مشاهدة النسخة كاملة : تجربة ألوان لا اكثر ( لوحة )- برعاية المافيا
المحاق المشتعل
08-10-08 ||, 05:09 AM
السلام عليكم ورحمة الله وبركاته
اسمحولي هاليومين كل اشارك بأعمال اي كلام وذلك اني مازلت في طور التبحر في الالوان المائيه
وما كانتي عندي فكرة معينه كما هو حالي هاي الايام فألفت رسمت من غير فكره فقط لتجربة المزيج اللوني
ولتحديد الظلال ودرجة اللون المطلوبه لذلك إلي اخره
وأحب اني اطرح التجربه ان شاء الله بعد اذن سعادتكم
واسمحولي على اي تقصير في ادائي الفني
:a070:
. .
. .
. .
. .
. .
. .
. .
. .
. .
. .
. .
http://oasis.bindubai.com/bin/uploaded/3053_01223427673.jpg
أنامل قلب
08-10-08 ||, 05:42 AM
يالله ما أقدر أرد الحين ،،
بس شكلي بثقل بمرور تالي بالغد اللي هو اليوم !
مكاني محجوز ^^"
.. .
عمة العيم
08-10-08 ||, 07:01 AM
عيبني تداخل الالوان
وانا شخصياً وايد احب اشوف رسومات اليدار و الممرات
ابدعت يا محاقنا
(^_^)
...
الا انا
08-10-08 ||, 11:18 AM
..^
روعه ..
مع انه الي يجوف الرسمه يقول بسيطه وسهله ..
..
بس بعد صعبه وايد صعبه بالنسبه لي ..
هالتلاعب بالالوان عجيب .. ويباله ايد خفيفه ..
..
خاصه الي ع طرف اليدار باللون الاخضر ..لمسه وايد عطت اللوحه جمال ..
..
من اشد المترقبين لجديدك محاق ..
صج والله لو الرسمه بسيطه بس استفيد انا شخصيا .. وحتى لو كانت اللوحه تجربه للالوان ولا غيره ..
الحين ردت الروح لهالواحه لا تبخل علينا بلوحاتك ..^^
""
///
دمت بود
بنت الدلع
08-10-08 ||, 04:38 PM
جميـــــــله !
المحاق المشتعل
08-10-08 ||, 05:37 PM
سكون
حياج الله في اي وقت اختي الكريمه
والموضوع موضوعج يفتاح ابوبه دوم للكل واولهم انتي :thumbup1:
المحاق المشتعل
08-10-08 ||, 05:49 PM
عموووو
حيالله عموتنا الفنانه
اشكرلج ردج الطيب احترم ردج بس اللوحة انا عن نفسي مش مقتنع منها تماما
لأني سويتها من غير اي تخطيط مسبق ومن غير تحديد بالرصاص وغير وغير
لكن ان شالله بحاول ارسم رسمات بشكل يومي عشان اقوي التداخل اللوني
والي بنيت لوحتي على اساسها التلويني فقط
بس ابغي مداخلاتج تكون موجوده دوم عشان استفيد مها عمو
وكلي تقدير لحضورج وردج فنانتنا
محاق
عمة العيم
08-10-08 ||, 06:48 PM
الله يسلمك محاقنا
صح انا عرفت انك راسم بس عشان الالوان و مب مخطط و مب مركز في المقاييس و هالسوالف
و الظل و الافق مب صحيح 100% بس انا علقت على الالوان انها عيبتني وايد
(^_^)
...
المحاق المشتعل
08-10-08 ||, 07:19 PM
الا انا
اشكر لج هالتوجد الطيب من حضورج الاطيب
جداً ممتن لهذا التشجيع ولهذه الردود الكريمه
بصراحه اداء اللوحة مول مب عايبني بس كألوان حسيتبها حلوه اشويه
وبما اني يالس اجرب فقلت بعرض تجربتي والحمدلله على كل حال :smile:
الالوان المائيه وناسه بس مشكلتها أي غلطه يمكن اتكلفج مجهودج
بس إلي يتمكن ... حتى لو غلط يقدر يواجه غلطته او يقدر يصرف النظر عنها بشطارته
جداً مرتاح لإضافتج الطيبه :14:
وان شالله ارسم المزيد ونستفيد منكم اكثر وان شالله ما ننحرم من افكاركم ايضاً
تقبلي خالص احترامي
محاق
المحاق المشتعل
08-10-08 ||, 07:21 PM
الله يزين دنياج وآخرتج بالجمال
شكراً جزيلاً بنت الدلع :m_bye:
المحاق المشتعل
08-10-08 ||, 07:29 PM
هلا عمووووتي
اقووول
شو يعني انا اذا غلطت انتي مزهبه سجاجينج ( شو ما نغلط يعني ) :fa56: :fa56:
:m_afaker:
لا بجد انا حتى الالوان مش مقتنع منها كلها بس في شي منها عيبني
واوراق الشير إلي في يمين الصفحه خربت اللوحة اكثر
وانا يا عمو مهما كنت فصدقيني
انا تلميذ في مدرستج الكبيره :k_smartass:
وان شاء الله انكون متواصلين في هاي المواضيع عشان استفيد منج ومن كل فنان غيرج
:8:
محاق
أنامل قلب
08-10-08 ||, 07:42 PM
عدنا ^__________^ ،،
لول ^^"
/
مادري جان تبون الصدق ،،
لمن أقرى كلمات مثل (( رسمه عالسريع )) + (( مجرد تجربه )) + وما شابهها من ألفاظ ،،
أحس حزتها ابـ إحبــــــــــــــاااااط عجييــــــــــــب =#
دخيلكم خفو علينا شوي // حتى عموه تراها ماتقصر ابـ هالألفاظ =$
بس يعني ،، بيني وبينكم جان تبون الصدق // وهذا مش كلامي بس ترى حتى بنت الدلع تشاركني الرأي !
بالنسبه لهذي اللوحه اللي تعتبر مجرد تجربه ،، فيعني مقارنة بمستواي الطيب اشوفها عاديه جدا ..
لكن بما إنك قلت عنها مجرد تجربة لمزج الألوان // فـ بقيمها بالمقبول ..
:hysterical: تخيلو انتو بس !
والله أحس إني قمت أهلوس وأخبص بالحجي وااااايد ،،
بس وربي ما أنلام ،، عـ كثر ما أحب هالفن عـ كثر ما أحس ابـ عجز الكلام ^^"
وربي أحب الرسم ،، التلوين ،، التظليل ،، ونثر الخطوط ابـ هذا الشكل الطيب !
+ ابـ نفس الوقت ما أحب أكرر كلام الاعجاب دوم ،،
خوفا من التقليل بتقدير حجم الاعجاب تالي // ولهذا بحتفظ بـ ثني رأسي اعجابا // متأمله .. . !
بس ترى صدق من الخـــــــــاااطر أحب الرسم ~ !
+ عن الرسمه // فـ جدا لفتني طريقة تظليلك ،، نثرك للخطوط بالأرضيه / المباني بهذا الشكل الجميل ..
وكل شي دامه تابع للــ رسم وفنــــــه .. .
.... { امتناني :smile: ~
واسمحولي عالحماس الزايد ^^"
.. .
عمة العيم
08-10-08 ||, 10:58 PM
محاقنا
ياربي ليش دوم تقول لي انك تلميذ عندي.....ماحب يوم تصغر عمرك عندي احس ماعرف كيف
اكره عمري آآآآآآآآآآآآهيئ يا ايها المحاق المشعوذ واللهي واللهي واللهي فنك افنن من فني..... اقصد فنك اكبر من فني يعني خبرتك اكبر من خبرتي
انا توني باديه............انت من زمان ترسم.......مافي وجه مقارنه يعني........فوق كل هذا انت ريال...عندك ربع رسامين فنانين واصلين للقمه و تروم تاخذ راحتك وياهم و في اي لحظه تروم تشاورهم اما انا لا صعبه عليه
ارجوووك لا تقول انك تلميذ عندي
انا تلميذه عندك
(^_^)
...
المحاق المشتعل
09-10-08 ||, 02:22 AM
سكون
يوم قريت الفقرة الاولى قلت فعلاً مب شي غريب على نقص فني مع القليل من الاستغراب من تغير في الاسلوب
لكن يوم قريت الفقرة الثانيه قلت في خاطري ( ردت حليمه على عادتها القديمه ) سكون الطيبه المجامله الطيبه
عمرها ما بتتغير حتى لو كانت الرسمه مب حلوة ما بتجرح صاحبها بأي لفظ يقلل من قيمتها
وانتي اتعرفين رايي مسبقاً في شخصج الطيب وانا ما بعيد وبكرر :smile:
من حقج يصيبج احباط
مثل ما انا من حقي يجسني احباط يوم ألقى رد بهالجمال حق عمل ما يستحق نتفه من هالرد :rolleyes:
وعلى فكرة يا اعضائي الكرام
قد يتجنب البعض دخول موضوع ما أو ابداء رأي او يخاف من التقصير في الرد
وانا اسهل عليكم العمليه واقول كلمة رأي واحدة تكفيني وحتى لو ما تردون مشاهدتكم تكفي
لا تجبرون قلوبكم على الرد ( وهذا الكلام موجه للجميع وليس لأنامل قلب )
انامل لو حاط موضوع بدون صوره بترد بعد ماشالله عليها :biggrin: وتسلم كل ردودج طبعاً وتسعدني وايد
بس اوجه الكلام للكل عشان ما يتكرر الكلام او يتشابه اي يتعب حد في كتابة شي للطارح
باختصار .. انا إلي يدش موضوعي اباه يكون مرتاح من كل النواحي وما يشيل هم شي
ولا تخجلون من اي احساس تبدونه سواءاً كان حلو ولا مب حلو في حق لوحاتي لأنه
موضوعي يحترم كل الاراء
....
انامل قلب
وانتي ضيفة الشرف في كل مواضيعي فخذي راحتج سواءاً بالكتابه أم بالسكون :smile:
مرورج يكفي ويعطي الموضوع وزنه الكامل وقيمته الكبيره
وان شاء الله ما تمل عيونج الكريمه بمتابعة اعمالي
لكي خالص الشكر والتقدير
محاق
المحاق المشتعل
09-10-08 ||, 02:30 AM
عمووو
اولاً الخبره مش دايماً مقياس
والشي الآخر اذا كان الكلام إلي قلته ماعيبج ما بكرره ان شالله مره ثانيه
بس
بحتفظ هالشي بيني وبين نفسي :icecream:
وشي ثاني عمو انا ربعي معدودين عالاصابع
وبين فترات طوييله نتكلم ويا بعض
وانا انسان جداً انطوائي وموول مب اجتماعي
فأكثر ما ارسمه يكون بمجهودي الشخصي بلا فخر
وهالمشعوذ ناوي يطلع الجنون إلي في التنور إلي عندج في المخبز
وفي جني قراشي مب طايع يطلع يقولون :a068:
:devil:
أنامل قلب
09-10-08 ||, 04:23 AM
لا تقولون مجامله ،، ترى بزعل ><"
صدقوني انا لمن امدح شغله أعني المدح هذا وربي ..
يعني مثلا اهني ،، مع احترامي لكل الاعضاء اللي يتقنون الرسم بس بطري شخصك وشخص الاخت عمة العيم =)
انتو لمن تقيمون وتمدحون أو تذمون // بيكون على أساس المستوى اللي واصلينه أكيد ..
مثل ما إن استاذي المحاق المشتعل ما بيقدر يقيم رسمي على أساس المستوى اللي وصل له !
فيكون كلامه الموجه لي ،، مختلف عن الكلام الموجه لعموه ،،
لأن المستويان يعني ياللــــــــــــــــــه مالهم خص ابـ بعض الصراحه ( ^________^ ) ،
واهني // لمن أقول الرسمه خبـــــــــااال فأعنيها وربي ..
ليش لأني مبتدئه وحدي الرصاص أما التلوين فبعيد عني جدا وماعرفله أبدا ..
وطريقة التظليل اللي أشوفها بتجاربك والخلط بالألوان بالنسبه لي عمل ممتاز جدا !
ليش // لأني باختصار لازلت أحاول أصعد على عتبة السلم الأول ..
وانتو ما شاء الله ،، مب أنا اللي يوجه لي السؤال لتقييمكم !
وبنفس الطريقة شخصك أخوي المحاق ،، حتى اذكر تناقشنا بهذي الشغله بس مادري السبب ..
ولا لـ شو ولا كيف لول // اسمحلي يعني اذكر الكلام بس ما أذكر الحدث عدل ^^"
يعني مثلا لمن بتي اتقيمني ما بتقولي شرات المصطلحات اللي تستخدمها عموووه معاك ..
وقتها مب بس بنحبط إلا ما بفهم الرمسه من الأساس لول ^^"
لكنك تقدر توجهلي بالمقابل نقد ومدح يلائمان المستوى اللي أنا فيه بالرسم او الشغله أيا كانت !
فـ يعني ،، هذي النقطه أحب أوضحها للكل ،،
حتى لو لاحظتو الشغلات اللي تعلق عليها بالعاده عموه
غير عن اللي اعلق عليها انا ومن شابهني دون تحديد =)
وإذا كنت بمدح الصفحه البيضاء ،،
فأمدحها نعم // وبكل طيب [ لـ بياضها .. . !
فلا تشوفون العنصر اللي يمتدح ككل ..
لكن شوفو الزاويه اللي يمتدح من منظورها العنصر // وممن !
/
سعدت بردك هذا جدا والله ،، لولا كلمة المجامله + الطيبه ..
فأنا صدق م ب ط ي ب ه !
بس سنحت لي الفرصه لـ توضيح نقطه مهمه بالنسبه لي أخوي ..
وأكرر شكري وتقديري لـ شخصك ،، كما يعلم ربي مدى احترامي وتقديري لها ..
ولـ اللوحة البيضاء !
.... { دمت به من كرم ~
أنامل قلب
09-10-08 ||, 04:27 AM
إي صح أكرر ،، الرسمه عايبتني صـــــــــــــــــــدق //
P=
أنامل قلب
09-10-08 ||, 04:34 AM
+ ملاحظه مهمه جدا جدا جدا ،،
انا كنت نايمه جي بالصاله انطر الاذان + اللاب حذاي // اونه ماروم انام من غيره لول ..
وتوني من شوي نــــــاااشه !
فـ يعني أقول ،، في حال احتوى ردي أي سطر أو عباره أو كلمه سيئه أو غير عقلانيه ،،
اسمحولي عليها مقدما تراني قريت ورديت على عجل + عين مفتوحه وعين مسكره =#
.... .
المحاق المشتعل
09-10-08 ||, 09:47 PM
سكون
كلامج كله على عيني وراسي
وفاهم كلامج الطيب هذا كله واكيد بيختلف اسلوب عن اسلوب
واكيد بيختلف التعامل بين كل شخص على حسب هوايته او مهنته او مقامه إلخ
وانا اكثر كلامي كان ملاطف’ لج أختي الكريمه لأنج صاحبه عقل واعي وابيض :biggrin:
ودام انج كنتي ناشه من الرقاد ما بآخذج على اي شي كتبتيه بس يبالج :d014: عشان اتصحصحين
وشكرا كثيراً على ردج للوحتي وخذي راحتج في مواضيع المحاق الاشاره الخضرا مفتوحه لج :woot:
كل التقدير والاحترام
محاق
أنامل قلب
09-10-08 ||, 10:46 PM
هي هي هي //
بس صدق شكرا جزيلا أخوي ^____^ ..
.. .
المحاق المشتعل
09-10-08 ||, 11:13 PM
العفو ترى ماسويت شي يستحق الشكر :fa42:
عمة العيم
09-10-08 ||, 11:47 PM
ههههههههههههههههههههههههه ههههههههههه
ضحكتني
زرشك واحد
زشت واحد
كلا قوت واحد
...
المحاق المشتعل
10-10-08 ||, 01:26 AM
:biggrin: :biggrin: :biggrin:
انا زرشك يالرهش هين انا ارويج :tounge:
عمة العيم
10-10-08 ||, 01:41 PM
مايقولون رهش يقولون (بشمك)
خخخخخخخخخخخخخخخخخ
....
المحاق المشتعل
10-10-08 ||, 11:34 PM
لا بشمك ولا رهش
زغووول احسن
:rock: