ذكريـات ألوان الطفولية ~ المدرسة ~

[رمــش الغـــلا]

http://oasis.bindubai.com/bin/uploaded/2211_01218199177.gif



مثل ما سبق وتكلمنا .. عن ذكريات أعضاء قروب ألوان وأعضاء الواحات مع الدّكان ...


.
.


في هالموضوع راح نتكلم عن ذكريات ألوان ... " المدرسية "


كل منّا مر بمراحل دراسية مختلفة سواء روضة .. ابتدائي .. اعدادي و ثانوي ...~


وكل مرحلة لها مواقفها المفرحة والحزينة والمضحكة :fa51:


.
.


وهالمواقف مطبووعة في ذاكرتنا ..~


من منّا ما كانت لهـ مواقف مع المدرسين ... المدرسات ... المدير ... مسؤولي النظافة .. اللي
يـ \ تـ بيع فالمقصف ...~


المقالب ... الامتحانات .. الشردات ... الوقفة في آخر الصف ..~


ووااايد ... واااااااااايد أشيا لو رمسنا عنها ما بنخلص ..~


.
.


أتمنى إنكم تشاركوني بمواقفكم وذكرياتكم عن المدرسة :inlove:


.
.


:m_9afgah:




ما أعرف شو من المواقف اللي أتكلم عنها بس أذكر موقف من كم يوم كنت أذكره لخواتي ..~


كنت في صف أول ثانوي "عاشر" ..~


وكانت عدنا حصة فراغ ..... يعني فاضين ونحوووط فالمدررسة >_<


.
.


وهالشي طبعا بيكون مممنوع بما إن كل الكلاسات الباقية يدرسون لانهـ عندهم حصص !!


تمينا نتمشى لين شفنا ظل الاخصائية لووووووووول ...~


بس واقفة جدام باب حجرتها ونحن جيه :fa54:


ما وعيناالا وحدة من البنات اتقول اركضوا شرررررردة


سرنا سيدا الطابق الثاني ونزلنا الصوب الثاني صوب كلاستنا


والاحلى إن الاخصائية من شافتنا نركض يت ولحقت وراانا هههههههههـ ..~


ونحن


من الذكااء الزايد ... حذال كلاسنا المكتبة ... سيدا دشينا المكتبة


وكل وحدة قبضت لها كتاب


شوي الا والاخصائية ياية
.
.


قالت : شو هالثقااافة اللي نزلت عليكم ؟؟


ونحن جيه :fa52:


اونـهـ بلاهاا !! شكلها مغلطة ههههـ ,,~
مشكلة الاستعباط يوم يطلع لوووول ..!!


شوي وقالت يلا كلكم ردوا الصف ...


ونحن ميتيييين زيغة لانها ما ترحم :7:


.
.


عقب ردينا الصف وطبعا قالت يلا اللي ركضوا كلهم ينشون ..~


وأنا اوني عااد الأمينة ... أول وحدة نشيت ههههههه ..!


:pullhair:


.
.


وياريتني ما نشيت لانه نص البنات ... طلعت نذالتهم وسووا عمارهم بريئات وما نشوا :a116:


.
.


وعقب طبعا ودونا الإدارة وحصلنا تهزييئة حلوة وردينا الكلاس ..~ :sad:


:pullhair:


.
.


ها موقف من الموااااااااااااااااااقف اللي مريت عليها


إن شاء الله راح أذكر لكم مواقف ثانية ..


عقب ما أشوف مشاركاتكم بمواقفكم المدرسية ..~ :k_smartass:


/
/



بنت ألوان





رمــش الغــلا
.


http://oasis.bindubai.com/bin/uploaded/2211_11218199177.gif

[دمعة عين]

:

ههههههههههه .. لول !*
انتوآ شرآتنـَـآ عيل ، نحن كنـَـآ كلاس علمـَـي ، بس والله إلي يشـَـوفنآ
يقول انتوا أدبي .. هع هع

أنآآ من دشيت ثآني ثنوي اخترب ، أتعلمت الشرده ع أصولها ، http://www.mrkzy.com/uploads/4536321888.gif
الصبــَـح كنآ لازم انسير نيلس فوق ونتريق برآتا وجبن كرآفت . . !*
وآكبــَـر طآف حق الطآبور ، في الحصه الأولى أنا كنت أنزل وأحضرهـَآ بس توآمي اتكمل رقآد . .
يقولكم كنآ فآرشين زوليه ، ومحطين مثل مكآن انخش فيه المؤوونه . .
محد يدري عنه . . !*

وفـ ثآلث ثنوي ، شردآتنآ كلها كانت عشآن انحل وآجب الفيزيـآ .. http://www.mrkzy.com/uploads/0baa45c908.gif كيف كآن يعقدني ..

أذكـر مره عقب الفرصه ، كنآ يآلسين ورى المدرسه ، أنا وتوآمي ووحده ويآنآ ، عقب ماكلينا وجيه
تمينآ انذآكر مع بعض . . رن الجرس وعقبها كانت حصه دين . . قلنا بنسوي طآف وما بنحضر علينآ امتحآن
ونبى انذآكر . . شوي ولأنه المديره والوكيله يسوون جوله فـ المكآن إلي نحن يآلسين فيه ..
قسم بالله ركضت ركيـَـض والله صدقوني كنت بسويها وبحوم اليدآر من الزيغه . .
بنتبهدل آخر بهدله ، والسمعه بتم فـ الحضيض إذا شأفتنآ . .
عآد أنا كله ولا سمعتي بين المدرسآت . . http://www.mrkzy.com/uploads/4536321888.gif > زلمووكآ من الخآطر !

الله ستر كآنت هنآك مثل طآولات وكرآسي فوق بعض انخشينآ ورآهآ لين ماسآرت .. هع

و
وآيــَـد سوآلف . . يمكن أرد أكتب عنهــَـآ خلاف . .
:

دمعــَـه المآفيـَـآ خطفت من هنيـه . .
http://oasis.bindubai.com/bin/uploaded/6283_01218104194.gif
،
.
.

[مــهــابه]

نـآيس الموضوع ~ !* . .


~ أنـا بعـترف أني كنت الطالبه المؤدبه المشاغبه . .


يعني أحيان أستوي بريييييئه مايخصني بشي . .

بس تعالي لو البنات يبون يأجلون امتحان ، على طول عنديه انا . .

مسويني محاميه دفاع . .

طبعـاً كانوا يقولون عنا ( عـلمي متأدب ) يـعني بس فوضه علمي

اونه لازم تكونون فـ الأدبي أبـرك . .


وااااايد كنـا مستهترين . .


بس المره اللي احيد انهم نزلونا كلنا ع الاداره يوم مباراه العين وحـد

فاينل

وتخيلوا كان عندنا امتحان احيـا

وطبعـاً الشله كلها عيناويه ، تقريباً 9 بنات

فـ قررنا انه ماندرس للأمتحان ولو سألتنا المعلمه نخبرها بالصـدق

يـعني كنَا مشغولين فالمباراه


كانت علينا الحصه الرابعه احيد ، وزعت الأوراق ، كل وحده اطالع الثانيه

جاوبنا على سؤال أو 2 وسلمنا الورقه


والمشكله بأن شلتنا هي ( الشعله ) فـ الصف

يعني بدونا البنات رقووود

يوم شافت الأبله الاوراق ، حدرتنا كلنا للإداره لوول . .


وحصلنا هـزاب مابعده هـزاب . .




~ في مواقف وااايد بـعد استوت لنا


~ أحيد مره أبله الرياضيات تشرح عن التكامل وما ادري شو ، فـ كنا ماخذيين
شي عن التكبير والتصغير


فـ كل ماتكون الأبله [ تكبير ]


البنات يقولون : الله وأكبر . .


لين ماطلعت المعلمه من الصف وحلفت انها ماتعيد شرح هالدرس


~ وبس



تشكرات يـا قـروب آلوان على الموضوع الحلو

[رمــش الغـــلا]

دمعوووتي ..~

[ لووووووووول ] مشكلة عااد بنات العلمي يوم يشاغبوون ...

محد يقولهم شي >_<

.
.
انتي شراتي أشرد واسوي سوالف ... بس المهم ما تخترب سمعتي عند المدرسات ..
[ كنت الزلمة بين ربيعاتي ] لوووول ..~!

مهـابهـ ..

ضحكتييييييييييييييييييني ع سالفة التكبير ....~
[ ههههههههههههههههههههههه ]
.
.

ما اتخيل الموقف ...~
من حقها المدرسة يوم تظهر من الصف وما تشرحلكم عقبهـ .. هع

[بنت الدلع]

فـ كل ماتكون الأبله [ تكبير ]



البنات يقولون : الله وأكبر . .




:hysterical: ماااا اتخييييل
هههههههههههههههههههههههه


والله انكم سواااالف
بس حبيتها هذي علمي متأدب


---


لو اقوولكم عن موااقفي يالله ماااتخلص


خله ابدا من صغري لول
في موقف جد ذاكرتنه قبل الواحات


عاد اوني كنت شاطره يوم سوولي الامتحان قالوا ما بندخلها روضه على طول تمهيدي
اووووول يوم لي في المدرسه
كنت في التمهيدي
بابا نزل وياي وخلاني في الساحه وين الكل يالس وقالي اخر الدوام بمر عليج
وانا جيه امبهته
وين هالمكان العجيب الغريب الي فيه وايد يهال وكلهم لابسين مثلي


اني وي دق الجرس
وشفت الكل دش
وانا جييه مبهته شو سالفة هالجرس وليش يوم سمعوه كلهم دشوا
تميت بروحي ماب عارفه وين اسير


افكر اصيح ولا اتريا شوي
ادش وياهم ولا وين اسير


اخر شي مشيت وتميت واقفه في الكوريدور (ممر)
وكلحد في الكلاسات
والي خوفني زياده
اني اشوف حريم في الكلاسات
تميت اقول في خاطري بابا وين يايبني ؟!! :fa36:
هذا مكان كبار
شوي اشوف يهال
اقول لا ها مال يهال


ماعرفت والله شو هالمكان بالضبط هههه


اتااريهم هذيل الامهات داشين ويا عيالهم ويالسين عالكراسي الصغيره


اخر شي اتساندت عالايدار وتميييييت اصيييييييح
والله شكلي كان يغمض
بابا الله يهديك انزين تم وياي لين ماتبدا كلاساتنا


اخر شي ابلتي طلعت من كلاسي شافتني اصيح
ويت تحظني وادخلني داخل


منووووو يقوووول ادش ويااااهااااااا


ههههههههه تميت معااانده وهيه تعااالي داخل وتحاول تقنعني
اخر شي شلتني
يوم دشيت الكلاس الكل يطالعني
وانا امشي وامشي
ماكان فيه مكان الا آخر درج
عدال واحد مصري
اسمييييه كرهته
والي قهرررررني زياده انه لانج بوكسه شراتي
يوم رديت البيت قلت حق ماما تاخذلي واحد يديد لول



هيك يعني :fa35:


تسلمين يا أمر على هيك موضوع


(ان شاء الله) لي عوده لان سوالف المدرسه ابداان ماتخلص لول

[بنت الدلع]

اتذكرت شي

لول الله يعينكم مني

يوم كنت صف رابع
عاد فرقونا عن الشباب كبرنا اونه لول
اني وييز مدرستنا كان فيها نظام والحلو ان الكل يتبعه

قبل الطابور كلنا نوقف بأدب وشنطنا عدالنا
المهم ذاك اليوم انا كنت الوحيده من كلاسي الي وافقه في الطابور اوني اشطر وحده لول

الشباب الي كانوا ويانا صف ثالث كانوا يحومون صوبنا
حق الطابور الشباب يوقفون صوب والبنات صوب
فشكلهم مب متعودين يتمون بروحهم لازم يلعوزون البنات

انا واقفه واحس شي ينفخ على شعري
شرات نسيييييم بااااارد
بس مطنشه
اخر سمعته يقول: هاي ماتحس من متى يالس انفخ
ههههههههههه
في ايده شرات البيب (سترو) ويالس ينفخ
وعقب بكل برود صديت عليهم اوني عاد من صغري ما اسوي سالفه لذوي الجنس الخشن
اول ماصديت كلهم شردوا :fa56:
اونه شرررررده

عشان لو المس شافتهم يايين صوبنا يا ويلهم

وايد كانوا شياطين الشباب


------


تحيدووون الطييين ؟.. (صلصاااال)

اسمييييه كنااا نتخبل علييييييه
عندنا حصّه خاصه باللعب في الصلصااال
عاد نحن شو نسوي
نحط الطين عالارض وندوس عليه بالجوتي
عشان تطبع الديزاينات الي على قاع الجوتي :k_harhar1:


أيااام والله

[شمعة أمل]

مدرستـنا فيها حديقه يابانيه وحيونات.. يمكن ثلاثيـن طاووس.. وشي كمن طير غريـب وسمج في نفس نهر وجيه! فـ مع هالأشيـاء .. من فتره لـ فتره يطلعلنـا حنيـش:look: وانا كله ولا الحنيـش اميييه فيّه فوبيـا منهم..
تخيـلو.. مره اختي الصغيره في الكلاس ولا ربيعتها تحس بشـي عند ريولها.. ويطلعلها بيبي حنيـش!
واختي الكبيـره كانت تتمشى صوب الدايننغ وتقولي فجأه اشوف حنيـش واقففف يطالعني جان اشرد ويلحقني!!!!!!!

وانا خلاااص اصيحلهم في البيت مابا اسير المدرسه!.. وعقبه.. ربيعاتي حصلوو بيبي حنيـش ميت من كثر الحر محترق ومتيـبس.. ف يابوه داخل وعندي وانا والدموع في عيني واقول لـ بثيـنه والللللله لو ماتخوزينه مني ياويلج.. فييه فوبيـا منه ارجوج ابتعدي عنييي!! والحمدالله كنت *الوحيده* الى ابتعدوو عنها.. باقي البنات يصيحون ويصارخون ويشردون:look:


بعدين مره.. كنت يالسه ويا ربيعتي شما في الحديقه اليابانيـه .. وشي جسـر في النص يفصل الحديقه لـ 2.. وشي يلستيـن كبار في الظله من خشب على كل صوب.. وانا وهي ماخذيـن راحتنا يالسـين ندق سوالف.. والحديقه اليابانيه مزينه بحصـا وجي! وصوبنا شي حصاتين كباااار وشي فراغ من بينهم..
والصوب الثاني من الحديقه أبله عيوز مال ساينس ويا بنات حصلو حنيـش.. البنات يبون يذبحونه والابله ماطييع..

المهـم
يت وحده من الأبلوات تمشي صوبي وصوب شمـا ونحن بعدنا يالسيـن.. ولا فجأه نشوف الأبله تتخرطف واطيح جدام عييييناااااااا.. وعلى حظها وايد بتييت وسدت بين هالحصاتيين!! وتعورت والمسكيـنه منسدحه ماتروم تتحرك.. وهي الا مترررر مناا .. ونحن شو نسوي؟!! ماتحركنااااا!!:4: بس جي يلسنا نطالعهـا لا ضحكنا ولا سوينا شي بس يلسنا نطالع:4: ولا نشوف جيـش أبلوات وبنات يركضون من الصوب الثاني ياين ينقذون الأبلـه!! وتخيلوو! آخر شي طلعت الأبله حامل:look:

فضيـعات


لا بعد.. عندنا أبله مال عربي.. أسمها مس باهيـه.. مووووووول ماندانيـها.. فـ مره على ولا شي هزبت ربيعتيي وغلطت عليها.. وربيعتي في خاطرها تمت تدعي عليها.. ولاتنسـون *مدرستنا مزينه بحصاا وشيـر*.. ولا تحصلون اليوم الثاني الأبله لابسه نظاره شمسـيه وماتعقها.. عقب شفنا ورم تقولون حد عطاها بكس في عينها.. تعرفون شو استوى؟؟ كانت سايره بناية الأبلوات وجان تتخرطف واطيح على ويهها على حصا:4:

[رمــش الغـــلا]

بنت الدلع ...~

اسميج عنيييييييييييييييده من صغرج [ لووووول ] ..

أحلى شي الولد المصري مسكييين هههههههههههههههه !!*~

.
.





انا واقفه واحس شي ينفخ على شعري
شرات نسيييييم بااااارد
بس مطنشه
اخر سمعته يقول: هاي ماتحس من متى يالس انفخ
ههههههههههه
في ايده شرات البيب (سترو) ويالس ينفخ










[ لوووووووووووول ] ما اتخيل .... [هههههه] ،،

يحليلج والله ... أحسبج كنتي هادية وشريرة نفس الوقت هع ..!*
والاولاد يأذونج ...~


نتريا مواقفج بعد .... لاتبخلين علينا !!~
:inlove:

[رمــش الغـــلا]

شمعة امل

[ حنييييييش عاد ] ما اتخيل >_< ..!*

وفالكلاس بعد ... مب متخيلة الموقف !!!!!

لو انا مكانج بنقز عالطاولة وبصيح ههههههههههه ...~
.
.

محد غمضني كثر المس الحامل حليلها .. يوم طاحت وانتي وربيعتج تطالعونها ..

[ لوووووووووول ]

نتريا مواقفج الباقية ....~

[قصايد غلا]

حلوة مواقفكم و ذكرياتكم :biggrin:

شكرا على الموضوع الحلو يا رمش الغلا :fa35:

[شمعة أمل]

تذكرت حركه سوينها في وحده من البـنات..

كنـا في صف 8 مادري 9 وصفوفنا في المدرسه صغااار يعني جي 15 بنت في صف
وفي صفنا شي بنت بريطانيـه دبه وايد وشعرها برتقالي وكانت وصخه شوي وأمها مدرسـه في مدرستنا
كان عندنا حصة سباحه وحطوني انا وكم من بنت وياها ولاعت جبدنا غير انها كانت اتبطأناا واايد وكنا في مسابقه فـ خسرنا وهي السبب.. قهرتنا وايد وايد!

عقب حصة السباحه كان عندنا حصة موسيقى.. ولاسبوعيـن كانت الحصه عن الموسيقى الافريقيـه ويابولنا طبوول افريقيه وخرابيط افريقيه.. والى نحن لازم نسويه *وعليه درجات* انه نألف غنيه افريقيـه.. وتموو يوزعونا في غرف في الart department.. وفروني انا وقروبي في نفس store room مخشوش وصغيـر

من بنات قروبي ربيعتي شمـا الى طريتها فوق:biggrin: وربيعاتي الثانيات.. كنا خمس بنات! وطبعا كنا أول ناس نسير ركض نشل الطبوول:biggrin: بس ماشاءالله كل طبل لازم 3 بنات يشلونه! وااااايد كباار بس وناسه

المهم

كنا في غرفتنا الصغيـره.. ومن قهرنا من هالبنت.. قلنا بنسوي الغنيه عنها:hysterical: ومنو الشريره الى يابت كل الكلمات؟ أناااااااااا:hysterical:

أسم البنت "تانيا" .. ف انا شو ألفت... "تاااايوووو تأأنيااا بوشززز بوشزززز" وطبعاً في نص الغنيه قمنا نخرف كلمات نفس ويووو ويوو آآآيووو كااايوو < اونه رمسه افريقيه:hysterical::hysterical::hysterical:

وجان ايي اليوم الى لازم نقدم الغنيه :hysterical::hysterical: *اخخخخ بطني يالسه اضحككك صدق خباال كنا*
المهم
جهزولنا الغرفه
والأبله شغلت كيمرة الفيديوو لانه لازم تسجـله
وخلينا وحده من البنات تبدى بـ تاااااااايووو تأنيــا *عقب كلنا نقوول بصوت يخوف* بوشززز بوووشززز:hysterical::hysterical::hysterica l: تخيلو الموقف بس ويا طبوول وكل شي:hysterical::hysterical:
وتسمعووون كل الكلااااااااااااااس يضحك لانه خبرنا كل البنات سالفة الغنيـه الا هالبنت.. وهالبنت مستااااااااااانسه وتغني ويانا تتحرا الغنيه شييي :hysterical:
ويوم الأبله تسألنا معنى الكلمات نقوللها عن الغابات في افريقيا:hysterical::hysterical::hysterical: :hysterical:



لا بعد
الأسبوع الى عقب الأبله خلتنا نغني هالغنيـه لاسبوعين:4::4::4::4:

http://www.youtube.com/watch?v=m_eYoGMCZqU

انا كنت ويا مجموعة البنات الى لازم نقول اويمبويييه اويمبوووويه :hysterical::hysterical:

[قصايد غلا]

ههههههههههههههههههههههههه هههههههههههههههه شمعة هلّكتيييييييني من الضحك =D

من وين يت هالأفكار العجيبة و كلماااااااات الأغنية :fa56:


ما أتخيلكم تغنون ويصورونكم :whistling:

[شمعة أمل]

أيااااااااام:hysterical:

[رمــش الغـــلا]

الأسبوع الى عقب الأبله خلتنا نغني هالغنيـه لاسبوعين:4::4::4::4:

http://www.youtube.com/watch?v=m_eYoGMCZqU

انا كنت ويا مجموعة البنات الى لازم نقول اويمبويييه اويمبوووويه :hysterical::hysterical:


Co0oOOo0l Wallah ...~

a7s Wanaaaaaaaaaaasa !!!~

:4:

...

/

yaalah 76eelna mwa8f b3ad ...~ :thumbup1:

[الـيـاه]

رمش الغلا
أول شي تسلمووووووون على هالموضوع الحلو ويسلم قروبكم
لوول ع الهزاب :fa51:اسميني اكثر وحده فالحياه انهزبت فالمدرسه بس آخر شي اطلعهم غلطانين ههه *Devil*

شمعة أمل
لووووول ضحكتيني على سالفة الاغنيه!
انتي اللي يشوفج يقول هاي بريييييييئه مالها خص
بس آخ منج آآآخ :k_harhar1:هههههه (K)

---


اظني قلت هالسالفه بس ما اذكر وين كتبتها!! شمعوه تعرف عنها لول
مره كان عند امتحان دين ومن كثر ما كنت متوتره .. نسيت اسمي :hysterical:هههه
الابلة كانت اردنية .. وهي يالسه تحوط انتبهت عليّه اني مب كاتبه اسمي ع الورقه ..

الأبله : وين اسمك! لول
أنا : هاه اسمي !!؟ ..... شو اسمي ؟ :k_puppyeyes:
كلهم ظحكو يتحروني استهبل عليها هههه
الأبله : بلا مزح اكتوبي اسمك
أنا : انزين انزين >.<

سارت عني وبعدني ماعرف اسمي :fa54: شو اسوي شو اسوي تميت افكر مارمت اتذكر ههههههه
بعدين صديت على ربيعتي ميثا وجفت اسمها ع الورقه
جان اسير واكتب اسمها على ورقتي ( وانا متأكده انه اسمي ميثا الفلاني ) هههههه مع انه مول مايخصه
والله ماعرف شو كان فيني هاليوم * زهااايمر * لووول XD

صدت البنت على ورقتي وتمت تضحك .. وانا جي :boxed: انا بصوت واطي : شبلاج ليش تضحكين ؟
ميثا : ليش كاتبه اسمي ؟
أنا : ماكتبته ... وين كتبت ؟
تمت تضحك مب رايمه تحل بس منزله راسها لووووووووول
وانا في خاطري : بلاها هالمينونه!! O_o ( محد كان مينون هذيج الساعه غيري ) :fa56:وكملت الامتحان بكلللل ثقه انه اسمي ميثا

بعدين على آخر الامتحان * الحمممدالله * نزل علي الوحي
وتذكرت اسمي :doh: مادري كيف لووول هبله


.
.
.

[ذنـيـنـي]

ههههههههههههههههههههههههه ههههههههههههههه

من زماااااااااااااااان ما ضحكت بهالطريقة خخخخخخخخ


"ام سلوم" الي فوقي جتلتني من الضحك !!
عيل في حد ينسى اسمه لول :h_waa:



=============


احيد يوم كنت في التمهيدي كنت وااااااااااااااااااااايد اخاف من المدرسة و في نفس المدرسة كانوا عيال عمي وياي. كان عندي بنت عم في كي جي 1 و انا كنت في كي جي 2 و بنت عمي العوده في ثالث ابتدائي و الي اكبر منها في رابع ابتدائي

عاد بنات عمي الكبار على حظهن "التعيس" انه انا و اختهم الصغيره كنا وياهم في نفس المدرسة
حليلهم كانوا كل يوم ييلسون ويانا في الصف الين ما نهدأ و عقب يسيرون عنا لول

و شي ثنين من الي وياي في الصف طلعوا عيال ربيعات الوالده "الوالدة كانت مدرسة و الحرمتين مدرسات وياها" فـ مره كانوا مسوين عزيمه في بيتنا لأنه تحولنا بيت يديد فـ كل وحده يايبه عيالها و انصدمت انه هالي يايين هم نفسهم الي وياي في الصف لول و تميت مب طايع ارمسهم لأنه اضاربنا على الحمام في اليوم الي قبله ! كنت ابغي ادش الحمام و هو يبغي يدش الحمام و كل واحد يقول انا قبل لول

:woot:

يوم كنت في صف خامس كنت صدددددددق انسان مشكلجي "بجكي" لول
احيد على اخر السنه سرنا انا و ربعي "نفسهم الي شفتهم في بيتنا" و تسلطنا على المخزن مال المدرسة
كانوا حاطين في المخزن ثياب المسرحيات الي بيسوونها في الحفل الختامي
عاد قمنا انا و ربعي و حصلنا في المخزن الوان مال حصة الرسم "كانت الالوان تنحط في غراش" و قمنا و شلينا الغراش و رشيناها على ثياب المسرحيات و خيسنا المخزن بالكاااااااامل بالالوان و صبيناها على الدفاتر و كتب المدرسة و حتى قمنا نصبب الالوان في غراش النسكافيه عشان نخسرهم


و عقب طلعنا من المخزن و "كأن شي لم يكن"
:whistling:

و في آخر يوم من المدرسة في نفس السنه قررت اني انتقم من مدرس في المدرسة مره ضربني ضرررررب و هزأني جدام الاولاد بسبب شي سواه ربيعي :a046:

تخيلوا شو سوييييت !!



تحيدون القنبله الخضراء الي صوتها "عااااااالي" و يكون حجمها تقريبا بحجم قبضة اليد "بكس"
شليت وياي ثلاث من هالقنبله و فريت هنتين داخل سيارته و نقعتهن و احترق الكرسي ماله لول و عقب شلينا طفايه الحريجه من المدرسه و طفيناها "مب عشان نطفي الحريجه !! عشان نخيس سيارته بهالشي الابيض الي في الطفاية " و بككككل قوة ويييه سرنا و قلناله اللللحق استااااذ سيارتك احترقتت و قلناله بس نحن تلاحقنا عليها و طفيناها بطفايه الحريجه لول

حليله تم يزااااعق و يكفخ راااسه من القههههر لول
:look:
و طبعا محد جكنا لأنا كنا دارسين الجريمه الي سويناها عددددددددل
:devil:


لي عوده مع ذكرياتي "الطفولية" :b015:

[شمعة أمل]

يقولون.. شمعة أمل كانت في year 9
وكانو حاطينها في لفل عالي في الانجلـش.. والأبله كانت تكرهني كرهه ماشفتوه في حياتكم.. بس بعد الرييسيرج اكتشفت انه تكرهه اي حد اسمه ولا اسم عايلتهم بـ حرف الـ ميم.. حتى بنات الشيوخ ماخلتهم في حالهم
كانت نحسه نحسه نحسه
وكله تحط علييه

وانا حساسه وقلبي طيب.. ف يتنا اجازه انه ويك اند ويوم السبت اجازه *كان على ايام يوم الخميس اجازه*.. فـ أمي قررت تسفرني لندن أغير جوو.. لاني كنت أرد البيت أصيح والسبب هالأبله.. غير انها مره استخدمت كلمه بايخه وسبـه في الكلاس.. وانا مستحيييل حد يسب جدامي.. انا ضد شي اسمه سب وكل شي.. وهاي أبله والمفروض تكون قدوه لنا وسبت!

المهم اسمها مس خطوط.. يعني miss lines

المهم كنا نشتغل في قروبس وانا كنت عاطيه الأبله ظهري يالسه اشتغل على poster ووحده من البنات قالت "ياحظها شمعه بتسيـر لندن لويك اند" .. جان هالأبله تيي وتقول shes such a spoiled brat هذااااااااا ووحده ويايه في الكلاس بتسـير العمره ولبنان وبتغيب بعد!!! وانا بس دوله وحده
جان اصد على الأبله وقلتلها نعممممممم!!!!!!!!!!! جان تقولي لا انا ماقلت شي

وفي نفس اليوم الشهايد طلعووو!!! كل علاماتي 5 و4 .. يعني أعلى شييي!! *الشهاده من 1 - 5* و 1 أقل شي.. تخيلي هي حطتلي في الانجليزي 1!!!!!!!!! في السلوك وفي الواجبات وكل شي!

شو يلست أصيح ورديت البيت واهلي مصدومين وخبرتهم وكل شي واليوم الثاني وهم عند الناظره.. والناظره البايخه قالت أكيد هي ماتعرف انجليزي.. جان أبويه يرد عليها عيل أكيد مدرستكم ادرس كل شي بالعربي بما انه بنتي يايبه 5 في باقي المواد
وفي هاليوم كان علي انجليزي.. وطلعوني برع الحصه ويلسوني في حجره روحي ويا أبله:fa56: لاني حالفه مادش صف هالأبله فييه:fa56:

أو صح ترا يوم اهلي يو الأبله قررت تغيب هاليوم.. *وصلها انذار اليوم الى قبله* من الزياغ مايت:icecream:
وعقبه بيوم يمعوني في حجره اونه اجتماع بيني وبين الأبله ومديرة السنه.. جان تقولي الأبله بنفسها *هذا وانا طول الوقت عاطنها ظهري سخيفه وحده*.. قالتلي انتي مابنزلج اللفل الى تحت لانج شاطره ومن أشطر بنات الكلاس
وأنا جيي >> O_o عيل لييييش مرسبتني حظرتج!!!!!!!!!!!!!!!!!!! رديت عليها وهزبتها وطلعت كل الى في خاطري وقلت للمديرة السنه انا مابيلس في كلاس هي فييه.. وبما انه حظرتها حاطتلي 1 وانا ادري اذا بإمكانها بتحطلي صفر بتحطلي.. وأنا يايه هالمدرسه عشان أتعلم مب عشان يهال يدرسوني.. وخلاص بما اني راسبه ومب كفووو خلاص نزلوني.. نا من باجر بسيـر الكلاس قمم مسس ***.. وكلاس هالمس مب داخلتنه.. يله باي انا سايره كلاسي لانه هالاجتماع مامنه فايده


ويقولولكم في نفس اليوم الـ gossip وصل لكل المدرسه وكلحححححححد يباركلي.. خصوصاً أبلوات الدين والعربيييي.. لو شفتو كيف يعاملوووني تقولوون أميـره:fa34: تخيلو يعني أبلة العربي يايه عندي تقولي شمعه كل الأبلوات معاج! وهذا حقج وانتي صح ومادري شووو:fa56:

ويه ماصدقت


ويقولولكم عقبه بكمن اسبوع كان شي مباراه rounders هو شرات الbaseball يعني مظرب وكره
وجان ايي دوري... وظربت الكره! وقولوووو بس الكره وين طارت؟؟؟؟؟؟؟ فلعت الأبله في راسهاااا :hysterical: وكلحدددددددد ظحككككككككككككككككككككككك ككككككككك لانه يعرفوني أكرههاااااااا بس محد يروم يقولي شي لول.. وترا مب بالعماله الكره روحها لفت وفلعتها.. من الله :4:

[شمعة أمل]

الياه
لووول احييييييييد!!!!!!! اسميج ضحكتيني هاليييوم!!


ذنيني
لووول شياطييينxD

[قصايد غلا]

يالشياااااطييييييييين :vampire:


اليــااه ضحّكتيني ، حد ينسى اسمه :a100:


ذنيني المشااااااغـــب والله طلعت مب هيّــن راعي سوابق في المدرسة =p ، أحلى شي المدرّس تحرقون سيارته و أونكم تلاحقتوها :hysterical: :hysterical: :hysterical: :hysterical: :hysterical: :hysterical:


شمعة أسميني ضحكت على سالفتج يوم فلعتي الأبلة :4:، ههههههههههههههههههه مسكينة ما أتخيل شكلها كيف استوا :a068:




دخليكم زيدونا من هالسوالف الحلوة :icecream:

[شمعة أمل]

قصااايد وين سوالفج ومواقفج في المدرسه xD

[قصايد غلا]

^ أنا ما عندي مواقف حلوة شرات سوالفكم العجيبة :biggrin:


يوم كنت في صف أول

كنت صدق صدق مقهورة من وحدة زلمة مغصّصة عليه و خقااااااااااااااااااااااا قة
و قلت لازم أسبها و مسبّتي هي إني أبا أقول لها انتي زلمة

جان أكتب لها الكلمة في ورقة وعطيتها إيّـــاها ، و عاد على هاييج الأيام توهم يعلمونا التحليل في العربي
يعني مثلا نحلل كلمة أحمد جي تستوي===> أ/ح/م/د

و كتبت لها كلمة زلمة محلّلة عاد أونه عشان ما أقول لها إياها بشكل مباشر :Oo: و جاااان أستانس لأني سبيتها وقلت لها انتي زلمة =D

وطبعًـا ما تجرّأت أسوي هالشي إلاّ في آخر يوم من الدراسة لووول



كنت مؤدبة أناااااا و هااااااادية لوووول :biggrin:


و عن المدرسات ترى أميه فديييييييتها كانت كلّه تدافع عنّـي ، لو وحدة من الأبلوات قالت شي عنّي :fa47:

والله سوالف المدرسة كشخه لووول


لو تذكرت شي حلو بخبركم :a014:


حرام عليكم خليتوني أنا و ربيعتي نحش في أبلواتنا أحينه بسبة هالموضوع

أحلى شي أبلتنا مال الدين الله يذكرها بالخير

كانت ما تقول اتجدّموا ===> كانت تقول اتجادّيييمووووااااااااا و كلناااااااااا نضحك يوم ترمس

[شمعة أمل]

قصايد
يحليلج كنتي وايد بريييييييئه xD

[رمــش الغـــلا]

ذنيني

طلعت مشاااااااااااااااااغب من الخاااطر بعد ...!!

عيل تحرقون سيارة المدرس المسكييين !!

:bash:

[ لووووووووووووووول ] ...،


.
.

والا قمة النذالة يوم سرتوا وخيستوا ثياب المسرحية هههههههههههههه ،،

والله نحن البنات ولا شي جدامكم ..!!!*

:thumbup1:

[رمــش الغـــلا]

شمعة امل


زين سويتي فالابله ....

والكرة يت مكانها صح [ لوووووووووووووووول ] ...<

اظن طرتي من الونااسة يوم شفتي الكرة ع راسها ههههههههههههههههه ....<

:k_harhar1:
يلا حطي لنا مواقفج ... خلينا نضحك شوي ..!!!*

:4:

[رمــش الغـــلا]

قصايد غلا



[ يحليلج [ السبة على قدج هههههههههه ....!!!*

لووول

حليلها البنت الزلمة ،،

:a0360:

[الـيـاه]

ذنيني : لوووول صدق اني أم سلوم

شمعة أمل : هههههه XD

قصايد غلا : لوول كنت فاقده الذاكره حق دقايق شو اسوي لول >.< يحليلج بريئه ههههه زلمة عيل

-----


احم

School Principle: Al salam 3alaykum wa ra7mat Allah wa barakatoh
Al yaah : Hallaaa walllaaa :P

:icecream:

.
.
.

[بنت الدلع]

هههههههههههههههههههههه اسمييييييكم الا سواااااااالف
اليااااااااه لوووووووووول تنسييييين اسمج !! واايد كيوت انتي

---

ثالث ثنوي علمي .. grade 12
كنا من اشطر الصفوف في المدرسه كلها
بس واااايد كنا شيااااطين
كلحد يمدحنا على درجااتنا وفي نفس الوقت يتشكى من هيااازتنااااا

وعاد بنات العلمي موول مانقدر نشرد من الحصص
على قدنا قلنا بنشرد من حصة الرياضه الـ PE بدت الحصه ونحن مانزلنا القاعه
بعد 5 دقايق الابله طرشت لنا بنت عشان تزقرنا
ونحن طاااااااف ولا جنه سمعنا
ثاني مره طرشت بنت ثانيه
البنات الي خافوا ساروا
ونحن الـ 15 بنت تمينا
بعدين شفناها يايه فوق
واششششرد ماتشششرد
الي تنخش صوب الدري
الي تسير صوب المسرح
والي ورا المقصف "احاول اتذكر الكلمه لول"

وآآآخر شي انزخينا
ويت الابله وهزبتنا هزااااااب
انتو ناس متعلمين ومتثقفين تشردون من حصة الرياضه ؟!!
وهي معصبه وتفااتن
ونحن ميتين من الضحك

اخر شي شافت ماشي فايده مناا
جان تزقر لنا الوكيله !!!!!!!!!!!!!!!!!!!!!!!!!!!!!!

لاااااا كله ولا الوكيله
كنا مسمينها عزيزه مان هههههههه من كثر ماكانت قويه ومتسلطه
دشينا الغرفه وانصدمت من عدد البنات الشاردات !
15 بنت مره وحده لول
وهزبتنا طبعا وبعدين كانت بتكتبنا تعهد
بس منو يقول
على كيفها !!
تمينا نقردنها لين ما ظهرنا وخلصنا على خير


الناس يشردون من حصة الفيزيا ولا الكيميا
نحن الرياضه ... صدق بنات علمي لول

[بنت الدلع]

على طاري عزيزه مان
ربيعتي كانت مألفه اغنيه عليها

على نفس لحن بات مااان مال رسوم

عزيزه مااااااااااااااااااان ..
عزيزه مااااااااااااااااااان ..

ماااان ماااان مان مان .. ماااان ماااان مان مان


ههههههههه نسيت الكلمات شو كانت

[شمعة أمل]

انزين خلوني أكمل القصه:thumbup1:

سرت لـ كلاس الانجليزي.. اللفل الى تحت.. الحصه الى قبله كان عندي math وانا شاطره في الماث فـ في لفلل عادي.. والمشكله.. حاطيني انا و *ب* في كلاس ويا بعض... وكلاس الماث كنا مم 7 بنات أظني..
وانا و*ب* دوووووووووووم نتضااااااارب (مب بكسات وجي) بس دوووم نلعوز بعض ونطّفر بعض.. نحن وايد كلووس بس صداقتنا جي لول
فـ الأبله شو سوت
يلستني أنا جداااااااام ولصقت طاولتي في طاولتهااا:hysterical: وميلسه *ب* بعد جدااام بس الصوب الثاني وميلسه وحده وايد nerd عدالها.. وعاد ماشي أشطن من *ب* لول

وانا في المدرسه.. محد يزقرني بأسمي.. كل يزقروني بأسم العايله بس مدلعينه.. والأبله اونها غيـر.. وتعرف باللي مريت فيه ويا هاايج الأبله.. جان تيي عندي وتزقرني بيبي!! يايه عندي *وهي دببببه وقصيره* BABYYYYYYY COME HERE GIVE ME A HUG .. واناااااا :eek::eek::eek::eek:

عدت الحصه على خير:fa46: وسرت صفي الانجليزي اليديد! والمشكله كل البنات الى في هالصف في آخر لفل في الماث..ف هم كلهم ياين يضحكون على سالفه استوت في كلاسهم..
وبعدين يت ربيعتي شما ادور فايلاتها.. ترا هالابله مسويه فايل لكل البنات وتخليهم في كلاسها.. وندور وندور.. وفايل شما ضايع.. وكل شي ضايع.. او بالاحرى انصرق!

جان تيي هالابله وهي بعد دبه وقصيره.. وتتحرطم.. ويلستنا في الكلاس شرات اذا تقصون مربع بنص.. يعني كلنا نيلس عدال بعض مب ورا بعض! وانا كنت في الطرف.. والأبله يلست تحرج علينا وتصارخ علينا وتهزبناا ويوم وصلت عند *ب* تمت تقوللها and youre a DADDY's Girl.. you just keep on running to your daddy ومادري شووو وغلطت عليها وايد ولا يوم سارت عند ربيعة *ب* جان ربيعتها تنقعععععععععععععععععععععع عععععع من الضحك في ويهه الأبله .. ضحكه عوده وعاليه وترد على ورا وتأشر على الأبله وتضضضضضحححححححححك حتى ضحكتها جي كانت " هيهيهيهيهيهي هاهاهاها كاااااااااااككككككككككككك كككك" والأبله شكلها تقولون بركان انفجررررررر.. وباقي البنات ضحكووو وانا غطيت ويهي بايديي مارمت أيود عمري الصراحه:hysterical::hysterical:
وعصبببببت الأبله جان اطرش بنت للـ هااي شو يسمونها بالعربي الى رتبتها تحت الناظره؟ المهم لهاي
وجان هاي ترد البنت وتقوللها قولي للأبله انا مب فاضيه
والأبله ترد وتعصببببببببببببببببببببب ببب وتطلع من الكلاس:hysterical: وتهددنا انه لو فايلات البنت ماحصلناهم في خمس دقايق ياويلنااااااااااا



آخر شي قولو شو سوتبنـا؟؟؟؟
لاسبوعين وتحجزنا في كلاس الانجلييش في البريك لـ مدة نص ساعه:hysterical: أفف كان عذااااااب
انزين مب نحن الى صارقيينه!!:k_no:




بس صدق صدق صدق.. هالأبـله ماعليها كلام:thumbup1: ادرسـكم صح وتعلـمكم كل شي.. وانسـانه محترمه ويايه هالمدرسه عشان ادرس:fa41: وايد وايد حبيتهااا:fa41:

[شمعة أمل]

أو تذكرت شي ثاني:glare:
تعرفون April fools day? الأول من أبريل.. يوم المصخره لول

نحن دوامنـا من 7:35 لين 3

يعني وحليلنا انش من الرقاد الساعه 6 ومب متفيجين ونطلع من البيت 7:d010: عذاب

فـ كل يوم عندنا ريجستريشنن مال سجل الحضور والغياب.. والاعلاانات وجيي! وهاليوم كان اظني يوم الاربعاء مادري الخميس يعني يوم قبل و لا يوم عقب الويك اند اجازه.. فـ ويك اند طويل!

فـ مديرة السنه دخلت الكلاس زعلانه وتقولناا انه الديوان قالو مدرستـنا مابتحصل اجازه في هاليوم لانه نحن مب مدرسه حكوميه.. حتى قنعتنا لانه دووم يعطونا رساله يوم شي اجازه بس هاليوم ماعطونا!!!

وصدقنااااااااااا ويلسنا نحتششششششر ويوم اونه بتطلع من كلاسنا ولا فجأه ترد في كلاسنا وتنقز وتقولنا APRIL FOOOOOOLS HAHAHAHAHA I GOT UUUUUUUUUUU


ونحن كلنـا >> :glare::k_mad_argue::k_icon28::mad::h_negab::pullh air::bash::3::fa32::a058: سخييييييييييييييييييييييي ييييييييييفه ومتفييييييييييييييييييييي ييييييجه.. يعني نحن بعدنا في سابع نووومه وهاي متفيييييييييييييييييييييي جه

[رمــش الغـــلا]

^ لووووووووووووووول ....]

هاي وااااااااايد متفيجة وقت حركااات ابريل هااي !!!~


المهم حصلتوا الاجازة فالنهاية هع ...\\\

:inlove:

بنت الدلع

صدق انكم علمي

ما حصلتوا تشردون الا حصة الريااضة [ ههههههههههه ] ..!!!:a100:

[ذنـيـنـي]

وصدقنااااااااااا ويلسنا نحتششششششر ويوم اونه بتطلع من كلاسنا ولا فجأه ترد في كلاسنا وتنقز وتقولنا APRIL FOOOOOOLS HAHAHAHAHA I GOT UUUUUUUUUUU



LOL

سوتلكم هااااااااااه :vampire:

[قصايد غلا]

انتوا تقولون عني هادية بس ظالميني في المدرسة ، يتحروني شيطونة لأني واااااايد أرمسسسسسسسسسسس وايد وايد واااااااااااااااااااااااا اااااااايد أرمس في الحصص و ربعي أغبيا ما يفهمون الدرس و أنا أكون فاهمة و أيلس أسولف لأني ملانة :icecream:

و كانوا الأبلوات ينقهرون منّي لأن أميه تدور ويايه وتدافع عنّــي و تفهمني ، وتقول للأبلوات انتوا ما كنتوا جذه ؟
يمكن أنتن كنتن ترسبن بس بنتي شاطرة :a100:




:k_shock_1:بنت الدلـــــــــع:k_shock_1: :أنا اكيد أعرفج أو شفتج لأنه في مدرستكم بس 3 صفوف علمي :tounge: ==> ولا واحد كنت أشوفه علمي بمعنى الكلمة لأنه البنات وايد يلعبن:doh:

و أنا في ثالث ثنوي ييت مدرستكم لوووووول ===> لازم كل فترة أنصدم بـ حد من الواحات لووول
انتي في شعبة 1 =p

بنات مدرستكم شررررررررر يعني هالعزيزة ما تنلام في البنات=D ، من كثر ما هم شياطين
أنا وربيعتي عطونا شهادات تقدير لأننا مؤدبات أونه ==> وحليلهم ما جد جافوا بنات مثلنا ، لازم بنكون جذه دامنا يايات من مدرسة ****

بس حرام عليكم تشردون من حصة الرياضة ، لأنه هالأبلة المصرية روحها عيوز ناااااااادر إن خلتنا نسوي رياضة :fa46:

[شمعة أمل]

^
لوول طلعت في نفس المدرسه xD
خساره
محد هني لا من مدرستي ولا من جامعتي p; وحييده!

[خيال الحب]

والله سوالفكم شي:hysterical:


شمعة امـــل:vampire: ههههههههههههه ما توقعتج شريه لهالدرجه:vampire: هههههه مواقفج تضحك لوول



انا ياحليلي من صغري لا اشرد ولا اسوي شي بالمدرسه:10:

من البيت للصف ومن الصف للبيت:a018:

بس يوم كنت بالروضه قاعد اخطط ويا ولد عمي انه نشرد من اليدار.. انا شقحت وهو سار وطلع من باب المدرسه,, وبيتناا كان بعيد شوي عن الروضه .. وقعدنا نمشي بنص الشارع .. ع الرمل الي بين الشارعين:vampire: وعقب جان يزخنا الدريول:d010: هههههه ماتتخيلين كيييييف زغنااااااااا يوم فتن عليناا هاييك الفتنه:d010: لوول.. ورجعنا الروضه..

والنحاسه الحلوه:glare: خالتي مديرة الروضه:glare:>>هزأتنا صح:vampire:..

وبالمدرسه ماحيدني شويت شي :shutup:

يمكن اتذكر لكم مواقف بسيطه بس مو شرات مواقفكم:k_harhar1:>>>مثل الي نسو اساميهم:k_harhar1:

[بنت الدلع]

:k_shock_1:بنت الدلـــــــــع:k_shock_1: :أنا اكيد أعرفج أو شفتج لأنه في مدرستكم بس 3 صفوف علمي :tounge: ==> ولا واحد كنت أشوفه علمي بمعنى الكلمة لأنه البنات وايد يلعبن:doh:

و أنا في ثالث ثنوي ييت مدرستكم لوووووول ===> لازم كل فترة أنصدم بـ حد من الواحات لووول
انتي في شعبة 1 =p

بنات مدرستكم شررررررررر يعني هالعزيزة ما تنلام في البنات=D ، من كثر ما هم شياطين
أنا وربيعتي عطونا شهادات تقدير لأننا مؤدبات أونه ==> وحليلهم ما جد جافوا بنات مثلنا ، لازم بنكون جذه دامنا يايات من مدرسة ****

بس حرام عليكم تشردون من حصة الرياضة ، لأنه هالأبلة المصرية روحها عيوز ناااااااادر إن خلتنا نسوي رياضة :fa46:



هااه :shocked:

[شتشووته]

ويييه الياه .. غمضتيييني فيج الزهاييمر لوووووول

انزين .. والله سوالفكم اتضحك..

مافي شي الحين في بالي .. يوم بذكر بقولكم

[شتشووته]

تدرووون ذكرت اغنيه كنا مألفيينهاا نحن عن المدرسه والمدرسات .. قلت احط لكم اللي اذكر منها..

"دق الجرس تدري شو صار ..,,, كل ابله طارت شرات الطيطار :h_negab: وتلاقي البنات انتشروا انتشار :fa56: في مدرسة **** والخيبه

الزين بنت الزين شلها على الراس والعين .. وعليا ام الكعب العالي كعبها يوصلها العلالي:fa34:..

ونجلا هي والمافيا متفقيين على الخفايا:h_negab: .. شوف الغرفه المعكوسه البنت فيها منحووسه:pullhair: ..

ابله مريم **** وهزة الرااااس اشوويه :a049:.. وابله مريم خمسوون ؟ ولا ستون ؟ خلت المدرسه .... سيبس توون:4:"

هاللي اذكره .. وفي اشيا اذكرهاا لكن اسامي المدرسات والقابهن موجوده عسب جي ماقدر اكتبها كامل

والله ايااااااااام لوول كشخه والله ..

[بنت الدلع]

^ هاهاهاهاهاهاهاهاهاهاهاهاه ا
حلللللللللللللللللللللللل وه

====

قصايد غلا .. لول
انتي ادبي كم كنتي ؟

[قصايد غلا]

كنت علمي :k_blush-anim-cl:

حتى أحيد بنات صفكم كانوا اييبون لبنات صفنا أسئلة امتحانات العربي =D

[بنت الدلع]

علمي ثنيييييييين !!!!!!!!!!!!!! ؟؟

شو نسوي نحن شطااار كناااا فديتنا لول
اول شي نحن نمتحن وعقب دوركم يكون هههه

[أنامل قلب]

ابتسمت من خااااااطري وانا أقرا اضافاتكم وردودكم !
ربي يحفظكم جميعا ،، بس طلعتو أشرار لول ^^"