دلـــع سيــــــارتــك مع بـن دبي

[ماوحشتك]

الســـلام عليـــــــــكم ورحمة الله وبــركاته ...





الموضـــــوع مبيــن من عنوانــه مثــل انتوا ما شايفين ..



" دلــــــع سيـــــــــــــــارتك مع بــن دبي "




اليوم بينما كنت اتجول على النت كنت ادور على زوايد للرنج سبورت .. وما حصلت الي اانا ابغيه :smile2: يعني مثلا صور ديزاينات, اسعار, شو الاحسن, انواع الخ...............

ويه فبالي انه انزل موضوع في واحة السيارات باسم دلع سيارتك مع بن دبي عشان الكل يستفيد :icon_rr:

يعني اي حد عنده استفسار عن اي شي يخص زينة السيارات مثلا وين :
احسن الاماكن
احسن الاسعار
و كوالتي, الخ..... يطرحه في هالموضوع
و" نصايح "

وله اي حد شايف اي صيحه يديده فتزين السيارات :icecream:

وانا متاكده انه ان شاء الله الشباب ما بيقصرون وخاصه فينا نحن البنات لووووول (اقصد انا لول) الي ما يخصني بشي.. لول يعني ما كل شي خخ اشياء بدائيه بس :icecream:


ببدا :biggrin:

http://www.s2s.cc/upfiles/1PB20347.jpg
اولا: بسال كنت ادور مثل هيل الي فصوره الي مادري شو يزقروهن حتى :vampire:> الي جدام الباب مثل الشبك:fa36: ( سالت كزن قالي يسمونه خياشيم) :glare: شي جي

- بغيت اسال عن كرووم ؟
يعني ابغي اشوف ديزاينات :a070: اذا ما عليكم امر ....

وبغيت اعـرف اسعارهن ؟ تقريبا
و النوعيــات ؟

واذا اقدر احصل الون الذهبي بعد ؟

---------

ثانيا عن الرنقات ^ نفس المطالب :biggrin:



ممم واذا عندكم اي شي زياده ممكن يفيد لا تبخلون بطرحه:fa47:


يالله شبــــــــاب شدوو الهمه
ومنكم نسـتفيد :fa47:

[المزوحي]

الموضوع عيبني الصراحة، ومع إني ما أحب الرنج ( السموحه ) بس من فترة يايني هوس على المواتر

قول شو بيستوي يعني لو خذت رنج، حتى لو تكسي وإلا خربه .. وإلا ...........

عقب أقول تراني أحب الأكس فايف،،، شو اباها الرنج .... المهم ظهرت برع الموضوع شكلي ...

ماوحشتك انا بحط صوره بالرنقات هذي

http://coolbrit.net/range-rover-tuner-Loder1899-1.jpg

الصور الثانية تزويد هامان

http://www.automotoportal.com/media/images/vijesti/070802004.jpg

انا شفت صيحات في السيارات لكن مادخلت بالي الصراحة مثل تنجيد كراسي الموتر بــ الماركات مثل بربري

ولوفيتون ........... بسسسسسس لاعت جبدي ... غصب يدخلون الماركة في كل شي

[ماوحشتك]

اولا :fa46: واخيــرا حد رد عالموضوع بعد مادري كم زياره :a032:

لا و المزوحي داش و بقوه :a033:
^ هدي هدي شو السالفه :fa54: .. !

تسلم ع المشاركه و ع الصـور :fa46:
الرنقات الي فصوره الاولى بالاخص احس وايد اوفر بالنسبه لي يعني ( بنيه )
احسها تركب عالشباب اكثر :icon_rr .....

انزين ما عندك اي فكره عن الاسعار او اي شي من مطالبي ^ الي فالموضوع :icecream:

----

وانا وياك في هالشي فـ تنجيد الكراسي بـ ماركات ...

انا يمكن قبـل 3 سنين او اكثر .. ما احيد بالظبط يعني قبل لا يتنشر عدنا هني فالبلاد
شفت سيارة ما احيد منو بالظبط كانت باريس هلتون ولا برتني سبيرس ملبسه سيارتها جلد لويس فيتون وكاااان الصراحه روعه ... وتحسه صج قو .....

بس الي هني فالبلاد عدنا مب شي الصراحه احسه يخرب السياره .. و الخامه ابد مب شي
جي جنها فوده (فوطه) لحاف موووووووول مووووول مب شي :fa44:...
وكل لخلق ظرابه .......... ع شوه مادري ..! وياريت البرنت يبن انه اصلي فلعات ! :k_no:

[المزوحي]

هلا أختي ،، صح يمكن اتدورين شي يليق بج ... سمعي احتني معتزل سوق السيارات صار لي فترة ، فما عندي

فكرة وإلا ودي اساعدتج والله .. واتمنى الاخوان مايقصرون وياج ..

اذكر في محل في الشارجة اسمه الكابري عنده رنجات ... بس ماعندي فكرة عن الاسعار .. بس اظن اسعاره

غاليه ..

[ماوحشتك]

لك جزيل الشكر يا المزوحي ..... ما تقصــــــــر ......
بانتظارك اذا قررت العوده بعد الاعتزال :P

[أنامل قلب]

:
.

السلام عليكم باللي توحشنا ^_^ ..

اممم خاطري أساعدج بس صدقيني أخير لج أظل بعيده :blush: ..

حالتي أردى عنج ابـ زوووود .. حتى استحي أدخل واحة السيارات .. احم ..
إذا ما وصفت موقفي بالخوف لول .. مووول ما يخصني ..

أحس كاني أدخل مكان كله شباب .. :fa38:
بس عيبني عنوان الموضوع وحبيت اطمش .. :fa51:

:

اتمنى فعلا تلقين الافاده ممن يملكها ..
واسمحيلي اختي عالقصور ..

احترامي وودي ..

:.

[شمعة أمل]

مبروك عليج السياره اليديده
اختي عندها سبوورت بس سوبرجارج HST .. السايد ميروورزز كروووم ومادري شو بعد كرووم وكراسيها من داخل غير عن السياير الثانيه صدق نااايس
وحده نعرفها.. عندها نفس سيارة اختي.. بس ذهبيـه.. وحاطة رنقات ذهبيه.. كلحد قالها مابيطلع حلو.. بس العكس.. يقولون يجنن

عندي اقتراح
ليش ماتسيرين عند west coast customs عندنا هني.. هاييل نفس الناس الى سوو سيارة باريس هلتوون وفكتوريا بيكام.. خلييهم هم يسوولج كل شي بدال ماتعورين راسج

[المزوحي]

شمعة أمل الله الله ... مانروووم على المحل، بس تعالي يمكن السعر ما يناسبها ^_^

هيه صح خلها تسير وتشوف ...

شمعة HST

http://www.landrover.co.uk/gb/en/Vehicles/Range_Rover_Sport/Models/Range_Rover_Sport_HST_2E7D4F3A-09DC-4515-ADEC-D8F4A617DE61_199x599.jpg

بس تعالي وايد بنات مايضربوون مخفي على الموتر .. يعني اكيد موتر بــ هالجيمه ...

[شمعة أمل]

ليش يعني مايحطون مخفي؟ =s
أصلن كيف يتحملون .. وايد حررررر


وعن المحل ترا على حسب شو بتسوي في سيارتهااااا انا من كم من شهر واخبر ابويه انه يوم بيعطوني سياره يديده بعدلهاااااا وبقلد فكتوريا بيكام بحط حرف اسمي على راس الكرسي p: وشفت على سويت سكستيين وحده ودت سيارتها ويحطون قليترررررر في الصبغغغغ احس كشخه.. بس طبعا لين الحين محد مسولي سالفهxD

[شمعة أمل]

وترا الصوره الى حطيتها مب نفس سيارة اختي
سيارة اختي احلى p: ها السياره الى في الصوره مافيها كروم

[المزوحي]

أمس شفت كذا رنج بدون مخفي ( بنااااااات )

شمعة أمل إن شاء الله يوم يتظهرين موتر شوفي شو التعديل اللي تبينه ...

ما وحشتك بكم وصلت جيمة الرنج سبورت العادية ؟؟؟

[إسهر معي ليله]

اللي انتي حاطه صورتها.. كت KAHN.. الوكيل ماله Quarter Mile

للأسف ما عندي عنوانهم.. بس موجودين في دبي وتقدرين تسئلين عنهم

وهذا موقع شركة KAHN

http://www.kahndesign.com/
:
:
تبين نصيحتي.. اذا السياره لج ما انصحج بهالكت،، لأنه ملفت وما ينفع لـ بنت

واذا انتي حابه انج تغيرين في السياره.. عندج كت الـ HST وهذا موجود في الوكاله، شرات هاي/

http://www.automotoportal.com/media/images/vijesti/060328003.jpg

مرتّب وبسيط وفي نفس الوقت ينفع لـ بنت
:
:
وبيني وبينج سوالف الكتّات والتزويد.. مجرد هوس لـ فتره وعقب يستوون ملل

حلات السياره تكون على حالة الوكاله،، او تزويدها يكون مرتّب

اما السياره سبورت عاديه.. رنقاتها KAHN.. والشبك كروم.. ومن داخل ماعرف شو.. احسها تطلع مب شي

مجرد راي

[عيون الليل]

مرحبـــا . . .

كان ردي مشابه لاخويه اسهر معي ليله . . لكن هو سبقني

التزويد حلو . . وايد حلو بعد . . وذوقج أحلى عزيزتي . . بس احلى السياره اليوم اتكون بحالة الوكاله مثل ما قال اخونا . . وتراها وايد اتكون ملفته وماشالله بعض الشباب ما ايصدقون وانتي ادرى باللي اقصده ;)

ع العموم عزيزتي . . اختيار موفق . . وبالتوفيج

[مجموعة إنسان]

هههههههه
طاعوا هذي !!

والله ماني بالسيايير والتعديل وهالسوالف
ههههه
بس اسوق واتهور

[ملاك الروووح]

:

صديييييييييقتي الصدوووقه


دبووووووووه

ما أحبج ..

اشلون تركبين كزنتي موترج قبلييييييييييي !!!

:a058:

:

ألف ألف مبروك حبيبتي

تتهنين فيها يارب ..

:fa56:

مسيفتنج عندي الحين راعية الرنج هع هع ..


مااااااااااا يخصني هالويك اند أنا يايه عندج ..

تركبيني الموتر .. وبنخمس فيه .. وبنصيع شوي :biggrin: ..

شارية لج سيديات أناشيد هع هع :k_harhar1: اتعرفيني مستويه ججيه هالأيام

ما أسمع أغاني الحمدلله ..


حلوووووووووووووووه الصوره اللي طرشتيها حقي ..

عجيبه الزاويه طالعه .. :11:


وبعدين ما يحتاي تعدلين وتسوين في الموتر ..

أصلا انتي روحج اتحلينه << وحده تبي تقردن عسب تسوق السياره :hysterical:

:

يالله عقبااااااااالي ان شاءالله

بس خل آخذ الليسن عاد اول شي :boxed:

:

حبيت صورة الرنغات اللي حاطتنها ..

وايد نايس !! :inlove:


أعتقد المحل اللي تطريه شمعوه هو نفسه مال اكزبت صح ؟ :m_afaker:

صح جيه اسمه ؟! :biggrin:

:

[شرجاوي]

احسن محل لتعديل الرنجات .. كِت كار كورنر ف دبي .. ماشاءالله شغله حلو و اسعاره للفل بدي كت 30 - 100 الف درهم

[ذنـيـنـي]

مثل ما قالوا عيون الليل و اسهر معي ليله

ما يحتاي تعدلين الموتر لأنه بروحه حلو
و غير جي لو عدلتيه بيكون وايد ملفت ... و ما بيخلونج في حالج في الشارع
اذا تبغين تعدلينه ركبي عليه كت HST من الوكاله

[الهيثــم]

أناا اشوف أحلى شكل للـرنج هو الـ HST

وبشكل عاام ما تعيبني المواتر المزودة ف الشكل ..
وخاااصة ف موااتر معيييينة بعض الشباب يعرفوونها واولهم ناااصر ..

على طول يتحروونك مال ... ف دبي أو ..... ف الشارجة ههههههههههههههه

[ماوحشتك]

:: أنامل قلب ::

وعليج السلام فديتج

لووووول ما طلعتي يعني احسن عني بهالسوالف :icecream: زين حصلت وياي حد
حياج الله في اي وقت خل عنج المستحى لوول :tounge: وان شاء الموضوع يطلع منه فايده لنا :11:

شاكره لج مرورج حبيبتي اسعدني :12:

كل يوم تعالي :11:

-----
مبروك عليج السياره اليديده
اختي عندها سبوورت بس سوبرجارج HST .. السايد ميروورزز كروووم ومادري شو بعد كرووم وكراسيها من داخل غير عن السياير الثانيه صدق نااايس
وحده نعرفها.. عندها نفس سيارة اختي.. بس ذهبيـه.. وحاطة رنقات ذهبيه.. كلحد قالها مابيطلع حلو.. بس العكس.. يقولون يجنن

عندي اقتراح
ليش ماتسيرين عند west coast customs عندنا هني.. هاييل نفس الناس الى سوو سيارة باريس هلتوون وفكتوريا بيكام.. خلييهم هم يسوولج كل شي بدال ماتعورين راسج
17-05-08 10:38

:: شمعة امل ::

الله يبارك فيــج حبيبتي تسلمين :love2:
هيه حلووه ال HST تتهنى بها يارب ..

انا ابوي ما شاورني يوم خذها لي كان مسويلي سبرايس
و انا ما كان عندي خبر كنت في هاليوم فـ دبي رايحه ويه الكليه الكرير فير :1:
و خواتي مصورينها ومطرشينها حقي وسايط يالله السوبرجارج تترياج برع :11:
حتى الوان ما شاروني فيه :k_no:

وعن الذهبي مال ربيعت اختج انا متاكده انه يجنن حتى قبل لا اشوفه لوول
انا شايف فبرنامج رنقات ذهبيه واكنن صج واو
وكان فخاطري والله :( ما احسه بيطلع واو ع الون الابيض .. :(

حتى قلت لهم عادي اذا اصبغ السياره ؟ قالولي ننصحج ما تصبغينها خلي الابيض احسن لج
وبعد لبعدين اذا بتبيعينها :a058: اقولهم شيخص .. يقولولي انه مطلوب وايد .. ويمكن يختلف السعر ماعرف شو مافهت السالفه بالظبط :fa43: ياتني غصه

وعن المحل يوم بتعدلين سيارتج خبريني لول :icecream: شو السوالف الي عندهم
حلوه فكرت الحرف عالكراسي ... بس انا ما افكر اغير الكراسي ولا شي حاليا الا الي طلبتهن فوق..


:love2:

برب

[شمعة أمل]

ملاااك
لا مب مال اكزبت.. اكزبت يقدم حق pimp my ride ووست كوست كستمزز من الشركات الى يتعاملوون وياها.. ووست كوست اشهر واحد في امريكا عقب شي شركات ثانيـه نفس قاس ..الخ


ماوحشـتك
تروميـن تغيـرين لون سيارتج بدون ماتصبغيـنها عند فويل أ كار.. يحطون نفس جلاد.. وايد حلووو .. ان جينراال اسعارهم 30 ألف.. وأغلى شي عندهم الكروم بـ 70 ألف

[الوحيدة]

اصبغي السياره "مات" .. وايد حلـو عـ الرنج ! .. نفسه اللي تطريه شمعة امل ..
لان ها لو تبين تبيعين السياره .. روحيلهم وبيشلونه بدون لا يأثرون على صبغ الوكاله ..

[شرجاوي]

جلاد ب 30 الف .. ماشي شغل

[شمعة أمل]

المات فضييييييع.. اسبشليي اذا يخلونج تحطين عاكس
شي آستن مارتن شفتها مره ..مات ويا عاكس.. تجنننننن

[الوحيدة]

^ هههههههههههههه فطستني من الظحك شرجاااااااااااوي ..

[الهيثــم]

الحين في مشرووع ان البنات ياخذون لهم استااندر وجيير عااادي و900 وهدررررز وفللتر وحالتهم لله

وفي منهم يفضلون الفتك ..
بس أهم شي جير عادي و900

---

شو خلوااا حق الشباااب !!!

[شوق القلوب]

خطـــاب..

هالبنات هم اللي ماعندهم سالفه و لا هدف ولا شي في الحياه...

يبون يستوون هم و الصبي واحــــد..!

فلا اتلومهم.. و ادعيلهم بالهدايه ..!

[صريح]

هيه والله البويات اللي عندهن نياسين قير عادي مشكله
بس عليهن قوة قلب و ما يزيغن من السرعه
:fa56:


من فتره ع خط الجامعات و انا ساير المزرعه في قطاه

مسااير ع الخط و امشي ع راحتي 120 و حاطنه فالخامس
و اشوف نيسان اسود ياي ورايه مسرع و يديم و حالته لله

قلت يمكن واحد من الشباب اعرفه و يستهبل رديت اربعه و دست
صلخته مال 6 - 7 عواديم جدام و يوم وصلت قريب شيشه الامارات اليديده
وقفت اصب بترول .. و راعي النيسان الاسود دخلت المحطه و وقف حذال
عاده انا يا في بالي يا حد اعرفه ولا واحد يبا يتضارب
نزلت الجامه و يوم نزلو الجامه اشوف بنتين فالنيسان
:doh:


انا فجيت عيوني ههه .. موول ما توقعت يطلعني بنتين
و الي تسوق تسولف جنها واحد من الشباب اونه بتخبرك شو من السامان ع نيسانك ما شاء الله يمشي
و ربيعتها تسويلي باي باي و اطول ع المسجل (اونه اسمع حاطين ميحد مسرع)
:doh:

قلتلها مسودة الويه مب شغلج و روحت
و عقب يوم نشدت عن هالموتر ..
طلعن هالبويتين معروفات في اوساط الشباب
دومهن فالخوانيج ولا شارع الجامعات
فضل عنهن وين اهلهن .. صدق لوث والله
:mad:

الشتا اللي طاف كنا نشوفهن يطلعن قروبات بالدراجات فالبر
الشتا الياي اتوقع البداير بتنترس من هالاشكال
و بنياسينهن و كل وحده ع نيسانها تيربو ولا كامات
الله يعين

[الـيـاه]

ماوحشتكووووو I miss youuuuuu
ومبروك ع السياره للمره الثانيه .. اليوم جفت شي وخلاني اتذكر الموضوع
يوم قلتي طاري الرنجات الذهبيه وانه في حد يقول مب شي .. بالعكس يطلع وايد حلووووو!
تطلع أنيقه السياره ..

تعنيت وصورتلج شي عسب اراويج في بيت عموتي
جوفي الرنجات الحمررررر ع الاحمررر كيف طر :fa38: .. كانت بنت عموتي متردده تسوقهااا بس انا شجععععععتها
( عاد سوري بالموبايل ) ... وبالعكس ولا مره حد لعوزها عسب شكل الموتر :k_special2:

http://www.uae4pic.com/~up/uploads/893dda4d4a.jpg

وانا اشجعععععج صديييقتي :a074:

[ذنـيـنـي]

الياه

الرنج هذا ايي جي من الوكاله
هالتعديل يسمونه آردن arden

شرات رنجات حمد بن غليطه عنده هنتين نفس هاللون بالضبط لول
و وحده بيضاء

[ذنـيـنـي]

ما وحشتك

لا تسوين شي دفش و يجذب الانتباه
سوي شي حلو و بسيط و خفيف

[شمعة أمل]

عندي سؤال

خطاب شو 900؟؟



الياااااه
حلوه السياره :)

[صريح]

شمعه امل الـ 900 .. نوع من التواير الشباب يركبونه ع المواتر خصوصا النياسين و الاستيشنات
حجم التاير 900 .. فالشباب سموه 900 و في قطر يسمونه بالون


هالتواير

http://up3.m5zn.com/get-4-2008-pz0eqhm1m2l.jpg



^_^

[الـيـاه]

ذنيني : اعــرف .. بس انا قصدي اراوي ماوحشتك كيف الشكل مايكون دفش يوم الرنجات نفس لون السياره
لانها بغت ذهبي D:

شمعة أمل : ثانكس حيااااااتيييي miss u

[إسهر معي ليله]

http://oasis.bindubai.com/bin/uploaded/3422_01212625083.jpg (http://oasis.bindubai.com/bin)
^
^
استيشن ابويه القبلاني موديل 86

يعني كان Arden على ايامه :birgits_giggle:

[الـيـاه]

^
ههههههههه عجيب

[شمعة أمل]

طلع تااااير
معقوله بنات يرّكبون هالتاير على سيايرهم .. الصراحه خسف ومب حلو شكله:s


الياه
مس يوو 2 سويتي

[مجموعة إنسان]

سووا جمعية مع بعض وعدلوا دعمة سيارتي احسن !! هههههههه

[الا انا]

..^

ههههههههههه

جمعيه اونه خخخ

[الهيثــم]

مجموعة انسااان :: لا سياارتك ما يبالها شي ..
شوووت الرفرف اقوى وبيعتدل .. ما عليك انت ...

[مجموعة إنسان]

خطااااب

هههههههههههههههه
شفت كيف ادلع سيارتي
اشوووت الدعمه وانه عسب تعتدل ههههه

خلاص سوو جمعية وغسلوا سيارتي
انا راااضي

[الهيثــم]

نحن بنسوي جمعية وبنرييح السياارة منك .. بناااخذهاا ... غامضتني ...

[شرجاوي]

شمعه امل الـ 900 .. نوع من التواير الشباب يركبونه ع المواتر خصوصا النياسين و الاستيشنات
حجم التاير 900 .. فالشباب سموه 900 و في قطر يسمونه بالون



^_^


التاير موديله 900 مب حجمه .. هالتواير مخصصه للرمل و تركب بس جدام لسهولة التحكم بها .. و الشباب هني ما يحتاي .. تاير رملي يستخدمونه عالشارع .. اسميهم مخ

[الهيثــم]

استوت موضة يا خوي ... إذا عندك استيشن ولا نيسان وجير عادي عيب عليك إذا ما تحط له 900 [ تفكير البعض ]

وقاموا يحطون هالتواير عالـ FJ بععد .. هالموتر ما يباله 900 .. { مجرد راي } ،، بـ تواير الوكالة شكله أحلى

[شرجاوي]

موضة غباء هاي .. التواير ما تنفع قد ما اتضر .. اول شي النفضه .. و اتخرب الرودات .. التحكم بها صعب .. اتزيد من خطر التدهور .. و اتخلص بسرعه

[الهيثــم]

وايدين قالوا لي إنها تخرب الرودات ،، كيف اتخرب الرودات .. !

[شرجاوي]

من النفضه اللي اتسويها .. و اعتقد من ثجلهن .. و اللي يقول ال900 للخط وايد اوكي .. هذا خربوط و ماله خص فالمواتر .. قبل بالمكسيما جربت ويا ربيعي ( فتك هدرز و فلتر ) كان بالــ900 .. فريته مليون ليت وراي ههههههههههه .. و يوم ركب المياجر .. وياي لين 200 !!!!!

[الاسطوري]

"خطاب"

ياخي حاسب عن تتهور وتركب
900 على الهوندا
:fa32: