مشاهدة النسخة كاملة : شباب الواحات تعالوا بسرعه
مجموعة إنسان
03-09-08 ||, 01:01 AM
شخباركم ,..
بعد اجتماع صغير عالمسن ,, ما طول ثواني اتفقنا انا والزعيم القوي الشجاع الفارس المخضرم ذنيني
قلنا بنسوي لقاااء الأسبوع اليااي
بيكون يوم الخميس او الجمعه
المهم اللي بيحضر خل يخبرنا ,, ,,
ووو
جاو جاو
المزوحي
03-09-08 ||, 01:04 AM
الله يجمعكم على خير ،،، ويزيد العدد ... بس لاتنسون يكون اللقاء على السحور
وونقل الاحداث مهمه ( صوووووووووووور )
مجموعة إنسان
03-09-08 ||, 01:06 AM
يالطيب انته
تعاااال ولا تتكبر علينا ,,
شمعة أمل
03-09-08 ||, 01:10 AM
تلتقوون على خييييير.. وأهم شي لاتحشون فيـنا
انا بس جي داشه الموضوع رزه p:
عذبة الروح
03-09-08 ||, 01:10 AM
احم احم
اشـُ ميلسنج هني .. طلعي بسرعه !!
مجموعة إنسان
03-09-08 ||, 01:11 AM
لا توصيييين
داااام انا موجود مافي حشش
هههه
مجموعة إنسان
03-09-08 ||, 01:11 AM
يلله انتوا الهنتيييين بسرعه بررررع هههههههه
اونه الحين عذاابه داخله اطلع شمعوو
ههه
شمعة أمل
03-09-08 ||, 01:19 AM
انزين مجموعه انا بقترح عليك شي.. عشان جي اصلن انا داشه الموضوع^_^
تسوي لقاء برعاية قروب رؤى.. ويوم تعزمهم على جاي حط لوقو رؤى على الأكوابp; كم نقطه بنحصل على هالشي؟؟ xD
عذبة الروح
03-09-08 ||, 01:21 AM
لا باباتي .. انت شوف وقت رد شمعه & وقت ردي
لاحظ انه الثنتين رادين بـ نفس الوقت
يعني رمستي .. أقصد بها عذبذب
خليتني ادخل ميلسكم مره ثانيه !!
بنت الدلع
03-09-08 ||, 11:51 AM
بس عشان تعرفون كيف البنات فضوليات
شوفو اسامي الي شافوا الموضوع
البنات اكثر عن الشباب :birgits_giggle:
ذنـيـنـي
03-09-08 ||, 12:59 PM
انا اعتذر ما بيي عندنا عرس p=
^
دور جذبه ثانيه غير هاي لول،، اي عرس في رمضان
ان شاء الله بكون اول المتواجدين
و الي قلتلي عنهم بحاول ايرهم وياي "من ذنيهم"
ياللا شباب نبغي نشوفكم
الاسطوري
بو سنيده
الحاضر الغايب
الملهم
الزرعوني
كلكلوووش
خطاب
مسافر للجفا
ما يهزك ريح
المزوحي
هالتجمع ما يصير الا مره في السنه، و انا من دخلت الواحات كل سنه في رمضان يكون لنا تجمع
و ان شاء الله يكون هالتجمع احسن من التجمعات الي طافت
ذنـيـنـي
03-09-08 ||, 01:07 PM
شمعة امل
اذا بتخلون الحساب كله على ميزانيتكم مب مشكله خلوا القاء برعاية قروب رؤى :tounge:
قصايد غلا
03-09-08 ||, 05:07 PM
تلتقون على خــيــر ، هيه صدقها شمعة
مجموعة خل اللقاء برعاية رؤى :k_harhar1: المعنوية ، و برعاية ألوان المادية :vertag:
شمعة أمل
03-09-08 ||, 05:15 PM
صدقها قصااايد
اللقاء برعاية رؤى وألوان تدفع.. شوفو الكرامه يالسين نشارك نقاطنـا وياكم:icon_rr:
مجموعة إنسان
03-09-08 ||, 05:20 PM
هذيل اللي يبون ذنيني يغير رايه !! هههههههههه
شو شبااااب
باااااااااااااارديييييييي يييييييييييييييييييييييين
الهيثــم
03-09-08 ||, 05:35 PM
متواجد .. وتمت الدعوة من قبل مجموعة انسان هاتفيااا ً لول ...
مجموعة إنسان
03-09-08 ||, 06:58 PM
لمااااااااااااااااااااااح
لا تنسى تحظر ,,
أنامل قلب
03-09-08 ||, 08:19 PM
:
.
السلام عليكم ..
يثبت الموضوع حتى يوم اللقاء ..
وربي يجمع قلوبكم على خير دوما ..
:
تقديري ..
.. .
الاسطوري
04-09-08 ||, 12:05 PM
"مجموعة إنسان"
جهز فلوسك العنوان اللي انت حطيته خلاني أسرع وجان يزخني رادار فأنت اللي
بتدفع الحين، آخر شي بس انت وناصر ويمكن اثنين
زيادة في اللقاء مثل كل مره
:k_harhar1:
الـيـاه
06-09-08 ||, 02:48 AM
تلتقووون على خـير P:
مجموعة إنسان
06-09-08 ||, 02:00 PM
اللي بيون
متى تبون تتلاقون @@
ذنـيـنـي
06-09-08 ||, 02:38 PM
شكلنا بس اربعه لول
وين الباقيييييييييييييييييييي ييييييييييييييييييييين
بو سنيده وييين و الملهم ويييييييييييييين و راعي الزعامه ويييييييييييييين
الاسطوري
07-09-08 ||, 11:05 AM
^
ياخوي يمكن هم يشوفون لقاءنا اللي بتسوونه
مب قد المقام يعني باختصار
مايتنزلون!
:k_special2:
مجموعة إنسان
07-09-08 ||, 02:05 PM
ههههههه
شوفتكم انت وذنيني وخطاب ماشي احلى منها
لمّــاح
10-09-08 ||, 02:29 AM
السلام عليكم .... :doh:
شباب انا كلمني ذنيني و الصراحة حاب اني التقي وياكم ..
لكني باجر باذن الله بسير العمرة و برجع يوم السبت ... ف حاب استسمح منكم و ان شاءالله اليايات اكثر ..
السموحه منكم ..:a054:
سفير الخيال
10-09-08 ||, 08:47 AM
السلام عليكم
كان في خاطري والله نلتقي وياكم وأنا كنت مقرر إني أحط الموضوع بس المشكله إني امداوم وما برجع إلا تاريخ 16 :3:
تلتقون على خير :smile:
سفير الخيال
11-09-08 ||, 01:43 AM
تعالوا...بالأصل تاريخ كم بيكون التجمع :k_icon9:
شكلي امغفي من الصيام يوم رديت :a116:
مجموعة إنسان
11-09-08 ||, 01:57 AM
باجر ان شاء الله
سفير الخيال
11-09-08 ||, 02:00 AM
تلتقون على خير :fa52:
الهيثــم
11-09-08 ||, 02:02 AM
محمد باجر الساعه كم .. !
مجموعة إنسان
11-09-08 ||, 02:02 AM
شو ما بتزورنا؟
مجموعة إنسان
11-09-08 ||, 02:03 AM
بعد التراويح ان شاء الله
لا تقووول ما بتي
الهيثــم
11-09-08 ||, 02:04 AM
ولين متى بتموون .. !
مجموعة إنسان
11-09-08 ||, 02:07 AM
خل نتلاقى اول
بس شكلنا بنطول شوي
الهيثــم
11-09-08 ||, 02:08 AM
يطولي بعمرك بكون مشغول عقب التراويح ، فـ يعني إذا بطولون أقدر أخطف عليكم عقب ..
مجموعة إنسان
11-09-08 ||, 02:10 AM
خذ رااحتك
وكلمنا يوم بتفضى
ان شاء الله نكون قاعدين
افا عليك
الهيثــم
11-09-08 ||, 02:12 AM
إن شاء الله وبينا كول بإذن لله
فـ المول .. !
مجموعة إنسان
11-09-08 ||, 02:42 AM
هههه
لا تسوي دعاااايه
قريب المول
بنخبرك عقب
الاسطوري
11-09-08 ||, 11:31 AM
^
لا تقص على الريال أي مول بنلتقي في كاراجات العوير
وبنشربهم كرك؛ توفير ياخي
:icecream:
الزرعوني
11-09-08 ||, 01:31 PM
يايوووووووووون ان شاء الله
المزوحي
11-09-08 ||, 01:39 PM
نصيحه ابعدوا عن المول، لأنه زحمه وخصه اليوم الخميس، سيروا تاون سنتر أبرك فاضي مافيه حد وهناك شي سيراميك
كافيه لو حبيتوا ..... المول لين ماتحصلون بارك، مابتاخذون راحتكم ..........
ويييييييه ليش اتشرط
خلاص على راحتكم
ذنـيـنـي
12-09-08 ||, 02:59 PM
بما انه كان عددنا هو اربعه فقط
تجمعنا في ثلاث اماكن
اول مكان جميرا سنتر الي مجابل ذا فلج
اخترناه لنه كان هاااااااااااااااادي
ثانيا في سيارة الاسطوري تمينا نحاوط فيها قراب الساعتين تمينا نتمشى في شوارع دبي و نسولف
و آخر شي تسحرنا في أبل بيز و رجعنا بيوتنا الساعة هنتين و نص او ثلاث
صح انه كان عددنا قليل " و هالشي مخيب للآمال طبعا "
لكن من جد يعني استمتعععععععععنا في اللقاء
وايد وايد استانست ويا الشباب
الاسطوري
مجموعة انسان
الزرعوني
شكرا لحضوركم =)
المزوحي
12-09-08 ||, 03:04 PM
ياحيكم ذنيني وزين إنكم انبسطتوا ....
بما إنه مجموعة انسان اللي مرتب اليمعه، هل ناوي يطرح موضوع يخص الطلعه ؟؟
وكيف كل واحد انطباعه عن الثاني، أو لكم معرفه سابقه ؟؟
الهيثــم
12-09-08 ||, 03:07 PM
عن جد اسمحوولي يعني ..
ذنـيـنـي
12-09-08 ||, 03:19 PM
المزوحي مب الا معرفة سابقة !
الا مطيح الميانه وياهم لول
مب بس زملاء في المنتدى،، حتى برع الواحات ربعي =)
المزوحي
12-09-08 ||, 03:21 PM
الله يخليكم ويديم المحبه .......!
المزوحي
12-09-08 ||, 06:59 PM
اهااااااااا
تبون تفاصيل ,,
انا وناصر كنا لابسين كاب
والباقي متعصمين
..
مممم
انا وناصر طلبناتركش
الأسطوري طلب هوتجوكليت والباقي ما بس اضن المقاتل وخطاب وعاشق القلم شربوا عصاير
زييين
قعدنا لين 1 أضن .
وبعد شو تبووون
ممممممممممم
المهم وراي خط العين الحين ..
اذا ما خبروكم الشباب بخبركم عقب ..
هذا العام والسنه ؟؟؟
ذنـيـنـي
12-09-08 ||, 07:44 PM
هالسنه تقريبا نفس الشي
انا تركش ميديم
و مجموعة انسان تركش سويت
الاسطوري هوت جوكلت
و الزرعوني طلب ماي
و التفاصيل الاخرى
يوم في السيارة انا سقت سيارة الاسطوري،، كنت اجربها تميت احاوطبهم
و الاسطوري يلس حذالي
و مجموعة انسان وراي
و الزرعوني على الكرسي الي ورا عاليمين
و تمينا نحاوط الين ما يعنا و عقب يوم وصلنا عند الباركنات كنت ببركن عند الرمل بس عقب الاسطوري قالي انه مغسل و حصلنا بارك "شوووي" ابعد و وقفنا فيه عشان ما نخيس السيارة رمل و غبار
و في ابل بيز خذنا الطاولة الي على الكورنر و الزرعوني كان تعبان من اكل المزرعه فـ طلب سيزر
انا و مجموعة انسان طلبنا برغر يديد نسيت شو اسمه بس كان واااايد لذيذ
الاسطوري طلب سلطة سيزركـ ستارتر و بافلو وينغز و بافلو وينغز كـ مين كورس
و عقب سرنا الضيافة اتطمشنا شوي و ضحكنا على الي يغازلون هناك p=
و عقب ردينا صوب سياييرنا و كل واحد رجع لبيته
المزوحي
12-09-08 ||, 07:58 PM
ذنيني .... مرات يوم عندك ربع قدامى غير عن يوم تظهر مع ربع أول مره وتستوي مواقف ، يمكن كل واحد يكون متحفظ
شويه، بس شكلكم انتوا لا .. صح ولو لكم معرفه سابقه، بس مب تووووو متش ....
الاسطوري
12-09-08 ||, 08:13 PM
و تمينا نحاوط الين ما يعنا و عقب يوم وصلنا عند الباركنات كنت ببركن عند الرمل بس عقب الاسطوري قالي انه مغسل و حصلنا بارك "شوووي" ابعد و وقفنا فيه عشان ما نخيس السيارة رمل و غبار
^
انك تدش الرمل والموتر مغسل هاي
فيها دم لين الركب
:icecream:
الـيـاه
12-09-08 ||, 09:41 PM
^
لووووول
يعني الباجين خونوا فيكم P: ................ تلتقون فالجنه!
شمعة أمل
13-09-08 ||, 01:01 AM
أول مره لقاء شبابي يكون جي صغيير
ان شاء الله استانستووووو.. وغيرتووو جوو
أنامل قلب
14-09-08 ||, 10:55 AM
السلام عليكم ..
عساها لقاءاتكم دايمه ،،
وربي يثبتكم عالخير كلــه ..
بنزل من التثبيت ،،
والسمــوحه من الجميع ..
.. .