مجلس الأصدقاء ،،

[مــهــابه]

^
إلا أنــا :

أنـا شرآتـج ، لـوّز و كـحه ، وعسب أعـدلهـا صح ، قـبل انام دخـنت غـرفـتي والكـ(V)ــر مالي ورقـدت

وناشه بـليل أكـح من الخـاطر ، وأرّجـع ( سوري جان لوعـة بجبدكم )

[مزن هتان]

شربت الجاهي حليب يتني لوعة و احس اني بستفرغ

[مــهــابه]

^
أنـا امس شربـت كابـتشينو وكنت أكلم قصودتي واخبرهـا
عـقب يـتني لـوعه فضيعـه طووول اليوم احس بشي جيه ما ادري كيـف

يلـين بـليل رجّـعت وارتحـت :)


الحيـن بس اللـوّز

[الا انا]

سلاماااات بنااااتااااات ><:

الله يعينكم ..
كل شي ولا اللوز وانج يوم تحسين انه شي ملوع جبدج ..!

اكره هالشعور .!! احس عمري ثجيييله ..><

وما تريحين الا اذا رجعتي .!! جنه روحج تطلع .

..^^

كشخه بنلوع بجبودهم اليوم ^_^

[مزن هتان]

ربي يسلمج، شريره إلا أنا

اي والله احس بـ شي ياثم ع صدري

[الا انا]

سلامتج الف سلامه ..!!


رجعي وكل شي بيكون اوكيك .^_^

رجعي رجعي ..<< الحين يالله دخلوا الميلس خخ

[المفتاح]

بسم الله الرحمن الرحيم
اللهم صل على محمد و اله الطاهرين
السلام عليكم ورحمة الله وبركاته


مساء الخيرات يا اهل الواحات
شو الاخبار مرتاحين انشاء الله

لا تنسونا من صالح الدعاء

:1:

والله الموفق
اخوكم المفتاح

[المزوحي]

الله يشفيكم بنات ماتشوفون شر :k_no:
...
مايهزك ريح، اخويه اتصل بي خبرني إنه مال الوكالة قاله الرنج سوبرتشارج بتكون 265 ومافي مجال على الاولى اتش اس اي

.......

المهم :m_9admah:

ربيعي بيسير لندن، عنده دوره وبيودي الاهل بالمره، يقول إنه لعوزوه في السفاره امس من الاسئلة وبعده ماخلص

لو انا / بكنسل السالفه، وايد مشددين وفوق هذا الخراب عندهم، أونه عاد يسألون شو سبب زيارتك وكم عندك وشو تشتغل .. الخ


مب نحن كل من هب ودب :bash:

[مزن هتان]

المزوحي
امين يا رب تسلم أخوي ...

[المزوحي]

مسا الخير ....

عندي 25 محفظة من ماركة جوتشي من البوتيك نفسه يعني مب دبلوكيت ... والتوزيع بيتم عليكم ...

ابشروا

[مايهزك ريح]

^
المر .. تراني اتريا سهمي ^_^

[المزوحي]

أويييييه ما بيبدن ....

ما يهمك :)

[عهد الوداع]

حد اهنه ...

[شموخ آنثى]

آنــآ هنآآك . .

[عهد الوداع]

لووول

وليش مب اهني ....

[شموخ آنثى]

هههههههه

خلآص الحيين أنا هنــي . .

شحــآلج ؟!

[عهد الوداع]

تممماااام ربي يسلمج

وانتي . .. ؟؟

[المزوحي]

السلام عليكم

جمعه مباركه على الجميع،

سرت كوفي شوب Cocoa Sambaka ما عيبتني خدمتهم ...

ا

[عهد الوداع]

وعليكم السلام والرحمه


اشحالكم ....

[المزوحي]

شو الاماكن اللي تحبون تردادون لها ؟؟؟

مثلا محل / كوفي / منتزه ... الخ

[عهد الوداع]

مرحبااا

المزوحي انا احب انووووع ...بس اكثر شي احب اتمشى في المنتزهات ...


وشحالكم بعد ...

[المزوحي]

هلا ..


صدق مصخيتها، اليوم لازم ارد امشي، وقفت المشي من مده ... صح الجو حر ، بس ما احب شغلات المشايه ...

إن شاء الله ان شاء الله اسير اليوم ...

وشو أموركم

وشو الدوام اليوم عقب الاجازة ؟

[مايهزك ريح]

افففففففف ما بغيت انش حق الدوام .. صدق مدوخ .. واحين احس بحراره في جسمي ..

[مــهــابه]

^
الله يعييينك ، الحمى تبهدل الجسم ، انا من الاربعـا ويلين الجمعه صرت اهون الحمدلله
بس بـعد

احس اني ابـى ارقد وبس ، يعني تخيل من 10 بليل يلين السـاعه 1 الظهر وانا راقده واحس اني بعد ابى ارقـد

جيـه احس بكسل

سلامتك خويه مــايد

[رمــش الغـــلا]

سلامآت ... شو هل الواحات كلهم تعبـآنين ..!

.
.

انا اليوم خذت بريك مع اني كنت حـآطة فبالي بدآوم بس متأخر ><

بس للأسف ما قدرت أقوم من الفرآش ..!

تعباااااانة صدق كنت =(

وطبعـآُ يلست أشتغل عالبروجكت متوآصل بس خذت بريك غدا وبريك الحين نص سـآعة =)

وبرجع أكمل عقب شوي =)


دعوآآآتكم ... آخر بروجكت لي فـ الكلية =)

[المزوحي]

لالا حرارة

كذا واحد في الدوام فيهم حمى واللي مزجم .. الخ

[مايهزك ريح]

الله يسلمج من الشر اختي مهابه ..
مادري هاليومين احس اني مب رايم ابطل عيوني من الرقاد .. غصب انش حق الدوام ..

اقول ما شي اخبار عن انفلونزا الخنازير ..

[رمــش الغـــلا]

مـآ يهزك ريح انا نفس الحالة مع اني اليوم مداومة متأخر الساعة9 بس بعد غصب فتحت عينيي

شوي وابا ازقر عحد يفتح لي عيوني لوووول ><

[المزوحي]

اهلين

اليوم مسؤولنا سير امريكا، بسما عليكم بيقبضونه عندنا في المطار عند الرده لو في شي لووول

ماعليكم شر ..

مايهزك ريح سافر وانته مرتاح ....

[مايهزك ريح]

لين الحين ما لغيت الحجوزات عندي امل يتغير الوضع باقي شهرين على الرحله واذا ما استوت ... عندي بديل ..
فعشان جيه عادي ^_^!!

[المزوحي]

الحمدلله / زين إنك متفائل ... ليش تستبقون الاحداث ... خل كل شي وإن شاء الله خير ...

[عهد الوداع]

السلام عليكم


حد اهنه ..

[رمــش الغـــلا]

صبــآحكم خير وورد =)

كيف أصبحتوا اليوم ؟

[محد يستاهل]

أًصبحنا واصبح الملك لله

شحالكم ..

[المزوحي]

اهلا
تدرون هذا العطر اللي ادور عليه من زمان، اليوم روحته في واحد، ريحة نظافه .. غير عن كل العطور
ولا تقولون توم فورد ولا غيره، صدق غير ... كأنه الواحد متسبح لحظتها ... ابغي من هذا العطر :fa43:

........

اليوم مشيت نص ساعه بس :ohboy: بس احسن من لاشي :blush:

........

[عهد الوداع]

اهلين المزوحي

كيف شكله العطر الي دور عليه ...لوول ...

[مــهــابه]

.

.


صبـحكم اللـه بـالخــير


شحـآلــكم ؟


نـادراً جـداً ما أنش ع صوت المنبه ، دايمـاً انـش الروحي ، اليوم رن الـمنبه وفزيـت :4:

مافـيَـه اضيـع كلآسـآتي ( عنـدي امتحـآنيـن ) ولآ نفـآد :fa56:


دعـوآتـكم فـ امتحـآن السـاعه 11
وآمتحـآن السـاعه 2
والمـلل المصـآحب لـ كلآس النيوتـرشن السـآعه 12 ونص :k_harhar1:

[مزن هتان]

يصبحج بالنور و السرور خيتي

بالتوفيق بـ الامتحانين و يعينج ربي عـ الكلاس الممل
ابتسمي بما انه اليوم الاربعا =)

[مــهــابه]

^
فـ أول امتحـآن زفـتنـآ

والله يسـتر من الـ 2


مزن :

تـسلميـن :)

[المزوحي]

مب شكل .. ماعرف شكله .. إلا ريحته ... ! خبااااااااااال

[مايهزك ريح]

^
افا جان سألته شو اسمه ولا شكله .. عشان ما يتم في خاطرك ^_^

[المزوحي]

مرات يوم يستوي هالموقف، اقول زين شو فيها لو سألت ؟؟؟ بقوله لو سمحت، ترى العطر وايد فنان شو اسمه ..!

[عهد الوداع]

هيه لا تخلي شي في خاااطرك ...

مساء الخير ,,,, شخباركم ....

[المزوحي]

تخيلي ..!

مساء الخيرات

توني رديت من المشي ... يبالنا سبوووح

[رمــش الغـــلا]

هي والله ليش تخليه فخـآطرك جـآن سألته =)

.
.

نعيمــآ مقدمـآ

.
.

مســآ الورد ..

كيف أمسيتوا ؟

[المزوحي]

رمش الغلا، الحين تخلوني اتشجع اسأل اي شخص مار، عن عطره لو عيبني واااااااااايد ...

من فتره طويله واحد عطر طررررررر العطر كلاسيك ومب منتشر ...

....

الله ينعم عليج ...

مساء باقات الزهور ...

انا عندي شغله بظهر طشونه وبرد لكم

[عهد الوداع]

مرحباااا


شو عشاااكم اليوووم ... انا في خاطري اتعشى وعقب اتمشى ... بس ما عندي حد يتمشى وياايه لووول اغمض صح


وين رحتووا اليوم ... شو سويتوااا ... ان شاء الله مودكم كااان تماام التمااام ....

[المزوحي]

انا سرت الفستفل .... ومودي عادي ..

عشانا .. همم انا قلت لهم يفورون لي بيض ... وباكل سلطه ...


بس دوري حد يتمشى وياج ... وايدين يتمشون ... الصبح + العصر + في الليل

[عهد الوداع]

المهم طلعت وغيرت جووو ,,,,

انا اليوم ما رحت مكاااان .... كان في خاطري اظهر ... خيرها في غيرهااا .. ) :

شكلك تسوي رجيم على هالعشاااا .... ^_^

اممم

احلى وقت للمشي هالوقت ... الجو يكون غير ,,, ارحم من العصر ...

[المزوحي]

لأني امشي ... واريح في الليل شي خفيف ..

العصر حر ... بس على حسب الوقت ...

الحين الجو احسن ... ومثل ما قلت لج وايدين يمشون .. اللي على الشارع واللي في الفريج واللي في الحديقة واللي

في المشى ...

يوم اسير الدوام الصبح اشوف وايدين يمشون .. والعصر كذلك .... وعقب المغرب ... وفي من الناس يمشون الفجر

[رمــش الغـــلا]

^

خــآطري يوم أسير أمشي بس جيه تغيير =)
مب اني أبا أضعف لااا [ عن انقرض بس ] ....

بس جيه خـآطري أسير .. ^__^

[المزوحي]

مايخصه المشي في الضعف، سيري امشي غيري جو، وزين حق العظام ...

يمدحونه اللافندر .. خذت شور به ... nice

[عهد الوداع]

صباح الخير

منو سهرااان

[المزوحي]

صباح الخير - جمعة مباركة

وش حالكم

يالله شدوا حيلكم في الاجازة .. مب تقولون فرصتنا نرقد لأنه ماشي دوام ....

وشو جدولكم اليوم ؟

[المزوحي]

صح الحينه ردوا على الكنادير اللي رقعتهم خفيفه، منو هو اللي اييب الموضه، مانعرف، هو كل شي موجود، بس يوم حد

يسوي شي، الباجيين يقلدون ويقولون موضه ...

أمس واحد لابس كندوره من الرقعه الطايحه لونها زيتي، ومتعصم بغتره بيضاء ولابس جوتي ابيض مثل اللي في الصورة

http://www.neimanmarcus.com/products/mt/NMN0BZX_mt.jpg


هالنوع من الجواتي Moccasin تعيبني وشفت منهن عن Tod's كشخه ...

شوفوا هاييل

http://www.departures.com/images/art_images/fa_0306_tods.jpg

شوفوا هالحمر كيف رهييييب ..

http://www.robbreport.com/Articles/Style/Wardrobe/asset_upload_file757_6312.jpg

[عهد الوداع]

المزوحي حلوين هالجوااتي .. كيوووت في اللبس ...


مساء الخير .... شخباركم ....

[المزوحي]

عهد والله ذوقج الكيوت ... تسلمين والله

مساء النور ....

بخير ربي يعافيج

[مــهــابه]

صبـآح اللـيل


~ شحـآلكم ؟

الوآحـآت صـآيره مملـه نوعـاً مـآ ، ومن زود الـملل ، قمت آبطـل الكتـب وآدرس



لـو يـتم الوضـع يلين يخلص الفـاينل جيـه زيـن ، عسـب ادرس =p

[عهد الوداع]

المزوحي


الله يسلمك


مهابه

صباح الورد ...

ربي يسللللمج .... والله صدقتي يا مهابه صرت احس بكآبه يوووم ادش اهني .. مادري ليش ما شي نشااط وحركه ... صمت وهدوووء فضييييع ...


واعلووومكم بعد ....

[مــهــابه]

^

شـو بدنـآ نـّـعمُـل

تـرى هـل جامعه الشـارجه امتحـآنـآات الاسبوع اليـآي ، والمدارس بـعد ..


الواحات تـكون فـ اجمل حالاتهـا فـ الويـك إنـد =p


عـندي امتحـآن واريـد اطلـع ، دعـوآتكم اخلص بدري ، عـسب آتـلفلـف فـ العـين طشـونه

[المزوحي]

إذا قلت لكم، مابتصدقون ...

دخلت عسب اقول إنه الواحات ممله، وانتوا كاتبين نفس الكلام

هيه صح ليش جيه مستوين .. يعني لازم نغيب مده ونرد ...

وبعد فوق هذا كله مافي شي يديد ........

[مــهــابه]

جـآن غبـنآ آحنـآ بتتـسكر الواحات خلاص لووول

[عهد الوداع]

الله كريم ...


مساء الخير ....

[المزوحي]

مساء النور

آاااخ هلكت والله تعبت .. حتى ما كملت مشي، يادوب نص ساعه ورديت .. موت حر ... لالا

يحتاي اغيّر موعد المشي .. لو سرت الساعه 6 يمكن اهون ... او حتى عقب المغرب

شالله مكلفني .. :k_no:


.....

[مزن هتان]

يعطيك العافيه أخوي المزوحي
شـ حادك تروح العصر !، الجو بعد المغرب زوين

[المزوحي]

الله يعافيج مزن ... يبالي اغير ..

[عهد الوداع]

صبااح الخير ...

[مزن هتان]

صباح الأنوار ..

السلام عليكم و رحمة الله و بركاته
" أصبحنا و أصبح الملك لله، و لا حول و لا قوة إلا بالله "

أبّي ارمس، ما عرف اقبض لساني أنا
ماداني اشوف البنات جيه

http://oasis.bindubai.com/bin/uploaded/447_01242013900.jpg (http://oasis.bindubai.com/bin)

عندي كم وحده يسون البفه
من يقبلن عليه جمله وحده بس اللي أعرفها
" شفيه راسج وارم P: "، اونه الشيله ما تثبت الا جيه.
لا والله و شلون فلانه و علانه ما تشوفين حتى لو رفعه
بسيطه مبينه و ما شاء الله حجابهم ما يطيح من فوق راسهم

ربي يستر علينا و يحفظنا من هـ البلاء

[مــهــابه]

صبـآح الـنور ..


صبـآح الرقـآد لوول ، رآقـده السـآعه 5 ومسطلـه من الخـآطر مادري شقـآ بتحمل الدوام لـ السـاعه 3


مـزن :

فـي نـآس تـبـآلـغ واااااايد ، بشكل مش طبيعي ، يعني ماشي راس ، القباضـه اكبر


آنـا مالـي مب كبييييره وايـد =P

[مزن هتان]

نحن ما قلنا لهن لا يلبسنها القباضه، بس تكون صغير و تحت
أنا يوم اسويها بالبيت " ارفعها فوق " والله انه راسي يعورني !!

الله المستعان ياختي

[مزن هتان]

http://stuff.pyzam.com/toys/tictacscare.swf

مين يقدر يهزم الكمبيوتر ؟
أنا ما قدرت عليه، بس قام أحاول =)

ابّي اشوف نتايجكم

[مــهــابه]

^
مـــزن


زيـن جيـه تـسوين فـيَـه وانا فالكلاس

والله حركات =P


كل البنات يطالعوووني يقولون بلاها هذي

[مزن هتان]

=) حلوه اللعبه، أكيد انج دخلتي جو معاها

[مــهــابه]

^
وآيــد حلــوه
انـا من زود ما اندمجت وتفـآعـلت جيه صـآر

[عهد الوداع]

مزن

الله يسااامحج ... ):


خخخخخخخخ

[المزوحي]

مسا الخير

هلا مزن اليوم سرت امشي الساعه 6:15 غيرت مثل ما قلت لج

بس شو اللي يخليني اسير العصر، لأنه مابغي اضيع الوقت ... :a046:

[المفتاح]

بسم الله الرحمن الرحيم
اللهم صل على محمد و اله الطاهرين
السلام عليكم ورحمة الله وبركاته


اهلا باهل الواحات واخواننا الكرام
كيف الحال مرتاحين انشاءالله
حبيت اصبح على الاخوان والاخوات
ولاتنسونا من صالح الدعاء

والله الموفق
المفتاح

[المفتاح]

بسم الله الرحمن الرحيم
اللهم صل على محمد و اله الطاهرين
السلام عليكم ورحمة الله وبركاته


اَللّـهُمَّ اِنّى اَسْأَلُكَ بِاسْمِكَ بِسْمِ اللهِ الرَّحْمنِ الرَّحيمِ يا ذَا الْجَلالِ وَالاِْكرامِ يا حَىُّ يا قَيّوُمُ يا حَىُّ لا اِلـهَ اِلاّ اَنْتَ، يا هُوَ يا مَنْ لا يَعْلَمُ ما هُوَ وَلا كَيْفَ هُوَ وَلا حَيْثُ هُوَ اِلاّ هُوَ، يا ذَا المُلْكِ وَالْمَلَكوُتِ يا ذَا الْعِزَّةِ وَالْجَبَروُتِ، يا مَلِكُ يا قُدُّوسُ، يا سَلامُ يا مُؤْمِنُ يا مُهَيْمِنُ يا عَزيزُ يا جَبّارُ يا مُتَكَبِّرُ يا خالِقُ يا بارِئُ يا مصوّر يا مُفيدُ يا مُدَبِّرُ يا شَديدُ يا مُبْدِئُ يا مُعيدُ يا مُبيدُ يا وَدُودُ يا مَحْمُودُ يا مَعْبوُدُ يا بَعيدُ يا قَريبُ يا مجيب يا رقيب يا حَسيبُ يا بَديعُ يا رَفيعُ يا منيعٌ يا سَميعُ يا عَليمُ يا حَليمُ يا كَريمُ يا حَكيمُ يا قَديمُ يا عَلِىُّ يا عَظيمُ يا حَنّانُ يا مَنّانُ يا دَيّانُ يا مُسْتَعانُ يا جَليلُ يا جَميلُ يا وَكيلُ يا كفَيلُ يا مُقيلُ يا مُنيلُ يا نَبيلُ يا دَليلُ يا هادى يا بادى يا اَوَّلُ يا اخِرُ يا ظاهِرُ يا باطِنُ يا قآئِمُ يا دآئِمُ يا عالِمُ يا حاكِمُ يا قاضى يا عادِلُ يا فاصِلُ يا واصِلُ يا طاهِرُ يا مُطَهِّرُ يا قادِرُ يا مُقْتَدِرُ يا كَبيرُ يا مُتَكَبِّرُ يا واحِدُ يا اَحَدُ يا صَمَدُ يا مَنْ لَمْ يَلِدْ وَلَمْ يوُلَدْ وَلَمْ يَكُنْ لَهُ كُفُواً اَحَدٌ وَلَمْ يَكُنْ لَهُ صاحِبَةٌ وَلا كانَ مَعَهُ وَزيرٌ، وَلاَ اتَّخَذَ مَعَهُ مُشيراً، وَلاَ احْتاجَ اِلى ظَهير وَلا كانَ مَعَهُ مِنْ اِلـه غَيْرُهُ، لا اِلـهَ اِلاّ اَنْتَ فَتَعالَيْتَ عَمّا يَقُولُ الظّالِمُونَ عُلُوّاً كَبيراً، يا عَلِىُّ يا شامِخُ يا باذِخُ يا فَتّاحُ يا نَفّاحُ يا مُرْتاحُ يا مُفَرِّجُ يا ناصِرُ يا مُنْتَصِرُ يا مُدْرِكُ يا مُهْلِكُ يا مُنْتَقِمُ يا باعِثُ يا وارِثُ يا طالِبُ يا غالِبُ يا مَنْ لا يَفُوتُهُ هارِبٌ، يا تَوّابُ يا اَوّابُ يا وَهّابُ يا مُسَبِّبَ الاَْسْبابِ يا مُفَتِّحَ الاَْبْوابِ يا مَنْ حَيْثُ ما دُعِىَ اَجابَ، يا طَهُورُ يا شَكُورُ يا عَفُوُّ يا غَفُورُ يا نُورَ النُّورِ يا مُدَبِّرَ الاُْموُرِ يا لَطيفُ يا خَبيرُ يا مُجيرُ يا مُنيرُ يا بَصيرُ يا كَبيرُ يا وِتْرُ يا فَرْدُ يا اَبَدُ يا سَنَدُ يا صَمَدُ، يا كافى يا شافى يا وافى يا مُعافى يا مُحْسِنُ يا مُجْمِلُ يا مُنْعِمُ يا مُفْضِلُ يا مُتَكَرِّمُ يا مُتَفَرِّدُ، يا مَنْ عَلا فَقَهَرَ، يا مَنْ مَلَكَ فَقَدَرَ، يا مَنْ بَطَنَ فَخَبَرَ، يا مَنْ عُبِدَ فَشَكَرَ، يا مَنْ عُصِىَ فَغَفَرَ، يا مَنْ لا يَحْويهِ الْفِكَرُ وَلا يُدْرِكُهُ بَصَرٌ، وَلا يَخْفى عَلَيْهِ اَثَرٌ، يا رازِقَ الْبَشَرِ يا مُقَدِّرَ كُلِّ قَدَر، يا عالِىَ الْمَكانِ يا شَديدَ الاَْرْكانِ يا مُبَدِّلَ الزَّمانِ يا قابِلَ الْقُرْبانِ يا ذَا الْمَنِّ وَالاِْحْسانِ يا ذَا الْعِزَّةِ وَالسُّلْطانِ يا رَحيمُ يا مَنْ هُوَ كُلِّ يَوُم فى شَاْن يا مَنْ لا يَشْغَلُهُ شَاْنٌ عَنْ شَاْن، يا عَظيمَ الشَّأنِ يا مَنْ هُوَ بِكُلِّ مَكان، يا سامِعَ الاَْصْواتِ يا مُجيبَ الدَّعَواتِ يا مُنْجِحَ الطَّلِباتِ يا قاضِىَ الْحاجاتِ يا مُنْزِلَ الْبَرَكاتِ يا راحِمَ الْعَبَراتِ يا مُقيلَ الْعَثَراتِ يا كاشِفَ الْكُرُباتِ يا وَلِىَّ الْحَسَناتِ يا رافِعَ الدَّرَجاتِ يا مُؤْتِىَ السُّؤْلاتِ يا مُحْيِىَ الاَْمْواتِ يا جامِعَ الشَّتاتِ يا مُطَّلِعاً عَلَى النِّيّاتِ يا رادَّ ما قَدْ فاتَ يا مَنْ لا تَشْتَبِهُ عَلَيْهِ الاَْصْواتُ يا مَنْ لا تُضْجِرُهُ الْمَسْأَلاتُ وَلا تَغْشاهُ الظُّلُماتُ، يا نُورَ الاَْرْضِ والسِّماواتِ يا سابِغَ النِّعَمِ يا دافِعَ النِّقَمِ، يا بارِئَ النَّسَمِ يا جامِعَ الاُْمَمِ يا شافِىَ السَّقَمِ يا خالِقَ النُّورِ وَالظُّلَمِ يا ذَا الْجُودِ وَالْكَرَمِ يا مَنْ لا يَطَأُ عَرْشَهٌ قَدَمٌ، يا اَجْوَدَ الاَْجْوَدينَ يا اَكْرَمَ الاَْكْرَمينَ يا اَسْمَعَ السّامِعينَ يا اَبْصَرَ النّاظِرينَ يا جارَ الْمُسْتَجيرينَ يا اَمانَ الْخائِفينَ يا ظَهْرَ اللاّجينَ يا وَلِىَّ الْمُؤْمِنينَ يا غِياثَ الْمُسْتَغيثينَ يا غايَةَ الطّالِبينَ يا صاحِبَ كُلِّ غَريب يا مُؤنِسَ كُلِ وَحيد، يا مَلْجَاَ كُلِّ طَريد يا مَاْوى كُلِّ شَريد يا حافِظَ كُلِّ ضآلَّة، يا راحِمَ الشَّيْخِ الْكَبيرِ، يا رازِقَ الّطِفْلِ الصَّغيرِ يا جابِرَ الْعَظْمِ الْكَسيرِ يا فاكَّ كُلِّ اَسير، يا مُغْنِىَ الْبآئِسِ الْفَقيرِ، يا عِصْمَةَ الْخائِفِ الْمُسْتَجيرِ، يا مَنْ لَهُ التَّدْبيرُ وَالتَّقْديرُ يا مِنَ الْعَسيرُ عَلَيْهِ سَهْلٌ يَسيرٌوالله الموفق
المفتاح

[جنة عدن]

السلام على اغلى ناس
والله انا مشتاق حق كل واحد فيكم
ومرة ثانية بسلم على اخواني الطيبين
:k_blush-anim-cl::k_blush-anim-cl::k_blush-anim-cl:

[المزوحي]

مادري منو فيكم يرب لبن اكتيفيا،

http://www.talabia.com/Thumb.aspx?Width=369&Height=233&filename=/DataFiles/Activia180.jpg

يمدحونه للهضم

وانا يوم شربته ، عيبني لأنه غليظ ... رديت خذت منه، بس شوفوا كيف لقيته، بالرغم إني خضيته، لكن يوم بغيت

اشربه ، كأنه حليب .. خفيف ... ماعرف اشرب ماي وإلا حليب !!! مع إنه التاريخ بعده عن ينتهي ...

هل هذا مغشوش ؟

وبالصدفه اليوم حصلت واحد يشتكي إنه اللبن لقاه كأنه حليب، بس في شهر مارس، ومن كلامه سعودي ..

[المفتاح]

بسم الله الرحمن الرحيم
اللهم صل على محمد و اله الطاهرين
السلام عليكم ورحمة الله وبركاته

اهلا باهلنا واخواننا واخوتنا فى واحات بن دبي
شو الاخبار مرتاحين انشاءالله

الاخت الكريمة جنه عدن
اهلا باهل الجزائر بلد المليون شهيد
لك غيبة طويلة يا اختى الكريمة
حياك الله


الاخ الكريم المزوحي
شو الاخبار مرتاح انشاءالله
انا بصراحة ما اشرب لبن ولا اعرف عنه اي شي بس مثل ما سمعت
انه فى الدعاية والله اعلم بس انا استعمل اينو بطعم الليمون.

والله الموفق
المفتاح

[مزن هتان]

و عليكم السلام و رحمة الله وبركاته
أخوي المفتاح
أسعد الله صباحك بكل خير، ان شاء الله.

[عهد الوداع]

مساااء الخير


اشحالكم ... شوو تسووون ... تغديتواااا ؟


شووو مشاوريكم لليوم ..... ؟؟

[المزوحي]

اهلا اخويه المفتاح .. الله يعطيك العافيه :)

هلا عهد .. انا ما تغديت ... تريقت الساعه 11

مشاويرنا .. همم مشي + الحلاق

[مزن هتان]

صباح الخير


http://www.islamway.com/flashes/2/ayndark.exe

[جنة عدن]

:k_blush-anim-cl::k_blush-anim-cl::k_blush-anim-cl:
اغلى سلام واحلى كلام
والله انا برتاح كل ما اتواصل معاكم
بس الدراسة كتير شاغلتني ها الايام اعذروني

[المزوحي]

^
مبروك الموبايل اخويه مروان ^_^


على طاري الموبايل اللي خذته، اغتشيت فيه :bash: بالرغم إنه الكرتون مغلف بالنايلون، إلا إنه يوم شحنة البتري ...

وييت بستخدمه، أشوف أرقام مخزنه فيه :h_negab: يا ويلهم مني .... :3:

[المزوحي]

السلام عليكم وش حالهم ؟؟؟؟ :m_mar7ba:

بغيت اقولكم عن نعلة تستوني وانتوا بكرامه ... اللي عند روديو درايف ... الحينه قاموا يفصلون منهم عند محل

في ( أسواق ) اللي في المزهر ... وموجود في دكاكين ... محل مخصوص حق هالنعله ...

تختارون اليلد واللون، وحتى الشعار وتقريبا على 500 درهم ... عن نفسي ما اقتنعت به وايد، بس يمكن غيري يحب هالشي :m_atmasha:

http://www.uaeec.com/vb/attachments/f35/8740d1239749131t-a-_______.jpg

.........

دخلت الصيدليه باخذ لي شامبو، على كثر الشامبوات اللي في الجمعيه، والالوان .. مافي شي عدل ... خذت شامبو براند

سويسري اسمه RAUSCH خذت حجم صغير 25ml حق التجربه إذا أوكي باخذ الحجم الكبير ... بالمناسبه حد جرب شامبوات

loccitane ؟ :ohboy:

........

[المفتاح]

بسم الله الرحمن الرحيم
اللهم صل على محمد و اله الطاهرين
السلام عليكم ورحمة الله وبركاته

صباح الخير يا اهل الواحات كيف الحال مرتاحين انشاءالله تعالى

احلى صباح لاحلى اخوان فى الواحات

مزن هتان : يا هلا بك شو اخبارك انت مرتاحة انشاءالله

المزوحى: هلا خوي شو الاخبار مرتاح انشاءالله
بالنسبة للنعله وانت بكرامة انا البس نعله اسمها اتاسو صناعة باكستانية
جلد طبيعى....وبالنسبة للشامبو ان كل فترة شامبو يديد فى كثير من الناس
ما يستخدمون الشامبو الى فى الجمعيات .

جنه عدن : الله يوفقك للدراسة يا اختى الكريمة واهم شي هاي الايام الدراسة
العلم نور والجهل كور (كور كلمه فارسية ) طبعا هاي المثل من عندي وليس له
اصل فى الامثال العالمية وكلمة كور بمعنا الاعمي .

موفقين يارب العالمين لما يرضاه رب العالمين امين يارب العالمين
ولا تنسونا من صالح الدعاء

والله الموفق
اخوكم المفتاح

[المزوحي]

اهلا اخويه المفتاح، اتاسو هو اللي في بن سوقات سنتر ؟؟؟

.......

مريت المحطة اليوم الصبح ...
http://oasis.bindubai.com/bin/uploaded/3336_01242560858.jpg (http://oasis.bindubai.com/bin)

[جنة عدن]

:k_blush-anim-cl::k_blush-anim-cl::k_blush-anim-cl:
مساكم الله بالخيير تسلم والله
اخي الفاضل*المفتاح*
صاير حكيم والله
بس يالله *العلم نور والجهل كور*

[المفتاح]

بسم الله الرحمن الرحيم
اللهم صل على محمد و اله الطاهرين
السلام عليكم ورحمة الله وبركاته

المزوحى
هلا حبيبي كيف الحال مرتاح انشاءالله
صح فى بن سوقات بس انا اخذه من الوكيل نفسه
فى ديرة وبن سوقات اعتقد قيمة النعال وانت بكرامة 180 درهم .

:m_mar7ba::m_mar7ba::m_mar7ba:

جنه عدن

هلا بالاخت الكريمة شو الاخبار واخبار الداسة كل شي بخير انشاءالله
ما تعرفين ان خذ الحكمة من افواه المجانيين ؟؟؟
هاي ايضا حكمة

موفقة يارب

والله الموفق
المفتاح

[المزوحي]

السلام عليكم
المفتاح اول مره اعرف إنه له وكيل .... :doh:
مادري بلاهم الخلق على بلاك بيري، شي راجع لهم، بس شو يعني يوم 6 شباب يالسين في الميلس مايتكلمون مع
بعض وهم يسوون شات مع بعض بالبلاك بيري ، التقنيه حلوه لكن مايعرفون كيف يستخدمونها، وإلا البنات يسوون حوادث :6:
بسبب البلاك بيري ... ماصار بلاك بيري هذا ....!! :hysterical:
على طاري نعلة MBT كل ما اشوف واحد مستن يكون لابس هالنعال، وإلا لابس نعلة تستوني التفصيل ... :k_no:
خلاص شباب سيروا دوروا لكم نعله ثانيه .... الشي يوم ينتشر بشكل رهيب ما احبه ... :a046:

[المزوحي]

بشكل عام بشكل عام بشكل عام ... ماتشد حد سألكم عن الشي اللي عندكم ؟ :look: مثلا لو حد يمدح الشي اللي لابسنه

وعقب يسأل من وين وإلا بكم .... أنا ابغي مثله :m_9admah:

.....

صح .. عندنا واحد في الدوام، يوم ألبس ساعه يسألني من وين ويتم يتطالع، وإلا شو ماركة النظارة :a018: أو النعال اللي

لابسنه :k_icon9: بس ما احيد عمري وااااااااو عسب يسأل هالكثر، مب عني انا بس، حتى اشوفه يسأل غيري

في اشي شي كان ... :bash: وبسرعه يسير يسوي اللي يباه :a046:

........

هذيان قبل الرقاد :4:

[المفتاح]

بسم الله الرحمن الرحيم
اللهم صل على محمد و اله الطاهرين
السلام عليكم ورحمة الله وبركاته

اهلا بكل الشباب من واحات بن دبي واهلا بكل زائر لنا
صباح الخير والورد والياسمين ودهن العود وكل شي جميل.
المزوحي : هلا بك شو الاخبار مرتاح انشاءالله تعالى

فعلا اتاسوا عنده وكيل فى ديرة بس غير معروف على فكرة صناعة اتاسو
جلد طبيعى صناعة باكستانية وانا بصرحة احب البس هاي الصناعات العربية
او الاسلامية وخاصة لمواسم العمرة او الحج....كثير من الناس يشاطرني هاي الراي.

البلاك بيري : هاي التقنية لرجال الاعمال والاقتصاديين بس حاليا تحصل مثل ما تفضلت
يالسين فى ميلس وكل واحد فى وادي.... عندي اثنين من الاصدقاء عندهم بس دائما
على متابعة الاسم والايميلات الخاصة لهم.

:1:

الماركات العالمية : صحيح الماراكات العالمية ممتازة وشي جيد ان الانسان يمتلكها بس
اوقات تكون مبالغ فى سعرها جدا جدا بس الذي عنده الخير ومتمكن ما فى اي مانع ان يمتلك بس
الى يذهب من اجل القروض من اجل شي فوق طاقته هنا المشكلة .
والله اعرف ناس من الاغنياء جدا بس حياتهم عادية جدا ومتواضعين جدا جدا .
بالنسبة لى وخاصة الساعة اهم شي عندي الوقت ساعة ماركة او بدون ماركه الحمدالله ما اكلف نفسي
عناء فوق طاقتى....اتذكر دراستى فى كلية التقنية هناك منوجات امريكية بدون ماركة وارخص طبعا مثال
(فقط سيجارة) يعنى بدون اي ماركة مسجله .

:1:

امس وصلنى دهن عود هندي ريحته عجيبة جدا جدا جدا . دعاية .

والله الموفق يا اخى الكريم المزوحى
لاتنسانا من صالح الدعاء
تحياتى

والله الموفق
المفتاح

[المزوحي]

الله يبارك فيك المفتاح:-)

[رمــش الغـــلا]

عطـآري البلاك بيري .. مستوي أكثر من موووووووضة ..!

يعني شي مش طبيعي ..

لـدرجة ان كل ربيعـآتي وبنات عمي واختي حاشريني آخذه .. واللي مشجعني اني اشوف عمري مب ويـآهم عالخط يوم نكون متيمعين فمكان .. لانه كل واحد غرقـآن فالبلاك بيري اللي عنده لوووول ..!

[المزوحي]

رمش الغلا مب شرط تكونين مثلهم، انا دايما عسب اكون مميز اكون متخلف نوعا ما ... يعني ما احب امشي على الموضة

توووووو متش ، لأنه بكون مثلهم ، فما في شي بيميزني ...

زين وخذته وعقب ؟؟؟

[مــهــابه]

^
مـا أدري ليـش مب داخل مـخي هالـبلآك بـيري ، ولآفـكرت فـ يوم آنـي آخذه بـعـد
رغـم اني أشوف خـويه مسـتـآنس عـليه والكل محتشر بـلاك بيـري وبـلآك بيري

[المزوحي]

مهابه عيل تمي مثلي احسن لج لوووووووول

والله ....

ليش هل البلاد ضججججججججه

...

تعالوا ... محد ناوي يعشيني ؟؟؟؟

خفايف


يبالي شاور ....

[رمــش الغـــلا]

ليش ما تشجعون الوآحد ...

ويقولون آوت اوف ستوك الحين !

يعني ماشي ><! معقوولة

انا متحمسة لانه كل اللي فالعايلة بنات عندهم عسب جيه :)

مع انه فوني عايبني وما كمل 4 شهور عندي بس ^^

[المزوحي]

كل شي موضه وعقب بتملين منه

[رمــش الغـــلا]

ترا هذا هو ...

مع انه هو منزمان موجود .. بس شرات ما تقول الحين الكل اكتشفه واستوا موضة ..=)

الله كريم جان بناخذه والا بغير رايي ^__^

[مزن هتان]

http://oasis.bindubai.com/bin/uploaded/447_01242809801.bmp (http://oasis.bindubai.com/bin)


مبروك عليكم الرادار "عـ شارع الخيل "
يحتوي على أربع كاميرات :boxed: { يا زعم انه بأشعه الليرز }
1. للسرعه
2. للتجاوز
3. الخط الاصفر
4. اذا كنت لازق بالسياره اللي جدامك

بس خلاص ما خلوا بقعه بحالها
شوارع دبي لغموها من الخاطر
و مش ملوع جبدي الا معبر الخليج اظن حاطين رادار كل 200 متر
حسبي الله عـ بليس العدو :k_special2:

[المزوحي]

لا تذكرينا مزن مب حاله وياهم

هو زين وشين الصراحه

[رمــش الغـــلا]

زين يســوون =)

شي وايد زين الصرآحة =)


"وحدة ما تسوق فـ دبي لول "

:fa56:

[الا انا]

اول مره احس انه فلااان ......................................؟؟<< خقاق شوي ..@



انزين ><

وهيك يعني ><



..^_^

[مزن هتان]

المزوحي : الله يعينا
رمش : =( مو قادرين نتنفس نحن
إلا أنا : شـ ياج، اشوفج تهذرين بروحج

[المزوحي]

مسا الخير

كيف الحال .. هل هو فعلا بدا الصيف ؟؟؟؟ وإلا عشان الناس تبغي تسافر ؟؟ ليش مراكز التسوق مستويه ما تنطاق حتى

في نص السبوع، يعني متى نسير ؟

المركز مب لي انا بس .. حركنا الخميس + الجمعه + السبت

والحينه يايين في نص السبوع ...

ما احبه الضجه يا ناس ...

اليوم تراني تغديت + تعشيت .. اقصد وجبة وحده الساعه 7

هممم باجر الخميس وإن شاء الله يكون يومي حلو بطوله وعرضه ...

يقولون خفة الزحمه وانا ما اشوفها خفت ...

تعالوا في واحد ما عنده مذهب ... انا عند الاشاره وكانت حمرا ... وقف واحد من غير إشاره يوم لبقت وانا مشيت

جدم موتره اونه بيدعمني لو ماعطيته درب .. خليته يسير وعقب انتقلت عنه ... اونه حاط راسه براسي ...

كنت بنزل برده كف ... شو هالخمه ؟؟؟


.....

[الا انا]

.^

مزن ..لوول << ماعليج مني ..!!...


وهيك يعني ><"


يوعااانه ><



...


امس كان يوم غبي .. ومتعب ..><


تعب تعب تعب صج صج صج ...@

صايره .. مس ...

جني فاتحه جمعيه المعلمين .>< افففف

مشكلتي ماحب ارد احد .. لو عندي مليون الف شي .. ماحب اردهم .. ماحب ><


تعب .. من العصر لين 12 باليل << غير جي وجي << سوو جي .. وحطوا جي ><



بخاطري اكون شرات غيري << يعطون بالويه .. يوم مايرومون يسوون شي ..@

ان استحي ماحب ارد احد ><

[المزوحي]

مرحبا

كيف الحال ؟؟؟؟

اليوم شو يا شطاّر ؟؟ قولوا ويايه اليووووووووووووم الخميس

اكيد مبسوطين لأنه الويك اند .. عندكم الخميس + الجمعه + السبت

ولو إنه الخميس مداومين فيه ونصه فات بسبعد يبقى يوم الخميس، بغض النظر عن اللي يداوم شفتات ...

وإلا يتأخر في الدوام ... الجمعه هذا اليوم من الصبح تبغي ترتاح بس أحس مب لنا للهنود وبس ... زين بيبقى يوم

السبت اللي بعض الموظفين عندهم دوام مثل الخاص او البنوك ...

ما نبغي نتكلم وايد عن الشغل، قلنا نحن خلاص ويك اند يعني ننسى كل شي ونفكر في عمارنا بس ..

يالله شو خططكم ... ؟

[المزوحي]

شكلي روحي في الميلس ، ادخل ارمس واظهر ... :hysterical:


المهم

جمعة مباركة عليكم

وينكم غاطين :vampire:

سرت لافاييت ( دبي مول ) قلت بطلع عسب أرد آخذكم ونسير كلنا هناك :fa34: شو رايكم ؟

ولو إنه البعض ما عيبه لافاييت دبي :doh:

[مزن هتان]

فـلاش (http://www.twbh.com/flash/alshka.swf) ..

[المزوحي]

مرحبا

وش حالكم

اليوم سرت صحارى من زمان ما سرت هالمركز ... تريقت هناك والمركز كان فاضي نوعا ما .. قلت يمكن عقب يبتدون

إييون ... ورديت البيت على الساعه 2 صدق حررررررر

ومادري العصر وين بسير ... ياليت تخبرونا عن أماكن يديده اكتشفتوها ..

وإلا بعد بتخلوني ارمس في الميلس روحي لوووووول

[أنامل قلب]

^ الحمدلله بخير جعلكم ربي بخير ..

اذكر من مده رحت صحارى الظهر ، ومالقيت غير عيال الثنوية يتحوطون لول
بس والله مو من زود ما اظهر عشان اعرف بالاماكن !

,

امممم ، احس اللاب بكبره صاير كئييــــــب !

[رمــش الغـــلا]

^ أحب أسير صحـآرى يوم السبت الصبح ...
يكون فــآضي =)


انا امس سرت المول شوبينق.. واليوم بعد سرت السوق كملت شوبينق لانه ابا اغراض وثياب بما اني مسوية اشتراك في النادي ..=)

وانتوا شخبــآركم ؟

[المزوحي]

ليش أنامل، همم

غيري جو بمكان ثاني

رمش الغلا هااا عشان جيه اليوم كان فاضي ( السبت الصبح ) ..

نحن بخير ربي يعافيج

[المفتاح]

بسم الله الرحمن الرحيم
اللهم صل على محمد و اله الطاهرين
السلام عليكم ورحمة الله وبركاته

اهلا بالشباب كيف الحال يا اعضاء واحات بن دبي الطيبين

احلي شي الويكند واحلى شي عندي يوم السبت اسير مع العائلة
كوفى شوب شويه اغير جو والعيال ايضا صح يمكن الاكل الى اسوية
انا فى البيت من تحضير السندويشات وايضا الكوفى او الكابتشينو افضل
من برع بس اليلسه مع العيال تكون غير .

الجمعة فيسيستفال سيتى ويوم السبت الامارات مول كارفور
طبعا ليس اسبوع عيد بس اهم شي تغير الجو مع العيال.

والله الموفق
المفتاح

[المزوحي]

وعليكم السلام ... المفتاح .. صح كلامك تغيير جو، وكذلك هم يحسون إنك وياهم .. ومهتم منهم ...

اليوم سرت متأخر الدوام .. تعرفون بعد ... أول يوم في السبوع ( الدوام )

[مايهزك ريح]

انا اليوم مدير مداوم الساعه 11 .. ^_^

[المزوحي]

مايهزك ريح زين بعد إنك داومت، لو ربعي بيقولون لي ليش ييت ...

صح سرت الساعه 9

بس شو اسوي .. ؟!!!

دومنا ملتزمين ...

[المفتاح]

بسم الله الرحمن الرحيم
اللهم صل على محمد و اله الطاهرين
السلام عليكم ورحمة الله وبركاته

اهلا باهل الوحات يا مرحبا بكم شو الاخبار مرتاحين انشاءالله تعالى

ما يهزك ريح : شو الاخبار يا اخى الكريم خير وينك ليش هاي الغيبة
اهم شي انك بخير وعافية .

المزوحي : هلا بك يا اخى الكريم حياك الله .
بالنسبة للدوام انا احب الدوام رغم الضغط الكبير جدا جدا
بس على الاقل يضيع الوقت بشي مفيد افضل من اليلسه فى البيت
او النوم ....وفى الدوام على الاقل التقى بالشباب وسوالف وتغير جو حلو.

الاجازة الصيفية : فى هاي الاجواء التعذيرات من كل مكان بسبب المرض المنتشر
امس سمعت ان الكويت فيها 12 حالة فى الجنود الامريكان بس عبروا الى العراق
وحتى العمرة الواحد خايف يسير ---- يالله على الله سبحانه وتعالى الله الحافظ.


والله الموفق
المفتاح

[المزوحي]

انا احب الشغل، بس ما احب حد يغثني :h_negab:

يبالنا رشاشات رذاذ الماي في البيت ... من نظهر من الفيلا لين مانركب السياره :k_no:

شو حالكم بعد ؟؟؟

في خاطري عصير فراوله من عند شكسبير :m_atmasha: يم يمي ...

محد منكم اكتشف مكان، بسنا من المراكز، صح إنه الدنيا حر ، بس نبغي تغيير :3:

[مــهــابه]

مرحبـآ السـآع

وآعـلوم هَـل الميّـلس

يـانـآس يـاعـآلم ، جـم درجة الحراره اليـوم ، آنـآ وقفت فـ الشمس جريب ال 7 دقـآيق آحس اني فّـحمت وانشويـت


الشمس حـآره ، الله يعـيـن ، زيـن انه الآسبوع اليـآي آخر آسبـوع

.

.

[المزوحي]

مهابه إذا تبين تكونين ول دن اوقفي 10 دقايق :hysterical: صدق والله حر .. الحين رديت من برع ودخلت الحجره احس بها نااار

:fa43: يبالنا دوم متغطسين في ماي بارد :m_atmasha: همم بس روحي احترقت من حركات المهنده ، وعلى فكره ما قاموا

يخافون مثل أول ... يعني أنا بكل احترام ضربت اشاره يمين ابغي دخلت النفق وهو يبغي يسار ويبغي يعطيني درب ...

قلت اوكي انا اعرف شو اسوي بك :a049: ما خليت يظهر ليييييين ماضرب لي هرن معصّب .....

احس بهم وايد يحقدون علينا :h_negab: :h_negab: المهم خلصت المشوار وعند الرده انا خذت اليمين ... واشوف واحد مسرع

على اليسار ويبغي يسبقني، بس ارتص باللي جدامه، وعقب انخش جدام السيارات اللي جدامي ... :6:

قلت أوكي انته بعد الثاني أونك عاد .. لو هو خبرني يبغي يلف بعطيه مجال، لكن هو يتفرعن ...

من ظهرنا من الفلتر وعلى الشارع سبقني ... وآييه من بعيد طررررر واضرب له هرررررررنات .. حشرت البقعه وتم يتطالع

ييت جدامه وبريك وألف عليه يمين يسار .. عصّب .. عقب داس وخليته ... ينفد :devil: يبطووون الجبد

مب كأني من زماااااااان ما تحرطمت :fa34:

على طاري المخابز ... يوم امر مستر بيكر مرات ابغي آخذ ريوق مايسووون اعتبار حتى ربعي يشتكون من هالسالفه ...

واليوم سرت هوت برد كذلك نفس الشي .... الفلبينيه خلت عمرها ما تشوفني :bash:

مادري ليش هم ماخذين منا موقف :k_icon9:

الواحد لو يبغي يكون زين وياهم لكن هم مب ويه حشمه ...

وشو بعد ... ابغي اتعشى برع اليوم ... :fa37:

[رمــش الغـــلا]

^ لول حليلك اسميك مغيض اليوم شكلك وانته تسوق ..

عيل اليوم انا طالعة من البيت ومسطلة اخر تسطيل .. الا اييني هندي فشارع المطـآر .. انا نازلة من الجسر ومشيت لين نهاية الدرب وخلاص عقب الخط الاصفر فلازم ادخل جدامه
لكن منو قال .. اونه يلزق فاللي جدامه وما يخليني .. عاد انا هندي وما يخليني .. [ يحلم لوول ]

وتم الزق فيييييييييييييه لين حسيت انه زاغ عموتره وخلاني ويوم دشيت ليش ما يهرّن ..>> اكره حركة عندي

السيد مشا شوي بس انا تميت معاندة دقيقة بس عقب مشيت لوووول =)

المهم بردت حرتي شوي "مع اني مااحب اسوي هالسوالف" لكن هو بـ الهرن هذا اجبرني ><





ومســـآكم ورد وكرآف وشغل

بس دشيت الواحات اغير جو شوي =)

[المزوحي]

رمش الغلا ترى هذا اللي اقصده، الحينه مب مشكله ويوم هم يضربون اشاره نعطيهم سيد، بس نذلين ..

المهم اتحملي على عمرج من هالسوالف ...

همم نبغي ناكل سوييت الحين ...

[رمــش الغـــلا]

هي والله صدقك ...

وشي من الموآطنين صدق اعتبرهم Top فالسوآقة وذووووق=)

يعني من يومين .. كنت بدخل لفة فريجنـآ ولازم الف يسار فوقفت فالسيد وعطيت اشارة والسيد الثاني كلهم يمشون ورا بعض سيايير وشاحنات فماكان شي مجال ><

وانا متوهقة .. لين واحد يزاه الله خير .. دق اربع اشاير وعطاني درب =)

[المزوحي]

بعض المواطنين أوكي مب كلهم، في منهم رافعين خشومهم ...

يطلعون في ويهك لو السيد لك، مادري شو يبون يتلاحقون

أحيانا ايام ورا بعض اشوف الكل اوكي واحيانا العكس

[رمــش الغـــلا]

^ هي والله صدقك ..

ترآ من كل مكـآن شي الزين وشي الشين =)

[المزوحي]

مراااحب
يايين بنسولف عندكم لين وقت النوم .. :fa48:

[المزوحي]

السلام عليكم

اليوم الخميس، والسبوع اللي فات سألتكم شو اليوم ؟؟؟؟ ( كان يوم الخميس ) كيف الايام تمر بسرعه .. الله يعينا ..

بخبركم صدق فيّه قهر على الفلبنيات، والهنود قهرهم من نوع ثاني :bash: والله

كل ما امر محطة بترول وانزل المارت باخذ شي، لازم يغشونك ويستهبلون ، أونه عاد خربطوا في الحساب، وعني انا لازم اعذرهم

أوادم، لكن هم ما قدر اعذرهم لانهم دوووم يكروون هالشي، فينعرف إنهم يبون يستغلونا لو بدرهم واحد ... صح انا مابيستوي بي

شي، لكن ما احب هالاسلوب .... وإن هالحركه صارت مع الكل شوفوا كم بيكدون من ورانا ...

اليوم طلبيت وجبة من برجر كنج وسعرها 15 درهم وقالت لي 16 درهم يوم قلت لها بس هي 15 درهم بكل سهوله قالت سووووي

يعني وين اصرفها هالسورررري :h_negab: :h_negab: واااااااايد يقهرون وكل مكان يسووون هالحركه، حتى يوم يردون خرده

في سبينس أو يوم نصب بترول يستهبلون، يعدون الفلوس بسرعه جدامك ويقولون 10 20 30 وانتوا تتحرون صادقين

الله يخليكم انتبهوا ... آخر مره سرت المجرودي اشتريت مجلة الاثاث، قالت لي هالمجلة غاليه ، سعر كتاب

وهي اصلا شو لها .. بس صدق مايت فيني .. اخلي المجلة واظهر من المكتبه عسب تتأدب ... :a0360: مادري انا مشتط

بزياده وإلا بديت اتمرد ... :look: ووايد شغلات ومواقف تصير لي مب كل شي يحضرني .... :a046:

[المزوحي]

مسا الخير

الميلس حقي بس

محد يدخل هنيه ولا يرمس

المهم سرت Sugar Daddy's وخذت كب كيك ما يسوى الحبه بــ 12 الرضيعه تسوي نفس الشي بس بدون كريمه

لوووول ...


سرت برجمان .... كئيب ... مع إني احب هالمركز ...

[رمــش الغـــلا]

مسـآ النور ..

زين زين المهم انك يربته =)

استوا فخاطري اسير وايرب مال اليزر ع كثر ما مدحوه هني ...

.
.

اليوم سرت شوبينق ويا خواتي عالسريع بس .. لانه بناتها ويانا وماشالله الشطانة كلهـآ "الله يحفظهم " ..

ورديت مريت خذتلي عشـآ وبس =)

وطبعـآ الجمعة فليل محد فالبيت الكل طالع ماعدا نحن البنات ال3 طلعنا وردينا من وقت =)

[المزوحي]

باجي اجرب كيكة اليزر اللي عند دوم كافيه لأنه مايهزك ريح + شمعة أمل يمدحون الكيكة :)

[رمــش الغـــلا]

زييييين سير وخبرنـآ =)

انا مب من النوع اللي احب اجرب وايد .. الا يوم اعرف واتأكد ان هالشي ممكن يعيبني من الناس اللي ذوقهم فالاكل شراتي لول ... =)

[المزوحي]

هلا

اليوم سرت دبي مول ولاحظت منزلين لبس حق الصيف تي شيرتات خفيفه وأكثر شي اللي عليها شخصيات

مثل محلات توب شوب وريفر ايلاند ونيو لوك ... بالاضافه للشورتات ساده + مخططه ... ناااايس

وإلا بتلقون تي شيرت بولو ... وأكثر الالوان اللي دارجه بنفسجي + اخضر + اصفر وفي شغلات بالابيض

و flip flop

http://www.teesforall.com/images/Simpsons_Homer_Duff_Blue_Flip_Flops.jpg


هذا موقع شوفوه

http://xml.riverisland.com/flash/content.php

و
http://www.newlook.co.uk/men/mens_shirts/CategoryListLanding.aspx

و

http://www.topman.com/webapp/wcs/stores/servlet/TopCategoriesDisplay?storeId=12555&catalogId=17551

[المزوحي]

هي محل اسبريت الشورتات كشخه

http://www.esprit-online.com/index_eu.htm?welt=men&downwelt=all%20products&division=trousers&category=casual&id=00547294

خاصة الشورتات رقم 4 و 8 و 15

[المزوحي]

مسا الخير كيف وصلنا الاثنين ، الايام تمر بسرعه، سرت ذا ون جميرا اللي عند المسيد العود مجابل بالم سترب

شفت فاتحين مطعم roadster diner متى اصلا افتتحوا المطعم ؟؟؟؟؟؟

http://www.timeoutdubai.com/images/outlets/roadster_diner/innerbig/roadster_1_innerbig.jpg

يالله أكيد بيمتزر يوم الخميس

[أنامل قلب]

^ شكلنا كلما بغينا نستفسر عن مكان بنلجأ لكم ، ما شاء الله ^__^ ..

,

اليوم كنت اكلم ربيعتي بالفون بخصوص شي المفروض اسويه ،
واهي الدبه ما طاعت تتصل عني تستفسر / اقولها لو رد علي واحد
بقوله : لو سمحت عطني الحرمه اللي حذالك ^^" // تقولي ع كيفج !

المهم ردت علي وحده ، صدق صدق صدق إلا شوي كانت بتنام =$
اسألها تقولي اتصلي الصبح ، اقول ليييـــــش ماعندكم المعلومات الحين > مادري متى بصطلب وبصير ما مط الكلام !
تقولي بكل برود وصوتها يدوب يطلع وبالغصب يندز [ لا ماعدنا ..

مادري شلون مسكت عمري / صدق كنت بضحك :bye2: ، وربيعتي عالخط !

كيف جي يشتغلون الناس بهالخمول ، المفروض الواحد بالعكس يحب يتنشط ،
يعني ابد مب شي يكون الموظف قاعد من غير شي ، لنفسه يعني / ما يملون !"

مع إن استفساري ما يخصه إني اتصل الصبح ولا الظهر ولا المسا ،
إلا لو كانت توها متوظفه واللي بتناوب عقب أعلم بهالأشيا :whistling: !

[المزوحي]

هلا انامل قلب حاضرين قولي وين تبين وانا بتصل لج :)


بس على طاري تلجأين لنا .. عني انا لا

انا بالصدفه شفته ...

بس إن حبيتي عندج

الياه + تحفه + شمعة أمل + ذنيني + مايهزك ريح

هاذيل ماشاء الله عليهم ...

[أنامل قلب]

إي ما شاء الله عليهم ..

ولا خلاص عادي ،
شكلي بحشرهم الفير / مستعيله :k_special2: !

[مايهزك ريح]

مرحبا يا جماعه ..
البارحه مول الإمارات ممزور اوادم ..
وكله عشان هارفي نكلز مسوي تنزيلات 50 مادري 60 بالميه والناس يتذابحون على الشنط والماركات ..
حشى شو مستوي ..
واليوم ديور مطرشين مسج انه بعد عندهم تنزيلات .. شو السالفه .. !

انقهرت البارحه يوم شفت النعال اللي انا ما خذنها من D&G مسوين عليها خصم 50 بالميه .. قهر والله
ما واحالي البسها !

وبعد شو اخباركم ^_^

[قصايد غلا]

^ هييييييه والله قهررر يوم تشتري الشي بهاييج الجيمة .. و تنصدم انه استوا بنص السعر


عشان جي أنا استويت أفكــر يوم أشتري الشي .. إذا قريب وقت الـsale ما أشتريه :tounge:

[مايهزك ريح]

^
السنه وايد سوو تنزيلات.. بلا قياس بصراحه الواحد ما ايعرف متى يشتري ..!
احسن شي لويس فويتون مول ما يسوي تنزيلات وعلى قوله الرضيعه ..الشي يرتفع سعره ما ينزل ^_^

[المزوحي]

مرحبا

اكيد قهر، مرات يوم تقول بتريا للتنزيلات وما باجي شي ( مثلا اسبوع او عشر ايام ) ما تلقى البضاعه

واحيانا تحتاج الشي حزتها ...

واحيانا اشياء كجره في التنزيلات .. يعني على حسب

بس الصندل مال D&G عند هارفي شفته من فتره وحطيت لكم صورته ... شفت البارحه واحد لابس منه واليوم بعد

بس تستوني كرهتتتتتتته من كثر مايفصلونهن ...

مايهزك ريح سير محلات السلام عندهم


D&G, Just Cavalli, GF Ferre, Hugo Boss, GPJ Jeans, Rock & Republic


وإلا ترى ساكس فيفث افنيو ...

وهذا رقمهم Tel: 04 704 8484


عقب اسبوع مهرجان الصيف ومن الحين وايد محلات عندهم سيل


http://brand.metroerui.com/img/editor_pickup/upload/200904/17/wwspl20090417111554.jpg

[المزوحي]

اخ عليهم ( GUCCI ) سرت الابراج مع الرضيعه تاخذ تصليح شنطه، والمحل معتفس بالمره، قلت لها اكيد سيل

يوم سألت طلع فعلا 50% كيف عاقين البضاعه على الارض، حرب

حتى الموظفين اخلاقهم زفته

[مايهزك ريح]

^
البارحه كنت في دبي مول .. ودخلت جوتشي .. لفه وطلعت ما قدرت استحمل الزحمه ..
كل الأغراض مفروره على الأرض .. الواحد ما يشتهي يشتري في الزحمه ..
والحريم ما شاء الله مب مصدقين كل وحده شاله في ايدها مليون شي ..

حشى حرب .. بس والله الموظفين مب منهم ما تشوف شو يستوي داخل .. !

[المزوحي]

عفانا الله
عقب الدوام سرت جوتشي فرع دبي مول - زحمه
واحد زين ماتاح فانيلته عسب يجرب الحزام

[مايهزك ريح]

^

هههههههه ما يسوى عليه

[المزوحي]

الكل يبغي يشتري، حتى الموظفين مالهم بارض، والباب مخلينه طلق

زين شو رايكم بماركة coach الامريكية .. يمكن لأنها ارخص شويه فالواحد مايحبها وايد

[المزوحي]

عيبني سنيكر ال في

البني غيييييير

http://www.splendicity.com/shoeblitz/files/2008/02/louis-vuitton-energie-sneaker.jpg

[مايهزك ريح]

المزوحي .. هذا من جدام شامواه .. والشامواه يخترب بسرعه .. دور الجلد احسن .. ^_^

[المزوحي]

انا الحين في الدوام
و ماعندنا نت ودخلت من الموبايل
ما يهزك ريح كلامك صحيح لكن شكليا روعه

[مايهزك ريح]

ادريبه من زمان عايبني بس اللي رادني عنه انه شامواه ..
وانا والشامواه مول مب ربع ^_^


انا عايبني هالنعال .. بس مب محصل قياسي >_<

http://oasis.bindubai.com/bin/uploaded/558_01244359536.jpg (http://oasis.bindubai.com/bin)

[المزوحي]

ما يهزك ريح شوف في كل الفروع، بس من اي ماركة هذا النعال .. وانا بعد بشوف لو شي قياسك

تدري ؟؟ مرات الموظفين يجذبون وقت السيل ...

[مايهزك ريح]

هذا عند لويس فويتون ^_^

[المزوحي]

زين يعني شوف فروعهم .. برجمان + مول الامارات ومادري إذا ساكس فيفث افنيو وهارفي نكلز يبيعون وإلا لا

[محد يستاهل]

مرحباا
اشحاالكم

ما شاء الله الشبااب مختبصيين ^^

[المزوحي]

هيه محد يستاهل مختبصين بالنعله والماركات وكل شي .. اش حالكم انتوا

مايهزك ريح انا سرت دبي مول في الليل دخلت فندي + اجنر مسوين سيل

بس فندي مايسوى، مب مسوين على شي حلو سيل ...

[مايهزك ريح]

يسوون سيل على اللي طايح في جبدهم مب على كل شي !

البارحه وصلت طلبيه الكاكاو .. وخذت منه بعد الكوفي ..
اسميه غاوي .. سير جرب الماكرونز عند FORREY & GALLAND في دبي مول
يمكن يعيبك وعادي تشتري بالحبه مب لازم بالكيلو ^_^!!

[رمــش الغـــلا]

أنا أبــآ .... ^

من متى فخـآطري الماكرونز ان شاء الله هاليومين جـان سرت بمر وبآخذلي =)

[مايهزك ريح]

انا اقولج سيري خذي منه لأنه صدق لذيذ .. بس تراه صغار مب مثل حجم لادوريي !

[رمــش الغـــلا]

يمكن شرات اللي عندي Paul ؟

والا Delice ؟

[المزوحي]

هلا مايهزك ريح انا ما يعيبني الماكرونز لكن بيرب من المحل اللي قلت عنه وإن عيبني ترى باخذ زيادة عقب

[مايهزك ريح]

رمش الغلا .. اللي عند بول ما عيبني .. والثاني ما جربت عنده ..
انا مجرب عند محلين Laduree و luxembourgli (يبيعه محل Sprüngli في سويسرا )

http://www.spruengli.ch/Shop/schokoladen-geschenke.php?catalog=1001

[رمــش الغـــلا]

انا مجربه Ladure

وهو احلى شي لي الحين ..

بس اللي في Delice بعد حلوو مجابل السيتي بتحصله والحين بعد فتح في دبي مول ..

حلو وخفيييف وعيبني أكثر من Paul ..

Btw ترا هو محل يبيع حلويات تونسية غريبة ودوم نطلب من عنده حق العزايم والعيد وجيه ^^



هذا الماكرونز يمكن من المحل اللي تطريه .. لانه مطرشين لي الصورة ام ام اس ومن دبي مول المحل بس ماعرف اذا هو نفسه والا غير ^__^

http://oasis.bindubai.com/bin/uploaded/7877_01244463704.jpg

[المزوحي]

سرت FORREY & GALLAND وشفت وايد ناس وما دخلت وقلت عقب برد له ولا رديت شفت بربري اليهال مسوين سيل اليوم وباجر وارماني بعد مسوين

[رمــش الغـــلا]

سيدا طرشت مسج حق أختي .. تسير تآخذ حق بناتهاا ..
بس لو مسوين عاللبس الصيفي زيييين ^__^
لانها تبا تاخذلهم =)

[المزوحي]

هلا رمش اللي يقهر فيهم يوم تكونين عندهم تقولين متى عندكم سيل يقولون مانعرف وابصم لج بالعشر إنه يجذبون

يعني اليوم دخلت لاكوست وقالوا والله ماعندنا فكره إذا بنسوي في المهرجان سيل وإلا لا

صدقيني بيسون وبيعتفس المحل ... ودخلت رالف لورين اونه عطنا رقمك لأنه مب متأكدين إذا بنسوي ..

طبعا يبغون يخلون الشي حق ربعهم ...

.........

لافاييت مسوي خصومات شي منها 30 وشي 40 وخذنا حق الصغاريه شغلات ... الحمدلله البضاعه بعدها مرتبه

صدقوني الخميس + الجمعه + السبت الموووووووووووووول ما بيتشاهد

( بس هم مسوين على اللبس الصيفي على تي شيرتات البولو ) -

[مايهزك ريح]

رمش الغلا .. هو نفس المحل ^_^!!

http://forreygalland.com/



بسير عيل اجرب delice !

[المزوحي]

مايهزك ريح انا امس شفت المحل الثاني ، كلهم عدال بعض

[رمــش الغـــلا]

انته جربdelice
وانا بجرب forrygalland

=)

.
.
المزوحي ترا قالت اختي انا حاطة فـ بالي عالمهرجان بيسوون الخصومـآت ^__^

انا اختي دوم يطرشونلها مسجات يوم يسوون سيل ويا المحلات اللي تتعامل وياهم بس هالمرة ما طرشولهـآ !!

[المزوحي]

رمش الغلا .. انا مرات يطرشون لي مسجات من محلات ماعرفهم وإلا ماتركت رقمي عندهم، واللي ياخذون رقمي ما
يتصلون بي :bash:

وين بتسيرون اليوم ؟؟؟ :m_atmasha: شو خططكم

انا كنت بسير اتغدا عقب الدوام وعقب تهايزت ورديت البيت ودخلت الواحات بعدني ما كلت شي :fa46:

[المزوحي]

اللبان اللي احب استخدمه

http://www.ultimatefestivalkit.com/store/media/catalog/product/cache/1/image/5e06319eda06f020e43594a9c230972d/E/x/ExtraGum_265.jpg

http://www.polyvore.com/cgi/img-thing?.out=jpg&size=l&tid=1565283

ماركس اند سبينسر الوردي طبعا

http://www.nspku.org/images/Chewing_gum.JPG

ومرات اغير لكن هذا اكثر شي :vampire:

[مايهزك ريح]

انا يعيبني اكسترا الوردي ..
لأنه الأزق وايد حار ويتم حلجي يعورني .. واحس انه الحراره تطلع من ذنيه ^_^
مول ما اقهر اللبان الحار !

[رمــش الغـــلا]

انا نفس الحـآل مايهزك ريح .. مول ما اتحمله الحـآر ..!

ولا احب حد حذالي يعلجه لول ..!><

.
.

مســآكم ورد وجووووري =)

[المزوحي]

صح الازرق حار، لكن شي منه نوعين ، اللي يكون على شكل حبوب هذا حاااااااار بزيادة أما الثاني اللي يكون طويل وكل حبة

مقرطسه روحها هذا عادي ...

...

هلا اش حالكم ؟؟؟

[الموز]

هلا ... باجر بيبتدي المهرجان ... والناس بتهب على مراكز التسوق ...

[مجموعة إنسان]

يعني باجر الناس بيسون زحمه !!

الله يعينكم عيل


قعدة البيت حلوة

[المزوحي]

اللي بيحصل الموديل هذا في اي فرع يخبرني

http://images.gucci.com/images/categories/200808/zoom/117711_FVE40_9674_001_zoom.jpg

[المزوحي]

مسا الخير

ليش جيه ملل يا ناس، كنت بظهر بس احس زحمة العام ردت، اعنبوا اونه ازمه والناس بتطلع من البلاد .. الصراحه

اشوفهم يزيدون ...

[المزوحي]

انا في دبي مول
تامرون بشي ؟

[مجموعة إنسان]

هيه
في كوفي اسمه سمبتيكا وايد حلو
يبلي معاك عصير برتقال
ماعرف اسمه بالضبط بس تقريبا سمبتيكا

[مايهزك ريح]

تقصد .. Cacao Sampaka

ولا انا غلطان ^_^

المزوحي .. قولنا شو الأخبار وشو المهرجان .. مسوين تخفيضات ولا كله جذب !

[مجموعة إنسان]

سمتيكا سمبتيكا ههههههههه

اسال نصور بعد ههههه



مايد
تفكر المهرجان حقنا
لا ياريال المهرجان حق الاجانب ونجن نقعد في البيت

[المزوحي]

هلا الكوفي اللي يقصده مايد هذا في ال جي وسرت له مره، و على طاري السيل بعض المحلات بيبتدون عقب اسبوع و بوتيك ال في بيفتح 15 من الشهر

[مجموعة إنسان]

احلى محل في المول كله هالمحل اللي يبيع كوفي
نسيت اسمه

سولنا اسبرسو خطييييييييييييير

[مايهزك ريح]

^
من كثر المحلات اللي فيه الواحد ما ايعرف وين يسير .. وشو بيتذكر ..
بس احلى شي انهم فتحوا مطعم كاليفورنيا بيتزا ... وعقبال ما يفتحون الـ Olive Garden ^_^!!

[المزوحي]

اهلين انا رديت من دبي مول ومريت على برجمان مافيه شي كجره، وسرت السلام في وافي ... بس شفت على السريع

مالي بارض على وافي .. المهم انا الحين في البيت .... وبشوفكم عقب

[المزوحي]

صدق قهرررررر ، يعني بلادنا شو ؟؟


ما اشوف هل البلاد، في جنسيات من كل دول العالم ... وفوق هذا كله، وديت بنت اختي عيادة خاصة، قالت لي
الفلبينية ، وايد فلبينيين في البلاد، بشكل كبير ... قلت حتى الصينيين مزروا البقعه .. :bash:

قالت بس الحينه خلاص شددوا، ما يبون حد من برع، :ohboy: انا احس كل ما يقولون هالكلام ، العامله تزيد :devil:

قبل نشوف فلبينات في المحلات ، الحينه لا ... العايلة بكبرها في دبي ....

...................

رديت البيت، قالت لي الوالدة اخوك .... :k_no: قلت لها بلاااااااااااه .. ؟

قالت : بيطلعونه من دوامه :fa52: حمم

ليش بيظهرونه .... اونه فنشوا كل الوافدين اللي عندهم، وهم قالوا لهم حاولوا اتدورون لكم وظيفه مكان ثاني

لأنه المواطن مانقدر انفنشه ... او راتبكم بينقص ( عسب الازمه ) :ohboy:

..................

[رمــش الغـــلا]

^ حليلهم والله ..!

الله يعينهم ><

[المزوحي]

طفرت والله طفرت من كل شي، ابغي اظهر إجازة ياناااااااااااااااس ..... وين ادق براسي

[مزن هتان]

ع طاري تفنيشات المواطنين
حتى ولد خالي قايلين لهم دورا لكم مكان

أنا بعد اريد اجازه، راحت ايام الصيف اللي فات
يا زينها من أيام

من كم يوم و أنا خاطري بـ خنيزي و برحي
من فتره حد قالي اونه الـ ... ما يعرفون غير البرحي
و أنا اقول تسنع و تحجى عدل

[المزوحي]

نحن عندنا من الزين وعاد اول مايطيح الرطب يكون غير ومستلغثين عليه لووووووووول

ربعي بيسافرون اللي بيسير لندن واللي بيسير فرنسا

اليوم سرت الدوام حسيت بعمري كأنه في اجازة طويلة ومابغي اشتغل ... بس شو مكودين لي شغل

اليوم عندي مشوار

[مايهزك ريح]

انا مريت على delice وطعمت الماكرونز عنده واشوف انه ألذ من المحل اللي انا اشتريت منه والحلويات عنده صدق عجيبه !
مشكورة رمش الغلا ^_^!!

المزوحي .. لا اتزيدني انا روحي ابا اسافر .. مع اني في هالسنه ساير مرتين .. بس بعد ابا اسير >_<"

[المزوحي]

ما يهزك ريح يمكن باجر امر delice

همم السفر حلو .. سافر .... والله دقت على بالي سويسرا

[رمــش الغـــلا]

انا مريت على delice وطعمت الماكرونز عنده واشوف انه ألذ من المحل اللي انا اشتريت منه والحلويات عنده صدق عجيبه !
مشكورة رمش الغلا ^_^!!



العفووو ... ولو .. ما سوينا شي ^__^

ترا الحلويات اللي عنده الكل يمدحهــآ ..

أنا أمس يالسة اخبر اخويه عن محل Forrey جان يقولي اكيد في هالممر وهذا نحن صاعدين الدري والا اشوف المحل اقوله هذا هذا :icecream:
جان يقولي تبين بمر بآخذه
جان اقوله لا لا بسير Karen Millen لووول..:heart:
لانه حزتهاا كان فتفكييييييري كله الفستااان وما فكرت فالماكرونز لول ... :inlove:
ان شاء الله مرة ثانية بمر وبجبربهـ ..

[المزوحي]

مرحبا

اليوم في الدوام، كراااااااااف من الخاطر :fa46: بس رديت غطت عيني 5 دقايق بالضبط ... عقب سرت دبي مول مع اختي

وولدها .... دخلنا بوتيك LV .. شو عااااااااااالم فيه ..... :m_atmasha: نايس .... لا تنسون تمرونه :woot:

عقب ما تسوقنا شويه، والصغيروني بطنه يصوووووووي ... دخلنا مكروني جريل، وكذلك اليوم أول يوم يفتتحون المطعم :fa37:

يم يمممي ما كنت باكل، والله شو اسوي .... :look:

رديت وخذت لي دش :fa42:

[المزوحي]

هلا بكم في واحات بن دبي ...


خطر على بالي شي ..... اسير امشي كل يوم في اي سنتر ( مركز تسوق ) عسب اخف ....

احسن من الجو الحار .....

[مايهزك ريح]

^
كانوا يسوون هالحركه في مولات امريكا الصبح ..
الحين في مول الإمارات .. في جماعات اتسير من وقت قبل لا يفتح المول ..
ويمشون في وحده من الأهل مسجله وياهم
البارحه الرضيعه كانت اتقولي لأنها اتفكر اتسير وياهم ..!

[تحفه]

وجان امرررررض :'((((( ابدا مب وقته

[مزن هتان]

سلامات تحفه :fa41:

[مايهزك ريح]

سلامات تحفه .. عاد ما مرظتي إلا على جريب الويكند ^_^

[عهد الوداع]

سلامات تحفه ما تشووفين شر ...


مساء الخير ....

[المزوحي]

ما يهزك ريح ... كيف يعني مسجله ما فهمت !

انا اقصد روحي امشي، كأني اتسوق

[مزن هتان]

مسا النور عهووده


أخوي بيعرس قريب و صاير بخيل
يقول لنا " ليش نسوي بطايق و نوزعها و بالاخير
تنقط، خلنا نواكب العصر و اندز ايميلات و بدون خسر "

[المزوحي]

لا

مزن مب بخل

كلامه صح 100% وراي من رايه ... دقيقه بس وتنفر البطايق

وبعد فوق هذا كله الناس ينتقدون كل شي، واكيد الواحد يبغي يسوي الشي الزين في عرسه، لكن يقدر يخلي الفلوس

حق شي ثاني

[تحفه]

مزن هتان : الله يسلمج حبوبه ... في المستشفى زيغوني حسيت شوي وبيستجوبوني اذا فيني انفلونزا الخنازير لول ....

مايهزك ريح : الله يسلمك ... عاد ويكند مب ويكند ترا كله واحد عندي تخرجت والحين قاعده فالبيت لول

عهد الوداع : فديتج والله الله يسلمج .. اول مره امرض جيييي .. والله المرض شي بايخ :'(

[المزوحي]

سلامتج تحفه ... هاا متى السفر إن شاء الله ؟

[رمــش الغـــلا]

سلامات تحفه وماتشوفين شر حبيبتي .... =)
.
.

[الـيـاه]

تحفه : ماتشوفين شر والله انا نفس حالتج اليوم! منهدددد حيلي مابا اطلع وفي نفس الوقت عنّا ليله حنا اليوم فـ غصبن عني اسير :( قلتلهم بتأخر عليكم باي الفليل لول

[تحفه]

المزوحي : مابسافر ... :ghostface: وي انفلونزا الخنازير .... وبعدين ادور شغل :h_mar7aba: الي عنده واسطه لا يتردد اقبل جميع الواسطات :laugh:

رمش : الشررر ما اييييج حبيبه ألبييييييي :heart:

الياه: اول يومين كان صصصصصصدق عذاب حسيت اني بموت ... وكنت كل ما اكل دوا ارجع :fa55: الحين الحمددللله احسنننن .. اليوم كان المفروض اسير عيدميلاد ربيعتي ... كشخه الtheme ايد هاردي ...... للاسف ماما ماخلتني :fa55:


هيه صح ما وصيج دوريلي معرس .... علاقل اذا ماشي شغل لين ما تخلص الازمه الماليه اكون معرسه و مسويه شي في حياتي هيهيهيهيييييي

[المزوحي]

مرحبا تحفه .. شغل .. هممم زين قدمي في تنميه او شوفي في النت، لأنه ماعرف طبيعة الوظايف اللي تحبينها

يعني عادي مثلا تتوظفين في جامعة زايد .. بنك او دايرة حكومية .. الخ

...

شو اخباركم

[دمعة شوق]

^
بخير ربيه يعافيك يالمزوحي انته شخبارك علومك //

سلامااات ياتحفه وماتشوفين شر فديتج ^^

[تحفه]

مرحبا تحفه .. شغل .. هممم زين قدمي في تنميه او شوفي في النت، لأنه ماعرف طبيعة الوظايف اللي تحبينها
يعني عادي مثلا تتوظفين في جامعة زايد .. بنك او دايرة حكومية .. الخ
...


عاد ما اقترحت الا الاماكن الي تقتل حس الابداع :tounge: ... حمددللللهه ... ونت شو مسوي؟ :icecream:

[المزوحي]

هلا دمعة شوق

...

مسا الخير جماعه .... شو الويك بلان مالكم ؟

[رمــش الغـــلا]

انا هـ الويكند ما عندي شي غير اني أبي بريك طووووووووووووويل وارتاااااح ...

لانه منزماااان ما يلست فالبيت وخذت بريك ><

اليوم سرت شوبينق ويا بنات عمي وخواتي ..

وبس هاليومين بريح قبل السفر ان شاء الله ^__^


وانتوا شو مخططاتكم للويكند ؟

[تحفه]

دمعه شوق : الشر ما اييج حبوبه (K)

[المزوحي]

هلا رمش الغلا البلاد ما اتشاهد من الوافدين، طفروبنا الصراحه

الواحد يبغي يرتاح ...

[رمــش الغـــلا]

انا مسافرة الصبح ان شاء الله

والوجهـة لـتآيلند ..

اسمحوولي جان غلط فحقكم يوم ...

تـآمرونا عـ شي من هنااك ؟

[عهد الوداع]

رمش تروحييين وترجعين بالسلامه واتحملوا من عماركم تراا هنااك وايد امراااض ...

[المزوحي]

الله يحفظكم رمش الغلا .. تحملوا ... بالسلامه ...

...

مرحبا ... هممم اليوم شو من الايام .. هيه صح الانين .. بلايه انسى بسرعه ... اليوم سرت العياده

شكلي احتاج نظاره حق الكمبيوتر ... عيوني تعورني ..

[المزوحي]

مرحبا

اليوم طاف بسرعه، تعب - ملل ...

شغل متراكم، على كثر ما ننجز ما يخلص ... هذا مع الضمير طبعا ... ابغي اطلع إجازة

تعرفون عااااد كل واحد يحجز له كرسي ( حق الاجازة ) لوووووول

تحسون البلاد فضت وإلا ؟

[أنامل قلب]

^ مادري ^^"

بس بخصوص الشغل المتراكم ، تراه أونس وأحلى من القعده من غير شغل ابـ محل الشغل :yes: ..

أذكر لمن كنت أداوم ، ماكنت أحب أقعد ولو ربع ساعه من غير شي ،
مووول ما أحب أتم جي من غير أي شي يلهيني / ماحب الأجواء الممله ..!

[مجموعة إنسان]

هههه

عيل تعالوا شوفوا شغلنا نحن كييف

كررررررف بس متعه
خااصه اذا صارت مشكله في المكاين وتشوفون تسرب ايل وريحة نار
ولما ترجعون البيت نص ويهكم اسود وثيابكم خايسه ههه

شعور جمييل ومتعه ما توصف

[أنامل قلب]

^ للرياييل صدق متعه وحماس وهمه + خذها فرصه تسمر عمرك اذا كنت ابيض !
بس ديرو بالكم على عماركم أخوي ، بمثل هالاماكن خاصه ..

[مجموعة إنسان]

اليوم استوى ليييك في ستاند وصار شوط كهربائي كبيير
وانا واقف اعدل شي في واحد من الستاندات
والأرض كلها ماي وايل هههه
صدق متعه

بس بنفس الوقت مافي مصخره
لازم نحاسب وايد
واول شي السيفتي

[أنامل قلب]

ترى اقولك اخوي ديرو بالكم على عماركم ،
واستغل الفرصة هذي كثر ما تقدر =)

[مجموعة إنسان]

ههه
لا ما يحتاي
ترا لما نتخرج هذا شغلنا
هههه



وانتي يا انامل
شو سويتي ؟

[أنامل قلب]

انتظر الرد بعد باجر =)

+ احتمال ـ اذا اذا اذا تيسرت الامور ـ اسجل بجامعة الشارجه التخصص اللي خاطري فيه ،
بحيث اني اشتغل بارت جوب وادرس / بس ما يندرى للحين بيطيعون ولا ..!

[أنامل قلب]

وإي صح ، ترى صدق حلوه هذي المهن للرياييل ،
احس جي صدق شغل رياييل لول ما شاء الله ..

[مجموعة إنسان]

ربي يوفقج ان شاء الله

ترا انا احب هالشغل
هني يسمونه شغل
ههههه


شو التخصص الي ناويه علي ان شاء الله؟

[أنامل قلب]

صدقك ، وموفق باذن الله =)

اممم مادري ما بقول P=
بس لأني مو عارفه اذا بسجل وبدرس هالتخصص ولا لا ،
فـ إلين أعرف محلي من الاعراب ، يصير خير !

[مجموعة إنسان]

ههه

زين احسن بعد لا تقولين لحد
عن العين والحسد هههه


ما عليييج يا انامل ولا تفكرين ان اذا وقفتي دراسه او ضاعت سنه صار شي
في غيرج ضيعوا 3 سنين من دون اي هدف
يعني شي طبيعي

[أنامل قلب]

لا مايخصه الحسد لول ، بس تدري لو سجلت وتيسر الموضوع ، بنزل طرح كامل بخصوصه !
وعن كوني وقفت سنه ، فصدقني عادي عندي ما اكمل كلش الجامعه اذا ماقدرت ادرس شي احبه ويتوافق مع ميولي =)

[مجموعة إنسان]

مممممممممممممم


ما انصح!!!! ههه
تنزلين موضوع!!
ممممم



زييين

شخبارج بعد ؟

هههههه


ها ما تعلمتي طبخ ؟
هههه

واحد يوعان يبي اكل يودر حد يعرف يطبخ هالوقت ههه

[أنامل قلب]

مو كنك عندك دوام ، وللحين قاعد !

=)

,

لا الموضوع اذا بطرحه بيكون عن الدراسة بعد الثنوية ، والشهاده !
+ امبلا تعلمت الطبخ ، ومستوية اسأل الوالده بزياده !!!

اممم كل فاكهه لو بخاطرك ،
ويالله نوم العوافي مقدما ^^"

[المزوحي]

هلا انامل انا بعد جيه .. ما احب اتم بليا شغل، بس تخيلي يوم يكن وااااااااااااااايد تحسين احباط يجيسج ...

ومن غير يكون نفس الشي ... ملل

...

[المزوحي]

صباح الخير

عسى يومكم سعاده ...

ولا تنسون اليوم الخميس ويبالكم طلعه من وقت من الدوام ... ما نعترف بالدوام يوم كامل بالخميس

[مزن هتان]

http://www.time.com/time/photoessays/muslimschool/

:fa41:

[رمــش الغـــلا]

صبــآحكم ورد ..

وصباااحي رآحة ورقااااد من عقب صلاة العشـآ لين اليوم ^__^

[عهد الوداع]

السلام عليكم ...

[مزن هتان]

و عليكم السلام و رحمة الله و بركاته

وايد أنسى، نسيت أحاجي عمي حسن و أعطيه خبر عن يوم الاربعا
نحن وايد تغيرنا، نفوسنا تغيرت، لكن الدنيا اهي اهي ما تغيرت

[المزوحي]

مسا الخيرات، هل الحين وقت العشاء وإلا وقت النوم وإلا يبتدي وقت السهر عند بعض الناس :m_atmasha:

احس حيلي انهد ... صدق خذت اليهال على دبي مول، ومادري ليش ياني احساس شفت حد من الواحات :ohboy:

المهم بعد التنقل من الاكواريوم والآيس رنك وسرنا صوب ام خماس :a018: اليهال قالوا نبغي ناكل ..

وجدامنا ( كاليفورنيا بيتزا كيتشن ) http://tbn3.google.com/images?q=tbn:enbHVDT4Q7LLaM:http://www.nobles-news.com/news/photo//coktail2/cpk_logo11-49786cea75d99.jpg


:fa37: وبعد الفتين عليهم، لأنه كأنهم أول مره يدخلون مطعم، :bash: قلت لهم استوووووووووب

إن عدتوا الحركه ما بتشبرون مكان :h_negab:

وعقب المشي احس بتعب .. رديت البيت واتذكرت إنه باجر دوام .. اتحرى عمري في إجازة :3: قلت ماشي غير

اسير احجز في فندق من فنادق دبي، وأعيش كأنه سايح ياي من برع البلاد :a042:

[مزن هتان]

مادري ليه احس صيف السنه غير
البلاد خاليه بـ غض النظر عن الزحمة، بس ادخل المولات
ما الاقي حد الحمدلله.


لحالي بالبيت "ميته من الخرعه"
:fa52:
بيتنا و نحن فيه يكون هادي و الحين مافيه حد، صاير بيت الرعب :ghostface:

[أنامل قلب]

^ احليلج ، خلاص اظهري ومري علي بالمره ! > وين تبين تظهرين بآخر الليل ^^"

توني راده البيت من الاساس ، ومادري ليش صايره واااايد أحر حتى بالبراد !"
طول ما أنا امشي اقول للواده خلاص حر تعبت / ابي اقعد تعبت / ابي آكل تعبت لول
إلين عصبو وقالولي خلاص روحي قعدي بأي مكان ، وفعلا رحت خذتلي دونات وكبتشينو ،
بس شكلي كان غلط جي قاعده بروحي !"

وعقب لمن ييت اروحلهم صادفت محل كانت وحده من اللي يشتغلون فيه
تتمايل ع أنغام الاغنية اللي حاطينها =$

لمن شافتني انتبهت لها سيده اصطلبت ، بس الله يعين !

[ايه احبك]

ويييييي الميلس مفتوح XD
سلام عليكم شحالكم شخباركم جميعا ^_^

[مزن هتان]

انامل قلب
شراتي، مادري ليش وايد أحر "فـ ماحب أكمل و أطلع"
يعني مثال أنا الحين صار لي يومين اروح اربيان سنتر
تصدقين اني بس خطفت على سايد واحد تحت و سايد واحد فوق !!

التهزز من صوب و اللبس من صوب و العياذ بالله.

ايه أحبك
و عليكم السلام و رحمة الله و بركاته حبوبه
نحن الحمدلله تمام انتي شلونج

[أنامل قلب]

الله يعين !

,

وانا اتصفح الايميل / http://en.akinator.com/ ..
اونه تحطون شخص ابـ بالكم ، واهو بالاخير من بعد ماتجاوبون عالاسئلة بيقولكم منو اهوه !
لعبتها 3 مرات ، مرتين صاب ، ومره خاب !