الرنين المغناطيسي

[المزوحي]

الرنين المغناطيسي


الرنين المغناطيسي هو جهاز يستخدم مجال مغناطيسي قوي بدلا من الأشعة لتصوير أنسجة الجسم و إعطاء صورة واضحة و مفصلة لها. و هو يتميز عن الأشعة العادية فى قدرته على إظهار الأنسجة الرخوة مثل العضلات و الأربطة و الأوتار .. حيث أن هذه الأنسجة لا تظهر فى الأشعة العادية. كما يتميز الرنين المغناطيسي بإظهاره للتغيرات داخل العظام مثل وجود تورم أو نقص بالدورة الدموية داخل العظام.


المشكلة إنه اليوم طلبوا مني أسوي تصوير الرنين المغناطيسي، وأنا بغيت أسأل إذا حد عنده فكره

عن مكان يسون رنين مغناطيسي، بس إذا في جهاز مطور بحيث مايسكرون علينا ...

أحيد الوالدة سوت من سنين بس يحطونها في صندوق بكبره، وماقدرت تتحمله ..

صح الاجهزة ثمنها غالي وااااااااايد ومب معقوله بيغيرونه كل مره ... بس يمكن في مركز

معين يكون متوفر عندهم، بارك الله فيكم إذا حد عنده فكره، لأني اليوم حسيت بعمري بختنق

يوم شفت الجهاز ..

مع إنه جهازهم يشبهه هالجهاز

http://www.alrowadclinic.com/images/mri%20machine.jpg

لكن بعد راسك يخشونه في هالدويره ... وتم من 20-45 دقيقه

اللي في الصورة يعتبر المفتوح بحيث اللي يعانون من السمنه والخوف ...

بس شوفوا هالصورة

http://www.misrscan.com/images/pic-home.jpg

إذا بيسون بي جيه مايخالف، لانه التصوير حق الظهر وهم يدخلون راسي بتخبل :fa43:

جبان

إذا عرفتوا خبروني

[مايهزك ريح]

الوالده سوولها MRI وانا كنت وياها في المستشفى .. (مستشفى دبي * اعتقد *)
عادي ما احس انه يخوف لها الدرجه
توكل على الله .. وسوها عن الزياغ .. ^_^!!

[المزوحي]

توني اتصلت بأخويه هو مسوي من شهر، أونه مب وايد يخوف، عادي عادي سير

شو بيستوي عليهم لو خلوني جيه

http://www.nhlbi.nih.gov/health/dci/images/arai.jpg

شكلي بتلي على مستشفى مستشفى وبشوف احدث جهاز ... :k_shock_1:

[رمــش الغـــلا]

awaaaaih >_< !!

ma at5yal , ana w7da 3ndy fobia mn elamaken el'6ayga !!!

.........

Esm7lee U5oy ma3rf wallah mkan okay , bs bs2al 2lly 3ndy felbait chan y3rfoon mkan

,

O twkal 3la allah O la t5aaaf O la t7aty O kl shy by3dy 3la 5aaair ..|~


Slamaaaat |~

[المزوحي]

رمش الغلا، تراني سرت ويوم بغيت ادخل، قلت لهم خلاص مابغي، وهم بكل سهولة أوكي

مب متفيجين ... وأكيد مرت عليهم حالات جيه !!

[أنامل قلب]

:

اوه سلامات أخوي ،، وطهور إن شاء الله .. !
ربي يرزقك العافيه ويديمه عليك .. .

:

هممم ،، أحيد اختي سوته من قريب // واشتكت منه بعد ..
مش لـ شي ،، لكن عـ كلامها إن خنقه واحساس بايخ لول >> لا تنحبط ^^"

بس لا صدق ،، ماحيدها اشتكت لـ هالدرجه //
يعني مابتكون إنسانه طبيعيه لو ماشتكت ،، صح !

+ شي طبيعي تضايق شوي ،، لكن اممم مادري ،،
ماجربته الصراحه عشان أحكم // ومافيني أبدي احساسي ><" !

إي صح ،، أظني مسويته ابـ عياده الأخصائيين أو شي جي ،،
ما أذكر الاسم عدل ^^"

:

[تحفه]

i have no idea! ma 3leik shur inshalla!

[مجموعة إنسان]

اووه
انا واااايد مسوي هذا
عاااادي ما يأثر ولا شي

[بحر الموده]

سلام عليكم ورحمة الله وبركاته

اخوى المزوحى سلامات مامن شر ان شاء الله

ذكريتنى بالرنين .. اذكر مره سويت ..تحس بضيق وماشىء هواء وحشره داخل والمكان وايد صغير

ولاتخاف توكل على الله ..وان شاء الله خير وماتشوف شر وربى يعافيك .. اقول لو تشوف المجمع الطبى كل شىء عندهم واظن عندهم جهاز حديث الموقع الابراج الثلاثه لى صوب سوق المركزى فى الشارجه ..والسموحه

[المزوحي]

شكرا لج اختي سكون ، بس صدق احساس بايخ، احس به مع إني مايربته !!

[المزوحي]

اختي تحفه الشر ما إييج ^_^

[المزوحي]

مجموعة انسان، عاد شو الاسباب اللي تخليك تسوي هذا، عاد هذا آخر حل يعطونك إياه !!

[المزوحي]

أخويه بحر الموده، هيه عندي فكره إنك تسمع ضجيج .... بس الواحد يتوكل على الله ....

تدري يمكن في شي يديد، وأنا باجر بإذن الله بسير أشوف ....

[شمعة أمل]

أنا سويت MRI يوم كنت في صف ثالث ابتدائي.. هاللي كل جسمكم يسير في المكيـنه ويحطولكم نفس موسيقى ويسكرون شي على راسكم عشان ماتتحركون ويلحفونكم بشي ثجييييييييل بعد.. وسويت واحد وين بس يخشون الراس داخله

وسويته في مستشفى الزهراء - الشارجه


الصراحه كان يزيغ شويه.. بس أرحم من الألم الى كنت حاسه فييه.. بس الحلو انه الدكاتره ومن ناحيتي امي كانت تقدر ترمسني من المايك الى عندها فـ ريحتني شو.. وحليلي كنت صغيروونه:tounge:

[شوق القلوب]

السلام عليكم...

ما اتشوف شر يا المزوحي..

ادري هالاماكن اتيب الضيج... بس انت ما عليك.. لا اتفكر بهالشي.. و خلك كول.. و ايلس اقرا المعوذات و ان شاء الله اتسويه و تطلع و انت مرتاح..

ما اعرف مكان يكون هالجهاز فيه مفتوح.. بس ماعليك انت اتوكل على الله .. وتم ردد في خاطرك انه دقايق و بيخلص.. و فكر بأشياء ايجابيه و انت مغمض عيونك.. او اتذكر ايام حلوه او مواقفك الطفوليه..

[المزوحي]

شمعة اظن يوم صغيره أريح، لو رديتي تسوينه الحين زياغ ...

شوق القلوب الشر ما إييج ... إن شاء الله بتوكل ... بس اقول يمكن الحين متجشع وأقولهم مابغي عقب ...

الحين بسير مسشفى من المستشفيات خلني اشوف الجهاز

[المزوحي]

سرت NMC صوب النهدة وماعندهم الجهاز وخبروني أسير الفرع الثاني صوب بوهيل، ديرة ، وسرت هناك والجهاز أرحم

بإذن الله بسير اليوم عقب الفطور ... دعواتكم

[أنامل قلب]

لا تنسنا ترد لنا خبر عقب =)

وحفظك ربي ..

[المزوحي]

سكون مشكورة على السؤال اختي، بارك الله فيكم وأشكر كل هل الواحات اللي وقفوا ويايه :blush:

الحينه شو القصه، بعد ماسرت دكتور الاعصاب، لقيت الجهاز اللي يشرح الخاطر في NMC

سرت لهم فدخلوني على دكتور عظام، وقال لازم أسوي اكس ري، قلت له البارحه مسوي

قال عيل هات التقرير، قلت له عندي الصوره، قال لا مابدخلك على MRI لين ماتيب التقرير،

قلت له وين أسير الحين المستشفى الايراني :k_no: المهم قال أوكي عيل سير سو

اكس ري وعقب انا بشوف شو تحتاج، بعد ماسويت الاكس ري الحين، وكتب لي شو احتاج اللي

في الصورة ، أدويه وحزام ألبسه طول ما أنا واعي :fa36:



http://oasis.bindubai.com/bin/uploaded/3336_01220979896.jpg (http://oasis.bindubai.com/bin)

قال زين بنسوي لك MRI قهرني وقال لازم أمشي وأسوي تمارين حق الظهر ..

وباجر الضحى موعد MRI :fa52:

[المزوحي]

السلام عليكم

طبعا اليوم مثل ماقلت لكم أمس إنه عندي موعد MRI ووصلت على الموعد :rock: بس اللي مب حلو في

السالفه يوم يأخرونك، الواحد يحاتي ( لأنه نبغي نخلص ونفتك ) ...

دقايق وقالوا يالله ادخل هالحجره وبدل :7: قلت أكي ودخلوني الحجره وعطوني تعليمات، وقلت بما إنك

دخلت مره لاتحاتي ... ظهر عني الريال وخلاني روحي وقال تراني أشوفك من الدريشه :b015:

وعطاني سدادات للأذن عسب ما اسمع صوت الدق :bash: يالله بدينا

تررررررررررررررررر طق طق طق طق طق طق وعلى هالموال ساعه وربع وانا أردد الآيات وكل اللي

في الواحات يوا على بالي .... قلت اصبر اصبر .. المشكلة إنه ظهري عورني بزيادة، والمفروض إني ما اتحرك

يعني ممنوع الحركه :fa46:

خلصت ودخل الريال وقال قم نش، الحينه شو بيقومني ماقدرت اقوم ظهري تيبس عليّه :k_no:

قلت يالللللللللللله وقمت .. وبدلت ثيابي وقالوا النتيجه بالسبت :fa54: قلت خير إن شاء الله

شليت بعمري وسرت صيدلية Super Care قلت بشوف لي موسدة صغيرونه حق الظهر وحصلت أنواع

عندهم، شي حق السيارة وشي حق المكتب .... بس خذت العودة لكل شي

http://oasis.bindubai.com/bin/uploaded/3336_01221043490.jpg (http://oasis.bindubai.com/bin)

وسلامتكم :doh:

[رمــش الغـــلا]

زيييييين سووويت ...~

يلا الحمدللهـ اهم شي كل شي عدّى على خيييير .. وافتكيييت ..!*

[ ان شاء الله النتايج اتبشر بخير ] ..~

وخبرّنا عااد من تظهر النتاايج .. ^_^

و [ الحمدلله ع السلااامه ] ..

[المزوحي]

الحمدلله رمش الغلا،، وإن شا ءالله تظهر النتيجه وبخبركم :k_special2: والله يسلمج

صدق ماشي مثل الصحه ... :m_ma9dom:

والواحد يقول هالدعاء

اللهم عافنى فى بدنى ، اللهم عافنى فى سمعى ، اللهم عافنى فى بصرى لا إله إلا أنت

[المزوحي]

هذا هو التقرير Normal ولله الحمد، لكن شو يعني العوار اللي أحس به، بتخبل الصراحه، عين ماصلت على النبي

http://oasis.bindubai.com/bin/uploaded/3336_01221299350.jpg (http://oasis.bindubai.com/bin)



المطلوب: تمارين، وعلاج طبيعي ...

[المزوحي]

مصطلحات الظهر والعمود الفقري، شي أول مره اعرفه


lumbar spine
conus medullaris
paravertebral soft tissues
canal diameters
disc bulge

مايبت شي من عندي المصطلحات موجودة في الورقة، إلا يبالنا نركز على العلاج

[رمــش الغـــلا]

يلا تستاااهل السلامة .... المزوووحي ...<|

[أنامل قلب]

يالله تستاهل السلام ،،
وربي يحفظك دنيا وآخره ..

شد الهمه عاد //
لان صدق الروتين اليومي لنا وايد يأثر عـ سوالف ويع الظهر وغيره ..
فـ حاول يعني ماتقعد وايد + لا تقصر بالتمارين !

والحمدلله يوم إن ظهر مابـ ظهرك شي ^_^ ..

... .

[عفاريتووو]

زين الحمدالله ان طلع ما فيك شي ^_^
ما تجوف شر اخوي ..

[المزوحي]

الله يسلمج رمش الغلا

سكون احسن علاج حاليا المشي، بس انا كنت امشي، شو استوى بي !

عفاريتووو .. الشر ما إييج ..

^_^

[شوق القلوب]

الحمد الله ... تستاهل السلامه يا اخوي.. :)

[المزوحي]

الله يسلمج اختي شوق القلوب ^_^

[مايهزك ريح]

سلامات يا المزوحي .. وما اتشوف شر

[المزوحي]

الله يسلمك، والشر ما إييك ....

[هزاايم]

المزوحي

ببلاد العلاج مصخره
من شهر 5 و انا اعااني من آلام لدرجه ان عادي لو مشيت مره وحده اتخرطف,,افقد كنترول
ظهرتني النتيجه عند موسى كاظم ان تاثير طيحه سابقه على الظهر ,,لكن طيحتي من زماااااااان ااايااام كنت 7 سنوات من فوق الحصان...

و يوم راجعت بلندن
ظهر بيه اللتهاب مفاااصل بفقرات الظهر و هالاتهاب توه صايير

فعااادي ببلاد الطب تجاااره
و برع البلاد افيد

يقولون ببوظبي شي دكتور سيد اوكي
و براشد شي دكتور جمال الملا بعد اوكي

انا مفااصل ف يفرق=$
بس عادي عايشه حيااتي,,اللبس كعب انااقز=q و كل شي
بس علي اني اوااضب على الادويه =q

[هزاايم]

mri
صاير شي عادي لي لووول

[المزوحي]

هلا هزايم

انا مؤخرا سرت المستشفى الامريكي عند دكتور مفتي، وخبرته عن التقارير، آخر شي قال : إنه فيّه التهاب .

واحتاج ابره في الظهره، لكن ما استفدت موووووول .... مع إنه الدكتور يمدحونه ....

الحينه باجي شيئين ...

إما احصل دكتوووور فعلا يتوصل ويشخص اللي فيّه عدل، وإلا الشي الثاني بيكون : عين ماصلت على النبي

ولاتقولون إني كل شي ارده على العين والحسد، لأنه فعلا ...... العين تودي القبر

[هزاايم]

انا آخذ مضاااد تبى اسمه=q????

صح ان العين حق,,, لكن مش كل شي صار لنا فرينه على الحسد
الله يحميك يااارب

[المزوحي]

تدرين،،، استبعدت العين، بس من امرض مافي شي يفيدني وألجأ لآيات الله

[اماراتيه وافتخر]

السلام عليكم

داشة عرض خخخخ
السموحة بس حبيت اسال اخوي المزوحي عن ظهره احينه ان شا ءالله احسن ؟؟

واذا حبيت اتعرف اكثر عن الاشعة اللي سويتها اللي هي ال MRI تراني في الخدمة ... بيني و بينك ترى هذا في مجال تخصصي تقريبا


السموحة


اماراتيه و افتخر .....

[المزوحي]

مرحبا اختي انا الحمدلله احسن من أول بوايد، مشكورة على السؤال ..

[المزوحي]

السلام عليكم

زين الموضوع موجود، ولي سؤال بالنسبة لـــ MRI

اغلبنا يخاف يدخل في الجهاز المغلق، وأنا كنت متخوف من هالشي، لين حصلت جهارز مفتوح، وسرت وسويت الفحص ..

ومع هذا الفنيين يعرفون إنه المرضى يخافون من الجهاز المغلق ..!

الوالده تشتكي من ألم في الأذن، وسارت عند بروفيسور وقالها تسوي 3 انواع من الاشعه، ومن ضمنها MRI

وهي ما تتحمل المغلق، لأنه من كذا سنه دخلت في الجهاز وا كملت عندهم الفحص ..!

وقالت تبغي تسير وين أنا سرت، لكن الفنيين رفضوا، كون إنه النتيجه على الأذن بتكون 50%


فالأحسن الجهاز المغلق، وهي متردده وااااايد .. تميت ادور وحصلت مستشفى في جميرا مجابل حديقة الصفا

MEDCARE واتصلت بهم وقالوا، يستوي تسوي، ونخاف عقب هذا النتيجه ماتكون واضحه، بغينا نسأل البروفيسور

لكن حاليا مسافر ...

حد عنده فكره عن الجهاز لو مفتوح ماينفع لفحص الأذن ( كونه إنه مايسكر على منطقة الراس ) ؟!!

[اماراتيه وافتخر]

اخوي المزوحي الرنين المفتوح بالعكس ما يعطي نتيجة زينة و يمكن يأثر على الاذن بعد عشان جي لازم يكون الجهاز مسكر عسب النتيجة تكون زينة و الصور تكون واضحة اكثر .... و بعدين الرنين المسكر ما له خوف صدقني عادي حتى في مستشفيات يخلون المرافق يكون في الغرفة مع المريض عشان ما يخاف ....