شو اخــــــتــــــــــــار!!!

[ايه احبك]

السلام عليكم يا شباب ويا بنات
نويت اشتري سياره
بس انا سوبر محتاره :k_wheelchair:
بخبركم الي رشحتهم ترشيح مبدئي

RX 350
http://oasis.bindubai.com/bin/uploaded/6454_11221492506.jpg

Infinity FX35
http://oasis.bindubai.com/bin/uploaded/6454_11221492772.jpg

Nissan - Murano
http://oasis.bindubai.com/bin/uploaded/6454_11221492969.jpg
وبس :14:
شو رايكم شو اختار ؟؟
طبعا كل هم نفس الدزين لنه هذا الي ابيه
بس عن سياير ككل ما عرف شو فيه شو ما فيه واتريا رايكم :7:

ومرسي :14:

[مايهزك ريح]

انا اقول الإنفنيتي Infinity FX35
.. احسن وحده فيهن ^_^

توهم مغيرين شكلها اما الباقيات من زمان بها الشكل يمكن يتغير في اي لحطة !
وهاي السياره سعرها فيها ..^_^!!

[مجموعة إنسان]

الأنفنتي عند حرمة أخوي
متوهقه فيها شوي
لانها مثل ما تقول انها ثقيله

بس اللكزس واااايد حلوة
تبيني امدحها وللا لا ؟
لان لو مدحتها ما بخلص
مجربنها وكانت عدنا 3 سنوات
ما شافت شي اسمه وكاله
كرفناها كررررررف الحماااار
وما قالت شي
وحلوة للبنات بعد
وخفيفه
ورشيقه
وقوية



المورانو
مافيها مواصفات


يعني في النهاية
اللكزس تنفع أكثر

[ايه احبك]

ما يهزك ريح
بس انا يوم قريت في النت قريت انه لكزس موديل 2009
هل هذا يعني انها وايد جديمة
مجموعة انسان
انا وايد في خاطري لكزس لكن اذا موديلها جديم ليش اخذها -_-

[ايه احبك]

شو عن بترولهم
منو تصرف اكثر ؟؟

[مزن هتان]

أختي محتاره بعد بين الـ لكزس و نيسان بترول

من السيايير اللي اخترتيهن الانفنتي أحسها تنفع
سواقتها فنانه (عن تجربه)

بس اللكزس أضمن :look:

[ايه احبك]

من اي ناحيه اضمن مزوونه

[مزايا]

:a074:Infinity

[مزن هتان]

خدمة الوكيل

[المنصوري]

BMW ..

[ايه احبك]

مزايااا حبيبتي في الموضوع XO
او انا اقول ليش يومي حلوو ^-^ انزين كلميني عن الأنفنيتي يا قمر ليلي ^_^
مززززززون عمري شو هذا خدمة الوكيل اخذني على قد معلومتي فديتج XD
---
المنصوري ولا تم في خاطرك خلاص انا باجر في المعرض او باخذ الأكس 6 على حسابك بأذن الواحد الأحد هيهيهيهي معروفين المناصير كرماء XD

[المنصوري]

مزايااا حبيبتي في الموضوع XO
او انا اقول ليش يومي حلوو ^-^ انزين كلميني عن الأنفنيتي يا قمر ليلي ^_^
مززززززون عمري شو هذا خدمة الوكيل اخذني على قد معلومتي فديتج XD
---
المنصوري خلاص انا باجر في المعرض او باخذ الأكس 6 على حسابك بأذن الواحد الأحد هيهيهيهي معروفين المناصير كرماء XD

ترى حبيبت ألبج موجوده في هالموضوع .. حق ليش على حسابي ؟!

اممم ليش يا ايه احبك كم تتحرين اسعار هالسيايير ؟؟

وبنفس السعر تاخذين لج بي ام دبليو .. سيارة ولا في الأحلام

اللي يجربها ما يعشق غيرها ولا يفكر يحب سواها ,,

معلومة بسيطة ..

اليابانيين يحبون يحطون كل جهدهم في المميزات اللي بالسيارة مثل : اوتو باركنق ( بروحها اتوقف السيارة ) ، شاشة وتلفزيون ، كراسي مكيفه ، و إلخ ,, بروايه أخرى في الرفاهيــه :glare:

الألمان يحطون كل جهدهم في الأمــــــــااااااان :thumbup1:، والواحد يدفع فلوسه كلها عشان بس الأمان وخاصة مع هالحوادث اللي اتصير كل يوم ويموت فيها المئات من البشـــر ( طبعاً أكيــد الحافظ هو الله بس الواحد يحتاط )

تبين بعد اتلكم تراني ماكل وشبعان واروم اكتب لج روايه :bash:

تحياتي ومبروك عليج السيارة مقدماً واتريا العزيمة :2:

أخوج
منصوريوه

[المنصوري]

ولو تبين رقم لسيارتج .. ترى عدد مشاركاتي مميز ( الفئة السادسة بوظبي ) بعطيج اياه ( 602 وبصير مع هالمشاركة 603 ) :p

[المزوحي]

عني انا احب اللكزس لأنها من تويوتا أما انفنيتي من نيسان .. فأفضل الأولى ...

واللكزس افخكم عن المورانو ...

اللكزس احلى لأنه الانفنيتي يمكن تملين من شكلها بسرعه

مجرد راي والقرار الاخير لج اختي

[مزن هتان]

اقصد سيرفس وكالة الفطيم
حق التجييكات و الا الخرابات (الاعطال)
قطع غيار ضمان، بس شوي ترصين عليهم P:

عيل المناصير كرماء !!
أنا أبي سياره بعد :icecream:

[ايه احبك]

يالمنصوري هذول اسعارهم اعلاها 140 الف والبي ام الصلون اتي بهلسعر
بس مشكلتي ما حب الصلون خاصه في المطبات احس عمري منسدحة في الشارع
والله اذا فكرت في البي ام بفكر في الأكس فايف وبس
--
بس هذول شو صناعتهم المانين ولا جابنيز ^^: ؟؟

[ايه احبك]

المنصوري عكم بتبيعه لا تقولي بخمسه مليون XP
المزوحي انا فتنانتني اللكزي بس ابي اسمع الأراء يعني الأشياء الي انته قلتها ويا مجموعة انسان ومزن حلوه عنها بس النقطه السوده الي قالها ما يهزك ريح خلتني اتردد
--
المنصوري ان شالله بس استلم السياره انتوا اول ناس اعزمكم على مطعم عنتر المشهور باكلاته الي مالها مثيل XP
مر عليه قوله ايه احبك وبيعطيك الي تبيه على حسابي عاد مب الحين يوم باخذ السياره لووول
==
مزوون ثانكس ياحبيبتي على الأنفوو ^-^

[المزوحي]

ايه احبك ، في ناس ماتهتم في الشكل، المهم سياره تكونين مرتاحه منها، مقتنعه منها وكالة الفطيم السيرفس مالهم

أوكي .... ومادري لو سعرها وصل 180 او اكثر .... تأكدي

[المنصوري]

عيل المناصير كرماء !!

أنا أبي سياره بعد :icecream:



هيه رمضان وقصوا عليه ، عاد قالوا تضاعف الحسنات عاد هب تنهبوني :bash:

لو عنديه بيزات ما كنت اصلا برد على ايه احبك او حتى على مزن هتان ام النيسان :4:
تحياتي

..

[المنصوري]

انا فتنانتني

وش ذا الهرج :pullhair:

:wacko::fa36::crazy::k_icon9:

:7: مترجم

[ايه احبك]

صدق لو يالمزوحي وصلت 180 عيل بسويلها باي باي =(
بس انا قريتها في النت انها 138 والله 0-0 سترينج
المنصوري فتنتني بجملها فتنه فاتنه فاتن حمامه فتون XP الله يسهل عليك يا رب هيهيهيهيهيهيه

[المنصوري]

يالمنصوري هذول اسعارهم اعلاها 140 الف والبي ام الصلون اتي بهلسعر

بس مشكلتي ما حب الصلون خاصه في المطبات احس عمري منسدحة في الشارع
والله اذا فكرت في البي ام بفكر في الأكس فايف وبس
--
بس هذول شو صناعتهم المانين ولا جابنيز ^^: ؟؟


دا كان في المااااضي 140 ألف :Oo:

والصالون اثبت في الخط واريح في السواقه من الفورويل

واصلاً هالسيايير محد يعتبرهن فورويل .. لا هن صالون ولا هن فورويل ( ضايعات في الطوشه :biggrin: )

وكل السيايير اللي حطيتيهن صناعة يابانيـــــة ..

وحيها راعية الاكس فايف ولو في الاحلام :5:

موفقة خير

وبعد راضين ببابو راعي عنتر :fa44:

[مزن هتان]

اللكزس ابـ 180 ايه أحبك
اسبوع اللي طاف ابوي سأل عنها

[ايه احبك]

انزين بباي لكزس لنه لو هاي جيمتها خله في وكالة امها احسن ازيدها طشونه واخذلي كين اوف لاه ما عندي بيزتها
انزين لو اخذت البي ام يالمنصوري قطع غيرها مب غالي ؟؟؟ خله انقول صالون

[مجموعة إنسان]

المنصوري
لا تضحك على تنقيعه ايه احبك
ترا في وااااااحد ( مش انااااا) ضحك على ايه احبك وتنقيعاتها ولين اليوم متوهق


الأنفنتي سمعت اناها تصرف بتروول وايد
وخاصه اليديده 8 سلندر

اللكزس وايد حلوة ومريحه في السواقه وخفيفه وسهله
وكل شي
وتشبهني
هع

[ايه احبك]

خلاص مزون اتس اوف ماي ليمت بس هي نفسها عيل ليش انا حسبتها وطلعت 138 =( في النت شفتها

[ايه احبك]

ويه مجموعة انسان تشبهك XP عيل خلااااااااص وليت فيها لوول ما بها ما بها

[بنت الدلع]

خذيلج بي ام كوبي 330 i
وانتي والخير رباعه

[ايه احبك]

اتري بنوتت الدلع خله اسويلها سيرج

[مزن هتان]

ايه أحبك خلي عنج كل السيايير، خذي هاي :doh:
:inlove:
هاي حللللوه :heart:

http://www.seriouswheels.com/pics-2008/bc/2008-Cadillac-Escalade-Rear-Angle-1280x960.jpg

فضيعه و ان شاء الله اذا أبوي ما اقتنع بالسياره اللي
عايبتني باخذ هاي :yes:

المنصوري النيسان مال أوّل :k_special2:

[بنت الدلع]

البي ام بشكل عام ثابته في السواقه
ويوم تسرعين السكان يكون ثابت
لو بتعدلين شيلتج ولا تسوين شي ثاني ماتحاتين السياره تلف

[المنصوري]

انزين يا ام فاتن حمامه ’’

( عيل يوم انها فتنتج جيه خلت السانج ينعوي ، يوم بتاخذينها الله يعلم شو بيصير بج :tounge:)

وكالة البي ام دبليو يطولي بعمرج عندهم عروض ولا اروع ،،

انا يوم خذت السيارة عطوني عليها ضمان ثلاث سنوات لكل قطع الغيار وخمس سنوات للمكينه والقير

يعني ما تدفع اي درهم لمدة ثلاث سنوات بس عليك التواير فقط لا غير ,,

وسمعت مأخراً بأنه العرض صار خمس سنوات شاملة كل شي بدل الثلاث سنوات ،،

وماشي أحسن من تعامل وكالة البي ام دبليو

وكأنه نسيبي خبرني من كم يوم انه عندهم عروض في رمضان .. اشتر السيارة ولا تدفع شي لمدة ثلاث شهور ,,

وتراه الضمان عندهم اترومين تشترينه بعد ما ينتهي ، يعني بعد خمس سنوات تدفعين لهم على ما اعتقد 30 ألف ويتكفلون بكل شي بالسيارة

..

مجموعة انسان ؛؛

يمكن اللي تطريه ضحك عليها من وراها أما أنا فاسولف معاها فقط لا أكثــر :fa51:

اخت عزيزة وغاليه ايه احبك ,,

..

بنت الدلع

هذيله الناس اللي يفهمون :5:

..

تحياتي

[ايه احبك]

مزن هذي شيفرليت ولا جمسي لين ما عرف اميز ^^: بس وايد كبيره عليه
انا عايبني هالستيل من السيايير الي لا صالون ولا فورويل
--
بنت الدلع انا بس ابي اعرف هل هالأشعه صح او لاء انه قطع غيرها غاليه او لاء ؟؟

[ايه احبك]

خلاص بحول بي ام دبليو XD
لوول ضحكتوا من وراي ولا من جدمي كيفيكم انا يهمني اني استانس لو بتنقيعاتي
XP loool
شكرا منصوريوه على الأنفوووو

[مزن هتان]

^^ cadillac Escalade
أنا كلش ماحب السيايير الصالون، عايفه سيارتي مليت منها

[المنصوري]

بروح آخذ ليه حبتين بندول اكسترا بعد قرايتي لمجموعة ردود لإيه أحبــك :p

انشدي اي حد عنده بي ام .. محد بيعيب السيارة طوووول

ومزن هتان .. ما اعرف ليش أكره النيســــــااااان

[المنصوري]

ومبروك للبي ام المشتريه اليديده هييهيهيهيي

وليه نسبه انا وبنت الدلع خبروا الوكالة

[بنت الدلع]

المنصوري .. نعجبك نحن ^_*

===

ايه احبك
عن قطع الغيار ماعندي خلفيه
بس جان تبين ربيعتي عندها الكوبي
بسألج عنها باجر
قولي شو الاسئله الي تدور في مخج الحين عشان ارد عليج باجر لول

===

واذا تبين الـ اكس فايف
بتترييينها واااااايد
عاااادي جدا يقولون لج بتوصل بعد 6 شهور !!

ربيعتي طالبتنها من نهاية شهر 4 ولين الحين ماوصلت
اذا مب مستعيله على السياره اتريي
و سعرها كل فتره يرتفع

بس مواصفاتها ولا اروع
يعني يوم انتي تيلسين السيت يتم يضوق لين ما ايي على قياسج
واذا لا سمح الله كنتي بتدعمين، السياره اوتوماتيكلي اذا تقربت من الشي وااااااايد بتوقف
يعني مابتدقين السياره

===

الانفينيتي بعد حلوه
اذا انتي تحبين هالنوع من السيايير
اليوم كنا يالسين نتناقش بين الانفنيتي والمورانو
سياره حلوه وبناتيه ومن داخل واااايد وسييييعه

[بنت الدلع]

الي عنده بي ام مايشتكي :inlove:

[ايه احبك]

لوووول بابا مب راضي اونه صغيره هيهيهي انزين يوم مشتط على الصغار اخذلي الرنج ولا الاكس XP
ربينا يهديك يا بابا
المهم ايقول الخيارات مورنو ولا انفنيتي
--
مزن في نفس شكل السياره الي ابيها من الكادلاك ؟؟

[ايه احبك]

اختي عندها الأمكس الفايف وصدقج 6 اشهوور لين ما وصلت

[بنت الدلع]

دام ان الخيارات مورانو ولا انفنيتي
انا اشوف انفينيتي افضل واحلى

---

ييبي له طاري البي ام شوفي شو بيرد عليج

[ايه احبك]

قلت له قالي توج اتسوقين وتعفدين على البي ام -- بنت الدلع نونيد خلاص دامه قال نو من البدايه يعني نو من النهايه =(

مممممممم
خلاص ما عنديش خيار الا الانفنيتي والموغانوو

[بنت الدلع]

عيل نقول بالبركه ^___^

خلاص انا اتريا حلاوة السياره قبل ما توصل لول
خذيني في لفه جدى المارينا بسيارتج اليديده

[مزن هتان]

مادري عن الكاديلاك

عندج الـ ford edge
http://michaelmize.com/media/2007%20Ford%20Edge.jpg

أحسها بناتيه

[ايه احبك]

بعدني ما ختر يا بنوووته لوول جلب ويها يوم قلت له بي ام لوووول
بنات لا تزوجون رييايل يعاندون بتبهدلون عيالكم هيهيهيهيهي xP
قالي هذول احسن بس بقترح عليه الفورد لكن كبرناد يا مزن احسها مب لهناك ولااا ؟

يا بنات انا اقترح انه نصنع سيارات بناتيه خاصه فينا والونها بس ورديه عشان ما يشترون منها الأولاد XD

[إسهر معي ليله]

اذا صفيتي عالمورانو والانفنيتي..

ترى المورانو الوحيده ع ميزانيتج.. الانفنيتي 6 سلندر تبدا من 192 .. الى 207
والـ 8 سلندر بـ 237 الف ..

والمورانو بتتغيّر هالسنه.. يعني الموجود في الوكاله آخر دفعات..

والسيايير غلن احين.. مافي شي رخيص.. يوم انه الكامري تبدا بـ 70 الف احين

اللكزس الفورويل بعد بتتغير وشكلها استوى جديم

يعني احين في هالأيام مافيه شي رخيص الا اللي ما تغيّر شكله.. من يغيرون شكل سياره يرتفع
سعرها فوووق فووق...

ولا فيه حد يصدق انه البورش ارخص من الاكس فايف؟؟ بس لأنه الاكس فايف
شكلها يديد والبورش بعدها ما تغيرت !

[مايهزك ريح]

ايه احبك صعب اتحصلين موتر زين وفوريل مثل ما تبين في حدود الـ 140 إلا اذا تبين FJ تويوتا ... وبعد مب موجوده ..
لازم تترينها !

خذيلج لفه على الوكالات وشوفي الأسعار .. لأنها يوم عن يوم ترتفع !

[الاسطوري]

من شفت الموضوع وانا ابى اقول شي إلين ماوصلت عند رد إسهر معي وليله
وحسيته قال اللي كنت بقوله، المورانو بتتغير الحين واللكزس
بعد لأن صار لهم قرن والانفنتي توها
نازله لكن غاليه
فوق الميزانيه بوايد ومالج غير حلين إما تحولين للصالون أو تزيدين الميزانية
ونصيحه لاتستعيلين عشان تحسنين الاختيار مب
مثل غيرج الله يستر
عليهم

[المزوحي]

البي ام حلوة بس غاليه، اقصد يمكن لج ميزانيه معينه .. يعني لو نفرض إنج حاطه من بين 130-160 وعلى حسب

مرات تحطين موتر بسعر والسبوع الثاني يرتفع سعره، حتى لو ماتغير الشكل...

عيل شي مازدا فوررييل

بس انت تبين من بين لكزس - انفنيتي - مورانو

[مجموعة إنسان]

هههه
اذا بتترين الاسعار اخر شي ما بتاخذين سيكل ههه

[ايه احبك]

مشكورينن شباب ^-^
بس للمعلومه اللمت الي حاطنه لي ابوي هو 150 شو تقترحون ؟؟

اسهر معي ليله
والله صعقتوني بالأسعار انا ماسرت المعرض بس تميت اطالع في النت وانصعقت عن الأسعار الي قلتوها لووول مادري يمكن السايت الي دورت فيه مال اجار او مب في دبي
لنه وايد اقل عن الي تقولونه
بس احيد يوم سرت معرض النيسان قالي الأنفنيتي الي نفس الي ابيها 170 سترينج -_-
اخر شي بحول ان شالله على الهوندا ولا سيكل البورش وبفتك XP
وانا ما فهم في تغيرات موديل السياره زين الي خبرتوني بس صدق المورانو بتتغير على السنه اليايه كلياا؟؟
--
الاسطوري
هي مب سالفت استعل اذا نفس ما سمعت انه الأسعار ترتفع عيل الحق على عمري واخذ من الحين

---
ما يهزك ريح
انا هذا الي بسويه لنه سيرج النت طلع خرطي
--
المزوحي
كيف شكلها ممكن تحطلي صور المزداا
--
مجموعة
انا بتريا الأسعار بس شو سبب هالغلااا ؟؟
يعني اذا موديل معين نزل احيد يا يتم على سعره يا ينقص بس يرتفع هذي غريبه !!

[عهد الوداع]

الله يهنيج ان شاء الله في الاختيار ...^_^

عاد لا تنسين مري علي ,,,,,,,اتريا الحواطه ...وانتي تمرنينها .,...^_^

[المزوحي]

ايه احبك

دخلي هنيه وشوفي المازدا

http://usnews.rankingsandreviews.com/cars-trucks/2008-Mazda-CX-9/

[الاسطوري]

اختي سوالف النت ماتفيد في هالامور لازم تنزلين الميدان وتشوفين بعيونج على الطبيعة وتجربين السيارة وتتأكدين من سعر اليوم والمواصفات المتوفرة عند الوكيل واما بخصوص الانفنتي ترا سعر الشكل اللي انتي حطيتيه في بداية الموضوع هو 165 الف في وكالة بوظبي مادري اذا دبي نفس الشي ولا لأ ولكن هذا موديل 2008 والحين نازل عندهم موديل 2009 اللي يختلف تماما من الشكل الجديم والاسعار مثل ماقالج اسهر معي ليله وهاي صورتها (هاي 8 سلندر)


http://jalopnik.com/assets/resources/2008/03/2009-Infiniti-FX50.jpg


اما عن نصيحتي الشخصيه حسب رايي واللي يناسب البنات في حدود ميزانيتج بمواصفات ولا احلى فاقترح عليج انفنتي صالون G35 هاي فيها كل المواصفات اللي بتفكرين فيها تقريبا وسعرها الفترة كان في حدود 150 الف مادري جان زاد او نقص ومسوين عليها عرض في الوكالة اتوقع بعده موجود


http://i37.photobucket.com/albums/e82/mchong75/Side.jpg


http://us.autos1.yimg.com/img.autos.yahoo.com/izp/infiniti_g35sedan_base_2008_dashboard_dashboard_64 0x480.jpg


او اذا تبين وحده شويه ارخص عندج لكزس IS300 هاي بناتيه وفيها تقريبا مواصفات مشابهه للانفنتي ولكن شويه قوتها اضعف


شوفي على الطبيعة وعقب قرري
انتي شو تبين
:smile2:

[إسهر معي ليله]

هاي المورانو اليديده

http://www.houstoncars.org/wp-content/uploads/7563c722a896_9BBE/2009murano.jpg

http://jelmac.files.wordpress.com/2007/11/nissan-murano-2009-2.jpg

http://www.bloghipp.com/wp-content/uploads/2007/11/V6013572-1%5B1%5D.jpg

من داخل وايد احلى

[ايه احبك]

عهد الوداع ان شالله فديتج بس ادعي الله يسهل ^-^
--
المزوحي
ناقشتها ويا الوالد قالي النيسان احسن شكرا يالموزحي وسوري تعبتك
--
الأسطوري
انا اذا الله ما سهل الأنفنتي باخذ الصالون لني ركبتها ويوم سالت قالي 154 بتشوار و بطالع
---
اسهر معي ليله
ابي اعرف اذا نزلت او لاء ؟؟

[ذنـيـنـي]

الانفينيتي الصالون الي حطها الاسطوري وايد حلوة

و بعد شوفي اللكزس IS 300 صغيرونه و قوية في نفس الوقت

[ذنـيـنـي]

http://www.lexus.com/models/IS/

[ايه احبك]

شكرا ذنيني
بس سين سؤال انتوو يوم تقولون انها قويه من اي ناحية تقصدون ؟

[المزوحي]

ايه احبك، المهم خذتي فكره من الردود، وشوفي شو تبين ....

تحياتي

[ايه احبك]

شكرا مزوحي ^-^

[المزوحي]

حاضرين ^_^

[تحفه]

شلي الانتفنتي من القائمه لنه وحده لا انا ولا انتي اندانيها اتسوقها ^^,


عاد سامحي التفكير لول

[ذنـيـنـي]

معنى قوية هو انها سريعة و محركها قوي و استجابته سريعة
يعني انه السيارة البريفورمانس مالها زين

[إسهر معي ليله]

المورانو اليديده اتوقع بتنزل ع نهاية هالسنه..

لأنه الموجوده وايد يسوون عليها دعايات.. معناه انها في آخر ايامها

[مايهزك ريح]

المورانو اليديده .. 2009

http://indimoto.com/blog/media/blogs/IndiBlog/nissan_murano_2009_india.jpg

[المزوحي]

مشكلة النيسان الكوالتي اللي داخل مب شي .. ونحن عندنا المورانو .... مب لين هناك، بس لو الحين حسنوها !

[ايه احبك]

ثانكس ذنيني على الأكسبلنشين ومشكورين شباب على الأنفوو
شكلي بتريا المورنوا اليديده ...

[المزوحي]

مــــبروك عليج اختي ( مقدما )

[ايه احبك]

الله يبارك فيك يالمزوحي XD
انا عادي اتقبل التهاني سواء اخذت السياره ولا ما اخذتها XP
looool

[المزوحي]

على شو استقريتي ؟

[ايه احبك]

بعدني والله يالمزوحي

شو رايكم في لنكولين
http://www.lincoln.com/mkx/interiorfeatures.asp

http://www.youtube.com/watch?v=GA9psmC2lBA

وهل بحصلها في البريمي ارخص ؟؟

[المنصوري]

للحيــنــه مســـويـــه حشـــرة ’’’

خلاص خلــصــن الســيـــااارات :p

[إسهر معي ليله]

شو تبين في البريمي

اذا عن اللنكولن خذيها من الطاير عالضمان وعليها السيرفز كونتراكت

يعني بترتاااحين .. واظن مسوي التأمين فري اول سنه

والطاير اشوفه احسن وكيل فالامارات.. لا يقصون عليج بالبريمي وغيره.. اظن ما فيه لنكولن اييبونها من البريمي خخخ

[الهيثــم]

صدقك يا خوي ،، الطاير أحسن وكيل بصرااحة ..

----

واللنكولن حلووة إختي ،،، وخااصة هاي ..

[شرجاوي]

انا من محبي اللنكولن .. بس الصراحه ما تنفع لنا .. سعرها واااااااااااااااااااااااا اااايد ينزل .. مب مرغوبه ابدً .. و بما انها فورد .. سيارات فورد من زمااااان تعاني من مشكلة الجير بوكس .. يعني ابعدي عنها ..

[الهيثــم]

من البداية تدفع شوي زيادة عسب عقد الصيانة والضمان .. وترتااح ..

[المزوحي]

ايه احبك الميزانية 150 وفي نفس الوقت تبين فورييل وتحبذين موتر ألماني ....

يعني تقدرين تغيرين كلامج ...

عندج موتر ياباني وصالون واقل عن 150 ألف

هوندا اكورد 6 سلندر ( لانه الاربعه ماتنفع في الصيف ) ورقم (1) سعرها 116 ألف


http://automobiles.honda.com/accord-sedan/exterior.aspx

[إسهر معي ليله]

شرجاوي

بالنسبه للفورد انا ماشوف فيها اي مشاكل.. كل حد كان يقول هالرمسه

خذنا فورد اف 150 واستيشن في نفس الوقت.. وعقبها بفتره استيشن ثاني
احين كملوا سنتين والاستيشنين طلعن فيهم مشاكل الا الفورد الحمد لله.. ولا مشكله ليين احين مع انه كل حد يسوقها

[شمعة أمل]

ايه احبك عادي استخدم موضوعج شوي عندي استفسار



الـ Maserati GranTurismo و aston martin DB9
شو الايجابيات والسلـبيات؟؟ والاسعار وشو خدمة الويكل الى يبيع هالسيارتين في البلاد
انا أعرف انه الآستن مارتن عند الحبتوور بس المازراتي مادري؟؟















الـ aston martin V12 Vanquish 'S' عذااااااااااااااااااااااا ااااااااااااااااااااب 3\>

[شمعة أمل]

وطلب
اذا بتشرحولي بليز استخدمو مصطلحات انا بفهمها :s

[قصايد غلا]

ايه أحبك : أخويه شاف موضوعج ، جان يقول : الفورد مب شي

خل تاخذ استيشن رقم 2 أو نيسان سفاري :k_smile2: ==> عاد مادري يتمصخر ولا يتكلّم جد :4:

[المزوحي]

شمعة أمل

الاستن مارتن مثل ماقلتي عند الحبتور اما الميزراتي عند الطاير على ما اظن ....

اما عن الاسعار مب متأكد ، بسأل لج

استون مارتن DB9 اتمنى ان يعجبكم

!~¤§¦ المحرك والأداء ¦§¤~!

عدد الاسطوانات : 12 اسطوانة .

السعة : 6 لتر .

الصمامات : 48 صمام .

القوة القصوى : 450 حصان .

عزم الدوران : 520 رطل-قدم عند 1500-5000 د/د .

التسارع من 0 الى 100 كلم/سا : 4.7 ثوان .

ناقل الحركة : يدوي 6 سرعات - آلي 6 سرعات .

الدفع : خلفي .

!~¤§¦ الأبعاد ¦§¤~!

الطول : 470 ســم .

العرض : 187 ســم .

الارتفاع : 132 ســم .

قاعدة العجلات : 274 ســم .

وزن السيارة : 1710 - 1760 كيلوجرام .

سعة خزان الوقود : 85 لتر .

!~¤§¦ معلومات اخرى .. عامة ¦§¤~!

طراز السيارة : كوبيه .

المكابح : ديسكات .

نظام منع الانغلاق : ABS أساسي .

السعر : في حدود 700000

!~¤§¦ تجهيزات السيارة ¦§¤~!

1) قاعدة هيكلية خفيفة من الالمنيوم تعزز الاداء القوي واسلوب القيادة الفريد .
2) تصاميم خارجية رائعة ورياضية .
3) مزودة بنظام توزيع الكبح الكترونيا ( EBD ) .
4) نظام مساعدة للمكابح ( ABS ) .
5) نظام الاستقرار الديناميكي ( DSC ) .


.............

maserati gran turismo


البطاقة التقنية


المحرك (عدد الاسطوانات / السعة): 8 / 4.2 ليتر

القوة (حصان د.د.): 405 / 7100

عزم الدوران (ن/م د.د): 460 / 4750

علبة التروس: اوتوماتيكية 6 سرعات

من صفر إلى 100 كلم/س: 5.2 ثوان

[شرجاوي]

شرجاوي
بالنسبه للفورد انا ماشوف فيها اي مشاكل.. كل حد كان يقول هالرمسه
خذنا فورد اف 150 واستيشن في نفس الوقت.. وعقبها بفتره استيشن ثاني
احين كملوا سنتين والاستيشنين طلعن فيهم مشاكل الا الفورد الحمد لله.. ولا مشكله ليين احين مع انه كل حد يسوقها
حظكم حلو فهالفورد ...
لكن معرووووووووووووووف ف كل مكان ان الفورد اعطالها فالجير اكيده .. انت لو تدخل المواقع الامريكيه .. اي واحد عنده موستنج و طاح جيره يركب جير t56 ... مب كلهم .. 99% منهم ..

الـــ f150 شو سبب فشلها عندنا و تفوق السييرا و السلفرادو ؟؟

من حسنات الفورد .. قوة الدفريشن و الاقتصاديه الكبيره ف استهلاك البترول ..

سيارات فورد مب ناجحه فالامارات ب استثناء الموستنج .. و الطاير اشوف خدمتهم جداً عاديه .. ما اشوف شي مميز

ايه احبك .. يمدحون جمس اكاديا .. عندنا 3 منها و ماشاءالله السياره :thumbup1: .. سعرها 175 الف رقم واحد

[شمعة أمل]

سؤال
الآستن قيير عادي ولا اتوماتيك؟؟؟؟

[شرجاوي]

شي عادي و شي تيبترونك ( اوتوماتيك و عادي )

[شمعة أمل]

أهاا شكراً

[المزوحي]

http://www.astonmartin.com/eng/thecars/db9/specification

[ايه احبك]

اسهر معي ليله وشرجاوي المزوحي وخطاب مشكورين وما قصرتوا
بس صدقه شرجاوي وايد تعاني من مشاكل ربيعتي ما كملت سنه او وقفت عليها واضطرت تتصل في الوكاله البارحة الي كلفوا على عمرهم او يو بعد 3 ساعات -_- بفكر بعد هذي سياره مب لعبه لووول
بس والله استشرتكم واااايد تفيد يعطيكم العافيه اخواني
شمعة امل
عيل اوستن مارتن في موضوعي هااااه XP
هههههه شوي شوي على قلبي يا بنتي