أنـــا إمــاراتي .. إمـــاراتي أنـــا

[المنصوري]

السلام عليكم ورحمة الله وبركاته

الموضوع من قبل ما اطرحه أدري به مخالف ، ولكن قلت بأنه أكثــر الأعضاء يحدرون هالواحــة ، فأكيــد بستفيــد بأكبــر عدد من الردود ، وشاكرين للإداريين عدم نقلهم للموضوع ( أوني اشكرهم واحرجهم قبل لا ينقلونه :4: ) ,,

عنــدي طلــب أو مســـاعــدة ،،

صار ليـــه شهور أدور محلات تبيـــع فنايـــل أو قمصـــان أو جاكيتات أو أي من أنواع اللبــس بس بشــرط يكون عليهـــا التـــالي :
1. إســـم دولتي الحبيبــة ( الإمارات العربية المتحـــدة )
2. العاصمـــة أبوظبي
3. أي معلم من معالم الدولــة
4. أي شي له خــص بالدولة ويدل عليهــــا :surrender:

حصلت بعض الأشيــاء ولكـــن أغلب الخامات كانت جداً رديئـــــة ، يعني بغيت شي يكون الكوليتي بتااااعه ( متسحــر من مطعم مصري :fa56: ) جيـــّــــد ، فهــل باستطاعتكم مساعدتي ؟؟

هذا وجزاكم الله ألف خيــــر ,,

تحياتي
مواطن إماراتي

..

[مزن هتان]

عليكم السلام و رحمة الله و بركاته

ما عرف عن محلات بس أكو بامرتس مول أحيد كشك صغير(قريب ألدو) يبيعونه
فيه فنايل وغيرها من أشياء عليها اسم دولتنا و علمها

أكو بعد ابـ ديره ستي سنتر هم كشك صوب كارفور، تقول لهم شـ
تبي تكتب عـ الفنايل و أظن عدهم كابات بعد

[أنامل قلب]

/

وعليكم السلام ورحمة الله وبركاته ..

بالعكس أخوي خذ راحتك ،،
ودامك حاب الموضوع يتم بهالواحه فـ لك ذلك أكيد ..

بس ان شاء الله ما يطب علينا أخوي الاسطوري ههه ..

+ ماعندي فكره للأسف غير اللي ضافته اختي مزن هتان ..
ماشفته بعيني // لكن سبق وسمعت عنه من رفيجتي ..

بس ان شاء الله البقيــه ما بيقصرون ..

وربي يوفقك دنيا وآخره ^_^ ..

.. .

[الا انا]

..^

حركات علشان هناك يعرفون انك اماراتي اونه

لووول


زين ليش ما تطلب ..

يعني اظن انك تروم تتطلب الديزاين الي انته تباه ..

شي محلات يرومون يسوون لك الديزاين الي انته ودك ياه سواء بالكلام ولا بالصوره ..^^

[تحفه]

تهاني الخليج

[العجيبة]

سمعت انه في محلات يرسمون هالأشياء بالتطريز مب طباعة .... بس ما اعرف وين


وفيه كشك في المارينا قريب من ايكيااا مقابل فورتي فروتي يطبعون عالقمصااان .... بس هم كاتبين جمل منوعة مب وطنية ... انت قولهم يكتبولك اللي تبااااااااه .. واذا ما عيبتك القمصان اللي عندهم ( مع اني شفتها حلوة ) خذلك قميص من اي مكان ثاني وودلهم اياااه


ولا تنسى تشل وياااك علم الامارات ولوحاااااات واشياء ثانية حق العيد الوطني ....

[عهد الوداع]

ان شاء الله تحصل الي تبغيه ^_^

[حلم الطفوله]

السلام عليكم

أخوي ...

تقدر تشتري القمصان الساده وتطبع عليهن المعالم والجمله إلي تبغيها .... المهم تختار خامه ممتازه

وتروح وترجعلنا بالسلامه

[بنت الدلع]

اول شي خبرني
مرسوم "تير" على جوازك؟

اذا مرسوم فبنساعدك
اما اذا "التير تار" من الغلاف فهذي تعتبر مشكله !

----

مثل ماقالت تحفه بتحصل في تهاني الخليج
واذا انته تبا شي معين ليش ماتشتري قميص من المحلات الي تتعامل معاها
ويكون ساده
وبعدين تاخذ التيشيرت عند الخياط وتخبره شو الديزاينات الي تباها تكون موجوده.

ولا اتريا يوم يسوون الـ Global day الي عندكم وبتشوف واايد شباب او بنات فاتحين من هالمحلات !!

قوم لوكالزم (localism) وربعه

[ايه احبك]

المنصوري XD شو هالوطنيه XD لوول
انزين شو بغيت اقولك
تهاني الخليج
في الكوشكات اتوقع شي في امرتس مول وفي فيستفل سيتي صوب ماركس اند سبنسر وفي مينا السلام بس هذول عليها رسمات الناقه ^^;
اما اذا تبي تبدع طلع صوره من النت اشتر تيشرت وسير اي مطبعه بيطبعون الصوره في التيشرت
هذا كل في جعبتي XD

[الاسطوري]

/

بس ان شاء الله ما يطب علينا أخوي الاسطوري ههه ..

.. .


تراني للحين ماوصلت ولا شفت شي مازال
عندكم مجال شويه
:whistling: