همر H3T

[ذنـيـنـي]

طراز 2009 من «هامر إتش 3 تي» يصل الشرق الأوسط في نوفمبر المقبل



http://images2.leftlanenews.com/imageresizeronfly/phpThumb.php?src=/hummer/hummer-h3t-3.jpg&w=1200

تقرر طرح طراز العام 2009 من هامر إتش 3 تي الجديد كلياً للبيع في الشرق الأوسط خلال
نوفمبر القادم بعد اجتيازه عمليات اختبار وفحص مكثفة مصممة لإثبات قدراته المذهلة
وأدائه المتفوق في المناطق المختلفة من الطرق المعبدة والوعرة.
وتجلب علامة هامر تصميمها المتميز وقدراتها الاستثنائية إلى سوق البيك أب
من خلال إطلاق طراز العام 2009 من إتش 3 تي.


وكما هي الحال مع برامج الاختبار والفحص الأخرى التي تجريها جنرال موتورز
- الشرق الأوسط، يهدف هذا البرنامج إلى التأكيد على المميزات الفريدة
التي يتمتع بها H3T لتلبية الاحتياجات والمتطلبات الخاصة للعملاء في الشرق الأوسط
وظروف البيئة التي يعيشون فيها، بالإضافة إلى قدرته على قهر مختلف أنواع
الطرقات في المنطقة بأسلوب علامة هامر الاستثنائي.



وقال دوميندا يونانتين، المدير الإقليمي للجودة في الشرق الأوسط: «قام فريق
من مهندسي الجودة لدى جنرال موتورز بالعمل المتواصل على مدار أسبوع
كامل لفحص كل جانب ممكن من ناحية هندسة وتصميم وجودة صنع المركبة
للتأكد من جاهزية H3T لأسواق الشرق الأوسط». وأجريت الاختبارات على
شوارع المدن الداخلية والطرق السريعة وفي الصحراء الرملية الممتدة
لدولة الإمارات العربية وعلى الجبال الصخرية في سلطنة عمان.

دبي ـ «البيان

[الهيثــم]

مكينتها تقهر ، خمس سلندر .. إنزين زيدوا سلندر وااحد ..

[ذنـيـنـي]

بتنزل H3 و H3 alpha الي اتيك 8 سلندر 5.3

و على فكره ترى محركها بو 5 سلندر مش بطال
اداءه حلو نوعا ما

[الهيثــم]

5.3 بتكون دااهية ..

بس ما اتحس إنه سعر الـ H3 مبالغ فيه . . !!

[ذنـيـنـي]

HUMMER

شي طبيعي انه سعرها يكون مرتفع

يعني بسعرها اقدر اشتري تاهو و بسعر الالفا اقدر اشتري دينالي




بس طبعا حضور همر و شخصيتها غير عن التاهو و اليوكن
كل شخص و ميوله

[الهيثــم]

بصراحة عن نفسي مستحيل أفضل الـ H3 على التاهو ، والـ Alpha على الدينالي ..

محركات الـ 8 سلندر غير .. عقب ما جربت التاهو والاسكاليد كرهت الياباني إلي الشباب متخبلين عليه ..

[ذنـيـنـي]

كل حد و ميوله

طبعا الدينالي ما يعلى عليه الا الاسكاليد


بس انا عن نفسي،، احب الهمر اكثر
يعني لو يخيروني بين H3 الفا او الدينالي بصراحه بختار الـ H3 الفا لعدة اسباب

اولا محركها 5.3 8 سلندر ثانيا تستعمل نفس الجير الي على الاسكاليد
ثانيا نظام تعليقها مناسب اكثر لأستعمال الاوف رود الجامد
ثالثا خفيفة و شبابية اكثر و هالشي وايد يهمني
رابعا بالنسبة لي، احب طلة الهمر اكثر يعني جي حضورها يعجبني


طبعا وجهة النظر المقابله بتكون

محرك جبار بسعة 6.2 مع علبة غيارات من ست نسب
راحابة في مقصورة السياره بحيث انها تحمل 7 ركاب براحة تامة
له هيبة في الشارع و حضور قوي

بس مثل ما قلتلك
كل شخص و ميوله و وجهة نظره

بالنسبة لي في الوقت الحالي و دام اني شخص عزوبي طبعا بختار الهمر لكن لو كنت متزوج و عندي عائلة بطبعا بختار الدينالي

[مايهزك ريح]

اللي اعرفه عن الـH3 انه ريسها كااااااااامل يوصل 150 كم .. قهرررررر >_<
بس شكلها من داخل فنان ..
وانا مثل خطاب افضل الدينالي او الإسكاليد على الهمر .. ما اعرف ليش ^_^
وتسلم ذنيني على الموضوع

[الاسطوري]

^
أهم شي انكم مب مختلفين على المبدء الأساسي عندي بأن الـ 8 سنلدر شي
غير وهذا اللي يهمني في الموضوع لأن للحين مروا علي
5 سيارات وكلهم 8 سنلدر
والأخيرة طبعا
بتكون للإستخدام الخشن ومايبالها إلا تضبيطات بسيطه والله وياك تدش وين ماتبى
ومايهمك لو تكسر فيها شي ماتحاتي لاشنب ولا غيره
خاصه ان الورقا هالايام قايم
سوقها

[الهيثــم]

^^ بشرنا شو خذت .. !

[المزوحي]

الاسطوري الورقا حتى الكورلا تقدر تدخل بها

[الاسطوري]

^
هيه والله صدقك تشوف اللي عندهم التيما ولا كورولا داشين وحارقين سياراتهم
غصب عشان ياخذون لفه صوب الدوار وهم طالعين او
تلاقي حد منهم طايح وينتظر حد
يعبره ويسحبه
:doh:

نبى نشوف الباجيرو يقطع ورا صوب العابر
ولا شو خانته فورويل؟
:h_daleel:

[الاسطوري]

ناصر ماتحس ان H3T تحسسك انها
HST في أول وهله
:icecream:

[المزوحي]

الاسطوري يعيبك الباجيرو في الرمله ... عن تجربه

[مايهزك ريح]

هيه والله الباجبرو .. فنان في الرمله انا مجربنه يوم كان عند اخويه ..
بس خساره باعه .. والحين عنده دينالي ..
ويالس يخرشني امسات آخذ اليديد ^_^

[الاسطوري]

الاسطوري يعيبك الباجيرو في الرمله ... عن تجربه


^
صح يمشي بس حسب تجربتنا ويه غلف نيوز السنه اللي طافت في ليوا فن درايف التانكي
يدوب يسد 100 كيلو في البر وفي المقابل الجمس يصرف شويه اكثر من الربع
في نفس المسافه مع انه هذا 8 سلندر وهاك 6 يعني يخرب
عليك المزاج بالطريقه هاي ومب سيارة وحده
تقريبا 5 او 6 سيارات باجيرو مروا
علينا ماعندهم بترول!
:fa36:

[الاسطوري]

"مايهزك ريح"

جان تبى حد يمدح لك الدينالي عندك مجموعة انسان
مابيقصر بيخليك تروح تحجز وانت
مغمض بعد
:icecream:

[مجموعة إنسان]

الأكووورد وبس ههههههه

وللا ارمادا بيضا مافي احلى عنها هع هع

الديتالي خلووووه بصووووب
لو اخذته بتترايس مع كل السيايير
صدقني جرييييمه اللي بياخذه والحلو فيييه السكااااان خفيييف وثااابت


الأسطوري
كم مكينة الأرمادا ,؟
في واحد قاللي انها 6.1
صدق وللا ,, جذب
لان المصدر معروف عنه بالجذب ,,

[مايهزك ريح]

محمد صدقك... اخويه ما يصدق يشوف حد إلا وترايس وياه ^_^
حتى انا مب مخلني في حالي .. بس اقهره يوم اروح عنه ^_^
فيه شي ما عيبني فيه يوم سقته الكيج مول ماله خص على الجي بي اس 140 والكيج عاطني 160 !
موتري حمدلله نفس الجي بي اس Accurate !
امشي وما احاتي خصوصا يوم امر على الرادرات ^_^!!

[الاسطوري]

^
روحك تقول معروف عنه بالجذب يعني مايحتاي أقول ولا تدري عشان تتأكد مكينتها 5.6
من يومها إلا إذا هاي مصنوعه في الجير في راس الخيمة هذا
شي ثاني يمكن هناك مكاينهم
أكبر هههه

يقولك في مصفح يسوون هوندا أكورد ام 44 تاير هاي تتحدى دودة ام 44 شو رايك
تروح تزود عندهم صدقني بتستانس على الخط بدايتك
عند جبل علي ونهايتك عند
الشهامه
:fa52:

[مايهزك ريح]

^ هههههههههههههه

[مجموعة إنسان]

الأرمااااداااا ابيخ موووتر ركبته
ابد مب شي ومب مرييييييح
اسعاااف مب سيارة
هع هع

[ذنـيـنـي]

الدينالي ميكنته غييييييييييييييييييير بصراحه

6.2 لتر و عزمها جباااااااااااااار



بس تعالوا،، اشوفكم طايحين بالـ H3
يا جماعه انا يوم قلت اني ابغي الـ H3 ما اقصد الـ H3 العاديه ام 5 سلندر
أقصد H3 Alpha الي اتيكم بمحرك 8 اسطوانات 5.3 ليتر

ولا ام 5 سلندر ما تفوّر دله لول

[الاسطوري]

"مايهزك ريح"

حسب علمي في الغالب ان القيج يكون اقل من الجي بي اس والسرعه الصدقيه بحاولي 8 او
9 كيلو ولكن عمره مايكون اكثر يعني عشان الواحد مايسرع، وخاصه قيجات
النياسين الحبايب مستانسين اونه يمشون 210
ويخطف عليهم واحد يمشي 190
كيف ماتدري
:crazy:

[مجموعة إنسان]

اصلا الموتر لو كان 2 سلندر
وانت تسوقه يستوي قووو

[ذنـيـنـي]

مجموعة هيه والله صدقك
الارمادا من ابيخ سيارات الدفع الرباعي

احسبه محاوله تقليد فاشلة للسيارات الامريكية "الحقيقية" لول

[مجموعة إنسان]

انا اقول بعد ان اللي اشتراها اكيد بيبيعها
ياريااار تخيل انت بروووحك راكب سيارة هالكبر
عرفة وصالة وعزكم الله حمام
بيت شعبي مب سيارة هع هع

[ذنـيـنـي]

"مايهزك ريح"


حسب علمي في الغالب ان القيج يكون اقل من الجي بي اس والسرعه الصدقيه بحاولي 8 او
9 كيلو ولكن عمره مايكون اكثر يعني عشان الواحد مايسرع، وخاصه قيجات
النياسين الحبايب مستانسين اونه يمشون 210
ويخطف عليهم واحد يمشي 190
كيف ماتدري

:crazy:




:a068:

أكثر ناس يضحكوني في هالدنيا قوم بو النياسين

نيسان بترول مب ارمادا،، لا يسير بالك بعيد :a010:

[الاسطوري]

الأرمااااداااا ابيخ موووتر ركبته
ابد مب شي ومب مرييييييح
اسعاااف مب سيارة
هع هع


قصدك باص مب سيارة تدش جميرا
والدبه بعدها عند دوار
سطوة
:k_harhar1:

[مجموعة إنسان]

هههههه

كان مشرووع المتروووو بس طلع كبيير زياده يابوا اصغر من الأرمادا هع

[الاسطوري]

يمكن من أبشع ولكن الحق ينقال تشرشح النيسان على القار وفي الرملة
يعني ماشي مستوى الصراحه مع احترامي
للفتكات وأصحابهم
:fa52:

[الاسطوري]

ياشباب لاتخربون موضوع الريال ولاتطلعون عن نقاط الهمر عشان ماتنمسح ردودكم الحين، يالله امدحوا الهمر جدامي وهيه صح ترا في همر H3 أم 5 سلندر لون أحمر موديل 2007 ماشيه شويه ونظيفه للبيع بـ 130 عليها رنجات شي وعشرين ماعرف كم بالضبط جان حد يدور يعني

[الهيثــم]

ودونا السيح بسوالفهم ..

[ذنـيـنـي]

عادي شباب خذوا راحتكم الواحة واحتكم
ما صدقت اني شوي ارضى على واحة السيارات لول


الاسطوري ينقل ردك الى واحة البيع و الشراء p=

[الاسطوري]

عادي شباب خذوا راحتكم الواحة واحتكم
ما صدقت اني شوي ارضى على واحة السيارات لول


الاسطوري ينقل ردك الى واحة البيع و الشراء p=


على قولة ناس قول احلف
:tounge:

[المزوحي]

هلا ذنيني من بعد اذنك تطرقنا بسيارات ثانيه،،،

مايهزك ريح وايدين طاحوا على الدينالي

[الهيثــم]

^^ لأنها سيارة بكل ما تحمله الكلمة من معنى

قوة ، فخامة ، هيبة ، راحة ، وبسعر مناسب بالمقارنة مع مثيلااااتها ومع محرك جبار 6.2 لتر .. بـ 441 حصان ..

[المزوحي]

خطاب عيل يبالنا دينالي

[ذنـيـنـي]

الاسطوري
احلف p=

خطاب
و الاهم من هذا كله

أنك تحصل قيمة كل فلس دفعته في السيارة
محد يقهرني غير الي يشترون ستيشنات 8 سلندر على 240 الف و هم عندهم سيارة محترررررررررررررمه بسعر الستيشن 6 !!

[الاسطوري]

الاسطوري
احلف p=

خطاب
و الاهم من هذا كله

أنك تحصل قيمة كل فلس دفعته في السيارة
محد يقهرني غير الي يشترون ستيشنات 8 سلندر على 240 الف و هم عندهم سيارة محترررررررررررررمه بسعر الستيشن 6 !!


أشوف تفكيرك صوب الهمر والدينالي ياخوي هدي توك مظهر
موتر ووراك ملجه جريب شو تبى
في السيارة
:h_daleel:

^^
أوووه اسمحلي نسيت ان
الاعضاء مايدرون
.
.
.
.
.
.
.
.
.
.
.
.
.
.
.
.
.
.
.
.
.
.
.
.
هاي الإشاعات
ولا بلاش
:k_harhar1:

[ذنـيـنـي]

ما عليك
سيارتي تشلني انا و الحرمه p=


يوم بنفرّخ باخذ موتر كبير لول


^
^
^


هذا الي اييب الرمسه حق عمره
:icecream:

[الهيثــم]

ههههههههههههه ،،، بالبركة مقدمااا يا خي ..

هيه والله صدقك ..

واحد من الربع خذ استيشن 8 سلندر فل اوبشن ،، بس موتر البيت .. قريب الـ 260 ألف

والله حرام .. لو منهم باخذ لي كاديلاااك ..

[مايهزك ريح]

يا جماعه في ناس ما ايفكرون في راحتهم ..
ولا قوة المكينه اهم شي انه يوم ايوقفه للبيع ما يخسر فيه وايد
وللأسف معظمهم جيه يفكرون .. >_<

[الاسطوري]

^
وجهة نظر معقوله وهالشي تلقاه بكثره عند القطريين يقولك هناك كشختهم إنك تاخذ لك VXR
عشان يروحون فيه سيلين والعديد اما اللي بعدهم شباب يفضلون إنه يكون
V8 ستاندرد من داخل فل اوبشن ومن برع حتى
رنجات عدله ماعليه
:Oo:

ياجماعة دام هالموضوع شبه حامي كنت أبى أسأل وين بلقى حد يفهم في الاغزوزات لشغل نص نص يعني مب شي على مستوى لا المهم شي زين وخلاص او مثلا حد اييب اغزوزات بورلا من برع لأن فوكس اوكيه بس سعره شويه مرتفع حدود 5000 على كات باك بو راسين ماتسوى لسيارة اي شي وللحين ماشفت اغزوز الخليج حد يعرف مكان زين دبي الشارجه أو بوظبي؟

[مايهزك ريح]

عندك كراج السويدي .. وهاي الأرقام اتصل واسألهم

0507581118

042850930
بسرعه قبل لا يمسحون الأرقام خخخخخخخ

[ذنـيـنـي]

يوقف العضو ما يهزك ريح لوضعه رقم هاتف لوول

دام انه رقم كاراج ما في مشكلة
الارقام الممنوعه هي الارقام الشخصية فقط =)


الاسطوري
عندي ريال اييب اغراض من برع و باسعار منافسه جدا
حتى بعض الاقزوزات الي عنده شلها عنه فوكس و سوا نسخ منها و يبيعها بدبل ربيعي

بنتفاهم على هالموضوع في التجمع

[الاسطوري]

أي تجمع يابوي أنا ماروم أصبر
جيه ماتعرفني
:fa32:

[ذنـيـنـي]

تراك ما طعت تقولي شو السيارة
من اقولك تقولي اصبر و بتشوفها

و صابر و اتريا مثل ما قلتلي

[الاسطوري]

^
خبرتك عن السيارة اللي ابى الغزوز حقها، مايستوي
تخلط السالفتين ويه بعض
:mf_leia:

بعدني أتريا الرد
:a014:

[ذنـيـنـي]

الريال البارحه ما رد علي

و اليوم دقيتله و كان راقد لول


فليل ان شاء الله بكون عنده في البيت