مشاهدة النسخة كاملة : اسئلة على الطاير
المزوحي
18-08-08 ||, 12:34 AM
خلنا نغير شويه، ومادري لو هالموضوع يكون هنيه وإلا في واحة الترفيه !!
نبتدي
من الشخص اللي ترتاح لو تكلمت معه ؟
من هو الشخص الذي لاترفض له طلب ؟
هل صادفك موقف احسست بالذنب فيه / ماهو ؟
هل شخصيتك بالواحات نفسها خارج الواحات ؟
هل تحب الرياضة ؟
هل تحب مشاهدة التلفاز ؟
من هو أقرب انسان إليك ؟
هل خذلك صديق / موقفك منه ؟
هل تتأسف بسهوله ؟
هل انت اجتماعي ؟
اكتب 3 حروف من اسمك ( أي 3 حروف ولو مبعثره )
هل تحب المرح ؟
هل انت جاد طول الوقت ؟
لقب ينادونك به بين ( ربعك ) ؟
أكلتك المفضلة ؟
هل بإمكاني أن أسأل أي سؤال محرج :fa56: سواااااااالف :4:
أنامل قلب
18-08-08 ||, 12:57 AM
السلام عليكم =)
الصراحه أحب مواضيع الأسئلة ..
بس ان شاء الله يكون لي عوده قريب ،،
بما إني استصعبت أجاوب باللحظه ^^"
:
بانتظار تواصل البقيه ..
وتسلم أخوي عالطرح الخفيف ..
تقديري ^_^ ..
:
..
الزرعوني
18-08-08 ||, 12:57 AM
من الشخص اللي ترتاح لو تكلمت معه ؟
- ولد اختي
- ذنيني
من هو الشخص الذي لاترفض له طلب ؟
- بالعادة ما ارفض لحد طلب
هل صادفك موقف احسست بالذنب فيه / ماهو ؟
- وايد
انا من النوع اللي وايد يانبني ضميري .. على كل شي
هل شخصيتك بالواحات نفسها خارج الواحات ؟
- هالشي يجاوبه اللي يعرفني في المكانين ^^
هل تحب الرياضة ؟
- وايد
هل تحب مشاهدة التلفاز ؟
- طول الوقت شغال
من هو أقرب انسان إليك ؟
- ولد اختي
- ذنيني
هل خذلك صديق / موقفك منه ؟
- انصدمت وايد و من اصدقاء كثار
هل تتأسف بسهوله ؟
- التسامح شي طيب .. اتطيح الحطب
هل انت اجتماعي ؟
- مب لين وين
اكتب 3 حروف من اسمك ( أي 3 حروف ولو مبعثره )
-ا ح م ^^
هل تحب المرح ؟
- هيه نعم
هل انت جاد طول الوقت ؟
- لا
لقب ينادونك به بين ( ربعك ) ؟
- الزرعوني .. لدرجة ان بعضهم ما يدرون ان اسمي احمد لووووول
أكلتك المفضلة ؟
- الباستا
رمــش الغـــلا
18-08-08 ||, 01:12 AM
لي عووووووودة..~
^_^
العجيبة
18-08-08 ||, 01:25 AM
من الشخص اللي ترتاح لو تكلمت معه ؟
ربيعاااااتـي
من هو الشخص الذي لاترفض له طلب ؟
مااامــا
هل صادفك موقف احسست بالذنب فيه / ماهو ؟
نعـم ! وأتمنى اني أبعد هالذنـب عني .. بس للحين مب عارفة كيف :k_icon9:
هل شخصيتك بالواحات نفسها خارج الواحات ؟
لااااااااااااا ...
هل تحب الرياضة ؟
نعــــــــــــم
هل تحب مشاهدة التلفاز ؟
أحيــــانـــاااا ... اذا ما لقيت شي غيره
من هو أقرب انسان إليك ؟
ربيعتـي من عمان ... هي اللي تخليني اشتاق لعمـان والدراسة خخخ
هل خذلك صديق / موقفك منه ؟
نعـم ... بس ندمـت عالوقـت اللي كنـا فيه مع بعض ....
وعـادي أتمنـــى لهـا الخيـــر ويـن مـا كـانـت ... لانها خذلتنـي وانسحـبت بهدوء !
هل تتأسف بسهوله ؟
فالغاااالب هيه ، لكـن احياااانـا قليله لأأأأأ
هل انت اجتماعي ؟
تقـريبـا هيه ...
اكتب 3 حروف من اسمك ( أي 3 حروف ولو مبعثره )
أ + م ، اكتب حرف زيااادة بتعرفون اسمي :woot:
هل تحب المرح ؟
هيه نعم
هل انت جاد طول الوقت ؟
لا
لقب ينادونك به بين ( ربعك ) ؟
ينـادونـي بـ اسمي الحقيقي وهو مدلّع !
أكلتك المفضلة ؟
المحاشي والبيتزا !
أم سعود
18-08-08 ||, 01:33 AM
من الشخص اللي ترتاح لو تكلمت معه ؟
أرتاح لنفسي قبل أي حد... لأن نفسي ما تمل من هذربتي :wacko:
من هو الشخص الذي لاترفض له طلب ؟
سعود بدون شك... بس مب دوم
هل صادفك موقف احسست بالذنب فيه / ماهو ؟
نعم... إني عاندت نفسي والظروف وخسرت أقرب الناس لي.. الحمدلله:k_sadwalk:
هل شخصيتك بالواحات نفسها خارج الواحات ؟
لا فرق... في والواحه أناقش مواضيع عامه لا خاصه.. ولازم يكون أسلوبي مناسب مع المكان.. بس برع الواحه غير ..آخذ راحتي:14:
هل تحب الرياضة ؟
لاااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا اااااا.. بس مرات ييييييييييييييييييييييييي يييييييييييييييييييييييس:a 068:
هل تحب مشاهدة التلفاز ؟
لأ... بس أحب قناة العفاسي وطيور الجنه((لسعود طبعاً))
من هو أقرب انسان إليك ؟
إختي الكبيره
هل خذلك صديق / موقفك منه ؟
للأسف... ماقدرت أتصرف.. لأن صدمة الإنسان حزتها ما تساعد ع التفكير
هل تتأسف بسهوله ؟
وايد :Oo:
هل انت اجتماعي ؟
وايد وايد ولله الحمد
اكتب 3 حروف من اسمك ( أي 3 حروف ولو مبعثره )
أ م ي
هل تحب المرح ؟
أكيييييييد:fa47:
هل انت جاد طول الوقت ؟
بالعكس.. نادر ماكون جاده
لقب ينادونك به بين ( ربعك ) ؟
صعب أكتبه :wacko:
أكلتك المفضلة ؟
الباستا
رمــش الغـــلا
18-08-08 ||, 01:52 AM
أول شي ..
نتريا أجوبتك إنته بعد للموضوع
.
.
من الشخص اللي ترتاح لو تكلمت معه ؟
أمي أكيد .. وأغلى ناسي .. وتوأم روحي:fa35:
---------
من هو الشخص الذي لاترفض له طلب ؟
شخص سبيشل واايد :fa46:
---------
هل صادفك موقف احسست بالذنب فيه / ماهو ؟
هي ... بس ما أقدر أذكره لانه وااايد وانا بسرعة أتلوم ><:Oo:
---------
هل شخصيتك بالواحات نفسها خارج الواحات ؟
مادري أسألي اللي يعرفوني داخل وخارج الواحات ..~:fa35:
---------
هل تحب الرياضة ؟
نووووو ماحب :14:
---------
هل تحب مشاهدة التلفاز ؟
يعني ... ساعات إذا صدق صدق فاااضية
واذا اتابع شي معين ..~:vampire:
---------
من هو أقرب انسان إليك ؟
الفترة الحالية .. توأم روحي وأغلى نااسي اكثر اثنين ..~
---------
هل خذلك صديق / موقفك منه ؟
اممم ..للأسف هـيه .. بس شو نسوي أكون أحسن عنها :mf_leia:
---------
هل تتأسف بسهوله ؟
امممم ... لا !!! :argue:
---------
هل انت اجتماعي ؟
يب يب ... بس ساعات لاا هههههـ .. حسب المكان يعني والناس !:fa35:
---------
اكتب 3 حروف من اسمك ( أي 3 حروف ولو مبعثره )
بس حرف واحد .... ل .. حتى لو كتبت 3 ماظن تعرفونه هع ..:4:~
---------
هل تحب المرح ؟
أكيييييييد ^_^
---------
هل انت جاد طول الوقت ؟
نوووو .. بالعكس موول مب شخصيتي أكون جاادة :pickaxe_rune:
---------
لقب ينادونك به بين ( ربعك ) ؟
اسمي يدلعووونه ... والا ربيعاتي مال المدرسة يالضعيفونه هع
---------
أكلتك المفضلة ؟
أحب الباستا والمعكروونة اللي تسويها اختي .. والمحااشي كلها ووايد اشيا لول
الهيثــم
18-08-08 ||, 02:20 AM
من الشخص اللي ترتاح لو تكلمت معه ؟
الـوالد ، الوالدة ، وربـعي المقربين
من هو الشخص الذي لاترفض له طلب ؟
الوالـد ، الوالـدة ، أي شخص تجمعني وإياه علاقة معزة ومودة
وإن شاء الله في المستقبل أم العيال ..
هل صادفك موقف احسست بالذنب فيه / ماهو ؟
هيه نعم ،، واسأل الله أن يغفر لي ويسامحني
هل شخصيتك بالواحات نفسها خارج الواحات ؟
تقــريبــا نفس الشخصيـة ... ما احب التصنع
هل تحب الرياضة ؟
بعض الرياضات أحبها
هل تحب مشاهدة التلفاز ؟
لا تشكل أهمية في حياتي
من هو أقرب انسان إليك ؟
الولـد ، الوالدة ، عيال خالي التوم ... وبعض الشباب من ربعي الطيبين ..
هل خذلك صديق / موقفك منه ؟
ما اقدر أعتبره خذلان صديق ،، لأن الصديق ما يخذل صديقه
لكن صـار لي موقف مع أحد الذين طرحت عليهم مسمى [ الصديق ] ..
ولا أحمل في قلبي سوى الذكرى الطيبة بإذن لله ..
هل تتأسف بسهوله ؟
إذا كنت على خطأ [ نعم ] وبكل جرأة بإذن لله
هل انت اجتماعي ؟
بنسبة 80 % .. مرات ما اندمج مع فئة معينة
سبحان الله ما يدخلون قلبي بسرعه
اكتب 3 حروف من اسمك ( أي 3 حروف ولو مبعثره )
هـ ـيـ ـثـ ..
هل تحب المرح ؟
نعـــم
هل انت جاد طول الوقت ؟
لا
لقب ينادونك به بين ( ربعك ) ؟
ينادوني بأسمي ، وبعضهـم بـ [ الشيبـة ] لول وبعضهم بـ الكنية
أكلتك المفضلة ؟
أحب البحري بأنواعه . .
---
شكرا لك أخي المزوحي
وفي انتظار ردك ..
مــهــابه
18-08-08 ||, 03:20 AM
،
من الشخص اللي ترتاح لو تكلمت معه ؟
~ حسب الوضع ، في أشيا ماحد يقدر يريحني فيها غير الوالد ، مم الوالده ، ختيه ، امونتي
من هو الشخص الذي لاترفض له طلب ؟
~ أي شخص ، يطلب مني طلب معقول واقدر انفذه ، اكيد ماراح أقول لا ~ . .
هل صادفك موقف احسست بالذنب فيه / ماهو ؟
وايـد ، يوم أعصـب على خواتي مثلاً ، أو على أي حد ، المهم اكون معصبه واسوي واقول أشيا
مالها داعي ، عقب أحس بتأنيب الضمير ، ولو سويت شي أعـرف أنـه خـطأ
هل شخصيتك بالواحات نفسها خارج الواحات ؟
~ في أشيـا هيه ، وأشيـا بسيطه لآ . .
هل تحب الرياضة ؟
~ لا
هل تحب مشاهدة التلفاز ؟
~ آخر طموحاتي هذا، لا أبـد ، يعني يوم أكون ملااانه خلاص ومافي شي أسويه افتح التلفزيون
من هو أقرب انسان إليك ؟
~ أهـلي
هل خذلك صديق / موقفك منه ؟
للأسف هيه
هل تتأسف بسهوله ؟
على حسب
هل انت اجتماعي ؟
~قبل لا ، بس الحين تغيرت وايد ، وصرت أجتماعيه ، بس الخجل عائق بالنسبه لي
اكتب 3 حروف من اسمك ( أي 3 حروف ولو مبعثره )
~ انا اسمي كله من 4 حروف ـ اقول 3 مابيتم شي فيه
~ مم [ هـ ]
حرف واحد يسد
هل تحب المرح ؟
هيه وعليَه سوالف قرعه لوول
بس مب ما احب اخذ الحياه كلها مزح ، يعني احيان اكون جديه أكثر من اللازم
هل انت جاد طول الوقت ؟
~حسب الشخص وحسب الموقف ، يعني لو حد متعوده عليه ، لا عادي سوالف وضحك وجيه
اما لو حد ماعرفه ، بيحس اني جامده اوي ع قولة المصريين
~ يعني مب جديه على طول لااا
لقب ينادونك به بين ( ربعك ) ؟
~ ما احب حد يزقرني بأسمي ، احبه يزقروني بأسمي الدلع ، يعني اسمي بس مدلع
أكلتك المفضلة ؟
~ مم ماعندي شي معين
~ المزوحي :
يعطيك العافيه ياخويه
أنامل قلب
18-08-08 ||, 07:12 AM
عدنا والعود أحمد .. . !
اممم ونبدأ بالأجوبه ^_^ ..
:
.
من الشخص اللي ترتاح لو تكلمت معه ؟
اممم ، شخص غيري فـ صديقاتي المقربـــات من الخاطر ..
وهن خمـــس ما شاء الله ،، ربي يحفظهم لي ويحفظني لهم =)
من هو الشخص الذي لاترفض له طلب ؟
يعتمد عـ نوع الطلب أكيد ،،
يعني لو شغله بمقدوري أسويها وما تخالف وجهة نظري حيال أمر معين فـ من عيني أيا كان الشخص ،،
بس طبعا في ناس اسبشل ،، إلا جان صدق الموضوع خارج إطار الخدمه ^^"
هل صادفك موقف احسست بالذنب فيه / ماهو ؟
وايد ، لأن الخطأ من طبيعة ابن آدم ، ومن منا لا يخطئ بهذي الدنيا ،
كما لن يكون احساس الذنب إلا بابا لـ إصلاحها من أخطاء ..
وما بذكر مواقف لأنها كثيره .. . !
هل شخصيتك بالواحات نفسها خارج الواحات ؟
نعم ولا ..
كـ مثال : اهني بالواحات تشوفوني عادي ممكن أتبادل الحديث مع الكل وياما أهذرب بالمواضيع ..
لكن بالواقع عادي تشوفون الناس يترجوني أظهر كلمه لول ..
ما عدا القريبات مني جدا ، إلا إن كان المكان مزدحم ،،
عادي تشوفوني أتنحى جانبا وأكتفي بالتحاور معهن بتعابير الوجه واليد لول !
يعني اختلافات من هذا النوع ^^"
+ الاختلافات اللي يحكمها نوع التواصل الكتابي عدنا ..
يعني ممكن يحسب بي البعض ما لا أقصده ،، والعكس كذلك .. . !
وووو جي السالفه =)
هل تحب الرياضة ؟
نعم وجدا ، بس للأسف ما أمارس لول ..
أو بالأحرى ما شي يحفز للمارسه حاليا .. . !
هل تحب مشاهدة التلفاز ؟
اممم بالعاده لا ، إلا جان عندي برامج محدده أو من الملل ..
+ لمن بحطلي أفلام وأحضرلي قعدات سينمائية منزليه ><" !
من هو أقرب انسان إليك ؟
حاليا صديقاتي المقربـــــــــاااات .. . !
هل خذلك صديق / موقفك منه ؟
الحمدلله أبدا =)
لكن بحياتنا ملاهي وأشغال كثيره تفرض على المرء أحيانا التقصير
وإن ماكان مقصر بحقيقة الأمر .. . !
ولو على الخذلان ، فأعتبرني مقصره بـ حق كثر من صديقاتي ..
يعني المفروض أعاتبني قبل لا أعاتب غيري .. . !
هل تتأسف بسهوله ؟
نعم لأني ما بتأسف إلا لـ سبب إيجابي ،،
وما أحسب به الطيب .. . !
هل انت اجتماعي ؟
أبــــــدا .. ولا حتى من بعيد .. . !
اكتب 3 حروف من اسمك ( أي 3 حروف ولو مبعثره )
اسمي روحه 3 أحرف ههه .. لول ..
وأظن الأغلب يعرفه .. . !
لكن ما برد أذكره احتراما لرأي كثر طلبو مني عدم ذكره ..
يزاهم الرحمن خير جميعا .. . !
هل تحب المرح ؟
نعم لكن يعتمد مع منو ،،
ونوعية المرح المقصود لول .. . !
هل انت جاد طول الوقت ؟
نادر ما يكون المرء جاد طول الوقت ،
لكن بي ميل كبير للجدية بـ كثير من الأحيان ..
ويعتمد كذلك عاللي جدامي ^^"
خاصة إذا ما قورنت أنامل قلب اليوم بما كانت عليه بالأمس .. . !
لقب ينادونك به بين ( ربعك ) ؟
يدلعون اسمي بأكثر من اسلوب ،،
بس في مسمى " واحد منهم " وااااااايييـــــد أحبه ..
يحسسني باللي أحب أكـــونه .. . !
ووو ما بعترف فيه إلا بالمستقبل لـ سعيد الحظ هههه ..
^_^ ..
أكلتك المفضلة ؟
وايد ، لكن بشكل عام ..
أحب المحاشي ، البيتزا ،،
أكلات ماعرف مسمياتها بس نسويه يعني بالبيت ^^"
:
وتثلم أخوي المزوحي عالطرح الخفيف ..
بس جان كثرت من الأسئلة حبتين لول .. >> هذي ما صدقت !
يالله بانتظار السلسلة القادمه ههه ..
.... :smile:
:
.
مزن هتان
18-08-08 ||, 01:11 PM
قوه، شلونكم
من الشخص اللي ترتاح لو تكلمت معه ؟
لين اليوم ما لقيت شخص ارتاح بالحجي معاه
من هو الشخص الذي لاترفض له طلب ؟
بناتي هدى و شوق (خواتي)
هل صادفك موقف احسست بالذنب فيه / ماهو ؟
يوم ارد خواتي و خواتي
هل شخصيتك بالواحات نفسها خارج الواحات ؟
تقريبا، بالواحات وايد اتحجى
هل تحب الرياضة ؟
هيه أحب الرياضه بس ما امارسها
هل تحب مشاهدة التلفاز ؟
لا
من هو أقرب انسان إليك ؟
أمي، الوحيده اللي اتحجى معاها
براحتي و لو انه نجرتنا و هوشتنا زايده
هل خذلك صديق / موقفك منه ؟
لأ، ما عندي رفيجات
هل تتأسف بسهوله ؟
نعم
هل انت اجتماعي ؟
بعض الاوقات
اكتب 3 حروف من اسمك ( أي 3 حروف ولو مبعثره )
م ا ة
هل تحب المرح ؟
اي احب المرح بس مو دوم
هل انت جاد طول الوقت ؟
طبيعتي تقريبا
لقب ينادونك به بين ( ربعك ) ؟
يدلعون اسمي
أكلتك المفضلة ؟
ما عرف، احب الباستا بس
مش دوم اكلها لأني ماحب المكرونه، أحب
الكوكيز وايد :fa52:
الـيـاه
18-08-08 ||, 02:15 PM
سلاااام
مشكور يالمزوحي ع الاسئله .. احب هالمواضيع :icecream:
----
من الشخص اللي ترتاح لو تكلمت معه ؟
همممم بنات عمي (ب) :inlove: و ربيعاتي اللي وايد ويايه وشمعة أمل
من هو الشخص الذي لاترفض له طلب ؟
ولا حد .. يمكن في اشيا مابا اسويها
هل صادفك موقف احسست بالذنب فيه / ماهو ؟
هممم هيه يوم اسوي أو اقول شي وما افكر بنتايجه
فـ اجرح غيري به :k_special2: ..
هل شخصيتك بالواحات نفسها خارج الواحات ؟
هيـه بس هني اكثر ارمس
فالحياه ما ارمس وايد الا ويا اللي دوم ويايه
هل تحب الرياضة ؟
هيـه وايـد :fa51:
هل تحب مشاهدة التلفاز ؟
هيـه اغلب الوقت فالبيت
من هو أقرب انسان إليك ؟
مب شخص واحد . كمن حد
هل خذلك صديق / موقفك منه ؟
هممم هيه مابا اذكر الموقف سوالف طويله
هل تتأسف بسهوله ؟
نادر ما اقول آسفه .. ألا يوم احس بالذنب صدق :fa54:
هل انت اجتماعي ؟
همممم مب وااااايددددد يبالي شوية وقت اتعود ع اللي ويايه
اكتب 3 حروف من اسمك ( أي 3 حروف ولو مبعثره )
:birgits_giggle: اسمي بكبره ثلاث حروف لول
هل تحب المرح ؟
وااايدددد
هل انت جاد طول الوقت ؟
مب طول الوقت لكن يوم حزة الحزة محد يرمسني لول
لقب ينادونك به بين ( ربعك ) ؟
هممم ماشي لقب .. الياه بن ****
أكلتك المفضلة ؟
الأكل الايطالي بشكل عام
.
.
.
دمعة عين
18-08-08 ||, 02:37 PM
:
:fa35:
أحب هـ الموآضيـــَـع لول . .!
نبدآ بـ اسم الله .. ~
:
من الشخص اللي ترتاح لو تكلمت معه ؟
توآم روحـــَـي ، شقـَـى قلبي ، ممم وألحيــَـن نبض قلبـَـي
> كله نتعآمل بـ النك نيمات .. ! لول
من هو الشخص الذي لاترفض له طلب ؟
أنـَـآ مووول ماعرف أقوول لاا ، حتى عدوي لو يقولي هاتي عيونج
يفدنــَـه . .
هل صادفك موقف احسست بالذنب فيه / ماهو ؟
مممم ، هــَـي / احتفظ بـه لعمري .. =)
هل شخصيتك بالواحات نفسها خارج الواحات ؟
ممم ، هـَـي كتآب مفتووح للجميــَـع ، وأسلوبي فـ الواحات
هو نفسه برع . .
هل تحب الرياضة ؟
لا
هل تحب مشاهدة التلفاز ؟
هي . .
من هو أقرب انسان إليك ؟
توآم روحــي . .
هل خذلك صديق / موقفك منه ؟
وآآيــَـد ، . .
هل تتأسف بسهوله ؟
هــَـي ، إذا كنت صدق غلطآنه
هل انت اجتماعي ؟
ع حسـَـب ،
اكتب 3 حروف من اسمك ( أي 3 حروف ولو مبعثره )
ل + ي
هل تحب المرح ؟
YuP yaPpy
http://www.mrkzy.com/uploads/5d79784050.gif
هل انت جاد طول الوقت ؟
لا
لقب ينادونك به بين ( ربعك ) ؟
Yapee . . ومرآت بـ اسم الجبيله .!
وأكثر شي اسمي وهو محيوووس . .
وفي فئه يزقروني دمعتي . .
أكلتك المفضلة ؟
البيتــَـزآ
:
http://oasis.bindubai.com/bin/uploaded/6283_21216492301.gif
تسلم ع الموضوع الحلــَـو
دمعــَـه المافيــَـآ خطفت من هنيــَـه
http://oasis.bindubai.com/bin/uploaded/6283_01218104194.gif
،
.
.
المزوحي
18-08-08 ||, 03:12 PM
حي الله الزراعنه ... مشكور على المشاركة احمد واسعدني ردك :woot:
المزوحي
18-08-08 ||, 03:15 PM
هلا العجيبة ... بما إنج تحبين المرح وأكل المحاشي، خلاص بنعفيج عن الحرف الثالث من اسمج
:4: الله يخليج شكرا على تواجدج
المزوحي
18-08-08 ||, 03:17 PM
أم الباستا ... اوه :look: أقصد ام سعود .. ليش ماتخبرينا عن لقبج :fa56: مب مشكلة مسامحينج
هالمره .... وتسلمين على الرد
المزوحي
18-08-08 ||, 03:19 PM
رمش الغلا ... أظن كلكم ايطاليين قوم بالباستا :k_harhar1: خخخ
زين كتبي حرفين من اسمج :h_negab: واتحداج إني مابعرفه :4:
المزوحي
18-08-08 ||, 03:23 PM
خــّطاب
أهلا بك ... ماشاء الله عليك يالطيب ... جرئ في الاعتذار .. شي طيب :woot: وشكرا لك على الرد
المزوحي
18-08-08 ||, 03:26 PM
الله يعافيج اختي مهابه ولج سؤال زيادة على الاسئلة :k_shock_1: هل انت موظفة ؟
وشكرا لج على مشاركتج الطيبة
قصايد غلا
18-08-08 ||, 03:26 PM
السلام عليكم
حلو هالموضوع ، أحب المواضيع اللي تكون جذه :biggrin:
==============================
من الشخص اللي ترتاح لو تكلمت معه ؟
أميه + ربيعاتي اللي أعتبرهم خواتي = فاطمة "ع" + فاطمة "ب" :a074:
من هو الشخص الذي لاترفض له طلب ؟
لو الشي أروم أسويه مستحيل أرفض الطلب
بس فيه ناس غييير ما أحب أرفض لهم طلب بالمرة ، اللي هم : عمّوه + ربيعاتي الفاطمتين اللي طريتهن فوق :fa35: و أميه وأبويه و اخويه طبعا + "س"
هل صادفك موقف احسست بالذنب فيه / ماهو ؟
يوم أقول شي و أنا معصبة و أعرف إن هالشي بيكدّر اللي حولي أو بيجرحهم أو يوم أقفّط حد لأن مزاجي خايس ===> و ياااااااا كثر ما أقفط اللي في المحلات يوم أشتري شي :3:
هل شخصيتك بالواحات نفسها خارج الواحات ؟
تقريبًــا بس فيه أشياء تختلف =)
هل تحب الرياضة ؟
هيه واااااايــــــ:fa51:ـــــد ، بس هييييييييزة أنا لأنه ما عندي حد يشجعني
هل تحب مشاهدة التلفاز ؟
هيه يوم أكون ملاّنة و ما بظهر من البيت :4:أسميني بعميكم لوووووول
من هو أقرب انسان إليك ؟
أميه + إنسانة عزيزة على قلبي واااااايد + الــ فاطمتين :a100:
هل خذلك صديق / موقفك منه ؟
هييييه ، وحدة من ربيعاتي هي الوحيدة اللي ما توقعت منها هالشي ولاّ الباجين عااادي ما همّوني
هل تتأسف بسهوله ؟
مب لأي حـــد أتأسّــــف :blush:
هل انت اجتماعي ؟
فيه ناس من الله أرتاح لهم و أسولف ويااهم و آخذ راحتي واااااااااااايــــــد
وفيه ناس من الله ما يعيبوني :3:
اكتب 3 حروف من اسمك ( أي 3 حروف ولو مبعثره )
ماباااااااااا :a0360:
بس بكتب حرف الـــ "ر"
هل تحب المرح ؟
هييييييييييييييييه واااااااااااااااااااايـــ ـــــــــــد وايد وايد :inlove:
هل انت جاد طول الوقت ؟
لا بس يوم يدق في راسي أكون جدية أستوي جدّية لووول :k_santa_1:
لقب ينادونك به بين ( ربعك ) ؟
يزقروني بأسمي ، أو يدلعوني بـ "اسمي"
إلاّ فاطمة ربيعتي تزقرني بــ اسم يعيبني و أحبه بس ما بقوله :fa35:
أكلتك المفضلة ؟
أحـــــب الأكل الهندي :fa37:
أحب ورق العنب
أحب المجدّرة السورية لووول :h_6abakhah:
المزوحي
18-08-08 ||, 03:30 PM
يالله يا أنامل تبين زيادة اسئلة صدق ما عندي مانع، لكن مابغيت اثجل .. يعني شي خفيف .. بس
الحينه بقطعج من الاسئلة ... :fa56: أول بادي خبرينا عن اسمج وخلاف قولي كثر من الاسئلة :vampire:
الله يعطيج العافية ومشكورة على المشاركة أنامل
المزوحي
18-08-08 ||, 03:34 PM
مزن هتان يمكن من كثر جدج ماعندج ربع ومش عارفين يفرقون هل تتقبلين صداقتهم لج ، وإلا ماحصلتي اللي
يستاهل الصداقة في نظرج ؟؟
على العموم شاكر لج المشاركة على الاسئلة ... :k_blush-anim-cl:
thanks
المزوحي
18-08-08 ||, 03:39 PM
تعالوا بخبركم انتوا شو سالفة البنات كلهم من ثلاث حروووف :a058: اعترفوا
الياه عشان تتعودين على الرمسه في الحياه، يبالج تختلطين مع الناس وتحاولين تدخلين وياهم
بأي شي أو بأي رد بسيط ...
وييييييييه البنات كلهم من ثلاث حروف اسمهم ويحبون الاكل الايطالي :fa56: خخخخخ
تسلمين الياه على المشاركة .. :k_blush-anim-cl:
المزوحي
18-08-08 ||, 03:43 PM
هلا دمعة ... 3 حرووووف
باين ماعندج اعداء ( الحمدلله ) عيل تفدين عدوج بعيونج :devil: كلام كبير :4:
thank you :k_blush-anim-cl:
المزوحي
18-08-08 ||, 03:49 PM
قصايد كل شي مابتقولينه :h_negab: :h_negab: لاااااااا انا ارفض هالشي
تجاوبين على كل الاسئلة ... عسب اعرف انج شاركتي :k_icon9: همممم
الحينه شو اسوي بج :h_negab:
شكرا لج على الرد :woot:
شوق البدو
18-08-08 ||, 04:03 PM
من الشخص اللي ترتاح لو تكلمت معه ؟
ماماتي الله يخليها لي
من هو الشخص الذي لاترفض له طلب ؟
كل حد ع حسب الطلب
هل صادفك موقف احسست بالذنب فيه / ماهو ؟
واااايد و وااايد يأنبني ضميري
هل شخصيتك بالواحات نفسها خارج الواحات ؟
ممممم نفسهااا بس فالواحات قليلة الكلام خخخ
هل تحب الرياضة ؟
لااا بطة كسووولة
هل تحب مشاهدة التلفاز ؟
ولااا ادري عنه من زماان مااا جفت التلفزيوون شرات النااس
من هو أقرب انسان إليك ؟
ماماتي هي كل شي امييه وصديقتي وكل شي
هل خذلك صديق / موقفك منه ؟
هييه :(
هل تتأسف بسهوله ؟
هييه
هل انت اجتماعي ؟
مممم يعني
اكتب 3 حروف من اسمك ( أي 3 حروف ولو مبعثره )
ع وبس
هل تحب المرح ؟
كتيييييييييير
هل انت جاد طول الوقت ؟
في اوقااات لازم اكووون فيها جاده
لقب ينادونك به بين ( ربعك ) ؟
اسمي والا بدلع اسمي ههههه اخواني يزقروني بسمكه لحبي للسمج خخ
أكلتك المفضلة ؟
الباستا والمأكولات البحريه يم يم يمييييييي
*****
شكرا مزوحي عالأسئــله والموضووع الحلوو
ا ل غ ل ا
18-08-08 ||, 04:16 PM
من الشخص اللي ترتاح لو تكلمت معه ؟
ربيعتي المقربة + قرموشة + عمي
===========
من هو الشخص الذي لاترفض له طلب ؟
عمي + كزني
===========
هل صادفك موقف احسست بالذنب فيه / ماهو ؟
هيه .. من كمن يوم كنّا متفقين نسير السينما.. وأخوي بيودينا ..
وقبل الطلعة بشوي البنتين لي مقترحين السيرة ما خلوهم
طول ما نحن هناك يطرشولنا مسجات ونحن متلومااااااااااات فيهن
===========
هل شخصيتك بالواحات نفسها خارج الواحات ؟
100% نفس الشي ..
===========
هل تحب الرياضة ؟
هيه ,, بس الهيازة داء لا دواء له خخخخ
===========
هل تحب مشاهدة التلفاز ؟
أكره شي في حياتي لأنه الدعايات مذلة ><
===========
من هو أقرب انسان إليك ؟
عمي + قرموشة
===========
هل خذلك صديق / موقفك منه ؟
بصراحة هيه .. ومتضايقة منها وايد لين اليوم..
===========
هل تتأسف بسهوله ؟
إذا كنت أنا الغلطانه
أو مابا أدخل في نقاش عقيم مع الطرف الثاني
===========
هل انت اجتماعي ؟
هيه .. بس مب وايد (على حسب مزاجي)
===========
اكتب 3 حروف من اسمك ( أي 3 حروف ولو مبعثره )
صعب .. أسمي بكبره 4 حروف أكتب 3 منهم خخخخ
===========
هل تحب المرح ؟
واااااااااااايد ,, وأكره الجدية والرسمية..
===========
هل انت جاد طول الوقت ؟
لا .. ما أقدر أكون جادة لأكثر من دقيقتين ..
===========
لقب ينادونك به بين ( ربعك ) ؟
الغلا
===========
أكلتك المفضلة ؟
أحب المأكولات البحرية بأنواعها
من السمج ليييييييين المحار وما بينهما خخخخ
===========
هل بإمكاني أن أسأل أي سؤال محرج :fa56: سواااااااالف :4:
لا ما تقدر خخخخخ
مشكور أخوي على الأسئلة .. غيرنا جو شوي :fa47:
المزوحي
18-08-08 ||, 04:17 PM
هلا شوق البدو ... زين ماشاء الله هل الواحات قلبهم كبير وطيبين ويسامحون ويحبون المرح .. صفات حلوه فيكم
شوق مشكورة على الرد الله يخليج :woot: :k_blush-anim-cl:
مــهــابه
18-08-08 ||, 04:37 PM
الله يعافيج اختي مهابه ولج سؤال زيادة على الاسئلة :k_shock_1: هل انت موظفة ؟
لآ
خلني اتخرج من الجامعه قبل :P
الـيـاه
18-08-08 ||, 06:31 PM
المزوحي : لووووول شو نسوي XD يالمزوحي
اي سؤال !
بنت الدلع
18-08-08 ||, 06:48 PM
مرحبااااااا :inlove:
نبتدي
باسم الله :fa38:
لول
اجوبه على الطاير: ..
من الشخص اللي ترتاح لو تكلمت معه ؟
ممممم بطبعي كتومه وما احب اقول كل شي
بس ارتاح لاكثر من شخص
ومنهم مرت اخويا
من هو الشخص الذي لاترفض له طلب ؟
مافي حد معين
اذا الطلب دش مزاجي بلبيه
اما اذا مب عايبني يحلمون :vampire:
هل صادفك موقف احسست بالذنب فيه / ماهو ؟
اففف وااايد
خصصصصه هالموقف بس سوري ماروم اذكره لانه بيرسونال
ويأنبني ضميري يوم ازعّل ماما فديتها والله بدون قصد :a010:
هل شخصيتك بالواحات نفسها خارج الواحات ؟
همممم
هذا كان قبل
بس بعد ماصارت المشاكل قمت الزم حدودي
برع الواحات اكون على طبيعتي اكثر بس احيانا اكون اهدأ اكثر
هل تحب الرياضة ؟
هيه واايد بس هههه حبيت تعليق الغلا
الهيااازه هي مشكلتي
هل تحب مشاهدة التلفاز ؟
قبل ماكنت اداني اشوفه بس من بعد ماعيبني نور قمت اتابع
والحين لانه في الصيف وماعندي شي فاحيانا ايلس اطالع
من هو أقرب انسان إليك ؟
someone
هل خذلك صديق / موقفك منه ؟
هو مب خذلان
بس صار سوء تفاهم بيني وبينها
وسوت حركه جدااااااااا كريييييييهه
لدرجة ان اول مره اضايج من وحده لهذي الدرجه
عادة طااااف ما يهمووني هذيل
بس الي سوته شتت حسيت اني جي استويت :boxed:
هل تتأسف بسهوله ؟
نوووووو
بس اذا كنت غلطااانه على طول ابادر
واذا حسيت اني مضطره اني اتأسف اقول سوري
كلمة آسفه وايد صعبه علي
بس اقولها للي يستاهلون
هل انت اجتماعي ؟
للاشخاص الي يدشون مزاجي
احياااناااا اندمج بسرعه واسوولف
واحيااانا مايكون لي حس
اكون مستمعه فقط
في مثل يدور في بالي بس مب قادره اييب صياغته لول :birgits_giggle:
اكتب 3 حروف من اسمك ( أي 3 حروف ولو مبعثره )
يقولك الطمع هب زين :tounge:
منقود مانقول حروفنا :k_harhar1:
هل تحب المرح ؟
أكييييد
هل انت جاد طول الوقت ؟
لا
لقب ينادونك به بين ( ربعك ) ؟
يدلعوني باسم وايد قريب من اسمي
ووايد احب يزقروني به :inlove:
أكلتك المفضلة ؟
احب السوووووشي :fa37:
هل بإمكاني أن أسأل أي سؤال محرج :fa56: سواااااااالف :4:
اسأل وبفكر اجاوب ولا :k_harhar1:
====
شكراان المزوحي
نتريااا اجوبتك
في اسئله ثانيه ؟ :birgits_giggle:
المزوحي
18-08-08 ||, 08:32 PM
مهابه الله يوفقج ... :b050:
المزوحي
18-08-08 ||, 08:37 PM
الغلا هلااااا بلاكم إلا اساميكم من 3 حروف وهاا إن كثرتوا 4 أساميكم باين عليها أسامي دلع :fa56:
وثانيا يبالكم رياضة كلكم كسالى :4: يالله بنفتح نادي بن دبي يضمكم .. :fa42:
الله يخلي لج عمج :vampire: وشكرا لج على المشاركة
المزوحي
18-08-08 ||, 08:41 PM
اهلين بنت الدلع .. هممم ليش منقود ؟؟ سؤال ويحتاي اتجاوبين عليه ... شو قلتي :devil:
ماشاء الله اعضاء الواحات كلهم يحبون المرح .. زين .. :woot:
شكرا لج على الرد
مجموعة إنسان
18-08-08 ||, 10:08 PM
هلا والله المزوووحي
من الشخص اللي ترتاح لو تكلمت معه ؟
مممم
ماعرف والله ,,
الكل تقريبا,, وااايد ارتاح لهم
من هو الشخص الذي لاترفض له طلب ؟
هوو انا اقدر ارفض طلب لحد !!!
هل صادفك موقف احسست بالذنب فيه / ماهو ؟
لااا
هل شخصيتك بالواحات نفسها خارج الواحات ؟
هههههه
وااايد نفس الشي
هل تحب الرياضة ؟
لاا
هل تحب مشاهدة التلفاز ؟
من زمااان ما شفت تلفزيوون
بس لو قاعد في البيت اشوف
من هو أقرب انسان إليك ؟
واايد .. الثلاثي العجيب قروبي برع الواحات
وبو عووف
هل خذلك صديق / موقفك منه ؟
مممم
مو من كثر ربعي
هل تتأسف بسهوله ؟
لا
هل انت اجتماعي ؟
وااايد
اكتب 3 حروف من اسمك ( أي 3 حروف ولو مبعثره )
محمد علي محمد علي
بس باقي اسم امي ,,
هههه
هل تحب المرح ؟
هو انا متى كنت جدي !!
هل انت جاد طول الوقت ؟
لا والف لاا
لقب ينادونك به بين ( ربعك ) ؟
حمووود
او حموود علي ( هذا في البيت عسب يفرقون )
أكلتك المفضلة ؟
كل شي يدخل البطن ويشبع
واي سؤاااال بخاطرك اسال
عااادي
المزوحي
18-08-08 ||, 11:43 PM
أهلا بك بوجاسم ...
بما إنك بتجاوب على أي سؤال ... فبسألك سؤال محرج :look: يمكن بالنسبه لك
واللي عمري ما سألت أي مخلوق ، لكن تقدر ترد على الخاص :fa56: وإذا ما حبيت مب مشكلة
:vampire: كـــــــــــم عــــــــــمرك :a0360:
مجموعة إنسان
19-08-08 ||, 09:37 AM
ياريااال هاااا مب سؤاااال محرج
عمري
21
وانت كم عمرك ؟
عذبة الروح
19-08-08 ||, 01:28 PM
أنا أنا .. أبى أجاوب دوري
متحمسه وايد لـ الأجوبة
:vertag:
من الشخص اللي ترتاح لو تكلمت معه ؟
لو تبي تعرفه .. تقدر تقرى خاطرة (أم عمر)
من هو الشخص الذي لاترفض له طلب ؟
ظني بعده ما انولد ..:fa46:
هل صادفك موقف احسست بالذنب فيه / ماهو ؟
لا الحمد لله
هل شخصيتك بالواحات نفسها خارج الواحات ؟
أعتقد شخصيتي .. ظاهرة أكثر في الواحات
لكن فـ واقع حياتي .. [مختبئة خلف الستار] :fa52:
هل تحب الرياضة ؟
لا .. بـ استثناء المشي في جو بارد <--- مثل جو لندن مب هـ الجو اللي يشويني الحينه
هل تحب مشاهدة التلفاز ؟
لا .. بـ استثناء فناة العفاسي
من هو أقرب انسان إليك ؟
هو مب إنسان .. هو دبدوب
هل خذلك صديق / موقفك منه ؟
نعم
مسحتها من حياتي
ولا كأني اعرفها .. ولو التقينا ارمس وياها كلمتين وامشي :fa44:
هل تتأسف بسهوله ؟
لا ..
هل انت اجتماعي ؟
أبداً ..
اكتب 3 حروف من اسمك ( أي 3 حروف ولو مبعثره )
اسمي كله على بعضه 3 حروف
هل تحب المرح ؟
أكيد .. لكن أخاف منه
هل انت جاد طول الوقت ؟
تقريباً .. بس لازم يكون في مداعبات وترطيب لـ الجو
لقب ينادونك به بين ( ربعك ) ؟
عذابه .. لكن الأكثر اسمي بـ لكنه أجنبية ما اقدر أقوله لانه بـ ينعرف الاسم :)
أكلتك المفضلة ؟
لازانيا & مشاوي بـ شكل عام
أحييك على الموضوع
&
يسلمووونيشن مزوحينا
المزوحي
19-08-08 ||, 04:08 PM
مرحبتين عذبة الروح .. شو سالفة الثلاث حروووف في اساميكم :k_shock_1:
واشكرج على المشاركة تسلمين عذبة :vampire:
شمعة أمل
22-08-08 ||, 03:48 AM
من الشخص اللي ترتاح لو تكلمت معه؟
أبويه وأمي:heart: .. من بين ربيعاتي: مريم وميره وعليا وحمده وشما .. ومن الواحات: اليـاه:heart: وارتاح يوم أرمس حلم الطفوله.. مع اني بس ارمسها في الواحات:fa35:
من هو الشخص الذي لاترفض له طلب ؟
طبعاً أبويـه:heart:
هل صادفك موقف احسست بالذنب فيه / ماهو ؟
يوم أكون أنانيه وأجرح حد
هل شخصيتك بالواحات نفسها خارج الواحات ؟
والله مادري؟! على حسب كيف النـاس يقرون يردودي ويفسـرونها :)
هل تحب الرياضة ؟
نعمممممممممم!!!!!!! أحب المشي وجميع الرياضات البحريه.. والتنسسسس 3> والهوكييي واليوغاا والبلاتييز
هل تحب مشاهدة التلفاز ؟
هيـه
من هو أقرب انسان إليك ؟
أبويه :heart:
هل خذلك صديق / موقفك منه ؟
هيـه.. قطعت علاقتي فيها تماماً
هل تتأسف بسهوله ؟
أتأسف بسهوله على اي شي.. على قولة ناس كلمة آسفه وشكراً دوم على لساني.. بس يوم شي جدي ماتأسف.. لكن على ايييي شيييييييي أتأسف بس الاشياء الجديه لاء
هل انت اجتماعي ؟
هيــه! بس على حسب مودي!
اكتب 3 حروف من اسمك ( أي 3 حروف ولو مبعثره )
guess them
هل تحب المرح ؟
وايد
هل انت جاد طول الوقت ؟
معظم الوقت بس مب طول
لقب ينادونك به بين ( ربعك ) ؟
ميـم ، الميـم، ميمو، ميمي (بيني وبينكم سالفة ميمي ماحبها مول...احس عمري قطوه يوم حد يزقرني ميمي)
أكلتك المفضلة ؟
وايد عندي اكلات مفضله
مشكور على الموضوع يالمزوحي
المزوحي
22-08-08 ||, 01:08 PM
أهلا شمعة أمل نورت الموضوع الصراحة .. شي حلو تحبين الرياضة .. ^_^