مشاهدة النسخة كاملة : شو يبون الحريم وشو يبون الرياييل ؟
المزوحي
06-11-08 ||, 08:18 PM
هالموضوع حبيت اطرحه، لأنه ماعرف شو صاير بالعالم ! ولو إنه بعدنا مادخلنا القفص ...
ويمكن اغلبيتكم عزابيه هنيه ... بس نحن نبغي مشاركتكم ...
شو اللي تباه الحرمه من الريال يوم تتزوج ؟؟
الحرمه تحلم بزوج يدلعها من أول يوم في الملجة لين تموت ... وما اكثر الحريم اللي يغارن على ريالهن، من حقها مب أنثى
وفي نفس الوقت تخاف على ريلها ... وعلى كثر النصايح اللي تتوجه للزوجة وهي سايره بيت الزوج، تنصدم الوحده منه حتى لو
بعد عشر سنوات زواج ... شو الاسباب ؟؟؟
الاسباب تختلف حد يعرفها وحد يجهلها وحد منا مب قادر يستوعب شو اللي يصير، ويمكن تحسون إنه مافي سبب يخلي
الزوج يتحجج بالزواج على حرمته ..
من الاشياء اللي يخلي الزوج يتزوج عليها، إنه حصل وقت فراغ، يعني لو هي انشغلت يتزوج عليها وبالسر بعد، وإذا عرفت
في يوم من الايام، وتلقينها تصيح، يقول لأنه عندي وقت فراغ، أما إذا كانت الزوجه، راصه عليه من البدايه عسب ماتعطيه فرصه حتى
يفكر بالزواج، بيتزوج عليها، وإذا عرفت وبتنهار، بيقول لأنج راصه عليّه ....
طيب شو اللي يباه الريال وشو اللي تباه الحرمه ؟؟؟
هل الحل إنه نعيش باتزان وعقلانيه وخير الأمور الوسط !!
قريت قصه استغربت منها ...
إنه متزوجين من 10 سنوات وزوجها اتزوج عليها من نهار ثاني والسبب :look: اتفقوا من بداية زواجهم إنه الحرمه تسير بيت
هلها كل نهاية اسبوع، وطبعا بموافقة الزوج، إنه هو كذلك يرتاح ويسير عند ربعه، ريال ملتزم ومب راعي خرابيط، وهي أم 3
أطفال، لكن الصدمه كانت يوم من نهاية اسبوع وهي سايره بيت هلها كالعاده، الزوج كان يتسبح وظهر ولكن نسى موبايله
في البيت، بالصدفه شافت موبايله، مسجات + مكالمات لم يرد عليها
المسجات من الزوجة الثانيه تتطمن عليه
وينك حبيبي تعال بسرررررررررررررعه
لاتنسى اغراض اليهال
اموت فيك خلاص صبري نفذ تعال طفي شوقي بحضنك
ليش مااترد العقربه ماسارت بيت اهلها يعلها تسير ومااترد
طبعا هي انصدمت وهو اتذكر إنه ناسي الموبايل، وقالها بلاج تصيحين وقالت له ليش جيه ؟؟؟ قال: لأنه كنت ابغي حد يهتم
فيني في نهاية الاسبوع ...
إذا فعلا الزوج حاب هالشي، ليش ماوضح لها هالنقطة، بدل مايتزوج ويكون أسرة ثانيه، يعني الكلام صعب لكن الزواج سهل ..
.............
شو اللي يباه الزوج ؟؟؟
الزوج يبغي اهتمام من الحرمه، يباها تسأل عنه لكن مب بطريقتها الجنونيه وبالاستجواب اللي ماينتهي، يباها تهتم وقت ماهو يبغي
على هواه، ويباها تسكت، يخليها على الصامت متى مايبى، بس شكله يباها دوم تكون على الصامت !!
ليش الزوجة تخون، مع إنه ظاهره من عايله محترمه، ناس مايعرفون الغلط، في مرحلة المراهقه ماغلطت، انسانه نظيفه، وفجأة
زلت، والسبب !!!!!!!!! الزوج
نعم الزوج، وليش نرد عليه، لأنه اهملها، نعم واااااااااااااااااااايد أهملها، هي ماتبغي حد يراقبها ويرص عليها عسب ماتغلط ..
لا
هي تبغي عاطفه وحنان من الزوج، هي تامه سنين حافظه عمرها، واللي صار منه، مشغول في الدوام، وبعدين يسهر
طول سنوات الزواج وهو مشغول، متى بيفضى ماندري !!
كلمته، اتجاهلها، لمحت له إنه في حد يتصل على الموبايل، ويحاول دوم يتصل، يقولها ماعليج هذا فاضي ويظهر عنها ..
متى بتطلعني، برايه ظهري وياهلج .. ليش متزوجه هي ؟؟؟ ليش ؟؟؟
هي تبغي تكون تحت حمايتك ... تحس إنه هناك رجل ...
الريال مب يعني يشتم ويأمر ... الحرمه دايما تبغي من يسمعها، كانت زوجه وإلا اخت ....
حتى لو انته واثق من اختك، وهي تظهر مع صديقتها او اختها، أكيد في يوم محتاجه إنك تكون وياها، تظهرون مره مع بعض
ولو في السيارة ...
الزوجه، هل هي تبغي أكل مطاعم، وإلا إنها محتاجه، وجود الزوج، إنه يسمعها كلام حلو، ودايما يقول أنا ماعرف اقول شي ...
مب لازم تقول كلام، على الاقل بأفعالك ... ادخل عليها البيت قولها خلنا نظهر ............
انا مب ياي اعطي محاضره، لكن ابغي اعرف شو اللي يباه الريال وشو اللي تباه الحرمه ... في رايكم شو ؟؟
نبغي نقاش حار :m_bye:
تحفه
11-11-08 ||, 03:17 AM
اعتقد ان المتزوجين يفهمون اكثر التوقعات الي يبونها من الطرف الثاني يعني انا مادري مايخصني في الموضوع p; ..
الموهيم يعني
اعتقاداتي تقول (الحين الفير) ان في قرارات الزمن يحددها يعني ماتكون بيد الزوح او الزوجه ان يحدد شو الي يبيه بالضبط من الطرف الثاني ...
الله يستر من اعتقاداتي هلحزه هيهيهي
المزوحي
11-11-08 ||, 03:42 PM
انا ما اطرح سؤال ابغي إجابته من انسان متزوج ...
سواء متزوج او غيره، الواحد يطرح السؤال على نفسه، وعلى الطرف الثاني، كيف يستقرون عقب الزواج ..
شاكر مرورج اختي تحفه :)
عمة العيم
12-11-08 ||, 09:19 AM
اهم شي بعد الزواج ان الزوج يتفهم امور و طبيعة و اسلوب حياة الزوجه
و الزوجه تفهم حياة زوجها
في البدايه بتستوي مشاكل و خلافات و زعل و صراخ
لكن بالنهايه يتفهمون و يتعلمون....لكن في وايد ازواج مايتفهمون و توصل السالفه للطلاق!!! او الظرب!!!
يعني بالنسبه لي...قبل يوم كنا نعصب....هو يكون معصب و انا معصبه....هووو يصارخ و انا ما اسكت ارد ارد...هالشي اكتشفته انه غلط....الريال يوم يعصب انتي اسكتي...عقب راضيه مب نفس الوقت ولا تجادلينه... لأن مهما استوا الريال مايعترف جدام حرمته انه غلطان في شي معين...لكن اسلوبه و مبرراته و تعابير ويهه تبين انه هو عارف انه غلطان لكن مايبا يعترف عاد الحرمه بتفهم و بتسكت...
انا اللي اعرفه ان الريال مايحب الحرمه الثرثاره....الا في وقت السوالف....
و بالنسبه للريال......شي طبيعي انه ينشغل اكثر عن الحرمه و الحرمه تحس انه ريلها مشغول عنها........لكن هي تروم تبين له انها تحتاج يوم في الاسبوع عالاقل يكون فاضي لها بروحها.... و اكيد يفضي عمره في اجازاته لها..... و هالامور يرتبونها مع بعض يخططون شو بيسوون متى بيظهرون و جي..... و الريال المشغول وايد الصراحه حرمته مب من حقها انها تخونه او تسوي من وراه شي غلط......لانه اللي يسوييييه علشانها و لعيالها....و بالنسبه لسهر الليل هذا الشي غلط يسهر مع حرمته هي اما مع ربعه لا احس شوي قويه يعني الحرمه تجابل اليدار في الليل؟ لازم الريال يغير حياته شوي يتنازل عن امور كان يسويها قبل الحين لا عليك مسؤوليات و اولويات....
بالنهايه مع العشره...الحرمه الذكيه تفهم و تتعلم شو يبا منها الريال
و الريال الذكي بعد بيفهم و يتعلم شو تبا منه الحرمه
مب معناته عقب سنه......يمكن سنتين يمكن ثلاث
انا احس يوم عن يوم اكتشف شي يديد في ريلي و افهم عليه اكثر و اكثر... و علاقتي وياه تقوى اكثر
احس الحينه عقب 3 سنوات و نص خلاص عرفت ريلي عدل... و الحمد لله قلت المشاكل و الخلافات
الله يديم علينا و عليكم المحبه و السعاده
تحياتي لك المزوحي
(عاد مادري وايد رمست يمكن خخخخ احس افكاري مب مرتبه بس جي اللي يه على بالي كتبته)
(^_^)
...
المزوحي
12-11-08 ||, 03:05 PM
وتحياتي لج اختي عمة العيم، والله كلامج مقنع، وأحس كأنج فاهمتني، وفهمتي الموضوع واللي اقصده ...
الخلافات لابد منها، والزوجين ممكن يغلطون، ومع الايام ياخذون على بعض ...
بس النقطه يوم ماشي تنازل، مثل ماذكرتي، كون إنه عايش حياته بحريه والزواج بيقيده، وعلى اساس يثبت لربعه إنه الحرمه
مب مسيطره وماتخليني اطلع، فتلقونه يطول وياهم، وهي بعد تتحرى يوم بتتزوج بتسير كل مكان وأي وقت كونها متزوجه
ولها حريه، دايم إنها مقيده بيت هلها ....
كل شي بالتفاهم !
شوق القلوب
12-11-08 ||, 04:32 PM
السلام عليكم...
وعلى اساس يثبت لربعه إنه الحرمه
مب مسيطره وماتخليني اطلع، فتلقونه يطول وياهم،
هالشي واااايد يستوي و خصوصا في اول الزواج.. و اللي يزيد هالشعور هو تعليقات الربع اللي متعود عليهم الزوج.. يعني كل ما يكلمونه..
هااااه.. مب رايم ترمس ع راحتك.. اكيييد حد وياك..
هاااااااااه.. ما اتروم تسهر الحين ع راحتك..
ومن يرن تلفونه.. تلقاهم اشتغلوا تعليقات.. خصه لو كان متأخر في الليل..
..
انا بصراحه عندي قناعه في تصرفات الزوج بالذات.. انه لو هو بروحه ما حس بالمسؤوليه اتجاه مرته.. و عرف انه وضعه اتغير ولازم شوي شوي يغير من عاداته.. محد بيقدر يغيره.. و الشي اللي ايي بالغصب و الزعل الواحد يعافه و ما يباه..
وبعد في ملاحظه.. لو الريال عرس وهو صغير.. او كانوا ربعه غالبيتهم عزابيه.. ما بيفهم شو معناه الحياه الزوجيه صح.. و بيبدا يحس انه اتقيد و فقد حريته..
بس لو في من ربعه معرسين و عارفين كيف انه الواحد يوازن بين وناسته و حقوق مرته.. ساعتها بيكون متفهم اكثر و عنده قابليه اسرع للتأقلم ع الوضع اليديد.. لانه اذنه بدت تتعود على سوالف المعرسين و التزاماتهم..
..
و بصفه عامه..
الزواج مرحله يبالها طوله بال و صبر.. يمكن يمتد لاكثر من سنه على ما ياخذون الاثنين على بعض و يتفاهمون صح..
الحياه الزوجيه وااااااااااااايد غير عن فتره الملجه و ما فيها من مكالمات و زيارات.. و اوقات حلوه..
و على كثر ما هي صعبه..على كثر ماهي حلوه ... :)
المزوحي
12-11-08 ||, 08:21 PM
اشكرج على المشاركة اختي شوق القلوب، وكلامج صحيح اللي تقولينه، أخو ربيعي، كل ربعه متزوجين وهو تايه من بينهم
فقال يبغي يتزوج، والحينه يدورون له على عروس ..
مجموعة إنسان
12-11-08 ||, 09:49 PM
فنرة الملجه لازم ما تتعدى السنه !!
لان في هذي الفترة الزوووج يجذب جذب الله لا يوريكم !!
يبين لها ان ملااااك
هههه
الزوجه تبي زوج على مزاجها وسيم وطيب ويسمع كلامها ويعطيها فلوس وتزور اهلها 7 مرات في الأسبوع
الزوج يبي حرمته سندريلا وطيبتها نفس ابله نورااا
هذا بس يشوفونه في المسلسلات الكويتية !!
هزاايم
12-11-08 ||, 10:21 PM
وبعد في ملاحظه.. لو الريال عرس وهو صغير.. او كانوا ربعه غالبيتهم عزابيه.. ما بيفهم شو معناه الحياه الزوجيه صح.. و بيبدا يحس انه اتقيد و فقد حريته..
و في هالزمن ,,من قاعد يعرس,,,مش الولد عمره مايتعدى 25 و البنت ماتعدت 20
ابسط قووول
ان اثنينااهم جااهلين بالزواج و الحياة الزوجيه و المسؤوليه
فتشوف الطلاق على طرف لسانه لو زوجته مدري "حبيبتيه ليومين" ما وافقته الراي
و تعال وشوف
الولد لو طلق,,,باجر يوم يتقدم بيقولون كبر و ذاك مااضي
لكن البنت بتعييش طول عمره على اساس انها مطلقه و نظره الناس انتوا ادرى بها,,, وكلن يفر اللوم على البنت
ف ابسط شي
يوم حد ناوي يعرس
يشوف حاله
يشوف نفسه
قادر على ان يتحمل شخص راح يلازمه مدى حياته
راح يتحمل مسؤوليته و مسؤليتها و مسؤولية اليهال
يعني الوعي لازم يكون عند الطرفييين
و يا الريااايل طولوا بالكم على الحريم,,, فكر قبل ما تنطق,, و احسب للشي الف حسااب و اتوقع اللي مش متوقع
المزوحي
12-11-08 ||, 11:20 PM
هلا اختي هزاايم ...
اسباب الطلاق تافهه جدا ... وأحيانا يكون تمادي الحرمه او عنادها، وفي منهن مايهمهن شي طالما عندها سياره و وظيفه
يعني الزوج شي زيادة في حياتها، والريال بيعاند بعد وأكيد يحب الحرمه تسمع كلمته ...
أحس لو شي دورات للمتزوجين من الجنسين شي حلو ..
لأنه مانقدر نمنع اللي اعمارهم 18-24 من الزواج كون إنه مايتحملون المسؤوليه، يعني البعض منهم قد المسؤوليه ...
خاصه يوم الولد يصر يبغي يتزوج ...
مــهــابه
13-11-08 ||, 12:19 AM
الـريـال المفـروض مـايقـول : آبــى اعـرس إلا لـما يحس انه فـعـلاًَ هـو يقدر يكون مسـؤول عـن زوجة وبيـت
وكـذلك البـنت
مب إنـه بـنعرس وخلاص
مجموعة إنسان
13-11-08 ||, 12:23 AM
ممم
بنظری ان اکثر اسباب الطلاق الحین الفلوس!
المزوحي
13-11-08 ||, 02:43 PM
مهابه أحيانا تلقين شاب عمره 18 سنه ويبغي يعرس، لكن مايكون ناضج، وتلقين واحد عمره 40 سنه ومايبغي يعرس
مع إنه مب ناقصنه شي، لايبغي يبني بيت ولا إنه ماعنده ماده،
المزوحي
13-11-08 ||, 02:44 PM
كيف يعني مجموعة انسان .. وضّح
مجموعة إنسان
13-11-08 ||, 10:48 PM
المزوحي اعرف حالتين طلاق صارن بسبب الفلوس
مثلا وحده تشتغل ومعاشها فوووق
والريال معاشه اقل ,, وهو يصرف على البيت لان غصبا عليه
وهيه ما تدفع شي للبيت
يعني مافي تعاون
هذا بيسوي مشاكل بينهم ويسبب الطلاق
مب مبالغه والله
لان اعرف الحالتين عدل
اللي يبي زواجه ينجح لا يطلع سره برع البيت !!
المزوحي
14-11-08 ||, 12:59 AM
أولا الزوج هو الملزوم إن يصرف على بيته، إلا هي إذا الزوجه حبت تشارك وتساعد هذا شي ثاني، بعض الرياييل يخلونها
تشتغل، على الاقل لو ماتصرف أو تساعده عاى أمور البيت ، تسد نفسها من طلبات اللبس .. الخ
وعلى طاري الاسرار للأسف بعض الرياييل يقومون يتكلمون عن كل شي في حياتهم .. يقول كل شي بيسويه حق أمه
وهله، عن خططه .
طير الحب
20-11-08 ||, 08:48 AM
صباح الورد...
ما أعتقد اني عمر الزوجين مشكله...أهم شيء تفكيرهم واولوياتهم في الحياه...وقدرتهم على التكيف مع الظروف يعني في اشايء لازم تتغير ولازم الطرفين يأقلمون عمرهم مع التغير...
الثقة بالنفس..والاحترام في ما بينهم شيء ضروري جدا يعني اي الطرفين ما في داعي يحركونهم المحيطين بهم...مثلا الزوجة :والله ربيعتي ريلها سفرها مب انت...؟
ممكن الزوجة الدكية تطرح هالموضوع بس بأسلوب أرق...ووقت مناسب.
والزرج ضروري جدا انه تكون مرته اول اولوياته يعني مرة مرتين بيقدمها على ربعه المرة الثالثه هي بتقوله..اطلع وياهم دوم تتحجج بي...روح استانس...يعني مسألة دكاء من الطرفين.
بإعتقادي أكثر الأزواج مهما كبروا في العمر محتاجين للدلع والاهتمام في اكثر الاوقات وهدا وشطارة الزوجة...
في مثال...أنا قبل كنت رافضه جدا السفر من دون عيالي..بس شوي بديت اقتنع بكلامه يعني اكيد مب حاليا ...يوم بيكبرون شوي ممكن نخليهم عن الاهل ونسافر اسبوع مثلا ...اكثر المحطين استغربوا تغييري لرأي وفي نظرهم انا جدا مهتمه بأعيالي على حساب نفسي فكيف افكر جي...طبعا هو طرح سؤال وحاول يقنعني واقتنعت تقريبا بس نحن الانينين مقتنعين انه هالفكرة مؤجلة سنوات لانه اليهال صغار واي سفرة حاليا بتكون معاهم.
يعني الحياه الزوجية محتاجه منا مرونة في التعامل...واحس انه محتاجه من الزوجة أكثر...تهتم بعيالها...تكون بعين زوجها غير....والرجل الي بيلفن اكثر طيبة قلب المراة لانه الجمال زائل....الاخلاق والطيبة تبقى.
المزوحي
21-11-08 ||, 01:50 AM
إذا الزوج لمح للزوجة ضرورة السفر من غير الاطفال، فهذا شي حلو لازم تتقبله الزوجة، مش يعني تحشر الدنيا وتقول
كلامه مابيمشي وانا ماقدر استغنى عن عيالي ومابسافر إلا وهم ويايه، يعني مافكرت ليش يبغي يسافر وياها بس !
يجدد ويبون يكون بعيد عن مسؤولية العيال، وعسب هي ماتكون مشغوله بهم ...
يعني لو سافر وخلاها مابترضى، فليش ترفض سفرهم روحهم من غير اليهال ؟!!
إذا الزوج مايقصر مع زوجته ويطلعها، يهتم بهالاشياء، له الحق إنه يظهر مع ربعه، ويكونون متفقين ...
مب يتجاهلها كون إنه مايبغي يغير شي من حياته بعد الزواج
شتشووته
19-01-10 ||, 05:18 AM
..
يا سلاااااااااااااااااام شو هالموضوع الحلووو ,,,
انا بقولكم يا حلوييين ويا حلوااات .. الزواج مب لعبه ^^" صدق صدددددق
وفعلا فعلا لازم الواحد يقعد مع نفسه قبل لا يخطي اي خطوه ,, مايتوقع انه الي بياخذها مثل ماهو يبا
وهي نفس الشي .. ,, بداية الزواج لازم لاااااااااااااااااااااااا زم لازم اتصير اختلافات بالراي .. وشوية مشاكل
بس هالاختلافات وهالمشاكل بتساعد وايد انكم تفهمون الطرف الثاني .. وبالتالي ترتاحون مع بعض اكثر ..
مثلا انا وااااايد وايد كنت احاتي كيف بتوالم وياه ؟ انزين لو طبعه لو لو لو ... .. وفعلا الموضوع محتاج شوية وقت وصبر وطووولة بااااال من الطرفين ..
والعمر ساعات يأثر وساعات لاء.. يعني انا فديتني عرست وعمري 19 ^^وريلي اكبر بكم من سنه والحمدلله رب العالمين ماحسييت ان العمر مشكله .. الحمدلله انا فاهمه انا شو ابا وفاهمه الحياه اليديده اللي بدخلها ^_^
موضوووع وايد حلوو ويزاكم الله خيرر ^^
..
المزوحي
19-01-10 ||, 01:25 PM
ويزاج الله خير شتشووته، الله يسعدكم .. اهم شي كل واحد يكون عارف شو يبى !
مب قضية فرض الزوج رايه من دون اقناع الزوجه، وفي النهايه يقول أنا ريال، ولا هي تعاند وتسوي اللي تباه من غير شوره
كونها اتزوجت ولها مطلق الحريه في كل شي، ومن وجهة نظرها أنا اتزوجت = يعني اقدر اسوي اللي أباه !
تحفه
19-01-10 ||, 04:34 PM
اقرا هالكتاب
women from venus men from mars
http://womenonthefence.files.wordpress.com/2009/09/men-mars.jpg
وايد مفيد .. وواقعي :thumbup1:
شتشووته
19-01-10 ||, 11:44 PM
^
women from venus men from mars >> اهنيج ع اختيارج ..
فعلا هالكتاب وايد وايد حلوو ومفيد ..
المزووووووووحي :: صح كلامك .. البنت لما تعرس تعتقد انه كل شي بيكون ع راحتها ..لاء .. انا اشوف العكس ..يعني تاخذين شور ريلج بكل اصغيرررررررررره وكبيره .. عكس ابوج الي تاخذين شوره بأشيا معينه ^^"
.
المزوحي
20-01-10 ||, 02:36 PM
تحفه أمس شفت كتاب شبيه له في المكتبه
فرفوش
04-04-10 ||, 03:53 PM
الزوج بطبعه وفطرته يحب التغيير - يعني لو الزوجه شو ما سوت من حقوقها عليه اكيد بيتزوج وحده ثانية اذا يته فرصة يقدر - ليس كرها بالاولى ولكن حب التغيير بس الرياييل هذا الزمان يوم تسالهم ليش متزوج الثانية يتعلث انه ما ارتاح مع الاولى وبالاصل ما يقدر يعترف اني زوج وطماع ^_^
المزوحي
05-04-10 ||, 03:14 PM
فرفوش ، يخبرني واحد ، يعرف ريال في الاربعين ، يبغي يتزوج، وهو مرتاح مع زوجته، ومع هذا صارحها بالزواج
ردت عليه : شو اللي تباه في الزواج ؟
يمكن تحسون السؤال مب منطقي ومب من حقها تسأل، دام الله محلل له 4
مب عيب لو الزوج تزوج على الأولى ، لكن عيب لو اتزوج الثانيه ويذم الأولى ليل نهار
للأسف بعض الرياييل عشان يتقرب من اللي بيتزوجها ، يذم حرمته ويبين لها إنه انتي اللي بتسعديني !
طير الحب
05-04-10 ||, 08:28 PM
أعتقد أنه أهم ما يؤسس ركائز الحياة الزوجية الإحترام قبل الحب...وانه تحس المرأة ان لها كيانها الخاص.
طفلة من هذا الزمان
06-04-10 ||, 12:01 AM
فرفوش ، يخبرني واحد ، يعرف ريال في الاربعين ، يبغي يتزوج، وهو مرتاح مع زوجته، ومع هذا صارحها بالزواج
ردت عليه : شو اللي تباه في الزواج ؟
يمكن تحسون السؤال مب منطقي ومب من حقها تسأل، دام الله محلل له 4
مب عيب لو الزوج تزوج على الأولى ، لكن عيب لو اتزوج الثانيه ويذم الأولى ليل نهار
للأسف بعض الرياييل عشان يتقرب من اللي بيتزوجها ، يذم حرمته ويبين لها إنه انتي اللي بتسعديني !
بالعكـــس المـــزوحي ..
سؤال حرمتـه جـــدا جـــدا منطقي ..
مشكلة بعض الرياييل .. ماخذين الزواج بثانية و ثالثة و رابعـة سالفة عنـاد و تحدي أحيانا .. وسالفــة فشخره جدام الربع أحيــانا .. يعني صاارت ان في رياييل عرسواا لمجرد ان ربعهم تحــدوهم (ومنـاك ربعهم ما يرومون يسوونها) بس سوالف ماصخه انجلبت جــد .. و رياييل عــرسوا لمجرد إنهـا نـزوة .. حب يجرب المسترس لايف اللي بيعانيهـا و يوم يكتشف انه مب قدهــــــا .. تكون السالفة طاحت ع راس الثانيــة و هو طلع منه مب خسـران شي ..
نعرف واحـد كان (بس مــــالج) تخيل - الفترة الي المفترض تكون جميلة و يكون الطرفين يحاولون يكسبون الطرف الثاني .. هذا عـاد كل سالفة و ثانية هــدد حرمته ياااخذ الثانيــة و هو بعد تووووه يقول يا دنيــــــــــــا (متخلف) :ohboy:
اللي بيقرر يتززوج يسأل نفسه مليون مرة .. شو اللي يباه من هالزواج و ما لقـــاه في زواجـه الأول .. الله شرع التعــدد لأسبــاب .. مافي شي في دينـا عبث .. الزواج الثاني و الثالث و الرابع له ضوابـــــط و الزوج اللي يسويهـــا لازم يكوون واااثق انه بيقدر يعـــدل -
و انا اقووول لا تتسببون لأعمارركم ادشوون جهنم من ورا هالسالفة - الحين وحده و الواااحد ياااااااللله يلحق :fa34:
و سلامتكم ،،
:icecream:
مزن هتان
06-04-10 ||, 10:50 AM
السلام عليكم و رحمة الله و بركاته
أحيانا أقول الحمدلله اني ماني مرتبطه، أحس برعب عن جد من اللي أشوفه احس بـ كم المسؤوليه اللي تطيح عـ الاثنين ناهيكم عن خلافات أول فتره !!
و مثل ما قال أحدهم الزواج لازم يكون فيه تنازلات و تضحيات و الا مستحيل بيكتمل و ينجح و اشوف انه أغلب التنازلات تقدمها الحرمه "حقنا مهضوم دوم"
سبحان الله بعض الرجال ما تعرف بالدين إلا بـ موضوع تعدد الزوجات تشوفهم مرررره ملمين بالموضوع
ماني معترضه عـ التعدد بس بالاول نعرف الاسباب اللي تحده يتزوج الثانيه
دايما أحب أقرا ردود طير الحب بـ زي هيك مواضيع، أحسها جدا واقعيه
مــهــابه
06-04-10 ||, 02:40 PM
^
هذآ آكثر شي يقـهرني ف الحيـآه ، والله عـآدي الشرع حّـلل لـنـآ آربع ، انـزين حّـلل لكن بآسبـآب مب بدون آسبـآب
حّرمتـك مقصره بعد رب العـالمين قـآل آصبروا عليهن ، عـاقبوهن ، ضـربوهن ، ... الـخ ، مب ع زله لا والله خلـآص بعـرس عـليييج
تـرآنا مخلـوقـآت من " ضلع أعوج " ~ !..
ونـآدراً ماتحصل وآحد مـآخذ 2 ومرتـآح ، آغلب الحـآلآت يكونون مش مرتـآحين ومتشتتين وووو ، يتحـروون عمـآرهم قد المسـؤوليه آنـت وحده مارمت تصبر عليهـآ بتصبر ع الــ 2
ع صعـيد العـآيله هالآمر عـآدي جداً ، عميه عمره بين 40 -42 مـآخذ 4 ـ وعمي الثـآني 2 " =P " الحمدلله مانقـلوا العدوه لآبويه "
ويـديه مـآخذ 3 ورآثه يعني ، عسب جيه كلنــآ ف البيـت خذنـآ من بّرع العـآيله =P الحذر واجب بأستثناء ختيه العـووده وما سلمت بعد
بس جّد احنـا عندنـآ نـآس بطرآنه عفـآنـآ الله ، يتحـرووون الحرمه مااادري شوو
بس يقـولون :
آصـبر ع ميـنوونك لآ آيييك الآيّن منه =P
المزوحي
06-04-10 ||, 03:09 PM
طير الحب انا وياج الاحترام ، لأنه إذا ماشي احترام ، بتحسين في خلل في الحياة الزوجية
المزوحي
06-04-10 ||, 03:11 PM
طفلة من هذا الزمان مثل ماقلتي وحده ويالله الواحد يلحق، يعني يعق عمره في صدعه هو في غنى عنها
أو إن فكر في الزواج يعدل ، لأنه هذا شي مب هيّن إنه يتزوج ومايعدل ، حسابه عند الله
المزوحي
06-04-10 ||, 03:13 PM
مزن هتان .. في واحد يبغي يتزوج على حرمته، وطبعا كانت معترضه، قالها الحين انتي ليش محتشره، اقدر آخذ 4 - قالت له : صل فرضك أول بعدين تكلم عن
الشرع
المزوحي
06-04-10 ||, 03:17 PM
مهابه الريال لو يبغي يتزوج، ما بياخذ شور الحرمه، وفي حالات استثنائية إنه يقول حق الحرمه يمكن اتزوج ومرات في نوع من التهديد ، يعني لو ماضعفتي بتزوج
أو لو ما اهتميتي في الشي الفلاني بتزوج ، فيخلي الزوجه عايشه في رعب، ولو إنه موضوع الزواج عليها بحد ذاته رعب .
فلو حس بملل في حياته الزوجيه ، والزوجه مايعيبها شي، خلم يجددون حياتهم، بدل ما ياخذ وحده ثانيه ويندم .
طفلة من هذا الزمان
06-04-10 ||, 09:18 PM
أنــا رديت // شدتني عدة تعليقــات حبيت انااقشهــــا
صـبر ع ميـنوونك لآ آيييك الآيّن منه =P
تدرين مهابـة .. ما رجعنــا ورا إلا أمثالنا اللي نتناقلهـــا بكل سذاجــة .. :k_special2:
صحيح الصبر و طولـة البــال مطلوبين جدا في الحيـاة الزوجيـة و بدونهم ما تستمـر أبــدا هالحيـاة .. شرط يكون الصبر و طولـة البــال من الطرفين .. بس لما توصل هالعلاقـة لدرب مســدود و استحالـة العيشة بين الطرفين .. يكون الصبر مالـه داعي أبــدا غير إنه حرق أعصـاب للطرفين و تحطيم معنـوي و نفسي مالـه أبدا داعـي !!
صرنا في زمن الحرمة تقدر تعتمد على نفسهـا بسهولـة و إتأمن مستقبلهــا .. و قانون بلادنـا الحمدلله يدعم حريتهـا و رغباتها .. ويحفــظ حقوقهـا - أغلب الأوقات :glare: -
و رب العالمين حلل الطـلاق رغم إنه أبغض الحـلال .. بس ما زال حــلال ..
خلاصة القووول // ما عدنا بهذاك الضعف اللي كانت فيه الحرمة قبل .. ومسألة العيشة بقهـر و ذل موضووع مرفووض لأي حرمة كـانت .. كل حرمة تستاهل الاحترام و التقدير و العيشة بسلام .. و إذا كان سبب عذابهـا ريـال .. ف وجوده و استمراريتها معـاه مب ضروريين ..
.
.
مزن هتان .. في واحد يبغي يتزوج على حرمته، وطبعا كانت معترضه، قالها الحين انتي ليش محتشره، اقدر آخذ 4 - قالت له : صل فرضك أول بعدين تكلم عن الشرع
أحلــــــــــى صفقـــــــة لهالحرمـــة .. :thumbup1:
بعض الرياييل عبارة عن كـــــــارثة تمشي على الأرض ..
اللهم عافنا مما ابتليت به كثيرا من خلقــكـ ،،:glare:
المزوحي
06-04-10 ||, 10:15 PM
[QUOTE=طفلة من هذا الزمان;671555]أنــا رديت // شدتني عدة تعليقــات حبيت انااقشهــــا
تدرين مهابـة .. ما رجعنــا ورا إلا أمثالنا اللي نتناقلهـــا بكل سذاجــة .. :k_special2:
صحيح الصبر و طولـة البــال مطلوبين جدا في الحيـاة الزوجيـة و بدونهم ما تستمـر أبــدا هالحيـاة .. شرط يكون الصبر و طولـة البــال من الطرفين .. بس لما توصل هالعلاقـة لدرب مســدود و استحالـة العيشة بين الطرفين .. يكون الصبر مالـه داعي أبــدا غير إنه حرق أعصـاب للطرفين و تحطيم معنـوي و نفسي مالـه أبدا داعـي !!
صرنا في زمن الحرمة تقدر تعتمد على نفسهـا بسهولـة و إتأمن مستقبلهــا .. و قانون بلادنـا الحمدلله يدعم حريتهـا و رغباتها .. ويحفــظ حقوقهـا - أغلب الأوقات :glare: -
و رب العالمين حلل الطـلاق رغم إنه أبغض الحـلال .. بس ما زال حــلال ..
خلاصة القووول // ما عدنا بهذاك الضعف اللي كانت فيه الحرمة قبل .. ومسألة العيشة بقهـر و ذل موضووع مرفووض لأي حرمة كـانت .. كل حرمة تستاهل الاحترام و التقدير و العيشة بسلام .. و إذا كان سبب عذابهـا ريـال .. ف وجوده و استمراريتها معـاه مب ضروريين ..
كلامج صحيح طفلة - يوم الحرمه طلعت للعالم الخارجي، تشتغل وتسوق وتسوي اغلب الشغلات اللي يسويها الريال، فوجوده مب ضروري بالنسبه لها
بس طبعا هذا الشي مايكون دوم زين ... لأنه الله يهداهن بعض الحريم ، على اتفه الامور تلاسن الزوج وتبين إنه هي قادره تصرف على عمرها ومب محتاجة له
طفلة من هذا الزمان
06-04-10 ||, 10:31 PM
أصحــح // أبدا ما اقصد ان الريال وجوده ماله داعـي .. في أمثلة لرياييل و النعــم فيهم .. حافظين بيوتهم محترمين حريمهم قايمين بواجباتهم ..
أتكـلم عن فئة الزواج بالنسبة لها تحصيل حاصل .. ما يعرف منه غير بالاسـم متزووج و ينزلوله علاوة الزوجة و العيــال .. الريــال نص مكمل للحرمـة ووجووده ضــروري لاستمرار هالحيـاة و الدنيـا ..
أتمنى وضحت الصورة
مــهــابه
06-04-10 ||, 11:44 PM
^
طفـله :
آنـآ آبداً مش مع الحرمه اللي كلـمته : حاضر ، وان شاء الله ، واللي تبغيه يصير ، ولـو انه وايـد يقـولون انه الريـال يحب المرأه المطيـعه
آنـآ مب معـآهـآ لآني آنـآ مـآ آقدر آكـون جيه ، مـآ آقدر آكون " أمعه " ، آو بمعنى آخر آنسـآن يرسم مسـآر حيـآتي
آنـآ فهمت ان الحيـآه الزوجيه بين طـرفين ، يعـني شخصين ، مـب وآحد فينـآ يحدد مسـآر الثـآني ، لآ ، آحنـآ الآثنيـن آنكمل بعض
يعـني مسـتحيل آتقبل آعيش مع آنسـآن مـآ آحسه شريك ، آحس آني " عبد " لـه والسموحه ع هالكلـمه ، دآ كـآن زمـآآآن =p
الـزّمـن تغـير والحيـآه تغّيـرت وتفـكيرنـآ تغّير ولآزم الريـآييل يتغّيرون بـعد ، رآيي هذآ مـآيشجع آو انه يخـلي الحّرمه تـكون : متمرده ، وتتـحرآ عـمرهـآ هي الريـآل لآ !
بس آبداً مـآ نرضـى آنه الريـآل يقـّلل من قيمـتنآ وآهميتنـآ واللي يّقـلل منهـآ ترآنـآ نعيش ويـآه وبـليـآه ، عـآآآدي
يوم قلت : آصبر ع مينـونك لآ آييك اللي آين منه ، هذي مـآكنت آوجهـآ للـحّرمه ، لآن فعـلاَ آحنـآ صرنـآ ف زمـن غير عّن قـبل ، مـآصـآرت حـآجتنـآ للريـآل 100 % شرآت قّبـل ، قـبل يمكن كـآن هو الكـل بالـكل وبدونه ماتـمشي الحيـآه لكن الحيـن لآ !
كـآن كـلآم للـريـآيل يوم آنهم مـآيتحملـوون الزله من الحرمه ويـهددونهـآ بالزوآج من وحده ثـآنيه وف الآخير يندمون
وبــس
مــهــابه
06-04-10 ||, 11:46 PM
الـمزوحي :
الـخّـوف مش من اللي يقول لـو مـآسويـتي بــتّزوج ، ولـو ...
الخـوف من اللي مـآيرمسـوون =p
وفـعـلاً الواحد قـبل مـآيتخذ هالقـرآر يفـكر 1000000 آلف مّره ..
قبل لآ آيطيح الفـآس فـ الرآس ، وبعدين الحرمه ليش تعيش بـرعب ؟ مـآيبغيني مّره ؟ مـآبـآه عشر ، عـآآآدي
أنامل قلب
07-04-10 ||, 01:11 AM
حبيت الموضوع بتعليقاته ، تسلمون عالاضافات جميعا ،
بس لفتتني كلمة التهديد ، وكأن الزواج تجربة لا أكثر والحياة امبينهم لعبه ،
الدل باختصار على قلة وعي ، قلة نضج ، وقلة احترام ، وركازة ضعيفة ..
حزت بخاطري الكلمة ، مادري شلون بس هالكلمة أقولها للذكور بالأخص كون المرأة عالأغلب تكون عاطفية بشكل أكبر ،
الكلمة المفروض ما تنقط مني والدرب أيا كانت ، حتى لو مزح لأن رنتها بتظل وبتنسمع أثرها ابـ تفاصيل حياتكم تالي ..
في شي اسمه تفاهم ، احترام ، وديه وقبول لمبدأ الأخذ والعطا ،
مره أراضي أنا ، ومره بيراضيني ، مره بتنازل ، ومره بيتنازل عشاني ..
الاخت طير الحب وصلت شغله جدا جميله ، لمن طرحت موضوع السفر بغض النظر عن الموضوع ذاته ،
لكن بالمعنى ، شلون لمن الآراء والأفكار والشخصيات تبدأ تتلاحم ، بالأول شغلات نصير ما نتقبلها ، وعقبها بفتره نبدي نلين ،
اسمه [ زواج ] ، وعمره ما بيكتمل بـ تفاصيل كثيره انذكرت بالطرح ..
في شي كذلك ، المصارحه الجميلة لازم لازم لازم تكون موجوده ، لأن الاطراف اثنين بس المفروض يكونون ويظلون واحد ،
اليوم إذا الزوج بيسكت مره ومرتين ، باجر بيثقل ويفيض منه لأفعال يكون أهو سببها بالأخير ، وبالمثل بالنسبه للزوجه ،
وكذلك ، أحس البعض ياخذ الامور ابـ عدائيه ، وتفكيرهم كله من بيكون الصح ؟.
مع إن المهم بالأخير كيف بـ نوصل للصح ، لأن الطرفين ينسكبون ابـ نفس الكاس ولـ نفس الرشفه ..
الزوج والزوجه اثنينتهم محتاجين لأساس ثقيل يستندون عليه ومنه يواجهون تفاصيلهم الحلوه والمره كلها ،
وبالمثل ، لحد يفكر بإن الريال أهو اللي بيحتاج يتغير فقط ، حتى المرا تراها بتحتاج تتغير وايد ، وتتأقلم ..
بس حطو ابـ بالكم إن لو صلحت أخلاق الشخص ، أفكاره ، مبادءه ، احترامه لـ نفسه ،
وعيه ومدى تقبله للأخذ والعطا ،
كل ذلك بالأخير بينغرف منه للأمور الثانيه ..
المزوحي
07-04-10 ||, 06:40 PM
طفلة من هذا الزمان انا فهمت قبل ، بس اقولج كيف تصرفات بعض الحريم
مهابه ، يمكن الكلام يكون سهل لأنج مب مرتبطه ، ويمكن غيرج وايد اللي قالوا هالكلام لكن حزة الحزه تنهار الوحده
مــهــابه
07-04-10 ||, 08:10 PM
^
وآن شاء الله ما اجرب =p
المزوحي
07-04-10 ||, 09:06 PM
مهابه إن شاء الله تكونين سعيده في حياتج ، بس في من الحريم تسوي اللي تقولين عليه ( يمكن نادر )
فرفوش
11-04-10 ||, 06:24 PM
الزوج والزوجه يبون الحب والتفاهم والاحترام بينهم
الحرمه تبأ الأمان والأستقرار والريّال يبأ التقدير والصبر وكلاهما يبون الصدق والأخلاص والثقه بينهم
الحرمه بكلمه حلوه ترضى عنك والريال بأقناعه تحصل ما تريده هي
طفلة من هذا الزمان
11-04-10 ||, 10:03 PM
مهـــــــــابة ..
الطـاعة في الزواج مطلوبـة أختي .. و تعتبر من حسن التبعل للزوج .. ومافيهـا شي لو كانت الحرمة من النوع اللي تسمع الكلام "باقتنـاع" و تردد كلمـات مثل " ان شااء الله " و حاضر " ..
العيب لما تكون شخصية هالحرمة ممسوحـة بالكـامل و تستوي روبوت تتريا الريـال يقولها شو تسوي و شو تقــول .. هالنوع من الحريم ماعتقـد عندها القدرة انها تربي بنــات بشخصيات قوية ويعتمدون على اعمـارهن في زمنــا .. مب حلوة شخصية الحرمة المكسووورة المذلولـة .. حتى بينها و بين نفسها ما أعتقد انها رااضية عن نفسهـا وحياتهـا ..
بس هالنوعية من الحريم موجودات ووصلن هالمرحلة لأنهن يبون يعيشن و السـلام .. بدون عـوار راس و الخلافات اللي ممكن تستوي ويا الريــال في حالـة "حـاولت " تعارضه بشي ..
بس الذكية تفهم من البداية شو مفتـاح ريلهـا .. في رياييل تتأثر بالدموع .. و في رياييل ما ايبيها الا الكلام الحلو .. و في رياييل فعلا تحب الطاعة ..
وعمومــا .. أتفق مع اخويه فرفــوش .. الحياة تفاهـــم والاحتـرام ..
طفلة //
المزوحي
12-04-10 ||, 11:19 PM
صح كلامك فرفوش ، بس اعرف واحد ويمكن في غيره نفس الشي
مايسوي سالفه للزوجه، من البادايه مرونها العين الحمره، عشان تخاف منه، بس الواحد يكون وسط ، صح في بعض الزوجات ماينعطن ويه ..
لكن حرام بعد، ماسوت شي ماتقدر تنطق ...
المزوحي
12-04-10 ||, 11:20 PM
طفلة من هذا الزمان ، إذا في يوم تحس الزوجه إنها رافضه شي معين، مافيها شي لو قالت : لا
مافي شي يكون بضرابه ، بس على أساس إنها تكون مطيعه ( وشخصيتها مناك ضعيفه ) أحس الزوج بيمل منها !
فرفوش
12-04-10 ||, 11:50 PM
صح في بعض الزوجات ماينعطن ويه ..
...
حشى ليش؟ والله قمت أخاف من الزواج بهالسوالف - بلاهن :crazy:
هو أول خله يحصل ويه من حرمته اول بادي :tongue:
أنامل قلب
13-04-10 ||, 04:52 PM
عشان تخاف منه،
من صجه :wow: !.
ولا لازم أقول : من صجها :glare: !...
المزوحي
13-04-10 ||, 11:04 PM
فرفوش .. مرات تلقى الزوج يعامل زوجته احسن معامله، بس هي تتمادى بتصرفاتها اللي مايحبها ...
أنامل قلب .. من صجه .. لأنه في قرارة نفسه يحس إنها بتتمرد ...
وطبعا كل واحد وتفكيره، وفي رياييل يسمعون من ربعهم فيطبقون هذا الشي على اهل بيتهم ( مع إنه مايخصه )
وفي حريم يسمعن سوالف ربيعاتهن فيطبقن هذا الشي على الريل ( ومايستوي المقارنه )
لنفرض إنه زوجه عاملت زوجها بمقياس معين ، بس هذا الشي ممكن يمشي مع زوجها
سارت الثانيه تبغي تقلد ربيعتها، لكن انجلب كل شي على راسها !
أنامل قلب
14-04-10 ||, 04:24 PM
بتتمرد !.
ليش أهو شو ماخذ :glare: !!!"
هذول أخوي ما يقومون بيت ،
بالنسبه لي اعتبر الريال ما وصل للنضج المطلوب عشان يتزوج من أساسه ،
والمرا ما عندها سالفه !.
جدا جدا جدا مهم الأساس اللي يقوم عليه البيت ، ولا شو فايدة تأسيسه ،
البعض للأسف يخلط بين مفهوم الاحترام والموده ، وبين مفهوم الخوف وطلب تأديه الواجب لا أكثر !.
~
مثل ما قلت ، الواحد المفروض يعرف شلون يقتفي الخير مما يسمع ،
أكان المسموع ايجابي ولا سلبي ،
يظل حكم التصرف صادر من الشخص نفسه ، وبكل ذلك بتلقى الخير ..
المزوحي
14-04-10 ||, 08:11 PM
فعلا أنامل في حريم للأسف يتمردن .. وتردين تقولين مهم الاساس اللي يقوم عليه البيت
كل واحد لازم يعرف حقوق الثاني وواجباته والطرفين بيرتاحون
أنامل قلب
14-04-10 ||, 08:34 PM
إذا المرا ممكن يصدر منها أخطاء ، فالرجل كذلك لا يستثنى هنا ،
واهني المشكله ، كلن يشوف الثاني على إنه مخطئ أو قد يخطئ ،
من غير لا يفكر بأني كذلك قد أكون مخطئ ، و كثيرا !.
العجيبة
15-04-10 ||, 11:06 AM
مب مهم هم شو يبون ، ساروا ولا ردوا ترا الرياح تجري بما لا تشتهي السفن!
أهم شي يكونوا واعيين بأصول الاحترام والتقديـر، ويكون عندهم استعداد وجاهزية لمواجهة المشكلات أو خل نقول : الاختلافات في الآراء،
وبعد يكون عندهم صبـر وحلم وتأني، فـ "ليس الشديد بالصرعة ،إنما الشديد الذي يملك نفسه عند الغضب" .....
وحياة زوجيية أتمناها للجميع خخخ