نتائج الثانوية العامة

[نجمة دبي]

السلام عليكم

شحالكم؟

بغيت اعرف متى بتظهر نتائج الثانوية العامة؟؟؟
:k_sadwalk:

السموحه

[مزن هتان]

يوم الثلاثا

[رمــش الغـــلا]

اللي سمعتهـ من أختي انهـ يوم الثلاثا ^^


عاد لو حد منكم عرف النتايج قبل يخبرنا !!

لانهـ أختي فالبيت حليلها تتريا النتايج

[نجمة دبي]

مزوووون & رموووش

ثانكس عزيزاتي

ونتريا بفارغ الصبر

[المزوحي]

inshallah pass

[العجيبة]

موفقــــيـــــن ان شــــاااااااء الله

أحلى شي يوم تخق على اهلك بعد النتيجة واتم تتشرط ابا وابــا ههه أيــااام والله

[الا انا]

اقول ..^

ترى النتايج طالعه ..

ربيعاتي طالعه نتايجهم ..

امس السيبا .. واليوم يقولون طالعه النسب ..

"
"
..

وشي ناس امس مطلعين النسب بعد ..

بس الحين وايدين مطلعينها ..*

[نجمة دبي]

شوووووووووووووووووووووووو وووووو؟؟؟؟؟؟؟؟
كييييييييييييييييف؟؟

[الا انا]

.^

هييييييييه

خخخ
وحليلج حاسه فيج والله

روحي جوفي ..

السيبا امس طالعه ..

وتوها ربيعتي تبارك لأختها وقوم خالتها وعمها ..

الكل طالعه نتايجهم .. روحي جيكي ..^^

**

ان شاء الله خير ..

[نجمة دبي]

من وين؟؟
كيف اجيك؟

بسرعه ماافيني صبر هئ هئ هئ :(

[الا انا]

..^

اوييه
سويت زوبعه ..

مادري والله

انا شفتها تبارك لهم وسالتها جان تقولي من زماان ظاهره ..

اتصلي المدرسه ولا اداره التسجيل والقبول ..!!

جيكي عالنت ..

سوي اي شي ..
مادري كيف نظامكم اليديد انتوا ..
اممم

عفستيني وياج والله

هههه
زين انتي طلعتي نتيجة السيبا ..؟؟

اتصلي المدرسه .. او جوفي اي احد يشتغل بالمنطقه ولا المدرسه ..^^

[نجمة دبي]

نتائج السيبا قالوا لنا شهر 7 بيطرشونها بالـ sms
جيه مكتوب في الاوراق اللي عطونا اياها

دخلت موقع التربية والتعليم ما حصلت شي
وفي الجرايد ما حصلت شي

اروم اتصل الحينه ( قسم القبول والتسجيل ) ؟؟


بليييز اللي يعرف شي يخبرني :(

[الا انا]

..^

كيف جي ..

امس اختي وربيعاتها مطلعين نتايج السيبا ...

هي يابتها من المدرسه ..

والكل ظاهره لهم النتايج ..

وتوني سالت ربيعتي براس الخيمه ظاهره لهم النسب بعد ..

هيه اتصلي عادي ..

اتصلي اكثر من مره ..وعطيهم رقم طلب الالتحاق الي عندج بالورقه ..

اختي ناجحه ويابت 88 .. وربيعاتها كلهم ناجحين ..

حرام ..
جان زين ماقلت لج .
احس خبصتج ..

انتي اتصلي واذيهم خخ

[نجمة دبي]

مبروووووووووووك وعقبالنا ان شاء الله

بتصل الحينه

لا عادي حبوبه .. ادعي لي ^__^

[نجمة دبي]

اتصلت وقالوا لي بعدها نتايج السيبا ما ظهرت .. وبتظهر بعد كم يوم

وان في بعض المدارس خذوا درجة الانجليزي وحطوها في الشهايد ..

باجر بتصل المدرسه

يالله .. لازم اتريا لـ باجر يعني :(

ان شاء الله خير

مشكوووووره والله .. حمستيني خخخخخ

[الا انا]

..^

الله يبارك فيج وعقبالج ان شاء الله


ماعليج يمكن يختلف من مدرسه لثانيه ..

بتنجحين ان شاء الله ..


نسبة النجاح وايد كبيره عندنا ..
لحد الآن ماسمعت احد راسب فالسيبا ..

الكل ناجح,,,

ماعليج انتي .. ناجحه باذن الله ..

^_^

[الا انا]

..^

نجمه .. النتايج طالعه ..

وينج انتي ..


اختي يابت .. 89 .. ( علمي ) وبنت عمتي 91 ادبي ..

....^^

[نجمة دبي]

اتصلت اليوم وقالوا لي باجر
يعني يوم الثلاثا

^___^

لي عوده ان شاء الله باجر

الا انا .. مبرووووووووووك يستاهلون والله :)
ابغي حلاوه ^_^

[الا انا]

..^

الله يبارك فيج..

وعقبالج ..

انت يالحلا كله ..

لج الحلاوه اكيد ..^_*

اول المعازيم انتي .. البوفيه بكبره لج ..^^
ماعلي من ربيعات اختي .. بعزم ربيعاتي كيفي كيفي ..خخخخ

[رمــش الغـــلا]

مبروووووووووووووووك لكل خريجين الثانوية العااااامهـ:k_smartass:

:m_9afgah:


اسبشلي اختي


طلعت نسبتها اليوم

:m_9afgah:


89.8 :inlove:


حليلها متغصصة ع كمن درجة:bash:

[الا انا]

..^

مبرووك لها ...

""

اذا هي علمي .. والله وايد حلوه نسبتها بالنسبه للامتحانات مالتهم . كان امتحان الرياضيات والفيزيا .. شوي خرب عليهم ..^^
وحليلها اختي توقعنالها فوق ال 90 بس 89 حلوه بعد ..**

[رمــش الغـــلا]

لا أختي أدبي

حليلها هالكورس يابت فال 90

بس لانها الكورس اللي طاف كانت 88

ف نزلت نسبتها

الحمدللهـ .... اهم شي ان النسبة حلوة ^^

[الا انا]

..^

بعد حلوه ..^^

وحليلهم .. انكرفو عدل ..

[الهيثــم]

أخــووي ياب 92 أدبي
وولد بنت عمتي 91 أدبي
وولد خالي 90 علمي ...

[نجمة دبي]

نــــــــــــــجـــــــــ ــــــــــحــــــــــــــ ــــــــت
لكن النسبة تفشل :(

مادري اذا بيقبلوني جامعة زايد والا لا

المهم نجحت وافتكيت ^_^

[مجموعة إنسان]

مبروووووووك نجمة دبي

[نجمة دبي]

الله يبارك فيك :)

[شوق القلوب]

بالبركه عزيزتي.. ^_^

[الا انا]

أخــووي ياب 92 أدبي
وولد بنت عمتي 91 أدبي
وولد خالي 90 علمي ...

ماشاء الله عليهم ..

شادين حيلهم الشباب ..

مبروك لهم ..^^


نــــــــــــــجـــــــــ ــــــــــحــــــــــــــ ــــــــت
لكن النسبة تفشل :(

مادري اذا بيقبلوني جامعة زايد والا لا

المهم نجحت وافتكيت ^_^


كلولووووووووش .. اخيرا ..^^

مبروك خيتي . مبروك ..^^ ماعليج ,, بيقبلونج ..:wink:

الحين انتي تفيجي للموضوع الي بالي بالج ,,,:inlove:

[دمعة شوق]

مبرووك يانجمة دبي
تستاهلين

[نجمة دبي]

الله يبارك فيكم جميعا p:


الا انا : خخخخخخ اكيد .. الحينه انا مستعده ( اوني عاد هع هع ) ^_^

[السعدي]

مبروك للناجحين

ابارك للناجحين كل واحد باسمه

واخص ناس بالتهنئة والتبريك والمقصود يعرف أني اقصده

السعدي

[نجمة دبي]

الله يبارك فيك اخوي

^_^

[أنامل قلب]

:
.

امبيه مب جني آخر الواصلات .. . !

مادري بس فعلا أحس لذة التخرج من الثنوية العامه ماعادت شرات قبل ..
يعني لا على أيامنا ولا على أيامكم .. وكأن متخرجين عادي ولا حد داري عن هوى دارنا :/
مو كأن منكرفين 12 سنه .. ودخلنا مرحله يديده مانعلم ابـ مكنونها .. . !

.. :blush:

بس مبــــــــــرووووك اختي نجمة دبي .. وتستاهلين النجاح أكيد ..
عساج موفقه بكل أمرج .. وتنالين غايتج ومرادج باذن الرحمن ..

حاسين بمعاناتج ووناستج .. حتى احس ان توني بعدني طالعه طازه من الثنوية .. :fa46:
اونه بعدني عايشه الكابوس اللامحتمل .. :glare: !
والصراحه تنقال .. اللي شافني بالثنوية مايقول طالبة تحاتي النسبه ..
+ المذاكره عندي كانت حدث ولا حرج ><" ..

من جذي حـــــــــــــاااسه فيييــــــج .. وولا يهمج .. أحيانا تكون مكاسبنا أكبر من أرقام بورق ..
فلا مقياس يعني بمحصولنا هنا .. ؟!

والحمدلله ماعدنا أحد بالثنوية العامه هالسنه غير ولد خالتي ..
واللي الحمدلله يايب 95 وعلمي .. بمعنى آخر مش شرات سواد إإإ أقصد بياض ويهي :mf_leia: !

:

وعقبال ما نرحب بج بجامعتنا اختي ^_^ ..
زهبي روحج من الحيــن :tongue: ..

واسمحيلي عالاطاله ..
بس مادري .. ذكرتيني بأيام .. . !

والمعذره من شخصج حبابه ..

:

موفقه :)

:.

[نجمة دبي]

الله يبارك فيج الغاليه

^_____^

ان شاء الله

[ريم العين]

نجمة دبي كم نسبتج خخخخخخخ

ابا اعرف

ممكن ^^

[نجمة دبي]

ريم العين

لاااااااااااااااااااااااا ااااا

ما بقول :(

سوري :(

[ريم العين]

بالستينات ؟؟خخخخخخ


يلا عادي نحن فمنتدى محد بيدري هههههههههههه

بيني وبينج بس

[نجمة دبي]

هيه

:fa43: