هل سيولد ذنيني من جديد ....

[ذنـيـنـي]

السلام عليكم و رحمة الله و بركاته


يمكن تكون مشاركتي غريبة في هالواحة لأنه مب من عادتي اني افضفض في الواحات لكن مرات الواحد يصل لمرحلة من الملل و اليأس في حياته لدرجة انه يتمنى انه يتكلم و يقول الي في خاطره لأنه حياتي اصبحت بالنسبة لي مملة جدا و روتينية جدا جدا


الروتين ...


انش الساعة 5 الا ربع اسبح و اصلي و اسير الدوام
ارد من الدوام و ارقد و انش العصر و عقب المغرب اسير الميلس

صح انه الدوام فيه تحديات لكنه في النهاية يتم دوام و يتم روتين ممل
و كذلك الحال في الميلس،، نفس الشباب، نفس الويوه، نفس المباريات و نفس لعبة البليستيشن الي نلعبها كل يوم

ملل ملل ملل ملل ملل ملل ملل ملل



عاشق الخيل ناوي يكسر فكّه

ياما قالولي ناصر انته انسان "عشّاق" تحب الشي لفتره و تتعلق فيه و فجأة تقرر انك تتركه و تتجه لشي يديد
و اكتشفت انه هالشي فعلا ينطبق علي و اني اتعلق بالشي لفتره و "أرقد على ريسه" الين ما يصير عندي تشبع منه و بمجرد ما أمل تحصلوني لا اراديا غيرت اتجاهاتي لشيء جديد

اخيرا وصلت لمرحلة وضع علامة X على هواية التصوير،،
كما وضعت علامة X على غيرها من الهوايات فيما مضى

هل سيكون لي عودة لعشقي القديم "ركوب الخيل"
رياضة النبلاء

أم ستكون الملاكمة هوايتي الجديدة


ركوب الخيل له لذه خاصة ما يعرفها الا الي يعشق الخيل
الملاكمة "و غيرها من الرياضات القتالية" تساعد الانسان على اخراج الشحنات السلبية و موجات الغضب خلال التمرين ليخرج بعد تمرينه و هو مرتاح البال بعد انه فضفض عن همومه جسديا


هل تغيير الاهتمامات تساعد الانسان على ان يكون شخص جديد بشخصية جديدة ؟
هل خطوة اغلاق ايميلي نهائيا و للأبد و محاولتي لعلاج ادماني على الانترنت و برنامج المحادثة ستكون خطوة ايجابية في تغيير حياتي للأفضل

أتمنى ذلك،، لأني وصلت لحالة الملل من نفسي
و في نظري هالشي اعتبره قمة الملل و أهمال الذات
في المقابل اتمنى ان اعيش حياة صحية من الناحية الجسدية و النفسية و الاجتماعية
و هذا كله ما بيتغير الا لو ناصر غير اسلوب حياته

المعذرة منكم
كل الي قلته هو مجرد فضفضة لأفكاري المشوشة
و محاولة مني لأكتشاف ناصر من جديد :fa36:

تحياتي المشوشه

[المزوحي]

هلا وسهلا بك أخويه ناصر في هالواحة ....

كل انسان يمر بحالة ملل من نفسه، بسبب الروتين مثل ماذكرت ...

وحتى انا اعيش حالة ملل بسبب الروتين، لكن انته مب ياي تفضفض هنيه، عسب حضرتي ارد عليك

هالرد، وأقولك حتى انا اعيش بحالة ملل ...

المهم

يوم نطلع رحلة يوم نشوف ناس من زمان ماشفناهم ... يوم نغير جو مره وحده، أقول ويني انا من زمان الللللللله

صدق هاليوم غييييير ... لانه نحن محتاجين نغير ....

فليش ماتغير من حياتك ... الدوام نفسه، مب معقوله كل يوم بتغير وظيفتك .. خلنا هنيه نترك الجانب الوظيفي

ننتقل للشي الثاني اللي هو ربعك، بس أكيد مالك بد منهم .. تقدر تتعرف على ربع يداد بس بدون ما تتغير عليهم

أو تتجاهلهم ... وأكيد هذا مب طبعك ... بس تدري ربعك تقدر تخطط وياهم تسيرون نهاية السبوع مكان معين

غير عن يلسة الميلس او تخططون تلعبون كره بدال البلاي استيشن، اللي تخلي الواحد نرفوووز

يعني تسيرون البحر، تلعبون كره على الشاطي ... المهم تغير من الروتين .. ومن نفس المكان

اقترح عليهم انته شو تبغي ...

تغير اهتمامك يمكن ترد ترجع للملل ، كونك تعلق على شي معين وتتركه عقب فتره ...

يوم اظهر من وقت من الدوام، يوم اتغدى مع اللي تقدر تتغدى وياه من ربعك إذا مب كلهم فاضيين .. يعني

مب شرط تخلي هالشغلات حق الويك اند .. ممكن يكون في نص الاسبوع ... عسب تحس في شي غير

ممكن تسير تمشي إذا مب حاب تنضم لنادي .. تغير المكان اللي تمشي فيه، مب لازم كل يوم 3 مرات في السبوع

او خلهم مرتين ...

شوف شو اللي بيتغير، بتقدر تتأقلم مع الوضع اليديد

[دموع قلم]

,



مسااء الطيبة ,



أخوي ناصر ..

بالعكس .. تفكيرك وااايد واااااايد عيبني ..
وخاصة يوم قلت "في المقابل اتمنى ان اعيش حياة صحية من الناحية الجسدية و النفسية و الاجتماعية"
لاني اونه وااايد اهتم في الأمور ^_____^

وحلووو يوم كتبت هني.. عشان تستفيد من آراءهم ..


اممم أحس عندي اشيا أبي أقولها ..
بس الوقت ما يساعد .. باجر دوام!


اممم ..
فـإن شاء الله يكون لي عودة ..!
.
.



بس لحظة ..
احين أنت العضو عاشق الخيل.. ولا انا فاهمة غلط كالعادة ..!؟

:smile2:




,

[مــهــابه]

خـويه ذنـيني :

هـاللي قـاعد تـمر به أنـته ، يـمر به أي شخص كـان مـوظف ، طـالب جامعـي ، أو أي شخص آخر ..

الإنسـان بطبيعـته يعشق التجـديد والتغـير ( وهالشي مب دايماً مثل مايقولون عَـشقه وبس ، لا أحيـان يكـون حلو ، ويبعـدك عـن الروتـين )


يعـني كلنا آحيان نمر بـحالات نقول :

لـي متى جيه ؟ وتمر علينا تساؤلات تقريباً أو بالظبط نفس تساؤلاتك

ولـو سألـنا عـمارنا نحـن شو نبـا ؟ وشو اللي لازم نغيره في حياتنا ؟


مثـلاً أنـت :

- تـقدر تقـطع هوايه التصوير للإبد ؟ ( أكيد لا ، ولكن ! محتـاج لفتره نقاهه )
- تقـدر تـقطع ربعك فـ الميلس للأبد ؟ ( آكيد لا ، بس يمكن تـبا شي يديد أو نشاط يومي اضافي مؤقـت )

آلـخ !

انـا أقـدر آقول ممكـن من الشخص أنه يـتغير ، وأنه ينولد من يـديد ! ، لـكن التغييير ماراح يكون كـلي

يعـني التغيير يمكن يـكون من تلقاء نفسنا نحن يعـني برغبـتنا
ويمـكن !
أشيـا تستوي في المحيط الخــارجي ( سواء من البيت ، الشغل ، ... الـخ ) تأثـر علينا وبالتالي تغـير من شخصيـتنا وااايد ..


ويـمكن رغبة التغيير في داخلك ، تخليك تتخلـى عن الأشيـا نهـائيـاً

أنـت بإمكانـك تتغـير ، بس مب بالتخلص النهائي من الأشياء لي تعـودت تمارسهـا ، لا التغيير راح يكون " أسهل وافضل " لـو كان تـدريجي


غيـر جيه !


في أشيا انت تبي تغيرها وتحس انك لازم تغيرها ، بس ماراح تقدر ، لأن راح تحـتاجها بـأي حاله من الحالات ، وتحت أي ظرف من الـظروف ! ..


لـذلك !


ممـكن " أن يولد نـاصر من يـديد " بـتفكير متأني مع النفس أولاً قبل الغـير ..


وبأذن الله راح تقـدر تغيـر كل شي مب عايبنك في حيـاتك




والسموحه منك خويه

[الاسطوري]

والله ماعرف شو اقولك ياناصر بس بعد حتى هالاشياء اللي انت تفكر فيها ينمل منها يعني لفترة بس فليش ماتسوي لك برنامج سنوي يعني بمعنى اوضح خطه لـ 12 شهر شاملة كل الفصول وتحط فيها كل الهوايات اللي مارستها واللي تمارسها واللي تفكر انك تمارسها وتوزعها على هالجدول بشكل خل نقول كل شهرين على هوايه معينه وتمشي على هالجدول مابتحس بروتين وبتحس عمرك مرتبط بمدة معينه فتعطي طاقه اكثر خلال هالفترة وبترتاح منها لما تقطع ويوم بترد لها عقب فترة بتكون متلهف لها ولكن المشكله اللي بتصادفك في هالجدول انك مابتحصل ربيع يكون وياك في هالوايات فلازم لكل هوايه يكون في حد معين يشاركك فيها


تبى نصيحتي بعيد شويه عن الجديه شو رايك تدخل في المصارعه مثلا وتختار لك واحد يناسب قدراتك ومهاراتك القتاليه فأنا اشوف لماح جدا مناسب لك عشان تزيد من لياقتك وتطور هالجانب واذا ماقدرت عليه في اول فترة بتقدر في الفترات اللي عقب ولو بغيت مشجعين ترانا حاضرين بس لازم تعرض لنا خطتك كامله عشان نعرف نسوي لنا جدول نحن بعد للتشجيع وبييب وياي مجموعه انسان عشان يغطي هالاحداث النادرة
:icecream:

[مزايا]

هل سيولد ذنيني من جديد ....

هل سيكون لي عودة لعشقي القديم "ركوب الخيل" أم ستكون الملاكمة هوايتي الجديدة

هل تغيير الاهتمامات تساعد الانسان على ان يكون شخص جديد بشخصية جديدة ؟
هل خطوة اغلاق ايميلي نهائيا و للأبد و محاولتي لعلاج ادماني على الانترنت و برنامج المحادثة ستكون خطوة ايجابية في تغيير حياتي للأفضل



تســؤالات كثيــرة ، ولكـن أنت المعني بالإجــابه ،
اذا عرفت تجــاوب عليــها زين
واذا ماعرفت ، فهذي مشكـله لانك مب عارف شو تبغي فالاســاس

برايي الشخــصي ، حتى تكســر هالروتين الممل
إبدأ بتغيير أشيــاء بسيــطه ، مثلا إبدا بالرجيــم ( أدري انك صحـّه :fa46: ماشالله )
بمــجرد ماتحس إنك أحدثت تغيـر ف شكلك ، إعرف إنك بديت ف طريق التغيـير ،
والتغيرات البسيطه تجر التغيرات الكبيــره ، وهلّم جرى


مزايـــا
:smile:

[صريح]

هونا و تهوون يا نااصر
عيش حياتك و ابتسم .. الملل موجود و بيتم موجود بس عليك بالتغيير
مثالا الهوايات اتركها و اتجه لهوايات ثانيه انته تحبها و يوم بتمل رد ع هوايه جديمه
بيكون عندك نوع من التغير و ما بتحس بالملل

مثال بسيط:

حق فتره الشتا ----->

- خذلك دراجه ولا نيسان حق البر "ركز على النيسان"
- التصوير لانه الجو يكون حلو
- الحداااق و التخيم فالبر
- اتجه للرياضات الخارجيه : مثل الكوره و الجري و الطايره

و الحين احنا فالشتاا و الجو بدا يعتدل فسير شجع نادي عيمان و خلك فالمدرجات
:1:

فالصيف ---->

- بيع السياره ولا الدراجه و خذلك جت سكي حق البحر + اترك التصوير
بيوم بيرد موسم الشتا اليااي ... بترد على الاشياا الجديمه اللي ودرتها فتره الصيف اللي طااف
- الجو بيكون حاار فحول ع الرياضات الداخليه مثل البوولنق + السباحه ( يمدحوون اكواافينجر في اتلانتس .. سرناها و صدق خباال.. سير هناك و ما بتندم )

و فالشتا و الصيف خلك ع لعب الورقه خصوصا الهاند و الحكم و التركيس ..
يقولك مفعولهم شراا مفعول البندوول وياا الصدااع لوول

و بالنسبه للانترنت خلك مثل ما يقولون on و off
يوم ع النت و 4 لاا ... حسب المزاج



انا تقريبا امشي على هالطريقه بنسبه 90% و مول ما احس بالملل
لانه الروتين يتغير كل فتره
:k_smartass:


معقوله "الرموول" جيه تسوي بالواحد
:vertag:



موفج خير ان شاء الله

[عايش وهم]

السلام عليكم

مساك الله بالخير ناصر

ابويه جان عندك ملل هاته سلفني إياه أبا أحط راسي يومين و انخمد :7:


عندي لك سؤال .. إجابته يمكن تساعدك في حل أزمة الملل اللي إنته فيها ..

- إشكثره يقدر ينطوي ناصر عن الناس و ما يحتك فيهم .. ساعات ،، أيام ،، شهور ؟

هذا السؤال معناه إنك لازم اتعرف مدى قوة العلاقه بين ناصر و ذاته و مدى محبة ناصر لنفسه و يا ترى ناصر يحب يختلط بالناس أكثر ولا يحب يكون بروحه أكثر .. السؤال ما فيه تحليل للنفس ولا شي كل ما في الموضوع إن الملل يكون بسبب إن الإنسان يعتمد على الأجواء اللي حواليه عشان من خلالها يبدد الملل يعني يتريا التغيير يوصله ما يسعى بروحه عشان يخلق أجواء بسيطه تبدد إحساسه بالملل .

فنصيحة أخوك عايش لك إنك تكسر الحاجز هذا و توصل لحقيقة المعلومة اللي تقول (ناصر فرد مع جماعه أو فرد بين جماعه) إذا كنت (مــــع) معناته إنك تخلق الأجواء اللي تبدد الملل و وجودك بحد ذاته ما يحسس غيرك بالملل و إذا كنت (بـــيـــن) معناته العكس .. و الرد على هذا السؤال مابغيك تحطه كرد قبل لا تعبي خزان سيارتك بترول في آخر الإسبوع و إتشل أي مستلزمات تحتاجها و تتوكل عقب ما تحب كتف الوالد و راس العيوز لأبعد مسافه تقدر توصل إلها في دولة الإمارات بس قرر تتوكل لأي منطقه ما جد سرت إلها قبل و إنته ساير (إغــــلـــــق تيلفونك) و إذا ما غلقته إعتبر الخطه فاشله من بدايتها ولا تعور راسك ..



في الطريج (ع الخط)


فكر بس في ناصر

بس ناصر

ناصر فقط لا غير

لا دوام لا شباب لا أهل و لا مشاريع

بس فكر في ناصر



و إنته راد صدقني بتكون شخص ثاني


و إذا ما نفع الموضوع غرمني قيمة البترول و بنسير أنا وإنته عند جوي نرجع عداد الكيلو مثل ما كان



ناصر إنته مب ملان و لا محتاج تنولد من يديد

بس أعتقد إنك أهملت ناصر اللي في داخلك و إنشغلت عنه :smile:




بس بعد رد أخونا صريح لا تتجاهله الربشه في الشتا غيييييييييير




تقبل ردي المتواضع

اخوك عايش

[حلم الطفوله]

أخوي ناصر

الحلو بفضفضتك .... هو شعورك بإنه هالناس الطيبه شاركتك بضيجك ....

وعطوك حلول إيجابيه بتخليك تكتشف شو إلي يباه ناصر بالضبط وكيف ممكن هالآراء تدفعه لجدام

وتجدد فيه العزيمه والاصرار إلي قضى عليها روتين الحياه اليوميه

الحلو يا ناصر ... إنك تحس إنك مهم بالنسبه لهم !!

والأهم إنك تحاول تثبت لهم إنك بترد أقوى عن قبل بإرادتك إلي عرفناها فيك

ربي يجمعكم دوووم على الخير

[الاسطوري]

لأبعد مسافه تقدر توصل إلها في دولة الإمارات بس قرر تتوكل لأي منطقه ما جد سرت إلها قبل و إنته ساير (إغــــلـــــق تيلفونك) و إذا ما غلقته إعتبر الخطه فاشله من بدايتها ولا تعور راسك ..




ناصر الجو بدا يعتدل روح ليوا خيم عند تل مرعب
الحياة غير هناك محد بيوصلك
:h_daleel:

[ذنـيـنـي]

مشكورين اخواني على اهتمامكم
احس اني مب قادر ارد عليكم واحد واحد لأني احس انه مخي متخربط و متشربك الين الحين
قريت كل الردود بتأني و منها احاول اني استلهم افكاري


تسلمون و ما قصرتوا

أخوكم الصغير ذنيني

[المزوحي]

المهم تطلع بشي، يعطيك العافيه

[شمعة أمل]

By observing, you can notice that every human being has a time, or shall we say a ‘phase’ where they just need to stop, take a breath and OBSERVE whats truly going on. I don’t personally know you, but you don’t seem to be a follower, you have more characteristics of a Leader than a Follower.
Routine is generally used by followers not Leaders. For the reason that leaders tend to be more dynamic and know what’s right and wrong rather than study what’s right and wrong. You are still young and im sure there are many things you are capable of doing.

First, you can change ‘within yourself’. Ask yourself:-
- Am I happy?
- Am I relaxed?
- Again, am I really happy?
You can only enjoy life if you are happy or if you are willing to be happy. A strong tool not all human beings have is the willingness to do things, to accept things, to try things. It’s all about willingness.

Secondly, your appearance
- Do I like the way I look?
- What do people think of my appearance?
- Does my appearance need to change?
You tend to hear a lot of people say how the ‘inside’ matters more, but the truth is that is a lie. You need to look as good outside as you do inside. In other words, shed a few pounds, groom yourself properly, have a good posture, and a strong hand shake. You need to ‘be’ and give an impression that ‘you are’ a confident, happy, well groomed gentleman. (and make sure you open doors for girls!)


Last but not least, relax!
To be happy and successful you need a ‘relaxing’ gateway! And Im not talking about a bedroom to sleep in, but a different type of relaxation.
There is no point in being successful if you’re not happy and relaxed because you won’t be able to enjoy the experience, and if you don’t enjoy the experience, whats the point of the transition???
- Relax and Learn, relax by making new foreign friends and learn for their culture and experiences.
- Relax and exercise, exercise hard and be fit then relax by having that ‘fresh’ feeling after the gym.



To conclude, you can take it or leave it but its only you that can make a difference in yourself and non of us can convince you. You need to really really really want this for it to work!! Because if you don’t have the will power than forget it and stay the way you are.

[تحفه]

بعد انتهاء امتحانات اخر السنه الماضيه جلست فتره في المنزل لا افعل حقا شيئا. فكرت انا و اختي -التي هي فعلا الاخت التي لم تلدها والدتي كما يقال- بالاتحاق بواحده من الموسسات الشبه حكوميه بدافع قتل وقت الفراغ. ارسلنا سيرنا الذاتيه وتم فعلا اعلامنا بالموافقه المبدئيه بشرط اجراء مقابله. المقابله هي اجراء روتيني بسيط ولكن مقابلتي لم تكن كذلك! تكلمت عن نفسي و معلومات اخرى مطلوبه. كان كل شيء "تماام" الى ان سالني الموضف عن دراستي وكيف سينعكس ذلك على العمل في القسم. لم اجبه لم اعرف ماذا اقول.. فجاه رايت كل احداث حياتي تدور امامي

تميت جي ابحلق في ويه الريال ومارديت عليه!

غيرت مساعدته السوال وانتهت المقابله واخبرنا انهم وافقوا علينا. لا انكر اني من اللحظه التي سمعت فيها سؤاله وانا بس ابي اطلع من المبنى بكبره!

لم انم تلك الليله ولم ارد على اي من مكالماتهم! ارسلت لهم رساله الكترونيه اعتذر فيها عن قبول وظيفتهم في اليوم التالي!

لماذا تصرفت هكذا؟ نعم اكتشفت اني ضيعت حياتي بدخول ميجر انا في البدايه المشوار ما بغيته .. اكره الارقام اكره السيرجنغ!

هذه السنه سانهي دراستي الجامعيه حامله شهاده لا ارغب حتى في مشاهدتها. سامارس بعد تخرجي ما اود فعلا فعله *ان شاء الله*

لا ادري لماذا اردت كتابه هذه الحادثه بكثر ما كرهت الموقف ماحبيت حتى اقوله لحد... لكن ربما ستفيد احد!

[ذنـيـنـي]

شمعة أمل

بعيد عن المجاملة
ردج فادني جدا جدا جدا
كل الكلام الي كتبتيه اعرفه !!
لأكن ما ادري ليش يوم قريته حسيت اني اقرا شي اول مره اقراه و كأنها معلومات جديده علي !

تسلمين شمعة

==========

تحفة

نفس الموقف مر علي في اول وظيفة توظفت فيها رسميا لكن الفرق بيني و بينج هو اني توظفت و قدمت استقالتي في ثاني يوم لأني حسيت اني ما انتمي لهذا المكان و ما ارتحت فيه أبدا

[شمعة أمل]

its one of those wakeup calls we all need from now and then :)

[بنت الدلع]

يمكن يحتاج ذنيني أن يبدأ في البحث عن شريكة حياته ..

[دموع قلم]

أخوي ذنيني

اسمحلي ..
كعـادتي ما افيد حد .. بس استفيد منكم ..!


ما شاء الله الأعضاء كفوا ووفوا ..
وترا الرياضة من أهم نقطة للبحث عن الراحة النفسية ..
سوا الشخص متين .. ولا صغيف ولا اي شي .. ما يفرق ..
,




بس سؤال ..
اذا البنية تبى تغير الجو.. الروتين.. شي من هالقبيل ؟!
يعني مانروم نسير مكان بعييييــد .. نريح عماارنا ..

يعني فكرة أخوي عايش وهم وااايد بخااطري اسويه من زماان ..
بس كيف .. نحن البنات مانروم .. ولا ..؟!!

:k_special2:



,

[شمعة أمل]

^
منو قال انه نحنا البنات مانروم؟؟ البنت يوم تبا شي من خاطرها تحصله :) فـي وايد أشياء نحن نروم نسويها.. بس الريايل مايرومون يسوونهـا!!

البنات بطبيعتهم مبتكرين.. ولو البنت تبا تخوز نفسها من حالة الملل أو الروتين تقدر.. أهم شي الإرادة :)

[دموع قلم]

^

هيه الحمـــــدلله وايد أشياء نروم نسويها .. وأسويها ..
بس يعني ارمس عن سالفة اسير مكان بعييييــد .. روحي ..

أصـرـخ ..
وأقول آآآآآآآه بصوت عاااالي ..


أتمنـى ..!!




,