مظلومين الشباب ...... [الأرشيف]

نبراس الليل

11-09-03 ||, 05:38 AM

حبيت اضيف هالموضوع واتكلم بلسان الشباب واقولهم السموحه

دوم انشوف صور للمعاكسين <img src="http://oasis.bindubai.com/emoticons/sad.gif" border=0>مساكين يكسرون الخاطر واذا بتقولون يستاهلون ؟؟؟؟

انا بقولكم شي ليش هالقرار على الشباب بس و ليش عالبنات بعد

شو تبون الشاب يسوي يروح المراكز ويشوف بنات شعورهم طالعه وريحه العطر تروحها من بعيد كل ها ماتبون يعاكس وليش الجهات المختصة مانزلوا قرار الاحتشام كثر الله من امثال حاك الشارقه
الشيخ سلطان القاسمي ولو ان القرار مرماي في البحر ماشفنا اي اعتبار له من ناحيه الشرطه ولا سوا له اي اي اهتمام لكن ماقصر برأ ذمته

وليش الجهات اللي تختص في المعاكسات ماتعاقب البنات اللي مطلعن شعورهن ليش بس الشباب ياللي هم دوم مظلومين من كل النواحي حتى اذا اشتكت حرمه بنت على شاب من دون مايسمعون كلام الشاب خلوه غلطان ....صح ان في شباب غلطانين في و يستاهلون العقاب بس لازم يعاقبون البنات ولا شو يخليها اطلع شعرها

<img src="http://oasis.bindubai.com/emoticons/mad.gif" border=0>والله قهر شو رايكم يالاخوان ويالاخوات بالموضوع وبكلامي صحيح ولا انا غلطان

نور السنا

11-09-03 ||, 06:32 AM

والله انا ما أأيدك بالمرّه لأنه كل وحده حرّه في نفسها و محد له شغل في أحد,,

ولو الواحد محترم نفسه ما بتشتكي عليه أي وحده يعني في هالسوالف مافيها ان الواحد صح أو غلط لأنه ولا وحده بتشتكي مني و الطريج,,

و يعني هالكثر الشباب بيودون نفسهم اذا كل وحده تحجبت و تغشّت؟؟ يقول لك المثل بو طبيع ما ايوز عن طبعه,,

و بعدين ان الله لا يغير ما في قوم حتى يغيرو ما بأنفسهم,,,

يعني حتى لو حجبو البنات بيتغيرون الشباب و ما بيغازلون؟؟

فكر فيها بالعقل اخوي,,

و شكرا على الموضوع..

زمان الصمت

11-09-03 ||, 06:38 AM

السلام عليكم ورحمة الله،،،

أخوي أنا معاك ان البنت إللي تتبرج وتطلع غلطانه 100% ،،، بس ليش الشباب يزيدون الغلط بالغلط ويتحرشون،
بعدين البنت إللي تتبرج لعمرها،،، على أساس أنها مايخصها فالشباب إللي عينهم زايغه،، اهني الحكومه ما تقدر توقف البنت
باعتبارأنها ماسوت حركات ولا أذت حد أما الشباب فهم يأذون البنات بالتالي الحكومه تعاقبهم لأنهم أزعجو البنت وتحرشو فيها.. ولا شورايك

أختك:: مجرمة حرب

نبراس الليل

11-09-03 ||, 07:12 AM

صح عن رسول الله صلى الله عليه وسلم أنه قال: <img height=22 src="http://www.ibnbaz.com/media/h2.gif" width=8 align=middle border=0> <sindex stype="أحاديث" svalue="ما تركت بعدي فتنة أضر على الرجال من"><a id=أحاديث name="ما تركت بعدي فتنة أضر على الرجال من النساء22174"><a title="تخريج الحديث" href="http://www.ibnbaz.com/takreej.asp?f=hadn263">ما تركت بعدي فتنة أضر على الرجال من النساء </a></a></sindex><img height=22 src="http://www.ibnbaz.com/media/h1.gif" width=8 align=middle border=0> وصح عنه صلى الله عليه وسلم أنه قال: <img height=22 src="http://www.ibnbaz.com/media/h2.gif" width=8 align=middle border=0> <sindex stype="أحاديث" svalue="اتقوا الدنيا واتقوا النساء فإن أول فتنة بني"><a id=أحاديث name="اتقوا الدنيا واتقوا النساء فإن أول فتنة بني7091"><a title="تخريج الحديث" href="http://www.ibnbaz.com/takreej.asp?f=hadn264">اتقوا الدنيا واتقوا النساء فإن أول فتنة بني إسرائيل كانت في النساء </a></a></sindex><img height=22 src="http://www.ibnbaz.com/media/h1.gif" width=8 align=middle border=0>

نور السنا الله يهديج كيف كل انسان حر في تصرفاته نحن مب في دوله مسيحيه الحمدلله نحن في دوله اسلاميه

ثاني شي اعرفي انا شو اقصد من موضوعي عقب ردي علي بهي الطريقه

مجرمة حرب انا قلت في الموضوع اذا كان الشاب غلطان فهو يستاهل العقاب

نور السنا

11-09-03 ||, 07:41 AM

لا تفهمني غلط اخوي طارق,, انا قصدي انه هالقانون ما بيغير شي,,

محقق كونان

11-09-03 ||, 12:05 PM

ان معاك في نقطه وحدة وهي ان بنات ها الايام وايد فري
يعني الوحدة تلبس البنطلون تحت العباة و يوم تقولها ليش لبسي شئ ساتر تقول لا عادي العباه بالتغطيه (امحق)
و ثانيا طالعه السوق تارسه ويهج الوان ليــــــــــــــــش عشان مواعدة ربيعتج يعني ما عرفتي تواعدين ربيعتج الا في المول
(عساج ما تتوفقين دنيا و اخرة قولوا امين)
اوكي خلونا نخطفها لهن لكن معظم بنات هالزمن ما يتغشن ممكن اعرف ليش  
مع انكن تعرفن ان الويه عورة بس عناد فينا و الا هذا نوع من التحظر انكن ما تتغشن و انا ما ادري
عموما اباكن تعرفن انه بس بنات العرب و القبايل الي يتغشن و الي تحيد عمرها مب بنت قبايل
فلا  .................................
و السموحه

نور السنا

11-09-03 ||, 02:07 PM

والله يا أخ مب بكيفك تحكم علينا اذا كنا بنت قبايل أو لا بالغشوه,, احترم نفسك و ثمن رمستك و مب بكيفك تحدد منو بنات القبايل ,,

أظن مالها داعي هالرمسه,,

عاشق الخيل

11-09-03 ||, 03:22 PM

هلا والله أشكرك أخوي على طرحك لهذا الموضوع .
في البدايه أحب أقول أنا بعض هؤلاء الشباب مظلومين بصراحه بس لان مال التحريات لهم سلطه يقدرون يتبلون على أي واحد .

وحتى لو البنت مش محتشمه ومطلعه شعرها وريحت عطره تروحها من بعيد بس بتحصل منهن محترمه عمرها مب اكثر هالبنات من يشوفن الشباب شويستويبهم كل شويه تعدل الوقايه ههههههههههه المشكله الوقايه ماطاحت الى يوم شافت الرجال والله حاله وبعدين لو البنت اتسوي اي شيء محد بيقولها شيء بس لو الريال قل نص كلمه مسكين كتبوه تعهد , وأحب أقولكم سالفه استوت مع واحد من الربع ، كان يتمشى في سنتر المهم كان يغني روحه يعني يون ووحده كانت تمشي بعيد ويوم شافته يت مره صوبه وسمعته يغني ورجعت له وقالتله شو كنت اتغني ابغي اسمعك صوتك حلو وواحد مال الامن كان ورى يتمشى طبعاً الرجال لبس البنت وماسوالها سالفه بس للاسف مال الامن مسك هالريال ونزله المكتب وحقوقو معاه لا وبعد المشكله البنت نزلت معاه وقالت ماسوه شيء بس انا الي رحت له والله انه قال حق البنت ماعليه انتي مايخصج وروحي ، وعقب نزل عند الضابط المسؤال عنهم وقاله السالفه عقب قاله يعني لو البنت قالت ماسوى شيء بنهدك الحين شو ذنب هالشاب وابغيكم تحكمون وكله من البنت وما قالوا حق البنت شيء ابغي اعرف شو رايكم .

بس والله في بنات مافيهم حيا وبصراحه مواقف واااااايد استوت معاي ما احب اذكرها هههههههه هالايام والله البنات يتحرشو في الشباب من يشوفونه روحه <img src="http://oasis.bindubai.com/emoticons/glare.gif" border=0> الله يهديهم ويهدينا ان شاء الله .

ومن وجهة نظري انا اشوف لو يحطون صور بنات هب محترمات في هالصحف اظنتي بيتأدبون وبتحشمن شرات هالبنات الي يتمشن ع الضيافه ولا الي راكبه التكسي الساعه 2 أو 3 الفجر شو تسوي وحاطه كيل طحينن الي يشوفها يقول سايره معاريس والشباب عاد ميوع <img src="http://oasis.bindubai.com/emoticons/biggrin.gif" border=0>

والسموحه ع المداخله .

إسهر معي ليله

11-09-03 ||, 03:33 PM

السلام عليكم.. شحوالكم <img src="http://oasis.bindubai.com/emoticons/cool.gif" border=0>

 (( محقق كونان )) .. اخوي انت غلطان في آخر كلمه قلتها.. عموما اباكن تعرفن انه بس بنات العرب و القبايل الي يتغشن و الي تحيد عمرها مب بنت قبايل
فلا  ................................. <img src="http://oasis.bindubai.com/emoticons/glare.gif" border=0>
اخوي.. في بلوش.. في عيم.. هذيل ما يتغشون؟.. وعلى فكرة.. احنا نشوف بنات عرب.. وواااايد.. ما يتغشن.. ومب معنى هذا انها مب محترمه.. عادي ما فيها شي.. اللي ابا اوصله ان الغشوه مب دليل على ان البنت محترمه.. وايد بنات ما يتغشن وما في احسن منهم.. واكيد في المنتدى وااايد بنات ما يتغشن.. خلاص يعني هذيل مب محترمات؟؟.. وهذيل مب بنات عرب؟؟ شو هالكلام؟؟.. وبعدين لين متى بنظل متمسكين بتعصب الجاهليه.. تعصب النسب اللي الرسول نهى عنه؟ الله يهديك..

انزين.. نرد لموضوعنا.. <img src="http://oasis.bindubai.com/emoticons/cool.gif" border=0>

بقولكم وبصراحه.. يمكن البنت غلطانه.. لكن الولد بعد غلطان.. وبيني وبينكم.. التحريات يوم يزخون الولد مستحييييل يحطون صورته.. يمكن ييخلونه يوقع على تعهد.. وتعهد غير رسمي بعد.. ويهدونه.. يمكن في نفس اللحظه يهدونه بعد..
لكن اللي يحطون صورهم.. مسوين شي كبييييير.. او فضيحه.. او يوم يزخونهم يعاندون ويضاربون ويا مالتحريات..
صدقوني احنا نتمشى في المراكز.. ونشوووف وايدين زاخينهم.. ولااا واحد فيهم حطوا صورته في الجريده.. لأنه يوم زخوه احترم عمره وراح وياهم..
واوقات تكون السالفه ظلم.. يعني هذا موقف حصل معانا.. كنا نتمشا في الستي.. وخطفنا عند بنات متان.. احنا يلسنا نغني.. وما طالعناهم.. (( دبو قصيّر كنك غاز.. كنك من بعيد خلاطه )) .. خخخخ .. المهم‍‍ السالفه كانت بتعدي على خير.. لكن البنت وحده فارطه.. ردت علينا وقالت (( عيييييد؟؟ عيييد؟؟ )) خخخخ.. يعني لو وحده ثانيه  محترمه بطنشه وما كان بيصير شي.. المهم مال الترحيات كان يتشمى ورا.. وشافها ردت علينا.. وهو ما يدري احنا شو قايلين.. زخ واحد من الربع الله يستر عليه.. وما سووله شي.. 10 دقايق يسولفون وياه وخلوه.. لأنه احترم نفسه.. وهو ما مسوي شي عود..

عموماً ما نقدر نقيس هالشي من سالفه وحده.. لنه في اوقات الولد يكون غلطان.. واوقات البنت هي اللي غلطانه.. ومثل ما قال المثل.. لا تسرق لاتخاف.. مادري صح ولا غلط؟ <img src="http://oasis.bindubai.com/emoticons/rock.gif" border=0>

مشكور اخوي عالموضوع.. والله يحفظك <img src="http://oasis.bindubai.com/emoticons/inlove.gif" border="0" valign="absmiddle" alt=':ilo:'>

بهجة الروح

11-09-03 ||, 03:41 PM

طارق:
تسلم أخي الكريم على طرحك لهالموضـوع....
وابصــراحه الغلط واللوم يقطع على البنـــــات....لأن البنت بلبسها وكشختها تجبر الشاب انه يتحــرش فيهــــا....صح كـــلامي ولا لا؟؟؟؟

المهــم...لو ان البنت ستير وحاشمه نفسهـــا...محــد بيقـدر يتعرض لها....
وبعــد حبيت أضيف شي....صور المعاكسيــن الي تنحط فالجــرايــد...الأغلبيــة منهم مظلوميــن...
يعني يزخون الشاب ويحطون صورته وهو ما سوا شي...والي طايحين ايغازلون 24 ساعه فالسناتر محــد ياصوبهم....

هــــــــــذا رايي والسمــــوووحه

نبراس الليل

11-09-03 ||, 03:41 PM

محقق كونان مب زين تدعي على مسلم او مسلمه وتسلم اخوي على الرد والمرور

نبراس الليل

11-09-03 ||, 03:47 PM

نور السنا انتي هدي <img src="http://oasis.bindubai.com/emoticons/mad.gif" border=0>

والنقاش بالهداوة مب بعصبيه واذا غلط ردي عليه بكل هداوة وانج تغطين ويهج فهذا مب اجباري بس لازم يغطن شعورهن البنات وكل انسان يعرف نفسه اذا كان محترم او لا بس بعد

لازم يبين للناس انه محترم يعني البنت اذا مطلعه شعرها والمكياج  الريال او الشاب كيف يعرف ان هي البنت محترمة او لا

وحبيت اقولج اسلوب النقاش احترام راي الاخر وعدم فرض الانسان رايه وكل واحد حر في رايه

نبراس الليل

11-09-03 ||, 03:50 PM

عاشق الخيل تسلم على الرد

<img src="http://oasis.bindubai.com/emoticons/wink.gif" border=0>وعن سالفه طلعتها في انصاف الليالي يمكن المسكينه رايحه صيدليه فيها كحه وتاخذلها دوا وتدري لبنت ماتحب تطلع الا وهي كاشخه

نبراس الليل

11-09-03 ||, 03:53 PM

اسهر معي ليله

تسلم على الرد اكتفيت بردك على الاخ لاني انا بلوشي <img src="http://oasis.bindubai.com/emoticons/cool.gif" border=0>

المهم اخوي انا مايالس ارمس عن القبايل انا جمعت بين كل البنات كانوا عرب او بلوش او عيم

وتسلم على رايك

نبراس الليل

11-09-03 ||, 03:59 PM

كونان اخوي مشكور عالرد

ومثل ماقالك اخوي اسهر معي ليله ان مب بس بنات العرب وانت شو تقصد بالقبايل

الحمدلله انا بلوشي واهلي مايظهرن الا ولا بسين نقاب وف عمرهم ماساروا المراكز يتمشن وليش مافي مكان للمشي الا السناتر ومايقدرن البنات يتمشن مع اهاليهن

لازم رواحهن المهم تسلم الغالي ارجوك لاتزيد في الموضوع حساسيه

<img src="http://oasis.bindubai.com/emoticons/wink.gif" border=0>مشكوور الغالي

نبراس الليل

11-09-03 ||, 04:04 PM

<table border="0" align="center" width="95%" cellpadding="0" cellspacing="0"><tr><td>اقتباس (بهجة الروح @ 11 / سبتمبر / 2003 : الساعة 14:41)</td></tr><tr><td id="QUOTE">طارق:
تسلم أخي الكريم على طرحك لهالموضـوع....
وابصــراحه الغلط واللوم يقطع على البنـــــات....لأن البنت بلبسها وكشختها تجبر الشاب انه يتحــرش فيهــــا....صح كـــلامي ولا لا؟؟؟؟

المهــم...لو ان البنت ستير وحاشمه نفسهـــا...محــد بيقـدر يتعرض لها....
وبعــد حبيت أضيف شي....صور المعاكسيــن الي تنحط فالجــرايــد...الأغلبيــة منهم مظلوميــن...
يعني يزخون الشاب ويحطون صورته وهو ما سوا شي...والي طايحين ايغازلون 24 ساعه فالسناتر محــد ياصوبهم....

هــــــــــذا رايي والسمــــوووحه</td></tr></table>
انتي الوحيدة من البنات فهم اللي اقصده

وصدقتي اختي انا اعرف وايد شباب انزخوا وماحطوا صورهم في الجرايد

لان المظلوم وحليله ينزخ ومامسوي شي وييلس يعاشي الشرطة ويقول انه ماامسوي شي لكن للاسف يسووله طاف ويفتشل ان اهله يشوفون صورته في الجرايد والله حرام

عالعموم اشكرج على صراحتج

وانا ضفت هالموضوع لاني كنت يالس اسمع اذاعه عجمان والموضوع كان هالموضوع اللي انا طرحته فاتصلت وحده فكان ردها حلو وردها مثل ردج

احييج على صراحتج

نبراس الليل

11-09-03 ||, 04:10 PM

محقق كونان

11-09-03 ||, 04:53 PM

اوكي خلن سالفه بنات العرب و القبايل على طرف
بس امانه في الاسلام عادي البنت تتبرج و ما تتغشى؟؟
قولن بعد هيه
نور السنا على فكرة عادات و تقاليد اهل البحرين تختلف عنا و انا ما عندي خبرة عنكم ........
بعدين اخوي هذيلا الا انت تدافع عنهن و اتقول ما يصير اسبهن على اي اساس ما يصير
انهن مسلمات....... يعني هذيل هن مسلمات اخر زمان ..... وين حريم اول يوم ويــــــــــــن
اخوي المسلمات بفعلهن و اخلاقهن مش بالي مكتوب في الجواااااااااز
عموما عشان ارظيكم انا بعتذر عن الي قلته و لو ااني مصر على انه البنت لازم تتغشى
و ياليت للي ماله علم بعادات اهل الامارات و تقاليدنا ما يدخل
نور السنا ياليت تردين على سؤالي الي فوق (بس امانه في الاسلام عادي البنت تتبرج و ما تتغشى؟؟)

محقق كونان

11-09-03 ||, 04:56 PM

و على فكرة الغشوة و النقاب لهن نفس الدور
لووووووول انا شكلي بينلعن خيري

إسهر معي ليله

11-09-03 ||, 06:49 PM

هلا اخوي كونان

احنا ما نطري الغشوه.. احنا نطري كلامك يوم تقول ان بس بنات العرب والقبايل هم المتحشمات.. وغيرهم شو؟؟ <img src="http://oasis.bindubai.com/emoticons/glare.gif" border=0> خلنا من هالسالفه احين.. نرد عالغشوه
ترى حتى الغشوه مب لازم تلبسها البنت.. الا اذا كان شكلها يفتن.. وحتى لو لبستها اكيد احسن.. لكنها مب اجباريه الا على اللي شكلها يفتن.. هذا حسب ماعرفه..  ما بفتي.. من قال لا اعلم فقد افتى.. ونخلي هالشي للعلماء والمشايخ يفتون فيه.. <img src="http://oasis.bindubai.com/emoticons/cool.gif" border=0>
والبنت عشان تتقي الشبهات تتغشى.. <img src="http://oasis.bindubai.com/emoticons/smile.gif" border=0> او تتنقب

الله يحفظكم <img src="http://oasis.bindubai.com/emoticons/inlove.gif" border="0" valign="absmiddle" alt=':ilo:'>

محقق كونان

11-09-03 ||, 07:53 PM

قال تعالي: (( يا ايها النبي قل لأزواجك و بناتك و نساء المؤمنين يدنين عليهن من جلابيبهن))
قال ابن عباس في هذة الاية : امر الله نساء المؤمنين اذا خرجن من بيوتهن في حاجه ان يغطين
و جوههن من فوق رؤوسهن بالجلابيب و يبدين عين واحدة

اظن انه هذا يكفي بالغرض و ما في داعي نتناقش لانه الكلام واضح
و السموحه

نبراس الليل

11-09-03 ||, 08:00 PM

المحقق كونان نحن مالمناك على كلامك بس انت شوي دخلت القبايل المهم مسموح الغالي

وثاني شي البنت لازم تتحجب يعرفون الناس انها محترمة ويمكن اللي ماتتحجب بعد محترمة بس لازم تبين للناس انها محترمة والا الريال كيف يعرف انها محترمة او لا

مثلا انا اعرف ان اهلي محترمات والحمدلله بس هذا مايمنعني اني اخليهم يتجبون والحجاب مب بس عسب مايتحرش فيها الشباب وهو واجب على المسلمه او فرض انها تتحجب في الاسلام

الا اذا بعض البنات يشوفون ان الاسلام على غلط والعياذ بالله والله يابنات انتوا البسوا حجاب واذا احد اتحرش فيكم تعالوا وخبروني وحتى بعض الشباب اذا شافوا واحد يتحرش في وحده متحجبه ا ا
اكيد بيضاربون الريال لانهم مايرضون على بنات ديرتهم اما اذا واحد يتحرش ف وحده مطلعه شعرها ماظنتي واحد بيدافع عنها انا من ناحيتي اذا واحد اتحرش ف اهلي وهم مش متحجبات مابضارب الريال بضارب اهلي

وانا بقولكم موقف صار لي وبتعرفون ان الشباب مظلومين

مرة شفت مكالمه لم يرد عليها رديت واتصلت عالرقم وحده ردت عليه  والله الشاهد اني كلمتها باحترام قلتلهاا اختي انتي متصله على رقمي قامت تسب وتسب انا سكرت فويهها

اتخيلوا شو سوت طرشت مسج تسب الوالدة طرشتها مسج لاتسبين لاايي واقص لسانج وهي السالفه الساعه9بالليل اتصلوا فيني من مركز الشرطة الساعه3بالليل  ليش مابلغت قبل وشو اللي طلعها هي الساعه؟؟؟؟

المهم لما سرت لهم كتبولي تعهد والله ان الحرمة كانت موجودة هناك لو تشوفون شو لابسه بتعذروني اذا انا كنت متعمد في الاتصال المهم وريت المسج للظابط ولا عبرني كتبلي تعهد

شو تبون اكثر والله ظلم اببي رايكم في السالفه ؟؟؟؟<img src="http://oasis.bindubai.com/emoticons/sad.gif" border=0>

محقق كونان

11-09-03 ||, 08:06 PM

خخخخ انتصر الحق و زهق الباطل <img src="http://oasis.bindubai.com/emoticons/biggrin.gif" border="0" valign="absmiddle" alt=':D'>
و حبيت اتأسف من اخوي (سوري و الله خلينا موضوعك حلبه مصارعه )

نبراس الليل

11-09-03 ||, 08:11 PM

المحقق كونان مهما جبت من ايات واحادييث في بعض الاخوات الله يهديهن  مايقتنعن ومشكوور الغالي على الردود

وانت من بدايه كلامك صح

انا حطيت هالموضوع عسب اقول ان التحريات مايسوون سالفه للشباب على طول يزخزنهم والبنات ماخذات راحتهن وانا مايالس اجمع

اخوكم طارق محد ياخذ فخاطره على الثاني والسمووووووووووحه

الجنيه

11-09-03 ||, 09:09 PM

السلام عليكم ورحمه الله وبركاته

الصراحه يا اخوي طارق  موضوعك بالفعل يستحق النقاش والقاء الضوء على اللي قاعد يصير في البلاد

اولا وقبل كل شي انا وياك في كل كلمه قلتها بس حبيت اقولك انه اللوم يطيح على الطرفين رمستك صح 100% المفروض البنات ما يتمكيجن ويتمن كاشفات ويهن ومطلعات  شعورهن برع بس حتى لو البنيه سوت جي المفروض الشباب يحترم نفسه وما يتحرش بها ادري انك يتقول انها السبب في هالشي بس بعد الشاب بامكانه يغض البصر وما يهتم ....

امابالنسبه للاخ اللي قال ان البنات المفروض يتغشن ترا اذا تبا الصدق يعني بذمتك المتغشيه ما اتسوي هالحركات ؟؟؟ الا يسون البلاوي من تحت الغشوه طبعا انا ما اجمع الكل وهب شرط كل متغشيه محتشمه ولاتعتقد انه الغشوه اترد الشباب عن المغازل بالعسك وايد شباب ما يهمهم شي غير انه يرقمون او يتحرشن يعني حتى لو البنت متحجبه وهب متمكيجه وكاشفه ويها عادي حتى هاي ما يودرونها في حالها ...

لو اتم ارمس من اليوم لين باجر ما بسكت بس كل اللي ابي اقوله بالفعل في شباب وايد ينظلمون بسبه البنات وهاي الشي طبعا المفروض الجهات المختصه نناكد منه قبل لا تتخذ اي اجراء ضد الشباب

وفي الاخير السموحه اذا ردي ما عيبكم

اختلاف الراي لا يفسد للود قضيه <img src="http://oasis.bindubai.com/emoticons/blush.gif" border=0>

نور السنا

11-09-03 ||, 10:00 PM

المحقق كونان,,

ترا البحرين مو مثل ما انت في بالك ,, و بس بنات العيم الي يعقون الشيله و العبايه و الغشوه والا بنات العرب أهليهن موول ما يخلونهن,, عندك نحن في العايله البنت من تدخل الاعدادي لازم تتحجب,, انا ختيه و بنات خالتيه كلهن متحجبات الا انا,, يمكن انا لأني مب مطيعه و ماحب حد يغصبني على شي لكن بنات العرب هن الي لازم يتغطن,, و سلامة عمرك اخوي ترا اهل الامارات مب شرفاء روما عسب تتكلم عن عاداتنا و تقاليدنا بهالطريقه,, ترا مهما كان كلنا عيال خليج واحد و عرب الخليج كلهم بدو و ماردهم من أصل واحد,, ولا تنسى انا كلنا من دين واحد,, فلو سمحت لا تتكلم عن الاوادم كنهم أقل منك أو ما عندهم عادات و تقاليد,, تراها عندنا شراة ماهي عندكم,,

و الحين برد على سؤالك: أكيييد مب عادي تتبرج و تطلع,, بس مب انت الي تحكم عليها لو كانت بنت قبايل و الا غيره على حسب لبسها و غيره,,

مانجو

11-09-03 ||, 10:06 PM

والله حتى من عقب هالقرار الشباب على حالهم مايخافوون من شي و بعدين اللي يابي يصلب عمره بيصلب عمره  سواء كانت بينه او وبد

إسهر معي ليله

12-09-03 ||, 12:09 AM

أخوي كونان

كفيت ووفيت.. لكن بعد انا سامع والله اعلم ان النقاب مب اجباري.. فما ندري.. ويزاك الله الف خير
تعال..!!.. شو انتصر الحق زهق الباطل؟.. في غزوة احنا <img src="http://oasis.bindubai.com/emoticons/glare.gif" border=0>

الله يحفظكم <img src="http://oasis.bindubai.com/emoticons/inlove.gif" border="0" valign="absmiddle" alt=':ilo:'>

محقق كونان

12-09-03 ||, 02:07 AM

ممم اول شئ احب ارد على اختي نور السنا سيري شوفي انا شو كتبت بعدين تكلمي
الحين انا قلت شئ عن اهل البحرين ....... سبيتهم قلت انهم هب خليجين
اظن انه مشاركتي كانت واضحه و هذا كوبي و بيست للي كنت كاتبه
((((نور السنا على فكرة عادات و تقاليد اهل البحرين تختلف عنا و انا ما عندي خبرة عنكم ........)))))
دوريلي شئ غلط في هالجمله كتبته عنكم صح انا كلنا خليجين بس هذا ما يعني انا عاداتنا و تقاليدنا مثل عاداتكم

و حبيت اقول لاخواتي الي يعترضن على كلامي على فكرة انا ما الفت ها الكلام
و انا ما يبته من عندي ...... و الي معترضه على هذا الكلام فهي معترضه على كلام رب العالمين(( استغفر الله))
عموما اشوف انه المسألت طولت و الي ما تبا ما بجبرها عقلها في راسها و تعرف خلاصها

دلع القمر

12-09-03 ||, 02:17 AM

اشكرك اخوي على الموضوع <img src="http://oasis.bindubai.com/emoticons/wink.gif" border=0>

مممممممم هو صح انه في شباب ينزخزن ظلم بسبة البنات .. بس بعد الغالي الواحد ما يغض النظر عن الشباب اللي يتحرشن بالبنات

حتى المتغشيات منهن ... وهاي المواقف وايد تصير صدقني .. بس لمجرد انه الشاب ما عنده شغله وحاب انه يتسلى بالتحرش بالبنت

او انه يثبت لربعه انه يقدر يغازل البنات لوووووووول ... وهذا يستاهل انه ينزخ ههههههه

اما من ناحية البنت .. صح ان في بنات وايد يتعدلن ويكشخن .. بهدف انهن يجذبن انتباه الشباب .. هاييل هن اللي الشرطه المفروض اتزخهن <img src="http://oasis.bindubai.com/emoticons/cool.gif" border=0>

اما البنت اللي محترمه نفسها (حتى ولو كانت كاشخه ) لكنها ابحالها وما تسوي حركات للشاب .. والشاب هو روحه يالها وقام يتحرش ابها

فهذا هو الغلط .. اوكي البنت كاشخه (ربك يحاسبها على هالشي ) .. والشاب يتحرش ابها ( انته ما سويت شي غير انك حصلت ذنب بعد ) فليش ما

تبتعد عن المغازل والتحرش .. وتخلي البنت الكاشخه والمتعدله ربك يحاسبها ^_^ والله يهديها ويهدينا جميعا .. !!

محقق كونان

12-09-03 ||, 02:22 AM

مشكورة اختي على ردج الحلو
و يليت لو غيرج يتعلم  يرد مثلج
مب من انقوله كلمه يرد علينا بعشر
عافانا الله

نبراس الليل

12-09-03 ||, 04:03 AM

الجنيه انتي ماجمعتي وهالشي حلو بس لو البنت تتحجب بس والله بتقل المغازل صحيح في كثير بنات يتغشن وعليهن حركات بس هالشي مايمنع ان البنت تتغشى

مثال كثير من اللي يصلون يسوون اشياء غلط يعني تيبن ان نحن مانصلي لا بالعكس انا شو عليه منه هو يصلي ويغلط وانا بصلي وان شاءالله مابغلط

البنات اللي تطريهن يتغشن ويسون حركات برايهن والباقيات يتغشن ماعليه يتحجبن بس خلهن مايسوون حركات اتمنى فهمتي قصدي

ومشكورة على النقاش وانتي قلتي رايج وانا رديت بعد على رايج

والسموحه

ولد الحكومة

12-09-03 ||, 04:35 AM

<img src="http://oasis.bindubai.com/emoticons/down.gif" border=0> البنت دووووم مصدقه ، حتى لو كان الغلط من البنت


والله لو البنت محتشمه اكيييييييييييييد محد بيتحرش فيهاااا ...... ولا حد بيجرأ ان يكلمهاااااا

ولد الحكومة

12-09-03 ||, 04:43 AM

<img src="http://oasis.bindubai.com/emoticons/smile.gif" border=0> السموووحه اخوي نسيت اشكرك ع الموضوع ويظاك الله خير <img src="http://oasis.bindubai.com/emoticons/oo.gif" border=0>

بن دبي

12-09-03 ||, 05:52 AM

أخ طارق مين قال انة لازم نغطي وجهنا كله<img src="http://oasis.bindubai.com/emoticons/rock.gif" border=0>.....لعاد ليه نص العالم مو مغطية وجهها لو أمرنا الرسول عليه السلام كان بتشوف كل بنات العالم مغطية وجهها....والوحدة بتغطي وجهها خوفا من الفتنة يعني ازا كانت البنت فاتنة الجمال...وصحيح الغلط من البنت لمّا بتلبس ضيق وغير محتشم وأنا نفسي بحتقرها لمّا بشوفها وبعلّق عليها وانا بنت متلها متلي<img src="http://oasis.bindubai.com/emoticons/glare.gif" border=0>.....وبشوف الشباب كيف ببلشوا يتمسخروا عالبنت بس هيّجابتو لنفسا...بس كمان ما بصير يتمسخر عليها...يتخيل لو اخته كانت محل البنت شو بساوي هو بالشب اللي اتمسخر عليها؟؟؟؟أي والله بيقتلوا<img src="http://oasis.bindubai.com/emoticons/mad.gif" border=0>.....في شباب بفكروها شطارة  لو اتمسخر عليها..في بنات وهنّ والله بكونوا مغشيات حالهم وأوسخ منهم ما في طبعا ما تفهموني غلط..انا قلت بعضهم وفي بنات مو مغشيات والعيبة ما بتطلع منهم كمان بعضهم مو كلهم...وبالأخير كل واحد فينا بيعرف ازا كان محترم ولّا لا.......
هيدا رأيي وارجوكم ما تزعلوا......بس انت طلبت راي كل واحد فينا وانا بحترم آراء اخواني اللي ردّوا..<img src="http://oasis.bindubai.com/emoticons/smile.gif" border=0><img src="http://oasis.bindubai.com/emoticons/biggrin.gif" border=0>.

               
               
               
               
               
               
               
        أختكم:
               
               
               
               
               
               
               
                مـــــــــس لونلي<img src="http://oasis.bindubai.com/emoticons/blush.gif" border=0>

الجنيه

12-09-03 ||, 11:34 PM

والله لو البنت محتشمه اكيييييييييييييد محد بيتحرش فيهاااا ...... ولا حد بيجرأ ان يكلمهاااااا

ولد الحكومه لا اتحلف على هالشي لانه الواقع يقول شي ثاني صدقني انه حتى البنت المحتشمه واللي محترمه نفسها في شباب وايد نفوسهم مريضه ما يخلونها في حالها واعتقد انت عارف هالشي عدل ...

اخوي طارق كلامك صح100% بس لا تنسى انه في فئه من الشباب اللي قلت لولد الحكومه عنهم ما يخلون اي بنت بشكل عام في حالها يعني ما يهمه اذا كانت كاشخه ومتبرجه وكاشفه ويها او كانت متحجبه او متغشيه والا متنقبه المهم انها بنت وهو بيتسلى بانه يتحرش بها وبس...

ومثل ما قلت  اختلاف الراي لا يفسد للود قضيه ومدام انه الموضوع للنقاش فالمفروض نتناقش من دون حساسيه وكل واحد يحترم وجه نظر الثاني من دون التجريح او الاهانه ما اقصد حد معين بكلامي بس اتمنى من الكل هالشي

والسموحه <img src="http://oasis.bindubai.com/emoticons/blush.gif" border=0>