ســــوشــــي - ألــوان - [الأرشيف]

ذنـيـنـي

21-09-08 ||, 03:50 PM

السلام عليكم و رحمة الله و بركاته

من بعد ما زاد الحديث عن السوشي في الواحات
قررنا انه انزل موضوع خاص بالسوشي
في هالموضوع بنسولف عن مطاعم السوشي المشهورة و شو الانواع الي تحبونها و كل نوع شو فيه و شو الي يميزه :fa35:
و ايضا ممكن انكم تعرضون تجاربكم في صنع السوشي المنزلي :woot:

و الاهم من هذا كله نبغي نعرف فوايد السوشي من الناحية الغذائية :fa51:

هالموضوع بيكون مليئ بالنكهة اليابانية الاصيلة
و مليئ بالالوان الجميلة و الزاهية الي يتميز فيها السوشي

و ما بيكتمل الا بتفاعلكم معاه

http://www.sushilinks.com/sushi-recipes/philadelphia-roll.jpg

في انتظاركم

شوق القلوب

21-09-08 ||, 04:19 PM

السلام عليكم..

بصراحه.. محتاجين لهالمواضيع.. لانه عقب اللي قريته امس من نقاشات عن السوشي.. و الحب اللي اتكنه ايه احبك للسوشي... خلاني اعيد التفكير في الموضوع.. و بدا فيني حب التجربه.. بس للحين مب متشجعه الا 1%..

بس اللي استغربته يوم قالوا انه مب لازم يكون فيه سمج ني ..!!!

ع العموم.. هالموضوع بيكون متنفس لكل السوشيــــــين ..:a074:
..

ان شاء الله بنكون من المتااااابعين يا ناصر... لين ما اعزم و ادخل مطعم سوشي :14:

المقاتل

21-09-08 ||, 05:04 PM

الـSushi
من المؤكولات المفضـــله عندي .
http://www.nysushiblog.com/wp-content/uploads/2008/01/sushi-bouquet.jpg
:4: وخصوصا السمك النّــي .. :k_special2: وأكرر مش كل شخص يحــب هاي الأكــله .. :a068: مره خليت حد من ربعي يجرب هالأكله جان يرجـّــع :fa56: وأنا أضحك عليه .. :k_devil2: !!
:12: أنا شخصيّــا أحب نوع معيّن من السوشي وهو سوشي كاليفورنيــا و يكون فيه قبقوب وليس السمك الني وعليه كافيار ويكون مع هالسوشي مايونيز من نوع خاص + تفاح + أفوكادو .. ويطلع السوشي ولا أروع .. أهم شي يوم تاخذون السوشي انه ما يكون سهـــج :bash: اذا سهج فيعني هذا سوشي :crazy: بيغفي على جبدكم ..
http://www.arteffect.co.za/makeesushi/images/logo.jpg
http://www.worldofstock.com/slides/PFO5592.jpg

:14: طبعا اكيد لي عوده :4: وثانكس على الموضوع نصوركـــا بصراحه ييت على العوق ياخوي ،،
بوسند .

ذنـيـنـي

21-09-08 ||, 05:16 PM

^

زيغتهم يا ريال

حطلهم اول شي سوشي بالخيار و البيض
و عقب بالربيان تمبورا
و عقب بالقباقيب
و عقب حط الساشيمي و غيره من الـ "شغل الجامد" لول

شوق القلوب

21-09-08 ||, 05:29 PM

http://www.nysushiblog.com/wp-content/uploads/2008/01/sushi-bouquet.jpg

انا من شفت هالصوره.... بدت تلوع جبدي !!!

كل شي نــــــــــــــــــــي :boxed:

ذنـيـنـي

21-09-08 ||, 05:35 PM

شوق القلوب سوي عمرج ما شفتي لول

السوشي عبارة عن عيش بالطريقة اليابانية

تقدرين تسوين مجبوس و برياني و عيش ابيض و محمر و و و و الخ
السوشي نفس الشي
تقدرين تاخذين شي نباتي او شي بالربيان المقلي
خفيف و مافيه شي ني

وحي القلم

21-09-08 ||, 05:38 PM

عليكم السلام

أنا مره وحده بس اتطعمت السوشي :biggrin: >>بس مب الني طبعا :14:

من عند سومو

هو فيه ربيان و أظني اسمه كرنجي كريزي إذا ما كنت غلطانه :3:>> لا تضحكون إذا الاسم غلط :k_blush-anim-cl:

حلو كان طعمه :love2:

اممم و بس هاي هي تجربتي الوحيده :8:

ايه احبك

21-09-08 ||, 06:14 PM

اه ه ه ه ه اهااااااااااات
هذا موضوعي ولازم ارد له :heart:
رحم الله والدينك يا ذنيني على هالموضوع الحلو

العجيبة

21-09-08 ||, 06:59 PM

ههه متابعييين

انا قبل كنت متشجعة اسير أي مطعم ياباني .. أي شي أي شي بس عشان أجرب هالأكلة

شفت رد المقاتل ووايد تشجعت خخخ > يارب ارحمنــــاا !!!! ليش ما يطبخون اكلهم !!!!!

بنشوف باقي الردود .... ان شاء الله تكون أحسن ... وأطيـب :/

عهد الوداع

21-09-08 ||, 07:54 PM

يا الهي ....

كيف تاكلون هالشي ....

شمعة أمل

21-09-08 ||, 08:19 PM

مممم سوشيييي!! في البداية ماكنت مقتنعه فيه ابداً كنت أتحراه سمج ني.. ويوم نسير مطاعم يابانيه كنت اخذ عيش وترياكي.. والباقيين سوشي.. والمشكله اهلي من النوعيه الى ياكلون آي شي.. ني ولا مطبوخ مب مشكله!

بعد اقتناع.. بديـت بـ سوشي الخيار.. الى هو عباره عن روول عيش فيه خيار ولافيينه بالسيي وييد!.. كان عادي يعني!
عقب شوي شوي بديت بالربيان.. وكان الى بس عيش وعليه ربيان مبخر فووقه
بعدين اطورنا شوي.. واستوالي ادمان كرنتشي كريزي من سومو... انا ماحب الكالفورنيا لانه فيه افاكادووو..

المشكله.. مرات تلوع جبدي
يعني مثلا.. خواتي.. حب حياتهم سوشي الـ eel .. تعرفوون شو الاييل؟؟.. السمجه الى شكلها حنيش بحري >_<.. انا روحي فيّه فوبياا منهم :4: وابويه كله يحب السوشي النيي

والشي الوحيد الى كلته نيي هو التونا روول:thumbup1: كان حلوو!

اوه صح.. وجابينغو صح السوشي مالهم مب لين هناك.. بس عندهم واحد وااااايد عود.. هذا طعمه حلو

والمطاعم اليابانيـه الى أحبهاا واحس السوشي مالهم حلوو هم توكيوو@ ذا تاورز.. + سومو

معلومه: مب زين تاكلون سوشي وايد.. بالكـثير مرتين في الاسبوع..

حلم الطفوله

21-09-08 ||, 08:34 PM

الله يهديك يالمقاتل بس !!

من شفت صورتك لاعت جبدي - استغفر الله -

يعني صور تحفه والياه وايه احبك وذنيني شجعتني ....وصورتك سدت نفسي مره وحده

ريحت السهج طالعه من هالصوره

وحي القلم

21-09-08 ||, 08:48 PM

حلم الطفوله.. شو رايج أعزمج على سوشي؟؟ XP

مــهــابه

21-09-08 ||, 09:02 PM

~ وايد يفــتح النفس الصراحه

تشجعون الواحد عسب يآكل:fa42:

الاسطوري

21-09-08 ||, 09:12 PM

يغلق الموضوع بعد إذن المراقبين لحالات الذعر والنفور التي أصابت كثير من أعضاء واحات بن دبي وذلك بعد رؤيتهم من خلال هذا الطرح الفظيع لصور لاتتحملها القلوب الرهيفة إطلاقاً هذا وقد أسفر الحادث الفريد من نوعه في المنطقة عن إصابة فتاتان في ريعان شبابهما بلوعة فجائيه في الكبد حيث تم حجز غرف خاصة في جميع المستشفيات الحكومية والخاصة تأهباً لإستقابل المزيد من الحالات في أي لحظة، يذكر أن صاحب هذه الجريمة هو بو سنيده (المقاتل) سابقا وعليه مازالت الشرطة المحلية بالتعاون مع القوات الخاصة تبحث عنه وعلى كل من يعرف شي عنه إبلاغ أقرب مركز شرطة أو الإتصال على بن دبي

وسنوافيكم بآخر الأنباء في النشرة القادمة

حلم الطفوله

22-09-08 ||, 12:17 AM

الأسطوري ....احلف انته بس!!!

تصدق إني زغت من قريت السطر الأول !!! قلت بكون السبب في اغلاق موضوع ذنيني !!!

يالله تراها نعمة الله .... ني وإلا ناضي ... هني وعافيه على قلوبكم :)

وحي القلم ...دام العزيمه عليج اموافقه بالثلاث :)

مجموعة إنسان

22-09-08 ||, 12:34 AM

!!!! ليش ما يطبخون اكلهم !!!!!
:/

من كثر ما هم يحاسبون على الوقت سوو السوشي

شفتي كيف !!!

ذنـيـنـي

22-09-08 ||, 12:48 AM

عندي سؤال
السي ويد وين ممكن احصله !؟

عيش السوشي موجود في ماركسبنسر و ليقتهم يبيعونه في كارفور
و خل الارز الي يحطونه ويا العيش بعد لقيته في كارفور
بس باقي السي ويد =(

خيال الروح

22-09-08 ||, 12:56 AM

عندي سؤال
السي ويد وين ممكن احصله !؟

عيش السوشي موجود في ماركسبنسر و ليقتهم يبيعونه في كارفور
و خل الارز الي يحطونه ويا العيش بعد لقيته في كارفور
بس باقي السي ويد =(

معقوله لقيته العيش وخل الارز في الكارفور ؟؟
متاكد ~ !! :fa51:

لاني دوم ادور وما القاه >.<

:

ذنـيـنـي

22-09-08 ||, 01:01 AM

ذنـيـنـي

22-09-08 ||, 01:01 AM

الحين المشكلة في السي ويد
وين ممكن نلقاه !؟

الملهم

22-09-08 ||, 01:08 AM

يوم أكل السوشي ..
احس اني اعيش في عالم ثاني ..
عالم الاحلام .. جني اطير ..

طعم ولا اروع .. حياة بشكل ثاني ..

^__^

خيال الروح

22-09-08 ||, 01:21 AM

هيه والله اليوم حصلته
كنت في ديرة سيتي سنتر و حصلته صوب المأكولات العالمية

شي قسم يبيع اكل فلبيني و تايلندي و هندي و مكسيكي ,,, الخ
بتحصلين في مكان من هالاماكن سوشي رايس و بتحصلين الرايس فينيغار لول

بعد حصلت عيش السوشي في ماركس اند سبنسر

يبالي امر هناك واخذ ..
وبالنسبه ل seaweed
تقدر تسال بوسنيده .. في مووضوع خرابيط قايل انه يسوي السوشي بروح في البيت
فاكيد يعرف وين ممكن تلقى ال seaweed

:14:

:

مزن هتان

22-09-08 ||, 01:59 AM

لدرجه ذي هو لذيذ !!
ادمان + هوس السوشي لـ أعضاء الواحات

ما صار اني أكلته، و ماظن راح أكله
ماحب المأكولات البحريه كلش، و ماحب ريحة الخيار :fa52:

هني و عافيه على قلوبكم

المقاتل

22-09-08 ||, 02:01 AM

:4: شانين علي حملــــه هاه .. :whistling: الله يهديـــــكم الصور ما تلوع بالجبــــــد وايد الصور تفتح الشهيه :fa56: وبعدين صدق شمعة أمل تقول هب زين تاكلون وايد .. :a018: عيل انا اشكثر آكـــل الصحنين والثـــلاث.. :crazy: شو يسبب السوشي ؟؟ .. :k_puppyeyes: وبعــــــدين ليشششششش مال جابنغو هب حلو :a116: هاه عنده احلى سوشي .. :whistling: ترا مثل ما قتلكم يعتمد على النوع الي تطلبونه .. !!

اقول ذنيني الـ seaweed بتحصـــله في سوبرماركت شويترام وحتى العيش الصيني الي عندهم غاوي .. !!

وحي القلم

22-09-08 ||, 02:18 AM

حلم الطفوله.. ان شا الله بس أخاف نبتلش هناك أنا بروحي ماعرف غير هالكرنجي كريزي XD

.

سمعت أنه اليابانيين أكلهم صحي لانهم يعتمدون عالمأكولات البحريه

بس ليش مب زين ياكلون السوشي وايد؟؟.. لانه ني يعني ولا ما يخصه؟؟!!

ايه احبك

22-09-08 ||, 03:12 AM

غريبه شمعه اول مره استعلم عن هالموضوع لني اعرف اليابانين المين دش مالهم سوشي شرات المجبوس عندنا لوول XP
ذنيني خبرك راعي السوشي
وانا بعد محصلته في سبنس

بنت الدلع

22-09-08 ||, 03:15 AM

السلام عليكم ورحمة الله وبركاته

ماشالله الجماعه هنه متيمعين

يعطيك العافيه اخوي ذنيني
وتسلم على المجهود الطيب

===

http://a1-gourmet.com/japanesefood/wp-content/uploads/2007/02/sushi.jpg

بالنسبه لي
اول ماعرفت السوشي كان من خلال وحده من البنات
و احيد على ايامها ذنيني + المقاتل "سابقا" كانوا حاطين صورة السوشي في الواحات
وكنت اول مره اشوف هالأكله الغريبه العجيبه

ماكنت ادااانيه ابدااا
بس لمجرد انه فيه سمج ني

اول مره جربته يوم كنت ويا مرت اخويا
تمت تسويلي اغرائات لين ما آخر شي اقتنعت وكلته
وبصراحه طعمه ولا احلى

اول واحد جربته كان كاليفورنيا

http://www.sushimagic.com/images/RollerDemo/6.jpg

بالخضره ومن برع عليه كافيار

===

My Favs

IBE Ten Maki
(بالربيان المقلي)

IBE Maki
(بالربيان)

Shake "اظن جيه اسمه"
(بالسلمون)

===

الي يبا يسوي السوشي في البيت
حصلت لكم فيديو
كيف تسوون عيش السوشي

اضغط هنا (http://video.about.com/japanesefood/Prepare-Perfect-Sushi-Rice.htm)

===

ذنيني
ايه احبك قالت بتحصلون السي ويد في شويترام او سبينس
بس ماجيكت
شوف يمكن تلقى عندهم

المقاتل

22-09-08 ||, 04:05 AM

:mf_leia: بعطيكم الـ insturction بالمختصر المفيـــد ..

أول شي لازم تتوفر عندكم هاي الأمور ..

A Bamboo Rolling Mat
http://www.sushisushi.co.uk/jpegs/rolling_mat_tt.jpg

A Rice Paddle
http://shopsite.nni.com/media/10RicePaddle.jpeg

A Large Bowl
http://www.bristol-glass.co.uk/xcart/images/thumbs/t_63.jpg

A Cutting Board
http://mocoloco.com/archives/essey_es_cutting_board.jpg

===

طبعــــا المحتويات : Nori - Wasabi - Rice Vinegar - Soy Sauce - Fish Roe

طريقة الاعداد : تفورون العيش الصيني لمده تتراوح ما بين 15 - 20 دقيقه .. وبعدين اتصبون الـ Rice Vinegar و تفورونه في هاي الأثنــــاء كنتوا المفروض تكونون مخلصين اعداد الـ Seaweed وإلي يسمــى بـ Nori وتفرشونه على الـ Bamboo Rolling Mat وعقب تحطون العيش عن طريق الـ Rice Paddle أو شي مشابه له على الـ Nori.. وعقب تقصون شرايح من الأفوكادو والتفاح والـ Crab وتحطون شوية مايونيز وتحطونهم فالوسط وتحطونه الـ Fish Roe وعلى حسب الرغبه وعقب تلفون السوشي عن طريق الـ Bamboo Rolling وعقب تقصونه على شكل قطع السوشي وتحطون الـ fish roe على قطع السوشي ..

ولا تنسون الـ Wasabi اهم شي والذ شي بالسوشي ..ان شاء الله وضحت لكم الصوره :h_6abakhah:

رمــش الغـــلا

22-09-08 ||, 08:56 AM

شو هالموضوع المغري ...!!!*

ذنيني .. شكلهم كلهم كانوا يتريون هالموضوع ..!!

[ لووووول ] ..~

.
.

خلاص قررت لازم أجربهـ ... الكل في هالموضوع يحب السوشي ومدمن عليهـ ..!!

[ أخاف بس ما يعيبني ] ..~

ا ل غ ل ا

22-09-08 ||, 09:41 AM

يم يم يمممم

أحب السوشي ..

ناااااصر .. يوم بتحصل هاي الطحالب خخخ لي يحطون داخلها السوشي خبرني خاطري أجرب أسويه خخخخ ..

أنزين شو رايك يوم تسير مطعم تسألهم ..

وعن تجاربي ما جربت السوشي إلا في جابنقووو >< أبا أجرب في أماكن ثانية بس مايحبون السوشي في بيتنا :(

كل ما أقول كلمة سوشي يقولولي أيييييي سمج ني !!

يا ناس والنباتيين شو ياكلون ؟! ترى أنت تختار شو فيه السوشي لي بتاكله

يسلمووووا وزيدوا الصور ^_^

مايهزك ريح

22-09-08 ||, 01:26 PM

شهيتوني .. ابا اجرب.. !

ذنـيـنـي

22-09-08 ||, 05:44 PM

بو سنيده مشكور

عيل استوا الترتييييييييب D=
بييب السي ويد و بيلس ويا بشكارتنا العيوز لول

البارحه سويت سيرج سريع عن السوشي
و حصلت وصفه خفييييفة فيها جبن فيلاديلفيا و سموكد سلمون
و من بين الرفيوز واحد سواه مع سموكد تركي لول
حسيتبه جي حلو حق سوالف الريوق

حليلها بشكارتنا شكلي بدبّلها لول
بخليها تستوي سوشي ماستر في اسبوع xD

بنت الدلع

22-09-08 ||, 05:52 PM

ولا تنسون الـ Wasabi اهم شي والذ شي بالسوشي ..ان شاء الله وضحت لكم الصوره :h_6abakhah:

الـ wasabi هو هالشي الأخضر؟

http://prometheus.med.utah.edu/~bwjones/C741542647/E20070417140221/Media/Wasabi.jpg

المقاتل

22-09-08 ||, 05:53 PM

:12: بس شوف يا سيدي أهم شي فالسوشي كله انه يكون عندك Bamboo Rolling ولا شي مماثل له ولا كيف بتدور السوشي ؟؟ .. وباليد ما ينفع .. :thumbup1: راوينــــا اول تجربتك :1: .. !!

وصدق .. خل العيش لازم تحط وياه سكر و ملح وعقب ترشه على العيش .. !!

Good luck

المقاتل

22-09-08 ||, 05:54 PM

هيه ختيه بنت الدلع هوه هذا الشي الأخضر أسمه Wasabi ..

الاسطوري

22-09-08 ||, 08:56 PM

هيه ختيه بنت الدلع هوه هذا الشي الأخضر أسمه Wasabi ..

واسااااابيييييي
:Oo:

مايهزك ريح

22-09-08 ||, 09:35 PM

الأسطوري .. انا وانته شكلنا داخلين الموضوع غلط .. !

وحي القلم

22-09-08 ||, 11:03 PM

الواسابي حار مب صح؟؟ وحده قالت لي شي سوا بها عقب ما كلته XS

أنا زغت عشان جيه ما كلت منه XP

حلم الطفوله

22-09-08 ||, 11:19 PM

لا حول ولا قوة إلا بالله !!!

السوشي طلع فيه واسابي ..... اتحملو على عماركم :)

المقاتل

22-09-08 ||, 11:21 PM

وحي القلم .. الواسابي حار وايد لدرجة ان هوا حار يطلع من خشمج هههههههههههه .. انا يعيبني يوم اكل سوس ولا جام المهم اي شي يخص السوس وانواع اكثر منه يعني احط جاااام مع الخبز هالكثر .. ولا احط كاتشاب هالكثر .. فأنا يوم شفت الواسابي اول مره قلت هذا هوه اكيد طعمه حلو .. ولا صاحبكم بوسنيده خذ ربعه ويصرطه مع السوشي .. طبعا اول شي عطى طعم جدا جميل .. بعد كمن دقيقه .. اشوف خشمي قام يدخن .. وجان اكحكح لين ما قلت بس .. خخخخخخخ الله لا يراويكم يعني .. فإلي يحب يجرب .. يحط شويه فالسويا سوس وعقب ياكل ع راحته وبالهنا والشفـــا ..

وحي القلم

22-09-08 ||, 11:58 PM

ههههههههه لا .. نصيحه مني لا تاكلونه غمظتني ربيعتي المسكينه

الملهم

23-09-08 ||, 01:52 AM

من كثر ما اتحمست ..
سرت اليوم الستي كليت سوشي في مطعم سوجي ..
وها المره كليت بـ الوزاااابي .. روووووعة .. صح اني حسيت ان مخي افتر .. بس غااااوي ..جنووووووووووون

وعقب سرت معطم ثاني لقيت عندهم سوشي .. سرت اشتريت وبخليه حق السحووور .. ^^

حياة بشكل غييير .. ^^

الاسطوري

23-09-08 ||, 11:53 AM

الأسطوري .. انا وانته شكلنا داخلين الموضوع غلط .. !

^
في أفلام الخوال مرات يقولون واتساب ومرات يقولون واسابي
الظاهر عيل انهم من محبين السوشي
بالسوس هذا
:fa56:

مايهزك ريح

23-09-08 ||, 11:59 AM

^
ههههههههههههه ..

بنت الدلع

23-09-08 ||, 10:12 PM

^

في أفلام الخوال مرات يقولون واتساب ومرات يقولون واسابي
الظاهر عيل انهم من محبين السوشي
بالسوس هذا

:fa56:

:birgits_giggle:

==

وحي القلم
اذا حابه تجربينه
حطي شوي ما يأثر
ومابيحرق لسانج

المقاتل

23-09-08 ||, 10:41 PM

http://oasis.bindubai.com/bin/uploaded/3257_01222195155.jpg

:12: اليوم سويت لي سوشي عالفطور وقلت بصورلكم بس لأسف الصوره صورتها من التلفون وعلى السريع .. :a0360: !!

بنت الدلع

23-09-08 ||, 11:54 PM

^ الي في النص نقانق ؟!!
ولا crab

المقاتل

24-09-08 ||, 01:18 AM

لوولز ختيه بنت الدلـــع في الوسط crab :whistling: .. ما جربتي تاكلينه ؟؟

خيال الروح

24-09-08 ||, 01:38 AM

بوسنيده

هالسوشي انت مسونه .. !!
ماتوقعت السوشي الى اتسويه بهالشكل ..

^^

ذنـيـنـي

24-09-08 ||, 01:48 AM

^

دوم اقول انه هالولد داهية و مب هيـّن بس محد يصدقني

========

اليوم كلت سوشي في جابينغو
لأول مره اجرب الـ Eel ما حبيته وايد
مع انه كان مطبوخ،، Grilled Eel
بس ما ادري كيف ما حبيته

و الثاني كان سبايسي تونا،، من اكثر الانواع الي احبها

تحفه

24-09-08 ||, 03:20 AM

ماشاءالله عليك فيك حيل تطبخ وادش المطبخ

انا اليوم بعد ماتفطرت يالله يالله دزيت عمري المطبخ اسوي كوفي مايهزك ريح واخر شي محد شرب منه ;( تعبت عمري علفاضي

الموهيم

سووووووشييييييييييييييييي ي

http://oasis.bindubai.com/bin/uploaded/3281_11222212025.jpg (http://oasis.bindubai.com/bin)

ملاك الروووح

24-09-08 ||, 03:52 AM

ااااااااخ منكم ..

والله حمستوني أنا بعد ..

يبالي ايربه هالسوشي ..

مع اني ف حياتي ما فكرت آكله ..

وكنت أحس انه استغفر الله يلوع بالجبد :m_afaker:

بس أشوف الكل مدمن عليه ..

ف قلت خل أيرررررررررررربه

/

بس عقب رمضان عاد مب الحين :k_harhar1:

بشل رمشوه .. وبنسير انا وهي وخواتي وخواتها ..

وبشل كنونتي عشان أوثق الاحداث التاريخيه ..

:a0360:

:

يااااااااااااارب يعيبني عاد ..

:k_harhar1:

بنت الدلع

24-09-08 ||, 08:28 PM

بو سنيده..

هيه مجربتنه وطعمه لذيييذ
بس مادريت انه crab الا بعد ماخلصت !!
بس مابرد اكله مره ثانيه لاني اجز من شكل القبقوب

===

جربوا salmon with creamy cheese من يو سوشي
اكسترييييييملي لذييييييييذ

يسوونه على طريقة الـ ISO
(inside out)

السلمون من برع
ومن داخل السي ويد+ عيش+ افوكادو + كريمي جييز

http://oasis.bindubai.com/bin/uploaded/2211_11222278465.jpg

ايه احبك

24-09-08 ||, 08:32 PM

ههههه اشكره سوشي بو سنيدة سوشي عربي مقلد لووووول
ليش مانتقنه ونضبطه صح مادري ليش -_-

ذنـيـنـي

25-09-08 ||, 01:38 PM

ايه احبك

ما عليج هو اوكي
يمكن طريقة التصوير ما خدمته في العرض
بس على حسب الي اشوفه انه شكله مقبول

صح انه مب بمستوى السوشي ماستر، بس على الاقل خطوة ايجابية و خاصة انه الكاليفورنيا يعتبر من السوشي الي تحضيره مب سهل بسبب الزحمة الي داخله

يالله ايه احبك شدي حيلج و خلينا نشوف الابداعات عندج
راوينا حب السوشي بس من مطبخ بيتكم p=
و الله يخليج ما نبغي سوشي عربي مقلد

ايه احبك

25-09-08 ||, 04:42 PM

لوووول ذنيني ان شالله في الفطر الحين ما اتوقع اني بسويها
لازم امر شويترام واشتري الاشياء

المقاتل

25-09-08 ||, 06:37 PM

:4: اتوهقت ايه احبك .. :fa56: خلونا انشوف الابداع الإيه احبكاوي شو بـــسوي :4: !!!

تحفه

26-09-08 ||, 02:34 AM

ايه احبك مافي شي احسن من المطاعم الزينه .... خل ارمضان يخلص بس p;

ذنـيـنـي

06-10-08 ||, 06:45 PM

ايييه احبببك ياللا نتريااج P=

انا من كمن يوم خذت اغراض السوشي من شويترام
بس ناقصني خل الارز

بوسنيده سييين سؤال ..

من وين خذت البامبو رول، دورتها و ما لقيتها
تراها اهم قطعه لصنع السوشي =(

ملاك الروووح

11-10-08 ||, 07:08 PM

^

ذنيني .. بنحصله ف ايكيا و ف ذ ون انا شايفتنهم هناك ..

:

وأخيييييييييييييييييييييي يييييييييييييراً يربت السوشي .

:fa56::fa56::fa56::fa56::fa56:

كنا سايرين امرا سبا ف ام القيوين .. وكنت بمر على رمشوه على اساس انها تدلينا ..

بس استحيت وقلت يمكن اتكون بزي ولا شي ومب متفيجه لنا ..

ف من فلاحتي ما مريت عليها ولا كنا بنستانس وايد !!

المهم كنت يالسه في الكوفي شوب ..

وكنت اتصفح المنيو . جان اشوف مكتووب سوشي

واتخبلللللللللت ..

جفت عندهم كاليفورنيا رولز .. وطلبته ..

وعقب اختي ويا راسها خلصت شغلها ..و كانت تبي تسير ..

ف اضطريت اني اخذه تيك أويي :glare:

وكنت زايغه قبل ما أيربه .. جان اغمض عيني .. وكلللللللته

بس عيببببببنيييييييييي :fa56:

واختي تقولي اعععععع شو هاه !!

اونه شو هالبرتقالي اللي عليه قلت لها انا اشدراني .. كليه وانتي ساكته :biggrin:

وكلته وعيبها بعد وجان اصوره حق رمشوه وطرشته حقها ... :biggrin:

قالت لي خيانات ما عليه .. كلتيه بدوني ..

جان اقولها افا عليييييييييج الحين بييب لج منه ..

ورحت بيتهم و وديت الباجي حقها :k_harhar1: وعيبهااااااااا بعد ..

يعني كنت متوقعه الاسوأ .. بس حسيته كان حلو ويتاكل يعني .. مب انه يلوع بالجبد ..

بس اختي ضحكتني .. الفليل قالت لي .. ملاكوه ..

قلت لها شو ..

اونه توني نقعت كره برتقاليه كانت تامه ف حلجي

هع هع هع هع

:

ان شاءالله المره اليايه بمر على رمشوه وهير كزنز . وبنروح كلنا TOKYO بنيربه هناك :11: