ما كنهم قبل أمس خلوك مذبوح

[هزاايم]

قمة النذاااله

عندما تشعر انك مظلوم,, فتبدى بالدعاء,,رغم انك حزين,,فإنك تضحك
حق ليش؟؟
لأن قلبك مش ملكك و ما يطيعك على العصياان


اصخوا و اقعدوا,,, و سمعوا الخبر من عندي,, لأني انا الضحيه و البطله و انا "المسيجينه أنا أنا اللي باعوني بدينار رخصوني"


لكل حكايه مغزى,,, و حكايتنا هاليوم مغزاااها,,, "أن الكره هو المنقذ في حال اختفاء الحب"

تبدى الحكايه,,كشبيهاتها من الحكايات,, الولد ناوي يسلم قموا يوزوا قبل ان يرتد
يقع الاختيار على البنت البشوووشه,, لتصبح على هاوية الحزن

يدخل فلان اللي يقرب لنا من "مدري اي جد من الأجداد",,ومتعني و تارك داره,,حتى ينفذ قراره
يقول انا فلان ولد علان,, دارس مع الأمركان,, و متخرج من عند الألمان,, ناوي ادخل البرلمان,, ففكرت ببنتك هي بنت الحلال

وصوا البنت بالتفكير و هالله هالله بالاستخاره,,,الله أكبر راعي المغربيه يعرف صلاة الاستخاره...

و من هنا تبدأ حكاية الكره,,, و تبدأ الأخبار تنتشر بين الأفراد
التبرييكات و التهاني تنهال,,, و الاستخاره تنتظر ومضه من ربي الرحمن,,

يستانس ولد فلان,, وتخف ريله على بيت "عمه على قولته عما قريب,,الله لا ييب هاليوم"

يمشي و يتمخطر و يقول ما اداني المتكبر
يسولف و يتمصخر و يختمها بأوامر غصب تتنفذ
يغني على ليله و يسمع النشيد القومي: مااريدج لغيري و لا اريد نفسي لغيرج"خريط و ميمع و تعال و تسمع"

وين اطق براسي,,, كانت لهم على اساس انها رسمي,,,تكثر زيااراته,, و يكثر كره له
كنت اشوف حالي معه,,سيناريو متكرر,, راحت ضحيته صديقتي الطفوله و صار اسمها ملازم للمطلقه... لمن أشكي و لمن انطق,, "تبكي عيوني دم والصوت مبحوح"


و صارت تغيرات,,, النفعه الوحيده اللي خرجت منها ان زادت علاقتي بربي الكبير ,, و بأخوي الصغير

تنتهي حكايتنا
بنطق الحجر
الصغير غدى كبير
اللي ضحى بأخته لشخص مايسوى
استوعب ان موقفه كان مايسوى

نطق و بخاطري اقول:"ربنا ينصرك يا جدع ,, ربنا يأوي عزيمتك يا اخوي و كلالالالووووووش"
لتصبح فصخ الخطوبه خاتمة الأحزان و بداية قصة الكرهان

نعم اكره ذاك الانسان
نعم اكره الرجال لو صنف هذا الانسان معهم
نعم اكره الأهل الغرب و اكره كل من يقرب لي من صوب الجد
نعم اكره من "يسوي من حبه أبه" و يخربط من عنده
أكره من كان له ماضي لامع في لندن بوسطن ميامي حتى لو في كوالالالالاللمبوووووووور



قد يستغرب الجميع من فضفضتي
لكن والله والله
زواجنا التقليدي ضحيته البنت أولا و أخرا
والولد يطلع منه شعره من العجيين

يا هم انزح من فؤادي,,,حتى يرتااح لي بااالي

هزااايم فضفضة بين أخواانها,,,ضموني يا خواتي,,, و دافعوا عني يا اخواني

[صريح]

في مثل هاي الاحوال
اللسان يعجز عن الكلام

ما اقول غير الله يسهل عليج
و يفرج همج
:smile:

[مجموعة إنسان]

i'll back

[محد يستاهل]

أصعب شي فالحرمة أنها تنجبر على ريال وبالاحرى شخص بيكون زوج المستقبل


الله يساعدج وينصرج ويكون في عونج ...

[طفلة من هذا الزمان]

هــزايــم ،،،

لي صديقة .. عاشت نفس الفصول ..

بغبــاء الأنثــى .. انساقت نحو قدر ظنته قدرهـا ..
تصوري ،، وُصمت أنها أكبر معقدة .. رغم بســاطة أحلامهـا !! هي ما أرادت سوى أن تحيـا حياة طبيعية .. طبيعية فقط .. بيت صغير .. يظلله حب أثير .. و طفل .. يملأ دنياها عبير .. ليس إلا .. تصوري ؟!!

حلمت برجل قلب و قــالب .. رجل قوله يوازي فعله و لا يناقضه .. رجل يشعرها قربه بالأمـان .. رجل تتكىء على كتفه حين تخونها الدنيا .. رجل يكون عضيدها .. قوتهــا .. وملاذهـــا ..

وهو ما كان سوى طيف تسيطر عليه أمه .. تتحكم به أهوائها و رغباتها .. حتى حين كانت رغبتها أن يمنح لقب مطلقة لأنثى مافعلت سوى أنها تخلت عن حقوقها على مضض ..وكلها رغبة لإرضاءه ونيل بعض بعض حبه .. تصـــــــــوري!!

صديقتي هذه من غباءها .. أخفت الموضوع عن أهلها وعنا أشهر .. تصنعت السعادة بسخاء .. تصنعت الضحكة بجبروت ..كانت ممثلة .. ممثلة بارعة جدا .. أخفت عنا مايحدث أملا في تطور ما .. وكنت أشعرها قريبة من الله جدا .. وتبتسم .. دووووما تبتسم .. !!!! تصـــــــوري ؟!!


وحين استنفذ بياضها و طيبتها حتى آخر رمق تملكه .. حين عادت إلى رشدها .. حين أيقنت أنها في اختبار صبر مرير .. لترضى بواقع سيفرضه غدا مجتمعها عليها .. حين تأقلمت مع نفسها و اللقب .. حين عرفت أنه لا مفر .. و لا أمــل .. و لا صواب .. سوى أن تعلنها صريحة .. "" هــذا الرجل لا يصلح زوجا لي .. على الأقل لي أنــــا " ...

أعلنتها لأهلها وشرحت كل الأسباب التي تجمعت فوق قلبها طوال شهور كانت فيها زوجته على ورق .. فلا حقوق و لا معاملة و لا أمان شعرت به قربه .. "حرمني السعادة" ..كانت كل يوم ترددهــــا .. تصــوري !!


صديقتـــــــــي ،، يحبهــا الله جــدا .. جدا ........
ففتح عينيهــا قبل أن تقع في فخه .. ومهد لهـا كل السبل و الأسباب لتركــه .. ومنحهــا صبرا غريبــا .. وعمـــرة أعتقت روحهــا مما رزحت تحته طوال أشهر .. لتعـود مختلفة .. لتعود كما عهدناها دومـا .. متفائلة .. مبتسمة .. مقبلة على حياة و تنتظر الأجمــل ..و دوما تردد "" إن الله يحبني جدا "" و أصدقها .. الآن حقا أصدقهـــا .. تصوري !! .....


كان درسـا قاسيا عليها .. وماتزال صديقتي تتعافى .. و تبتسم .. دووووما تبتسم .. تصوري !!

[مايهزك ريح]

هزايم .. افتقدناج .. ^_^
عوده حميده .. اختي ..
والله يعوض عليج خير .. هم وانزاح

[قصايد غلا]

هزاااااااااااااااايــــــ ـــــــم حبيبتي :12:

تولهنا عليييييييييج :love2:


ربي يعينج على ما صابج :k_no:

حطّي في بالج إنه اختبار من رب كريم ودّه يعرف مدى صبرج و إيمانج به

:) ...

[هزاايم]

شهور مرررة و ولت
وماااازالوا يسألون: ليش رفضتي ولا من رقض الثاني؟؟ الولد اش زييينه ,,ما يعيب الرجال غير جيبه

والبنت تدفن بقهر و حسره عسب ترضي غيرها


اكررره و اكره طاريه و اكره كل من نشدني عن حاااله
اكره و اكره احلامه الغبيه و اكره تفكيره السطحي" صيفنا ف ايطاليا و شتانا في باريس ليش هي رحلة الشتاء و الصيف"
اكره و اكره طلبااته,,"بنكبر سوى و بنتعلم,,حبي التصوير لكن خليه لي o.0"
اكره تسلطه


اليوم و مثل كل خميس,,, قعدته عندنا اطول,,"لا دراسه و لا شياته,,جمعه و بكره المسرحيه" اكره السخييف


طفله من هذا الزمان
صديقتج لصق بها لقب المطلقه,, وانا بنشدج,,وش رايج ب بنت عمرها 19 و هي مطلقه,,تفتكرين حد يفكر ان العيب بالولد مش فيها؟؟
انا كنت اعتبره غريب,,يبقعد يغث و يروح ,,اقعد لأن على قولتهم "الله لا يقول" تنهدى النفوس,,,,,


اكره و اكره قعدته مع اليهااال,,احس به دخل للاحتلال

انا احاول اتناسى ماااضي كرييه و حاضر مفعم بالأقاويل و التخاريف ومستقبل مجهول مايعرفه غير رب العالمين

همسه: مصيرنا بيد الله ونصيبنا مش بهالعمر,,, رمسة الناس كثيره,,لكن من يقول كل تأخيره فيها خيره,,ترى والله انه صادق ,,, لكن مع هالولد تراه أكبر كااره لي و لوجودي

الى كل من يعرفني خارج الواحات استر زين
انا افضفض بالواحات لأني عارفه محد بيقرى من صوبي غيري انا و الأخو "اللي ضحى بمكانتي من بينكم"


وادعو ربي و ارتجييييييييه الله يهديه لو ما هدااه الله لايبلي بنت بمثله
كررررررررررييييييه

[طفلة من هذا الزمان]

هـــزايم عزيزتي ،،

من اللي صار لربيعتي تعلمنا كلنا إن الله ما يضيع حق بني آدم .. و رب العالمين يمهد ألف موقف وموقف تخلي "النااس " تعرف إنها انظلمت .. لأن الكل كان شاهد على قصة الخطوبة و الملجـة و الكل كان مستغرب من الريال و عايلته .. كانوا غريبي الأطوار فعلا .. وكانت تتصنع سعادة غير موجودة ..

كانت كل ما سألناها :: هاااا شخباره الحب ؟ تبتسم و تتصنع سعادة!! .. كلنا كنا نعرف أحلامها يوم بتنخطب و بتملج .. كلنا كنا نعرف سلفا ترتيباتها لحفلة وغيره .. لكن ما صار .. الكل استغرب .. إلا هي كانت ترد بإبتسامة و الله كريم ... كنا جدا نستغرب !! عقب عرفنا ان الموضوع كان رحمة من رب العالمين ان حتى ما تجمعهم صورة ..أو حتى خاتم .. تخيلي !!

ولو أقولج يا هزايم عن المواقف اللي بدون دخل منها تصيرلها و رب العالمين ينصرها ما بتصدقين .. كان كل خوفها الناااس و شو بتقول عنها .. كل خوفها تخيلي .. انها تشوف نظرة شفقة أو حد يظلمها بكلمة ... سبحان الله كيف الله سخر أشخاص ماتعرفهم .. يمدحونها و صبرها عليه و إنه هو ما كان يستاهلها ..كانوا كل الناس بدون لا تتكلم هي عنه .. يعرفون انه ما كان يستاهلها ... كانت فرحتها قد السما و الأرض وربي .. أذكر صووتها يوم كلمتني و العبرة خانقتنها .. "الله يحبني .. الله وااااااااااايد يحبني " كانت كل اللي تقوله ......

ثقي بربج عـــزيزتي .. الله حق و الله ،، واهتمي بنفسج بعد هالتجربة وانسي الناس .. انتي أهــــــم .. لا تسمحيلها تغير مفاهيمج و أحلامج .. كانت تجربة .. أو تجربة وكانت حياتي مثل ما تردد ربيعتي حاليا يوم تستهبل .. كان اختبــــار من رب العالمين .. وإن شاء الله نجحتي فيه و تنجحين فيه للنهايـــة .. وقولي الله يحبني .. وكاتب لي الأفضل .. لأني استحق ..

ربي يسهل دروبج ،، ذكرتيني بفترة عصيبة عشت تفاصيلها مع صديقتي و الحمدلله هي على أحس حال الحينه ..

اقولج شي :: تصدقين في نفس يوم طلاقها كانوا اثنينه يتريون موافقتها على واحد منهم !! شوفي رحمة ربج كيف .. ع الأقل حست انها مازالت مرغوبة .. و"مطلقة" مجرد كلمة انتي تحددين حجمها في حياتج ..

أختج::

[تحفه]

حبيبتي هزايم ..

الحمدلله يوم ان الله كشفاه لكم قبل العرس وماطاح الفاس علراس واستوت فالسالفه عيال ..
عسى ان تكرهو شيئا وهو خيرا لكم ..
صدقيني كل محنه تمر علينا تكون اختبار من الله و ان شاء الله نكون مؤجورين
الواحد حتى لو هو حزين لحاله لا يحبس عمره ويضيج عمره
بس هذا درس كبير واتمنى انه مايعتبر عقبه ولا مشكله نفسيه
كثر الحزن و التفكير الزايد مابيودي ولاييب وكلشي مكتوب لنا قبل لا ننولد

وماعليكم من كلام الناس .. صدقيني محد يتكلم غير الناس الفاضيه..
وهاذيل الناس حتى لو ان شاء الله يالسه في بيتج مايخصج في حد ومب مسويه شي بعد مابيرضيهم وبيتكلمون...
لاتخلون كلام الناس ياثر عليكم بشكل سلبي .. الواحد ليش ياخذ بكلام الي مايحبه ولاينصحه صح ولالا؟

الحزن شي اكيد ولج كل الحق انج تكرهين وتحسين بهلاحاسيس وتتكلمين بس كم الواحد بيتم متضايج وحزين؟ .. خلاص الدنيا لازم تمشي :) بس اهم شي هو ردة الفعل الايجابيه

اعرف وايد بنات من قهرهم وصلو لمناصب كبيره وعرسو وحبو

بعدها الناس زينه والعالم فيه اشيا حلوه 3>

تيك كير

[حلم الطفوله]

السلام عليكم

إختيييييييه هزااااااايم

اولا ...نورت الواحات برجوعج ...وفرحتنا بوجودج ويانا ما تنوصف :smile:

وثانيا ... قدر الله وما شاء فعل ....وهالشيء اختبار من الله عز وجل يقيس فيه صبرج والحمد لله صبرتي وكانت النتيجه خير لج

صدقيني الله يحبج .... ويحبج وااااااااايد ، لأنج طلعتي من السالفه قبل ما اطيح الفاس بالراس

بهالدنيا تصيرلنا موااااقف وااااايد .... فلا تحاتين نحن خواتج واخوانج ونقولج خلج جبل ما يهزج ريح:fa42:

[هزاايم]

ما جد شفت فصخ خطوبه تسوي مصايب كثر المصايب اللي انا اعيشها

ابسط شي انا ماراح اشهر باسم الولد 1- لأنه شي خصوصي 2- يقرب لي "للاسف" 3- مااحبها لنفسي ف كيف احبها لغيري

لكن موقف صار لي هو اللي خلاني ابوح لكم,,, لأن لو خبرت والديني بيتجاهلون هالشي و بيركزون على الشي الأسخف
اندوكم وش صار لي
كنت مع ربيعاتي بسبينس نتشرى خرابيط " وبالضبط بعد اسبوع من انتشار خبر الرفض" و احييد يومها الخميس"اكره هاليوم ,, والله ان قعدت البيت ارحم من طلعتها"
شلة شباب دخلوا و نحن نلقط خبز و مافيلز و هالسوالف,, و حليل حالنا كل وحده قاعده ترتجف "لوول اكره هالشعور بعد" إلا اسمع حد يصاخر بنت عمي حرمتي سابقا,,, و انا على نياتي يحليله متعذب ,,,وحده منهم نطقت وقالت:هزايم الفلاني ياينج.. وانا o.0 مشهر بي جدام الخلق و ربعه,, رديت سلامه"الله لا يسلم به ولا عظمه",,عسب لاحد يشك و انا دمعتي بعيني,,,

يعني شو يتقعون الناس من واحد ياهل,,, يصون اسمها و لا كرامتها ولا على وش يلحق ,,على اقل لو بخاطره يسلم يقدر يزورنا بالبيت"ترى ويه لوووح و مايستح"

هالموقف من اسخف مواقفه الكرييييه...كم اكره و كم بدعي له

قلة ظهراتي مع ربيعاتي ,,,لأن خوفي يكون ببلادنا و اشوفه,,,يعله العافيه ولد الذين آمنوا


طفله:
سبحانه ربج,,, لطيف بطبعه و خبير بامور عباده,, ياختي ودي اضمج,, احس بج انج حاسه بيه,,خاطري اصيييح خاطري اضححك ,,خاطري ارد شرات قبل ماااريد اتصنع,,,اصلا ماعرف اتصنع,,, خاطري افضحه,,خاطري اقول لخلق الله تشوفون هالفلان,,, نص كلامه محفظينه و الباقي شكله الا يعيده,,, تشوفونه لا تغترون به,,, اصغر العنقود و لازم يكون دلوع,,, مااكذب عليج بالبدايه انا انعجبت به ك شكل لكن ك مضمون اعووووووووذ بالله,, لكن الحين لا شكل و لا مضمون,, تقولين شر و يمشي بين البشر,,, بخاطري تنمسح الشهور اللي طافت من حياتي ,,


اقدر لكم شعوركم,, لكن والله والله خلوا هالصفحه لي ادخلوا اقروا ما من مانع,,, بس خلوني ابوح,, ماقدرت اكتم,, لو بحت لغيركم بيقولون عني مباالغه"رغم والله لين الحين يشوفونه هو عريس اللؤطه,,الله لا يلطمه"

[طير الحب]

حبيبتي هزايم...خلي كل الي صار دافع كبير لنجاح كبير في حياتج...وكوني أقوى من الظروف بإيمانج بالله عزوجل

[أنامل قلب]

:
.

وربي ماعرف شو أقول .. .

مثل ما قال من سبق ..
هي محنه لمنحه وخير بييج باذن الرحمن اللي ماكتب لعباده البلاء إلا لأن لهم عند شأنه مقدارا جميلا ..
هي تجربه على كثر ما بتلاقين منها شغلات كريهه .. خسرتي بنظرج الكثير ..
لكن بالمقابل ربحتي ولقيتي ونلتي الكثير .. وماكانت خسارتج إلا ربحا أكيدا ..

فضفضي وخذي راحتج بالكلام .. حاسين فيج وربي .. ومراعين الحره اللي بج ..
لكن حطيها ابـ بالج اختي دوم .. وانتي أدرى بمقصدي بالكلام ..

إنج عــــــــااارفه بإن محل هزايم وقدرها محفوظ عند رب العباد ..
وربنا يجازي الصابرين خير الجزاء .. جعل من السلوان والطمأنينة ملاذ لخاطرج اختي ..

وما وصيج بالاستغفار الدائــم ..

:

فضفضي واشتكي على قدر الحاجه ..
ونحن هنا ننصت لنساند دوما .. .

:
.

لا أملك أن أضيف شيئا ..
بس صدق والرب شاهد حاسين بج ..

.. .

:.

[شوق القلوب]

الســـلام عليــــكم..


الغاليه هزايــــم..

عارفه كيف القهر و الظلم ياكل الواحد.. و يخلي دمعه على عيونه..في كل وقت..
حتى الضحكه.. اتصير باهته.. و في لحظه تنجلب دمعه..

..

خذي هالصفحه.. لج.

اكتبي و فضفضي.. و طلعي كل اللي في خاطرج..

اصرخي بحروفج.. و صيحي ..

و بتتنفسين الراحه ان شاء الله

و انت اترددين .. الحمد الله .. انها فتره.. صارت من الماضي..

..

[خنفروش]

:fa56:

[شمعة أمل]

عزيزتي هزاايم :fa41:

خذي راحتج.. وفضفضي قد مـا تبيـن..
في الأخيـر.. كسبتي أكثـر من ما خسـرتي.. وعرفـي انه نظرة المجتـمع شي مب مهـم.. لكن نظرتج انتي لـ حالتج والي مريتي فيـه هو الأهم.. حاول تحوليـن كل شي سلبي لـ ايجابي.. هالشي بيساعدج في حياتج وفي سعادتج.. الله يكون في عونج ويفرج همج حبيبتي.

تحملي على عمرج:fa41:

اشتقتلج:fa41:

[عذبة الروح]

كنت هنـــــا !!

[ا ل غ ل ا]

ربي يفرج همج ياختي


ربج يحبج عشان جيه فكج منه =)


ابتسمي وكلمة مطلقة ما تعني الشي الكثير هالأيام !! لأنه ياكثرهم اللي ينفصلوووووووووون يا كثرررررررررررررهم !!
وصدقيني لو حد رمس عليج بالباطل وعاشر هالانسان بيندم كثر شعر راسه أنه في لحظة ظلمج بتفكير أو كلمة ..


مرحبابج بين ربعج وأهلج ،، افتقدنا وجودج والله

[عفاريتووو]

مرحبا ^_^


هزاااايييم حبييبتي
الحمدالله الحمدالله الحمدالله انج عرفتيه من الحين
و يمكن هالشي خير لج

بس انتي لا تتضايقين :image005:
و ما عليج من كلام الناس
و اللي يعرف هزااايم عدل مستحييل بيرمس عنها
و لا تخلين الشي هذا يأثر ع حياتج


و الله كريم ،، بيعوضج خير ان شالله
الله يهديه

[عذبة الروح]

لـ ثاني مره أتواجد خلال اليوم


ما اعرف شو أكتب ... !




الأسطر بـ حروفها تشل تفكيري & يميني :(
اسمحيلي اختي

[أوتار القلب]

قديتج هزايم والله حاسة فيج

بس حبيبتي لا تخلين ها الشي يحطمج
بالعكس يمكن ها الشي خير لج
وان شاء الله ربي بيرزقج واحد احسن منه
ودوم فكري بإيجابية .. لا تخلين كلام الناس يأثر فيج

الله يعينج ويصبرج ويفتح أبواب السعادة ف ويهج وين ما رحتي =)

[طير الحب]

مسا الورد على الحلوين

هزايم بذكرج بشيء ...بهزايم البنت الصغيره الي عرفتها من خلال المنتدى هل البنت كانت اول من ارسل لي مشاركات موضوع كنت بصدد طرحه وهالبنوته كانت تدعمني معنويا بالنسبة لمشروعي كانت تقدم لي افكار وكانت تضاربني على اسم حور والي لين الحين ما تزقرينها حور..حبيبتي ادري اني افتقدت حديثنا على الماسنجر بس الي انا افتقده صدق من خلال هالصفحه هزايم البنت المجنونه الي عرفتها ...شوفي حبيبتي كان عندي هدف اني يوم برتبط بانسان بكون مقتنعه كليا وما بقدم تنازلات كبيرة من البداية والي بتكلم عنه قناعات شخصية جدا هالزمن لم يعد يفلح الزواج التقليدي بنسبة معينه والاهم انتشرت الثلاسيميا بسبب زواج الاقارب ولازلنا نكابر...حبيبيتي حطي ببالج اني الي صار شيء صغير الو علمنا ما بالغيب لرضينا بالواقع


شوفي من فترة عصفت بي صدمة كانت بتفقدني ثقتي بالناس من جديد لكن رحمه ربي عظيمة والمحيطين بي ساعدوني على الخروج من دائرة الحزن واكثر جملة أثرت فيني من اتصال من العزيزة جدا طفلة من هذا الزمان تكلمنا وايد وقبل لا تسكر قالت طير شوفي هذا ابتلاء واختبار من الله عزوجل يبا يشوفج اني قد هالاختبار الصعب وشو بتكون خياراتج كوني قد هالاختبار وعوضي كل هالايام ....سكرت وكنت سعيده وبديت اتغير ومن يومين بس حسيت برد قلبي حسيت اني ممكن اسامح بس بغير شغلات في تعاملاتي....انسيه اذا كنت تذميه يعني تحطين له وجود في حياتج وهو شيء نكرة ومش موجود في قاموسج...اعطيج الوقت كل الوقت عشان اشوف هزايم الشيطونه

[هزاايم]

=)

يوم اقرى ردوودكم اقوول يااا الله في ناس بعدهم جي طيبيين,,, و يوم اقعد ويا الأهل اقول ياريت لو شلووني من بالهم,, و لا يخيروونا " انا و هو" اساس الصلحه,,,

استغرب منه,,, احيانا اقول يمكن صدق هو نااوي,, و احيانا اقول لعب الشباب فيه,,, احس لوول انا بس على ولد و على صيااعة و خراابة الأولاد" انا آسفه لو فيها اهانه",,,

استغرب من ناس المفروض هم يكونون معاي مش معااه,,, استغرب منهم و من خططهم,,,

اناا راااااااجعه لصفحتي
اناا راجعه عسب اطلع حرتي
اناا رااجعه عسب اكتشفت "انكم اخواااتي اللي صدق صدق افتخر بكم"
احبكم حب حلال لوول

[أتمنى]

ربما لن تحمل كلمتنا تلك الفائدة الكبيرة لكِ
لأنك مهما استمعتي .. سيصعب عليك الانصات في
وقت تعيشين فيه مشاعر كثيرة و قهر كبير !

ستعرفين أنكِ تعديت هذه المرحله من حياتك
و ستتأكدين أنكِ [over him] فقط عندما لن يتملكك أي احساس
اتجاه الأشخاص المعنيين في الموضوع و اتجاه الموضوع نفسه ..

عندما لن تشعري بـ فرح أو حزن أو قهر أو كره أو احراج أو أو
ستكونين بخير .. لذلك حاولي أن تصلي لهذه المرحله
و اجتدهي لأنك حينها ستكونين "فعلاً" بخير :smile: باذن الله

و تأكدي أن قلوبنا في هذه الواحات
لن تمل من الدعاء لك .. بالطمئنينة و الخير

مـوفـقة عزيزني (f)

.
.

[هزاايم]

مع تبريكاتهم للوالده على "كتب كتاب الأخو" اسمع همسات تقول: الله يهدي نفس هزاايم و توافق على الولد...

استغرب كلهم يعرفون اني انا اللي مش موافقه,, ليش يشوفونه الرجل المنااسب,,و ليش بالأصح يبون الفكاك و الهلاك لي,,ليش يشوفوني كبيييييييييييره و مستعده لهذي المهمه الأبديه؟؟
يتوقعون اني بوافق,, هل يتوقعون زيارته لنا,,أو سلامه لي بيغير الموضوع,,,



ليش يشوفون فينا أمل إن ترجع العلاقات الدول قصدي الأهل عن طريقنا,,,

يبوني اتغرب مع وااحد مااعرفه,, و اروح لناس مااعرفهم,, و ياريت بيني و بين السلطه مسافة "فرة حصى",, فره طياير من بينا..

و مازالت اعاااني من وجوده و من كلام الناس,, المصيبه لو غدوا خلانك اعدائك,, و غدى عدوك حاميك,, و المصيبه حضن اللي لمك في يوم... غدى كسير يشوف دواه من بين ايديك

همسه للي جرحتهم و شفت نفسي على صواب: أنا آسفه,, قدروا ظروفي,, كنت تحت مسمى"حليلة فلان" و هالأيام انا تحت مسمى"محجوزه لفلان"
اكررررررره معااملتهم لنا كأنه بضاايع يتنقوونها

كلمه في حقكم: اشكركم شكرا جزييل يغطيكم و يضم والدينكم,, عطيتوني صفحه افضفض فيها,, و تبث فيه الهمه,, شكرا لهذا الإحساس الطيب,,
شكرا لفلان,, لأن بسببه كبرت و شيلني هم و انا مهزومه
و شكرا له لأنه حرف لساني و صارت رمستي مخربطه,, و لهجته صارت علاقه بلساني,, وغدت نقطه ضعفي و وسيلة خساس الناس ليه
شكرا له لأن يسمع كلام أبوه و ابويه ولا يردهم,, كفايه انه تنازل عن صفة العناد و خلها ليه
شكرا للوسمي,, صارت اغانيه هي نقطة ضعفي جدام "عريس اللؤطه"الله لا يلطمه

بالأول و الأخير,, شكرا لك يا رب العالمين,, اني انا عبده من عباادك,, و يارب تيسير لي أمري

[ملاك الروووح]

:

عزيزتي .. هزايم ..

ما أملك غير اني أدعي لج

انه الله يوفقج ف حياتج ويسعدج في الدارين ..

ويارب يرزقج باللي أحسن عنه !

والحمدلله انج افتكيتي من شره !

:

فضفضي .. عزيزتي ..

هالمساحه البيضا .. كلها لج .. ولقلبج .. وروحج الطاهره ! :fa41:



افتقدناج وايد !! :inlove:

[خيال الحب]

اختي هزايم من اول وانتي منزله هالموضوع وانا متابع لج ..

واكتفي بالمشاهده لاني والله ماعرف شو ارد عليــج..


ماقدر اقول غير .. الله يوفقج ان شاء الله.. ويعــيــنج..


:image005:

[المنصوري]

ليس العيب في الزواج التقليدي ، وليس الإبداع في الزواج الناتج عن الحــب ، وليس التوفيق في الزواج من أول نظــرة ، أو أول همسة أو حتى غمزه ، ولو جمعنا نساء الأرض كلهم من أيــام حواء إلى يومنــا هذا ، ومعهم رجال الكون أجمــع ، لن نجد اجابة مفيدة في أي أنواع الزواج هو الأصلح ؟!
ستختلف الآراء وتتباين وجهات النظر ، فقد نجد من الناس من تزوج زواج تقليدي وهو الآن يعيش حياة سعيدة رغيدة ، ومن الناس من يعيش في حياة تعيسه بسبب الزواج التقليدي ، وكذلك الحال نفسه مع جميع أنواع طرق الزواج الأخرى ..

كل ما ذكرناه ليس إلا وسائل للزواج ، ولا يصلح الزواج إلا بالتوافق ، وقد يبني الإنسان وجهات نظر قد تكون خاطئة من تجربة فاشلة مر بها أو مر بها أحد أصدقاءه واعزاءه ، ففي لحظه غضب تصبح جميع الأشياء سودائية فرعونيـــة ,,

فرعون الأرض أو الرجل الذي من خلاله تُجـبــر البنت على الزواج منه يهيم في الأرض فساداً ، فجميع أنواع هذا الزواج بلا أدنى شك هو زواج فاشل وابصم إلكم بالعشـــرة ,,
المشــورة والطيبـــة والرضاء أشيــاء لابد منها في أي زواج .. مهما كان طريقتــــــه ,,

لا تنظروا لتلك الأشياء بمثل هذا المنظار الأسود فما زلنا بخيـــــــر ..

وفقك الله لما يحبه ويرضااااه

شكراً وقد تكون لي عودة

[هزاايم]

من فتررره و انا مريييييييييييضه بمرض فتاااك ,,, يجتل القلب لو زاادعند الملان,,, تصبح الرؤية "مغووبشه" لو صاب عين الفرحان

هذا المرض العجييييب هو مرض الضحااااااااااااك

صرت كله اضحك
اي شي ينقال لي يضحك
سلام عليج يضحكني
اش فيج تضحكين يضحكني
كل شي يضحكني

امي تحفظني شو ارد على خلق الله ,,, صار يضحكني,,, هي توصي,,, وانا اطاالعها و كأني مضيعه ملامحها,,, تقولي أمي عرفتي ,,اقول لها قولي والله و هي الفقيره ترد علي والله,,, وانا السخييفه اقول لها: والله العظيم مش فاهمه شو تقووولين و اضضضضضضضضضضضضضضحك ,,, وهي تدعي: الله يديم عليج الضحك و الرزانه والهدايه,, اقول لها مايركب و اضضضحك تقولي الله يرزقج ب(فلان) ارد معصبه مايضحك,, تقولي: عرفت شو لي يسكتج


المهم
اكتشفت سبب المرض
1- اتفنكشت الخطط و كل رااح في مكب الخرابيط
2- يقول حبيبي محمد_ صلى الله عليه و سلم_:" كثرة الضحك تميت القلب",, و انا غايتي هذي أجتل قلبي لأعيش بسلام و ارفع الرااايه البيضه شرات اصدقااء طفوولتنا الفاار و القطوو
3- الفلان تقبل الوضع,,, و الغريب ابو فلان كان في صفي لدرجه اني قلت لأبويه عادي اتزوجه و سرعان ما ينتشر المرض بينناا و الجميع يضحك لدرجة السيلان لوووول الدموع مش شي ثاني ,,, احبك بو سعد
4- يمكن لأن نص سنه من القيل و القال أثرت عليه و مثل ما اثرت علي


المهم
فلان غدى ف حال سبيله,,, و انا في حال سبيلي,,, يمكن هالشي مايصير بسرعه بس المهم ان الجمييع رااح يعرف ان انتهت السالفه

اشكره: لأني بهدلته و تحمل
اشكره: لأني خليته يتأمل و يتحلم و هو صابر
اشكره: لأن ظهرني من حسبة "خطبووها لولدنا"
اشكره: لأن ابووه بوسعد إللي لولا وقفته معي ,,مدري وش راح يصير بيه
اشكره رغم اني اكره و اقول له: روح و روح ابعد بدنياااك يا متعبن قلبي "بوجودك"

اشكر صديقاتي: لأنهم استحملووني و انا كريهه و حزينه,, و الحين لانهم يرفعون من معنوياتي و يستحملون سخافاتي و ضحكااتي اللي ماتنتهي

اشكر الشعب اللبناني لتصويته ليه و لولاهم ماكنت بوصل للنهائي قصدي:
1- اللبناني اللي في وافي لأني ضحكت عليك يوم قلت : لك تكرمي لووول ضحكني انا اقول له ما اريد يقول لي لك تكرمي صدق انك مغفي لووووووول يعني ما بشتري هالشي و هو لك تكرمي لوووول ابدا كلش مش رااكب,, لو خذت الفستان شو كنت بتقووول هههههههههههه

و الثاني في فيستفال: لأنه طلع لبناني شرات راعي وافي,,, كلهم مغفيين و انا السخيفه اضحك لووول,,, حبيتها منه يقول لاختي ليكي شو بتعملي عم بتحسبي و انا لوووووووول و اختي اشوف من متصل :bash:و انا ناااقعه من الضحك هيهيهي ما عرفت تمزح مع من هذي جبريييت

اشكر أخي صحيح كنت تشجع فلان على انه يصبر,, بس شكرا لك لأنك فرحتني بطلعت يوم الجمعه,, راعي شهر العسل هههههههههه يضحك هالشي بعد

اعتذر من أمي اقول لها: يا ام فلان لو سألوني و قالوا
يا هزاايم ليش ماخذتيه ما بقولهم ما لنا نصييب,,, برد عليهم و بقول: لأني حاطه عيني على الزعيم الراس العود "ابووه" بس ماايوز لأن طلع من محارمي ف بعيش على هذا الحلم للأبد لوووووووووول


مدري ليه و انا ف هذه الفتره السعييده يتردد على بالي اغنيه عباااس ابرااهيم:k_blush-anim-cl:يقول فيها :

ادواك عندي والأظلم دايم ن البادي
والله لاوريك شئ ن مابعد شفته
ماهو في صالحك يوم تجرب عنادي
الله من ريق ماينشف ونشفته
فرقاك عادي ترى واقل من عادي
انا من الله كذا لاعفت احد عفته
ماني بمن يتبع للمقفين وينادي
ياعنك بقفي ماعيني بملتفته
طوفت لك لين شفتك حيل متمادي
والحين برد كل اللي طوفته
باخلي عقلك بوادي وقلبك بوادي
بيصادفك شئ ماقد يوم صادفته

و اشكركم لدعااوتكم: مدري حسيت صدق في ناس كانت تدعي لي,, و الله يجزييكم الخير

اقول لصديقتي اللي كانت ضحيه زواج الصلحي,, نانانا انا عندي ناااس وقفواا معايه و انتي الفقيره رحتي ضحيه,, بس يا الله انا و انتي بهوى سوى,, انتي مطلقه و انا بعاني من نفس الرمسه اللي وصلتج,, و كلنا نعين و نعاون بنت بو أحمد:a050:

[شمعة أمل]

ضحكينـا وياج :)

الحمدالله افتكيتي.. والحيـن عيشي حياتج بسلام:fa35:

[شوق القلوب]

ربي يسعدج دنيا و آخره .. :)

[هزاايم]

آمييييييييييييييييييييييي ييييييييييييييييييييييين و يبعد عني كثرة الأقاويل


بذكره لكن بذكره بخييير
بدعي له لأن نسب" ملكيته لي" لفتره مضت,, و على خير تمضي الأيام القادمه
بقول له شكرا إذ عدى يوم الجمعه على خير

و بقول له
الله يهديك ويصلح بالك,,, و يسر أمرك مع غيري,, أنا ماضيك إللي انقضى,, و انا حاضري انتهى ,, صحيح نحن أهل,, لكن بهالسوالف النصيب له دور "ايوقفك عند حدك" يا ولد الأهل



أنا متحمسه للجمعه,, رغم اني خايفه,, نظرات الناس تعودت عليها,, وكلامهم صار يضحكني,, لكن قبل كان في شي يصغرني من بينهم,, هو وجودك يا فلان,,, هالمره بكون لحااالي
و بكل فخر بوقف بصفوف المستقبلين
صحيح بسمع: " حسافه طار من بين ايديج",,,لكن في ناس بتقولي:" الله يعوض عليج" هالناس بحضنهم و البقيه الله يعينهم مني

لكن والله والله مايهمني كلامهم,, يمكن ازعل احزن عيني تدمع,,, لكن اعرف هالمره انا غييير,, راح افرح و استقبل راح اصفق و ارقص بعد لووول ,,ماعاد يهمني كلامك و لا عاد يهمني كلامهم,, أبوك و أبويه متفااهمين و لا تبلشني بأحلامك....

بردها لك حياه الكره اللي عشتها,, بردها لك يوم حسااب رب العالمين,, مش انا شراتك اوقف و اقول فلااان كذى و كذى وكذى,,, و انت مش شراتي لأني بنت و انت ولد,, عمر الولد ماينعاااب

الله يحفظأك بدنياك
و الله يحفظني من صنفك

حبتك العافيه يا فلان

[بنت الدلع]

" لنا الله .. يا خالــــــــــي من الشوق " ;)


-----------------------------------------------------kisses