~ [ آلـوان / و [ رؤى يـقدمون ~ المسـابقـه الـترآثيـه . .

[مــهــابه]

~ [ مــدخل :

يقـول الشآعـر :

~ زاهــيآت برآقـعن وتـزهـآهـن . . //
لـ عـنبوا جـَدهـن مـآ [ آحلـى ] بـرآقـعهن ..









،


~ مرحبـآ السـآع ويـآمرحبــآبكم أعـزآئي مستمعـين آذاعـه وآحـآت بن دبي ~ . .



مـوعـدنآ يـتجدد الآربعـا من كـل آسبــوع ! . .



مع

http://oasis.bindubai.com/bin/uploaded/222_01225899018.gif (http://oasis.bindubai.com/bin)


~ معـكم من خـلف المآيـك [ مهــآبه ] ، وآنـا [ عـفآريـتووو ] . .





~ آعزائي المسـتمعين من جميع آقسـآم واحات بن دبي ~ ، طبعـاً نحـن وآنـتوا نـعـرف بآن لي مــاله مـآضي ، مــآله تـآلي . . .
وآن نـحن نملـك من التـرآت آشيا تخليـنـَآ نفـتخر بـهـآ ! . .

بس شـ رآيكم بـجيل الحيـن ، ( جيل الجيـنز ، والـبـدي ؟ )


عـفـآريـتو : فعـلآ زميـلتي مهــآبه ، هالآشيـا مب مخلـَفـه عليـنآ ولا عـلى آيدآدنـآ وآبائـنآ
مهـآبه : بس تـدرين ؟ الحيـن لو مآسـويتي جيـه تـظهريـن ~ [ متخلفـه ] ومب [ مودرن ] ~ ! . .
عـفآريـتو : يـعني آنـتي ترمسين عـن الـترآث وتقولين [ مـودرن ] بـعد :4: ، الحييـن بيروغـج بن دبي من الأذاعه
مـهـآبه : :fa56: وآنـتي تتـرين الزلـه يـعني ؟:4:


~ مابـنطول عـليكم آعـزآئي المستــمعيـن ، رآح نتنآول اليوم ، مـوضوع حلـو ، ويمكن هـو يخص الحرَيـم آكثر من انه يخص الشواب والريآيل . .


~ مهـآبه : عـفآريتوو جـد جربـتي البرقـع ؟
عـفآريـتوو : لآحشـى عليَه ، لاجربـته ولآبجربه بـعد
مهـآبه : تــدرين ؟! / آنـا مره يـييت آبا آجرب بـرقع آمايه ، ما آشوفهـآ الا تسحبه عـنيه وتهـزبني ؟
عـفآريـتوو : آفــا ، ليش ؟
مـهـآبه : ~ يقـولون والله آعـلم ، آنه [ البــرقع ] بس للـحريم المعرسآت ، يـعني مب لـنآ نـحن البنات


~ شو رآيكم ؟ كـلآم آمايه صـح ولا ؟


طبعـًا الآخت عـفآريـتوو رآح تـتكلم عـن البرقـع ~ وسؤال اليـوم رآح يـكون من ضـمن ( هالمـوضوع )


طبعـآً حبيـت آذكركم بـشروط ، وجـوآيز المسآبقـه قبل لآ آتـرك المآيـك لآختيه عـفآريـتووو


تقـدم الـجوآيز من [ قـروب آلـوان ورؤى ] ..


رصيـد بـقميـة 50 درهـم للفـآئز فـ المـركز الآول
رصيـد بقيمـة 25 درهـم للفـآئز فـ المـركز الثـآني . .


~ وطبعـاً راح نحسب نقآط حسب تـسلسل وصـول الآجابه ، يـعني آلحق ماتـلحق:4:

ومثـل مآتعـرفون بآن آن بـرنآمجنـا الآذاعي ينـطرح كـل آربعـآ ، ورآح نستـلم الآجابات من يوم طـرح السؤال ولغـآيه يوم قبل طرح السؤال الثـآني ، يعني قـرآبه الآسبوع ! . .


للـتوآصل عـبر آرقـام الهـواتف ( آقصدالرسآيل ) صـندوق الوارد للـعضوه ( مهـآبه ) / آو ( عـفآريـتوو )


ورآح نخبركم عـ وين آطرشون يوم بنطرح السـؤال ان شـاء الله ~ . .


ورآح تـستمر المسآبقه لمـده شـهـر ( 11 ) ، يعـني لمده آربع آسابيع

رآح نقآسمكم المتعـه والمعـلومآت الحلوه



عفـآريـتوو آتــرك لـج المآيك ، يلين آزهب لـكم من الكنـترول شَلـه ( آهـداء منآ لمستمعيـنآ الكرآم )

[عفاريتووو]

شـكرآ آختيه مهـآبه ..


طبعـآً حديثـآ اعزاء المستمعين رآح يكون فـ هالآسبوع عـن البرقع ، حآبين نسمع آرائـكم وتعليقآتكم حـول هالموضوع

ويسعـدنآ تواصلكم ..


لـكل كل شي مثل مآنـعـرف آعزائي المسـتمعين بدآيه ، كذلـك للـبرقع له قصه ~ جميله ..



http://oasis.bindubai.com/bin/uploaded/222_01225350721.jpg



يقـولون بآن البرقع آختـرعوه آو خلنآ آنقول ( تم صـنعه ) ، عـآد سوينآهـا آختراع نحن :4:

طبعـآ كآنـت هـنآك ( بنت مـطيريـه ) يـعني من جبيله الـمطيـري ، آبوهـآ كـآن بيَـوزهـآ لـوآحـد غـريب ..
هـب من جبيلـتهـآ ولا شيآته ، ويقـولون آنـه البنت مآكآنـت تبـآه ( حآلـتهـآ صعبه :4: ) وفـ نفس الوقـت !
مب قـآدره تـرفض لآبوهـآ طلـبه ، فـ يت آم ( العـروس ) عـسب ترآوي آم الريآل لـ حرمة المسـتقبل
فـ يقآل والله آعـلم ، بآن البـنت تعـمدت تشوه عـمرهآ ، وحطـت ع ويهـآ قمآشه ســوده ، وآنهـآ سوت آشيـآ وآيد
عسـب تـزَيغ آم المعـرس ( مايسوى عليهـآ :3: ) . .
فـ يوم شآفهـآ آبـوهـآ جيه ، حلـف بآن ( القماشه السوده ) لـي هو شرآت البرقع ( ولد عـمه ) يكون لـبس البنت مآدامهـآ حيه


عـسب جيه قآلوا آنه البرقـع من قبيله ( المطير ) وكآن هالـكلآم فـ سنة 1870 قــبل الميلآد ( غبـآر كـح كح :fa56: )



~ وقـآلوا فـ البرقـع :



~ يـآ لـ / بيـضـ(ن) سـَون سوآت مـطير
حَـطن بريقـع وسروآلي . .
ولـو آهـني بـالـهني الطيـر
~ مآ راح [ بالقيض ] حـوآلي . .


~ فـآصل ( غـنآئي ) ونعـود لـكم آعـزآئي المسـتمعين لـطرح المسآبقـه ) . .



آتــريونآ ، بـنرد لكم

[مــهــابه]

~ نـتركم مع شَلـه بصوت مـحمد بـورحيـمه - الهـآتف مسـَكر


[ للآسـتماع هــنـآ (http://uaefm.net/music/sh/sh03/bu-ra7eema/rm/r7eema03_thibeni-ya-boi.ram)]

[عفاريتووو]

نـرديـنآ لكم آعـزآئي المسـتمعين بـعد هالفآصل الجميـل


وصـدَق بورحيـمة يوم قآل :


~ ضآيـقـ(ن) والبـآل مـتكدر . .
آسـآل ولآيـآني ردوده ..
مـن مصآبـي جَـوي تعـكر ..
صـآحبي مـآ بـآن مقصـوده . .




شـ رآيج عـفآريـتوو بـ الشلـه ؟


عـفآريـتوو : والله حلـوه يـآ مهـآبه ..
مـهـآبه : كم بقـى لـنآ من وقـت البرنآمج
عـفآريتو : جريب الربع سآعه بس
مهـآبه : اللحـظآت الحلوه تخطف بسرعه




~ كآن ودنآ آعزاء المسـتمعين ، نـطَول معآكم ، ولـكن ! لـضيق الوقـت رآح نبـدأ بـطرح السـؤال
يـالله عـَلو ع ( الـرادو ) :fa56:
وآسمعـوا السـؤال عـدل ..
للـبراقـع آنـواع ..
وبالآخص ( 3 آنــواع ) ..
وسـؤالنا يقـول :
~ آذكرولـنآ أنواع البـرآقع الــ 3 ، والآدوات المسـتخدمه بـ صنع البرقـع



بـآنـتظاركم عـ الصندوق الـوراد لـ مـهـابه . .



من اليـوم الآربعـا ولـغـآيه الثـلآثـا القـآدم بـآذن الله
بـحفظ الـرحمن ، والـرب لـكم حــآفظ
:fa41:

[المنصوري]

مهابه وعفاريتووو ,,

شو اتسوون اليوم في الواحــة التــراثيـــة :bash:

فكــرة جميـــلـــة ، خــذت ليـــه ثواني سريعة في الموضوع

ما عنــدي وقــت للمشــاركة أو اني احضــر رد حلــو لــكـــم ’’

اتوقع راح اتكون ليــه مشاركات عديدة هنــا في هذا الموضوع لأني ما أروم اشارك لأنه الجائزة هــب ليـــه ( شو بسوي ببطاقة رصيــد الإمارات :tounge: )

عودتي بعد كم يوم

تحياتي

أخوكم

[شوق القلوب]

الســـلام عليــــكم...



مــاشـــاء الله .. الموضـــوع واااااااااااااااايد غاوي..

حتى يتراوالي الحين البراقع اللي تونهن امره يداد.. يلمعن وهن مخضرات..

هييييه.. الله يرحمج يا يدتيه.. و يجعل مثواها الجنه.. آآمين..

..

مهاااابه.. عفاريـــتووو

أمتعتونا صدق .. و كان عرضكم جداً جميل و حلو..

عواااافي عليكم.. :fa42:

[مــهــابه]

المــنصوري :


بـأنــتظــار عـــودتــك



شــوق القـــلوب :


مشـــكوره



~ هـل الخـلل فـ السـسـتم ؟ ماوصـلتنـا غيــر رســـاله وحــده ، نبغــي الـتفـــاعــل الطـــيب مـــنكم

[الشوق]

شكر جميل ورائع منكم يا قروب الوان على ما قدمتموه...
في الواحه التراثيه من مشاركات رائعه
مسابقه جميله ورائعه .
وسيتم تثبيت الموضوع
تحياتي :الشوق

[دمعة عين]

:

هـآي ثآني مـَـره أكتب فيهـَـآ رد
وتسكر عني الصفحه ><" . .

،

:fa41:

حبيت المـَـوضـَوع وآيـَـد ، وأسلووبكم فـ طرح وآيـَد ممتـَـع ،
استويتن مذيعـَـآت من ورآنـَآ لول :fa38: . .

[ البـَرقـَـع ]

بدآيـَـه موفقـَـه ، اذكرت شي لول ،~
آمسـَآت شآديَـن حيلنـَآ ويآلسين نتصـَور ونحن لآبسـَآت برآقـَـع ،

والله وآآآآآآيـَـد اتعيبني ريحتَــه لول . .

~ عقـَوله الشـَآعر //
مـَآهقيت إنـَه " البـَرآقـَع " يفتننـَي
لين شفـَت ضيـَـآ النفـَود مبرقعَـآتي
:fa35:

،

وآحـَم ، إذآ حصلت إجَـآبـَه وآفيـَه إن شآء بطرش لكم ،
يعطيكم ألف عآفيـَه خوآتـَي ،
ولا عدمنـَآكم
,’،
.
.

[هزاايم]

دخلت و قريت
بس
حق ليش ماردييتo.0

المهم
السلام عليكن
اشحاالكن و علووومكن عسااكن الا بخييير و سهاااله
يامرحباابكم والله


الزبده
اشحلاااااكم و انتن تقدمن البرنااامج
لاخليت منكن و لامن سواالفكم

اقووول
هع لازم نجااوب=q
بندور على الاجااايب افااا عليكم
كل ولا كسر الخواطر

[المنصوري]

من هذا الموضوع اتروم اتعرف إنه الخلل في الإدارة
حق مواضيع الألعاب تراهم زاهبين يطرشون رسايل خاصة ويقولون احدورا والعبوا ,,

امحق وليف ومحبة

[عفاريتووو]

الشوق


قصدج و قروب رؤى ...
الحمدالله ان نال الموضوع على اعجابكم
و مشكوورة عزيزتي ع التثبيت ^_^


..


دمعة العين

اسعدنا تواجدج معانا
الله يعافيج عزيزتي ^_^

.
.

مازلنا بانتظار مشاركاتكم ^_^

[المنصوري]

هوووود ، البــســـن بـــراقــعـــكـــن يــا بــنـــات ( يوم إنه كل الردود من البنــــات :tounge: )

مــن خــبـــرتـــي ( الـصــغــيــرة ) ,, الــبــراقـــع شـــرات ما افـــدتـــونــــا مخــصــصـــة للــمــعـــرســــات ، يــعــنـــي الــبــنـــت قــبــل ما اتــعـــرس ما تــلـــبــس الــبـــرقــــع ،،

حــالــيـــا بــــدأت مـــوضــة الــبــرقـــع تـــرجــــع مـــن يـــديـــــد ، وخاصـــة عنـــد بنــــات الجــيـــل اليــــديــــد ، لــيـــس كنـــوع من انـــواع الحفــــاظ على الهـويــه التــراثيـــة ، بـــل كنـــوع مـــن انـــواع الموضـــــه والتـــغيـــيــــــر ’’

اتوقـــع ســـؤالـــكـــم كــــان عـــن أنــواع الــبــرقــــع ’’

فالمــفــروض كــنـــتوا اتحــددون بزيـــادة ’’

لأنه اتوقع بأنه هنــاك انـــواع عــديـــدة ’’

من حــيـــث اللـــــون ( 3 انواع :woot: )

وفيـــه كذلك مـــن حيـــث الحـــجــــم ,,

تلقـــون البــنــت اللي توهـــا معرســـة تلـــبـــس البرقـــع الصغيــــر ’’

ومن تكــبـــر اشويـــه ( يعني اتعيـــّــز :sleepy: ) يتغيـّـــر حــجــم البــرقــــع ’’

تلقـــون أكثـــر العــيــايـــز برقـــعـــن كبيـــــرة

معلومــة أخيـــرة

برقـــع المنـــاســـبـــات دايـــمـــاً يكـــون مميــــّــز

يعنـــي اشوف ( يدتيــــه ) الله يعطيــهــا الصحــة والعافيــة كان فيـــه عرس اتطلع برقعـــهـــا اللي يلمـــع ( من التجـــوري ) لا لا لا اقصـــد من الكــبـــت
تلقاااااه اصفـــــرررر على ذهــبـــي يتلامــع من بــعـــد كيـــلوووو
واللي تلبســـه كل يوم يكــون شبـــه قــديــــم ولونــــه بنـــي على أسود على دم الغزال ( حشى شو بقــى بعد :doh: )

موضـــوع بالفـــعـــل جميــــــل واسلوب طرحه زقـــرت

أتمنى اتخبرون حد من الإدارة يطرش الموضوع لكل الأعضااااء
( رجااااااء )

والسموحه

أخوكم
:h_negab:

لا لا

اخوكم
:m_bye:

[هزاايم]

مدري إذ يووز لنا نرد ولا

المهم
المنصوري
تسلم على هذي الاضافه المنييره
صحيح نلاقي فرق بين براااقع البنياات و الحريم
وبرااقع المناسبات السعيده تختلف عن اليوميه
:rolleyes:

عندي سؤال
اشحقه البنت اللي معرسه تتبرقع وسط الحريم,,كل ماسألت قالوا لي عادات,,انزيين ليييش؟؟يعني صدق صدق حق ليش؟؟ يعني صدق يتبعوون سالفة المطيري:m_ma9dom:

[مــهــابه]

المنصــوري :

وانـا آشوف آمـايه تـهزبني كل ماتشوفني مقـربه صوب بـرقـعهــا :4: ثـره جيه السـالفـه

شـاكـره لـك إفـادتـك . .


بس الاجابـات اللي وصلـتنـا ، ولله الحـمد ، كـانت أغلبهـا صحيحـه ( يعني من كثـر ماشـاركوا :4: )


وبـخصــوص الـرسـاله كلـمنـا اللجــنة انها اتطرش من يــومين

بس للحيـن ما اطرشـت


الله آعــلم ليش


شــاكره تـواجدك ، وبأنــتظارك طـوال الشـهـر ، كل آربعــا وبس :fa42:

[عهد الوداع]

شو هالموضوع الغاوي ,,,,,

يا سلالالم على التراث الاصيل ,,,

واحلى اذاعه من مهابه وعفاريتووو.,,,,

ونحن مستمعين ....

[مــهــابه]

~ نـتايج السـؤال الأول من المسـابقـة الـتراثيـه . .

~ طبعـاً آعـزائنا المسـتمعين ، راح نـعـلن اليـوم أسمـاء المشـاركين اللي فـازوا فـ سؤال آمس . .

ونـتمنى منهـم يشـآركونـا فـ هالآســبوع بـعد . .


طبعـاً الأجابـه الصحيحة كـانت


أنواع البرقع
1. بني غامج
2. أسود ابـ لمعه صفره (ذهبي)
3. أسود ابـ لمعه حمرا


الاشيا اللي تدخل ابـ صناعتها
1. الشيل : (الخامه الاساسيه في صناعته) قماش قطني ينجاب من الهند او ايران.
2. الشبق أو الشبوج : الرباط للبرقع و أحيان يستخدمو التلي.
3. المشاخص و لا النجوم : لتزيين البرقع.
4. قماش البطانه : أي قطعه لأمتصاص العرق.
5. السيف : عصا خفيفه تثبت ابـ منتصف البرقع لجل تكون ع الخشم.
و البعض يدخل الذهب بعد


أسـماء الفـايزين :

1- مــزن هــتان ( 5 ) نقــاط
2- الشـوق ( 4 ) نقــاط
3 - هـزايم ( 3 ) نقــاط
4 - دمـعه عـين ( نقـطتيـن )
5- عـهـد الوداع ( 1 )



طبعـاً الدرجـات عـطيناها للمشـتركات عـسب أسبقية وصـول الإجابــه ( إلـحق مـاتلــحق )


اتــريــونا هـالآسبــوع ، كــل آربعـــا وبس

[عهد الوداع]

مهابه

ليش ما قلتيلي الاجابه غلط كانت عندي هاي الاجابه بس كنت متشككه قلت يمكن هاي الالوان ,,,, لوووووول


يالله المهم نستفيد من المعلومات ....

[مــهــابه]

^
بس انـتي عـندج جـزء من الاجـابه صـح . . .

[مجموعة إنسان]

http://oasis.bindubai.com/bin/uploaded/222_01225899018.gif (http://oasis.bindubai.com/bin)
~ مرحبـا السـاع . . .
~ ذنـيني طـفـرآن ومـتملل فـ الميـلس ، مـحد من الربـع يـآي ، الكـل لآهـي وسـآهي . . .
ذنـيني : صـارت السـاعه 7 ومـحد من الشبيــبه شـَرف ، مـآلي إلا ( محـمد ) آتـصل بــه
ذنـينـي : مرحبـا بـو الشبـاب
مجـموعه آنسـان : المـرحب لآهـان
ذنـيني : ويـنك يـا ريـال ، غـاط ماتنشـاف
مجموعه آنسـان : والله مـوجود ، حـاليـاً امبسطيـن فـ البـر أنـا والشبـاب
حيـاك جـان بـتي
ذنيـني : بيـني وبيـنك الجـو فـ الميلس مايسـاعد عـ اليلسه ، شكلي يـاي جـداكم
مجـموعه انسـان : خـلاص بـنـتريـآك . . .
~ بينـما كـان ذنيني فـ الطريج سـايـر صـوب الشـبـاب ، كـآنوا الشبـاب متـوالفـين ، اللي يـدق عـ العـود ، واللي يـزهـب القـهوه ، واللي يـعد القـصيد . .
كـانت يـلسـت بــر مافـي آحلـى منهــا ..
مجـموعه آنسـان ، مـب جنه هذي سـيـاره نـاصر اللي تـترآوالي من بـعيـد
الشبـاب : لا مـب جنه ، إلا هـو نـاصر
~ ذنــيني نـازل من السيـاره صـوب الشـبــاب
السـلام عـليكم يـا شبيبـه
الكـل : وعلــيك الســـلام والرحمة ، حيـــاك ، أقــرب . . .
ذنيـني : مـاشـاء الله ريحـة القـهوة فـايحـه ، وريحـه الهيل ، بـتقند لـنـا راسـنا اليوم :4:
مجـموعه انسـان : عـ طـآري القـهوة بـخبركم عـنهـآ ، وفـ آخر البرزه بسألكم ، واللي بيجـآوب عـليَه لـه مني جـايزه
الجميـع : تــم !
ذنيـني : آسمح لي يـا محـمد بقـطع رمسـتك وبـعد لـكم هالبيـتين اللي آحفظهن :
~ يا مكيّف الفنجال خصّص هل الجاه راع الجمايل قبـل قـنٍ جموحــي ~
الجمـيع : جــموحي
صبّه لمن هو تنثـر الـدم يمنـاه يثني جواده عنـد راع اللحوحـي
الجميـع : اللحـوحي
ذنيـني : كـَمل يـا محمد
مـجموعـة انســان :
يطـولي بـعـماركـن القـهـوه اشـتهـرت عـند المشـاهيــر وعــند الشـعـرا ( العــرب ) بـالذات وانكـتبـت فـيها قصـايد وآبيــات
وكـانوا يـقـارون القـهـوة بـالكــرم والشـجاعه والنخــوه والشــهـامه . .
ويـقـولكم قــبل :
يـعني لـو بـتون تـقدمون القــهـوه لـ الزعـيم مثـلاً فــ حرب جبيله ولا مـكان يقـدمون لـه فـنيـان يسـمونه : فنيـــان الصفــوه
ونفـس الشـي يقـدمونه للـريـال السـنع ، الشـهم ، الـلي فـيه نخــوه ومروه .
وعـاد نحـن الشبــاب آحيـان شـو يوهقـنا ، شقــايل نجــب القـهوه :4: ، سـو كـنـا فـ عزيمــه ولا فــ عزا ( لاسمح الله ) ولا فـ مكـان
تـرى مب كـل من هـَب ودَب يصــب القـهوه ، لا ، فـي عـادات وتقــاليد لازم نسـويهـا عـسب نصـب القـهوه
يـقولكم البـداو يصـبون القــهوه كيــــف ؟
أول شــي الدلــه يمسكــونهــا من اليســـار ، والفـنــايييــن من اليميـــن . .
طبعـاً لازم تـجب وآنـته واقــف ، بس تــوخي عـسب شـو ؟ عـسب اتويـب الأوادم والـضيوف
وآنـتوا تـقدمون تــقولون : سَــم
تـبدون فـ الوالد أو اللي يكــون فـ وسط الميلس . .
مـنقود يصــب الأبــو القـهــوه بــ وجـــود ولــده
ومنــقود بــعد أنــه يصب القـهوه واحــد من الضــيوف ، ولازم مايبدون بـ اليســار ، باليميــن وآنــتوا رايحيــن
ذنــيني : ماشـاء الله عـليك ، يـا محمد ، طلعـت تعـرف فهالسـوالف
مجموعه انسـان : وكيـف ماعـرف
ذنيني : انـزين مايبـت شي يديد ، انعـرف هالأشيـا من قبل ، حنـا بـدو :4:
مجمـوعه : جـان انـته تـعرف تــرى غيــرك مايعــرف
ذنيني : نــعـم نـــعم
مجـموعه : يـاالله يــا شبـاب شـرايكم واحد منكم يــعد لـنا قصيـد ولا يسمعـنا شــله غــاويه جيــه تطربنــا . .

[ذنـيـنـي]

~ شلـه طمـاشه (http://shalaat.com/main/go/?live_playing=song&OpenWith=RealPlayer&id=1939)

سـوو طمـاشه اليـوم عـ الشـاشه


آشكال وألـوان عـ الـتطميش


~ مابنخــرب عـليكم ، نـتركم تـسمعونها

[مجموعة إنسان]

ذنيــني : مجــموعه مب جــنك يالس تــرمس من الصبح تــبا تـسألنا وآشوفك ثـرثرت وخلاف سـكتت
مجموعه انسـان : يــاريــال مانسيـت سـؤالي لــكم يقــول :
بس بـخبركم تـرى ســؤالي مايخصــه فــ اللي رمسـت فيه مــوليه لـووول = > الحين بـنضرب
المـهم سـؤالي يقــول :
تـعـرفـون شو يــعني ( الــتلواح ) ؟
اللي يــعرف يــطرش لــي الاجـابه بــ مسج ، آقصــد ( بـالـرسـايل الخاصه للـعضو مجموعه أنســان )

[رمــش الغـــلا]

حبيتـ المسآآبقة

وطريقتكم في طرح الاسئلة ..|~

،

بعطيكم العآفية قروبي وقروب رؤى ،

[عفاريتووو]

http://oasis.bindubai.com/bin/uploaded/222_01225899018.gif (http://oasis.bindubai.com/bin)

يا مرحبا بكم


اليوم رمش الغلا و عفاريتووو سايرين يحوطون امبين الفرجان الجديمة
يبون يشوفون كيف كانت الحياة في الماضي
و خاطرهم يجربون العيشة الجديمة حتى لو لساعات ..


رمش الغلا : عفاريتووو تعالي ندخل في هــ السكة و نيلس فيها
عفاريتووو : رمش احس عيشتهم كانت واييد حلوة .. شوفي كيف بيوتهم جريبة عن بعض ..
احس كل الناس كانوا مع بعض .. و قلوبهم على بعض ..
رمش الغلا: هيه والله .. و احس كانوا عايشين بأمان ..
و عيالهم ييلسون بهالسكيكك و يلعبون مع بعض ..
يالله صدق بخاطري لو نقدر نعيش مثلهم ..


رمش الغلا: اتخيل البنوتات متيمعات هني يلعبون جحيف ..
عفاريتووو: جحيف ! شو جحيف ؟
رمش الغلا: لعبة جديمة .. من الألعاب الشعبية اللي كانوا يلعبونها البنات ..
كل وحدة تاخذلها جحف (حجر) تكون تقريبا دائرية أو مسطحة ..
و يرسمن البنات مستطيل ع الأرض و يجسمون لـ 6 مربعات متساويات .. و كل مربعين عدال بعض ..
عقب تبدا وحدة منهن و تعطي ظهرها للمستطيل .. و تفر الجحف لورا عسب يطيح في مربع من هالمربعات ..
عفاريتووو: انزين و بعدين
رمش الغلا: عقب تلف البنت و تبدا تنقز بريل وحدة من أول مربع للثاني للثالث و جي ..
لين ما توصل للمربع اللي في الجحف .. عقب تحاول انها تحاول تحركه للمربع اللي عقب بأصبع ريلها من دون ما ريلها تطلع بره المربع
و من دون ما تنزل ريلها الثانية .. و جي لين ما توصله مكان ما كان ..
و اذا وصلته تكون فازت و يبدون اللعبة من أول
و اذا ما قدرت .. تي اللي عقبها و نفس الشي تحاول توصله .. و جي ..
عفاريتووو : ألعابهم حلوة كانت .. الواحد يستانس فيها .. مب ألعاب الحين ..


عفاريتووو: انزين رمش وايد اسمع بلعبة خوصة بوصة
كيف يلعبونها ؟
رمش الغلا: ييلسون البنات ع شكل دائري و تيلس وحدة منهن بالنص ..
و تحرك اصبعها السبابة ع ركب البنات و هي تقول:

خوصه .. بوصه
يالنبوصه
كلاج الدود
من حمدون
مرينا على عقارب
يا كلون سحتين محتين
قال يا عـبــد الرحـمـن
عطونا سحه بلاقي بها
من سلطان لين سلطان
لا دغتنه عقروبيه
شقروبيه
دوسة خيل ولا مطيه

و اللي توقف عليها لازم تختار يا إما تنقرص أو تطلع من اللعبة
و اذا اختارت ان تنقرص .. تقرصها اللي كانت بالنص و اذا قالت قرصة خيل اتم تقرصها
و اذا قالت دوسة مطية تطلع بره اللعبة ..


عفاريتووو: و شو بعد من ألعاب البنات؟
رمش الغلا: الحبيل ..
ييبون حبل طويل و يمسكون بنتين من ع الطرف
و يحركونه بشكل دائري .. و باجي البنات يحاولون ينقزون بالنص من دون ما يدقهم الحبل ..

[رمــش الغـــلا]

رمش الغلا: تعرفين هالمكان ذكرني بشو؟

عفاريتووو: بشو ؟

رمش الغلا: حمامة نودي نودي
سلمي على سعودي
سعودي راح مكة
يجيب ثياب عكة
يحطه في الصنيقي

عفاريتووو: صنيقي مالي مفتاح
و المفتاح عند الحداد
و الحدلد يبغي فلوس
و الفلوس عند العروس
و العروس تبغي عيال
و العيال يبون حليب
و الحليب عند البقر
و البقر يبغي حشيش
و الحشيش يبغي مطر
و المطر عن الله

رمش الغلا + عفاريتووو : لا الله الا الله محمد رسول الله
لا الله الا الله محمد رسول الله

حمامة نودي نودي (http://www.youtube.com/watch?v=nVRteg_2Uok)

[عفاريتووو]

عفاريتووو: رمش بسألج لغز شعبي
بنشوف لو تعرفين تحلينه .. ؟؟

رمش الغلا: انزين اسإلي ..

عفاريتووو: شو هو اللي عقب العصر ما ينباع ؟


رمش الغلا : :k_icon9:
:k_icon9:
:k_icon9:


و انتو بعد لو عرفتوا الجواب طرشوا بالرسايل الخاصة لــ عفاريتووو

رمش الغلا: لحظة عفاريتووو قبل لا ننسى شو كان جواب سؤال الاسبوع اللي فات؟

عفاريتووو : التلواح يا رمش هي أجنحة طائر الحبارى التي يتم تجميعها على هيئة طير .. يلوح بها
أمام الصقر لتعليمه الانقضاض عليها والامساك بها .
فعندما يمسك الصقر بالتلواح يقوم الصقار باعطائه حمامة أو قطعة من
اللحم كمكافأة له .
وهكذا يرتبط التلواح بالمكافأة أي الطعام أو الفريسة التي تقدم للصقر ..
هذه الطريقة جيدة لتعليم الصقر الامساك بفريسته سواء كانت حبارى أو
طيراً آخر .. كما أنها تقوي لديه العضلات وتجعله يكتسب لياقة عالية
وهي مجدية في بداية تعليم الصقر القنص .

و اللي كانت اجاباتهم صحيحة

1- مزن هتان 3 نقاط
2 -دمعه عين نقـطتين
3 -عـهد الوداع نقـطة


نتريا اجاباتكم ع سؤال اليوم ^_^

[أنامل قلب]

أسلوب العرض جدا ممتع ،،
واستفدنا أكيد + استمتعنا =)

موفقين جميعا ..

/

توني أكتشف الموضوع !

ربي يجزاكم الخير ،،
كل من ساهم بالاعداد + تواصل ..

تقديري ..

[مــهــابه]

نـتايـج الأسـبوع الثــالث من المسـابقه الـتراثيه كـ الـتالي


1- مزن هـتان 3 نقـاط
2- دمعه عـين نقـطتين
3 - عـهد الوداع 1



والاجابـه كانـت [ الليـمون ]
شـكراً للـتواصل صبـايـا ، واتـريـونا فـ آخـر أسـبوع من المســابقه الـترآثيه واللي رآح تـصـادف احتفـالاتنـا بـ يوم الاتحاد

[عهد الوداع]

معلقييين عليه ع النقطه لووووول ,,,

[المنصوري]

يالله حيـــهـــم ،،

مجــمــوعــة إنــســـان ,,
ثــرك مفضحنـــــا ، ما اتعــرف التــلـــواااح :mad:
عـــاده المشــكــلــة إنــك يالــس اتعلمنـــا سنـــع صــب القهـــوة :a052:

..

طبعـــاً بدايــة تعلــيــم الصــقــر ( أو الطيـــر كمـــا يطلق عليــه في أغلب مناطق شبه الجزيرة العربيــة ) تــكــون عن طريــق ( تربيـــب ) الطيـــر ، وذلك بحمــل الطيـــر لفترات طويلــة طول اليـــوم وتمسيحـــه حــتـــى يتربب ويصبــح آلفاً لصاحبـــه ، طبعاً يمكن تكون عملية التربيب ( يجلعه آنســاً لصاحبـــه ) هي أصعــب العمليـــات وخاصة للطير الوحــش وجديد ، وغالباً ما يحتاج الطير لهذه الفتــرة بعــد فتــرة المقيـــض ( فتــرة الصيــف والتي فيها يبدأ الطيـــر عمليــة تغيير ريشـــه القديــم واستبداله بريش جديد ( new ) وفي هذه الفتــرة يكون الطيــر في أقفاص مغلقة ولا يدخل المالك إلا لإطعام الطير حتى يشعر الطير بأنه في بيئــه طبيعـيـة ويستطيع من خلالها تغيير ريشـــه ) ، من بعــد هذه المرحلة يبدأ الصيـّــاد بتعليم الطيــر على ( المنقـــلة ) و ( الدس ) قبل اللجوء للتلواااح ,,

سؤال لمعلوماتكم ,,

وش هي المنقلة ووش هو الدس ؟؟

لي عودة

..

منصوريوووه

[مزن هتان]

المنقله
اممم مو هاي اللي تثبت بالرمله و يوقفون عليها الطير؟.

الدس
قطعه غالبا ما تكون من اليلد (الجلد) يلبسها القناص بيده لأجل يحمي يديه من مخالب الطير
حزت لي بغى يشيل الطير


عاد مادري جان صح

[مــهــابه]

^
مـزن :

شرايج نحسبهـا بونس دام انه المنصوري شـرف موضوعـنا ، وحط أضـافه ؟

[مزن هتان]

ما عندي مانع
بس نشوف راي الاغلبيه (المشاركين) بالأول

[المنصوري]

يا مرحبـــااا السااااع

قهوة قهوة يا مجموعة انسان :icecream:

اعتبــروني ضيـــف شـــرف ، وكان بغيتوا اضافاتي واسئلتي استحملوني لين ما يخلص الموضوع :pullhair:

نص الإجابة صح والنص الثاني غلط ( عاد دوري اي نص صح واي نص غلط )

تحياتي

منصوريوووه

[مزن هتان]

انزين المنقله
شرات الدس بس تفرق انه من دون اصابع و تنلبس باليد كذلك
بس فوق عـ الذراع


مستمتعين بـ استضافك أخوي المنصوري، و اضافاتك

[مــهــابه]

المنـصوري :

~ شـرايك تـطرح الـحلقـة الأخيره من المسـابقـه الـتراثيه كـ ضيف شـرف

وتعطـينا سـؤال صعـب شويه ، مايــعـرفونه بســرعه ؟

[المنصوري]

مزن هتااااان

الحينه صح اجابتج بس كلاهما يلبســن على الكف بشكل عااام

..

مهااااابه ’’

اتشرف بمثل هذه الدعوة

تحياتي لكم

[المنصوري]

أدري أصحاب الموضوع ودهم بس ودهم يضربوني لأني تأخــرت في طرح السؤال اللي مفروض أنــا اطرحــه ، بس بكل أمانــة مشغول اشويه ومشغول وايد :m_m7tar:

..

عالعمـــوم ,,

موســم القنــص قــد بـــدى والنــاس كلهــا حالياً تستعـــد للقنـــص ( موســم القنــص يبــدأ مع بدء فصل الشتــاااء لحيـــن انتهاااءه او لحين انتهاء الربيـــع ( هو أصلاً نحن في الاماارات انعرف وش معنى الربيع :4: ) ، يعني تقريبا من بداية شهر عشــرة ليـــن نهايــة شهــر ثلاثـــة ) وخلاف يبدى موسم المقيــض شرات ما قلت لكم في الاضافــة السابــقـــة

طبعاً اغلب الناس اتروح للأماكن اللي تكون مواقع لهجرة طيور الحبااارى او الصفرد ... مثل باكستان ، اوزبكستان ، ايران ، حتى العراق وناس اتروح للمغرب العربي

كل شي في رحلات القنص حلو ، من البداية للنهايــة ، طبعاً لازم يوم اتروح في رحلة من رحلات القنص لازم اتكون مزهب كل الحايات اللي تباها معاااك ، من خيمة لأنك راح تمضي أكثر الوقت في البر بحثاً عن الفريسة المفضلة للطير وهي الحبارى ’’
معلومة سريعة ,,
في الطبيعة ، الطيــر ما يهاجم الحبارى أبـــداً ويخاف منهـــا ، لأنها تهاجم الطيـــر في بعض الأحيـــان ـ فلازم في مرحلة التدريب الصقـّــار لابد له من تعليم الطير على الحبارى وإلا فإنه ( سيفشله ) قدام العـــرب :k_icon9:
والطباخ والقهوة في الجو البارد لهم طعم خاص ، وفي بعض المرات ( المدبـّــس ) اللي يكون له طعم خاااص ’’

سؤالي الأول : وش هو المدبـّـــس وكيفية صناعتـــه ؟!

وراعي الطير دايماً يتفاخر بعدد الحبارى اللي يصطادها طيـــره قدام الآخرين ’’

سؤالي الأخيـــر ،،

وش هو المقصود بتقطيب الطير ولمذا يقطـّــب الطيـــر ؟

وبعطيكم سؤال اختياري ’’
يعني لازم اتجاوبين على سؤالين من مجموع الثلاثة عشان اتحصلون النقاط الكاملة :fa56:

ما المقصود بــ ( شنــذر) الطيــــر ولماااذن يشنذر :k_icon9: ؟

السموحه كان بدى مني قصور بس زين حصلت هالوقت عشان اطرح الأسئلة

تحياتي للجميع

أخوكم
منصوريووو

[مــهــابه]

بالعــكس خذ راحــتك اخويـه المنصــوري ، تــواجدك أهــنيه هـو شـرف لـنا ويســعدنـــآ ..


حبيـت أذكر المشاركيـن بـأن آخر مـوعد لأسـتلام الإجابـه يــلين تــاريخ 9 -12 -2008

والـأجابـات تـوصل لـ العضوه مهـابه وراح أعـرض اجابـة كل المتـسابقين فـ الموضوع ، وبنـخلي أخـونا المنصــوري


يعــلن عـن الاجابــه الصــحيحـــه

[مزن هتان]

بحاول أدز الاجابات، خسبقتنا يا المنصوري خالي
و عياله مسافرين من راح يغششني الحين ؟

[مــهــابه]

طبعـاً اليوم كـان اليوم الأخير لأسـتلام الجوايـز

وللأسـف محـد شـارك معـانا فـالسـؤال الاخير غـير [ مـزن هـتان ] وكـانت اجابــتها كـ التــالي :


معنى تقطيب الطير، و لماذا يقطب ؟
يغطون عيون الطير، لـأجل يطير الصقر للأعلى

الشنذره، و لما يشنذر الطير ؟
مكعبات تتقطع لـ قطع صغار غير حاده الاطراف لأجل ما ينجرح
حلق الطير من خلالها يجدد الطير ريشه. تكون الشنذره لأجل
يتخلص الطير من الشحوم المتيمعه (المتجمعه).

و المدبس
هو نفسه المحمر (حلاته بالشتا)
عيش ينطبخ معاه الدبس في الماي و يصير لونه حمر



بإنـتظار اخــونا المنصوري عـسب يخبرنا عـن الاجابه الصحيحـه ، وبالـتالي نعـلن الفـايز بالمركز الأول والمــركز الثــاني

[مزن هتان]

السلام عليكم

يالله و أنا كمان انتظر أخينا المنصوري
بس مو كأنه خلصنا بسرعه

[مــهــابه]

^
فـ عـصر السـرعه نـحن لـوول
كـانت المسـابقـة لـمدة شـهــر كامــل ..

جـاري البحــث عـن المنصوري :P

[المنصوري]

اوووف

انمسح الرد :fa44:

[المنصوري]

اووووووو وأخيراً رجعنـــــا والعود أحمد :police:

السموحه على التأخيــــر ’’

اممممممم

طبعاً نرجع لمشاركات الأعضاء قصدي العضوة مززن هتاااان

الي تشكر على مشاركاتها ومجهووودها الطيب ’’

طبعاً اللي استغربته ( احاول اكتب شرات الرد القديم اللي انمسح بس ما اروم :sad: ) من اجابات العضوة هو خلط الاجابات ، يعني نص الاجابة صحيحة والنص الثاني ماله دخل في الاجابة اصلا :k_icon9:

السؤال الاول كان ( شو كان السؤال الاول :look: )
هيييييه عن التقطيييب ,,
التقطيب هو تغطية عيني الطير بقطعة خفيفة الطبقة ، بس اللي ابى اعرفه ، هل كيف قالت مزن هتان يغطون عين الطير عشان يطير لأعلى ، وهل كيف بعدين بيرجع أصلاً :fa48:
الهدف من التقطيب هو حماية الطير وبخصوص المتوحشة ، لأنها ما اتكون متعودة على البرقع واتكون خايفه منه ـ فأحسن طريقة هي تغطية عينه ومن ثم نقل الطير من مكان لآخر ’’

السؤال الثاني ’’

الشنذرة شرات ما قالت ، قطع تعطى للطير للتخلص من الدهون الزايدة ( يوم يكون وزن الطير زايد شرات عفاريتووو ومهابه :fa56:) ، بس النص الثاني من الاجابة ماله دخل ابد ، ترى قلنا في فترة المقيض وهي فترة تغيير الطير لريشة محد يمسك الطير ، والشنذرة مالها خص ابد(ن) في موضوع تغيير الريش للطير

السؤال الثالث ،،

تقدرون تعتبرون غلط :whistling:
عليكم بطلب المساعدة من اختنا حلم الطفوولة وهي بتخبركم شو هو المحمـّــر وكيفية اعداده :h_mar7aba:
طرشوا لها بطاقة دعوة تراها خقاقه ما تحدر مواضيعنا :tongue:

موفقين خيررر

وشكراً جميعا

والسموحه

أخوكم
منصوري باشا

[مــهــابه]

المنصــوري :


شــكراً من الأعــماق عـ التــواصل الجــميل والرائـــع والمســـاهمه الحلــو والدسمـــه من نــوعهــا


طبعـاً بـسؤال أخــونا المنصــوري كـان خـتام مسـابقـتنا واللـي تعــاونا فيهــا مع قــروب آلــوان

ويسعـدني اني أعـلن اسـماء الفــايزين فـ المركــز الأول والــثاني


1- مزن هـتان بــ 11 نقطـه
2- دمعه عــين بــ 7


مبــروك للـفايزات ..


وأشــكر تواصــلكم

[مزن هتان]

طبعاً اللي استغربته ( احاول اكتب شرات الرد القديم اللي انمسح بس ما اروم :sad: ) من اجابات العضوة هو خلط الاجابات ، يعني نص الاجابة صحيحة والنص الثاني ماله دخل في الاجابة اصلا :k_icon9:


:fa52:

BrB

[المنصوري]

بس مجرد سؤال حب يطرح نفسه .. حق ليش الموضوع مازال مثبت .. وحق متى :doh:

منصوري مشاغب :k_devil2: