منــظـر عالسريع ( لوحة )- قروب المافيا

[المحاق المشتعل]

السلام عليكم ورحمة الله وبركاته

قبل فتره اشتريت شريط فيديو لأحد الرسامين وشفت طريقته لرسم النخل

فرسمت النخله عالسريع محاولاً تقليد اداءه مع وضع بعض الاضافات على اللوحة

هاي اللوحة واتمنى انها تنال اعجابكم

. . . .
. .
. .
. .
. .
. .
. .
. .
.


http://oasis.bindubai.com/bin/uploaded/3053_01223340388.jpg

[شوق القلوب]

السلام عليكم...


مــــــــــاشــــــــــاء الله .. روووووعه...

على بساطه الالوان.. بس صدق طالعه الرسمه اشحلاتها..

و هي لازم بتكون حلوه.. طبعا لانك انت اللي راسمنها ...!

[الا انا]

.^

راقيه ..
وايد احب هالالوان ...

احب الدمج بينهم .><

اكبر مشكله عندي اني ماعرف اتلاعب بالالوان عدل ..


"

كل الود لشحصك الكريم ..

[عمة العيم]

رائـــعه


(^_^)
...

[مايهزك ريح]

رهييييييييبه .. تسلم ايدك على هالرسمة الغاويه

[المحاق المشتعل]

شوق القلوب

شكراً جزيلاً على هذا الرد الجميل اختي الكريمه

جداً سعدت لهذه الاضافه الطيبه

والرسمه يمكن ما تكون جميله بس ذوق عيونج الطيبه جملها اكثر

كلي تقدير واحترام لمرور سموك والشكر الخالص

محاق

[المحاق المشتعل]

الا انا

مقامج ارقى في موضوعج

وهاي الرسمه لو اتعرفين كيف سهولتها

بتعرفين انه الخوف هو سبب كل صعوبه (حتى بالنسبه لي احياننا )

عليج بخوض الميادين وتجربة كل شي

..

ومشكلة التلاعب اللوني جداً بسيطه وحلوة

ييبي لوحة خاصة بالالوان المائيه ورشي عليها ماي اشويه

وعقب ييبي الالوان إلي في خاطرج وامزجيها واترييها تنشف او عليج ب ( السشوار )

واذا اللوحة كانت ممزوره ماي وألوان حركيها جنج اتحركين صحن فيه ماي عشان تتوزع الالوان

وقبل ما تنشف اللوحة باشويه بالكلينكس اضربي على اماكن من اللوحة عشان تعطيج آثار للغيوم

وهكذا

وناسه ما بعدها وناسه يبالج اتجربينها

جداً شاكر لج مرورج الطيب

محاق

[المحاق المشتعل]

عمووووو

شكرا عالمرور

:2: :2: :2:

[المحاق المشتعل]

ما يهزك ريح

اشكر فنك ولد الخاله :8:

مرورك هو الرهيب ولد خالوه لا تحرمنا منه ابد :smile:

جداً سعيد بإضافتك

كل الود والتقدير

محاق

[بنت الدلع]

الله !!

واااايد حلوه اللوحه
انزل الصفحه تحت عسب ارد عليك
وعقب ارفع السهم اشوف اللوحه
عيبتني
ماشالله علييك

الحين هذي بالألوان المائيه ؟

ابداااع ماشالله
انا قمت استحي ارد في مواضيعك الصراحه

===

فضوول خارج عن نطاق الموضوع لول
مايهزك ريح ولد خالتك؟

[المحاق المشتعل]

بنت الدلع

اولاً ليش تستحين اتردين في مواضيعي ( اذا شي ما عيبج في الموضوع بنغيره كرمالج ) :pickaxe_rune:

بس انا اعتقد انج ما قمتي تستحين إلا من عقب ما سرتي الخباز ( عند عمو ) :14:

.....

يسلم لنا هالذوق الطيب والله يجمل العيون ويديم عافيتها عشان اتشوف الجمال دايماً :h_ttmasha:

وان شالله دوم ارسم الي يعجب الجميع ويعجبج طويلة العمر

واللوحة طبعاً بالألوان المائيه .. ليش في شي غريب في اللوحة :boxed:

...

بالنسبه لأخويه ما يهزك ريح

هو اخويه في الواحات :laugh:

وكنيته ب ولد خالوه تقرباً له واحتراماً لشخصه

عنا نحن معشر الشباب مب الكل خلنا انقول موووست اوف ذيم

نستخدم ولد عمو و ولد خالوه للتقرب من بعض :ghostface:

شاكر لج هالحضور الراقي بنت الدلع

وان استحيتي (بشن عليج حرب كرتونيه ) فاحذريني :a046:

:devil:

كل التقدير

محاق

[أنامل قلب]

ب ر د ~ !

/
\

/

غريب كيف يكون البرود من حولك ملاذا :smile: ،،

لـ تستلذ بـ غطاء ترتمي بـ أحضانه ،،
وشكل السحاب يرسمه كوب الـ حليب ذاك .. . !

نعم تشعرني بالبروده ،،
ويا لجمالها من بروده ،،

فـ يا لجماله من دفء ~ !

وكأنك تلقى الحكايا كلها //
بهمس أخرس ،، م ت ن ا غ م ~ !

/


(( فاصل للـ تأمل ))


/




اعذرني عالمداخله استاذي ،،
وغض النظر عنها أخي //

فـ هي أقرب للفضفضه اللا إراديه ،،

لكن اعجبت بالرسمه جدا //
بحجم البروده الدافئه ،، تلك ~ !

كما دمتم به من جمال ،،

. ...

[أنامل قلب]

سؤالين لو ممكن استاذنا ^^"

بالاول ،، واللي يرحم والديك لا تقول رسمه عالسريع ،،
راعي مشاعرنا يعني ^^" // اذا هذي عالسريع عيل تيـــــ تيــــ تيــــ >> التكمله مفقوده منعا لاحراجي لول !

بس ذكرتني برسمه قديمه لي عـ أيام الاعدادي للنخل ،،
وأذكر كانو يحبون طريقة رسمي لها ،، يعني بالنسبه لمستواي طبعا ><"
عن تفهموني غلط وتوهقوني بمستواكم لول !

بس بغيت أسأل // عادة تبدأ برسم الجذع قبل السعف ولا العكس !
لأني مره ارسمها جذ ومره جذاك //
فبغيت أشوف هل أنا بس اللي جي ولا في طريقه اضبط عن الثانيه !

وسؤالي الثاني يقول // كيف رسمت الجذع !
وانا أدقق حسيتها جي خطوط ،، ولا !؟

وعندي سؤال ثالث توه خطر عـ بالي ><"
هممم // مثل هالرسمات ،، تبدونها بالرصاص كـ طريقة لتوضيح الفكره ،،
ولا سيده بالألوان المائيه ! // يمكن لأني ماتخيل نفسي أرسم شي من غير الرصاص ^^"
أصلا من زمان مارسمت بغير الراصاص ،، لا بعد احفر اللوحه ابـ هالرصاص =#

مع إني اهني ،، احس اللوحه مب محتاجه لـ نوعية تفاصيلها !
يعني النخل ،، السحاب والضباب ،، وسطح الماء !

بس بعد ،، نفسيا الواحد يزيغ يبدأ من غير رصاص ><"
^^ يابنت الناس الحين انتي شو تبين بالضبط =$

/

انزين لحظه ،، بعدني ما خلصت =#

بخصوص ردك على اختي الدافيه ،،
فأوافقك الرأي بخصوص سالفة الخوف بما إنها معاناتي كذلك !

بس ،، هممم ما أبي أحبط أحد ولا أحبطني يعني ،،
بس اللي تقوله جربته ،، وماحسيت بالوناسه كثر ما حسيت بالفشيله ^^"

/

آخر شي وعقب بسكت والله ،،
بس حبيت أضيف إن بموقع يوتيوب شغلات جدا حلوه بالرسم ..
للي يحب يتابع مثل هالشغلات يعني =)

واسمحلي للمره المادري كم عـ مروري الطويل والمتكرر ،،
بس محد قالكم تطرحون هالشغلات الطيبه ~ !

:

تقديري ،،
اختكم سكـــون ..

/

[المحاق المشتعل]

الله ... الله ... الله

الصراحه

ردج يبغيله موضوع منفصل

ويكون موضوع نرد على كلماته بإعجاب

بكل كلمة حق اقولها

كلماتج جملت اللوحة وزخرفتها بعذوبة الكلمات الجميله

عذوبة اضفت حلاوة ً على ملوحة تلك الالوان

لو كنت مكان من يتأملون تلك اللوحة

لتركت اللوحة ولتأملت في هذا الرد بتمعن

بعذوبة اختيار تلك الكلمات التي لا يستحقها طرح كهذا

كل لوحاتي .... تنزف جروحها لتلك الكلمات المبدعه

تقطر دماءاً ملونة لشدة اعجابها بتلك الكلمات

...

قد تكون هناك بردوه ولكن

لا اعرف سببها

ولكن قد يختلف الحال عند اي انسان بين الحين والآخر

فتنتج افكاره افكاراً شاذة ً جديده قد تنال رضا البعض والبعض الآخر العكس

واهم ما يسعدني ان تنال اعجاب من يستطيع ان يتغنى بإبداعه الخاص كي نتأمله

فشكراً لا تكفيكي ابداً .. فهلا علمتيني كيف اشكر قلبك الطيب

لا تحرمينا ابداً اضافاتك الجميله

كل التقدير والثناء الدائم

محاق

[عمة العيم]

بنت الدلع ارجووووووووج لا تستحيييييييين اترقااااااااااااااج

ترا مافينا على الحروب الكرتونيه الله يستر منها

:k_no:

محووووق تراني حليمه :k_icon9: مب اسمي حليمه اقصد انا حليمه صبوره ساكته منطمه ميوده اعصابي لأقصى درجه

شهرت بصروالي قلت ماعليه :devil:

لكن لو رديت طلعت فيني شي يديد :k_icon9: حسابك عسيييييييييييير

نيااااااااااااااااععععععه اهاهاهاهاهااااااااااااااا اااه

:ghostface:

عمووووووووووه هورور

:ghostface:

هااااااااااع

...

[الا انا]

الا انا



مقامج ارقى في موضوعج


وهاي الرسمه لو اتعرفين كيف سهولتها


بتعرفين انه الخوف هو سبب كل صعوبه (حتى بالنسبه لي احياننا )


عليج بخوض الميادين وتجربة كل شي


..


ومشكلة التلاعب اللوني جداً بسيطه وحلوة


ييبي لوحة خاصة بالالوان المائيه ورشي عليها ماي اشويه


وعقب ييبي الالوان إلي في خاطرج وامزجيها واترييها تنشف او عليج ب ( السشوار )


واذا اللوحة كانت ممزوره ماي وألوان حركيها جنج اتحركين صحن فيه ماي عشان تتوزع الالوان


وقبل ما تنشف اللوحة باشويه بالكلينكس اضربي على اماكن من اللوحة عشان تعطيج آثار للغيوم


وهكذا


وناسه ما بعدها وناسه يبالج اتجربينها


جداً شاكر لج مرورج الطيب



محاق



.^
اذكر مره خذت دوره وكان الاستاذ عراقي .. وعلمنا هالحركه مالت الغيوم وانه نرش ماي وجذي ..

بس بعد احسها صعبه بالنسبه لي ..:fa52:
يمكن ليش اني قطعت الرسم من زماان وما قمت امارس واطبق كل خطوه يديده اتعلمها ..
واتجهت للكريكاتير اكثر ..
فنسيت كل شي .><
..

تسلم محاق ..
بكل رسمه اتشجع اني ارد للرسم ..:k_smile2:
جدا شاكره لك نصايحك..

..

إحترامي لك واترقب لوحاتك اليديده :h_ttmasha:

[بنت الدلع]

بنت الدلع



اولاً ليش تستحين اتردين في مواضيعي ( اذا شي ما عيبج في الموضوع بنغيره كرمالج ) :pickaxe_rune:


بس انا اعتقد انج ما قمتي تستحين إلا من عقب ما سرتي الخباز ( عند عمو ) :14:


.....


يسلم لنا هالذوق الطيب والله يجمل العيون ويديم عافيتها عشان اتشوف الجمال دايماً :h_ttmasha:


وان شالله دوم ارسم الي يعجب الجميع ويعجبج طويلة العمر


واللوحة طبعاً بالألوان المائيه .. ليش في شي غريب في اللوحة :boxed:


...


بالنسبه لأخويه ما يهزك ريح


هو اخويه في الواحات :laugh:


وكنيته ب ولد خالوه تقرباً له واحتراماً لشخصه


عنا نحن معشر الشباب مب الكل خلنا انقول موووست اوف ذيم


نستخدم ولد عمو و ولد خالوه للتقرب من بعض :ghostface:


شاكر لج هالحضور الراقي بنت الدلع


وان استحيتي (بشن عليج حرب كرتونيه ) فاحذريني :a046:


:devil:


كل التقدير



محاق



انزييين شوي شوي عليييي :blush:

ليش استحي ارد في مواضيعك ؟؟ سؤال جيد بصراحه
لان اخاف الكلمات ماتوفيك حقك في الرسم والابداع
وبعد مايصرفني احدر واشوف لوحاتك وما اعلق "ما قدر اخلي شي فخاطري :fa56:" اعبر عن مشاعري يعني :k_harhar1:

ههههههههه ذكرتني بالفلعه الي حصلتهاااا عموووه ههههههههههه


خخخخ لا مافي شي غريب في اللوحه
بس خل هالشي بيني وبين نفسي "منعا للاحراج :4:"

اوووه آي سييي
شراات ابن عمييي يعني (المتدارك)
وانا اتحريت ولد خالتك صدق وقلت كييف جيه محد خبرني :k_harhar1:
على فكره يعني مب تتحرا اني فضوليه :biggrin:


تسلم على ردك الطيب
وان شاء الله دايما تمتعنا بجديدك

[المحاق المشتعل]

سكون

مرحبا في موضوعج من جديد واشكر لج حرصج في التعلم لأنه هالشي يسعدني جداً

ونبتدي بالإجابه على أسئلتج بقدر ما نملك من إجابات بإذن الله تعالى

وقبل ما نجاوب إلي تامرين فيه هو إلي بيصير والرسمه مب عالسريع :tongue:

ومشاعركم عالعين والراس :14:

ورسمة شجرة الخير ( النخله ) مر عليها الكثير منا في ايام الدراسه وكنت احب اسمها واتفنن فيها

وصدقيني انا واثق انه رسمج لهاي الشجره ابداع بس ( الحرامي ما بيقول انا حرامي ) هاهاها شو يخصه :a068:

وعن رسم النخله

بسيطه تقدرين تبتدين من السعف او من الجذع ما يفرق

بس السهوله والدقه بتكون افضل لو بديتي من الجذع لأنه من الجذع تطلع الاغصان وهكذا

وعن طريقة رسم الجذع هم بسيطه

سوي خط الغصن بالفرشاه بلون بني مثل لون الخشب خط عادي جدا وعقب ييبي لون اغمج

سوي حركات على الغصن بكيفج او مثل حركات تشوفينها على النخل :pickaxe_rune:

بالنسبه للرسم بالرصاص مش ضروري اذا كنتي تتعلمين التلوين

يعني في لوحتي هاي امركز اكثر على التلوين لأني ما اعاني من مشاكل في الرسم

وافتقر للخبره في هاي الخامه التلوينيه ... ومثل ما تفضلتي سكون ايضاً

انا ما احتاج لقلم الرصاص اذا كانت الرسمه بسيطه ومب محتاج لوجود خطوط محدده

لكن نرجع لعامل الخوف إلي يخليج ما تتخيلين انج تبتدين من غير قلم الرصاص ( اكسري هالعامل )

والشي الآخر مب معنا كسرج للعامل هو استغنائج عن قلم الرصاص .. لا طبعاً

قلم الرصاص للدقه وللأداء المتقن ... لكن في بعض الاحيان لازم اتريحين اعصابج من غير سجن قلم الرصاص

وتلونين وانتي مرتاحه من غير خوف ... هذا يعطيج احساس مريح وجميل في داخلج

....

وعن اليوتيووب

انا من فتره كنت ادور شغلات وما حصلت فأي وصله عندج ليش ما تفتحين موضوع لها في واحة الفنون التشكيليه

عشان نستفيد منها ( طبعاً بعد اذن سيادتج ) :14:

... و آخر شي أوووووف مرورج الطويل .....

صدقيني مرورج الطويل جداً استمتع فيه فلا تحرمينا منه :4: :4: :4:

كل التقدير

محاق

[أنامل قلب]

/

يزاك الله خير أخوي المحاق المشتعل ،،
واسمحولنا يعني ^^"

+ زين تسوون // دوم قولو إن الرسمه مب عالسريع ،،
وإنكم خبصتو الدنيا من زود ما فريتو لوح ليمن وصلتو لهالنتجه الطيبه :tongue: ،

بس حلوه هذي سالفة الحرامي :glare: !

:

احم ،، انزين الله يسلمني ..

كنت ابي أرد عـ كل فقره بس قلت مب حلوه أشتت الأعضاء لول ..
بس حبيت اقتبس هذي الكلمه لـ غرض في نفس يعقوب !

لكن نرجع لعامل الخوف إلي يخليج ما تتخيلين انج تبتدين من غير قلم الرصاص ( اكسري هالعامل )
والشي الآخر مب معنا كسرج للعامل هو استغنائج عن قلم الرصاص .. لا طبعاً
قلم الرصاص للدقه وللأداء المتقن ... لكن في بعض الاحيان لازم اتريحين اعصابج من غير سجن قلم الرصاص
وتلونين وانتي مرتاحه من غير خوف ... هذا يعطيج احساس مريح وجميل في داخلج

:

بالأخير بخصوص موقع يوتيوب // فمستحيـــــــل ماتكون محصل شي !
إي لو آنا اللي بقول هالكلام عادي ،، لأن أغلب اللي اشوفه يكون لمستوياتكم مو لمستوى المبتدئين لول ..

بس بعد أستفيد أكيد وكافي متعة تأمل هالفن الطيب ..
وان شاء الله ليش لا ،، بحط لنكات كثر ما أقدر لأن الملفات كثيـــــــــره ..

حتى أحيد كانو يناجروني من زود ما أقعد مجابله اللاب بسبة هالملفات لول ^^"

مادري شو الشغلات اللي تدور عنها ،،
بس أحب أنبه إن مش كل شي ينشاف ،،
+ اوجه اعتذار مسبق لكون الكثير من هذي الملفات تحوي نوع من الموسيقى ..
بس طبعا في اختراع لـ خرس الأصوات P=
وووصح ،، أغلب اللي اشوفه يكون أجنبي ،، إن ماكان كله :k_special2: !

بس أكثر شغله تقهر ،، إن نشوف أداءهم يكون مريــــــــح ،،
مب نحن شوي وبنشد شعورنا ،، مانخلي شي إلا ويخيس ..
حتى خشومنا لول :blush: !

:

بالأخيــــــــر ،،
شكرا عالاطراء :a100: ،،

.... { واحترامي ~
كما جل امتناني لوقتك + حسن تواصلك وإيانا ..

دمتـــم بـ طيب ،،

.. .

[المحاق المشتعل]

هاهاهاهاييييي

حلو هالاكشن عموووووووو

بس جني شايفنه في فلم هندي ... وانتي جنج بطل هندي نذل ههههههه

.....

هالصروال مشكله

الصراويل مال الخبازين تنفع تنحط اشرعه حق السفن هاي الايام ( مب جني طلعت من صلب العصير :14:.. الموضوع )

وعلى فكره عمو الصروال هذا سيتكلم عنه التاريخ والفضل سيعود للمحاق :biggrin:

....

موضوعي الفني استوى موضوع للصراويل شكلي باحذف الموضوع كله بلا فن بلا بطيخ :k_icon28:

بس بتفيج للكركتير :k_harhar1:

...

اميييه من عموووو هوورووورررررررررررر :oh:

:rolleyes:

[المحاق المشتعل]

الا انا

كم استانس يوم اعرف انه طرح شجع شخص للرسم

شو تبين في الكركتير وخرابيطه

رسم الطبيعه غيييير

تبحرين في خيالج غييير

ليتج اتحسين مثل ما احس جان عرفتي ان الرسم له عالم مريح لج بعيد عن الازعاج

وبالعكس انا بقدم كل ما عندي اذا حسيت انه حد بيشاركني افكاري

بكون كلي سعاده وبراحه اتمناها لكم اجمعين

تقبلي خالص امتناني بمشاركتج الكريمه

محاق

[المحاق المشتعل]

بنت الدلع

اولاً خذي راحتج والموضوع موضوعج لا احراج ولا فضول

كل شي مسموحلج في موضوع المحاق وخذي راحتج عالاخر

ثانيا

كلمة توفيني حقي ( مالها أي داعي ) لأني مالي حق ولا اطالب حد ولا حد يطالبني اي شي :tongue:

إلي اباه بس انه لوحتي تسعدج وتسعد الناظرين لها ... واذا ما اسعدتهم فأنا عليه حق اعتذر للناس بتقصيري

.....

وفلعة عموو خليها عنج احينه :fa48:

شو الشي إلي ما كتبتيه منعاً للأحراج :boxed: قمت اشك في عمري ترى :m_afaker:

وحاضرين للطيبين دوم :14:

ان شالله اي جديد بتلقينه في واحتج ان شالله

وما ننحرم من اطلالتج الطيبه ابد

محاق

[المحاق المشتعل]

انامل قلب

مافرينا لوّح إلا للوناسه مب بقصد التعلم من بداية الامر

...

وليش ما رديتي على كل فقره :fa52:

باترك لج حرية الاختيار لانج حرة في كل مواضيعي

وليش اقتبستي من غير تعقيب ؟؟؟ :a116:

هممممم

ردج هذا فيه وايد ألغاز :fa52:

...

عن اليوتيوب اكيد اكثر الاطروحات بتكون بالانجليزي بلا شك

وعن نفسي ماعندي مشكله في اللغه لأني اعرف انه البرامج العربيه تكاد تنعدم في هذا النطاق

وصدقج عشان ما تاخذين اثم من تتبعنا لأشياء تحتوي على مقطوعات موسيقيه او غير افضل

ان اقوم بالبحث لوحدي والتطلع :k_smile2:

شكراً على تواصلج أيضاً

وان شاء الله نستمر بهذا التواصل الطيب دائماً

محاق

[بنت الدلع]

شو الشي إلي ما كتبتيه منعاً للأحراج :boxed: قمت اشك في عمري ترى :m_afaker:





ههههـ لا ماعليك
مابا احرج عمري :14:

[المحاق المشتعل]

علا راحتج لكن مافي دروس باستيل :b015: ههههه