مشاهدة النسخة كاملة : رؤى والناس ( السفر )
حلم الطفوله
13-08-08 ||, 10:09 AM
السلام عليكم ورحمة الله وبركاته
رؤى والناس : موضوع يتناول سلسلة من المواضيع المهمه والأحداث الراهنة في الساحه الإماراتيه بشكل خاص
يتحدث عن رؤى .... تلك العين الساهره التي ترى الأحداث من زاوية معينة فتطرحها عليكم لتعرف مدى تأثير هذه القضية على المواطن الإماراتي ، ومن خلال الحوار والمناقشة في الموضوع تتضح الرؤى للجميع بإذن الله تعالى
رؤى والناس
http://oasis.bindubai.com/bin/uploaded/2055_01218560630.gif
( السفر )
صيفنا مميز .... تسابق أيامه شهوره ... يفرح بقدومه الصغار قبل الكبار ...
فالصيف مسمى يحمل معناه ألف دلاله ومعنى
إجازه – سفر – لعب – عالم مدهش
ولكن متعة الكبار تكمن في السفر
فللسفر سبعة فوائد ... نستعين بها بالتوكل على الله والإعداد للرحله بدءا من مكتب الطيران وصولا إلى حجز حافلات التنقل
وانطلقت الرحله .... ومن مقاعد الانتظار قبل دخول الطائره يبدأ التعارف مع عيال البلد الذين لا نراهم إلا بالسفر !!!!
ودخلنا الطياره .... حتى ( يتصدع راسك بحشرة اليهال:11: ) وإلي يزقر حمود ويفاتن على رشود وهاد قيد مهروه
( حتى تتمنى أحيانا أن يتناول كل الأطفال منوم لتحظى برحله تنعم فيها بالهدوووووووووء )
وصلنا بالسلاااااااااااااااااااا اامه .... وبعد صدعة المطار وانتظار الشنط ( خصوصا إلي امحملين جدورهم مثلنا:10:)
ووصولا إلي الفندق الذي لا تلبث أن تدخله برجلك اليمين ....حتى تحس بالراحه ...لأنه أغلبه عررررررب إماراتيين :m_m7tar::h_ttmasha:( محد امفود السياحه غير الإماراتيين)
ومنذ الساعه الأولى من دخول الغرفه ... تسمع صوت الجرس فتهرع لفتحه .... لتفاجئ بهديه من الجيران ( صحن فواكه ) ، ولتقوم أنت الآخر بإهداءاتك المتوقعه وهي ( صحن رطب – اخنيزي وإلا بوجيبال )
من وطن واحد وإمارة واحدة ولكنك لا تتعرف عليهم إلا بالأسفار ...فتتوطد العلاقه كثيرا ويصبح اللقاء يوميا :a054:
(الرياييل والشواب يلتقون بالرسبشن:k_wheelchair: – والحريم والعيايز كل يوم بحجره :g_aloof:) ويا حلاتها دلة لقهوه ويا سوالفهم
وأحيانا ...قد تفاجئ بردة فعل عكسيه !!! فهناك أناس يتعمدون الهروب منك .... لأنك من لبلاد:k_icon9: !!!
وفي أحايين كثيرة .... قد تفضل العائلات اختيار وجهه لا يفضلها أبناء البلد عشان ياخذون راحتهم أكثر
والآن .... أعزائي أعضاء واحات بن دبي الكرام ....
1- أي نوع من الأشخاص أنت في السفر ( تحب اللمه – تشرد وتندس – تختار بلاد بعيده ) ؟
2- هل تفضل السفر مع العائلة أو الأصدقاء ؟ ولماذا ؟
3- ماذا يشكل لك الأصدقاء الذين تتعرف عليهم خلال سفرك ؟ يعني هل يكون بينكم اتصال أم ينقطع التواصل بمجرد العوده للديار ؟
4- كم هي المدة التي يستغرقها سفرك بشكل عام ؟
5- أكثر شيء تكرهه في السفر !
6- شو الأحلى ؟ السفر بنية الاستمتاع وإلا السفر بنية الشراء !
والحمد لله على سلامة الوصول
حلم الطفوله
13-08-08 ||, 10:34 AM
السلام عليكم
1- أي نوع من الأشخاص أنت في السفر ( تحب اللمه – تشرد وتندس – تختار بلاد بعيده ) ؟
والله على حسب المود .... بس بالغالب أحب اللمه والسوالف :14:
2- هل تفضل السفر مع العائلة أو الأصدقاء ؟ ولماذا ؟
طبعا العائله ...وخصوصا مع بنات خالتي لأني آخذ راحتي وياهم أكثر
3- ماذا يشكل لك الأصدقاء الذين تتعرف عليهم خلال سفرك ؟ يعني هل يكون بينكم اتصال أم ينقطع التواصل بمجرد العوده للديار ؟
الحمد لله يكون امبينا اتصال بين فتره وفتره ....وبعضهم ينقطع الاتصال وياهم عشان الظروف والانشغال
4- كم هي المدة التي يستغرقها سفرك بشكل عام ؟
شهر بالكثير ....بس أحيانا أسويها وأسافر خمس أيام يوم أضيج و ( أزن ) على إخواني
5- أكثر شيء تكرهه في السفر !
الطياره !!! ما أحب يلسة الطياره ..... ريولي اتعن علييييييييه :Oo:
وبعد لبس عيال بلادي يوم يسافرون !!! بعضهم يتخبل من الخاطر ...
شفت أوادم تقولون طالعين من آلة الزمن وعافستنهم تعفيس:biggrin:
6- شو الأحلى ؟ السفر بنية الاستمتاع وإلا السفر بنية الشراء !
والله السفر لازم يحقق التوازن بين الاستمتاع والشراء ...يعني ما بنرد لبلاد وإيدنا فاضيه بعد:3:
بس نصيحه يوم بتتشرون لا تاخذون وياكم ريال !!! بيعيفكم حياتكم :argue:
وحي القلم
13-08-08 ||, 03:38 PM
عليكم السلام و الرحمه
اشحالج حلم؟؟ :thumbup1:
وبعد صدعة المطار وانتظار الشنط ( خصوصا إلي امحملين جدورهم مثلنا:10:)
لا ترمسين عن شنطة الجدور.. هاي أكبر وحده بينهن
مادري ليش وجودها إلزامي :fa52:
.
.
1- أي نوع من الأشخاص أنت في السفر ( تحب اللمه – تشرد وتندس – تختار بلاد بعيده ) ؟
أحب اللمه :icecream:
؛
2- هل تفضل السفر مع العائلة أو الأصدقاء ؟ ولماذا ؟
ويا العايله لانه مستحيل السفر مع الأصدقاء :k_harhar1:
؛
3- ماذا يشكل لك الأصدقاء الذين تتعرف عليهم خلال سفرك ؟ يعني هل يكون بينكم اتصال أم ينقطع التواصل بمجرد العوده للديار ؟
يعتمد عليهم.. أكيد بيكون بيننا اتصال إذا ما عندهم مانع :yes:
؛
4- كم هي المدة التي يستغرقها سفرك بشكل عام ؟
اسبوعين
؛
5- أكثر شيء تكرهه في السفر !
اممم.. ما أكره شي جانج تبين الصدق :tongue:
بس تقدرين تقولين إذا كان الدليل السياحي ما يدري بالدنيا :glare:
؛
6- شو الأحلى ؟ السفر بنية الاستمتاع وإلا السفر بنية الشراء !
الاستمتاع طبعا
.
.
بس نصيحه يوم بتتشرون لا تاخذون وياكم ريال !!! بيعيفكم حياتكم
:4:
مب كلهم.. ويا اخويه أحس بهالشعور :3:
بس ابويه بالعكس.. يخليني أتلوم لانه ما يقول شي
.
.
والحمد لله على سلامة الوصول
الله يسلمج :laugh:
مزايا
13-08-08 ||, 03:43 PM
السلام عليكم .....
1- أي نوع من الأشخاص أنت في السفر ( تحب اللمه – تشرد وتندس – تختار بلاد بعيده ) ؟
ماتحلا السفـره إلا باللمـه الحلوه . وماتفرق بلاد بعيده أو قريبه
2-- هل تفضل السفر مع العائلة أو الأصدقاء ؟ ولماذا ؟
العائـله أكيد ، مافي شك إنه سعادتك بتكون أكبر مع عائلتك
3- ماذا يشكل لك الأصدقاء الذين تتعرف عليهم خلال سفرك ؟ يعني هل يكون بينكم اتصال أم ينقطع التواصل بمجرد العوده للديار ؟
طبعا بيكون بينـا إتصـال ولكن يمكن تكون الظروف عكسنا تماما وتقلل من التواصل اللي بينا بس مش معناته نقطعهم للأبد
4- كم هي المدة التي يستغرقها سفرك بشكل عام ؟
اممم على حسب ، اذا كان للشرا فـ بيتراوح بين 4 أيام لـ أسبوع بالكثير
أما اذا كان للمتعه ، فعلى حسب المكــان .
5- أكثر شيء تكرهه في السفر !
الساعات اللي بتقضيها في الطياره والمطار
6- شو الأحلى ؟ السفر بنية الاستمتاع وإلا السفر بنية الشرا ؟
ترا في سفرات 2 في واحد بنيه الاستمتاع ولكن مافي مانع للتبضع :)
مــهــابه
13-08-08 ||, 04:47 PM
- أي نوع من الأشخاص أنت في السفر ( تحب اللمه – تشرد وتندس – تختار بلاد بعيده ) ؟
~ لمـة أهل بس في بقـعه مافيها عـَرب وايد . .
- هل تفضل السفر مع العائلة أو الأصدقاء ؟ ولماذا ؟
بالنسبه لي أكيد مع " الأهل " . .
ماذا يشكل لك الأصدقاء الذين تتعرف عليهم خلال سفرك ؟ يعني هل يكون بينكم اتصال أم ينقطع التواصل بمجرد العوده للديار ؟
~ لا طبعاً ، نكون متواصلين على طول ،يعني في الأعياد والمناسبات ، وبين فتره وفتره تكون أمبينا اتصآلات ، واحيان توصل لحد العزايم ~ !* ..
- كم هي المدة التي يستغرقها سفرك بشكل عام ؟
~ من يومين يلين 25 يوم
- أكثر شي تكرهه في السفر ؟
~ زحمة المطارات ، ولو السفره فيها يهال ، احس واايد نرتبط فيهم
شو الأحلى ؟ السفر بنية الأستمتاع أو السفر بنية الشراء ؟
~ هو نحن روح عسب نتمشى أونه ، بس لو مامزرنا الشنط ، مابنكون بنات
~ يعطيج العآفيه يـا حـلم رؤى على هالموضوع ، وبإنتظار سلسله ثانيه من النقاشات . .
مجموعة إنسان
13-08-08 ||, 06:28 PM
- أي نوع من الأشخاص أنت في السفر ( تحب اللمه – تشرد وتندس – تختار بلاد بعيده ) ؟
احلى شي في السفر اذا شباااب خرررشه وما يستحووون وكله قرض في بعض ومحد يزعل ولا حد يتعاايز
وما في حد يحاتي شي
- هل تفضل السفر مع العائلة أو الأصدقاء ؟ ولماذا ؟
هووو مع الأهل مراات مب شي
بس مع الربع غيير اذا كانوا مثل ما قلت فووق
ماذا يشكل لك الأصدقاء الذين تتعرف عليهم خلال سفرك ؟ يعني هل يكون بينكم اتصال أم ينقطع التواصل بمجرد العوده للديار ؟
ما احب ارتبط مع شباااب من السفر
- كم هي المدة التي يستغرقها سفرك بشكل عام ؟
من يومين و اكثر
على حسب
- أكثر شي تكرهه في السفر ؟
العرب ,,,
شو الأحلى ؟ السفر بنية الأستمتاع أو السفر بنية الشراء ؟
طبعا استمتاااع وتغييير جو
وخرشه
تسلميييين حلوووم على الموضوع العجيييب
وان شاء الله في مواضيع ثانية
قلم رصاص
13-08-08 ||, 06:36 PM
ممكن أشارك ،،:m_m7tar:
من أجمل الأشياء في السفر إنك إتشوف الإماراتين بكثرة أكثر من إنك اتشوفهم فالبلاد:10: فـ إلي يبغي يشوف الإماراتين لا أي الإمارات يترياهم فالصيف في دولة من دول المصيف.
ظاهرة سلبية : أصبحت تنتشر فالناس بكثرة ، أنت إماراتي وأنا إماراتي ماأنسلم على بعض بالرغم إنك لو تشوف خليجي ممكن إتسلم عليه وإتسولف وياه.
محتاجين شوي تصحيح فالفكر : للجنسين ، الشباب لا يظنون إن كل البنات (مغ****) والبنات لا يظنون إن كل الشباب يبين يلعبون ، لازم يكون في روح الأخوة والغيرة على بعض ..
شمعة أمل
13-08-08 ||, 07:05 PM
السلام عليكم
مشكوورره حللللللم على الموضوع الغاوي:inlove:
1- أي نوع من الأشخاص أنت في السفر ( تحب اللمه – تشرد وتندس – تختار بلاد بعيده ) ؟
على حسب الناس! يعني مثال.. هني في لندن.. معظم العرب بنفسهم يشوهون سمعة العرب.. وعشان هالشي نحن منحرميـن نطلع الفليل من البلاوي الى تستوي
بس
لو كنت في برايتون.. الى هي منطقه ثانيـه في بريطانيا.. العرب هناك طبيعين وكتكوتيـن وماتخافون على عماركم منهم
ويوم نختار البلاد الى بنسافرلها .. دايما ندور شي غييير وجي! مب سالفة فيها عرب ولا هنود
2- هل تفضل السفر مع العائلة أو الأصدقاء ؟ ولماذا ؟
العائلـه.. ويوم أقول عايله اقصد بس امي وابويه وخواتي.. ماحب يوم شي ناس اكستراا.. الا لو بنت عمي عادي لانه تسّلي اختي ,, بس حد ثاني لااااااااااء.. عذااب جربته هالصيف ومول مب عايبني
3- ماذا يشكل لك الأصدقاء الذين تتعرف عليهم خلال سفرك ؟ يعني هل يكون بينكم اتصال أم ينقطع التواصل بمجرد العوده للديار ؟
الصراحه، مانتعرف على حد غريب يوم نسافر.. يعني نتعرف على بنات ربع أبويه.. بس حد غرييب لاء.. ومرات يكون بينا اتصال ومرات لا.. لانه اصلن ماله داعي.. كلنا نعرف نفس الناس فـ آخر شي نتلاقى في العزايم بالصدفه
4- كم هي المدة التي يستغرقها سفرك بشكل عام ؟
من أربع وعشريـن ساعه لـ شهرين ونص
5- أكثر شيء تكرهه في السفر !
العرب الى عليهم حركات وصخه.. الناس السكرانيين في الشارع.. قم sistaaa i pray for u < طلابات .. و PDA
*غريبه.. انا وايد احب اسير المطار واستانس يوم اكون على الطياره اسبشلي لو طيران الامارات ولا الاتحاد*
6- شو الأحلى ؟ السفر بنية الاستمتاع وإلا السفر بنية الشراء !
على حسب المدينه:4:
المزوحي
13-08-08 ||, 08:04 PM
1- أي نوع من الأشخاص أنت في السفر ( تحب اللمه – تشرد وتندس – تختار بلاد بعيده ) ؟
على حسب في ناس تحبين تتعرفين عليهم وفي ناس تقولين عنهم ليت ماشي عرب هنيه :look:
2- هل تفضل السفر مع العائلة أو الأصدقاء ؟ ولماذا ؟
السفر مع العائلة لها نكهة ولو مع الاصدقاء افضل .. :4:
3- ماذا يشكل لك الأصدقاء الذين تتعرف عليهم خلال سفرك ؟ يعني هل يكون بينكم اتصال أم ينقطع التواصل بمجرد العوده للديار ؟
في ناس متواصلين معاهم وفي ناس انقطعنا عنهم بمجرد العودة .. :k_shock_1:
4- كم هي المدة التي يستغرقها سفرك بشكل عام ؟
ماتزيد عن 3 ساعات :a0360:
5- أكثر شيء تكرهه في السفر !
أكره انتظار الشنط ... او المعامله البايخه في الكيو :a046:
6- شو الأحلى ؟ السفر بنية الاستمتاع وإلا السفر بنية الشراء !
أحب النوعين من السفر ... :woot:
الشوق
15-08-08 ||, 03:03 PM
السفر حلو يوم يكون بالصيف
لان الحر في الامارات ما ينطاق ..
حلو انك اتشوف سياحة بلاد ناس ثانين ..
وحلو انك تتمتع بمناظرهم اللي ما اتحصلها في بلادك ..
وحلو انك اتكون سايح .. وتكتشف معالم غيرك
وحلو يوم اتسافر من دون صدعة يهال
وحلوم يوم اتسافر ومعاك عايلتك علشان مااتحس الغربه
وحلو السفر لكن يكون الوقت قصير .. علشان ما اتحس بالحنين ..
.
.
.
واحلى شي اتسويه انك اتسافر وتستمتع بالسفره اللي رحتها من دون مشاكل
تحياتي / بنت زايد
الشوق
حلم الطفوله
15-08-08 ||, 03:28 PM
السلام عليكم ورحمة الله وبركاته
وحي القلم ... ربيعة صديقتي:laugh:
هالجدور ورانا ورانا !!! بس والله ينفعن !!! :fa37:
والرياييل على حسب !!! حد منهم يتبرض بالأسواق وحد منهم يتهرب إذا السالفه فيها مشاري!!
وأنا جربت النوعين !!! :fa51:
الحمد لله على السلامه .... وإن شاء الله نتلاقى بالسفرات اليايه:laugh:
عزيزتي مزايا
أكيد السفرات ما تحلى إلا باللمه الحلوه وبوجود الأهل :inlove:
وحلو الواحد يسافر بنية الاستمتاع بالطبيعه الجميله !!! بس بعد هالشيء ما يغني عن المشاري
أتمنالج الخير يا ويه الخير :blush:
خالة رؤى .... مهابه :laugh:
في بعض البلدان يتركزون فيها العرب بشكل كبير !!! فتتمنين إنج ما فكرتي تسافرين لها !!!:a108:
والسفر مع وجود اليهال له ايجابيات وسلبيات !!! يعني بوجودهم بتسيرين للأماكن الترفيهيه وبعد بترتبطين بمتابعتهم ولمراكض وراهم !!! وبتكتشفين إنج ما تهنيتي بهالطلعه :a046:
أنا جربت السفر وياهم وبدونهم ....واكتشفت إنه السفره بدون حشرتهم ما تسوى:wacko:
سفير الخيال
15-08-08 ||, 03:34 PM
حسيييت ابويع في راسي لما قريت العنوان :doh: ... ورانا ورانا حتى بالواحات :glare:
- أي نوع من الأشخاص أنت في السفر ( تحب اللمه – تشرد وتندس – تختار بلاد بعيده ) ؟
أحب اللمه وأحب أسافر كل مكان وأجرب وأحب المغامره بشكل كبير
2- هل تفضل السفر مع العائلة أو الأصدقاء ؟ ولماذا ؟
امممممم أنا جربت السفر مع الشباب ومع الأهل وروحي وحسيت إن كلهم لهم نكهه مختلفه,,, فما يفرق عندي أبدا ولكن اللي يفرق نوعية الشباب اللي أسافر وياهم لأني ما أحب الحنـّــه وااايد :glare:
3- ماذا يشكل لك الأصدقاء الذين تتعرف عليهم خلال سفرك ؟ يعني هل يكون بينكم اتصال أم ينقطع التواصل بمجرد العوده للديار ؟
أغلبهم لازلت متواصل معاهم وعلى حسب التساهيل
4- كم هي المدة التي يستغرقها سفرك بشكل عام ؟
أفضل 4 أسابيع لكن بعض الأحيان تاخذ من أسبوع الين أربع شهور
5- أكثر شيء تكرهه في السفر !
الحنـّــه :bash: و المزاجيه،،، وأكيد الجو اللي فيه مطر كثير
6- شو الأحلى ؟ السفر بنية الاستمتاع وإلا السفر بنية الشراء !
الأثنين طبعا، لأن الشراء يعتبر متعـــة السفــــر الأولى :biggrin:
شكرا إختي حلم.. :smile:
وحي القلم
15-08-08 ||, 03:56 PM
وحد منهم يتهرب إذا السالفه فيها مشاري!!
لانهم ما يدانون ينلطعون أونه :birgits_giggle:
شوق القلوب
16-08-08 ||, 08:43 PM
1- أي نوع من الأشخاص أنت في السفر ( تحب اللمه – تشرد وتندس – تختار بلاد بعيده ) ؟
- أحب أكون في مكان آخذ راحتي فيه .. و استاااانس..
2- هل تفضل السفر مع العائلة أو الأصدقاء ؟ ولماذا ؟
- سفره الربع.. لو شو ما بنحصلها.. بس السفر مع العايله ( أهل البيت ).. يكون له طعم ثاني..
اما السفر مع مجموعه من الاهل.. و ناسه.. بس ما اتروم تاخذ قرارك على راحتك.. يعني السالفه فيها ربطه ..!!!
3- ماذا يشكل لك الأصدقاء الذين تتعرف عليهم خلال سفرك ؟ يعني هل يكون بينكم اتصال أم ينقطع التواصل بمجرد العوده للديار ؟
- ما جد صادف اني اتعرفت على حد..
4- كم هي المدة التي يستغرقها سفرك بشكل عام ؟
- ما بتسمى سفره اذا الواحد ما كمل اكثر من اسبوعين.. بس موول ما عندي مشكله اذا السفره وصلت لشهرين :14:
5- أكثر شيء تكرهه في السفر !
- كل شي حلو في السفر.. من تجهيز الشنطه.. و متعه الطياره.. الين ساعه الوصول.. ^_^
6- شو الأحلى ؟ السفر بنية الاستمتاع وإلا السفر بنية الشراء !
- الاستمتاع حلووو.. بس اللي بيزيده حلاه متعه الـ Shopping .. :a049:
أنامل قلب
17-08-08 ||, 04:29 AM
:
.
بالبداية أشكرج عالطرح الطيب اختي حلم ..
وعني لست من هواة السفر كثيرا .. مقارنة بغيري من المحبين له يعني ..
أو يمكن بمعنى أصح ما أُعتبر من الصنف الـ كثير الحواطه لول !
وعن الأسئله فـ :
- أي نوع من الأشخاص أنت في السفر ( تحب اللمه – تشرد وتندس – تختار بلاد بعيده ) ؟
اممم ما سبق وسافرت مع غير أفراد أهل البيت ، لكن مع ذلك أحب واتمنى جدا لو يتسنالنا السفر مع عدد أكبر من الأقارب ..
وما يفرق لـ وين .. بس ما أعتبرني من الصنف اللي يحب يتغربل لا بالمطار ولا بالطياره .. !
مع العلم إني ومع حبي للمة الاهل .. أُعتَبَر كذلك من الصنف اللي يشرد ويندس ^^"
2- هل تفضل السفر مع العائلة أو الأصدقاء ؟ ولماذا ؟
نفس أجابة اختي وحي الواحات :smile: ..
3- ماذا يشكل لك الأصدقاء الذين تتعرف عليهم خلال سفرك ؟ يعني هل يكون بينكم اتصال أم ينقطع التواصل بمجرد العوده للديار ؟
بصراحه ما سبق وتعرفت بأحد بذاك الشكل المقرب اللي يجعلني أتبادل معاه أرقام الهواتف وما شابه ذلك ..
فـ لست من الصنف الاجتماعي أبدا .. لأسباب كثيره .. . !
بالعكس عادي تشوفوني أتهرب ^^"
4- كم هي المدة التي يستغرقها سفرك بشكل عام ؟
مابين الاسبوع وما يتجاوز الـ شهرين أحيانا ..
يعني يعتمد عالمكان والوقت ومود الأهل .. . !
5- أكثر شيء تكرهه في السفر !
اممم وايد لول ..
الشـــنط + المطار والطياره "لمن نطول" + تبصص الناس !
+ كثرة الحواطه أحيانا لما يتجاوز حد التحمل :/ + العجائب اللي نشوفها أحيانا !
وهذا اللي أذكره حاليـــا !!!!
6- شو الأحلى ؟ السفر بنية الاستمتاع وإلا السفر بنية الشراء !
الاثنين أكيد :yes: ..
والحمد لله على سلامة الوصول ؟
ربي يسلمج دنيا وآخره ..
:
.
سعدت بمروري من هنا ~
:
.
أتمنى
18-08-08 ||, 01:14 AM
1- أي نوع من الأشخاص أنت في السفر ( تحب اللمه – تشرد وتندس – تختار بلاد بعيده ) ؟
اذا كانت المجموعه حلوه و تونس اكيد نحب اللمه وقتها
و اذا لا الهروب احلى يكون :redface: ..
و غالباً اختار البلد البعيد ..
2- هل تفضل السفر مع العائلة أو الأصدقاء ؟ ولماذا ؟
الاثنين ؛ كل منهم له نكهته الخاصه ..
3- ماذا يشكل لك الأصدقاء الذين تتعرف عليهم خلال سفرك ؟ يعني هل يكون بينكم اتصال أم ينقطع التواصل بمجرد العوده للديار ؟
نااااادر ما يكون فيه هذا النوع من التعارف
و اذا صار تكون علاقه سطحيه مسجات في الاعياد و المناسبات و كذا ..
4- كم هي المدة التي يستغرقها سفرك بشكل عام ؟
من ثلاث ايام الى سنوات :biggrin:
5- أكثر شيء تكرهه في السفر !
التقيد بشيء / وقت / شخص معين خصوصاً اذا كان الغرض من السفر الاستمتاع
و الالتفات لاشياء صغيره .. مثلاً لا ما نبي كذا هذا افضل
او نكون مجموعه و تقعد وحده دايم تعترض :a046:
حلو في السفر ترضين بكل شي و تجربين تعيشين كل انواع الحياه
6- شو الأحلى ؟ السفر بنية الاستمتاع وإلا السفر بنية الشراء !
الاثنين لكن الاحلى .. الاستمتاع :smile:
،
رؤى الخير و العطاء
فرحانين فيكم و بجهودكم :smile:
تسلم الايادي يا حلم
.
.
مخاوية الامل
21-08-08 ||, 03:35 AM
- آي نؤع من اَلآشخاَص آنت في اَلسفر ( تحب اَللمه – تشرد ؤتندس – تختاَر بلاَد بعيده ) ؟
آحب اَللمــة ..، خص إذاَ ڪْناَ مساَفرين درب ..،
- هل تفضل اَلسفر مع اَلعاَئلة آؤ اَلآصدقاَء ؟ ؤلماَذاَ ؟
اَمممـ .. طبعاَ اَلعاَئلـة ..، صح إنه حلؤ ؤياَ اَلآصدقاَاَء ؤخاَطري آجرب هاَلشي ..! بس آحس إني ماَبستاَنس ڪْثر ماَبستاَنس ؤياَ آهلي ..، لن ؤبڪْل اَختصــاَر ..، دمناَ ؤاَاَحد يعني ؤناَستناَ ؤحدة !
- ماَذاَ يشڪْل لڪْ اَلآصدقاَء اَلذين تتعرف عليهم خلاَل سفرڪْ ؟ يعني هل يڪْؤن بينڪْم اَتصاَل آم ينقطع اَلتؤاَصل بمجرد اَلعؤده للدياَر ؟
اَمممم ...، ماَجربت إن يڪْؤن عندي آصدقاَء تعرفت عليهم خلاَل سفريه ! اَممـ ... بس هاَلسنـة ..، ف ترڪْياَاَ ..، تعرفت على ڪْذاَ ؤحدة بس ماَستؤى بيني ؤبينهاَ اَتصاَل من عؤدت لبلاَاَدي ..،
- ڪْم هي اَلمدة اَلتي يستغرقهاَ سفرڪْ بشڪْل عاَم ؟
اَممم .. آطؤل سفرة ساَفرتهاَ آسبؤعين ..، ؤماَعتقد إن ممڪْن إني آطؤل آي سفرة آڪْثر عن آسبؤعين ..،
- آڪْثر شيء تڪْرهه في اَلسفر !
إني آعرف إن في شي هب زين مستؤي حق حد يقربليه ؤآناَ مساَفـرة !
شؤ اَلآحلى ؟ اَلسفر بنية اَلاَستمتاَع ؤإلاَ اَلسفر بنية اَلشراَء !
اَممم ..، بنية اَلاَستمتاَع آحلى .، في ڪْل مڪْاَاَن ممڪْن نتشـرى ..، بس اَلاَستمتاَع ڪْل مڪْاَن ؤله اَستمتاَاَعه ! ..،
.
.
يسلمؤؤؤ رؤى ع اَلمؤضؤؤع اَلحــلؤ ... ^^
خيال الحب
22-08-08 ||, 03:29 PM
1- أي نوع من الأشخاص أنت في السفر ( تحب اللمه – تشرد وتندس – تختار بلاد بعيده ) ؟
اكــيد احــب اللمــه.. الحمــدلله كــل ما نســافر لازم نطــلع اكثــر من عــايلــه.. وتكون السفــره وناســه:fa42:
2- هل تفضل السفر مع العائلة أو الأصدقاء ؟ ولماذا ؟
مع انه ربعي يحاولون وياي اسافر وياهم الا انــي مب مقتنــع..
احب اسافر مع اهلــي واقضي وقتــي وياهـــم احســن
:a054:
3- ماذا يشكل لك الأصدقاء الذين تتعرف عليهم خلال سفرك ؟ يعني هل يكون بينكم اتصال أم ينقطع التواصل بمجرد العوده للديار ؟
ربعنــا الي في لبنـــان دوم يكون ما بينا اتصـــال بين فتره وفتره .. واحيانا نكلمهم على المسنــجر.. واحيانا يزورونااا بالامارات ويباتون عندنا:fa42: كشخه الصراحه..
4- كم هي المدة التي يستغرقها سفرك بشكل عام ؟
مافي مدة معينه.. على حسب المزاج
5- أكثر شيء تكرهه في السفر !
يوم حد يزعل ويمد بوزه بالسفر ويا كثرهم:hysterical: بس اخر شي لازم نراضيهم لوول
6- شو الأحلى ؟ السفر بنية الاستمتاع وإلا السفر بنية الشراء !
تراا الي يسافر غصبا عن خشمه لازم يشتري .. شاء ام ابى:k_harhar1:
وتســلم جهودكم قروب رؤى
:a054:
حلم الطفوله
27-08-08 ||, 12:32 AM
مساء الابتسامه :inlove:
مجموعة انسان ....
باعتقادي محد يستمتع بالسفر كثر الشباب !!! متى ما دقت براسهم سافروا !!!
ما شاء الله اللهم لا حسد :laugh:
وصدقك يا بو رؤى أكره شيء بالسفر بعض العرب !!! الله يهديهم يارب:fa52:
قلم رصاص
تصدق يا أخوي !!! حتى أنا يدقني العجب يوم أشوف الإماراتيين بالسفر !!!
أقول هاييل وين منخشين وليش ما ينشافون فلبلاد !!!:a108:
يبالنا اندور على السبب عشان يبطل العجب
شاكره مرورك:fa51:
صديقتي وشمعتي الغاليه :inlove:
خاطري مره تجمعني سفره وياااااااااااااااااااج
أحس بتكوووون غير !!! :a074:
بعزم الجنيه ترافقنا بالرحله ...عل وعسى اتسويلنا كرك هناك:fa51:
المزوحي
يا هلا بأهل لبنان وضواحيها:laugh:
حتى أنا والله !!! أكره شيء عندي يوم ننتظر الشنط بالمطار !!! صدعة راس واتذكرني بأيام نتايج الثنويه العامه عالرادو !!!
شو وجه الشبه ما أدري :wacko:
شكرا عالمرور خيووو
الشوق راعية الذوق :inlove:
كل إلي قلتيه عن السفر حلو ....بس الأحلى إنهم يمددولنا الإجازه عشان نستمتع أكثر :birgits_giggle:
فاصل ونواصل :surrender:
الـيـاه
02-09-08 ||, 09:41 PM
حلم الطفولة
يا سلام عليج ماماتنا الحنونه .. حبيت طريقتج فالسرد
تسلمين ع الموضوع
1- أي نوع من الأشخاص أنت في السفر ( تحب اللمه – تشرد وتندس – تختار بلاد بعيده ) ؟
احب لمة الاهل مب اللمة العوده نفس اهل من بعيد و ربع الاهل وعيالهم .. هالشي ماحبه وما اخذ راحتي مول XP والحمدالله انه نادر ما يستوي
بس وايد احب لمتنا احنا كـ عيال عم وعمات :a054:
2- هل تفضل السفر مع العائلة أو الأصدقاء ؟ ولماذا ؟
العائلـه ... ماشي احلى من سفراتنا وايد وايد نستانس ويا بعض بحكم ان اغلبنا من نفس العمر تقريبا ً فـ ما احس بالملل مول :inlove:واكثر شي احبه انهم يخلونا نعتمد على نفسنا
3- ماذا يشكل لك الأصدقاء الذين تتعرف عليهم خلال سفرك ؟ يعني هل يكون بينكم اتصال أم ينقطع التواصل بمجرد العوده للديار ؟
نادر ما اتعرف على حد غريب! .. لانه ماشاء الله نحن بروحنا وايد بنات فـ ما يحتاي
لكن عنا ربع من السفر تربطنا وياهم علاقه قوية :a074:حد 10 سنين و 12 سنه :heart: من دول الخليج وما نلتقي وياهم الا فالصيف *في لندن* او بعض الاعراس فـ هايلا هم اللي يكون بينا اتصال وياهم
4- كم هي المدة التي يستغرقها سفرك بشكل عام ؟
شهر إلى شهر ونص
5- أكثر شيء تكرهه في السفر !
الحراميه - الناس اللي يبون يعرفونك بالغصب :fa44: - العرب اللي مب جايفين خير *الهمج*
الاجانب اللي مستحيل يساعدونك لانك ( عربي ) >.<
6- شو الأحلى ؟ السفر بنية الاستمتاع وإلا السفر بنية الشراء !
على حسب المكان اللي اسافرله :k_icon9: لانه مب كل بلاد تجمع الاثنين
.
.
.
ايه احبك
03-09-08 ||, 11:18 AM
حلوووومه حبيبتي شو هالموضوع الحلو :a070:
بصراحه حتى لو الصيف خلص بس بشارك في الموضوع عن خاطري
وعيبتني يوم قلتي انه الواحد يبحث عن الهدوء في السفر مب يهال وحشره :a046:
لوول
1- أي نوع من الأشخاص أنت في السفر ( تحب اللمه – تشرد وتندس – تختار بلاد بعيده ) ؟
الثلاثه حسب المزاج والمكان
يعني اذا مكان فيه ملاهي ويتطلب اللمه هني صدق صدق صدق احب اللمه
لكن اذا مثل كان المكان جزيره او دوله ما فيها غير الهدوء ما اطلب هني غيره انه الله يشغلهم بحالهم :a100:
--
2- هل تفضل السفر مع العائلة أو الأصدقاء ؟ ولماذا ؟
جربت الأثنين وانا محظوظه اني جربتهم لنه مب كل البنات يقدرون يجربون لوول :11:
مع انه سفرتي ويا البنات كانت حلوه ومينن وضحك حتى ونحن ارقود بس وايد وايد وايد اخذني الشوق لبيتنا والأهل :sad:
يعني كلن له طعمه بس ويا الأهل هم المسؤوليه يطيح عنج ...
--
3- ماذا يشكل لك الأصدقاء الذين تتعرف عليهم خلال سفرك ؟ يعني هل يكون بينكم اتصال أم ينقطع التواصل بمجرد العوده للديار ؟
ينقطع انقطاعا تمااااا لووول موووول موووووول ما حب اتوصل ويا احد غريب سافرت وياه لاحد يسألني عن السبب لوول :fa56:
---
4- كم هي المدة التي يستغرقها سفرك بشكل عام ؟
غالبا من عشره لخمصطعشر يوم بس هالسنه كثرت شهرين وانجلب ضدي
نصيحه نصيحه لا تكثرون من السفره خلوها 15 يوم وحوطوا فيها لين ما تقولون بس :k_harhar1:
5- أكثر شيء تكرهه في السفر !
ما فيه نظام او برنامج معين
اليهال الشياطين :pullhair:
تضيع الأيام على اشيا تافهه
زيادت الشنط -- مع اني ما اشيل بس اكتئب يوم اشوف وايد شنط في الحجره :fa46:
اطالت الرحله لأكثر من 15 يوم
الصرقات الي اتي من الجاليات العربيه فشلونا الله يفشلهم :k_icon28:
ولسته طويله ما بتخلصون منها لوول :4:
شكرا يا قروب روئ على الموضوع :11:
6- شو الأحلى ؟ السفر بنية الاستمتاع وإلا السفر بنية الشراء !
دموع قلم
09-09-08 ||, 08:59 PM
مساءكم طيبة ..
ما شاء لله .. سرد حلو .. وعجيييب ..
تسلمييين حلم الطفولة عالطرح ..^^
1- أي نوع من الأشخاص أنت في السفر ( تحب اللمه – تشرد وتندس – تختار بلاد بعيده ) ؟
تحب اللمة ..!
2- هل تفضل السفر مع العائلة أو الأصدقاء ؟ ولماذا ؟
الاثنين .. بس للأسف ما جربت مع الأصدقاء .. أتمنــــى ..!
3- ماذا يشكل لك الأصدقاء الذين تتعرف عليهم خلال سفرك ؟ يعني هل يكون بينكم اتصال أم ينقطع التواصل بمجرد العوده للديار ؟
ولا مرة صادف وتعرفت على حد خلال السفرة ..
4- كم هي المدة التي يستغرقها سفرك بشكل عام ؟
أسبوع إلى أسبوعين ..
وجني سافرت مكان أصلا ..!
5- أكثر شيء تكرهه في السفر !
اللخبطة.. اممم واذا سمعت ان المكان استوت فيه جرائم ولا شي من هالقبيل ..! (جيه ويا سايرة! :tounge:)
6- شو الأحلى ؟ السفر بنية الاستمتاع وإلا السفر بنية الشراء !
الاثنين .. بس المغزى من السفر الاستمتــاااااع ..
وعقبال ما نلتقي وياكم بالسفرات الياية .. ^^