ورشات التصوير الصيفية

[ذنـيـنـي]

السلام عليكم

مثل ما هو مبين في العنوان
شو رايكم نسوي ورشات عمل للتصوير عشان كلنا نستفيد و نعلم بعض

بما انه جونا بارد جدا و ظهرتنا للخارج بتكون معاناة بسبب عدد الجاكيتات الي لازم نلبسها قررت انه الورش تكون للتصوير الستيل لايف او مثل ما يسمونها البعض،، الطبيعة الصامته لأنها ما تحتاج الى الخروج من المنزل و تكفي بعض المعدات البسيطه لأخراج صور رائعة..




قوانين الورشة بشكل مبدئي :-

1- ان تكون الصورة حديثة و لم يتم المشاركة فيها في مواضيع اخرى
2- ان تكون من تصوير العضو نفسه
3- تعديلات الفوتوشوب تقتصر على التصحيحات اللونية و عمل Crop للصورة اذا لزم الامر و ذلك حتى يعتمد المشارك على قدراته التصويرية لا على قدراته "الفوتوشوبية"


الي عنده اقتراحات للورش يتفضل و يقول الي عنده



طبعا اشكر اختيه ملاك الرووح على فكرتها
شفتها تأخرت في الطرح لذلك طرحت الموضوع نيابة عنها و ان شاء الله نشوفها من بين المشاركين لأنها ما شاء الله عليها مبدعة في الستيل لايف :thumbup1:

[مجموعة إنسان]

يعني هالورشة بس تكون للستل لايف ؟؟؟
كم مدة الورشة ؟


مممم

يلله خل ندور شي يتصور

[ذنـيـنـي]

لا اتدور شي

كل شي جاهز =)


بس انا ابغي اعرف اذا عندكم اقتراحات لطريقة تنظيم الورشة ؟


الفتره الزمنية الي اقترحتها هي اسبوع واحد لكل موضوع
و لكل مشارك الحق في المشاركه بـ 4 صور فقط عشان نقدر نعطيه حقه من الردود و الملاحظات

[الاسطوري]

^
ماشاء الله مفصلين ومخيطين ولايخبرون بعد، يالله بنلبس ونحن ساكتين عشان ماتقولون
تدخلنا أو غيره وأتمنى تلقون الإقبال والتفاعل المطلوبين
وبالتوفيق إن شاء الله

[مايهزك ريح]

متى بتبدون .. انا وياكم .. !

[بنت الدلع]

فكره حلوه ..
يعني انتو تختارون الشي والاعضاء يصورونه
انزين عندي فكره
بعد ماتعطونه الملاحظات
نبا نشوف تعديلاته

يعني اذا العضو صوّر ورده وقلتوا له الاخطاء 1، 2، و3
يرد يصورها مره ثانيه بناءا على الملاحظات ويرد يعرض الصوره

احس جي العضو بيستفيد اكثر
ولا شو الراي؟

--
موفقين انشاء الله

[ذنـيـنـي]

الاسطوري


نبغي نشوف مشاركاتك،، حلل قيمة الكيمره ياخييييييي p=

[دمعة عين]

.
.

:a018:

فـكره حلــوه !*~
وأنا ويا اقتراح " بنت الدلع " ~ لأنه الأعضاء جيه بيستفيدون أكثر ~
والأفضل الشرح خطوه بـ خطوه ~ ويفضل لو كان بالصور !*


:
.


يـ الله بانتظار المشاركات ~ أبا أتعلم شي يديد
:fa38:
× سيتم تثبيت الموضوع ×
،
.
.

[ذنـيـنـي]

بنت الدلع

فكرتج وايد حلوة


=======

ما يهزك ريح

انته اول واحد لازم تشارك P=

=========
دمعة عين

تسلمين اختيه على التثبيت
نتمنى نشوف مشاركتج ويانا

[قرموشة]

يا مرحبا الساع ماشي فوتوشوب يعني P= يبالي أعدل قدراتي التصويريه اللي من دون فوتوشوب >.<
خلاص بنشاارك ويااكم ان شا ءالله ~ بس انتوا نظموا ونحن علينا التصويررر D=

[مجموعة إنسان]

تسلم يا خيااط قصدي ناااصر

يلله نحن معاكم أكيد
ودايما نتعلم منك

[الدلووووعة]

فكره حلووه
^_^

وان شاءالله نكون من المشاركيين

وبالتوفييق للكل

[طير الغرام]

http://oasis.bindubai.com/bin/uploaded/1184_11201028869.gif

فكره حلوه ماشاءالله
بتقضي ع الجو اللي عايشينه !

وإن شاءالله بنشـاركـ معاكــم ^_^

http://oasis.bindubai.com/bin/uploaded/1184_21201028869.gif

[ملاك الروووح]

:

وعليكم السلام ورحمة الله وبركاته

حيالله بو ذنين ..

:m_9afgah:

:

ياريّال .. كيف اتنزل الموضوع ونحن مب مخبرين الاسطوري ؟!! :a058:


لازم الاداره يكون عندها علم بالورشه ..


<< وحده خراطه هاه توهقت الحين هع هع :biggrin:

:

تسلم يا ذنيني على طرحك الموضوع .. ماقصرت ..

كفيت و وفيت ..

:a070:

:

بالنسبه للورشــــه .. راح نطرح مثلاً كل أسبوع موضوع تصورونه ..

أقصد انصوره .. :biggrin: لأني بشارك وياكم .. عشان أستفيد وأفيد ان شاءالله .. :11:

وبنشوف مشاركات الأعضاء .. وبنقطعهم .. :biggrin: أقصد بنتناقش يعني ..

وشرات ما اقترحت بنت الدلع .. بنصور الصور مره ثانيه عقب ما نشوف وجهات نظر الاعضاء

ونشوف كيف بتظهر .. عسب نطور من قدراتنا التصويريه .. :biggrin: ..

( عز الله رحنا وطي يوم انه ماشي فوتوشوب :fa46: لوول )

:

بترك موضوع أول صوره حق أخويه العود .. ذنيني ..

المايك عند نااااااااااصر .. :fa47:

:

يالله نبي نشوف حماس .. ومشاركات متميزه من أعضاءنا الحلوين .. :fa56:

[ا ل غ ل ا]

أنا بعد أبا أشارك وياكم إذا فيه مجال :)

[دمعة عين]

~ .. يلغى التثبيت !~

،
.
.