حلم والسوني !!!

[حلم الطفوله]

السلام عليكم


يا عشاق السوني أريكسون ....بغيت أسألكم عن السوني أريكسون G900

نزل وإلا لااااااااااااا ؟؟

شو مميزاته ؟؟؟

وأدريبكم ما بتقصروووون :laugh:

[شمعة أمل]

حلممممممممم
الصراحه ماعرف.. اكيد الاعضاء مابيقصرون وبيساعدونج :)

[أنامل قلب]

:
.

السلام عليكم ..

سبحان الله كنت بنزل موضوع أسأل فيه عن الموبايلات والخ .. بما إن فوني خلاص تعفن لول ><"
بس قلت ماله داعي .. بسأل الأقوام اللي عندي خارج إطار الواحات ..
ماهقيت انج ما بتقصرين فيني وبتنزلن موضوع بالنيابه عني :fa51: ..

انزين .. اممم ..
سويت بحث ابـ قوقل ولقيت معلومات مادري اذا بتفيدج او إذا كانت إهي اللي الدورين عنها ..
بس أنا عيبني المبايل .. وخلاص قررت آخذه ولو إني ماجربت آخذ غير النوكيا حتى اللحظه .. !

كاهو الرابط : http://www.qatarfootball.com/vb/showthread.php?t=84839

اممم .. بس بعد خل نشوف أهل الخبره عدنا بالواحات ..

وووويزاج الله خير عـ طرح الموضوع بالنيابه عنا ..

:a074: ..

:
.

[مزايا]

إمبلا نزل واليوم شايفته بعد
وسعره اذا ماخانتني الذاكره 2100 درهم
وشكله وايد حلو ومميزاته أحلى

[عهد الوداع]

نتريا راعي الاريكسون بحرنا .....^_^

[بحر الموده]

وعليكم السلام ورحمة الله وبركاته

حلم الطفوله ...التيلفون ذكرنى بالاشكال القديمه

بس اشوف شاشته يعنى مب وايد كبيره بس احلى شىء انه ضعيف يعنى مب طابوقه

ممممممم السعر شكله بيكون مرتفع ...ولكن ياويلهم النوكيا سونى اريكسون بتعلن عن جهاز قريب

قوة الكيمره 8 ميجا بكسل يعنى بتكون كيمرته طرررررررررررررررررررررر ... وعن هذا التيلفون شكله متراوالى فى جامبو

ووالسمووحه

[حلم الطفوله]

بحر الموده ....مشكووووووووور عالرد

بس كم بتريا بعد!!!

ومتى بينزل الثاني بــو 8 ميجا بكسل ؟

[بحر الموده]

العفو ولاشكر على واجب

الطرح احتمال فى شهر 9 على كلام الشركه

^___^ اسمينا يالسين نترياااااااااا

[حلم الطفوله]

بحر الموده !!!! عز الله اشتريت موبايل دامه بينزل شهر 9

الحين أباك تنصحني بموبايل آخذه لين ما ينزل اليديد بشهر 9 :)

[بحر الموده]

سلمج الله ياحلم الطفوله انا من زمان ماجربت السونى

احين عندى تيلفون نوكيااااا ...وشوه رايج تاخذين ها وتجربينه وبعدين تخبرينا شوه مواصفاته وشوه عيوبه

وعن السونى اريكسون بيكون شبيه من ان 95 و 96

[حلم الطفوله]

شكرا بحرنا ..... وشكلي بجرب السوني لأول مره وبشوف خيره من شره :)

ونرجع للردود السابقه

شمعتي ... شكرا على مرورج صديقتي

أنامل قلب .... احساسج وصلني جان أطرح الموضوع قبلج عشان أفاجئج فيه ...مشكوووووووووووره يالغلا


مزايا ........... تسلمين على المعلومه الحلوه عزيزتي

عهد الوداع .... جان طاريه مليون ويا بحر زين .... ما قصر بحرنا ويزاه الله خير على المعلومات

[ذنـيـنـي]

عندي اياه

أزفت تيلفون على وجه الارض
بطييييئ و يعلق بدرجه فضييعه

صدددددددق يلوع الجبد

مول ما انصحج فيه
مول مول مول

[حلم الطفوله]

ذنيني ......هو شكله عادي صح ورضيت ... بس دام كلامك جيه شكلي بسمع كلام بحر الموده وبتريا شهر 9

شو ها !!! حالفين ما ينزلون موبايل زين

عافان الله يالسوني .... شكلي برجع للنوكيا :)

[ذنـيـنـي]

انا وصلت لمرحلة الملل من النوكيا و مشاكله
و سمعت ربعي يهاذون بالـ جي 900
و قلت بحول الى سوني اريكسون
الاسبوع الي طاف سرت اكسيوم و حصلتهم يبيعونه لكنه مب حاطينه في العرض
خذتلي واحد و ياليتني ما خذته

شكلي ببيعه و باخذلي الووكمان بو 8 GB اعتقد اسمه w990

[حلم الطفوله]

ذنيني .... ذكريتني بالمثل ( ماراح تعرف قديري ...إلا لما تجرب غيري)

جرب اليديد وخبرنا :)

[ذنـيـنـي]

افكر بهذا

http://www.sonyericsson.com/cws/products/mobilephones/overview/c902?cc=ae&lc=en


او هذا

http://www.sonyericsson.com/cws/products/mobilephones/overview/w960i?cc=ae&lc=en

و اشوف عمري اميل للثاني اكثر

[ملاك الروووح]

أنا يتني فتره كرهت فيها النوكيا صج :glare:

بس رديت عليه من عقب السامسونج ..

والحين لاعت حبدي من كفر التيلفون وأبي أغيره ..!

بتريه وياج شكلي !!


بس عايبني الحين الكميونيكيتر الـ N93 أعتقد اسمه صح ؟ :m_afaker:

اخوي يقولي شو تبينه التيلفون أمتن عنج طابوقه :biggrin:

أقوله بس جيه ورا شي مساحه كبيره بقدر أبدع فيه ..

بحط كرستالات وجيه ! :hysterical:

اونه والله انتوا البنات صج سخيييفااااااااااات :glare:

زين ما لعن خيري يوم جيه قلت له لووول

[أنامل قلب]

:
.

امبيه صدق والله .. !
اوه يعني برجع أدورلي عـ فون ثاني ..
لا وانا من النوع اللي ينتف المبايل من الخاطر ..
ماخلي فيه حس ليمن ابط جبده ><"

انزين أمرنا لله .. بندور بزياده .. شو ورانا ..
ووو بخصوص اللي حاطنهم أخوي ذنيني ..

فـ اممم شكليا الأول أحلا للبنات ..
والثاني أنسب للشباب ..

بس بعدني قاعده اقرا المواصفا =)

:

ويسلمو حلم :yes: ..

:.

[ملاك الروووح]

خلاص خلاص

باخذ لي بلاك بيري .. :14:

[أنامل قلب]

:
.

ملاك الروح ..
ماروم أقرا لج رد من غير ما ابتسم ابتسامه عرييـــــــــــــــضه .. ما شاء الله عليج ..

^___________________^ ..

بالنسبه لي أبهدل الفون من زود الاستخدام .. مش بالسوالف الثانيه لول ..
يبالي أدز فوني صوبج تنسقينه ههه ..

ووو ربي لج حافظ =)

:.

[حلم الطفوله]

يوم بتاخذون خبروني عشان أطقم وياكم ...ما فيني أبتلش بروووحي

[أنامل قلب]

^

لا تحاتين ..
بدز لج رساله باليوم والزمان والمكان ..
حياج الله .. ومايحتاي تشتريلي معاج ..

لووووول

[تحفه]

يمدحوووووووون x1

[دمعة عين]

نصيحه مجرب !~

جريب ماخذه سوني أريكسوون !!
لاعن خيري ، وخير أسلاافي كلهم ! ، أبا فوني الجدييييييم ><"

يوم حد يتصل فيني يعطيهم مغلق ، وانقهر يوم اتصالات مطرشيلي مسج ع البارد المبرد
MISSED CALL قسم اسبهم سسبب ><"
والمسج عقب نص ساااعه يووصل ~ انقهر من الخااااطر !

وفوق ها كله أحس ارساله مب شي شرات النوكيا ، يعني يوم كان عندي ماكنت
اتلعوز جيييه ، أحطه فـ أي مكان ، وعايشين بسلام وآماان !~

بس ألحييين لازم أتنقى المكااان المناسب إلي فيه الارسال المناااسب واتاأكد إنه
كلمه اتصالات طالعه فـ النص >< " ~

خذي النوكيا أحسن لج ~ فيه كل شي كل شي سهل وبسيييط ~ حتى كتابت المسجات
فيه حلوووه شكلها مرتب والخط حلووو ، وتقدرين تكتبين المسج فـ اللاب واتردين اطرشينه ع الفون

بس فـ السوني ~ لازم تكتبينه ع الفوووون !~ > مللللل !~

و و و هاااي نصيحه مجرب ولج حريه الاختياااار !

،
.
.

[دمعة عين]

^
جان يغمضني فوني !*

والله أحبه ، بس لو ارساله يستوي زيييييييين
والله بعيش بسلام وآمااان ><" ~

،
.
.

[ملاك الروووح]

:

فديييييييتج أنامل

عسى الابتسامه ما تفارق محياج قولي آمين ..

:fa56:

حبيبتي والله

أفا عليج حاضرين للطيبين ..

خلاص بنطقم انا وانتي وحلم .. :m_9afgah:

طرشوا لي موبايلاتكم عشان أسويلكم اياها

<< وهذا ويهي اذا شفتوني مره ثانيه في الواحات :k_harhar1: هع هع

أسولف أسولف لا تخافون

:14:

كل حد يسألني عن الكفر اللي حاطتنه الحين ..

بس احسه مسود وايد .. كرهته والله !!


:k_puppyeyes:

دخيلكم اول ما تاخذون فون يديد خبروني

وشكلي بهون عن الاريكسون من عقب ما قريت رد دمعوه :k_puppyeyes:

[صريح]

يتم الـ Nokia ارقى بنسبه لي

http://www.nokia.ae/link?cid=PLAIN_TEXT_772539

:14:

[حلم الطفوله]

صدقك يا صريح ....

[ذنـيـنـي]

صريح شكلك تبغي البنية تفلـّس

ياخي هالتيلفون وايد يعيبني بس احس انه الله بيخسفبي الارض لو اعق 6400 درهم على تيلفون لوول

[صريح]

نصوور سعره عند اكسيووم 6500 .. لانه عليه ضمان سنتين من اكسيوم

برع تلقاه تحت الـ 5000 .... ماخذينه اب 4700


بس صدق هالتلفون اعتبره تحفه من ناحيه الدزاين و اللون

[ذنـيـنـي]

العادي بكم؟؟

الي بدون يلد

[صريح]

البني .. عند اكسيوم 6500 .. برع 4700

الاسود عند اكسيوم 4100 .... برع 3500


البني اللي يكون يلد .. الاسود مب يلد

[ذنـيـنـي]

شكرون صريح

شكرون = مشكور + شكراً على قولة صاحبي الي قال فلح و ململ و قال ياخي انته ابوك "شرّيع خريجه"