وَأَمَّا بِنِعْمَةِ رَبِّكَ فَحَدِّثْ

[المزوحي]

السلام عليكم

في موضوع احب اتكلم عنه، وإذا تراني مافهمت القصد، ارجو إنكم توضحونه لي ...

وصلني اليوم e-mail صور روعه أقصد صور لفيلا من الداخل والخارج .. كشخة وتعيش وياهم

حتى قلت بخزن الصور عندي، وكل شويه انزل أشوف الصور أحلى ..

وآخر شي أشوف آيات مكتوبة وغيره وكاتبين إنه مب هذا البيت اللي لازم تحلم به

ليش انته ماتبغي بيت في الجنه واحسن من هذا ... الخ

بما معناه .. ليش الاسراف وغيره ..

من وجهة نظري إنه الله خلق الغني والفقير واللي يقدر واللي ومايقدر وما فيها شي لو الواحد يملك شي

بالحلال وبما يرضي الله دام إنه يؤدي العبادات الثانية من صلاة وصوم زكاة وصدقة ..

ليش يحسسونك بإنه ما بتكون مرتاح لو تملك هالبيوت وإنه شوف غيرك كيف عايش

مب لازم تسكن في هالمكان ..


وشي ثاني

معنى آية : وَأَمَّا بِنِعْمَةِ رَبِّكَ فَحَدِّثْ
قال تعالى: وَأَمَّا بِنِعْمَةِ رَبِّكَ فَحَدِّثْ، فإذا كان الإنسان لديه القدرة على العيش في رغد فهل ينطبق عليه هذه الآية الكريمة . . وما معنى: وَأَمَّا بِنِعْمَةِ رَبِّكَ فَحَدِّثْ؟


معنى الآية: إن الله أمر النبي صلى الله عليه وسلم أن يتحدث بنعم الله ، فيشكر الله قولا كما يشكره عملا، فالتحدث بالنعم كأن يقول المسلم : إننا بخير والحمد لله ، وعندنا خير كثير ، وعندنا نعم كثيرة ، نشكر الله على ذلك .
لا يقول نحن ضعفاء، وليس عندنا شيء . . لا . بل يشكر الله ويتحدث بنعمه، ويقر بالخير الذي أعطاه الله، لا يتحدث بالتقتير كأن يقول: ليس عندنا مال ولا لباس . . ولا كذا ولا كذا لكن يتحدث بنعم الله، ويشكر ربه عز وجل. والله سبحانه إذا أنعم على عبده نعمة يحب أن يرى أثرها عليه في ملابسه وفي أكله وفي شربه، فلا يكون في مظهر الفقراء، والله قد أعطاه المال ووسع عليه، لا تكون ملابسه ولا مآكله كالفقراء، بل يظهر نعم الله في مأكله ومشربه وملبسه. ولكن لا يفهم من هذا الزيادة التي فيها الغلو، وفيها الإسراف والتبذير.

ممكن تناقشونا الراي

[ولد الشحوح]

" اعمل لدنياك كأنك تعيش أبدا واعمل لآخرتك كأنك تموت غدا "
انا اشوف ان كلامك صحيح ... 100%:fa42:
ومثال كان عبدالرحمن بن عوف من كبار التجار رضي الله عنه وكان عنده خير
بس انا مستغرب من شغلة ... أعرف ناس من كثر ما عندهم عادي يسبح بفلوسه بس بخيل :k_icon9: ليش يا ربي ما اعرف الله عطاك خير عيش يا عمي شوي حسس عمرك انك مليونير

سلام:cool:

[المزوحي]

ولد الشحوح خير الامور اوسطها ...

يعني يوم الله عاطني والحمدلله مليارات وساكن في حجرة ... بوسع على عمري، بس الغير اللي يقول هالرمسه

اونه حرام، شوف غيرك كيف عايش وانته بالفلوس هذي يالس تبني لك بيت

[أنامل قلب]

:
.

السلام عليكم =)

اممم حلو الطرح أخوي .. فعلا نقاط طيبه ذكرتها بطرحك ..
وكلامك بنظري صائب بس أحب اضيف شغله .. وإهي مجرد وجهة نظر خاصه بي .. . !

رب العالمين يحب يشوف نعم عبده عليه مثل ما سبق وذكرت برأس الموضوع ..
لكن إن تأملنا زمنا الحالي .. بنشوف المبالغه الغير مرغوب ابها بشكل كبييـــــر جدا ..

فـ كلنا ندري بإن رب العالمين ذم البخل وبين إن جزاءه عظيم :
((ولا تحسبن الذين يبخلون بما آتاهم الله من فضله خيرًا لهم بل هو شر لهم سيطوقون ما بخلوا به يوم القيامة
ولله ميراث السموات والأرض والله بما تعملون خبير)) .. .

لكنه ـ سبحانه ـ كذلك بين جزاء المسرف وذم فاعله بقوله :
(( وان المسرفين هم أصحاب النار )) .. (( إن المبذرين كانوا اخوان الشياطين وكان الشيطان لربه كفورا )) ..

:

مثل ما قلت أخوي بطرحك .. مافيها شي إن الواحد يبدي نعم ربه ويكرم نفسه .. بالعكس يحبذ ذلك ..
لكنه مثل ما ذكرت لازم يوازن بين ذلك واكرام الغير من الصدقه والزكاه وما شابه هذه الافعال الطيبه ..

وهو كذلك لازم يحرص على عدم رمي أمواله هباءً كما نرى من البعض ..
وأقصد هنا المبالغه اللامعقوله من البعض والأمثله على ذلك كثيره ومعلومه .. . !

:

أكرر .. عجبني طرحك والنقاط اللي طريتها أخوي ..
وفقك ربي وجعله بميزان حسناتك .. ولا هانك ..

تقديري ^_^ ..

:.

[دموع قلم]

وعليكم السلام ورحمة الله وبركاااااته ..



امممم يمكن المقصد من الإيميل ..
الاهتمام بالواجبات والأولويات أولا .. وعقب نركز في باقي الأمور الثانوية ..

وطبعا مثل ما ذكروا الأخوان ..
أهم شي الموازنة بين الاستعداد لآخرتك .. ودنياك ..


حلو يوم الواحد يبني بيت أحلامه ..
ومن الجهة الأخرى .. يساعد ويعاون أخوانه الحتاجين ..

.
.


تسلم أخوي المزوحي عالطرح الطيب .. ^_^

[الجنيه]

السلام عليكم ورحمة الله وبركاته *_*

المزوحي اتصدق ان وصلني نفس الايميل جان اموت من الوناسه قلت يا سلام اسميني لو اعيش ف هالقصر مابا شي بس استوقفتني الآية في الاخير وقلت ف خاطري هل يسوى هالقصر ف الدنيا ؟؟؟؟ اقصد شو قيمته في الدنيا مقابل قيمة قصر في الجنة ادري ما فهمتو علي بس عادي تحملوني شوي ,,,,

ممم انا اشوف ان ترف الناس يعتمد عليهم يعني الانسان الي الله منعم عليه يحق له يسوي الي يباه ومثل ما يباه لان ف الاول والاخير الله هو الي بيحاسبه ع ماله وين وداه وشو الي صار وياه ومب من حق اي حد ثاني انه يقول يلا فلان انت مايحق لك اتعيش هالعيشه وتصرف هالصرف طبعا هو معروف ان التبذير مب شي بس بعد المبذر يحاسبه الله مش الانسان *_ * مب عيب اني اكون غني واعيش مستانس بفلوسي بس حلو اساعد غيري بعد

[عـكس قانونه]

لازم الانسان يشوف الي عنده


و ما يشوف الي عند غيره


و يقول الحمدلله


على الي عنده


و ان شاء الله في ردي بعطيكم مثال وقصة حقيقية


على هذا الشيء



مثلا شاب متزوج يبحر في النت بشكل يومي


و يي يوم و يتعرف على وحدة و يكلمها و جي و يطلب رقمها و حاول انه يتمادى بالعلاقة


لكن ردت عليه الحرمة و قالت انا متزوجة و لا يمكن اخون زرجي


و بعد فترة اكتشف ان هذي الحرمة بالاساس كانت زوجته


و من ذاك اليوم و هو يحمد و يشكر الله سبحانه على هذي النعمة القيمة


و هذي قصة حقيقية و مش من فرض الخيال


و الحين اضرب لكم مثل من اروع الامثال


اذا انسان عنده ملايين لكنه مريض


و لازم يشتري اعضاء جسمه على اساس يتعافى

و في انسان فقير

فهذا التاجر عرض عليه انه يشتري منه اعضاء جسمه


فرضا


اليدين 400000


الرجلين 600000


الكلية 100000


الكبد 100000


شوفو الحين هذا الانسان شكثر غني و مع ذلك غير مدرك للنعمة


فسبحان الله الواحد الاحد

اذا نتوب لله سبحانه و تعالى

يقول رب العزة في الحديث القدسي


انين الظالم احب الى الله من الحاح العبد الطائع المنقطع للعبادة



فسبحان الله الواحد الاحد


و في الختام اشكرك اخوي على هذا الطرح المميز


ولا ننحرم من يديدك


و السلام

[المزوحي]

أنامل شكرا على المشاركة .. اللي افهمه من كلامج الواحد يكون وسط حتى لو عنده ..

غير عن المسرفين، خلينا ندخل في موضوع يوم تشوف الواحد عنده بيت كبير لكن مب مسرف بعد تلقين الغير يحط

عليه او يقول هذا مابيدخل الجنة ومن هالكلام ... ليش انته من تختار الكلام .... بكيفك يعني ؟؟؟

[المزوحي]

دموع قلم شكرا على الرد .. زين ما اختلفنا لو عندهم بيوت كبيرة والله منعم عليهم والحمدلله ...

لكن مايقدرون يحكمون على الناس من حجم البيت ( وانتوا ماتعرفون هل هو قايم بكل عباداته وواجباته تجاه الله )

[المزوحي]

الجنيه يمكن هو عايش غير عن البقيه بحيث الله منعم عليه وفي نفس الوقت يساعد المحتاجين ...

[المزوحي]

عكس قانونه تسلم على الامثله والتوضيح

[المزوحي]

شكرا الفارس ...

[شوق القلوب]

السلام عليكم..


هالموضوع اكبر من اني اقدر ارد عليك..

بس حسيت بدموع قلبي..

..

الله يرحمنا برحمته..

[المزوحي]

كنت اتمنى اشوف رد منج اختي شوق، الله يعطيج العافية وشكرا على المرور

[شوق القلوب]

السلام عليكم..


اسمحلي يا المزوحي.. قريت موضوعك في وقت كانت نفسيتي فيه :fa55: ما كنت قادره اكتب شي..

..

الحمد الله .. نعم ربي غامرتنا لدرجه احنا مب حاسين فيها .. وما نفتكر بعمارنا الا اذا اصابتنا مصيبه ..

يعني .. مثلا في كل البيوت.. مرات اتكون الاوضاع تمام و الحمد الله الحياه طبيعيه و يمكن روتينيه .. وساعات اتنش.. اتلاقي الوالده امحرجه على ما ادري شو.. شوي اتلاقي اختك منقهره من شي.. يدخل اخوك.. اتلاقي سيارته مختربه و تصليحها بما ادري كم.. تطلع.. تسمع انه حد من ربعك ما ادري شو استوى فيه... اترد.. اتلاقي واحد من الصغاريه تعبان و مريض و البيت صخه.. بعد ما كنت تتمنى اتحس بالهدوء في البت..

..

من غيــــــــــــر.. في نعمه أكبر و أكبر من كل هالامور..

يكفي انك اتنش من رقادك و انت تآمن برب العالمين.. و انه ربك اختارك انك اتكون مسلم.. من بين كل الناس و كل الديانات في العالم..!!!

[المزوحي]

مشكورة على المشاركة شوق ^_^