ممكن تساعدوني

[المزوحي]

السلام عليكم

بغيت أسألكم بخصوص الشغل في القيادة العامة لشرطة دبي ( إدارة الأمن )

شو طبيعة شغلهم بالنسبة للمدني وإداري ... والدوام صباحي مب شفتات ...

حد عنده فكرة عن طبيعة الشغل أو على الأقل عن رواتبهم ... :b050:

[المزوحي]

ماشاء الله على الرد

[رمــش الغـــلا]

اسمح لي واللهـ ماعرف شي بخصوص الشغل هناك

بس أخوي يشتغل فالقيادة بس مب فادارة الامن ..,,

><

ما بغيت أطلع بدون ما أرد ^^

[ذنـيـنـي]

للأسف ما عندي فكرة

احسن شي انك تسألهم
ولا تسأل حد من الموظفين الي عندهم =)

و لا تنسى انك سألت عن إدارة الامن،، يعني صعب تحصل جواب بل من المستحيل تحصل جواب صحيح 100%

[المزوحي]

رمش الغلا + ذنيني مشكورين ^_^

الصراحه هم زقروني عسب اعطيهم الاوراق مره ثانيه مع إنه عندهم، وعلى اساس هالشي، بيزقروني حق

المقابلة في يوم ثاني ... بس انا اترددت الصراحه واليوم طنشت وماسرت لهم ...

يعني عقب المقابله بعرف العرض، من راتب ومزايا ... الخ

بس انا قلت بسأل لا بد إنكم تعرفون ... بدال ما اسيرلهم

[مجموعة إنسان]

وش تبغي هالشغله


رواتبهم اوكي اوكي بعد
بس شغلهم مب شي
في اي وقت يسحبونك الدوام ,, يعني 24 مرتبط

[المزوحي]

أنا اللي عرفته إنهم مرتبطين بالديوان ... لكن لو حد عنده فكره رواتب الثانوية كم

همم مجموعة انسان ،،، يعني بيئة العمل بتكون مب شي ؟؟؟

[مجموعة إنسان]

اللي شفته من الناس اللي اعرفهم
كررررف

[المزوحي]

تسلم مجموعة انسان

[خطايــا]

أحس رد قروب انسان قمه في *الاحباط* لول

[أنامل قلب]

:
.

السلام عليكم ..

اممم .. أدري رازه فيسي بما إن ماعندي فكره عما يخص الاستفسار ..
بس من وجهة نظري إنك تسأل عنهم بمحل العمل نفسه يكون وايد أحسن ..
هذا غير الاستخاره وتفويض أمرك لرب العالمين ..

يعني الاستخاره ماهي مجرد ركعتين ودعاء ..
بل إنك تتوكل وتكون متيقن بإن أي وجهة تتخذها بتكون الأخير باذن الرحمن وانت مغمض ..

:

وملاحظه ثانيه !

بالعاده قله اللي تلاقيهم مرتاحين ابـ وظايفهم بلا أي إشكال وتذمر ..
وبنفس الوقت نصهم ما يستغنون عن وظايفهم اللي يتذمرون منها ..
لأن الإشكال يتواجد بكل محل .. بأشكال وأوضاع وأسباب مختلفه ..
وهي طبيعة بالإنسان خاصه إنه يحب دائما ان يرتقي بنفسه ابـ مختلف النواحي ..

انزين ..
منهم من يشتكي من الشغل الزايد .. ومنهم من يشتكي من الملل الزائد وهكذا !!
وكله يعتمد عـ شخص الانسان نفسه .. وشوللي يرتاح له ويحبه ابـ بيئة العمل نفسه و نوعيته.. !!!

بمعنى آخر .. اذا اللي عناهم أخوي مجموعة إنسان شافو العمل به الإشكال اللي طراه ..
ممكن انت تشوفه العكس مقارنة بوظيفتك الحاليه .. !
+ مايعني ان جماعه معينه ماحبو العمل الفلاني انك مابتحبه ..
لأن الميول تختلف والأطباع كذلك واللي يونس غيرك يكدرك والعكس !

فانت لا تقصر بالفعل ..
عالأقل تكون مطمن إنك سويت اللي عليك والحمدلله :fa51: ..
+ ملاحظتي هذي أوجها بشكل عام لي وللكل والله يوفقنا بوظايفنا وين ماكنا :k_special2: ..

أكان منا أم لنا .. .
... !

:

اسمحلي عالمداخله ..
واعذرني عالقصور ..

احترامي ..

:.

[المزوحي]

خطايا عسب كلمة كراف ... مب مشكلة اتقبل آرائكم ^_^

[المزوحي]

مرحبا انامل

أولا أحب أقول إني انا احب شغلي بشكل عام شو كان نوعه، يعني دام إنه عندي كمية شغل احب انجز اللي عاطيني

إياه، بس انا متذمر من بيئة العمل ... لانها واااااااايد وصخه، ومحد يسمع لأقتراحنا على الأقل ... ومع هذا تميت مكاني

قلت مب مشكلة .. لكن في حد اتدخل ودور لي وظيفة ومع هذا بقول إني مب متشجع اظهر من المكان اللي فيه

كوني إني تعودت على المكان اللي فيه ( انا مب من النوع اللي يحب يغير ) يصعب عليّه ترك المكان ..

وثاني شي .. انا ماعرف طبيعة العمل هناك مب قضية كراف لااااا .. اقصد البيئة والناس ... يمكن إذا انا شويه احس

إنه فلان وفلان ... يمكن هناك المكان يكون مب شي بالنسبة لي شخصيه بالمره ...

انا استخرت ... وبعد استشير الناس ... حتى لو سألتهم هم يمكن مايخبروني كون طبيعة شغلهم إلا إذا زقروني حق

المقابلة بيخبروني ..

بس انا دوم جيه .. أحب اعرف قبل مادري تسرع مني !!


بما إنه أوراقي عندهم وهم اتصلوا بي ليش يبوون الاوراق مره ثانيه ... احس ماله معنى ..

شكلي كتبت قصة حياتي .. بس عسب أوضح لكم شو المطلوب ...

[المزوحي]

على فكره سألت واحد من الربع عن الشغل هناك، طبعا سأل ربيعه

قال مب شي

على اي اساس مادري !!