الجميل ،،
ليش يجعلونها سبب في التضييق على كلا المعرس والعروس بحياتهم تالي !

وسبحان الله ،، في شغلات المفروض نبحث عنها بعيده عن كل هذي التفاصيل الزائده ،،
يعني الواحد حلو بهذي الليله يلقى الرضا النفسي ،، طمأنينه ويرتاح لهذي البدايه ..

مو يعتبرونها هـَم !

+ ياما شفنا أعراس راقيه ،، لكن ماكانت مكلفة لهذي الدرجه
+ بالمقابل ياما شفنا أعراس مش بذاك القدر لكنها كلفت أكثر ...!

ومن هنا // ليس الابداع أبدا بمن يصرف أكثر ،،
وإنما بمن يفكر بشكل أطيب !

:

هممم بالأخير ،، ليس العتب دائما على أصحاب الشأن ( العروس والمعرس )
ياما يكون سبب هذي الشغلات أهل كلن منهم ...

مع ان المفروض يعني يكون لأصحاب الشأن الكلمة الأكمل ~ !

:

إن شاء الله ماكون سهيت ،،
بس باختصار // مثل ما نقلت أخوي ( أقلهن مهرا أكثرهن بركه )
فـ كم جميل أن يستشعر المرء إن رب العالمين مبارك له ابـ أموره وبدايته ..

هممم ،، هذا رايي باختصار وعجل بما إني يوعانه وللحين مب متغديه ><
فـ يعني السموحه ،، ويزاكم ربي كل خير ^^

احترامي ~

[رمــش الغـــلا]

اتماااتم

+ ياما شفنا أعراس راقيه ،، لكن ماكانت مكلفة لهذي الدرجه
+ بالمقابل ياما شفنا أعراس مش بذاك القدر لكنها كلفت أكثر ...!


ومن هنا // ليس الابداع أبدا بمن يصرف أكثر ،،
وإنما بمن يفكر بشكل أطيب !





/
/

:fa42: ...، وأنا أأيدج 100 % بـ هالكلآآمـ ..~

،

هالأياآم ... لو البنت ما تبآ حفلة وما تبآ هالكوشة اللي بـ هالسعر .. ولا تبا هالفستاآن من هالمصمم ..

فـ خوات الريل يبون ..، وسآعات ام وأبو البنت ـ يبون عرس بنتهم يكون شرآت باقي الاعراس

،

لو السالفة بس عـ المعرس والعروس .. جان سواا عرس بسيط.. في حال كآنوا قنوعيـن ..


أما في حال البنت تبآ شرووط وجيهـ ... فـ هذا شي ثآني ..~

يعني الحين الكوشة .. تكون بالسعر الفلآآني ..
والفستان
والقاعة والاكل اللي فالعرس .. من أغلى منيو ..[ لووول ] ..


،

القنآعة كنز لا يفني ..،

بس المشكلة الحين ..ـ الناس تعبوا وهم يشوفون فوق ..
:shutup:

وكل يوم تزيد مصآريف الاعراس عن اليوم اللي قبله ..~

اللهـ المستعآن ..!*

[مــهــابه]

أنـا صدق هالسـالفه تـقهرني

يعـني كل وحـده تـبا عـرسها يكـون حلـو ، ومرتـب وراقي بنفس الوقـت

بس مب كل غـالي حلـو والعـكس صـحيح ..

المسأله كلـهـا [ مسأله ذوق ] ..

بس نصـهن عـفانا الله جنهن مب شايفـات خير ، والله انا سويـت البومي بـ 60 ألف وكوشتـي بـ 80 ألف

والصبـابات ماليه بـ 25 ألف

والله المسأله كلـهـا مسأله قنـاعه ..

يعـني الوحـده تـفكر كيف تـسوي شي حلـو بتكـاليف أقـل

لأنهم بينسألون جدام رب العـالمين عـن هالأشيـا كلها ، وتـلقى بعض يقولون ( النـاس ) بيرمسون ومادري شو

خـل يرمسون ، من متـى رمسة النـاس فـادتنا بـشي ؟ بيرمسون يـوم ويومين بيسـكتون ( عـاد صح انا اقول جيه بس مب انه العرس يكون مـره مايتشـاهد لوول ) فـاهميني عـليَه صح ؟

وبـعدين الرسـول قال " أقـلهن مهراً اكثرهن بركه " بمـا في معـناه فـ بالمهر جيه ، فـ مابالكم فـ الزواج

فـ هالليله الواحد يـدور البـركة ، مب يروح يـخسر ويسوي هالأشيـا ..


وبعـدين البنـت لازم تـفكر ، انه العـرس مب كل شي ، يعني تـرضى انه ريلها يكون مديون ؟

انـتي ماتدرين منوه بيأخذج ، يمكن ما يعيشيج بـنفس الطريقه اللي انتي تعودتي عليهـا في بيـت أهـلج

بـتقولين مـابـا مثـلا ؟ ( عنسـوا عيل لوول ) ..

فـ لازم نفكـر بـعقـل انه البيـزات والمـظاهر مب كل شي بالدنيـا ..

يعـني هذا شي ثـانوي

يـامـا سمـعنا أعـراس اسـتوت والكل رمس فيهـا من حلاتها وعـقب المعـاريس مايكملون جم من شهر ويطلقـون ..

فـ يعـني الواحد يكـون قـنوع وراضي باللي عـنده ..

ويـراعي الطـرف الثـاني ، مب كـل عـايله تـقدر ولا كل ريـال بيقدر خصوصـاً الحين ، كل شي صـار غـالي ..


يعني لـو البنت عـقولتها تـبى عـرس حلـو وراقـي ومرتـب ، تـدفع من جيبهـا ولا تطلب من ريلها ( ابـى وأبـى ) جنها مب شايفـه خير ..

أمـا لـو هـل المعرس سوو امبونهم ، كيفهـم لوول ، بيزاتهم وولدهم ( بس بعد مايكون بـ ديون )


وبس



المـافيـآ شكراً عـ الطرح . .

ودايـماً وأبـداً أبـدوا بـنفسكم وعـقب طالـعوا غـيركم ( يعني لاتستوون شرات هالنـاس ) . . .

[دمعة عين]

^
ويــآج في كل كلمـَه قلتيهـَـآ !*~
=)

.
.

[عهد الوداع]

الشي الي يقهر بعد الوحده تفصل فستانها ب70 الف والمكياج ب10000 وعقب تسير لاهلها والله خلص مهري ما سويت شي والله هالحالات دووووم اسمع عنها ,,,,


مهابه

كفيتي ووفيتي الصراحه ....

[العجيبة]

البوم بـ 60 ألف !!
كوشة بـ80 ألف !!!
فستان بـ70 ألف !!!!
مكياج بـ10 آلاف !!!!!




يـا ربـي !!!! معقولة ناس تدفع هالمبالغ كلهـا لمثل هالأشياء التافهة !!!!!

[تحفه]

الواحد يمد ريوله على قد لحافه

محد يبي يبتدي حياه يديده بديون ومشاكل .. بس الاسعار مرتفعه في الامارات والمعاشات ضعيفه ..

انا اشجع فكره ان الريال يكون عمره "عدل" وبعدين يعرس ...

[الهيثــم]

عهد الوداع //

صح كلامج إختي ، المظاهر الإجتماعية والفخفخة الزايدة هي شعار من شعارات المجتمع الخليجي أو في بعض الدول الخليجية
الشخص ها مستواه نازل لأنه سيارته هالموديل ، والثاني مب من مستوانا لأنه عرسه في المكان الفلاني .. أصبح مقياس تقييم الناس عند البعض من الناحية المادية فقط وهذي الكارثة بعينها

أسعدني جدا تواجدج الطيب
شكرا لج وبارك الله فيج ..

[الهيثــم]

سكــون //

نعم ، تقييد التكاليف والوعي بأن ليس كل ما هو غالي فـ هو قيم وراقي
الذوق أهم شي ، لكن المشكلة يوم يكون الذوق العالي يتطلب الدفع العالي كذلك
اهنه تكون الطامة الكبرى ،،،

ومثل ما ذكرتي هذه حياة زوجية
عشرة عمر بتكون امبينهم
أيام حلوة بيعيشونها مع بعض لآخر العمر

فالعاقل سواء كان رجل أو امرأة يجب إنهم يفكرون ويحطون نصب أعينهم أسس ومعاايير يمشون عليها
لأن الزواج مب بس حفلة الزواج .. لا ..
مهما سووا ومهما تعبوا اعمارهم ترا رضا الناس غاية لا تدرك ، وبيون وبينتقدون ..
ومن الكلام إلي يطلع [ الأكل بارد ، القاعة حارة شوي ، الإضاءة كانت قويه عورت عيونا ، ... الخ من الأمور إلي نسمعها ]

لذلك عليهم إنهم يفكرون في اعمارهم وعيالهم وأسرتهم وبس
يفكرون يوفرون بيزاتهم ويستانسون باللي عندهم ويسافرون عقب العرس
ويكون عندهم توفير وتنسيق لأمورهم المالية بحيث إنهم يستغلونها في مشروع يكون مصدر دخل للمستقبل لهم ولعيالهم
توفير مبلغ من المال عسب يبدا يفكر يبني بيت يضم أسرته ..

يعني في أمور كثييرة أهم من هالشكليات إلي مالها أول ولا تالي ..
وفي الأخير مهما سويت ما بترضي حد ..

شااكر لج وجودج وتواجدج ومشاركتج الطيبة اختي سكوون
ولا تحرمينا من هالطلة ..

[الهيثــم]

رمش الغلا //

القناعة كنز لا يفنى

هذا أهم شي لازم يكون بين الزوجين وفي كل الأمور ..
لازم الإنسان يكون مقتنع ، إذا البنت كانت حياتها في بيتهم ميسورة ، لازم تراعي الريال إلي توه متوظف واتكون عااقلة وما اتخليه يخسر على أمور تافهة ، واتقول أنا وعيالي وريلي أولى بهالبيزات من إنه نصرفها على هالأمور ..

والي يطاالع فوق بيتعب ، وبتنكسر رقبته
شوف إلي أقل عنك وبتحمد ربك على النعم إلي انت فيها وربك بيبارك لك في الي عندك ..

والحرمة الصالحة العاقلة ما بتكلف ريلها بأمور فوق طاقته بحجة إنها ليلة في العمر
وبحجة إنه فلانة من ربيعاتي سوت جي وانا لازم اسوي جي .. التفكير لازم يكون أكبر من هالمستوى بوايد عسب تستمر الحياة برااحة

أسعدني مرورج وتواجدج إختي رمووش ..
والله يعطيج الصحة والعافية

[طير الغرام]

http://oasis.bindubai.com/bin/uploaded/1184_11201028869.gif



زمـــان المــاده // كلن همـه راي الناس والقيل والقــال [ عفواً أقصد الغالبيه العظمى ! ]
والناس من كثر ما يجوفون فـــــــــووق >> بتنقص ارقــابهم !


:


الظاهـر هاي حمى وانتشرت ومن أعراضها [ كثرة العوانس واقبال الشباب على الزواج بغير بنات بلادهم ! ]


بس لين متى ؟! وويـــن بيوصلــون بـ هالظاهــره ؟!


السؤال مازال يبحــث عن إجابتــه !


:


شاكره لكـ أخويه خـطـّــاب // تطرقكـ لـ هالقضيـه
واعذرنـي ع ردي البسيط !



http://oasis.bindubai.com/bin/uploaded/1184_21201028869.gif

[دمعة شوق]

لـي عوده إن شــآءالله ،،
شكـرا ً على هالـطرح المميـز ،،

[الهيثــم]

مهــابــه //

رضـا الناس غاية لا تدرك

كلامج جميل جدا إختي الفاضلة
مهما سووا ومهما تعبوا اعمارهم وخسروا بيزاتهم ،، وتباهوا وتفخفوا
بيرمسون عن العرس يومين بس ، وبيقولون فلانه عرسها كان [ زييين أو حلوو ] بس

وكذلك الحال إذا العرس كان بمستوى حالتهم المادية ،، بيرمسون يومين والأشكال إلي بيرمسون هم من نفس الفئة إلي انعدمت القناعة فيهم ، وطبعا أشفق عليهم لأنهم فعلا ابتلوا بمرض الطمع وعدم الرضا وعدم القناعة ..

الشاب والفتاة إذا فهموا معنى الزواج الحقيقي
وفهموا إنه مش بس ليلة وعزيمة وناس ورقص وخرربطان
في هالحالة نظرتهم كذلك بتتغير من حيث النفقات والتجهيزات ..

وعلي وعليج وعلى شباب وبنات الواحات وأخوي وأخوج والكل يبدا ، لأنه هالظاهرة فعلا أثرها كبير جدا
وأدت إلى عزوف فئة كبيرة من الشباب عن الزواج واتجاه البعض للطريق الغير سوي في إشباع رغباته سواء من شاب أو فتاة ، والكل يعلم بهالشي ..

وهالشي ما لم بـ شبابنا وبناتنا إلا لأنه مسئلة الزواج أصبحت مسألة معقدة لكثير من شباب المجتمع بسبة الأعباء المادية

أسعدني تواجدج ، ومشاركتك إختي الكريمة
لج مني جزيل الشكر والتقدير والاحترام ..

[الهيثــم]

العجيبة ، دمعة عين

أسعدني تواجدكم الطيب

~~

تحفه

الفتن والمغريات زادت
وأنا أشجع الزواج المبكر ، لتحصين الشاب والفتاة من الأمور المحرمة
حالنا اليوم مب مثل حال آبائنا ، التبرج والسفور والفتن في كل مكان ..
لذلك يجب على الأسر والمجتمع إيجاد حل ، وليس تعقيد الامر على الشاب والفتاة

ولا حالنا بيصير مثل حال مصر وغيرها من الدول إلي الريال ما يتزوج إلا وعمره 37 و38 .. والحرمة صكت الـ 30 ..

[أنامل قلب]

توني أتذكر شو هي النقطه اللي نسيت أذكرها ..!


أو تفصيـل فستان الزفاف الذي سيلبس لساعات قليلة فقط+ كمن تعقيب شفته بخصوص الفستان ^^"

ماقول إن لازم الفستان يكون بهالأسعار طبعا // بس بكل صراحه ،، أعتبر فستان العرس شغله رمزية جدا // خــــــااااصه ووديه ..
بالنسبه لي أهم من العرس نفسه لول // بمعنى ثاني أعتبر العرس بالنسبة لي = فستان العروس + لمة الأهل والأصدقاء :k_special2: !
ومن قال إن ينلبس لساعات قليله فقط ،، يمكن إييلها خاطر وتحب ترد تلبسه عشرين مره :nerd: !

باختصار // لـ حد يقرب صوب فستان العروس :fa46: !!! >> ما عصبت :fa46: !


+ شي قريته برد اختي مهابه لفتني جدا // بخصوص طلبات العروس (( تطلب من ريلها )) ..
فـ صدق عـ كثر ما فكرت حسيتها ما تصير لول // مستحيل تجرأ البنت تطلب شغله ماديه من شخص ارتبطت فيه من فتره ،، يبالها تتأقلم نفسيا عالأقل !
بالعاده هالمطالب إتي من صوب الأهل أظن مو البنت // ماظن تجرأ أصلا ،، وبعدين صدق كيف تطلب من ريلها واهمه مالحقو يعرفون بعض ^^"

وووو الأهل إذا زادت مطالبهم ،، يكون كذلك من وجهة نظري لـ ظنهم بإن الفتاة بطبعها خجوله واهمه أدرى باللي محتاجته =/

بس فعلا جدا جدا جدا مهم إن يكون لكلا الطرفين رأي واضح ،، لأنهم خلاص دخلو ابـ بداية حياه يديده واستقرار ومسؤوليه //
فـ من الطبيعي جدا إن يكون رايهم الأولى في الطرح والقبول والأخذ به !

+ اسمحلي أخوي عـ تعقيبي للمره الثانيه ..

,