طلـبية لجـنة الـقروبـات ~ برعـاية مطعـم رؤى

[شمعة أمل]

طلـبيـة لـجنة القروبـات ~ برعاية مطعـم رؤى



السـلام عليكم ورحمة الله وبركـاته،



صباح الخيـر ومسـاء الخيـر.. وأهلاً وسهلاً بكم في مطعم رؤى..



مطعم رؤى! مطعم غني عن التعريـف في ساحة بن دبي بمـا انه المطعم الوحيـد (يقولون انه عندهم تصريح من بن دبي انه يكون المطعم الوحيد).. يعني افهمو ممنوع حد يفتح مطعم غيرنا:tongue:


فـ اشتهرت رؤى بأكلاتها الراقيـه واللذيذه من جميـع أنحاء العالم.. وأشهرهـا عصـير الزرعوني، بسـكوت دمعة شوق ، شاورمـا خيـال الحب وناجوز تـحفه. بالإضافه الى الإعلانات الكثـيفه



المطعم يعمـل برئاسة الشيـف ذو القبعه الطويـله (أكسـجيـن)، ثـم الـ *سوو شيـف* (شمعة أمل ، مهابة ، شوق القلوب ، حلم الطفوله ، ا ل غ ل ا ، قصايد غلا ، قرموشة) والأخ مجموعة إنسـان المسؤول عن غسـل الصحون:tongue:



المعـلومـات:-
مطعم رؤى
واحة المؤكولات، واحة المرأه والمجتـمع
واحات بن دبي
للإتصال: http://www.oasis.bindubai.com/bin/showthread.php?p=592556#post592556



----------------------------------------------------------------------------------


يوم الخميـس: 04-09-08


تـم إرسـال رسـاله خـاصه من لجنـة القروبـات الى كل قروبـات واحات بن دبي الذي يظم قروب ألوان، قروب عيـال زايد، قروب المـافيـا وقروب عيـال الفريج... عدا قروب رؤى:look:

نص الرسـاله:



،،،،،،،،،،،،،،،،،،،،،،،،، ،،،،،،،،،،،،،،،،
السلام عليـكم ورحمة الله وبركـاته،

قـروبـات واحات بن دبي الكريـمه.. سيـكون لديـنا اجتمـاع سـرّي في يوم الخـميس .. بعد صلاةالتراويح.. في واحة لجنة القروبـات (راح افتحها لكم بعد صلاة التراويح).. في غرفة الاجتماعات الكبيـره..
يجب حظور كل أعضاء القروبـات..

رجاءاً عدم فـتح هذا الموضوع مع قروب رؤى..

- لجنة القروبات

،،،،،،،،،،،،،،،،،،،،،،،،، ،،،،،،،،،،،،،،،،


بعد صلاة التراويح.. تم الاجتمـاع بين كل القروبـات .. عدى قروب رؤى < يحليلهم..


لجنة القروبـات: السلام عليكم ورحمة الله وبركاته.. مبارك عليكم الشهر جميـعاً .. جمعتكم اليوم عشان نتناقش عن قروب رؤى.. بعد زياراتي العديده لـ واحات بن دبي.. شفت نشاطهم والجهد الى يالسيـن يبذلونه.. وحبيت أجمعكم كلكم عشان نقدملهم هديه او رسـاله شكر نوعاً مـا بمناسبة البادره الطيـبه منهم..
ذنيني: شكلنـا بنطول عندك اليـوم
راعي الزعـامه: بـس أنا يوعـان! مافطرت عدل اليوم
بو سـنيده: أنا سمعت من ربيعي انه ربيعه مايهزك ريح ذاك اليوم طلب من مطعم اسمه مطعم رؤى.. ويمدح أكلـهم
الـشوق: مطعم رؤى!!!! ماشاءالله عليهم متى فتحو مطعم؟ وليش محد خبرني؟ هيه والله لازم نطلب منهم يحليلهم أصدقائنا:inlove:
رمش الغلا: حد عنده المنيـو؟؟ انا أحيد كزنتي ملااك الروح كانت تمدح كوفي عندهم.. اظني كان اسمه كوفي مايهزك ريح اذا انا مب غلطانه
دمعة عين: أنا بعد أبا كوفي بعد.. شرايكم نطلب دله؟؟
الملـهم: هيه يبالنا دلة كوفي
عـفاريتو: انزين والأكل؟ ليـش مانطلب سلايـس المزوحي؟
دمعة شوق: طير الحب ممكن تطلبين الأكل
طير الحب: من عيونييي

--------------------------------------------------------------

ترنن ترنن.. ترنن ترنن
شوق القلوب: السلام عليكم.. مطعم رؤى معاكم
طيـر الحب: وعليكم السـلام.. ممكن أطلـب تيك آوييه
شوق القلوب: تفـضلي..
طيـر الحب: ممكـن دلة كوفي مايهزك ريح.. وصحن كامـل سلايس المزوحي؟
شوق القلوب: ان شاء الله.. تبين شي ثاني؟
طيـر الحب: لا مشكوره حبيبتي.. ممكن توصلون لـ واحات بن دبي، الواحة الاداريه، قروب لجنة القروبـات
شوق القلوب: ان شاء الله بيـوصل في 20 دقيقه.. والحسـاب سبـعيـن درهم.. مشكوره ومع السلامه


بعد مرور 5 دقائق..
سكون: أمبيـــــــــــــه!!!!!!!!!!!!!! !!
دموع القـلم: صديقتـي شفيييج؟!
سكون: نسـينا نطلب السلطه!!!!
دموع القـلم: أي سلطة
سكون: سلطة مزن هتان! طير الحب!!!! نسـيت أقولج تطلبين سلطة مزن هتان
طير الحب :ماعليه برد أتصل وأطلبـها الحيـنه :)


ترننن ترننن ترنن ترنن

الغلا: مرحبااااا السااااااااع.. هلا والله.. مطعم رؤى speaking
طير الحب: مرحبـا، توني طلبـت طلبيه تيك آويه.. ممكن تزيدين عليه سلطة مزن هتـان؟؟
الغلا: ان شـاء الله مدام.. تبون شي ثاني؟
طير الحب: لا مشكوره .. مع السلامه




[CENTER]كـوفي مايهزك ريـح


المـقاديـر:
2 كوب حليـب
2 م ك حليب مكثف محلى
2 م ك كوفي ميت
2 م ك نيسكافيه الذهبي

http://oasis.bindubai.com/bin/uploaded/2373_01220558645.jpg (http://oasis.bindubai.com/bin)



ضعي الحليـب والكوفي ميـت على النـار حتى (يفور).. ثم ضعي الحليب المكثف واخلطيـه.. وبعده النيسكافيـه

http://oasis.bindubai.com/bin/uploaded/2373_11220558645.jpg (http://oasis.bindubai.com/bin)


بعد خلط النيسكافيه لـدقيقه او دقيقتيـن اطفئي النار..
وهذا شكله بعد مانخلص

http://oasis.bindubai.com/bin/uploaded/2373_21220558645.jpg (http://oasis.bindubai.com/bin)




بالعـافيـه

http://oasis.bindubai.com/bin/uploaded/2373_01220558986.jpg (http://oasis.bindubai.com/bin)






سلايـس المزوحي المعروف بـ hello dolly bars


المـقادير:
2 كوب بسكوت دايجستف مطحون
2 كوب pecans مقطع
2 كوب جوز الهند
1 كوب حبوب الشوكلاته semisweet chocolate chips
3\4 كوب زبده غير مملحه (ذايبه)
قوطي ونص من حليب مكثف محلى (من الكبار)


شغلي الفـرن على حرارة 160 درجه ودهني القـالب بالزبده
http://oasis.bindubai.com/bin/uploaded/2373_01220650810.jpg (http://oasis.bindubai.com/bin)


اخلطي كل المكونات مع بعض الا الحليب المكثف في مله كبيره.
1- البسكوت المطحون
http://oasis.bindubai.com/bin/uploaded/2373_01220649848.jpg (http://oasis.bindubai.com/bin)

2- المكسـرات
http://oasis.bindubai.com/bin/uploaded/2373_11220649848.jpg (http://oasis.bindubai.com/bin)

3- جوز الهند
http://oasis.bindubai.com/bin/uploaded/2373_21220649848.jpg (http://oasis.bindubai.com/bin)

4- حبوب الشكولاته
http://oasis.bindubai.com/bin/uploaded/2373_01220650275.jpg (http://oasis.bindubai.com/bin)

5- ثم نذوب الزبده على النـار ( شخصـياً أقطع الزبده لـ قطع صغار عشان يذوب أسرع) .. ثم نظيفه للخلطه
http://oasis.bindubai.com/bin/uploaded/2373_01220650275.jpg (http://oasis.bindubai.com/bin)


5- الخلطه بعد ماظفنا الزبده عليها
http://oasis.bindubai.com/bin/uploaded/2373_21220650275.jpg (http://oasis.bindubai.com/bin)


6- ثم حولي الخلطه في القالب ورتبيـها بايدج.
http://oasis.bindubai.com/bin/uploaded/2373_11220650810.jpg (http://oasis.bindubai.com/bin)

7- ثم ظيفي الحليب المكثف المحلى فوقه.
http://oasis.bindubai.com/bin/uploaded/2373_21220650810.jpg (http://oasis.bindubai.com/bin)

http://oasis.bindubai.com/bin/uploaded/2373_01220651345.jpg (http://oasis.bindubai.com/bin)

8- ثم ضعي القالب في الفرن لـ مدة نص ساعه (30 دقيقه). خليـه يبرد في المطبخ (مب في الثلاجه). بعد مايبرد غطيـه بالبلاستيـك وخليـه لليوم الثانـي قبل لاتقطعينه وتقدميـنه. واليوم الثاني بيكون جاهز:4:

http://oasis.bindubai.com/bin/uploaded/2373_11220651345.jpg (http://oasis.bindubai.com/bin)

http://oasis.bindubai.com/bin/uploaded/2373_21220651345.jpg (http://oasis.bindubai.com/bin)







سـلطة مزن هـتان المعروفه بـ سلطة الناجوز


المقاديـر
4 كوب شرائح خس
1 1\2 كوب شرائح ملفوف أبيض
1 1\2 كوب ملفوف أحمر
1\3 كوب مخلل شرائح دائريه
1 كوب ذره
1 كوب جبن شدر مبشور
3 كوب ناجوز


الصلصه

http://oasis.bindubai.com/bin/uploaded/2373_11220739576.jpg (http://oasis.bindubai.com/bin)

5 م ك مايونيز
2 م ك زيت زيتون
5 م ك خل
10 م ك صلصة فرنسيه
1\2 م ص ثوم ناعم (بودره)
ملح


الصلصة الفرنسيـة

http://oasis.bindubai.com/bin/uploaded/2373_01220739576.jpg (http://oasis.bindubai.com/bin)

1\4 كوب خل أبيض
3\2 كوب زيت زيتون
1 م ص خردل (مسترد)
1\4 م ص سكر


- حضر الصلصه وقبل سكبها على السلطه في النهـايه ضغها في مكينة خلاطة العصيـر لمدة دقيقه

- يخلط الخس مع الملفوف بنوعيـه
http://oasis.bindubai.com/bin/uploaded/2373_21220739576.jpg (http://oasis.bindubai.com/bin)

- يخلط المخلل مع الذره
http://oasis.bindubai.com/bin/uploaded/2373_01220739679.jpg (http://oasis.bindubai.com/bin)

- يكـسر الناشوز ويخلط الجبن فوق السلطه ثم تسكب الخليط على السلطه
http://oasis.bindubai.com/bin/uploaded/2373_11220739679.jpg (http://oasis.bindubai.com/bin)



مع مساعدة مهـابه وأكسـجيـن تم وضع الأكل في صناديق التيـك آويه..
أكسجيـن: مجموعة انسـان .. ياااا مجموعة انسااان!!!!!!!
مجموعة ناس: هاااه؟
مهابـه: عندنـا طلبيـه لازم توصلها لـ مكان اسمه قروب لجنة القروبات.. ادله ولا؟
مجموعة ناس: أفا عليج انا خارطة العالم.. أكيد أدله:biggrin:





وذهب الأخ سوبر مجموعة.. مع سيـكله العجيـب لـتوصيل الطلبيه لـضيوفنا الكرام

http://www.kunsthaus.org.mx/Dulce/superman.jpg




دينغ دونغ.. دينغ دونغ
بنت الدلع: منووووووووووه
مجموعة ناس: ديلفرييي مطعم رؤى at your service:biggrin:
بنت الدلع: يا ناس .. يا عالم.. الطلبيه وصلت!!
ذنيني: لجنة القروبات.. قم ادفعع! انت الى ميمعنـا يعني لازم تدفع:d014:
لجنة القروبات: بس انا مفلس.. ماعندي غير خمس رُبيات:Oo:
رمش الغلا: اويه اويه ماعندنا بيزات
ايه احبك: عندي الحل!! كل شخص يدفع خمس دراهم وكان الله غفوراً رحيـماً





بعد 11 دقيقه تم تجميـع المـال واعطائه للاخ مجموعة انسـان




بعد ساعتيـن..
بنت الدلع: رموووشيي! انا حبيت السلطه.. نايس & crunchy .. انتي شو عيبج؟؟
رمش الغلا: عيبني السلايس.. تعرفيني أحب الأشياءات السويت وكان وايد سويت:biggrin:
دمعة عين: انا بعد!!!!
لجنة القروبات: صدق بنات.. ماتفكرون الا في بطونكم.. ماشي احلى من الكوفي! يفجج الراس ويريّح البااااااااااااااال
بنت الدلع: how rude :fa44:
لجنة القروبات: لا روود ولا شياته.. انا أقولج الصراحه:m_m7tar:





نرد للموضوع


لجنة القروبات: انزين يالقروبات .. شو نعطي قروب رؤى هديـه؟؟ شرايكم نعطيهم كلهم 500 درهم رصـيد.. بس هاااه لاتنسون شمعة أمل تليفونها دو.. ف لازم نشـتريلها رصيد دوو.. هالبنت دوم غير لازم يعني تعورلنا راسنا:d014:

جميـع القروبات: تم!








وتصـبحون على خيـر جميـعاً
وان شاء الله تكونون قد كلمتكم:tounge:

[مــهــابه]

قايم سوقه مطعمنا هالأيام ماشاء الله . .


الشيف شمعه :


تسلم إيدج عـلى هالطبخ الغاوي:fa41: . .


ومطعم رؤى ســعـيد بتواجد شيف شـراتج


:fa47:

مصدقه عمرها انهم عندهم مطعم لوول

[دمعة عين]

:

وآآآآآآآآآآي .. شوهـَـآ الموضوع الطـَـر . .!*
:4:

استمتعت وآيَـد وأنا أقرى . . وتم فـ خآطري الكوفي !* :fa41:
يآخي الوآحد لازم ما يفتح مثل هـ الموآضيع وهو صآيم . . أتعب نفسيآ ><" . .

وحليلك مجموعه يآبوهآ عليـَـك .. :birgits_giggle:
طلعت إلي تغسل الصحون واتوصل الطلبيآت .. أشكر فنك صبآيآ هع هع . .

:

تسلم آنآملكم ع هـ الطرح الغآوي . .
لا عدمنـَـآ طلتكم ، ونتريـَـآ وصفآتكم اليآيه . .
،
.
.

[الا انا]

..^

خخخخ

وناسه والله ..
اندمجت وانا اقرى واتخيل هواجيس يغسل صحون ويكسرهم .. وتعصبون عليه ..خخ حراام ..

اليوم بنجرب ..كوفي ما يهزك ريح .. وسلطه مزن .. تمو بخاطري ..^^
..

ابداع شمعه .. طرح يفتح النفس .. وبالتوفيج خيتي

[الاسطوري]

وعليكم السلام ..

من ورانا طلعت اللجنة صاحبت سوالف بعد، استمتعت بالحوارات وطريقة العرض
والكوفي تقريبا نفسه اللي تعودت اشربه الصبح ولكن
بدون الحليب المحلى والسلطه
بعد حلوه،
كان ناقص ان تزيدون لنا الكمية وتوصلون الطلبية صدق مب بس نشوف ونحن
صيام :( يعني يامجموعة عليك اتييب الطلبية في
اللقاء ولا ماشي رصيد وقد
اعذر من انذر
:k_harhar1:

الاســـطـــوري
أخوكم

[مايهزك ريح]

اشتهرنا انا والمزوحي ومزن هتان ..
خلاص لازم ايسوون لنا عموله بما انهم مستخدمين اسامينا ^_^

وشكل الكوفي مالي لذيذ ..

[مزن هتان]

السلام عليكم

تسلم لنا ايدج شمعه عـ الطبخات
ابي اطعم الكوفي حسيته لذيذ، امي تقولي سويه لنا اليوم
بجرب السلطه بعد لأن ما فيها خيار
السلايس سهل و غريب

شكرا شمعة أمل & رؤى

[العجيبة]

بعد 11 دقيقه تم تجميـع المـال واعطائه للاخ مجموعة انسـان


هههه محتاجة 11 يوم يا شمعة أمل لين ما اييمعون الـ 500

وما اوصيج انا بعد عندي دووو ... ففتي ففتي .......




---- وايـد حلو الموضوع ... شغل متعـوب عليـــه ما شاء الله ...

حبيـت الكـوفي والسلطة والسلايس > كل شي كل شي >.< ترا اليوووع كااافر !

موفقين ان شاء الله !!

[شمعة أمل]

انا الحين صايمه برد عليكم بعد الفطوور:tongue:

[قصايد غلا]

شمعة رؤى شو هالموضوووع الغاااااااوي :fa34: ؟

ماشا الله عليييييج ، وايد نايس موضوووعج :laugh:


لا لا صدق صدق تستاهلون 500 درهم رصيد يا عيال قروب رؤى


عااااد أوني ما أدري بهالموضوع:whistling:

[شمعة أمل]

أفااا والله أفاااااااا
وينه لجنة القروباااااات؟ :nerd:

[شمعة أمل]

مهابه
يله عاد متى دورج؟! xD


دمعة عين
بالعكسسسسس! أحسن انج فتحتي الموضوع وانتي صايمه! عشان تيوعين وتحسيـن برمضان ^_^ بتحصلين أجر D: بس عاد انا مايخصني لاتفرون آثامكم عليه p;


الا انا
نورتييي الموضووع!!!! وييينج اميييه مانشوفج تولهنا عليج!!
خبرينيي شو رايج في الكوفي :)


الأسطوري
لاااااا هالكوفي مميز وايد ويا الحليب المكثف المحلى... غير غير غير .. تعرف ليـش؟ .. لاني انا اخترعته p:
وافا علييك.. الرصيد أهم شي.. مجموعة ناس مابيقصر.. بيبلكم جدور أكل والحسـاب على ذنيني!

[رمــش الغـــلا]

waaaaaaaaaaaaaayed nice elmow'6oo3 ...~


7bait 6ree8tkom wayed fe 6r7 ekmow'6oo3 ..... !!

Gr8 Work Group R2aaa ,,,

Than shm3oo 3l w9fet & elmow'6oo3 elnice ...~

.
.

[تحفه]

almaw'6ooooo3 7elooooooooooooooooow!!!!

[تحفه]

LAZM Y3LGOONAH!

[شمعة أمل]

مايهزك ريح
أفاا تبا ادفعنا بعد.. خلاص عيل بنغير الأسامي عشان مادفعنا:k_harhar1:


مزززززن
وعليج السلام!
هااه جربتي الكوفي ولااا؟
ومشكوره على وجودج في الموضوع (f)


العجيبه
هيه والله الظاهر يبالهم 11 يوم:glare:
وتعرفين لجنة القروبات لين الحين ماعطاني الرصيد:4: حرام تليفوني فقـير:d010:



قصايد
مشكووره قصاايد على تواجدج.. يله نتريا هال500:4:




لي عوده

[لمّــاح]

ماشاءاللـــــــه ....

مجهود تشكرون عليه الصراحة !! :fa46:

وايد انبهرت بالفكرة الحلوة .... انا متابعنكم و بتعلم منكم لوول :thumbup1:

[تحفه]

heih 9aaaaaaaa7!! mn el9b7 iwant to ask this question bs wain my nachoez??????? D: lol

[شمعة أمل]

رمشششششش
glad you liked it أهم شي قروب ألوان يعيبهم:fa46:


تحـفه
أفا عليج بس.. صور وصفة الناجوز جاهزه.. بس تريي عليناا وعلى القصه الى بتستوي.. ورمضان وناجوز مايندمجون ويا بعض .. فـ تريي لـ عقب رمضان.. بس كل شي جاهزززز:k_devil2: بس القصه بعدهاا تحت الاختراع:k_devil2:


لمـاح
من قدنا.. لماح المختفي رد علينا:thumbup1:
ترا مب بس قول بلا فعل.. خلاص انت قلت بتابعنا يعني لازم اتابعنا وترد علينا :fa46:

[مزن هتان]

شمعه
سويت الكوفي اليوم، عيبهم
ما لحقت اشربه خلصوه بس طعمته
شكلي راح ادمنه :thumbup1:

شكرااا

[شوق القلوب]

حتى انا سويتلي الكوفي اليوم .. ^_^

[شمعة أمل]

مزن وشوق :fa41:
ان شاء الله عيبهم.. بس تعالو.. لاتشربونه كل يوم.. لانه وايد يمتن عشان فيه هالحليب المكثف المحلى:biggrin:

[مزن هتان]

أنا عادي عندي أمتن !! :blush:
كل يومين أسويه، اليوم بغيت أسويه بس مالحقت
ماما عيبها :fa41:

[تحفه]

انا بعد سويت الكوفي بس اعتقد اني كثرت بالجوكلت فطعمه طلع عادي



يبالي ايربه مره ثانيه

[هزاايم]

حبييتها الفكره

والله يسلم مخكم العجيب
ماشاء الله عليكم
بجرب السلايس دوولي بار