متسخدمين ال apple ~

[خيال الروح]

السـلام عليــكم ..

ناويه اخذ كمبيوتر ابل مكتبي ..

http://www.operationgadget.com/images/apple_imac_g5-thumb.jpeg


وبما اني مش من مستخدمين apple وهذي اول مره اخذ
حبيت اعرف شو احسن الانواع .. والاسعار اذا ممكن ,,
والى عنده كمبيوتر من ابل يقولي

شو الحلو والى مش حلو فيه ..

ومنكم نستفيد ..

:14:

[بنت ناس و عرب]

تبين الصدق عندي كمبيوتر اللي هو اي ماك و الماك بوك برو .. بس الكيمرا عمري ما استخدمتها فيهم .. بس لو تخبرينا فشو محتايه الكيمرا عشان نعطيج الانواع الاوكيه

[خيال الروح]

الكيمره مش مهمه وايد ... ( اهم شي تكون واضحه )

اهم شي مواصفات الكمبيوتر ..

:

[خيال الروح]

شكله محد يستخدم ال apple
في الواحات :14:

:

[شوق القلوب]

السلام عليكم...


اختي عندها اللاب توب.. و دوم اتقول افكر اشتري المكتبي منه..!

..

في الواحات.. احيد الثعلب الارزق عنده مااااك..

[خيال الروح]

شوق القلوب ,,
ياهلا والله
واخيرا حد عطاني ويهه ..
انزين اساليها عن المواصفات وكل شي .. :14:

:

[شوق القلوب]

هلا خيـــال..


اتقولي.. هذا تقريباً أخر الموجود..

http://store.apple.com/us/configure/Z0FH?mco=NzMyNjM1

ومنه تختارين المواصفات اللي تبينها..

وهو موجود.. هنيه.. جان في الفيستفال ولا في بن بطوطه..

..

:)

[بنت ناس و عرب]

السموحه ما انتبهت انج تتخبرين عن الكمبيوتر تحريت عن الكيمره

الكمبيوتر وايد اوكيه و فنفس الوقت شاشه واضحه لكن الحجم شوي عود

بس كسستم / و خدمات / و كل شي وايد اوكيه ما عليه زود

و هذا النوع الليديد من الماك

http://images.apple.com/imac/images/index_hero20080429.png

[خيال الروح]

شوق القلوب
بنت ناس وعرب

مشكورين وما قصرتو ..

:

[بنت الدلع]

go for it

محد يقدر يهكر علييييج
ومستحييييل يعلق عندج

[خيال الروح]

go for it

محد يقدر يهكر علييييج
ومستحييييل يعلق عندج

صدق .. ( اول مره اعرف هالمعلومه ) :fa46:

:

[شوق القلوب]

صدقها بنت الدلع..

لانه أغلب الفايروسات و هالسوالف اتكون امسوايه لنظام الوندوز..

وجانج صدق امعزمه.. صدقيني ما بتندمين .. :)

[خيال الروح]

شوق القلوب ..

معزمه من ارد البلاد ان شاء الله
اخذلي واحد ..

:14:

[أتمنى]

يسعد مساك

انصحك فيه
خصوصاً اذا لك اهتمامات في التصاميم
لان في برامج خاصه بالتصاميم بس للماك

و اذا فكرتي في اللابتوب
خذي الـ Pro
افضل بكثييير من الماك بوك العادي و الماك اير
و البرو فيه احجام للشاشه 17 و 15 inch و الافضل 17

و عن سلبياته مو كل البرامج تقدرين تكتبين فيه بالعربي
او تقرين الفايلات اللي بالعربي

موفقه :smile:

.
.

[ذنـيـنـي]

كنت ناوي اخذ ماك بوك برو 17 انش على اساس اني بستعمله لمعالجة الصور و للألعاب و لمشاهدة الافلام عليه
بس عقب فكرت فيها و قررت اني آخذ دسكتوب آي ماك لعدة اسباب

أولا ماكبوك برو 17 انش واايد كبير
ثانيا الآي ماك شاشته اكبر و ينفع اكثر لشغل الجرافيكس و التصوير
ثالثا عندي لابتوب dell xps صغير و بستعمله لو طلعت او سرت مكان و بخلي الدسكتوب في البيت "للشغل الجامد"


توكلي على الله و خذيه و تأكدي من ان باقة i live موجوده مع الجهاز لأنها برامج أكثر من رائعه

افضل اسعار لأجهزة ماك بتلقينها عند الموزع الرسمي لأجهزة ماك و انتي متجهة من سيتي سنتر الى مطار دبي
بتحصلين المحل على ايدج اليمين و عليه شعار التفاحه ( التفاحه ملونه )

[تحفه]

امممم .. احس بيكون صعب عليج تنتقلين على طول من ونتدوز لابل الا اذا كان عندج خبره قبل

استخدمتهم كلهم وكلهم نفس الشي تقريبا ...

ان شاء الله بعد العيد باخذ السينما سكريين.. الحين انا معلنه افلاسي نوعا ما لول! >,<

[خيال الروح]

أتمنى
مشكوره حبيبتي على المعلومات ..

ذنيني
انا بعد ما افكر اخذ اللابتوب لانه عندي لابتوب
ومحتاجه مكتبي .. لاني احسه عملي اكثر ..


تحفه
ما بيكون صعب علي
لانه في الجامعه علمونا عليه .. ^^

"

[الثعلب الرمادي]

سلام ...

إذا هذا أول ماك تاخذينه فأنصحج تقرين كتاب عن أساسيات نظام الماكتنوش كبداية أشياء بسيطة مهمة كل واحد لازم يعرفها إذا ناوي يستخدم مثل نظام التشغيل هذا، عن أفضل الأجهزة فأشوف أفضل لابتوب هو Macbook و في هذي الحالة لازم تاخذين الموديل الثالث اللي لونه أسود غالي شوي بس مواصفاته ممتازة و إذا تبغين اللون الأبيض فخذي اللي في النص مب الموديل الأساسي شوفي المواصفات صح حتى تفرقين بين الاثنين المهم سعر هذا الموديل في حدود 5500 درهم أو أكثر شوي.

عن الجهاز المكتبي و هذا اللي انصح فيه فخذي Imac و نفس الشي الموديل الثالث full option و شاشته أكبر سعره اوكيه و مواصفاته ممتازة لكن مب أقل من 6000 درهم.

حطي في بالج إنج لازم تسوين ترقية لل Ram الموجودة في الجهاز حتى تحسنين من أداء النظام بشكل عام و هذا راح يكلفج تقريبا 750 درهم أو أكثر شوي .. أحسن شي أو ما تشترين الجهاز تخلينه يسوون ترقية للرام بشكل كامل.

أجهزة الماكنتوش المتوفرة حاليا قديمة شوي فلو قدرتي تنتظرين حتى بداية السنة اليديدة 2009 بتكون الأجهزة متوفرة مع أحدث معالجات انتل.

باختصار عندج المويل الثالث من الماك بوك و الموديل الثالث مه الاي ماك.

[خيال الروح]

مشكوره أخوي ,,
على المعلومااات ,, وان شاء الله بدايه السنه ناويه اخذ الموديل اليـديد ..

:

[خيال الروح]

واخيرا خذت ال IMAC

:k_blush-anim-cl:
:

[ذنـيـنـي]

مبروووووووووك

عاد الحين يبالج برنامج apreture حق التصوير
و برنامج Final cut للفيديو

[خيال الروح]

الله يبادك في حياتك ..
يبالي بس من وين اقدر انزل البرامج

[المحاق المشتعل]

السلام عليكم

على فكره انا ابا اخذ لابتوب ماك بوك برو .. بس يوم شفت الشاشه العوده مالت ال آي ماك في المحل .. طاح من عيني اللابتوب

لاحظت انه الماوس فيه زر واحد بس

فكيف بيكون استخدامه ؟؟

سمعت حد يقول انه برامج الويندوز يبالها كونفيرتر ( محول ) كبرنامج يشغل برامج الويندوز بس في نفس الوقت يبطئ

الكمبيوتر فهل هالكلام صح ؟؟

وشو الفرق في استخدام الكيبورد او الماوس او الفرق بشكل عام في الاستخدام بين الويندوز والآي ماك؟؟

وعن البرامج ... اذا بغيت اشغل لعبه ... هل لازم اتكون اللعبه مسوايه حق الماك ولا عادي مال الويندوز ؟؟

[خيال الروح]

المحاق المشتعل ،،

والله يا اخوي انا توني مبتدئه فيه // البارحه بس شارتنه
في وايد اشيا في الكمبيوتر لين الحين ما اعرفها

ان شاء الله اصحاب الخبر بيجابون على أسئلتك ..
:

[بنت ناس و عرب]

لاحظت انه الماوس فيه زر واحد بس

فكيف بيكون استخدامه ؟؟
اذا تريد يمين تقدر تضغط ( CTRL + و اضغط على الtouch pad او الماوس )
او تقدر تشتري ماوس وفيه يمين و يسار بيكون اسهل لك

سمعت حد يقول انه برامج الويندوز يبالها كونفيرتر ( محول ) كبرنامج يشغل برامج الويندوز بس في نفس الوقت يبطئ

الكمبيوتر فهل هالكلام صح ؟؟
تقدر تركب ويندوز سيستم على ماك ب ٧٠٠ درهم من المحل نفسه .. و اذا تبا تشغل برنامج ويندوز على ماك فيه برنامج تستخدمه و يسويلك هالشي

وشو الفرق في استخدام الكيبورد او الماوس او الفرق بشكل عام في الاستخدام بين الويندوز والآي ماك؟؟
فرق من اي ناحيه ؟
ماك السيستم اسهل \ ما يخترب \ انسى شي اسمه فايرس ضرب الكمبيوتر \ للمصورين و الجارفيكس الماك يطلع الصور بالوانها الحقيقيه

وعن البرامج ... اذا بغيت اشغل لعبه ... هل لازم اتكون اللعبه مسوايه حق الماك ولا عادي مال الويندوز ؟؟
لا لازم للماك .. فيه برامج و العاب و كل شي للماك فمن المستحسن تستخدم هالالعاب ..

[خيال الروح]

بالنسبه لبرامج الجرفيكس ( الفوتوشوب والاليستريتور )
بغيت مواقع اقدر انزل البرامج منها
لاني عيزت من كثر ما ادور >.<

[خيال الروح]

Mac user
i need your help

:14:

:

["الماسة"]

اممممممم
انا استخدم macbook air.. :11:
ماعرف لو نظامه شرات مالج..مالي برنامجه ماكنتوش مب ويندوز..بس ترومين تنزلين الوندوز وتستعملين البرنامجين..كبدايه صدق صعب استخداامه..وكل ماتبين تنزلين برنامج مايستوي لانه لازم يكون يوالم
الماكنتوش..وبتاخذين وقت يوم تتعلمين عليه..تحديدا بعد فقدان الامل ف التعامل معاه..تعبني ف البدايه..:glare:
بس وااايد له مميزات..احسه مختلف ومميــز..:fa42:
good luck..:yes:

[خيال الروح]

اممممممم
انا استخدم macbook air.. :11:
ماعرف لو نظامه شرات مالج..مالي برنامجه ماكنتوش مب ويندوز..بس ترومين تنزلين الوندوز وتستعملين البرنامجين..كبدايه صدق صعب استخداامه..وكل ماتبين تنزلين برنامج مايستوي لانه لازم يكون يوالم
الماكنتوش..وبتاخذين وقت يوم تتعلمين عليه..تحديدا بعد فقدان الامل ف التعامل معاه..تعبني ف البدايه..:glare:
بس وااايد له مميزات..احسه مختلف ومميــز..:fa42:
good luck..:yes:

النظام الى استعمل هو الماكنتوش مش الوندوز ..
بس بغيت اعرف من وين اقدر انزل الفوتوشوب ,,

:

["الماسة"]

اهاا شراتي..انا للحيني مانزلت الفوتوشوب ع لابي..

يمكن تحصلينه ف موقعهم /http://www.apple.com/downloads

[خيال الروح]

ما شي >.<

مشكوره الماسه ،،

["الماسة"]

سمحيـــلي بس انا انزل البرامج الثانيه من هناك..

لانه صعب تحصلين ف النت..خاصه للماك..

وهيييه ادخلي موقع ماك اربياا..يمكن تحصلين شي..

اتمنى افيدج..

[خيال الروح]

الماسه
مشكوره عزيزتي ^^